مشاهدة النسخة كاملة : ماريكم بكلية الالسن بعد ماكنت متحمس ظاع التحمس وناس عايزانى احول
s1s291 04-08-2008, 07:46 AM السلام عليكم ورحمة الله وبركاتة
ماريكم بكلية الالسن بعد ماكنت متحمس ظاع التحمس وناس عايزانى احول ونظرا لانى بعيد عن الكلية يعنى حوالى 3 ساعات مواصلات ناس نصحونى بالتحويل لعلوم وقالوا لى كلة ذى بعضة ارجو النصيحة منكم مع العلم انى تم ترشيحى لكلية السن عين شمس رجاء الرد لانى محتار
Dr. akram 04-08-2008, 09:05 AM اولا انت ساكن فين؟؟؟؟؟
و بعدين الالسن ككلية ممتازة و بها اقسام لا حصر لها و جميلة و انا عمى استاذ فيها و رحتها بالامارة هى ادام تجارة بينهم شارع واحد و صيدلة وراها بشوية المهم مش بعدك عناه المهم حبك ليها
انا ساكن فى مدينة الشروق يعنى اقرب كلية ليا و هى عين شمس ما بينى و بينها ح3 ساعات و نص و مع ذلك صممت على صيدلة عين شمس و جتلى الحمد لله ما دام انا بعيد بقى ما اخشهاش و اضيع احلامى طب ما انا لازقة فيا اكاديمية الشروق و اكاديمية المستقبل و معهد العبور العالى اروح لهم بقى عشان قريبين منى و لا ايه ؟؟؟؟؟؟؟؟
يا ريت تكون فهمت قصدى
s1s291 04-08-2008, 09:11 AM شكرا لك انا من المنوفية
زبادو 04-08-2008, 02:50 PM لو لقيت نفسك كويس فيها يبقى متهتمش لكلام الناس وبص لمستقبلك اهم حاجة انا دخلت تجارة انجليزى لقيت اغلبيتهم بيقولولى ايه تجارة انجليزى دى بس مدام انا مقتنعة بيها وحبها يبقى متهتمش لراي حد ده مستقبلك انت ومش مستقبلهم بعيدة او قريبة مدام حبيبها هتعرف تتصرف
hoky70 11-08-2008, 12:30 PM صلي صلاة استخارة وربنا يوفقك
sweet_angel 11-08-2008, 04:19 PM انا السن عين شمس ومن المنوفية بس فرحانة جدا
sweet_angel 11-08-2008, 04:23 PM :lol:انا السن عين شمس ومن المنوفية بس فرحانة جدا
كمبرى 12-08-2008, 12:34 PM انا كمان الالسن عين شمس هى مجالتها حلوة بالشغل ودراستها جميلة وده يعتمد على حبك للغة
LA STELLA 15-08-2008, 12:15 AM بتقول مواصلات 3 ساعات بس دا عشان انت فى المنوفية وفى جامعة عين شمس
دا طبيعى
بس ارحم من اللى مواصلاتهم ساعتين ونص واسمهم فى نفس المحافظة بردو
ممكن تقعد فى السكن الجامعى ليك الحق لانك مش من القاهرة الكبرى
دا لو المواصلات السبب
======
عن نفسى مش كتبت علوم اصلا فى الرغبات بصراحة
واللغات شىء جميل جدا جدا
صلى صلاة استخارة
واستشير اهلك واقعد معاهم قعدة احسبها من جميع النواحى
وربنا يهديك للى فيه الخير ان شاء الله
:)
vampire1188 15-08-2008, 12:37 AM من المنوفية واترشحت لألسن عين شمس .. وعايزينك تخش علوم المنوفية ؟!
بقولك ايه يابن الناس .. اتكل على الله وخش السن وسيبك من الهجص دا !
وبعدين زي ماقالت hkk-happy .. ليك الحق انك تقعد في المدينة الجامعية ..
بس دا ان قدرت تستحملها بقي ..
وربنا معاك
vampire1188 15-08-2008, 12:38 AM واه قبل مانسي .. لو دخلت يعني بالصدفة في الموضوع تاني ولاقيت ردي ..
ياريت تبقي تقولي انتا منين من المنوفية ..
كمبرى 22-08-2008, 08:44 AM السن مجلتها حلوة لكن علوم ياعم فى البلد دى انسى كلمة علوم خالص
s1s291 24-08-2008, 08:52 AM انا من تلا - ميت ابو الكوم وانت ؟؟؟؟
emotion2022 29-08-2008, 06:40 PM انا جالي السن عين شمس برضه وهي كلية جميلة جدااااااااااا ومجالتها واسعة ومادام حابب الكلية نفسها وحابب مجال اللغات نفسه يبقي مالكش دعوة بكلام حد ده مستقبل ومحدش يقدر يتحكم فيه ومش هتفرق 3 ساعات من اقل المهم تبص في الاخر هتبقي خريج ايه وشهادتك هتبقي ايه
LA STELLA 30-08-2008, 02:36 PM ومش هتفرق 3 ساعات
طب ما يقعد فى السكن الجامعى لجامعة عين شمس ارحم طالما حقه !!!
اللى عرفته من طلبة سابقينا فى الدراسة وفى جامعة عين شمس
ان السكن الجامعى بتاعها من ارقى المدن الجامعية
،،
معرفش بقى ايه النظام
بالتوفيق ان شاء الله
halem 14-09-2008, 02:42 PM مشكورررررررررررررررررررررررر و متحوليش دى مستقبلك
mohamed adel 14-09-2008, 02:57 PM هو ايه دى الى مشكورررر
ايمان بهجت 20-09-2008, 04:55 PM طيب لما انت من المنوفيه ماسالتش على سكن فى المدينه انا برضه السن عين شمس وبعيده عنى ساعتين بس انا متحمسه وكمان مستقبلها كويس جدا للى هيزاكر كويس ده مستقبلك ماتسمعش لحد واستخير ربنا قبل اى حاجه
mony mansoura 29-09-2008, 01:30 PM لا بصراحه السن جمييييييييييييييلة ودراسه اللغات شئ جميل اوى اوى لو حابب اللغة يبقي السن احسن ومستقبلها حلو وربنا يوفقك
ahmadatef 01-10-2008, 01:53 AM منى أنا من ألسن عين شمس لوأنت من المنصوره ومن نفس الكليه ممكن نتعرف
أحمد
ashraf abdo 06-10-2008, 01:50 PM كلية السن جميلة وممكن تحصل علي وظيفة ممتازة
محمد ابوسنه 17-10-2008, 03:02 PM كلية الالسن افضل كلية لدراسة اللغات طبعا
وسيبك من موضوع المواصلات ده لان بعد كده ان شاء الله هتتعود عليه (( انا من المنوفية ومن اشمون بالتحديد برده وكنت بدرس فى اداب عين شمس )) وربنا يوفقك يا مان
|