أعلن الدكتور أحمد فرحات، رئيس قطاع التعليم بوزارة التعليم العالى، والمشرف على تنسيق القبول بالجامعات، البدء فى اختبارات لطلاب الثانوية العامة للالتحاق بالكليات 5 يوليو المقبل، وذلك بكليات "التربية الرياضية، الموسيقية، والتربية الفنية، والنوعية شعبة تربية فنية وتربية موسيقية، والفنون التطبيقية، والتربية شعبة فنية، وشعبة تربية موسيقية، وكلية الفنون الجميلة فنون وعمارة، وكلية السياحة والفنادق".

وقال رئيس قطاع التعليم، إن تحديد مواعيد التنسيق الخاصة بطلاب الشهادات الفنية، والشهادات المعادلة العربية، والأجنبية، والأماكن المخصصة لأداء اختبار القدرات باشتراط حداثة المؤهل، معلنا عن فتح باب التنسيق مرة أخرى خلال المرحلة الثانية، للكليات التى لم تستكمل الأعداد المطلوبة لها، مشيرا إلى أنه تم وضع مقترح جديد لمعاهد التمريض الفنية، ودبلوم المعاهد الصحية، وهو فى حالة عدم اجتياز الطالب اختبار القدرات بالكلية المرشح إليها، سوف يتم تطبيق قرارى المجلس الأعلى للجامعات بإتاحة التكليف داخل المستشفيات الجامعية، وفرصة التقدم للحصول على دبلوم الفنى التخصصى والمعادل للبكالوريوس التقنى بالمجلس الأعلى.
ودى مواعيد التقديم وسحب الاستمارة علما بان الامتحان بيكون بعد ما بتسحب الاستمارة ابتداء من يوم 5 يوليو وبتوديها فنون جميلة او تطبيقية وبتحدد ميعاد امتحانك امتى بالظبط

نظام امتحانات القدرات لفنون جميلة وتطبيقية(اعرف كل المعلومات) اضغط هنا (http://www.thanwya.com/vb/showthread.php?t=375910)

المواد الدراسية فى كلية فنون جميلة اضغط هنا (http://www.thanwya.com/vb/showthread.php?t=444596)

أنا ف ثالثه ثانوى علمى علوم السنه دى و بفكر ف فنون ،،،، كنت عاوز اعرف من حضرتك آيه أفضل مجموع لفنون جميله القاهرة ،،،، و ينفع ادخل عماره او ديكور ولا ديكور بس ؟؟؟؟

أنا ف ثالثه ثانوى علمى علوم السنه دى و بفكر ف فنون ،،،، كنت عاوز اعرف من حضرتك آيه أفضل مجموع لفنون جميله القاهرة ،،،، و ينفع ادخل عماره او ديكور ولا ديكور بس ؟؟؟؟

المجموع السنة دى منقدرش نقوله خصوصا لان توزيع الدرجات اختلف والعدد اختلف والامتحانات اختلفت وكم المواد كمان :)
ف صعب جدا نتوقع بعكس السنين اللى فاتت كان سهل نتوقع :)
عمارة للاسف بتقبل علمى رياضة بس :) لكن ممكن تدخل ديكور او تدخله من تطبيقية

طب هو انا قى 3 ثانوى نظام جديد و عاوزة ادخل فنون تطبيقية بس مكتبتش فى الاستمارة فى اول السنة انى هختار فنون زى السنين اللى فاتت ما كانوا بيعملوا
كدة انا مش هقدر ادخل امتحان القدرات ؟ ولا النطام مختلف السنة دى ؟ :))

طب هو انا قى 3 ثانوى نظام جديد و عاوزة ادخل فنون تطبيقية بس مكتبتش فى الاستمارة فى اول السنة انى هختار فنون زى السنين اللى فاتت ما كانوا بيعملوا
كدة انا مش هقدر ادخل امتحان القدرات ؟ ولا النطام مختلف السنة دى ؟ :))

بصى يا نهى الكلام دة كان فى التمانينات :d
امتحان القدرات دلوقتى ملوش دعوة بالمدرسة نهائيا
انتى بتستنى ليوم 5 يوليو وبتسحبى استمارة من المدينة الجامعية وتوديها فنون جميلة وتدفعى مصاريف فى حدود 200 جنيه وبتمتحنى لما تحددى ميعاد :)
لسه اصلا التقديم مفتحش
تحت امرك فى اى وقت :)

طيب وقدرات عمارة لكلية هندسة برضه فى نفس المعاد ؟؟

طب هو مثلا متوقع تقريبا التنسيق لفنون جميلة جرافيك لادبى هيعلى او هيقل
بالتقريب يعنى انا عارفه ان كل حاجه السنه دى مختلفه بس يعنى نقدر نقول تقريبا هتاخد من ادبى كام؟ :)

و لو هاخد الكورس فى الكلية هتبقى ايه الاجراءات بعد ما اروح يوم 5 اسحب الاستمارة؟ و ايه المطلوب اجيبه معايا و كدا؟ والكورس هيبدأ امتى؟

حسب مؤشر الدرجات ممكن اجيب 89 % علمى رياضة ... دا ينفع وادخل امتحان قدرات ... ولا .... بلاش اقدم قدرات ...

طيب هو التنسيق بتاع السنة اللى فاتت بالنسبة لعلمى رياضة و عايز يدخل فنون كان كام

طيب وقدرات عمارة لكلية هندسة برضه فى نفس المعاد ؟؟

المواعيد تختلف

طب هو مثلا متوقع تقريبا التنسيق لفنون جميلة جرافيك لادبى هيعلى او هيقل
بالتقريب يعنى انا عارفه ان كل حاجه السنه دى مختلفه بس يعنى نقدر نقول تقريبا هتاخد من ادبى كام؟ :)

هيقل طبعا :) 84 83

و لو هاخد الكورس فى الكلية هتبقى ايه الاجراءات بعد ما اروح يوم 5 اسحب الاستمارة؟ و ايه المطلوب اجيبه معايا و كدا؟ والكورس هيبدأ امتى؟

كورس الكلية حصتين ب300 بعتلك رسالة خاصة
فيه توبيك فيه كل التفاصيل فى المنتدى ونظام اختبار القدرات
هتبدا يوم 2 يوليو

حسب مؤشر الدرجات ممكن اجيب 89 % علمى رياضة ... دا ينفع وادخل امتحان قدرات ... ولا .... بلاش اقدم قدرات ...

ممكن التنسيق يقل ودة احتمال كبير اوى

طيب هو التنسيق بتاع السنة اللى فاتت بالنسبة لعلمى رياضة و عايز يدخل فنون كان كام

92 :) ع الاقل بس هيقل السنة دى باذن الله

ممكن اعرف بالنسبة للشهادات المعادلة اتحدد الميعاد ؟؟ وسحب الاستمارة والاختبار هيبقى فين ؟؟

شكرا

ممكن اعرف بالنسبة للشهادات المعادلة اتحدد الميعاد ؟؟ وسحب الاستمارة والاختبار هيبقى فين ؟؟
شكرا

المواعيد بعد الثانوية العامة مباشرة وهنقول كل حاجة
فيه تفاصيل هنا http://www.thanwya.com/vb/showthread.php?p=5917346#post5917346

كورس الكلية حصتين ب300 بعتلك رسالة خاصة
فيه توبيك فيه كل التفاصيل فى المنتدى ونظام اختبار القدرات
هتبدا يوم 2 يوليو

اه شوفتها شكرا :) ،، طب و معاد كورس الكلية نفسه امتى؟ :)

اه شوفتها شكرا :) ،، طب و معاد كورس الكلية نفسه امتى؟ :)

الكلية يوم 2 يوليو :)
التقديم فيها من دلوقتى شغال

الكلية يوم 2 يوليو :)
التقديم فيها من دلوقتى شغال

يعنى انا اروح يوم الاربع الكليه احضر الكورس وادفع فلوسه على طول و لا اعمل ايه؟

يعنى انا اروح يوم الاربع الكليه احضر الكورس وادفع فلوسه على طول و لا اعمل ايه؟

اها يا اما تشوفى البتاع اللى قولتلك عليه :d احسن

ميرسي يا مستر بهاء علي مجهودات حضرتك
ممكن اعرف ازاي اقدم في امتحان القدرات و ايه المطلوب اعمله بالظبط؟؟
انا عرفت ان الامتحان يوم 5-7 و مش عارفه اي حاجه تانيه؟؟

أنا عايز أخد بتاعة عمارة ,, اروح امتى بالظبط وفين !

ممكن لو سمحتوا اسم ومكان سنتر اخد فيه كورس لفنون جميله وفنون تطبيقيه

شكراااااااااااااااا

اها يا اما تشوفى البتاع اللى قولتلك عليه :d احسن

اه ما انا روحت بتاع الكلية امبارح و انهارده و هروح بكره برده و هحضر التانى ابتداء من يوم الحد ان شاء الله :d

طيب حضرتك انا بعرف ارسم و كده ،،،، المفرود اعتمد ع خبرتى ف الرسم عادى ولا لازم كورس ؟؟؟

طيب انا كنت عايزة اعرف الكورسات اللي بتتاخد في كلية فنون جميلة نفسها
خلصت ولا لسه
والمفروض سعرها كام

انا من الجيزة وعايز ادخل جامعة اسكندرية

سحب الاستمارة هيستمر كام يوم

ارجو الرد

طب لو سمحت
انا فى اولى اداب اجتماع انتساب القاهره
و طالع تانيه بس عايز احول
لكليه التربيه الموسيقيه بالزمالك
ممكن حد يقولى هعمل ايه بالظبط و هروح فين و اجى منين و ايه الاوراق المطلوبه و كده

بسرعه لو سمحتوا عشان خلاص اختبارات القدرات بدأت

سحب الاستمارة هيستمر كام يوم

ارجو الرد

لحد يوم 17

أو سمحت حرف "د" كان آخر ميعاد انهاردة ومسحبتش استمارة.. هو ممكن اسحب بكرة ولا فيه مواعيد للمتخلفين عن دورهم في السحب.. ولا السحب أصبح دون التقيد بحروف.. أرجو الرد

انا قريت انهم هيفتحوا اخبتارات القدرات يوم 8/12 تانى
هيا فنون جميلة و تطبقيه ليها اختبارات تانية ولا لاء

يا جماعه هل هيتفتح باب الاختبارات تانى و لا لأ؟ و لو هيتفتح، سحب الاستمارات منين؟

يا جماعه هل هيتفتح باب الاختبارات تانى و لا لأ؟ و لو هيتفتح، سحب الاستمارات منين؟


للاسف فتحت تربية فنية ونوعية بس لحد بكرة اخر يوم