السلام عليكم ورحمة الله

يا رب يكون الجميع بخير وفي احسن حال

اليوم

موضوعي زي ما حضراتكم شايفين
بيتكلم على الناس المزيفين

وما اكثر هؤلاء في عصرنا الحالي


اولا تعالوا نسمع رأي baskoota
اللي هي انا يعني
في معنى كلمة انسان مزيف
وطبعا انا مستنية آرائكم ان شاء الله


من وجهة نظري ان الانسان المزيف دا عارف نفسه كويس جدا انه انسان تافه
هو مش مغرور لان المغرور مش عارف عيوبه
ولا واثق من نفسه لانه مش بيستغل قدراته انما بيحاول يخدع الناس ان عنده قدرات اخرى
انما هو حالة غريبة من البشر
بيرتدي ثوب هو ابعد ما يكون عنه

تعالوا ناخد مثال

اللي عامل نفسه محترم
ييجي يكلم اي بنت
تلاقي وشه في الارض وشويه وهيعيط من كتر الاحترام
وخد عندك بقى الالفاظ التي توحي على انه عمره ما كلم بنت
لو سمحتي-حضرتك-من فضلك
طبعا مش اي ولد يقول الكلام دا يبقى بيمثل
انما المزيف بيبالغ قوي في محاولة اظهار احترامه
مرة xمرة
الافندي المحترم يخدع البنت وتصدق انه محترم وبعد كدا يظهر على حقيقته


مثال اخر
اللي عامل نفسه متدين
تلاقيه بقى عمال يتكلم في الدين
ويضرب امثلة وهو اصلا مش عارف هو سمعها فين قبل كدا
واللي يشوفه وهو بيتكلم يحس انه قاعد مع عالم
واللي يدور على سيادته يلاقيه مش بيصلي غير في رمضان
دا لو كان بيصوم يعني


مثال ثالث
اللي عامل نفسه فاهم
يا ساتر يا رب
اهو دول بقى اكتر نوع يحرق الدم
اي حاجة تقولها تلاقيه بيتكلم فيها
الاستاذ بقى فهلوي
ودا طبعا من الناس التي لا تتحمل اي نقد او اعتراض على رأيه
وبيكون جبان جدا
ولو حصل على اي سلطة
طبعا بيستغلها استغلال شخصي


دي كانت امثلة من ضمن امثلة كتير جدا للاشخاص المزيفين
يا ترى ايه رأيكم

سبحانك اللهم وبحمدك
اشهد ان لا اله الا انت
استغفرك واتوب اليك

الشخص المزيف
هو الشخص الى قلبه مخالف لعقله
هو الشخص الى جوارحه لا تستطيع تنفيذ ما يقتنع به
هو الشخص الذى لا يظهر بحالته الطبيعية امام الجميع
هو الشخص الذى يكون له عدة وجوه
له صفات كتير جدا صراحة
شكرا على الموضوع
فى امان الله

اللي عامل نفسه محترم
اللي عامل نفسه متدين
اللي عامل نفسه فاهم
صراحه فعلا اكتر تلت امثله مشهوره
بس برده دى سعات بتبقى فى الناس بدون ما تحس بيها
يعنى ممكن يكون من اللى كدب الكدبه و صدقها غلى راى (احمد رضا )
فيعنى تلاقيه فعلا مقتنع انه جهبذ من الجهابذه بس محدش واخد باله
و انه مظلوم فى المجتمع و تبدا عقده النقص
المهم هما فعلا ليهم صفات كتير
و يارب منكنش منهم
فى رعايه الله و موضوع جميل و ليا عوده فيه

بصى
الإنسان المزيف
بيكون انسان فاشل طبعا
عامل نفسة ملك
وعامل نفسة بيفهم فى كل حاجة
ومعاه خمس ست سبع بنات
وهو ولا عارف اى حاجة فى اى حاجة فى الدنيا دى
وتلاقى كبيرة أنه يشرب سجارة بانجو
ولا يعلق موزة
ويبقى كده هو الراجل

بس عايز برضه اقول حاجة
فى ناس كده
بس برضه بتتغير ممكن تحصل ليها حاجة
مثلا زى وفاة الأب تخليه يعيش على حقيقتة
وبيتحول لإنسان صالح

ده من وجهة نظرى المتواضعة جدا جدا جدا

وشكرا جزيلا على طرحك للموضوع الأكتر روعة والهام جدا
ويحتاج للنقاش كثيرا وكثيرا

ابسط كلمة هقولها انه معندوش شخصية

جزاكم الله خير جمييييييييييييييييييييييعا للمرور والاضافات الرائعة
اتمنى سماع باقي الاراء