يوم من أيام زمان ^_^ [الأرشيف] - بوابة الثانوية العامة المصرية

LoOoLy El Treikawya

27-06-2014, 10:07 PM

http://www.samysoft.net/fmm/fimnew/slambasmla/asdasa5.gif

ازيكم يا جماعة :022yb4:

كل سنة وانتو طيبييييييين رمضان يوم الأحد خلاص :av4056bb7jp3:
يا ريت تكونو استعديتو للشهر الكريم :)

اممممم أنا مش عارفة أبدأ منين جوايا كلام كتير :bosyht9:

نبدأ باسم التوبيك " يوم من أيام زمان "

الحكاية وما فيها إنه كان فيه مجموعة من البشريين :d كانوا بيدخلوا هذا المنتدى

وصدف ان جمعهم الوقت والمكان

في فترة 2011 و 2012 وما حولهما :rolleyes:

وأنا كنت واحدة من هذه الكائنات البشرية :p

كنا مجموعة رائعة أو إخوات أو مثلا أسرة مع بعضشينا :p :d

وكنا بنشارك كل حاجة مع بعض الجد والهزار :039uw8:
والعلم والكورة والحاجات الوطنية والمسابقات والنقاشات حتى الخناقات ^_^

كنا عاقلين أوي مجانين ملتزمين مشاغبين في نفس ذات اللحظة :d

وكانت بجد أيام جميلة إتشاركنا حتى إحتفالاتنا بنجاحنا وأعياد ميلادنا :wub:

وعلى أيامنا المنتدى كان مختلف فعلا ( تحسوا إن تيتة بتتكلم :d )

ومع إنشغالات الحياة والطبيعة الدنيوية كل واحد فينا انشغل ومبقناش بندخل :(

بس ذكريات المكان دا فضلت معايا ومنستهاش

وإذ فجأة ألاقي المنتدى وحشني وعاوزة ادخل ابص بصة :ph34r:
واتفرج على الايموشنات :d :d

ولقيت إن مش انا بس اللي وحشني لمة زمان

كل ماكلم بنت من اللي كانو بيدخلو معانا الاقيها بتقول يا ريت الأيام دي ترجع تاني

ومن هنا جاءت الفكرة واللي اضاءتها ف رأسي حبيبة اللي هي Heart beats صديقتي الصدوقة ورفيقتي الرفوقة :friendsxs3: :d

إننا نعمل يوم من ايام زمان

نحاول نجمع فيه البنات اللي كانت بتدخل المنتدى تاني

وكل اللي نقدر نتواصل معاهم

ونعمل حفلة بقى وزيطة :av4056bb7jp3::av4056bb7jp3: ونستعيد ذكريات زمان

وكمان هنستقبل رمضان سويا :cool:

بس بقى عشان انا كدا طولت ورغيت كتير

أنا مش هقول أسماء الناس اللي قدرنا نتواصل معاهم
هسيبها كل واحد يعلن عن نفسه عشان تبقى مفاجأة حلوة بقى وكدا :d ;)

بس حابة أكلم عن الناس اللي مقدرناس نتواصل معاهم للأسف

وتحت بند "الغائب الحاضر "

هنذكر شوية أسماء على سبيل المثال وليس على سبيل الحصر

- أستاذ طاهر اللي هو T!to او عابر سبيل سابقا او Tahertaher سابقا للسابقا :p

طبعا الكل عارفه ;)

كان مشرف ركن الأسرة

قدم كتير للمنتدى وكلنا استفدنا من مشاركاته

دا غير انه كان اهلاوي بقى يعني احسن ناس :p :022yb4:

وكان يكتب شعر كمان ومن أشهر قصائده اللي كتبها لمامته :d

ـــــــــــــــــــــــــــــــــــــــــــــــــ

- سمر سعد و سمر love your life :friendsxs3:

السمرين الجميلتين

أحلى بنتين

كانو شاغلين المنتدى كله بيهم

نشيطتان ورائعتان
ــــــــــــــــــــــــــــــــــــــــــــــــ

- سلمى Hopeful Girl

كان نفسي لما ادخل الاقيها واسلم عليها

بجد بنت عسووولة اوي ووحشتنــــــــــــــي

ـــــــــــــــــــــــــــــــــــــــــــــــ

- صوت العقل

من اول الناس اللي بحثت عنهم لما دخلت المنتدى

كان نفسي تكون موجودة

قدمت كتير للمنتدى وبنت قمة في الاحترام

يا ريت ترجع تاني

ــــــــــــــــــــــــــــــــــــــــــــــــــ ــــ

- Zozza love
عزة كلنا عارفنها وحشتني اوي وكان نفسي اقدر اتواصل معاها

ــــــــــــــــــــــــــــــــــــــــــــــــــ ـــ

- Lovely girl
أمييييييييييرة
برنسيسة قسم الاهليB) اسمها اميرة وفعلا اميرة :av4056bb7jp3:

ــــــــــــــــــــــــــــــــــــــــــــــــــ ـــ

- مايةCOLOR] , naira1 )"] وبنات كتير وحشوني بجد وأحب اني اذكر اسماءهم

ــــــــــــــــــــــــــــــــــــــــــــــــــ ـــ

- Mohamed helmy

طبعا الكل عارفه

المصمم الشهير

والفنان الكبير

ــــــــــــــــــــــــــــــــــــــــــــــــــ ــ

- صوت الأمة

الأستاذ أسامة

كان أخ لينا كلنا ربنا يوفقه ويكرمه

ــــــــــــــــــــــــــــــــــــــــــــــــــ ــ

- Usernamo

أستاذ أمجد كان من انشط الاعضاء ربنا يوفقه

ــــــــــــــــــــــــــــــــــــــــــــــــــ ــ

-[COLOR="blue"] عاشق البلانكو الابيض

مع انه زملكاوي :blush: بس كان عضو اساسي بردو :d

ــــــــــــــــــــــــــــــــــــــــــــــــــ ــ

- Golden eagle
النسر الأهلاوي .. كان مشرف رائع وكان مضحك بردو :d

ــــــــــــــــــــــــــــــــــــــــــــــــــ ــ

- أبو تريكة
استاذ محمد كان زملكاوي واختار لنفسه اسم تريكة

دا تريكة حبيب الملايين بردو :av4056bb7jp3: :d

ــــــــــــــــــــــــــــــــــــــــــــــــــ ــ

وناس كتير انا والله مش ناسية بس صعب اكتب كل الاسماء

يا رب يكون الجميع بخير ويوفقهم لما يحب ويرضااه

انا خلصت كلامي :)

بس الموضوع طبعا لســــــــــــة مخلصش :av4056bb7jp3:

هسيب باقي الناس تتكلم بقى ;)

إبقوا معنا :d

أبوبسملة ياسر خليفة الطحاوى

27-06-2014, 11:29 PM

أحب أن أضع بصمة لى فى هذا الموضوع الجميل

بالفعل هناك الكثيرين الذين افتقدناهم فى هذا المنتدى

إما لظروفهم الشخصية أو لاسباب اخرى

نفتقد الاستاذة الفاضلة أم شاهندا

التى اكن لها كل تقدير واحترام

أفتقد كثيرا أخى وحبيبي أبو بطة

الذى يدخل على استحياء

أفتقد استاذى الحبيب مستر أسامه

وكان مشرف على قسم حوارات

نفتقد الغائبة الحاضرة صوت العقل

اختنا مريم تلك الفتاة الخلوقة

نفتقد كثيرا د/ رحيق

التى كان من أبرز اعضاء المنتدى

أفتقد الرجل الخلوق
أستاذ اسامة (( صوت الأمة ))

نفتقد أختنا تسبيحات

نفتقد البنت الخلوقةى جدااااااااا (( لؤلؤة الإيمان ))

ربنا يردها للمنتدى ثانية بعد انتهاء دراستها الثانوية

نفتقد وبشده كبيرة فيلسوفة المنتدى

الأستاذة سلوى كمال

أفضل من عملت معى كمشرفة

نفتقد العضوة لوجين21

تلك المشاكسة الحديدية

هناك اسمااااااءكثيرة جداااااااااااااااااااا

شكرا جزيلا يا دكتور آلاء

تحيتى و تقديرى واحترامى

عاشقة الطفولة

27-06-2014, 11:50 PM

bebo_93

28-06-2014, 01:10 AM

MR : ABO BATTA

28-06-2014, 07:17 AM

السلام عليكم ورحمة الله وبركاته
استهل كلامي بالتهنئة بحلول شهر رمضان المبارك
فكل عام وحضراتكم جميعا ومصرنا الغالية وأمتنا العربية والإسلامية بخير
أعاده الله علينا بالخير واليُمن والبركات

ثم أما بعد
أوجه الشكر لبنوتة من أجمل البنوتات اللي عرفتها بالمنتدى
خفيفة الظل ;) شقية ;) مرحة :028ja7: لبقة :)مهذبة :blush: ذكية ;) سريعة البديهة :) وفية :bosyht9: متفوقة دراسياً :022yb4: أهلاوية:av4056bb7jp3: تريكاوية :)
بسم الله ما شاء :) ما بنحسدش ;)
يا ترى عرفتوها :excl:
طبعا هي
الدكتورة آلاء التريكاوية
بجد يا دكتورة آلاء لما ابالغ او اجامل في اي صفة من الصفات السابق ذكرها
ربنا يعزك ويحميكي ويبارك فيكي

هذا المنتدى عرفت فيه أناس كثيرون منهم من ترك أثر في نفسي ومنهم من مر مرور الكرام
وبكل تأكيد يا دكتورة آلاء أنت ممن يصعب نسيانهم بسبب الحوارات الجميلة اللي كنا بنعملها بخصوص العريس المنتظر ومنافستك عليه مع باقي البنات :d
يا تري حد فاكر مين العريس المنتظر ده :excl:

لقد قضيت في المنتدى حوالي خمس سنوات ونصف
تعرفت على الكثير والكثير
على الحلو والوحش .. الصالح والفاسد .. النافع والضار .. وبلا شك لا يخلو مكان من هؤلاء
واستفدت كثيرا علمياً وعملياً وفكرياً

أجمل فترتين في هذا المنتدى
الأولى تلك التي تحدثت عنها آلاء إبان إشرافي على الركن الاجتماعي
الثانية تلك التي تبعتها مباشرة بانضمامي لمجلس الإدارة الفترة الأولى فقط لأن الفترة الثانية حدث فيها أمور كثيرة لم تعجبني وكشفت لي النقاب عن وجوه لم أكن أتوقعها للأسف وبسببها بعدت قليلاً عن المنتدى منذ مطلع هذا العام
طولت عليكم

اختتم كلامي
بأني أتمنى أن أرى كل البنات والأولاد اللي كانوا يعيشون تلك الفترة الجميلة اللي اتكلمت عنها ألاء في هذا الموضوع والتي أعتبرها من أجمل الفترات التي عشتها على الإطلاق لأني لم أكن أشعر أنني في مجرد منتدى بل أشعر وكأنني على أرض الواقع وفي حياة اجتماعية فعلية بين اخواتي وبين طلابي الأولاد والبنات حيث كنت لهم الأخ والصديق والمعلم

أخيراً
اسأل الله ان يجعل ما قدمته بهذا المنتدى من خير في ميزان حسناتي
وإن كان غير ذلك أسأله أن يسامحني

وبمناسبة شهر رمضان أتقدم على الملأ بالاعتذار لأي شخص أظن أني اخطأت في حقه بقصد أو بدون قصد وأطلب منه السماح
وأنا مسامح أي شخص أخطأ في حقي بقصد أو بدون قصد
وكل عام وأنتم بخير

MR : ABO BATTA

28-06-2014, 07:53 AM

أحب أن أضع بصمة لى فى هذا الموضوع الجميل

أهلا وسهلا ومرحبا بك في هذ الموضوع مستر ابو بسملة
يا سيدي الفاضل بصماتك في كل أركان المنتدى منذ أن كنت مشرفاً لهذا الركن الاجتماعي والآن بمجلس الإدارة والأقسام التعليمية
بالفعل هناك الكثيرين الذين افتقدناهم فى هذا المنتدى

إما لظروفهم الشخصية أو لاسباب اخرى

نفتقد الاستاذة الفاضلة أم شاهندا
التى اكن لها كل تقدير واحترام

الأستاذة أم شاهندا .. ربنا يعطيها الصحة .. من الفضليات اللاتي عرفتهم بهذا المنتدى
كانت لا تتواني في تقديم العون والمساعدة لمن يطلبهما

أفتقد كثيرا أخى وحبيبي أبو بطة
الذى يدخل على استحياء
هكلمهولك يا مستر علشان يدخل زي الأول ;)

أفتقد استاذى الحبيب مستر أسامه

وكان مشرف على قسم حوارات
من الناس المحترمة برغم قلة تعاملي معه

نفتقد الغائبة الحاضرة صوت العقل
اختنا مريم تلك الفتاة الخلوقة
من الفضليات اللاتي عرفناهن بالمنتدى
ربنا يجازي من كان السبب في غيابها عن المنتدى

نفتقد كثيرا د/ رحيق
التى كان من أبرز اعضاء المنتدى
بالرغم من أني لم افتقدها كثيراً إلا انني لا أنكر أن لها أثر عندي حيث دارت بيننا حوارات في شكل أشعار يعني كنا بنرد على بعض بالشعر بالرغم من انني لست شاعراً

أفتقد الرجل الخلوق
أستاذ اسامة (( صوت الأمة ))

الشيخ أسامة حبيب قلبي
كان بيقولي لما دخلت الإدارة ان محدش هيشوفني تاني وسبحان الله هو بدأ ان يختفي لما تولي منصب إداري :)

نفتقد أختنا تسبيحات

نفتقد البنت الخلوقةى جدااااااااا (( لؤلؤة الإيمان ))

ربنا يردها للمنتدى ثانية بعد انتهاء دراستها الثانوية

نفتقد وبشده كبيرة فيلسوفة المنتدى

الأستاذة سلوى كمال
أفضل من عملت معى كمشرفة
اخت فاضلة وزميلة مهنة
بارك الله فيها

نفتقد العضوة لوجين21
تلك المشاكسة الحديدية
هناك اسمااااااءكثيرة جداااااااااااااااااااا

ياااااااااااه لوجي
بنت الصعيد الشقية .. فينها من زمان

شكرا جزيلا يا دكتور آلاء

تحيتى و تقديرى واحترامى

والله فكرتنا بناس محترمين يا مستر ابو بسملة
للأسف مستر أبو بسملة مكنش معانا في الفترة دي وانا تعرفت عليه بعد هذه الفترة وانا نادم جدا على اني لم أتعرف عليه قبل ذلك
فهو نعم الأخ ونعم الصديق الصدوق
وانا مش هتكلم كتير لأنهم كما يقولون من القلب للقلب رسول
وانت تعلم ما في قلبي نحوك
بارك الله فيك اخي الكبير
كبير الطحاوية

MR : ABO BATTA

28-06-2014, 08:03 AM

هعهعهعهعهعهع اول كومنت من البنات :d

انا مبسووووووووطة جداااااا اني دخلت النهاردة وكان نفسي ادخل بدري عن كده بس النت للاسف عملها معايا

بس وحشني كلامك يا بيت يا لولو والله ووحشني المسابقات الي كانت هنا وخناقنا الي ع طول ف كورة او غيره
المهم انا رجعت وعاوزة دافع قوي اني ميخلنيش اسيب المنتدى تاني المرة الاولى سبته لما لقيت كل الناس مشيت ومافيش ولا دافع يخليني اباه موجودة لكت دلوقتي مش عاوزاها تتكرر تاني
الدكتورة بسمة
من أوائل الناس اللي عرفتهم
ولفت نظري إليها اسم العضوية وهو عاشقة الطفولة
يا تري ايه أخبار زياد والعفاريت ;)

احم احم
انا جيييت
من الواضح ان النت عملها معانا كلنا ومن الواضح ان فيه اجماع على كده

اولا كل سنه وحضراتكم طيبين ورمضاااان كريييم :av4056bb7jp3::av4056bb7jp3:

ثانيا انا اول ما عرفت الفكره جالى كده احساس بالهييييييييييييييييييييييييييح ورشقت على طول

اصل مش هيعرف قد ايه الايام دى كانت احلى ايام هنا الا اللى جربها وعاش فيها ^_^

ومن حظى وشرف ليا انى من الدفعه دى ;);)

وحشنى المنتدى ووحشنى جدا اللمه والاصحاب اللى كانوا هنا وكانوا اكتر من اخوات

وحشنى قسم الاهلى وشجره الاهلى قصدى البستااان 4 او 5 اشجار لحد دلوقتى والبوم الصور وتوبيك التشجيعات
وحشنى التخطيط والتكتيك للمواضيع والمفاجات فى قسم الاهلى بردو مع طاهر واميره والاء

افتقدت كل الناس اللى كلهم اختفوا فجاه :(:( واللى كانو زمان سبب ان الواحد يدخل عالمنتدى ده قبل ما يفتح اى حاجه تانيه

وكل سنه وانتم طيبين :d:d
ويارب نكسب بكره :p:p

الدكتور بيبو الأهلاوي الجامد
مسكته الإشراف على قسم الأهلي وكان بيخليني هبوس على دماغه علشان يهدي اللعب شوية مع عاشق البلانكو
كانت ايام جميلة

مسلمة متفائلة

28-06-2014, 01:38 PM

وعليكم السلام ورحمة الله وبركاته

ياااااااه يا آلاء .. مش عارفة أقول إيه =)

من ساعة ما كل الناس دي اختفت فجأة كده
مبقتش أدخل المنتدى زي الأول وبقيت أحسه إنه غريب عليا

وبجد حسيت إن اتردت ليا الروح لما عملتي الموضوع ده :")
فعلا المنتدى فيه أجمل أيام حياتنا

ساعات بفتكر لمتنا في المتندى والمواقف اللي كانت بتحصل والناس اللي كانوا معانا
وبضحك وبزعل في نفس الوقت .. الحمد لله إننا ابتدينا نرجع تاني

ذكرياتي اللي عمري ماهنساها هنا .. قسم محمد نبينا
قد إيه القسم ده من أكتر الأقسام اللي بحبها واللي تركت بصمة في حياتي

وقسم الأهلاوية ^^ وشجرة الأهلاوية (البستان D: )

وشجرة عائلة البوابة .. اللي في قسم إهداءت
الشجرة دي بقى فيها كـــــــــــــــــــل الناس اللي كانوا على أيامي أنا كمان بلا استثناء
أحب أقولهم كلهم إننا افتقدناكم وربنا يوفقكم ويحفظكم أينما كنتم

اللي عايز يعرف ويفتكر الناس اللي احنا بنتكلم عليهم دول يدخل يشوف الشجرة دي
( ويا ريت كمان يكتب فيها اسمه ^^ )

وكمان موضوع (رمضان أسرة واحدة تجمعنا) والموضوعات اللي كانت بتتعمل في الوقت ده

ومانساش كمان الحفلة اللي عملتها دكتورة نقاء لخريجي الثاوية العامة 2011
دي كمان كان فيها أغلبية الناس بتوع زمان

ووحشتني أوي الأستاذة أم شاهندة .. والأستاة f
يا ريت يا جماعة اللي بيتواصل معاهم يسلملي عليهم

وكمان رحاب جمال (أحبك ربي) و * تائبة في رحاب الله *
وحشتوني =)

بجد أحلى أيام .. يا ريت ترجع تاني :"(
وأنا مستنية بقيت الناس تدخل عشان ترجع للمنتدى روحه الجميلة بتاعة زمان

وكل سنة وانتم طيبين :")

نفتقد أختنا تسبيحات

أستاذ أبو بسلمة جزاك الله خيرًا على سؤالك

تسبيحات هي مسلمة متفائلة :")

وحضرتك من الناس المحترمين واللي ليهم بصمات في المنتدى

بارك الله فيك ..

LoOoLy El Treikawya

28-06-2014, 05:15 PM

LoOoLy El Treikawya

28-06-2014, 05:20 PM

LoOoLy El Treikawya

28-06-2014, 05:32 PM

احم احم
انا جيييت
من الواضح ان النت عملها معانا كلنا ومن الواضح ان فيه اجماع على كده

اولا كل سنه وحضراتكم طيبين ورمضاااان كريييم :av4056bb7jp3::av4056bb7jp3:

ثانيا انا اول ما عرفت الفكره جالى كده احساس بالهييييييييييييييييييييييييييح ورشقت على طول

اصل مش هيعرف قد ايه الايام دى كانت احلى ايام هنا الا اللى جربها وعاش فيها ^_^

ومن حظى وشرف ليا انى من الدفعه دى ;);)

وحشنى المنتدى ووحشنى جدا اللمه والاصحاب اللى كانوا هنا وكانوا اكتر من اخوات

وحشنى قسم الاهلى وشجره الاهلى قصدى البستااان 4 او 5 اشجار لحد دلوقتى والبوم الصور وتوبيك التشجيعات
وحشنى التخطيط والتكتيك للمواضيع والمفاجات فى قسم الاهلى بردو مع طاهر واميره والاء

افتقدت كل الناس اللى كلهم اختفوا فجاه :(:( واللى كانو زمان سبب ان الواحد يدخل عالمنتدى ده قبل ما يفتح اى حاجه تانيه

وكل سنه وانتم طيبين :d:d
ويارب نكسب بكره :p:p

نورت البيييت :022yb4:

لاء من الواضح ان النور قطع كمان عند جميع البشر امبارح الا انا

ودا يبقى ظلم فين المساواة :angry2: كان مفروض يقطع عندي انا كمان :d

وحضرتك طيب وبالصحة والسلامة :)

كله كووم وقسم الاهلي دا كوم يا دكتووور ..
انا اتصدمت لما لقيته مش موجووود طيب لما نحب نشن حرب على قسم الزمالك فين الحصن بتاعنا وفين الزمالك اللي هنحاربه اصلا :p

وكمان توبيك ادخل شوف حبايبك :(

بس كالعادة توقيع حضرتك بيجيب من الاخر :) وانا كمان عملت حاجة لتريكة بمناسبة اعتزاله ^_^

انا تقريبا من ساعة ما تريكة اعتزل بطلت اشوف ماتشات بس ناوية اشوف ماتش انهردة ان شاء الله مع اني مش لاقية حد زملكاوي اغيظه وكدا :d

ياللا خييييييير ان شاء الله :)

وحضرتك نورت يا دكتور :022yb4:

LoOoLy El Treikawya

28-06-2014, 06:03 PM

السلام عليكم ورحمة الله وبركاته
استهل كلامي بالتهنئة بحلول شهر رمضان المبارك
فكل عام وحضراتكم جميعا ومصرنا الغالية وأمتنا العربية والإسلامية بخير
أعاده الله علينا بالخير واليُمن والبركات

وعليكم السلام ورحمة الله وبركاته :)

وحضرتك بخييييييير وبالصحة والسلامة يا مستر وجميع الاسرة بخير :022yb4:

اللهم آمين يا رب

ثم أما بعد
أوجه الشكر لبنوتة من أجمل البنوتات اللي عرفتها بالمنتدى
خفيفة الظل ;) شقية ;) مرحة :028ja7: لبقة :)مهذبة :blush: ذكية ;) سريعة البديهة :) وفية :bosyht9: متفوقة دراسياً :022yb4: أهلاوية:av4056bb7jp3: تريكاوية :)
بسم الله ما شاء :) ما بنحسدش ;)
يا ترى عرفتوها :excl:
طبعا هي
الدكتورة آلاء التريكاوية
بجد يا دكتورة آلاء لما ابالغ او اجامل في اي صفة من الصفات السابق ذكرها
ربنا يعزك ويحميكي ويبارك فيكي
بجد يا مستر حضرتك احرجتني كدا وانا مش عارفة اقول ايه :wub:

بس الكلام دا كتير عليا والله

وشرف ليا ووسام أفتخر بيه :) (الكلام دا كبير :d :d )

ربنا يخليك يا رب ويعزك

هذا المنتدى عرفت فيه أناس كثيرون منهم من ترك أثر في نفسي ومنهم من مر مرور الكرام
وبكل تأكيد يا دكتورة آلاء أنت ممن يصعب نسيانهم بسبب الحوارات الجميلة اللي كنا بنعملها بخصوص العريس المنتظر ومنافستك عليه مع باقي البنات :d
يا تري حد فاكر مين العريس المنتظر ده :excl:

إنه حسوووووووووووونة :022yb4:
خطيبي منذ نعومة اظافره :d احتفلنا بالسبوع بتاعه وبالخطوبة في نفس الوقت ^_^

حد ينساه اصلا دانا صورته لسة عندي لحد دلوقت ولما اكون بفرج ماما على حاجة تشوف الصورة تقوللي مين حسن دا .. اقولها عيب عليكي مش عارفة خطيب بنتك :d

لقد قضيت في المنتدى حوالي خمس سنوات ونصف
تعرفت على الكثير والكثير
على الحلو والوحش .. الصالح والفاسد .. النافع والضار .. وبلا شك لا يخلو مكان من هؤلاء
واستفدت كثيرا علمياً وعملياً وفكرياً

أجمل فترتين في هذا المنتدى
الأولى تلك التي تحدثت عنها آلاء إبان إشرافي على الركن الاجتماعي
الثانية تلك التي تبعتها مباشرة بانضمامي لمجلس الإدارة الفترة الأولى فقط لأن الفترة الثانية حدث فيها أمور كثيرة لم تعجبني وكشفت لي النقاب عن وجوه لم أكن أتوقعها للأسف وبسببها بعدت قليلاً عن المنتدى منذ مطلع هذا العام
طولت عليكم

اختتم كلامي
بأني أتمنى أن أرى كل البنات والأولاد اللي كانوا يعيشون تلك الفترة الجميلة اللي اتكلمت عنها ألاء في هذا الموضوع والتي أعتبرها من أجمل الفترات التي عشتها على الإطلاق لأني لم أكن أشعر أنني في مجرد منتدى بل أشعر وكأنني على أرض الواقع وفي حياة اجتماعية فعلية بين اخواتي وبين طلابي الأولاد والبنات حيث كنت لهم الأخ والصديق والمعلم

أخيراً
اسأل الله ان يجعل ما قدمته بهذا المنتدى من خير في ميزان حسناتي
وإن كان غير ذلك أسأله أن يسامحني

وبمناسبة شهر رمضان أتقدم على الملأ بالاعتذار لأي شخص أظن أني اخطأت في حقه بقصد أو بدون قصد وأطلب منه السماح
وأنا مسامح أي شخص أخطأ في حقي بقصد أو بدون قصد
وكل عام وأنتم بخير

ياااه يا مستر

والله حضرتك فرحتني بمرورك الجميل دا

وحضرتك قدمت الكتير وربنا يجازيك كل خير :)

ـــــــــــــــــــــــــ فاااااااصل بقى :d ــــــــــــــــــــــــــ

وعن أستاذ أحمد (أبو بطة) حدث وافتخر :022yb4:

أنا كنت منتظرة تشريفك عشان أقدمك بقى وكدا :d

مفيش حد من الناس اللي دخلو المنتدى الا وكان مستر ابو بطة من اول الناس اللي عرفوه واحترموه من مشاركاته ونشاطه

وعن نفسي يكفي اني اول يوم ليا في المنتدى لقيته كاتب قصيدة لمحمد أبو تريكة ;) وهي كانت السبب اني قررت استمر في المنتدى دا وخلتني أحبه :av4056bb7jp3:

أستاذ أبو بطة

كان أخ لينا كلنا وأستاذنا اللي بنحترمه

كان مشرف ملتزم بالقوانين :stickjo4: وفي نفس الوقت أخونا كدا بيشاركنا هزارنا ومسابقاتنا وكل حاجة

يعني قدر يوفق بين الشغب بتاعنا :av4056bb7jp3: والقواعد والقوانين هنا

دا غير صلة القرابة اللي بيني وبينه دا حمايا وخالي في نفس ذات اللحظة :d

معرفش ليه في اسلوبه بيفكرني بخالو ^_^

وبجد حضرتك من الناس اللي صعب ننساها وأنا في تلك اللحظة مش بتكلم فقط عن نفسي أنا واثقة ان دا شعور الكل هنا :)

ربنا يعزك ويوفق حضرتك ويفرحك بحسن وسهر وبطة وألف مبروووووووووووووووك على هالة ربنا يباركلك فيها ومتسألنيش عرفت منين
احنا لينا مصادرنا الخاصة B) دانا ممكن اقولك اتغديتو ايه امبارح :d :p

جزاك الله خيرا :)

LoOoLy El Treikawya

28-06-2014, 06:10 PM

الدكتورة بسمة
من أوائل الناس اللي عرفتهم
ولفت نظري إليها اسم العضوية وهو عاشقة الطفولة
يا تري ايه أخبار زياد والعفاريت ;)

ولسة عاشقة الطفولة لحد دلوقت

مالية صورهم على الفيس اصلا :d

انا بقول نشوفلها حضانة تشتغل فيها :p

ـــــــــــــــــــــــــــــــــــــــــ

الدكتور بيبو الأهلاوي الجامد
مسكته الإشراف على قسم الأهلي وكان بيخليني هبوس على دماغه علشان يهدي اللعب شوية مع عاشق البلانكو
كانت ايام جميلة

هههههههههههه دا ياما اعلنا الحرب على عاشق البلانكو

وانا كنت اولعها وف الاخر اعمل بوست للصلح :d

داحنا كنا شرانيين هههههههه :049gc0:

LoOoLy El Treikawya

28-06-2014, 07:02 PM

وعليكم السلام ورحمة الله وبركاته

ياااااااه يا آلاء .. مش عارفة أقول إيه =)

من ساعة ما كل الناس دي اختفت فجأة كده
مبقتش أدخل المنتدى زي الأول وبقيت أحسه إنه غريب عليا

وبجد حسيت إن اتردت ليا الروح لما عملتي الموضوع ده :")
فعلا المنتدى فيه أجمل أيام حياتنا

ساعات بفتكر لمتنا في المتندى والمواقف اللي كانت بتحصل والناس اللي كانوا معانا
وبضحك وبزعل في نفس الوقت .. الحمد لله إننا ابتدينا نرجع تاني

ذكرياتي اللي عمري ماهنساها هنا .. قسم محمد نبينا
قد إيه القسم ده من أكتر الأقسام اللي بحبها واللي تركت بصمة في حياتي

وقسم الأهلاوية ^^ وشجرة الأهلاوية (البستان D: )

وشجرة عائلة البوابة .. اللي في قسم إهداءت
الشجرة دي بقى فيها كـــــــــــــــــــل الناس اللي كانوا على أيامي أنا كمان بلا استثناء
أحب أقولهم كلهم إننا افتقدناكم وربنا يوفقكم ويحفظكم أينما كنتم

اللي عايز يعرف ويفتكر الناس اللي احنا بنتكلم عليهم دول يدخل يشوف الشجرة دي
( ويا ريت كمان يكتب فيها اسمه ^^ )

وكمان موضوع (رمضان أسرة واحدة تجمعنا) والموضوعات اللي كانت بتتعمل في الوقت ده

ومانساش كمان الحفلة اللي عملتها دكتورة نقاء لخريجي الثاوية العامة 2011
دي كمان كان فيها أغلبية الناس بتوع زمان

ووحشتني أوي الأستاذة أم شاهندة .. والأستاة f
يا ريت يا جماعة اللي بيتواصل معاهم يسلملي عليهم

وكمان رحاب جمال (أحبك ربي) و * تائبة في رحاب الله *
وحشتوني =)

بجد أحلى أيام .. يا ريت ترجع تاني :"(
وأنا مستنية بقيت الناس تدخل عشان ترجع للمنتدى روحه الجميلة بتاعة زمان

وكل سنة وانتم طيبين :")

روووودي نوووووووورتي :022yb4:

ايوة شجرة الاهلي طبعا فيها كل الناس اللي غاليين علينا

وهروح اشوف شجرة البوابة دي ^_^

ايوووون انا فاكرة حفلة نقاء الروح كانت حفلة حلوووة اوووووي :av4056bb7jp3:

ربنا يرجع الناس دي كلها بالسلامة ويكرمهم يا رب

انتي فكرتيني بحاجات كتير حلوة وكفاية وجودك نفسه حاجة حلوة يا رضوى ربنا يعلم انا فرحت كتير لما شفتك متواجدة في المنتدى ♥ :wub:

نوووووورتي يا جميل :)

جزاكِ الله خيرا

bebo_93

28-06-2014, 07:27 PM

الدكتور بيبو الأهلاوي الجامد
مسكته الإشراف على قسم الأهلي وكان بيخليني هبوس على دماغه علشان يهدي اللعب شوية مع عاشق البلانكو
كانت ايام جميلة

هههههههههههههههههههه وفى الاخر خلعونى من الاشراف بحجه انى مش بطور واجدد فى القسم ولما سيبته شالوه خالص :D

لا لا العفو استاذى :):)

بس كانت احلى خناقات وايام لذيذه

افتقدتهم بردو عاشق البلانكو , بنت الزمالك ومستر ايمن

يااااااه ده انا ليا سوابق معاهم :d:d

MR : ABO BATTA

28-06-2014, 07:31 PM

بجد يا مستر حضرتك احرجتني كدا وانا مش عارفة اقول ايه :wub:

بس الكلام دا كتير عليا والله

مفيش إحراج ولا حاجة وده اقل واجب :)
وشرف ليا ووسام أفتخر بيه :) (الكلام دا كبير :d :d )
الشرف لينا يافندم :blush:

ربنا يخليك يا رب ويعزك

انا لسه فاكر انك بتحبي الدعوة دي
فربنا يعزك دائماً

إنه حسوووووووووووونة :022yb4:
خطيبي منذ نعومة اظافره :d احتفلنا بالسبوع بتاعه وبالخطوبة في نفس الوقت ^_^

على فكرة انا اشتريت له الشبكة وعملت له اوضة النوم والأنترية ومفاضلش غير المطبخ
همتك يا عروسة:av4056bb7jp3:
حد ينساه اصلا دانا صورته لسة عندي لحد دلوقت ولما اكون بفرج ماما على حاجة تشوف الصورة تقوللي مين حسن دا .. اقولها عيب عليكي مش عارفة خطيب بنتك :d

ههههههههههههه بجد كدا عيني عينك

ياااه يا مستر

والله حضرتك فرحتني بمرورك الجميل دا

وحضرتك قدمت الكتير وربنا يجازيك كل خير :)
فرحتي أكبر بعودة مثل هذا الحوار الممتع

ـــــــــــــــــــــــــ فاااااااصل بقى :d ــــــــــــــــــــــــــ

وعن أستاذ أحمد (أبو بطة) حدث وافتخر :022yb4:

أنا كنت منتظرة تشريفك عشان أقدمك بقى وكدا :d

مفيش حد من الناس اللي دخلو المنتدى الا وكان مستر ابو بطة من اول الناس اللي عرفوه واحترموه من مشاركاته ونشاطه

يااااااااااه انا مشهور للدرجة دي
يعني كدا هفكر ارشح نفسي لانتخابات مجلس الشعب :)
وعن نفسي يكفي اني اول يوم ليا في المنتدى لقيته كاتب قصيدة لمحمد أبو تريكة ;) وهي كانت السبب اني قررت استمر في المنتدى دا وخلتني أحبه :av4056bb7jp3:
يعني لولا هذه القصيدة مكناش عرفناكي
يا بختك يا ابو تريكة ;)
يا تري القصيدة دي راحت فين ؟؟:excl:

أستاذ أبو بطة

كان أخ لينا كلنا وأستاذنا اللي بنحترمه

كان مشرف ملتزم بالقوانين :stickjo4: وفي نفس الوقت أخونا كدا بيشاركنا هزارنا ومسابقاتنا وكل حاجة

يعني قدر يوفق بين الشغب بتاعنا :av4056bb7jp3: والقواعد والقوانين هنا

اخجلتي تواضعي يا دكتورة
دا غير صلة القرابة اللي بيني وبينه دا حمايا وخالي في نفس ذات اللحظة :d
الولد مُصِّر وعايز يخطب بنت عمته ;)

معرفش ليه في اسلوبه بيفكرني بخالو ^_^
ايه وجه الشبه بالتحديد بيني وبينه يا الاء ؟

وبجد حضرتك من الناس اللي صعب ننساها وأنا في تلك اللحظة مش بتكلم فقط عن نفسي أنا واثقة ان دا شعور الكل هنا :)

اشكرك شكرا جزيلا وهو نفس الشعور عندي واكيد انتي عارفة كدا
ربنا يعزك ويوفق حضرتك ويفرحك بحسن وسهر وبطة وألف مبروووووووووووووووك على هالة ربنا يباركلك فيها ومتسألنيش عرفت منين
احنا لينا مصادرنا الخاصة b) دانا ممكن اقولك اتغديتو ايه امبارح :d :p

جزاك الله خيرا :)

هالة .. هالة .. هالة
مين مين هالة
واتغدينا ايه
يا واد يا حسن
دور كدا شوف في كاميرات في البيت ;)
لا بجد عرفتي منين ؟؟
بجد استمتعت بالحوار معك من جديد وفكرتيني بالزمن الجميل

bebo_93

28-06-2014, 07:33 PM

وقسم الأهلاوية ^^ وشجرة الأهلاوية (البستان D: )

مسلمه متفائله (الاب الروحى لشجره الاهلى) :d:d
اكبر واحسن توبيك فى قسم الاهلى

منوره واشكرك فعلا على توبيك شجره الاهلى

ده كان بدايتى فى المنتدى هنا واول مشاركات فى قسم الاهلى ليا كانت من التوبيك ده اللى عرفت فيه احسن ناس

دكتور الاء , مستر ابو بطه , مدرسه الانجلش , طاهر , اميره , جولدن ايجل (مصطفى) , مستر اهلاوى واخوات تانيه اكتر من كده

وعمرى ماهنسى انه كان شرف ليا انى اكون فى اول 100 واول شجره للاهلى :wub::wub:

http://www14.0zz0.com/2010/11/15/20/316504616.gif

http://www13.0zz0.com/2010/10/30/05/615184623.gif
شكرااااا :)

نورت البيييت :022yb4:

لاء من الواضح ان النور قطع كمان عند جميع البشر امبارح الا انا

ودا يبقى ظلم فين المساواة :angry2: كان مفروض يقطع عندي انا كمان :d

وحضرتك طيب وبالصحة والسلامة :)

كله كووم وقسم الاهلي دا كوم يا دكتووور ..
انا اتصدمت لما لقيته مش موجووود طيب لما نحب نشن حرب على قسم الزمالك فين الحصن بتاعنا وفين الزمالك اللي هنحاربه اصلا :p

وكمان توبيك ادخل شوف حبايبك :(

بس كالعادة توقيع حضرتك بيجيب من الاخر :) وانا كمان عملت حاجة لتريكة بمناسبة اعتزاله ^_^

انا تقريبا من ساعة ما تريكة اعتزل بطلت اشوف ماتشات بس ناوية اشوف ماتش انهردة ان شاء الله مع اني مش لاقية حد زملكاوي اغيظه وكدا :d

ياللا خييييييير ان شاء الله :)

وحضرتك نورت يا دكتور :022yb4:

قسم الاهلى :( :( مش فاهم انا اتمسح ليه -_-
كأن وجوده هيغرمهم فلوس حتى الحاجه الحلوه اللى فاضله ضيعوها بيطرودنى بالزوق من المنتدى :/
او اكيد بدل ما كان قسم اهلى وقسم زمالك وقسم انديه تانيه وكده نخليه كله فسم واحد سلطه ونوفر الباقى عشان مصر :d:d

وقسم الزمالك كمان يعنى هندخل نبارك لمين كمان شويه يعنى لما نكسب :p:p

اصلا من غير تريكه مفيش طعم للكوره بس الاهلى بردو بالحياه :wub: :wub:

ههههه
ههههههه دا ياما اعلنا الحرب على عاشق البلانكو
وانا كنت اولعها وف الاخر اعمل بوست للصلح :d

داحنا كنا شرانيين هههههههه :049gc0:
ههههههههههههههههه على طول قلبك كبيييير
كان اكتر حاجه بتضحكنى انهم قبل الماتش ميبطلوش كلام ادحل بعد الماتش ملاقيش ولا واحد منهم

bebo_93

28-06-2014, 10:43 PM

عااااااااااااااااااااااااااااااا
مبروووووووووووووووووووك بقى لشباب الاهلى تحت 21 سنه :d:d

البطوله الجايه بقى ان شاء الله تبقى بفريق اهلى 18 سنه :p:p:p:p:p

رمضان كريم بامبو :d
كل سنه وانتو طيبيييين :av4056bb7jp3::av4056bb7jp3::av4056bb7jp3:

نقاء الروح

28-06-2014, 10:44 PM

طق طق السلام عليكو

ازيكم جميعا .. كل سنة وانتو طيبين ويارب ينعاد علينا بالخير <3
وربنا يتقبل منا ومنكم صالح الاعمال ..

موضوع جميل واسمه اجمل .. لان قضينا هنا ايام جمييلة ماتتنسيش :bosyht9:
واتعاملنا مع ناس حبيناهم واكيد بردو مش ناسيينهم ..
وطبعا لو فتحنا ماسورة الذكريات مش هنخلص الا بكرا الصبح :d:d

لكل الناس عشان مش انسى حد يارب تكونوا كويسين وباتم الصحة والعافية
ورمضان كريم :av4056bb7jp3:

مش عارفة بقى حد هيفتكرني او لاء بس قولت اعدي اسلم ;)

heba nabil

29-06-2014, 01:04 AM

Heartbeat

29-06-2014, 01:55 AM

بسم الله الرحمن الرحيم

احم عارفه ان احتمال ضربى وارد من واحدة صاحبنتا :slap1qk6:حبيبتى هى :006et4:

المهم المنتدى فعلا كان واحشنى جدا بكل جزء فيه ودايما كنت بحس ان فيه حاجة ناقصة فالسنتين اللى فاتوا :(

رغم انى كنت ع تواصل مع صحابى اللى عرفتهم هنا دايما لغاية وقتنا هذا :friendsxs3:
الا ان احساس المنتدى غير !
العالم اللى كان بداية تعارفى على ناس عن طريق النت
بجد من اجمل الناس اللى عرفتهم ف حياتى واتعاملت معاهم يمكن احسن كمان من ناس كتير عرفتهم ف حياتى عامة :)

وقصاد صحابى اللى فضلت على تواصل معاهم فيه ناس تانية اتقطعت علاقتى معاهم بمجرد خروجى من المنتدى بس دايما كنت فكراهم وع بالى

المنتدى لما دخلته اليومين دول
بمنتهى الصراحة بقيت احس ان مش هو دا المكان اللى كنت بفضل قاعدة فيه اغلب يومى
الناس مش الناس :(
والنشاط اختفى :bosyht9:

عشان كدا اتفقنا انا ولولى وباقى البنات نرجع تانى عشان نعيد الايام الحلوة اللى عشناها سوا :022yb4:

رغم احساسى ان دا هيكون صعب
علشان فعلا حاجات كتير اتغيرت !
:(:(
حاسة انى قلبتها نكد :d

وانا اصلا كنت عايزة اقولكوا..

كل سنة وانتوا طيبين
ورمضان كريم

:)

LoOoLy El Treikawya

29-06-2014, 04:03 AM

انا لسه فاكر انك بتحبي الدعوة دي
فربنا يعزك دائماً
ايوووة صح يا مستر :d
بحبهااا الدعوة دي ^_^

ععلى فكرة انا اشتريت له الشبكة وعملت له اوضة النوم والأنترية ومفاضلش غير المطبخ
همتك يا عروسة :av4056bb7jp3:
ايه السرعة دي يا مستر :d
طيب حاضر هنبدأ ف المطبخ :p

يااااااااااه انا مشهور للدرجة دي
يعني كدا هفكر ارشح نفسي لانتخابات مجلس الشعب :)

انتخبو استاذ ابو بطة :022yb4:
رمز الـ .. (خليه الحصان عشان بحبه :d )

يعني لولا هذه القصيدة مكناش عرفناكي
يا بختك يا ابو تريكة
يا تري القصيدة دي راحت فين ؟؟

ايوة دي القصيدة دي اصلا غالية عندي :)
ههههههه يا بختي انا اني تريكاوية :wub:
وبما اني الراعي الرسمي لتوبيك القصيدة :cool: فأحب اقول القصيدة موجودة اهي :rolleyes:
http://www.thanwya.com/vb/showthread.php?t=233269

هههههههههههه يا نهاري بجد انا تصفحت التوبيك .. ايه الجنان اللي أنا كنت عملاه دا :o وخناقنا على بطة كمان :p
هههههههههههههههه دا التوبيك دا لوحده عاوز يطبع ف مجلد ويتشال :d
وبرده فضلت انا اول واخر حد يرد فيه :rolleyes:
:d

الولد مُصِّر وعايز يخطب بنت عمته
ايه وجه الشبه بالتحديد بيني وبينه يا الاء ؟

اممم صدقني مش عارفة بس هو خالو دايما يقعد يحكي ويهزر معانا كدا وانا بحبه جداا :d
يعني اكيد وجه الشبه حاجة حلوة :rolleyes:

هالة .. هالة .. هالة
مين مين هالة
واتغدينا ايه
يا واد يا حسن
دور كدا شوف في كاميرات في البيت ;)
لا بجد عرفتي منين ؟؟
بجد استمتعت بالحوار معك من جديد وفكرتيني بالزمن الجميل

ههههههههههه حضرتك بتقول لحسن يدور على الكاميرات
اذا كان حسن هو اللي قايلي اصلا ^_^
دا بيقوللي اخباركو أول بأول :p
حتى بالأمارة هالة بدأت تمشي كمان :d

LoOoLy El Treikawya

29-06-2014, 04:49 AM

مسلمه متفائله (الاب الروحى لشجره الاهلى) :d:d
اكبر واحسن توبيك فى قسم الاهلى

منوره واشكرك فعلا على توبيك شجره الاهلى

ده كان بدايتى فى المنتدى هنا واول مشاركات فى قسم الاهلى ليا كانت من التوبيك ده اللى عرفت فيه احسن ناس

دكتور الاء , مستر ابو بطه , مدرسه الانجلش , طاهر , اميره , جولدن ايجل (مصطفى) , مستر اهلاوى واخوات تانيه اكتر من كده

وعمرى ماهنسى انه كان شرف ليا انى اكون فى اول 100 واول شجره للاهلى :wub::wub:

http://www14.0zz0.com/2010/11/15/20/316504616.gif

http://www13.0zz0.com/2010/10/30/05/615184623.gif
شكرااااا :)

اللــــــــــــــــــــه حضرتك لسة محتفظ بالصوووور دددي :av4056bb7jp3:
كوووووويس عشان عايزاااهم :022yb4: وفين باقي الشجرات كمان فيها باقي الاسماء وكدا :d

قسم الاهلى :( :( مش فاهم انا اتمسح ليه -_-
كأن وجوده هيغرمهم فلوس حتى الحاجه الحلوه اللى فاضله ضيعوها بيطرودنى بالزوق من المنتدى :/
او اكيد بدل ما كان قسم اهلى وقسم زمالك وقسم انديه تانيه وكده نخليه كله فسم واحد سلطه ونوفر الباقى عشان مصر :d:d
هههههههههههههههههههههه ما تجيب السلطة دي عشان ماسر :p

حقيقي بصراحة دا كان اكتر تصرف رخم انهم مسحو القسم دا كان فيه كل توبيكاتنا
والتوبيكات المتثبتة مش كلها سابوها
انا كنت بحب توبيك "ادخل شوف حبايبك" :bosyht9:
بس ياللا متزعلش نفسك يا دكتور محدش هينسى اللي حضرتك عملته في فترة اشرافك في القسم :)

وقسم الزمالك كمان يعنى هندخل نبارك لمين كمان شويه يعنى لما نكسب :p:p

ههههههههههههههههه على طول قلبك كبيييير
كان اكتر حاجه بتضحكنى انهم قبل الماتش ميبطلوش كلام ادحل بعد الماتش ملاقيش ولا واحد منهم

ههههههههههههه ينفع كدا دلوقتي ادينا كسبنا ومش لاقيين حد نغيظه :d

اصلا من غير تريكه مفيش طعم للكوره بس الاهلى بردو بالحياه :wub: :wub:

أولا مبرووووووووووووووك الفوز :av4056bb7jp3: بصراحة الزمالك كان مسخرة انهردة جابو جون ف نفسهم وكمان ضيعو ضربة جزاء منتظرين ايه من نادي ماسكه مرتضى منصور ومدربه ميدو ^_^

ثانيا انا والله اضايقت من الاهلي الفترة اللي فاتت استغنى عن لعيبة كتير اساسية

مش كفاية اني بشوف الماتش وانا مفتقدة ابوتريكة :( كمان فيه لعيبة كتير مش موجودة كانوا كويسين بجد واستغنى عنهم لاسباب غير كروية ودا كان من احد اسباب اني اضايقت من النادي بجد :bosyht9:

بس هيفضل حبي للكيااااااااان زي ماهو :)

ثالثا بقى

بمناسبة أبو تريكة وكدا :d

انا كنت عملتله حاجة كدا بمناسبة اعتزاله :rolleyes:

خلاص بقى كفاية الحاح عشان الفضول هوريكو :d :d

..

..

..

http://im43.gulfup.com/ouKVVM.png (http://www.gulfup.com/?lEN151)

http://im43.gulfup.com/4BMnW7.png (http://www.gulfup.com/?EJ3sh6)

تاتاتاتاتاتاااا ^_^

رسمتها عشان الماجيكو :rolleyes: يا رب تعجبكو :d

عااااااااااااااااااااااااااااااا
مبروووووووووووووووووووك بقى لشباب الاهلى تحت 21 سنه :d:d

البطوله الجايه بقى ان شاء الله تبقى بفريق اهلى 18 سنه :p:p:p:p:p

رمضان كريم بامبو :d
كل سنه وانتو طيبيييين :av4056bb7jp3::av4056bb7jp3::av4056bb7jp3:

حد يقول عاااا وهو فرحان :slap1qk6: :d :d

فعلا احنا كسبنا بالناشئين بس انا بحب اللعيبة الكبيرة بردوووووووو

ههههههههههه بامبو وذنبه على جمبو :d

كل سنة وكلكو طيبييييييييين ^_^

LoOoLy El Treikawya

29-06-2014, 04:58 AM

طق طق السلام عليكو
مين ع الباب :rolleyes:
:p

ازيكم جميعا .. كل سنة وانتو طيبين ويارب ينعاد علينا بالخير <3
وربنا يتقبل منا ومنكم صالح الاعمال ..

موضوع جميل واسمه اجمل .. لان قضينا هنا ايام جمييلة ماتتنسيش :bosyht9:
واتعاملنا مع ناس حبيناهم واكيد بردو مش ناسيينهم ..
وطبعا لو فتحنا ماسورة الذكريات مش هنخلص الا بكرا الصبح :d:d

لكل الناس عشان مش انسى حد يارب تكونوا كويسين وباتم الصحة والعافية
ورمضان كريم :av4056bb7jp3:

مش عارفة بقى حد هيفتكرني او لاء بس قولت اعدي اسلم ;)

انتي مين انا مش فا****ي :p

ايوة فعلا محدش فاكرك بدليل لسة كنا في سيرتك انا ومسلمة متفائلة وبنكلم عن حفلة التخرج اللي عملتيها للطلبة ;)

هههههههههه مالك يا بنتي هو فيه حد يقدر ينسى نقاء الروح اصلا

البنوتة المثقفة العسولة اللي كانت بتشاركنا

وبعدين كله كوم ونقاشاتنا الادبية انا وانتي واستاذ طاهر كوم تاني

داحنا كنا عاملين زي كبار النقاد :cool: :d

بجد يا نقاء انتي نووورتي :022yb4: وانا مبسوطة عشان شفت اسمك منور تاني :wub:

كل سنة وانتي طيبة

وربنا يكرمك ويوفقك دايما ;)

LoOoLy El Treikawya

29-06-2014, 05:03 AM

احم احم
سلام عليكم :)

كانت ايام حلوة اوي اللي قضيتها ف المنتدي واحلي ذكريات ولمه ^_^
كنت علطول راشقه فيه وبالذات ف قسم المسابقات :d كنت علطول بفتحه واشوف اللي نزل جديد :d بس للاسف فجأه كله اختفي كده ومعدتش زي الاول :/
بس يارب نتلم هنا تاني بقي :d ^_^

وكل سنه وانتوا طيبين :) وكل رمضان وانتم لله اقرب ^_^

انتي ليه محسساني ان فيه حد بيجري وراكي :p

هبة باشا :022yb4:

الاحلى هو وجودك يا عمنا :friendsxs3:

نورتي التوبيك والتوبيكات المجاورة كمان :d

كل سنة وانتي طيبة يا جميل

ربنا يسعدك يا رب ويوفقك :)

LoOoLy El Treikawya

29-06-2014, 05:10 AM

بسم الله الرحمن الرحيم

احم عارفه ان احتمال ضربى وارد من واحدة صاحبنتا :slap1qk6:حبيبتى هى :006et4:

يا أهلا بالناس المكثوفة :stickjo4:

نووورتي يا شابة :stickjo4::stickjo4:
:p :p

المهم المنتدى فعلا كان واحشنى جدا بكل جزء فيه ودايما كنت بحس ان فيه حاجة ناقصة فالسنتين اللى فاتوا :(

رغم انى كنت ع تواصل مع صحابى اللى عرفتهم هنا دايما لغاية وقتنا هذا :friendsxs3:
الا ان احساس المنتدى غير !
العالم اللى كان بداية تعارفى على ناس عن طريق النت
بجد من اجمل الناس اللى عرفتهم ف حياتى واتعاملت معاهم يمكن احسن كمان من ناس كتير عرفتهم ف حياتى عامة :)

وقصاد صحابى اللى فضلت على تواصل معاهم فيه ناس تانية اتقطعت علاقتى معاهم بمجرد خروجى من المنتدى بس دايما كنت فكراهم وع بالى

المنتدى لما دخلته اليومين دول
بمنتهى الصراحة بقيت احس ان مش هو دا المكان اللى كنت بفضل قاعدة فيه اغلب يومى
الناس مش الناس :(
والنشاط اختفى :bosyht9:

عشان كدا اتفقنا انا ولولى وباقى البنات نرجع تانى عشان نعيد الايام الحلوة اللى عشناها سوا :022yb4:

رغم احساسى ان دا هيكون صعب
علشان فعلا حاجات كتير اتغيرت !
:(:(
حاسة انى قلبتها نكد :d

وانا اصلا كنت عايزة اقولكوا..

كل سنة وانتوا طيبين
ورمضان كريم

:)

ايه يا شيخة دا حرام عليكي انا هعيط

استني كدا :huh:

أنا اكتشفت ان الايموشنات مفيهاش ايموشن بيعيط

فخلاص بقى هضحك وامري لله :d:d

ههههههههه

انتي عندك حق والله يا حبيبة

فيه حاجات كتير اتغيرت محدش يقدر يتجاهل دا

ومحدش بيعرف يرجع الزمن لورا

بس اعمل ايه في حالة النوستالجيا المفرطة اللي عندي :bosyht9: ((على فكرة دا بيقولو مرض نفسي ^_^ بمعنى الحنين للماضي :p ))

بس بجد وجودكو وتجمعكو دا اتسبب في فرحة كبيرة :av4056bb7jp3:

وانتي نورتي يا باشا

ومتزعليش اني قلت انك مكسوفة وخليت الناس تعرف انك كنتي مكسوفة تدخلي انا مكنش قصدي :p

كل سنة وانتي طيبة يا حبيبـــــــــــــــ تي :d

MR : ABO BATTA

29-06-2014, 09:25 AM

انتخبو استاذ ابو بطة :022yb4:
رمز الـ .. (خليه الحصان عشان بحبه :d )

ههههههههههه حلو الحصان

ايوة دي القصيدة دي اصلا غالية عندي :)
ههههههه يا بختي انا اني تريكاوية :wub:
وبما اني الراعي الرسمي لتوبيك القصيدة :cool: فأحب اقول القصيدة موجودة اهي :rolleyes:
http://www.thanwya.com/vb/showthread.php?t=233269

هههههههههههه يا نهاري بجد انا تصفحت التوبيك .. ايه الجنان اللي أنا كنت عملاه دا :o وخناقنا على بطة كمان :p
هههههههههههههههه دا التوبيك دا لوحده عاوز يطبع ف مجلد ويتشال :d
وبرده فضلت انا اول واخر حد يرد فيه :rolleyes:
:d

فعلا من أجمل الموضوعات وأحبها لقلبي

اممم صدقني مش عارفة بس هو خالو دايما يقعد يحكي ويهزر معانا كدا وانا بحبه جداا :d
يعني اكيد وجه الشبه حاجة حلوة :rolleyes:

عموما ليا الشرف

ههههههههههه حضرتك بتقول لحسن يدور على الكاميرات
اذا كان حسن هو اللي قايلي اصلا ^_^
دا بيقوللي اخباركو أول بأول :p
حتى بالأمارة هالة بدأت تمشي كمان :d

اااااااااااااه شوف الواد
وقال بعمل انه بيدور وهو اللي بيبلغك بالأخبار مع اني اخذت الموبايل منه علشان يتفرغ لشغله ;) ;)
عموما طالما عرفتي انها بدأت تمشي يبقى عرفت مين العصفور اللي بيوصلك الأخبار :) :)

MR : ABO BATTA

29-06-2014, 09:37 AM

مسلمه متفائله (الاب الروحى لشجره الاهلى) :d:d
اكبر واحسن توبيك فى قسم الاهلى

منوره واشكرك فعلا على توبيك شجره الاهلى

http://www13.0zz0.com/2010/10/30/05/615184623.gif

أجمل شجرة
وفي القمة مسلمة متفائلة والاء التريكاوية
انا موجود في الصف الرابع من فوق
كنت دايما انسقها واقلمها :) :)
عااااااااااااااااااااااااااااااا
مبروووووووووووووووووووك بقى لشباب الاهلى تحت 21 سنه :d:d

البطوله الجايه بقى ان شاء الله تبقى بفريق اهلى 18 سنه :p:p:p:p:p

رمضان كريم بامبو :d
كل سنه وانتو طيبيييين :av4056bb7jp3::av4056bb7jp3::av4056bb7jp3:
كل المحللين والنقاد والرياضيين حتى لاعبي الفريقين السابقين والقدامي أجمعوا على أن الزمالك افضل وأكثر خبرة والأهلي كله مصابين ومفيش خبرة
اذن الغلبة للزمالك
لكن التاريخ بيقول ان الأهلي بيكسب الزمالك في المناسبات الرمضانية والأعياد
فهذا الفوز الثامن للأهلي من أصل 13 مباراة والتعادل مرتين والزمالك فاز 3 مرات فقط
مليون تحية للخلوق الكابتن فتحي مبروك

طق طق السلام عليكو

ازيكم جميعا .. كل سنة وانتو طيبين ويارب ينعاد علينا بالخير <3
وربنا يتقبل منا ومنكم صالح الاعمال ..

^_^

مرحبا بالدكتور نقاء
كل سنة وانت طيبة

بسم الله الرحمن الرحيم

احم عارفه ان احتمال ضربى وارد من واحدة صاحبنتا :slap1qk6:حبيبتى هى :006et4:

المهم المنتدى فعلا كان واحشنى جدا بكل جزء فيه ودايما كنت بحس ان فيه حاجة ناقصة فالسنتين اللى فاتوا :(

مرحبا بالنحلة الثالثة
هبة
هنا اللي بيضرب وبيمسك العصايا واحد بس :stickjo4: :stickjo4: ادخلي وانت مطمئنة :d
[QUOTE=El Treikawya;5917002]

http://im43.gulfup.com/ouKVVM.png (http://www.gulfup.com/?lEN151)

تاتاتاتاتاتاااا ^_^

رسمتها عشان الماجيكو :rolleyes: يا رب تعجبكو :d
/QUOTE]

جميلة الصور يا فنانة
مفيش صورة كدا لخطيبك
منتظرها منك
يلا قدامك شهر رمضان كاملا
لو وافقتي هبعتلك صورة تانية أكبر شوية

MR : ABO BATTA

29-06-2014, 09:41 AM

احم احم
سلام عليكم :)

كانت ايام حلوة اوي اللي قضيتها ف المنتدي واحلي ذكريات ولمه ^_^
كنت علطول راشقه فيه وبالذات ف قسم المسابقات :d كنت علطول بفتحه واشوف اللي نزل جديد :d بس للاسف فجأه كله اختفي كده ومعدتش زي الاول :/
بس يارب نتلم هنا تاني بقي :d ^_^

وكل سنه وانتوا طيبين :) وكل رمضان وانتم لله اقرب ^_^

مرحبا بالشراقوة جيراني
ازيك يا هبة عاملة ايه
وفين صاحبتك يارا عطية الشقية اللي بتحب بتزغرط على طوووووووول
يا ترى لسه فاكراني
سلميلي عليها وعلى هاجر
كل سنة وانتم طيبين

bebo_93

29-06-2014, 05:57 PM

اللــــــــــــــــــــه حضرتك لسة محتفظ بالصوووور دددي :av4056bb7jp3:
كوووووويس عشان عايزاااهم :022yb4: وفين باقي الشجرات كمان فيها باقي الاسماء وكدا :d

هههههههههههه طبعا طبعا الحاجات دى ميتفرطش فيها ابدااااا

هههههههههههههههههههههه ما تجيب السلطة دي عشان ماسر :p

لا سلطه كتير خدى خيار وسيبى الباقى لمصر :slap1qk6:

حقيقي بصراحة دا كان اكتر تصرف رخم انهم مسحو القسم دا كان فيه كل توبيكاتنا
والتوبيكات المتثبتة مش كلها سابوها
انا كنت بحب توبيك "ادخل شوف حبايبك" :bosyht9:
بس ياللا متزعلش نفسك يا دكتور محدش هينسى اللي حضرتك عملته في فترة اشرافك في القسم :)

احم احم شكراااا والله
بس انا مش عملت حاجه اكتر من اللى اتعمل من كل الاهلاويه نجاح القسم كان بوجودنا كلنا :):)

ههههههههههههه ينفع كدا دلوقتي ادينا كسبنا ومش لاقيين حد نغيظه :d

أولا مبرووووووووووووووك الفوز :av4056bb7jp3: بصراحة الزمالك كان مسخرة انهردة جابو جون ف نفسهم وكمان ضيعو ضربة جزاء منتظرين ايه من نادي ماسكه مرتضى منصور ومدربه ميدو ^_^

هههههههههههههه انا مش عارف ناويين يكسبونا امتى نلعبلهم اوحش من كده ايه عشان يكسبوا
حتى المره الوحيده اللى الاهلى مقدرش يكسب فيها الزمالك
الزمالك خسر نفسه :d

ثانيا انا والله اضايقت من الاهلي الفترة اللي فاتت استغنى عن لعيبة كتير اساسية

مش كفاية اني بشوف الماتش وانا مفتقدة ابوتريكة :( كمان فيه لعيبة كتير مش موجودة كانوا كويسين بجد واستغنى عنهم لاسباب غير كروية ودا كان من احد اسباب اني اضايقت من النادي بجد :bosyht9:

بس هيفضل حبي للكيااااااااان زي ماهو :)

مش كتير هو مفيش غير احمد عبد الظاهر اللى حصل معاه كده
والحمد لله رجع النادى من اسبوع وهيتأيد فى قايمه الكونفدراليه
والموسم الجاى من الدورى اساسى مع الاهلى ان شاء الله :):av4056bb7jp3::av4056bb7jp3:

ثالثا بقى

بمناسبة أبو تريكة وكدا :d

انا كنت عملتله حاجة كدا بمناسبة اعتزاله :rolleyes:

خلاص بقى كفاية الحاح عشان الفضول هوريكو :d :d

http://im43.gulfup.com/ouKVVM.png (http://www.gulfup.com/?lEN151)

http://im43.gulfup.com/4BMnW7.png (http://www.gulfup.com/?EJ3sh6)

تاتاتاتاتاتاااا ^_^

رسمتها عشان الماجيكو :rolleyes: يا رب تعجبكو :d

اوبااااااااااااااااا بقى ايه ده :o:o:o
ده هو بجد :d:d
ما شاء الله شعر ورسم وما خفى كان اعظم
تسلم ايدك يا دكتور وربنا يحفظك ويزيدك مواهب :078111rg3::078111rg3:

حد يقول عاااا وهو فرحان :slap1qk6: :d :d

فعلا احنا كسبنا بالناشئين بس انا بحب اللعيبة الكبيرة بردوووووووو

ههههههههههه بامبو وذنبه على جمبو :d

كل سنة وكلكو طيبييييييييين ^_^

ههههههههههههههههههه عااااا دى مش للزعل بس
تقول الاسطوره ان عااا لكل المواقف شغاله :d

اللاعيبه الكبيره اعتزلت بس دول بقى مستقبل الاهلى 3>

وحضرتك طيبه ^_^

bebo_93

29-06-2014, 06:03 PM

أجمل شجرة
وفي القمة مسلمة متفائلة والاء التريكاوية
انا موجود في الصف الرابع من فوق
كنت دايما انسقها واقلمها :) :)

عشان كده منووووووره بوحود حضرتك :):)

كل المحللين والنقاد والرياضيين حتى لاعبي الفريقين السابقين والقدامي أجمعوا على أن الزمالك افضل وأكثر خبرة والأهلي كله مصابين ومفيش خبرة
اذن الغلبة للزمالك
لكن التاريخ بيقول ان الأهلي بيكسب الزمالك في المناسبات الرمضانية والأعياد
فهذا الفوز الثامن للأهلي من أصل 13 مباراة والتعادل مرتين والزمالك فاز 3 مرات فقط
مليون تحية للخلوق الكابتن فتحي مبروك

كالعاده الكل بيتكلم قبل الماتش والاهلى يرد فى الملعب

عمر الاهلى ما كان بلاعب او اتنين

الاهلى بمن حضر فى اى زمان ومكان السر فى كلمه الاهلى بأى خطه واى مدرب واى لاعيبه

والزمالك فى المناسبات مش ضد الاهلى بس ضد اى فريق لازم ينكد على جمهوره متعوووده دايمااااا :d:d

تسلم ايد حضرتك عالاحصائيه السريعه دى :078111rg3::078111rg3:

MR : ABO BATTA

30-06-2014, 08:53 AM

كالعاده الكل بيتكلم قبل الماتش والاهلى يرد فى الملعب

عمر الاهلى ما كان بلاعب او اتنين

الاهلى بمن حضر فى اى زمان ومكان السر فى كلمه الاهلى بأى خطه واى مدرب واى لاعيبه

والزمالك فى المناسبات مش ضد الاهلى بس ضد اى فريق لازم ينكد على جمهوره متعوووده دايمااااا :d:d

تسلم ايد حضرتك عالاحصائيه السريعه دى :078111rg3::078111rg3:

فعلا يا هووووبة
كلامك مظبوط بأن الأهلي فريق عظيم لا يتوقف على لاعب
ابو تريكة مشي الأهلي تأثر بعض الشيء ولكن عاد سريعا بأبو تريكة جديد بإذن الله
اللاعب الشاب رمضان صبحي الذي يشبه ابو تريكة في كل حاجة
اما عن الاحصائيات فكل متسجل وأي حاجة بخصوص الأرقام اي نا موجود
ملحوظة : ال 13 مباراة قمة اللي ذكرتهم كانوا في رمضان فقط :)

نقاء الروح

30-06-2014, 02:14 PM

ومانساش كمان الحفلة اللي عملتها دكتورة نقاء لخريجي الثاوية العامة 2011
دي كمان كان فيها أغلبية الناس بتوع زمان

ازييك ياقمر ؟ عاملة ايه ؟ يارب تكوني بخير
وكل سنة وانتِ طيبة <3
ياه فكرتيني بالحفلة :d .. الداتا لسة عندي كل ما اقلب فاللاب اشوفهم وافتكر بقى
كانت ايام جميلة :bosyht9:

مين ع الباب :rolleyes:
:p

انتي مين انا مش فا****ي :p

ايوة فعلا محدش فاكرك بدليل لسة كنا في سيرتك انا ومسلمة متفائلة وبنكلم عن حفلة التخرج اللي عملتيها للطلبة ;)

هههههههههه مالك يا بنتي هو فيه حد يقدر ينسى نقاء الروح اصلا

البنوتة المثقفة العسولة اللي كانت بتشاركنا

وبعدين كله كوم ونقاشاتنا الادبية انا وانتي واستاذ طاهر كوم تاني

داحنا كنا عاملين زي كبار النقاد :cool: :d

بجد يا نقاء انتي نووورتي :022yb4: وانا مبسوطة عشان شفت اسمك منور تاني :wub:

كل سنة وانتي طيبة

وربنا يكرمك ويوفقك دايما ;)

هههههههه الله يخليكي كدا تحرجيني :p:p
ايوة أ/ طاهر مختفي بردو يارب يكون بخير .. كانت ايام حلوة

انتو قلبتوا عليا المواجع والله :d:d
كنت اتمنى تفضل البوابة زي ماتعودنا بس يلا سنة الحياه :006et4:

مرحبا بالدكتور نقاء
كل سنة وانت طيبة

اهلا بحضرتك مستر ابوبطة ^_^
ازي حضرتك يارب تكون بخير وكل سنة وحضرتك طيب والاسرة الكريمة
ويارب القمرات بطة وسهر والعسل حسن يكونوا تمام :av4056bb7jp3:

..

كل سنة وانت طيب يا د/ بيبو ورمضان كريم
ومبروووك فوز الاهلي :av4056bb7jp3::av4056bb7jp3:

مسلمة متفائلة

30-06-2014, 08:12 PM

مسلمة متفائلة

30-06-2014, 08:16 PM

أجمل شجرة
وفي القمة مسلمة متفائلة والاء التريكاوية
انا موجود في الصف الرابع من فوق
كنت دايما انسقها واقلمها :) :)

آه والله أستاذ أبو بطة كانت أيام جميلة

حتى أما الشجرة كانت بتبوظ كانوا بيسألوا عن جنايني الشجرة :")

مسلمة متفائلة

30-06-2014, 08:24 PM

روووودي نوووووووورتي :022yb4:

ايوة شجرة الاهلي طبعا فيها كل الناس اللي غاليين علينا

وهروح اشوف شجرة البوابة دي ^_^

ايوووون انا فاكرة حفلة نقاء الروح كانت حفلة حلوووة اوووووي :av4056bb7jp3:

ربنا يرجع الناس دي كلها بالسلامة ويكرمهم يا رب

انتي فكرتيني بحاجات كتير حلوة وكفاية وجودك نفسه حاجة حلوة يا رضوى ربنا يعلم انا فرحت كتير لما شفتك متواجدة في المنتدى ♥ :wub:

نوووووورتي يا جميل :)

جزاكِ الله خيرا

إيه ده يا آلاء إنتي ماكنتيش كاتبة اسمك في شجرة البوابة ولا إيه ؟؟

يلا روحي اكتبي اسمك فيها حالا

حتى هتلاقيني لسه مقلماها وسقيتها قريب ^^

وأنا اللي فرحت أكتر والله لما اتجمعنا تاني

متجمعين في الجنة كلنا يا رب

bebo_93

30-06-2014, 10:29 PM

فعلا يا هووووبة
كلامك مظبوط بأن الأهلي فريق عظيم لا يتوقف على لاعب
ابو تريكة مشي الأهلي تأثر بعض الشيء ولكن عاد سريعا بأبو تريكة جديد بإذن الله
اللاعب الشاب رمضان صبحي الذي يشبه ابو تريكة في كل حاجة
اما عن الاحصائيات فكل متسجل وأي حاجة بخصوص الأرقام اي نا موجود
ملحوظة : ال 13 مباراة قمة اللي ذكرتهم كانوا في رمضان فقط :)

رمضاان صبحى ده استاااااذ هو بس يشتغل على نفسه كويس ومع المشاركه والخبرات هيبقى ممتاز ان شاء الله

تماااام يارب كل رمضان ماتش معاهم :d

كل سنة وانت طيب يا د/ بيبو ورمضان كريم
ومبروووك فوز الاهلي :av4056bb7jp3::av4056bb7jp3:

وحضرتك طيبه يا دكتور نقاااء

الله يبارك فى حضرتك :av4056bb7jp3::av4056bb7jp3:

ياااااااه .. الشجرة لسه عند حضرتك

أنا كانت عندي بردو بس كل حاجة عندي اتمسحت

كويس إني لقيتها تاني :")

على فكرة الموضوع كان بتاع lovely-girl والشجرة كانت فكرة الأستاذ كيميائي حديث

هو اسمه في الشجرة بردو .. خدت أنا الفكرة وأختي اللي عملت التصميم

حتى كانت لسه بداياتها في الفوتوشوب .. بس طلعت جميلة لأنها كانت للأهلاوية ^^

ذكرياااااااات

من احلى ذكرياتنا فى المنتدى :):)