هاى يا جماعة انا دودو عضو جديد وعندى مشكلة وبليز لو حد عنده حل يبعت هولى انا عندى صحبتى بتغير عليا بطريقة فظيعة لما بكون مع اصحابى وعيزانى اقطع علاقتى بكل اصحابى ومش عيزانى اصاحب حد غيرها وما بتحبنيش اكون احسن منها و بتصاحب البنات اللى ما بيحبونيش واخر حاجة عملتها انها راحت قدمت رغباتها مع واحدة ما بتحبنيش وعلى طول البنت دى كانت بتوقع بيينا ومع ذلك مشيا معاها ولما حد من زمايلنا الشباب فى الدروس يعجب بيا بتقول لى اشمعنا انتى ! ولما كنت حأجل السنة دى عشان الامتحانات صعبة فرحت وحتى ما قالتليش لأ حرام تضيعى سنة من عمرك بالعكس دى فرحت بس الحمد لله انا اتراجعت وكملت السنة دى وانا دلوقتى ملرحلة ثانية علمى رياضة ..بليز يا جماعة انا عيزا رد للمشكلة اللى انا فيها دى واتصرف مع واحدة زى دى ازااى؟!!!!!!!!!!

الرجل على دين خليله فلينظر أحدكم من يخالل

من كلامك طبعا باين انها انسانة مش كويسة خالص

وبصراحة انا مش عرفة انت بتفكري في ايه بضبط يعني انت بتحولي ترجعيها كويسة ؟؟؟؟؟؟؟
ولا مش عرفة تسبيها ازاي؟

ياريت تردي عليا ممكن اقدر اسعدك باذن الله

هاى يا انانو المشكلة مش فى انى اخليها كويسة انا حاولت كتير وفشلت ولا القضية فى انى عيزا ابعد عنها المشكلة فى انها بتمشى مع ناس بيكرهونى وهى عرفة كدة وياما عملت معايا مواقف زبالة لدرجة انها وقعت بينى وبين المستر بتاعى بتاع الرياضة انا مش عرفة اسبها ولا اعمل ايه يا ريت تردى بسرعة لانى اتخنقت لانى ياما عملت خير واتقلب عليا شر

برده انا مش فهمة


من كلامك انا حسة انها بقت عدوتك مش صحبتك يعني يمكن بتكرهيها اكتر من الناس اللي بتمشي معاهم

يعني انت لو بعدتي عنها ده هيريحك لان مبقاش بينك و بنها اي علاقة يعني تمشي مع اللي عيزاه بقى

انا مش فهمة المشكلة في بالضبط؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!

انا رأي انك تتخلصي من هذه الصديقه او اصلا هي مش صديقه

الحل واضح جدا انك تسيبيها ولا أكنك تعرفيها:)
وتصاحبى انتى ناس تانيه يحبوكى وتحبيهم:)
وبعدين عادى يعنى انها تمشى مع ناس بيكرهوكى لان هى كمان بتكهرك
فابعدى عنها احسن:)

كان عندى نفس المشكلة برده مع واحدة عمرى ماحبيت حد ادها ولا هى بس كانت مشكلة الغيرة وتزعل اكلم حد غيرها وتكلم هى براحتها واناكمان بعند بالذوق .........حصل مشكلة فوق التصور.............بصى اول سنة لفراقنا كنت متالمة بس بعد كده لانى مينفعش نرجع اصحاب اتعودت لكن اهم حاجة عرفتها قدام نفسها اللى غلطت فيه علشان اللى بيكونوا بالطبع ده بيفتكروا ان انتى اللى غلطانة.......................معلش طولت يبقى كده تعرفيها حتى لو هى عارفة.................ولازم تبعدى عنها وكل ما تحسى بالزعل لفراقها افتكرى اللى بتعمله(ده لو انتى بتحيها وصعب تسيبيها)

أهم شئ اختيار الصديق ولكن يظهر أن كل البنات هنا زعلانين من بعض ربنا يهديهم ويبارك في صديقاتي الخلصات

من رأيى سبيها فورا دى مش تستحق لقب صديقة

ربنا يهديها انا عارف الناس دي قابلت منهم كتييير ... الحل الوحيد ليهم هو اجتنابهم

فعلا يا smsm الحل الوحيد هو اجتنابهم لان دول بيكونوا اعداء متنكرين فى زى الاصدقاء

ميرسى يا جماعة ليكم ولردودكم وانا بجد بقى ليا اصحاب جداد وهم انتوا وربنا يسهل وانساها وابعد عنها وربنا يقدم اللى فيه الخير

عمليها بطريقتها يا دودو
مش هى عاوزاكى ما تصاحبيش حد غيرها
خليها ما تصاحبش حد غيرك
هى مش هترضى
قوليلها خلاص وانتى مش احسن منى فى حاجه

لا يا بيبو الموضوع مش بالبساطة دى هى مش كويسة معايا فى حاجات كتير وخلاص انا مش عيزاها تانى وبعدين انا ليا اصحاب كتير بس هى كانت انتيمى ربنا يسهل والاقى واحدة تانية وكويسة وميرسى على ردك يا مان ههههههههههههههه من غير زعل اوك

يا ستى حرام عليكى
والله بتنرفزنى ماعنتيش تقوليها
وعلى فكره اسمى بيوب مش بيبو
اتهجى كويس
طيبمادام الموضوع كده من الاول
يبقى انتى مش محتاجه مشوره
نفضيلها بكل بساطه

ايه يا عم بيوب براحة عليا شوية انت مش طايقنى كدة ليه ده انا لسا طلعا من صدمة عاطفية من صحبتى وبعدين لو الكلمة دى بتضايقك خلاص ما تزعلش اوى كدة حبقى اقول هالك تانى ههههههههههه وبعدين القضية مش انى انفض لها بس انا عيزا اعمل فيها زى ما عملت معايا بس المشكلة ان انا عمرى ما أذيت اصحابى عشان كدة الحمد لله ليا اصحاب كتير وهم بيحبونى عشان كدة هى متضايقة وكل ما يحصل بينا مشكلة تقول لى انتى حتسبينى عشان ليكى اصحاب غيرى ......بس كفاية كدة يا عم بيوب دة لو الواحد اتفتح مش حيقفل

على فكره
انا اتعلمت حاجهة من ماما الله يرحمها كانت بتعاقبنى بيها
عارفه كانت بتعاقبنى ازاى
مابتردش عليا بتنفضلى بطنشنى
والله بجد هيكون اقصى حاجه تضايقها انك ما تعبريهاش
وهى هتتعذب من جواها
طبعا هى مش هتكلمك انتى ما ترديش
انتى بس حسسيها ان مفيش اى حاجه
بس حسسيها ان احتمامك بيها بيقل واحده واحده واهتمامك باصحابك التايين بيزيد برضه وانتى اعملى ان مفيش اى حاجه غير طبيعيه
وهى هطق من جنابها على طول
وبعدين اانا عمرى ما شفت بنت فى حياتى بتقول يا مان دى
انا مش عارف انتى بتقوليها ازاى

بص يل بيوب صحبتى دى لسا بتكلمنى لحد دلوقتى وكأنها ما عملتش فيا حاجة واللى يغيظ انها بردة يعنى بتكلمنى كأن مفيش بيننا مشاكل والمصيبة انها بتمشى مع ناس بيكرهونى وهى عرفة كدة كويس وكانت بتشتكيلى منهم بس هى ما صدقت انها تلاقى حد ما بيحبنيش والله يا بيوب الموضوع دة كبييييييييييييير واصحابى بيقولولى اوعى تمشى معاها تانى لانها غبية وما بتحبلكيش الخير وابسط مثال السنة دى انا ما كنتش حكمل الامتحانات لانها كانت صعبة وانا كنت علمى رياضة .والمفروض ان انتى صحبتى يعنى ع الاقل تقولى لى حرام تضيعى سنة من عمرك زى ما كل اصحابى قالولى وزعلوا عشانى بس هى فرحت وما قالتليش اى حاجة بس الحمد لله انا كملت ودخلت مرحلة تانيه ادعيلى يا بيوب الحق هندسة .......وبعدين انا عيزا اعرف حاجة انت ايه اللى بيضايقك فى مان دى حتى كلمة كاجول ع العموم انت حر ..يعنى اقول لك يا عم الحج ولا ايه

والله انا قابلت نوعيات من دى برضه
صدقينى الابتعاد عنها كويس
اسمعى كلام اصحابك
وعلى العموم انا اعرف مثل بيقول عتاب الندل اجتنابه
ربنا يوفقك وتلحقى هندسه(مع انى ما اخبيش عليكى هتبقى صعبه شويه)
قوليلى يا مصطفى من غير مقدمات هو لازم يعنى يا عم الحج
اانتى شايفانى بقولك يا ست الحجه
قوليلى يا مصطفى عادى
وبعدين انا مش كاره الكلمه فى حد ذاتها
انا لو حد بيكامنى بالانجليزى وقالها هيبقى عادى طبعا انما لما حد يقولها فى كلام عربى حتى بيبقى قبلها اداه النداء اللى مش موجوده الا فى لغتنا بتغاظ

هههههههههههههههههههه يا ست الحجة اوك يا بيوب <مصطفى> ومين يطول يحج ربنا يكتب هلنا كلنا ولا ايه يا اخ مصطفى ربنا يهدينا للخير اجمعين ونصيحة ليك منى يا ابنى برضه مان حلوة مشيها مان وريح دماغك منى اصل انا رخمة شوية عارف لو كنت قلت لى عادى ما كنتش حقول هالك بس انت اللى قلت انك مش بتحبها استحمل بقا بيس هههههههههههههههههههههههههه

طيب بصى
انادلوقتى علقت على بيس
قولى بيس براحتك
مش منرفزانى خالص
بس بلاش مان علشان مايحصلش زعل على حاجه تافهه زى دى
معلش اضغطى على نفسك وماتقوليهاش ليا انا بس
واجرك وثوابك عند ربنا

متكلمهاش واللي مش عاجبه يخبط دماغه في الحيطة

اوك يا بيوب وانا مش حخسرك يا عم ومش حقول هالك تانى ولا تزعل نفسك بيس بيس بيس بيس بيس بيس بيس بيس بيس بيس بيس يا بيوب .حلو كدة

اوكى
شغال
تمام كده

ايه يا بيوب انت غطست فجأة ليه كدة دة العيال مصطفى واسلام مستلمنى من الصبح بقول لك ايه حقول لك يا كابو حلو ولا ايه يمشى معاك دة

صحبتك دي مريضه نفسيا ابعدي عنها احسن

الحل الوحيد زي ماقولتلك انك تبعدي عنها يااما في حل احسن وانا جربته قبل كدا انك تديها درس متنساهوش طول حياتها علشان كدا كدا لو سابتك بردو هتروح تعمل كدا مع واحده تانيه

طب ايه هو الدرس انت بتقول لى اديها درس ومشيت طب حدى هولها بكام

سيبيها و مش تعرفيها تاني طالما هي بالأخلاق دي و فرحت فيكي
دي مش صاحبه اصلاً طالما بتفرح فيكي كده و بتحقد عليكي
الصديق هو اللي بيتمنى الخير لأصحابه زي ما بيتمناه لنفسه

ان زاد عن حده بنقلب ضده حسسها انك زعلان منها وهى تيجى تصالحك وبعدين شوف عايزة منك ايه او بتغير اوى ليه ونفذ طلباتها وحسسها انك بتضايق لما هى تصاحبك اعدائك وربنا يوفقك يا بوب

طب ايه هو الدرس انت بتقول لى اديها درس ومشيت طب حدى هولها بكام

جربي كدا تعملي فيها مقلب اعملي انك زعلتي مع واحده صاحبتك مثلا واتفقي انتي وصاحبتك دي انكم كل واحده فيكم تمشي معاها لوحدها وشوفوها هتقول ايه عليكم انتو الاتنين ولاعبوها شويه بقي وبعد كدا واجههوها اكيد هتحرم تعمل كدا تاني

اولا شكرا ليكي و لموضوعك

ثانيا بس عاوز تفهميني الحتة دي

لما حد من زمايلنا الشباب فى الدروس يعجب بيا بتقول لى اشمعنا انتى !


بيعجب بيا !!!!!

ارجو التوضيح تقبلي مروري

سيبيها و ان شاء الله تصاحبي من اهم افضل منها :: لانها لا تتمني لك الخير :: لذلك لا تكملي علاقتك بها

بصى هو تسبيها افضل
انما لو مش عايز كدا يبقى تسبيها نص نص
قوليلى ازاى ؟
اقولك
يعنى تكلميها وكل حاجه بس مش زى الاول يعنى
يعنى بلاش خروج معاها وكلام معاها كتير
والكلام دا يعنى
يعنى مش اكتر من سلام وكلمه كويسه
بس وهو كدا يبقى اسمك لسه مصحباها عشان مش تزعل
وفى نفس الوقت برده اخدتى حذر منها

بصى يا دودو
انا شايف كل الردود بتقولك تنفضى لصاحبتك و تسيبيها
بس انا عندى رأى احسن قبل ما تنفضيلها
حاولى تعرفى منها اذا كان فى حاجة انتى عملتيها ليها قبل كده وخلتها مضايقة منك مثلا
يعنى احسن حاجة الصراحة
ولو انتى متاكدة انك معملتيش معاها حاجة حاولى بردو تبقى كويسة معاها مرة واتنين و تحسيسها انك احسن منها (فى المعاملة )
وبعد كده ابقى نفضيلها زى ما قالولك اللى قبلى
لان فى الواقع اساسا الشخصيات المريضة نفسيا موجودة بكثرة وحلها الوحيد التخلص منها

عدو عاقل خير من صديق احمق

]انا من رايى انك تسيبيها عشان هى بتتعمد تضايقك وهى كمان انتى لو كنتى فارقه معها فى حاجه مكنتش هتعمل كل ده ولو بتحبك هتحاول ترجعك ليها باى طريقه وساعتها واجهيها بكل حاجه ممكن اطلب طلب انا عايزه اتعرف على اللى فى المنتدى اعمل ايه ؟؟؟؟؟؟؟؟؟؟

بصى انتى متبعديش مرة واحده بس احذرى منها خالص دى اصلا بس متزعليش منى مش صديقه ربنا يهديهالك بس احذرى احذرى منها

بسم الله ماشاء الله

هو الموضوع ده انتشر قوي كده

انا حصل معايا و اوحش كمان ... الحل انك تشوفيها هي بتدايق من ايه و تعمليه .. كمان احرقي دمها يعني نفضيلها و بعد كده بفتره اسألي عليها و الكلام ده

بعد ما يحصل كده هتلاقيها هي اللي جايه تتكلم معاكي و هتلاقيها تحت رجلك و بعد كده اعملي اللي انتي عاوزاه بس انا لقيت ان الناس دي مش بيتصلح حالها ... يعني يا تتسلي عليها زي ما هي اتسلت عليكي يا تسيبك منها

عن تجربة

بسم الله ماشاء الله

هو الموضوع ده انتشر قوي كده

انا حصل معايا و اوحش كمان ... الحل انك تشوفيها هي بتدايق من ايه و تعمليه .. كمان احرقي دمها يعني نفضيلها و بعد كده بفتره اسألي عليها و الكلام ده

بعد ما يحصل كده هتلاقيها هي اللي جايه تتكلم معاكي و هتلاقيها تحت رجلك و بعد كده اعملي اللي انتي عاوزاه بس انا لقيت ان الناس دي مش بيتصلح حالها ... يعني يا تتسلي عليها زي ما هي اتسلت عليكي بصراحة انا بشكرك جدا جدا على رايك لان الكلمة اللى انت قلتها دى احسن كلمة وهى ان الناس دى ما بيتصلحش حالها بصراحة عندك حق فيها لان انا حاولت معاها بس فشلت وميرسى على ردك

بسم الله ماشاء الله

هو الموضوع ده انتشر قوي كده

انا حصل معايا و اوحش كمان ... الحل انك تشوفيها هي بتدايق من ايه و تعمليه .. كمان احرقي دمها يعني نفضيلها و بعد كده بفتره اسألي عليها و الكلام ده

بعد ما يحصل كده هتلاقيها هي اللي جايه تتكلم معاكي و هتلاقيها تحت رجلك و بعد كده اعملي اللي انتي عاوزاه بس انا لقيت ان الناس دي مش بيتصلح حالها ... يعني يا تتسلي عليها زي ما هي اتسلت عليكي بصراحة انا بشكرك جدا جدا على رايك لان الكلمة اللى انت قلتها دى احسن كلمة وهى ان الناس دى ما بيتصلحش حالها بصراحة عندك حق فيها لان انا حاولت معاها بس فشلت وميرسى على ردك[/i]

بص يا شريف انا حقول لك يعنى لما كنا فى الدرس والولاد اللى معانا كانوا بيبصوا عليا وعيزين يكلمونى بس انا كنت برفض لدرجة ان واحد فيهم كان يقعد يضحك لى طول الحصة وانا كنت منفضة وراح بعدها جاب موبايل زى بتاعى وحط نفس النغمة ويبص لى وانا برضه كنت منفضة وهى كانت ملاحظة دة عشان كدة كانت بتقول لى اشمعنا انتى اللى الولاد بيبصولك بس انا والله ما كنش فى دماغى الكلام دة لان دة لعب عيال وانا ما بحبش كدة عشان كدة ما كنتش بحط فى دماغى ودى برضه كانت بتضايقها وتقول لى انتى معقدة...بس كدة...ارجو الرد..بييييس

بصى يا دودو
انا شايف كل الردود بتقولك تنفضى لصاحبتك و تسيبيها
بس انا عندى رأى احسن قبل ما تنفضيلها
حاولى تعرفى منها اذا كان فى حاجة انتى عملتيها ليها قبل كده وخلتها مضايقة منك مثلا
يعنى احسن حاجة الصراحة
ولو انتى متاكدة انك معملتيش معاها حاجة حاولى بردو تبقى كويسة معاها مرة واتنين و تحسيسها انك احسن منها (فى المعاملة )
وبعد كده ابقى نفضيلها زى ما قالولك اللى قبلى
لان فى الواقع اساسا الشخصيات المريضة نفسيا موجودة بكثرة وحلها الوحيد التخلص منها بص يا احمد الاول ميرسى ليك جدا على متابعتك لموضوعى..تانى حاجة انا عملت زى ما انت قلت فعلا وعرفت منها ايه اللى بيزعلها..عارف ايه اللى بيزعلها ان انا بضحط وبهزر مع اصحابى وان انا ليا اصحاب كتير عشان كدة لما بيحصل بينى وبينها مشكلة بتعيط لاصحابى وبتشتكى لهم منى فى حاجات انا ماعملتهاش يعنى بتحور وبتقول كلام من دماغها وبتحلف لهم واصحابى بيقولولى انتى عملتى معاها كدة ليه بقول لهم يا جماعة والله حصل كذا كذا كذا ..فبيقولولى انتو الاتنين بتحلفوا طب نصدق مين..فبقول لهم يعنى هو عشان انا مش بعيط يبقى ما تصدقونيش وحكيت لهم على كل حاجة والله اعلم بقا بيصدقوا ولا لاء بس انا والله بحكى اللى بيحصل بالظبط ولما بكون غلطانة فى حاجة بقول لهم يا جماعة انا غلطانة بس هى ما بتحبش تعترف بغلطها وهى دى المشكلة ولما اجى اواجهها بحاجة بتقول لى يعنى انتى ملاك ما بتغلطيش عشان كدة ما بعرفش ارد عليها واقول لها ايه بس بجد والله انا تعبت والمشكلة كمان انها معايا فى نفس الكلية طب اعمل ايييييييييييييييييييييه!!!!!!!!!!!!

معقول فى بنات تفاهات للدرجه دى وفين فى ثانوى ؟
أمال بنات الدبلومات الفنيه يقى شكلهم ازاى
عليه العوض ومنه العوض
http://www.gmrup.com/up/gallery_files/suB97249.jpg (http://www.gmrup.com/up/)

اختى فى اللة انتى نظرتى للمضوع من جانب واحد وكل الاخوة نظروا لة من جانب واحد هو ان صديقتك مش كويسة ولازم تتتركيها فورا وهذا حق ولكن الجانب الآخر الذى اريد ان الفت نظرك الية هو ان صديقتك ممكن ان تكون مصابة بمرض ما هو الذى يفعل بها هذة الغيرة و يجب العلاج منة و فى هذة الحالة ليس عليها حرج لان المريض ليس علية حرج و الاحوط ان تاخذيها على قد مخها ياريت تصبرى على هذا و لكى الجنة و ممكن للتواصل الايميل الخاص بى هو abdulmaksoud124@yahoo.com , و عندى المزيد لمعالجة مثل هذة المشالك سلا م

انا رايي انك غلطتي في التعبير من رايي انها بتغير منك مش بتغير عليكي وممكن تكون ماشيه معاكي او مصاحباكي مصلحه مش اكتر ومن موقف موضوع التاجيل ده وضح انها بتفرح فيكي ومفيش صحبه بجد تفرح في صحبتها وانتي اكيد عارفاها اكتر مني لان انا بقول بناء علي كلامك ممكن تكون هيه مش كده

على فكرة دى انسانة بتبقى معقدة نفسية مش عاوزة حد يكون احسن منها وتحب البنت اللى معاها تكون مش محبوبة او مش ظاهرة بين النسا وهى لا دى بتبقى حالة نفسية والله صدقينى فاحسن ليكى لما تبعدى عنها وتمشى مع اللى هيا عايزاه لما تمشى مع البنات اللى مش بيحبوكى دول وانتى مش صاحبتها احسن لما تبقى معتبراها صحبتك وتكون موافقة وراضية بالوضع ده ياريت تبعدى عنها لان الصاحب لازم يقف جانب صاحبه فى كل الظروف ويساعده على النجاح مش العكس