بعد التقسيمة الجديدة , ممكن حد يجاوبني الناس اللي ذاكرت و تعبت طول السنة و الحمد لله ربنا وفقها في الامتحان و حلت كويس إيه ذنبها ؟؟!
انا كان عندي خطأ واحد في Find The Mistake دلوقتي مش عارف انا هنقص كام درجة
عشان مش عارف المدرس اللي هيعلملي البرجراف هيبقي وضعه إيه ؟! و حضراتكم عارفين إن الاسئلة اللي زي دي بتختلف في الرؤية من مدرس لاخر ,,
ليه اخلي الـ Choose من 4 درجات مع إنه مفيهوش غير جملة واحدة صعبة !!
شوف التوزيع الجديد ده هيأثر علي كام طالب و هيأثر اد ايه في المجاميع ؟!
--
اللي حصل في الانجليزي ممكن يحصل بعد كده في كل المواد التانية و امتحان الاحصاء مؤشر النهاردة , اقسم بالله الامتحان في قمة السهولة و إحنا زينا زي الناس مخدنهاش غير قبليها بـ إسبوعين و الطلاب عندنا في اللجان خارجين مبسوطين ..
--
حسبي الله و نعم الوكيل في الناس اللي عايزة كل حاجة سهلة و مبتقدرش تعب غيرها ..

اؤيدك الرأي .. من ليس مؤهلا لشيئ يريد الحصول على 99% او اكثر مثل كل عام! .. لنجد عشرات الآلاف حصلوا على 99 بالمائة .. الكل يتساوى "المؤهل و غير المؤهل" .. لقد ارسلت شكوى للدكتور محمود ابو النصر بذلك

اؤيدك و بشدة ده ظلم علشان يرضى ناس يضيع ناس تانية و ده امتحان ثانوية عامة لازم يفرق بين الناس لكن هما عايزين كلوا يحل اللى ذاكر و اللى مذاكرش و 10 درجات على البراجراف كتير

و نفسى اعرف سؤال القصة رقم 4 اتشال من التوزيع ليه دى درجة مضمونة للكل

و ربنا يظهر الحق و اللى فيه الخير يقدموا ربنا

شكــرا الحمد لله إن مش أنا لوحدي اللي عنده الرأي ده ,,
و فعلا غريب إنهم شالوا السؤال ده مع إن اي إجابة للطالب المفروض تتعمل صح !!

يعنى حضرتك مضايق من توزيعة الدرجات ولا من موضوع الحذف من الاصل؟

لو من توزيعة الدرجات فأنا معاك وبشدة لأنها توزيعة غبية لكن لو معترض على فكرة ان الأمتحان صعب وان لازم يتحذف منه بعض الاسئلة فأنا لااؤيدك فى ذلك ولكن متفق معاك انه لم يكن من الضرورى حذف سؤال القصة لأنه بسيط وانا غير متفق معاك فى فكرة انهم لازم يجيبوا سؤال يميز بين الطالب المتميز والطالب العادى لأن الطالب العادى ده بيذاكر وبيطلع عينه وبيحرم نفسه من النوم بس كل ذنبه ان عقليته على قده غير الطالب النابع اللى عاوز الامتحانات تيجى على مستواه هو ومش مهم باقى الطلاب حتى لو كانوا بيذاكروا

وللعلم الأمتحان لو كان بسيط عمره ماحيساوى بين الطالب اللى بيذاكر مع الطالب اللى مش بيذاكر لأن الطالب اللى مش بيذاكر مش عارف اصلا المنهج بيتكلم عن ايه فمش حيعرف يفرق الصعب من السهل

أنا كان عندي 3 اخطاء في FIND THE Mistake وخطا في القطعة التانية وكنت متضايق جدا لان كان عليهم 3 درجات و نص

دلوقتي و بعد التوزيعة الجديدة ال 3 اخطاء دول بقي عليهم درجة ونص بس لما يبقي البراجراف من عشرة ان متضايق جدا جدا لان انا حاسس ان البراجراف اللي كتبته مش حلو رغم اني كويس في البراجراف بس الخوف اللي كان مسيطر علي الواحد في اللجنة خلاه مش عارف يكتب

اعتقد ان الطالب المميز الي تعب طول السنة و ذاكر ان شاء الله حيكون كتب موضوع كويس

دا تهريج اللي مش عاجبه سؤال يروح للسيد الوزير و هو يحذفوا دي فضيحه و مهزله

بعد التقسيمة الجديدة , ممكن حد يجاوبني الناس اللي ذاكرت و تعبت طول السنة و الحمد لله ربنا وفقها في الامتحان و حلت كويس إيه ذنبها ؟؟!
انا كان عندي خطأ واحد في find the mistake دلوقتي مش عارف انا هنقص كام درجة
عشان مش عارف المدرس اللي هيعلملي البرجراف هيبقي وضعه إيه ؟! و حضراتكم عارفين إن الاسئلة اللي زي دي بتختلف في الرؤية من مدرس لاخر ,,
ليه اخلي الـ choose من 4 درجات مع إنه مفيهوش غير جملة واحدة صعبة !!
شوف التوزيع الجديد ده هيأثر علي كام طالب و هيأثر اد ايه في المجاميع ؟!
--
اللي حصل في الانجليزي ممكن يحصل بعد كده في كل المواد التانية و امتحان الاحصاء مؤشر النهاردة , اقسم بالله الامتحان في قمة السهولة و إحنا زينا زي الناس مخدنهاش غير قبليها بـ إسبوعين و الطلاب عندنا في اللجان خارجين مبسوطين ..
--
حسبي الله و نعم الوكيل في الناس اللي عايزة كل حاجة سهلة و مبتقدرش تعب غيرها ..


اتفق معك تماما ولكن الا يوجد بين هؤلاء العباقرة من يفهم ذلك ؟!!!!!!!!!!!!!!!!!!!