الموضوع مش فلوس
اهم حاجه راحة البال

ازاي تشتغل وانت مستريح

المعلم مهنة سامية منذ قديم الازل وكان يمتهنها اناس تربويين بمعنى الكلمة تعلموا علي يد علماء افاضل

اما اليوم فكليات التربية تخرج كل عام الاف من خريجيها يريدون وظيفة فقط

المقارنة ستكون ظالمة بين المعلم قديما في السبعينات والثمانينات والتسعينات والمعلم حديث التخرج

ولكن في صالح من المفروض ان تكون هل هي في صالح المعلم القديم ام المعلم الحديث الذي تتوفر له كافة الامكانات من اجهزة كمبيوترية حديثة ونت معه ليل ونهار ومحمول لا يفارقه على احدث طراز

الموضوع يا سادة ليس مادي وانما مهنة وليست وظيفة

اللى يحب المهنة سيرتاح ويريح الجميع

واللى يحب مصر لازم يشتغل بجد واخلاص للنهوض في هذا التوقيت الصعب

دى دعوة لعمل مقارنة بين المعلم قديما والمعلم حديثا

مفيش راحة بدون عدل ومساواة
مش ناس تقبض ملايين وناس بتشحت مش لاقية تاكل

كلامك صح لازم يكون التدريس مهنه وليس عمل فحسب وهي ايضا مهنه الانبياء
ولكن اخي كيف اريح بالي والاحتياجات الاساسيه مش موفره للمعلم لازم يكون شايل هم بيته لان الحكومات المصرية علي مختلف عصورها اهانت المعلم وخصوصا من اول التسعنيات ومن بعد سنه 2000 ولم توفر له الحقوق مثل ادني موظف علي مستوي الوظائف في مصر اعطي المعلم حقه وحسبه بعد ذلك

ناهيك أن حقوق المعلم ضائعة، أين أنت من التلاميذ الذين تجلس أمامهم، أين الأخلاق التي تربينا علينا، أخي الكريم أتذكر وأنا كنت طالب كنت لا أستطيع أن أرفع عيني في وجه معلمي، اليوم أذا وجهت للطالب كلمة سيردها عشرا، إذا رفعت يدك عليه لتأديبه إذا لم يستطع أن يرد عليك بالوسائل المشاهدة كل يوم فسوف يأتي بولي أمره ليرد مكانه، أين مكانة المعلم الذي يحمل رسالة العلم والتبليغ عن الأنبياء، إنا لله وإنا إليه راجعون

اذن عليك باطعام اولادك شوية راحة بال
وعندما تذهب للطبيب ( لا قدر الله ) قول له المسألة مهنة مش فلوس !!!!!!!!!!!!!!!

الأخ العضو الكريم محمد شومان صاحب تعليق ريح بالك ....مع خالص احترامى لشخصكم الكريم وكلامك كله بالحرف الواحد ....أكيد سعادتك مش متجوز ومش مسئول عن عيلة كاملة مكونة من خمسة او ستة افراد كل واحد فيهم له متطلبات تقطم الوسط من لبس ودراسة ودروس وعلاج وأكل وشرب وخلافه ..طبعا ناهيك عن كافة متطلبات الحياة زى اى بيت فى الدنيا ايجار وكهربا وميا ومواصلات وزبالة عفوا فى الكلمة وغاز ....أكمل ولا بلاش...على فكرة كلامك كله عين الصواب ...بس للأسف لما أحتاج أصرف مش هأقدر اصرف الصواب والمثالية اللى فى كلام حضرتك ده ...ساعتها هأحتاس ..لأن المثاليات للاسف مش للبيع ولا فيه حد عنده استعداد يشترى منها...خلينا نعيش الواقع المر أفضل ونحس شويه بالوضع السيئ ونتكلم كلام حقيقى ....ولنا الله ....تحياتى أخ محمد