ارجو المساعده [الأرشيف] - بوابة الثانوية العامة المصرية

مشاهدة النسخة كاملة : ارجو المساعده

محمود با

24-06-2014, 05:17 AM

لو سمحتم ايه هى الافضل فى الجامعات الخاصه حاسبات ومعلومات زى اللى فى اكتوبر وفى جامعة مصر
وهل ليهم مستقبل ؟
وايه الاقسام المتاحه هناك ؟
وهل لازم ان الواحد علشان يدخل الكليه وينجح فيها يكون يعرف عن البرمجه ويكون واخد كورسات ولا ممكن يكفى انه يكون الكمبيوتر بالنساله زى تسالى ولكن هيجتهد فى الكليه ؟
وايه هو c++ ?
وهل ضرورى يتاخد قبل الدراسه ؟ وبيتاخد فين ؟

محمود با

26-06-2014, 01:27 AM

يا جماعه ضرورى حد يرد
وياريت كمان توضيح حاسبات ومعلومات افضل ولا تجاره انجليزى وليه ؟

Eng.Mo'men

28-06-2014, 08:17 PM

افضل 3 معاهد حاسبات
1-الشروق.
2-العاشر.
3-العبور.

وبالنسبة للجامعات كويسة كلها .. بس خليك فى المعاهد احسن لانها متصنفة وبمجموع ومصاريفها حنينة شوية ونفس الشهادة .... لا طبعا حاسبات افضل من تجارة او تجارة انجلش وبرده على حسب ميولك وحبك ..
دا لينك حاسبات الشروق

http://www.elshoroukacademy.edu.eg/HICIT/CsOverview.aspx

لالالا مش ضروروي تبقا فت فى المجال وممكن تدخل الكلية ومش تبقا عارف تفتح الجهاز وتتخرج منها برده لان المواد علمية بحت مش هتختبرك يعني فى كل حاجة وانت جوة الكلية هتتعلم بس طبعا مش هتاخد اللى يفيدك اوي .. اما تتخرج هتاخد كل الكورسات بتاعة الشغل وهتظبط نفسك وتظبط السي في وتشتغل ان شاء الله .. وممكن تاخد الكورسات اثناء الدراسة ودا يكون افضل بكتييييييييييير

C++ دي لغة برمجة .. اي حاجة فى الدنيا ليها برمجة .. والبرمجة انواع من ضمنها برمجة الحاسب الآلي ودا جزء من مجال حاسبات ومعلومات بجانب قواعد البيانات والشغل على نظم الشبكات ومراقبة الاجهزة وعمل الموقع برده يندرج تحت البرمجة لانه بيسمى تطويرالمواقع اي برمجة المواقع .. لغة البرمجة دي مجموعة من الاوامر هتكتبها بمنطق معين وبترتيب معين عشان يطلعلك برنامج مرتب ويعملك وظيفة محددة بدل ما كل مرة تتعب نفسك وتحسب وتجمع مثلا البرنامج هيحسبلك على طول لأنك مبرمجه على اوامر معينة تلبى كل احتياجاتك .. لغات البرمجة بتختلف فى اسلوبها وكتابتها بس انما اللوجيك "المنطق" والتفكير كله واحد .. يعني لو انت خريج خاسبات ومعاك C++ وفاهم لوجيك برنامج الحسابات بتاع سوبر ماركت هتعمله بلغة الجافا وهيبقا هو هو مش فارق خالص .. اي لغة تلبي الغرض وكل اللغات نفس المنطق

لا مش لازم تاخد C++ قبل الدراسة بس بيفضل عشان تبقا ممهد لنفسك شوية ولو انت عاوز تزاكرها زاكرها مع نفسك من على النت .. ;)

محمود با

02-07-2014, 03:18 AM

طيب يا بشمهندس 67 % علمى رياضه ,, هل فى امل الحق هندسه او حاسبات او تجاره انجليزى ؟ وفين فى الخاص ؟
وايه رأيك فى حسابات اكتوبر وجامعة مصر ؟

محمود با

02-07-2014, 04:04 AM

ثانيا
ايه اكتر قسم فى حاسبات يخلى المجال كتير اللى مممكن اشتغل فيه ؟

ومفروض اقدم امتى ؟ وهل مستحيل الاقى مكان ؟ ,,

Eng.Mo'men

02-07-2014, 05:40 PM

فيه امل ضعيف هتلاقي بس على حسب التنسيق .. كويسين .. قسم علوم حاسب لأنه الاشمل بس مش تقلق كله داخل فى كله وكله تقدر تشتغل بيه ومش شرط تشتغل بالقسم اللى اتخرجت منه .. التقديم فى الكلية بعد ظهور التنسيق لا مش مستحيل ان شاء الله تلاقي

محمود با

03-07-2014, 12:49 AM

طيب فين بالمجموع ده الحق فى حاسبات لو مالحقتش فى اكتوبر او جامعة مصر ؟
وماعندكشى فكره ايه اقسامها فى جامعة اكتوبر ؟
وفى رأيك كام فى الميه الامل انى الحق حاسبات ؟وومكن اكتر يبقا فين ؟
ثانيا فى ناس من حيث البدائل بتقول ان نقابة المهندسين السنه اللى فاتت طلبت بأرتفاع مجاميع الحد الادنى لهندسه خاص واصبح الحد الادنى مرتفع وغير السنين اللى فاتت فعلا ؟؟ وهل دا معناه ان هندسه ليا مستحيل زى ما اتقالى ؟

ثالثا هل ضرورى تسطيب مع برنامج فيجوال ستديو ميكروسوفت برنامج الجافا ؟

وياريت البيدج بتاعك على الفيس علشان التواصل السريع

محمود با

03-07-2014, 12:53 AM

وهل الواحد هيحتاج دروس عند الدكاتره فى حاسبات ؟
وايه اللى يخلنى اتفوق في حاسبات ؟

محمود با

08-07-2014, 03:04 AM

فياانك يا بشمهندس
وياريت كمات توضحلى
ايه المطلوب للتفوق فى حاسبات ومعلومات ؟ وهل المتفوق فى حاسبات لكن خريج جامعه خاصه بيكونلوا نفس المميزات المتاحه لخريج الجامعه الحكوميه ؟
ومبنى على ايه ان حاسبات ومعلومات افضل من تجاره انجليزى ؟

EhabAmmar

11-07-2014, 04:04 AM

Eng.Mo'men

11-07-2014, 04:47 PM

ممكن حضرتك تكلمني على رقمي 01090108021

محمود با

11-07-2014, 04:49 PM

يا بشمهندس ... هتلقى عندك جامعة مصر الدوليه ... اخدت السنه اللى فاتت من 61% مرحله تالته و كانت مرحله اولى 66% ... و تقريباً هتبقى فى نفس الرنج ده السنه دى و مش تقليل .....
اما بالنسبه للسى بلص بلص ... دى اول لغة برمجه تقدر تهيئك انك تعرف تكتب كود ازاى و تعرف تتعمل مع باقى اللغات ازاى و يعتبر كل لغات البرمجه متقاربه من بعض فى syntax .... الاساسيات ... اما بتختلف فى معظم المكتبات و طرق الادخال و الاخراج ...... بس اكيد لازم تعرفها بس مش شرط اول ترم لآنك اول ترم بتاخد مقدمات بسيطه كدا عن الكمبيوتر كمثلاً زى icdl كدا حاجات مبسيطه جداً مش مستاهله و انت لو ذاكرت فى الكليه ممكن تعدى من غير ما تاخد كورسات عادى .... بس بتاخد كورسات عشان تبقى مؤهل للشغل مش اكتر و تبقى عارف هتشتغل ازاى و فين و هيبقى شغلك شكله ايه

جامعة مصر الدوليه مفيهاش حاسبات ولكن فيها كلية تكنولوجيا المعلومات ولا هى هى ؟
,
ثانيا هى مصارفها كام وايه البدائل اللى تناسبنى من حيث الجامعات والمعاهد اللى الحق فيها حاسبات ؟
ثالثا
هل حاسبات افضل ولاتجاره انجليزى من حيث فرص العمل والمرتبات ؟
وهل التفوق فيها صعب ولا لا وايه العوامل اللى تساعد على كدا ؟

محمود با

11-07-2014, 04:58 PM

وبعدين هو الواحد فعلا ممكن يشتغل وهو بيدرس
وبيكون فين
وهل فعلا بيكون من غير اجر ولكن من اجل الخبره
وهل تقديركم ان فى امل الحق حاسبات ولا لا ؟.

EhabAmmar

13-07-2014, 11:08 AM

تشتغل و انت بتدرس .... ده لو انت فهمت برمجه كويس ... و اخدت كورسات .. فهمت الدنيا ماشيه ازاى .... بس عمرى ما هتجيب فلوس الا اذا طلعت منتج و على حسب شغلك بتتحاسب .... ملكش مرتب ثابت على حسب شغلك هتاخد فلوسك ........................ و مصر الدوليه كويسه مش ضعيفه بس كل الحكايه ان تبقى ضمن المجال بس مش اكتر ... و شهاده الجامعة بتفرق عن المعهد .... ده كل النظريه بتعتى

محمود با

13-07-2014, 01:04 PM

جامعة مصر الدوليه مفيهاش حاسبات ولكن فيها كلية تكنولوجيا المعلومات ولا هى هى ؟
و هى مصارفها كام ؟ وايه البدائل اللى تناسبنى من حيث الجامعات اللى فيها حاسبات
يعنى هل ينفع اقدم فى جامعة اكتوبر او جامعة مصر ؟ على العلم اكتوبر حاليا بتاخد من 80 ومصر من حاجه و سبعين ,
و
هل حاسبات افضل ولاتجاره انجليزى من حيث فرص العمل والمرتبات ؟
وهل التفوق فيها صعب ولا لا وايه العوامل اللى تساعد على كدا ؟

رجاء التوضيح ومعلش تعبتكم معايا

EhabAmmar

13-07-2014, 03:04 PM

ابوس على ايدك اسأل سؤال واحد بس و بعد كدا ابقى اسأل تانى ههههههههههههههه
بالنسبه لتجاره انجليش كويسه جداً بس مش فى مصر خارج مصر .... و فرص العمل كويسه جداً ..... بس لازم تكون مظبط نفسك يعنى مش شهاده بس تكون بتعرف تشتغل فعلاً
مفيش حاجه اسمها صعب فى التفوق انت اللى بتعمل الحاجه دى انت لو عوز تتفوق بتتفوق مش عوز .... يعنى دى انت اللى بتخلقها عشان كدا مفيش حاجه صعبه

EhabAmmar

13-07-2014, 03:06 PM

محمود با

13-07-2014, 04:19 PM

اولاً تنسيق الكليات هينزل بعد نتيجه الثانويه العامه ... و بالنسبه للمصروفات دى معرفش فيها بصراحه لآن دى بتبقى تبع الكليه يعنى ممكن ترفع و ممكن تنزل على حسب الكليه و الادارة الماليه فى الكليه ماشيه ازاى يعنى دول حاجتين مينفش الواحد يفتى فيهم ....
بالنسبه لتكنولوجيا معلومات بتدرس برمجه بردوا يعنى داخل المجال و قويه كمان يعنى مش تستهتر فيها عشان صعبه مش سهله ......... بس اهم حاجه تكون انت حابب المجال مش اكتر

أعلن مجلس الجامعات الخاصة والأهلية بدء التقديم للجامعات الخاصة، السبت المقبل بحد أدنى للتقديم "وليس للقبول" 95% بكليات الطب، و 85% للصيدلة وطب الأسنان والعلاج الطبيعى، و80 % للهندسة وعلوم الحاسب 75% .

كما أعلن المجلس، فى اجتماعه الذى عقد اليوم، الحد الأدنى للتقديم بباقى كليات العلمية عدا التمريض 70% والكليات النظرية 70% والتمريض 55%، والطلاب غير المصريين فيما عدا طلاب الدول التى طلبت معاملة ابنائها معاملة الطلاب المصريين "السعودية،والبحرين" فيكون على النحو التالى :الكليات العملية 65% والكليات النظرية 55% .

هل الخبر ده معناه ان مش هينفع ادخل حاسبات ؟
وياريت بقا تحط صفحة الفيس بتاعتك

محمود با

17-07-2014, 10:43 PM

وبعيدين هكون فى انهى مرحله فى التنسيق ؟

Eng.Mo'men

21-07-2014, 07:16 AM

انت اسئلتك كتيرة اوي
تقدر تبعتلي اضافة عالفيس وتكلمني واحدة واحدة او تكلمني على الموبايل 01227105457

https://www.facebook.com/Momen1993?ref=tn_tnmn

EhabAmmar

22-07-2014, 01:59 AM

البشمهندس جبلك من الاخر و ابقى قبلنى لو لقيته :d كان غيرك اشطر :d ههههههههههههههه فهمنى طبعاً يا هندسه

محمود با

25-07-2014, 06:16 AM

يا بشمهندس ... هتلقى عندك جامعة مصر الدوليه ... اخدت السنه اللى فاتت من 61% مرحله تالته و كانت مرحله اولى 66% ... و تقريباً هتبقى فى نفس الرنج ده السنه دى و مش تقليل .....
اما بالنسبه للسى بلص بلص ... دى اول لغة برمجه تقدر تهيئك انك تعرف تكتب كود ازاى و تعرف تتعمل مع باقى اللغات ازاى و يعتبر كل لغات البرمجه متقاربه من بعض فى syntax .... الاساسيات ... اما بتختلف فى معظم المكتبات و طرق الادخال و الاخراج ...... بس اكيد لازم تعرفها بس مش شرط اول ترم لآنك اول ترم بتاخد مقدمات بسيطه كدا عن الكمبيوتر كمثلاً زى ICDL كدا حاجات مبسيطه جداً مش مستاهله و انت لو ذاكرت فى الكليه ممكن تعدى من غير ما تاخد كورسات عادى .... بس بتاخد كورسات عشان تبقى مؤهل للشغل مش اكتر و تبقى عارف هتشتغل ازاى و فين و هيبقى شغلك شكله ايه

كل الكليات الخاصه واخده من حاجه وسبعين
ايه الحل وهل خلاص مفيش امل ادخل علوم حاسب ؟
وياريت يا بشمهندس Ehab
صفحتك على الفيس ؟

EhabAmmar

25-07-2014, 05:36 PM

كل الكليات الخاصه واخده من حاجه وسبعين
ايه الحل وهل خلاص مفيش امل ادخل علوم حاسب ؟
وياريت يا بشمهندس Ehab
صفحتك على الفيس ؟

مفيش حاجه اسمها مفيش امل ... و مفيش مستحيل طول ما انت مع حاسبات .........
اتفضل
https://www.facebook.com/EngEhabAmmar
منتظرك

Eng.Mo'men

31-07-2014, 05:24 AM

مفيش حاجه اسمها مفيش امل ... و مفيش مستحيل طول ما انت مع حاسبات .........
اتفضل
https://www.facebook.com/engehabammar
منتظرك

ههههههههههههههههههه حاسس بيك والمصحف :d