دمياطية
08-07-2014, 09:52 PM
مجرد رأى:
من الحيل النفسية لعقل سيادتك :
لما يكون مطلوب منك شىء أو مكلف بمهمة محددة أو محدد زمن معين لنفسك لأداء شىء معين ،
ويقرب وقت عرض النتائج أو تقديم التقارير أو زى ما بيقولوا حصاد العمل /زى حصاد الأرض عندنا فى الفلاحين/ ،إنك تشغل نفسك أوى أوى أوى بأشياء أخرى ،
تصنف فى الغالب غير هام وغير عاجل وتتفانى جداً فى إنجازها وكأنها هيا الهام والعاجل فى حياتك أو ربما الأهم والأعجل على الإطلاق ،
★ ليه بقى عقل سيادتك بيعمل كدة ؟
لأنه سيادتك بينك وبين نفسك وفى رسايل خاصة جداً وخفية جداً وجداً وجداً منك لعقلك اللاواعى عارف انك ما أنجزتش المهمة وعندك قدر من تأنيب الضمير /صحيح بيتفاوت من شخص لشخص لكنه موجود ولو بنسبة قليلة/ دا شىء ،
الشىء التانى كحيلة دفاعية ومبرر للإنشغال وضيق الوقت منعك فعلا عن العمل، كمبرر للأخرين عشان صورتك العامة أدامهم ،،، وساعات يا لئيم عشان إستجداء تعاطفهم ومساعدتهم ليك ،
الشىء الثالث ومعلش يعنى خلينا على قدر كبير من الصراحة وسامحنى عليها يعنى :
ساعات المهمة والعمل دة بيكون أكبر من قدراتك وإمكاناتك وعدم إنجازه بيحسسك بالضعف وساعات بيحسسك إنك عديم القيمة أو الفايدة سواء على المستوى الشخصى أو الأسرى أو المهنى /صح؟؟؟ /
عارفة إنه الإجابة دى صعبة شوية على نفسك خصوصا لو إنت من النوع اللى بيقارن نفسه مع الأخرين خاصة ذوى الشأن والناجحين منهم وحتى لو فعلا معجب بيهم وبتتمنى لهم الخير بس فيه جواك شىء كدة أوحاجة كدة أو نقول إحساس كدة بالنقص مقارنة بيهم،
الشىء الرابع أو الحيلة الرابعة هيا إعلاء الشكوى بمرض معين ربنا يعافى الجميع يارب ، وعلى فكرة مش لازم يكون مرض خطير أو مرض مزمن دا ساعات على شكل صداع أو مغص أو دوخة أو أسهال وابن عمه ....
يعنى لو بدأنا الكلام عن الأمثلة دى هتآخد مننا وقت كتير .
★★★السؤال الوقت : إن كان المذكور أعلاه دة موجود فعلا يكون العمل إيه؟؟؟
بٌص يا سيدى أو ياستى ماهو الكلام للجميع ،
*أول شىء :خليك صريح مع نفسك وإعرف قدراتك كويس و أحب أقولك إن قدرات العقل البشرى مالها حدود وإنه اللى غير عمله تقدر إنت كمان تعمله بس إنت محتاج لمزيد من المران والتدريب ،
*تانى شىء : حدد هدفك بالضبط إنت عايز إيه ، وزود الأسئلة دى لو سمحت :
عايز إيه ؟ وليه ؟ و فى وقت أد إيه ؟
* ثالث شىء : أكتب خطتك إزاى هتنفذ الهدف أو المهمة دى و إية اللى إنت محتاجه وإية أو مين اللى هيساعد ويعين / على فكرة لا مفر من مساعدة الأخرين بس خلى بالك هيا مش فى كل وقت وحين ،
إضافة صغغنة الخطة دايما قابلة للتعديل للحذف وللإضافة فبلاش تأزم نفسك وتفرض على نفسك قالب جامد من التنفيذ لو ما إتوفرش بحذافيره تسيب العمل ولامؤاخذة يعنى تسب وتلعن اللى ...........
* رابع شىء : إبدأ التنفيذ وخلى دايما الصورة النهائية للعمل أدام عنيك إزاى هيتم؟ وإزاى شكله ؟ عارف وبما إننا صايمين ساعات إزاى مذاقه وطعمه وريحته ،؟
*خامس شىء : رجاءآ إبتعد جداً عن صٌحبة السلبيين والمثبطين والمحبطين وإن كانوا مفروضين عليك ومش قادر تهرب منهم فاعمل ودن من طين وودن من عجين ، أقولك فاكر حكاية الضفدعتين اللى وقعوا فى البئر العميق !!؟؟؟
*سادس شىء : وقت الملل أو الزهق / ما تستغربش ماهو ساعات ممكن تتعرض ليه/ خد وقت راحة قليل إعمل شىء بتحبه أوى لدقايق أو ساعات أو أيام بس ما تريحش أوى أصل الوقت يسرقك ونرجع نعيد الكلام من الأول،
وبعد الراحة دى إعمل إعادة ترتيب وتقييم وتعديل وكمل ما بدأت بقلب جامد وجهد عالى ومتين.
*سابع شىء : إستعن دائماً أبداً بربك نعم العون ونعم المولى والنصير فى كل وقت وفى كل حين .
كفاية كدة دلوقت هأنتظر منك إنجازك علشان يضاف لرصيدك الشخصى و المهمنى و القومى و الأهم يضاف لك تلال من الحسنات يوم الدين.
® ® ®
من الحيل النفسية لعقل سيادتك :
لما يكون مطلوب منك شىء أو مكلف بمهمة محددة أو محدد زمن معين لنفسك لأداء شىء معين ،
ويقرب وقت عرض النتائج أو تقديم التقارير أو زى ما بيقولوا حصاد العمل /زى حصاد الأرض عندنا فى الفلاحين/ ،إنك تشغل نفسك أوى أوى أوى بأشياء أخرى ،
تصنف فى الغالب غير هام وغير عاجل وتتفانى جداً فى إنجازها وكأنها هيا الهام والعاجل فى حياتك أو ربما الأهم والأعجل على الإطلاق ،
★ ليه بقى عقل سيادتك بيعمل كدة ؟
لأنه سيادتك بينك وبين نفسك وفى رسايل خاصة جداً وخفية جداً وجداً وجداً منك لعقلك اللاواعى عارف انك ما أنجزتش المهمة وعندك قدر من تأنيب الضمير /صحيح بيتفاوت من شخص لشخص لكنه موجود ولو بنسبة قليلة/ دا شىء ،
الشىء التانى كحيلة دفاعية ومبرر للإنشغال وضيق الوقت منعك فعلا عن العمل، كمبرر للأخرين عشان صورتك العامة أدامهم ،،، وساعات يا لئيم عشان إستجداء تعاطفهم ومساعدتهم ليك ،
الشىء الثالث ومعلش يعنى خلينا على قدر كبير من الصراحة وسامحنى عليها يعنى :
ساعات المهمة والعمل دة بيكون أكبر من قدراتك وإمكاناتك وعدم إنجازه بيحسسك بالضعف وساعات بيحسسك إنك عديم القيمة أو الفايدة سواء على المستوى الشخصى أو الأسرى أو المهنى /صح؟؟؟ /
عارفة إنه الإجابة دى صعبة شوية على نفسك خصوصا لو إنت من النوع اللى بيقارن نفسه مع الأخرين خاصة ذوى الشأن والناجحين منهم وحتى لو فعلا معجب بيهم وبتتمنى لهم الخير بس فيه جواك شىء كدة أوحاجة كدة أو نقول إحساس كدة بالنقص مقارنة بيهم،
الشىء الرابع أو الحيلة الرابعة هيا إعلاء الشكوى بمرض معين ربنا يعافى الجميع يارب ، وعلى فكرة مش لازم يكون مرض خطير أو مرض مزمن دا ساعات على شكل صداع أو مغص أو دوخة أو أسهال وابن عمه ....
يعنى لو بدأنا الكلام عن الأمثلة دى هتآخد مننا وقت كتير .
★★★السؤال الوقت : إن كان المذكور أعلاه دة موجود فعلا يكون العمل إيه؟؟؟
بٌص يا سيدى أو ياستى ماهو الكلام للجميع ،
*أول شىء :خليك صريح مع نفسك وإعرف قدراتك كويس و أحب أقولك إن قدرات العقل البشرى مالها حدود وإنه اللى غير عمله تقدر إنت كمان تعمله بس إنت محتاج لمزيد من المران والتدريب ،
*تانى شىء : حدد هدفك بالضبط إنت عايز إيه ، وزود الأسئلة دى لو سمحت :
عايز إيه ؟ وليه ؟ و فى وقت أد إيه ؟
* ثالث شىء : أكتب خطتك إزاى هتنفذ الهدف أو المهمة دى و إية اللى إنت محتاجه وإية أو مين اللى هيساعد ويعين / على فكرة لا مفر من مساعدة الأخرين بس خلى بالك هيا مش فى كل وقت وحين ،
إضافة صغغنة الخطة دايما قابلة للتعديل للحذف وللإضافة فبلاش تأزم نفسك وتفرض على نفسك قالب جامد من التنفيذ لو ما إتوفرش بحذافيره تسيب العمل ولامؤاخذة يعنى تسب وتلعن اللى ...........
* رابع شىء : إبدأ التنفيذ وخلى دايما الصورة النهائية للعمل أدام عنيك إزاى هيتم؟ وإزاى شكله ؟ عارف وبما إننا صايمين ساعات إزاى مذاقه وطعمه وريحته ،؟
*خامس شىء : رجاءآ إبتعد جداً عن صٌحبة السلبيين والمثبطين والمحبطين وإن كانوا مفروضين عليك ومش قادر تهرب منهم فاعمل ودن من طين وودن من عجين ، أقولك فاكر حكاية الضفدعتين اللى وقعوا فى البئر العميق !!؟؟؟
*سادس شىء : وقت الملل أو الزهق / ما تستغربش ماهو ساعات ممكن تتعرض ليه/ خد وقت راحة قليل إعمل شىء بتحبه أوى لدقايق أو ساعات أو أيام بس ما تريحش أوى أصل الوقت يسرقك ونرجع نعيد الكلام من الأول،
وبعد الراحة دى إعمل إعادة ترتيب وتقييم وتعديل وكمل ما بدأت بقلب جامد وجهد عالى ومتين.
*سابع شىء : إستعن دائماً أبداً بربك نعم العون ونعم المولى والنصير فى كل وقت وفى كل حين .
كفاية كدة دلوقت هأنتظر منك إنجازك علشان يضاف لرصيدك الشخصى و المهمنى و القومى و الأهم يضاف لك تلال من الحسنات يوم الدين.
® ® ®