عاوز تسأل عن طب .... أنا فى الخدمة [الأرشيف] - بوابة الثانوية العامة المصرية

مشاهدة النسخة كاملة : عاوز تسأل عن طب .... أنا فى الخدمة

Asmaa Soliman

15-07-2014, 08:32 AM

السلام عليكم ورحمة الله وبركاته

أخباركوا يا شباب

اكيد مش هتدخلوا هنا غير بعد ما تشوفو النتيجة

ربنا يوفقكوا وتكونوا فرحتوا بيها ان شاء الله :av4056bb7jp3:

أنا اسماء
3 طب عين شمس

طبعا هتقوليلى ازاى اسماء واسمك فى المنتدى ايمان
هقولكوا ده اكاونت واحدة صاحبتى من زمااان

انا كنت فى المنتدى ده من 3 سنين
حياة الثانوية العامة كانت هنا واستفدت كتير جدااا من الاساتذة هنا والغرف الصوتية

بس للاسف بقى مش بقيت بدخل بعد الكلية :(

بس لما عرفت ان نتيجة الثانوية العامة النهاردة

افتكرت بقى ذكريات ثانوية عامة

وقلت لازم ادخل لاخواتى فى ثانوية عامة يمكن اقدر افيدهم باى حاجة

خصوصا ان الفترة دى بتبقى فترة توتر وقلق :bosyht9:

وبتبقوا محتاجين حاجات كتير تساعدكوا فى حياتكوا اللى جاية

واضح ان انا رغيت كتير
ذكريات بقى :d

الموهم

اعتبروا الموضوع هنا موضوع دردشة :friendsxs3:

محتاجين اى حاجة

عن طب.. عاوز تاخد فكرة عن المواد .... عاوز تحدد طب بشرى ولا اسنان ولا صيدلة

عاوز تعرف مستقبلك ايه بعد طب ايه !!!

تقدروا تسألوا فى اى حاجة

وانا فى الخدمة ان شاء الله

وابشركوا حياة الجامعة احلى بكتيييييييير ان شاء الله

محمد رشدى أبوزيد

17-07-2014, 12:00 AM

Asmaa Soliman

17-07-2014, 06:11 AM

اولا انا بشكرك انك فتحتى الموضوع ده انا الحمد لله جبت 98.4 % ومش عايز اقول محتار بين بشرى واسنان انا هقول ان انا مستقر على بشرى من زمان بس لما الكلام بدأ يكتر قدامى عن طب بدأت احس انها صعبة جدا جدا وان اللى يجيب فيها مقبول كأنه امتياز فبدأت افكر فى اسنان وخصوصا ان اسنان 6 سنين وبعد كده مش لازم ماجستير بس حاسس انى ممكن اندم انى ما دخلتش بشرى يعنى عشان المجموع هيوصلنى لبشرى ان شاء الله بس انا من زمان وانا حابب انى ادخل بشرى لكن الايام ده بس هى اللى بدأت احس ان مش عايز بشرى فانا مش عارف اعمل ايه وبعدين عايز اعرف طبيعة الدراسة ف الكلية بكل تفصيلها هههههههههه معلش هطول . والافضل انى ادخل طب المنيا فى محافظتى يعنى ولا اكتب عين شمس او القاهرة ولا اقضى سنتين ف المنيا وبعد كده احول؟ ومرررررررررررررررسى خالص

العفو يا محمد

الف مبروووووووووووووووك على المجموع

بص هى بشرى صعبة فعلا بس مش اللى يجيب مقبول يبقى كانه جاب امتياز خالص

نسبة الامتياز فى الطب عاااااااالية جداا

التقدير الشعبى امتياز او جيد جداا اساسا

بس التقدير بيبقى عاوز مذاكرة
وبالنسبة لحد جايب مجموع طب ان شاء الله هيمشى فيها ويجيب تقدير كويس المشكلة مش هتمثل عائق كبير ان شاء الله
بس المشكلة مش فى الامتحانات اساسا المشكلة فى الضغط العصبى اللى هتقابله ممكن فى ا خر السنة تفضل 3 شهور امتحانات متواصلة اهم حاجة تكون اعصابك كويسة... وتحطها فى تلاجة وانت ان شاء الله هتجيب تقدير

ومش ف ىنجاح بالساهل كل حاجة بتيجى بتعب بس بعد النجاح بتنسى كل تعب السنة وانت اكيد حسيت الموضوع ده بعد النتيجة

ومواد طب لذيذة جدااااااااا لو كنت بتحب المواد العلمية

اسنان مش سهلة بردو يعنى صحيح مذاكرتها اقل من طب بس شغلهم العملى كتييييير جدا

وبالنسبة للجامعة عين شمس والقاهرة احسن طبعا

معاملة الدكاترة احسن... والكلينيكال احسن

انا اساسا م المنصورة بس حبيت عين شمس

والقاهرة اسهل من عين شمس لكن كلينيكال القاهرة احسن

ده بيتوقف بقى عليك هتقدر تتأقلم مع الغربة ولا لأ
انا اصحابى من الصعيد مش بيسافروا غير كل ترم

هتقدر تعيش لوحدك وتعتمد على نفسك فى كل حاجة ولا لأ

اعرف احسن كلية طب فى الصعيد هى اسيوط

بالنسبة للكلية بقى اديك نبذة سريعة

الكلية اول 3 سنين اكاديمى
فى اول سنتين هتاخد جسم الانسان السليم .... كل الجسم بوظيفة كل عضو بشكل الانسجة
وكمان هتاخد كيميا الجسم

سنة 3 بقى هتاخد الامراض والادوية والكتريا والديدان وكده ودى اتقل سنة الصراحة بيسموها المجزرة علشان المنهج بتاعها كبيييير جدااا بس الحمد لله عديت منها على خير ونجحت نتيجتى ظهرت النهاردة :022yb4:

ال 3 سنين التانيين كلينكال هتبتدى تاخد رمد بقى وانف واذن وطب شرعى ونسا وتوليد وجراحة وكده

بس سنة خامسة وسادسة واصلين ببعض فى اسبوع بس اجازة بنهم
علشان سنة 5 سنة ونص مش سنة بيخلصوا امتحاناتهم فى اول السنة الجديدة

السنة 7 امتياز بتقضيها تدريب فى مستشفى الجامعة

بعد كده مبروك التخرج

وتاخد تكليف فى وحدة صحية لمدة سنة وبيجيلك المكان على حسب التقدير

بس كده

ومبروك عليك بقيت دكتووووووووور

بص لو دخلت لكلية وانت عارف انك لازم تبذل مجهود احسن ما تدخل وانت مش عارف ومفكر انها سهلة

ياريت اكون جاوبت اجابة كافية عن اسئلتك

ولو فى اى سؤال تانى انا موجودة

Asmaa Soliman

17-07-2014, 06:14 AM

فى سؤال نسيت اجاوب عليه

حكاية انك تقضى سنتين فى المنيا دى وبعدين تحول

انا شخصيا مش بايدها خالص

علشان هتكون اتعودت على الكلية والدكاترة والمكان والصحاب

وبعد كده تحول مكان جديد مش عارف فيه اى حاجة كأنك لسه فى اولى تانى
بتهيألأى الموضوع مش هيكون لطيف

بمناسبة اولى سنة اولى فى الكلية هتبقى رخمة حبتين على ما تتعود على النظام
لكن الكلية عامة لذيذة

محمد رشدى أبوزيد

17-07-2014, 11:10 PM

Asmaa Soliman

18-07-2014, 08:53 AM

مبرووووووووووووووووووووووووووووووك على النتيجة
معلش هطول شوية علشان عندى اسئلة كتييييييييييير سنة اولى بقى وخام لسه ههههههه :d
هو بالنسبة لموضوع الغربة مش مشكلة بالنسبة ليا يعنى فى البيت عندنا متقبلينه عادى حتى والدى هو اللى اقترح عليا عين شمس بس بصراحة انا مستكتر سبع سنين بره ومش عارف بعد كده التكليف هيجيلى ف القاهرة ولا عندنا ف المنيا
كمان انا عرفت ان اللى بيطلع مثلا من ال 20 او ال30 الاوائل بيتخير بين انه بيشتغل ف الكلية اكاديمى او كلينيكال ف مستشفى الجامعة وبعدين بيكون ليه الحق انه يحضر الماجستير على طول بعد سنة الامتياز اما الطالب العادى بيستنى سنتين ف انا فكرت انى لو دخلت عين شمس واتعين ف الكلية ان شاء الله مش هقدر اققعد بققية عمرى ف القاهرة طبعا محدش ف البيت ابدا هيرضى ان احنا نقعد فى القاهرة ع طول عشان اهلنا وجيرنا وكده
وعايز اعرف هو ف منهج ثابت كده زى الثانوية يعنى ولا فى كتب موحدة ولا هو المادة العلمية واحد لكن لكل جامعة ودكتور طريقة تدريس يعنى مثلا الفسيولوجى اللى هدرسه فى المنيا هو نفسه اللى بيدرسه بتاع القاهرة او اسكندرية
وبعدين وانا ف تالتة ثانوى كنت راسم صورة غريبة عن طالب طب يعنى كده الواد المتفوق المتكبر اللى الناس تكلمه ما يردش ع حد . بس لما انا بقيت جوها مش حاسس خالص انى مثلا بعد 3 شهور هبقى ف طب لانى مش زى الصورة اللى رسمتها ف مخى هههههههه حتى زمايلى بيقلولى مالك زعلان ليييييييه هههههه:(
ومش عارف بقى نظام المذاكرة هيكون ازاى هل احفظ نصا زى الاحياء كده يعنى انا كنت الاحياء حافظها زى نص الكتاب يمكن بالنقطة والفصلة ههههههههههههه

لا عادى ولا يهمك اسأل براحتك

الغربة دى بقى لك حرية الاختيار فيها
على حسب قدرتك يعنى
عين شمس بتعين اكتر من 100 الاوائل
علشان الدفعة بتبقى كبيرة اساساواللى مش اوائل بيعملوا الماجستير بعد سنتين من الامتياز

وعلى حسب كل واحد وشطارته بقى
فى معيدين عندنا كتير من الصعيد واتعودوا على القاهرة وعاشوا هنا عادى يعنى

فى عين شمس القسم بينزل كتاب لكل مادة بس براحتك ممكن تذاكر من الكتاب وممكن تذاكر من ورق الدروس
بس كل جامعة لها كتبها الخاصة ونظام تدريس خاص

مثلا الفسيو بتاخده فى اولى وتانية
فى فصول معينة ممكن عين شمس مثلا تاخدها فى سنة اولى لكن المنيا تاخدها فى سنة تانية
علشان كده محدش ينفع يحول بعد اولى ولو حول هيشيل مواد
وبتفرق بقى فى الكم
يعنى مثلا فصل ما فى الفسيو ممكن يكون فى عين شمس 70 ورقة لكن فى القاهرة ممكن يكون 40 ورقة
كده يعنى الاساسيات واحدة لكن بتفرق فى حاجات صغيرة فى النص يعنى
ونظام السكاشن مختلف
يعنى مثلا فى عين شمس فى جثث فى التشريح وكده المنصورة مش فيها
لكن مش عارفة المنيا ايه نظامها
وطريقة السكشن نفسها بتختلف
وطريقة الامتحانات بتختلف
يعنى مثلا احنا عندنا التشريح اللى هو الاناتومى يعنى كان سنتنا كل الامتحان اختيارى
لكن فى جامعة تانية ممكن تلاقى معظم الامتحان مقالى

ولما تدخل جامعة معينة بقى تبقى تسألأ حد فيها هو هيقولك على نظامها
ياريت اكون عرفت اوضح النقطة دى

ههههههههههه على فكرة طالب طب مش بالصورة دى خالص
احنا بنى ادمين عاديين بنضحك ونلعب ونهزر ونذاكر ونتفسح وكل حاجة يعنى وبنرد على الناس بردو
مش متكبرين والله
هو فى ناس متكبرة اه بس دى حلات فردية

نظام المذاكرة بقى
المواد بتحتاج حفظ اه
بس لازم يكون فى فهم ولما تدخل ان شاء الله هتلاقى فى فيديوهات شرح اجانب ونظام حلو كده هتحبه ان شاء الله ... وبيكون فى تسجيلات كمان ممكن تذاكر منها

بس اكيد مش هتحفظ بالفصلة والنقطة .... لما تشوف شكل الكتب اكيد الفكرة دى هتتغير لوحدها :bosyht9:
انت بتحفظ المهم وبالفهم هتقدر تجيب الباقى ان شاء الله
وبتحل امتحانات السنين اللى فاتت
والاقسام بتنزل كتب اسئلة وكده
ودايما يقولوا Medicine self study

ياريت اكون جاوبت بشكل كافى
ولو فى اى اسئلة تانية اسال براحتك

ezmz3

18-07-2014, 11:06 AM

انا جايب 99.02 % ناوى على طب بس كل الناس بيخوفونى منها و بيقولولي هتقعد طول عمرك تذاكر و فى الاخر تتخرج تتعين فى وحدة صحية و تاخد 200 جنيه و التمرجي ياخد اكتر منك الكلام ده ايه صح ؟

Asmaa Soliman

18-07-2014, 10:08 PM

انا جايب 99.02 % ناوى على طب بس كل الناس بيخوفونى منها و بيقولولي هتقعد طول عمرك تذاكر و فى الاخر تتخرج تتعين فى وحدة صحية و تاخد 200 جنيه و التمرجي ياخد اكتر منك الكلام ده ايه صح ؟

[COLOR="Purple"]
الف مبرووووووك على المجموع :022yb4:

وبالنسبة هتقعد طول عمرك تذاكر فانت فعلا هتذاكر
بس اهم حاجة تكون بتحب الكلية علشان تستحمل المجهود اللى هيبذل فيها
بس مش فى حاجة بالساهل كل نجاح بييجى بتعب
لكن فى الاخر هيكون ليك مستقبل
انت بتاخد فعلا 256 فى امتياز
والتكليف تقريبا الف ونص او اكتر شوية
لكن انت ممكن تشتغل فى مستشفى خاصة عادى جدااا
الحياة فى الاول بتكون صعبة لكن بعد كده بيكون فى مستقبل كويس ان شاء الله
على الاقل شوف مستوى الدكاترة اللى حواليك
ومش كل حاجة فلوس يعنى
الامام الشافعى بيقول العلم علمان علم الدين وهو الفقه وعلم الدنيا وهو الطب
الطب من اشرف المهن اساسا
كفاية تسمع دعوة مريض ليك وتشوف فرحته

اصحابى يفضلوا يقولوا الكلية وحشة ومتعبة بس معظمهم لو رجعوا للثانوية هيختاروا طب تانى
لو دخلت الكلية وانت عارف انك هتبذل مجهود احسن ما تدخل وانت مش عارف
اعمل استخارة وربنا ييسرلك الاختيار ان شاء الله
ولو بتحبها توكل على الله وادخلها
[/COLOR

chalijaly

19-07-2014, 05:17 AM

Asmaa Soliman

19-07-2014, 06:35 AM

طب ياريت حضرتك تقولينا على كم المواد
مثلا المادة الفلانية كام باب وكام فصل والكتاب يعمله كام صفحة والمذكرة كام صفحة..هنذاكر كل حاجه ولا من حاجه معينه..هنذاكر الكتاب كله ولا حاجات مش هنذاكرها..نحضر محاضرات ولا نوفر الوقت ونسمع تسجيلات ونبقى ندور ع النت وكده.
طريقة المذاكرة وكل حاجه بالتفصيل
واهم حاااااجة الطريق الى الامتيااز ازاااااااى؟

ههههههههههه شكلك خايف من المذاكرة جامد
بص انت فى طب هتذاكر يعنى هتذاكر لو مش عاوز تذاكر نصيحة مش تدخل
حتى لو لقيت اولى وتانية الى حد ما خفاف لكن ثالثة حاجة تانية

بس لو بتحب الكلية ومعاك صحبة كويسة كل حاجة بتهون وبتفتكر الايام دى وتضحك كمان
لو عاوز تدخل اعرف انك هتتعب علشان لو قلتلك غير كده يبقى بضحك عليك
بس اهم حاجة انت مستعد تتعب شوية بس يكون ليك مكانة كويسة ولا لأ
مش فى نجاح بييجى من غير تعب
المواد كمها بيختلف من جامعة لجامعة تانية يعنى مثلا المنصورة وعين شمس دول اكبر مناهج
لكن الفصول واحدة
وعدد الصفحات ده بقى بيعتمد على جامعتك ومصدر المذاكرة ممكن تذاكر من كتاب قسم وممكن تذاكر من مذكرة كورس بس ف الاغلب المذكرة عدد الورق اكتر من الكتاب علشام بيكون فى رسومات توضيحية وكلام من ده
لكن فى مذكرات مختصرة ودى لايفضل المذاكرة منها خصوصا لو كليتك بتجيب اسئلة ام سى كيو كتير

وعموما يعنى دى شباتر الفسيو فى اولى

هتدرس فى الوظائف

Blood الدم
Autonomic Nervous system الجهاز العصبىالذاتى اللى بيتكون من سمبثاوى وبارا سمبثاوى
Nerve & Muscle الاعصاب والعضلات
Cardio-vascular system الجهاز الدورى اللى هو القلب والاوعية الدموية
Respiration الجهاز التنفسى
Biophysics
Biostatistics

والحاجتين اللى فى الاخر دول حاجتين خففاف كده هتعرفوهم ان شاء الله

وده اناتومى اولى
هتدرس تشريح الجسم

introduction مقدمة فى التشريح
general embryology علم الاجنة وتكوين الجنين كله
some of special embryology-developement of c.v.s & limbs علم الاجنة بس لاعضاء معينة
upper limb الطرف العلوى
lower limb الطرف السفلى
thorax الصدر

وده هستو اولى
هتدرس تكوين االنسجة وشكلها

The Cell الخلية

The Tissues of The Body انسجة الجسم
منها
The Epithelial tissue
The Connective tissue
The Cartilage
The Bone
The Blood
The Muscular tissue
The Nervous tissue

The Vascular system الجهاز الدورى
The Skin الجلد
The Lymphatic system الجهاز الليمفاوى
The Macrophage system مناعة
The Respiratory system الجهاز التنفسى

ده بيو اولى

هتدرس كيميا الجسم

Chemistry of Proteins كيميا البروتين فى الجسم والاحماض الامينية
Enzymology الانزيمات
Chemistry of Nucleoproteins الاحماض النووية اللى اخدتوها فى ثانوى من DNA & RNA
Basic molecular biology له علاقة بردو بللى فات
Metabolism of Nucleoproteins عمليات الايض
Iron & Heme Metabolism ايض الحديد
Biological membranes مش عارفة اترجمها بالظبط بس تقريبا اغشية الخلية وكده
Free Radicals In Health & Disease حاجة زى فوق الاكسيد وكده
Hormones الهرموانات

دى فصول كل مادة بالنسبة لجامعة عين شمس
بس بما ان اولى وتانية نفس المواد ممكن جامعات معينة تبدل فصول بين اولى وتانية عادى

الكلام دى باختصار جداااا جدااا لو عاوز تتوسع فيه ممكن اجبلك موقع يفهمك بدايات تمهيدية لكل الحاجات دى علشان هياخد وقت كتير

وكل جامعة ليها مصادر مذاكرتها الخاصة بيها
لما تحدد جامعتك ممكن تسأل االأكبر وهما هيفهموك كل حاجة عن المصادر المفروض تمشى بيها
امممم نيجى للمحاضرات بقى
انا عن نفسى بحس المحاضرات مش مفيدة اوى بس فى ناس بتحبها وبتجيب تقدير فممكن تجربها فى الاول وعلى حسب بقى هتحبها ولا لأ

وطريق الامتياز حاجتين اهتم وذاكر من اول السنة

ياريت اكون وضحت اسألتك

الاولى ان شاء الله

19-07-2014, 10:17 AM

chalijaly

19-07-2014, 11:16 AM

الله يخليكى يا دكتورة اسماء على تعبك معانا
انا مستعد اذاكر ان شاء الله.بس عاااااايز افهم موضوع هتتعب دى......يعنى من اول يوم لاخر يوم مفيش نوم ومذاكرة ال24 ساعه؟؟؟؟؟

Asmaa Soliman

19-07-2014, 10:16 PM

بسم الله ما شاء الله عليكى د/اسماء بس انا السراحة
لما دخلت الموضوع افتكر ان حضرتك
هتدى نصايح للطلبة عشان تساعديم يدخلوا طب (كل واحد بيفكر فى الى محتاجة) ههههههه
بس لو معندكش مانع ممكن نصيحة حلوه من حضرتك او اى طالب طب
اللهم ارزقنا بما نتضرعك به
عجبنى جدا موضوع وان شاء الله لما ادخل طب اكتبلك
اسئلة اددددددددددددددددددد كده ههههه
والسلام عليكم

بس كده كل اللى تحتاجيه تسأليه بس

انتى ماشاء الله عليك طالما عندك استعداد تبذلى مجهود يبقى ده كويس جدداا

اختارى مدرسين كويسين فى كل مادة اهم حاجة تكونى بتفهمى منهم مش ضرورى تروحى عن المدرس المشهور اهم حاجة تكونى بتفهمى من المدرس اللى تروحيله ... ولازم طبعا يكون مستواه عال فى المادة ومتمكن منها

روحى فى مجموعة دروس يكون الطلبة فيها مجتهدين وشاطرين وهدفهم عالى لأن شرح المدرس بيفرق بين المجموعة الكويسة والمجموعة اللى مش نشيطة

وامشى مع صحبة كويسة
ابعدى كل البعد عن الناس المحبطة واللى بيصعبوا عليكى الامور وكده

زاكرى اول بأول ومش تراكمى اى دروس عليكى

حلى أسئلة من أول السنة
وحلى اسئلة فى اكتر من كتاب
وخلى المدرسين يعملوا ليكى امتحانات على طول ولازم المدرس يصححها ويدقق ليكى على كل غلط وينبهك ليه ... انا كنت بروح للمدرسين فى اى وقت اخد امتحان ويصححهولى

لو المدرسين عرفوا انك نشيطة ومجتهدة هيبذلوا معاكى مجهود بجد

لازم يكون ليكى نية كويسة وانتى بتذاكرى انك بتبذلى مجهود لان الدين امر بالعلم
قال الرسول صلى الله عليه وسلم ( ان الملائكة لتضع اجنحتها لطالب العلم رضى بما يصنع )

فتخيلى بقى ثواب قد ايه

وحاجة مهمة جدااا مش توترى نفسك خالص
ذاكرى بهدوء جدااا وزاكرى كويس ولكل مجتهد نصيب

وتاكدى فى النهاية ان الموضوع كله نصيب
والمقدر سيكون ان شاء الله

ربنا يوفقك يارب
واشوفك معانا السنة الجاية ان شاء الله
لو احتجتى اى حاجة تانية اسألى براحتك

Asmaa Soliman

19-07-2014, 10:24 PM

الله يخليكى يا دكتورة اسماء على تعبك معانا
انا مستعد اذاكر ان شاء الله.بس عاااااايز افهم موضوع هتتعب دى......يعنى من اول يوم لاخر يوم مفيش نوم ومذاكرة ال24 ساعه؟؟؟؟؟

ولا يهمك اهم حاجة تكون بتستفيد بس

لا طبعا الموضوع مش كده خالص :d

انت هتتفسح وتخرج وتلعب وكل حاجة
:av4056bb7jp3:
وكفاية انك خلاص خلصت ثانوية عامة فالتوتر هيقل شوية علشان خلاص حددت مستقبلك ان شاء الله

انا اعرف معيد كان لازم يروح السينما فى اليوم اللى قبل الامتحان
عادى يعنى

لو عاوز تجيب تقدير جمع بس اللى تقدر تجمعه بس من اول السنة علشان مش يتراكم عليم المذاكرة فى الامتحانات
بس المناهج فعلا كبيرة ومحتاجة مجهود شوية
بس المجهود مش مستحيل يعنى
بدليل ان فى ناس بترتب عادى وكل الدكاترة دى اتخرجوا الحمد لله
بس هييجى وقت الامتحانات هيكون تقيل شوية فى المذاكرة وهتضغط على نفسك شوية :bosyht9: وكده بس الوقت كله بيعدى ان شا ءالله
ووقت النتيجة بتنسى كل حاجة
بس فى حاجة انت علشان تبقى دكتور صح مش تعتمد كل االاعتماد على الكلية
انت لازم تبحث وتدور بنفسك وتحضر دورات وتروح مستشفى لوحدك وكده

لو حبيت الكلية هيبقى سهل تبذل مجهود فيها ان شاء الله
بص عندى اقتراح شوف اى حد فى طب من قرايبك او جيرانك
وخد منه كتب اولى واتفرج على شكلها شوية كدهكده مش هتفتهم منها حاجة بس تعرف شكل الكتب والكم يعنى اللى انت عاوز تعرفه

ومش تتخض منها ولا حاجة
كل حاجة بتخلص والله

ربنا معاك :078111rg3:

chalijaly

19-07-2014, 11:21 PM

شكراااااااااا..جزاكى الله خيراااا

Asmaa Soliman

20-07-2014, 12:05 AM

شكراااااااااا..جزاكى الله خيراااا

وجزيت بالمثل

ربنا يوفقك ان شاء الله ويكتبلك الخير فى اى كلية
أعانك الله

الاولى ان شاء الله

20-07-2014, 05:38 AM

شكرا ليكى جدا وان شاء الله لما احتاج حاجه ابقى ابعتلك
بس انا عندى اسئله كتيييييييييييييير

Asmaa Soliman

20-07-2014, 08:35 AM

شكرا ليكى جدا وان شاء الله لما احتاج حاجه ابقى ابعتلك
بس انا عندى اسئله كتيييييييييييييير

اسألى براحتك عادى لو مش عاوزة فى الموضوع ده
ابعتى الاسئلة فى رسايل خاصة

Asmaa Soliman

20-07-2014, 08:57 AM

يا شباب

اللى بعتلى رسايل خاصة

انا مش عارفة ارد عليه
علشان لسه مش كملت 100 مشاركة :bosyht9:

اعذرونى

هاوى إبداع

20-07-2014, 10:04 AM

مجهود رائع من حضرتك
وبصراحه الموضوع دا المفروض يتثبت
ربنا يحفظك ويجعله في ميزان حسناتك

Asmaa Soliman

20-07-2014, 12:51 PM

مجهود رائع من حضرتك
وبصراحه الموضوع دا المفروض يتثبت
ربنا يحفظك ويجعله في ميزان حسناتك

جزيت خيرا
ده مجرد معالم للطريق لعله يفيد

Asmaa Soliman

20-07-2014, 08:44 PM

شكرا ليكى جدا وان شاء الله لما احتاج حاجه ابقى ابعتلك
بس انا عندى اسئله كتيييييييييييييير

مش عارفة ارد فى رسايل خاصة :(

الفيس بتاعى نفس اسمى على المنتدى وصورة البروفايل سودا خالص
بس ابعتيلى مسدج مع الادد بقى

seba hani

21-07-2014, 02:59 AM

مش عارفة ارد فى رسايل خاصة :(

الفيس بتاعى نفس اسمى على المنتدى وصورة البروفايل سودا خالص
بس ابعتيلى مسدج مع الادد بقى

السلام عليكم ورحمة الله وبركاته
رمضان كريم يادكتورة
اولا انا محتارة جدا بين طب بشرى وبين صيدلة
ياااريت حضرتك توضحيلى اى كلية ممكن يكون مستقبلها افضل ليا كبنت
من حيث الماديات طبعا
والمركز برده
وهل فى حاجة ممكن تعيب الصيدلة

ابانوب ايليا

21-07-2014, 03:32 AM

رقية صقر

21-07-2014, 07:37 AM

مش عارفة ارد فى رسايل خاصة :(

الفيس بتاعى نفس اسمى على المنتدى وصورة البروفايل سودا خالص
بس ابعتيلى مسدج مع الادد بقى

ممكن تقوليلى معلومات عن الجامعة والاساتذة وكدة ؟
علشان محتارة بين عين شمس والقاهرة؟؟

Asmaa Soliman

21-07-2014, 07:53 AM

[center]السلام عليكم ورحمة الله وبركاته
رمضان كريم يادكتورة
اولا انا محتارة جدا بين طب بشرى وبين صيدلة
ياااريت حضرتك توضحيلى اى كلية ممكن يكون مستقبلها افضل ليا كبنت
من حيث الماديات طبعا
والمركز برده
وهل فى حاجة ممكن تعيب الصيدلة

وعليكم السلام ورحمة الله وبركاته

الله اكرم :d

اممم

لو نفسك طويل وتقدرى تكملى يبقى طب كويس جداا
طب مشواره طويل ويفضل اللى داخله يبقى عامل حسابه على كده

لو عاوزة بقى تخلصى بدرى وتتزوجى وكده يعنى يبقى صيدلة افضل
مع العلم ان صيدلة اتضاف ليها سنة جديدة يعنى بقت 6 سنين

مش عارفة بالظبط حاجة عن الماديات
بس اللى اعرفه ان الطبيب مادياته بتتحسن بس متأخر شوية على ما يفتح عيادة ويتشهر وكده

لكن مع الاجتهاد مش فى حاجة صعبة يعنى فى ناس بتشتغل فى مستشفيات خاصة من قبل ما تفتح عيادة بكتير فاكيد ده هيظبط الماديات بدرى

من حيث المركز الاجتماعى فف رايى ان الاتنين زى بعض
لكن فى ناس تفكيرها غريب شوية ان طب افضل اجتماعيا وكده فانا مش معاهم

صيدلة حلوة جداا وفى اصحابى كتير كانوا جايبين مجموع طب ودخلوا صيدلة علشان مش عاوزين مشوار طويل
وكده كده ف الاخر هتبقى دكتورة

ياريت اكون افدتك

Asmaa Soliman

21-07-2014, 07:59 AM

يادكتورة انا كده خوفت من طب الصراحة...انا صحيح مش ضامن انى الحق طب بشرى لأنى جبت 98.05% بس كتبتها فى مقدمة الرغبات وخايف لو لحقتها مأاكونش قدها وانا اصلا الصراحة لحد الان مش فاهم فيها حاجة

انا عاوز ادخل بشرى بس زى ماقولت انا حاسس انى مش قد الكلية وخايف منها رغم ان عندى استعداد انى ابذل مجهود لكن انا شايف ان استيعابى ضعيف وانى جبت 98.05% بمعجزة :d

فعلى الرغم منن انى عاوز بشرى بس خايف افشل فيها

المعظم بيبقى خايف من الكلية بسبب الكلام المعقد المنتشر عنها ... بس لو بتحبها هتمشى فيها ان شاء الله

مش فاهمة يعنى ايه لحد الان مش فاهم فيها حاجة !!!
عموما نظام طب معقد شوية فبالتدريج بتفهمه بعد ما تدخل الكلية ان شاء الله

مهو استيعابك ضعيف دى اكيد ليها سبب ... ممكن يكون قلة تركيز ... او بتذاكر بطريقة غلط .. او بتذاكر فى مكان غلط .... او بتتوتر بسرعة

بس طالما 98 ماشاء الله يبقى بتعرف تبذل مجهود

ممكن تعمل استخارة وربنا هييسرلك الخير

ولو خايف اوى كده من بشرى ممكن تدخل اسنان خفيفة شوية بس شغلها العملى كبيرة

يارب اكون فدتك

Asmaa Soliman

21-07-2014, 08:08 AM

ممكن تقوليلى معلومات عن الجامعة والاساتذة وكدة ؟
علشان محتارة بين عين شمس والقاهرة؟؟

بصى عين شمس كويسة جداا بس ساعات امتحاناتها بتيجى تقيلة شوية

معظم الدكاترة كويسبن جداااا ف الشرح ومعاملة الطلبة بالذات فى سنة اولى بس اكيد ده نفس نظام القاهرة بردو

بس طبعا ده مش يتعارض مع اللى بيحصل فينا فى الشفوى :rolleyes:

والتقدير عاوز مذاكرة

ياريت توضحى اكتر عاوزة تعرفى ايه بالظبط عن الجامعة والاساتذة

بس فى زمايلى كتير بيحولوا من عين شمس للقاهرة بيقولوا انها أسهل شوية والكلينيكال بتاعها احسن

لو انتى من القاهرة يبقى الاحسن تختارى الاقرب لسكنك

ياريت اكون افدتك

Asmaa Soliman

21-07-2014, 08:12 AM

فى بنوتة سألتنى على الخاص

وطبعا مش عارفة ارد عليها بالرسايل :bosyht9:

هل اقسام الكلية بتفرق من مكان لمكان؟؟

لا مش بتفرق
كل الاقسام موجودة فى كل الجامعات

Asmaa Soliman

21-07-2014, 08:26 AM

الكومنت ده للى قرر خلاص انه داخل طب :078111rg3:

فى حد تانى بردو سألنى على الخاص معلومات عن اولى

اللينك ده هيفيد حضرتك
http://wiki.bala6y.org/index.php/%D8%B3%D9%86%D8%A9_%D8%A3%D9%88%D9%84%D9%89

بيتكلم فيه عن المحاضرات والسكاشن
وطريقة المذاكرة والمجموع وكده
وهو كويس جدااا للى عاوز ياخد فكرة

ده لينك لو حبيت تقرأ حاجة فى الاجازة بس قبل الكلية بفترة صغيرة
يبقى كويس يعنى علشان مش تدخل تايه اوى
دى مقدمة بسيطة للتشريح هتعرفك حركات الجسم واوضاع الجسم وكده
http://1aim.net/fourm/showthread.php?26392-%E3%DE%CF%E3%C9-%C7%E1%CA%D4%D1%ED%CD-%C8%C7%E1%DA%D1%C8%EC-%C7%E1%DD%D5%ED%CD-..

بس الاحسن فى الاجازة تتعرف على المواد وطبيعة الدراسة وممكن اللى يحتاج ابعتله لينكات فى ده

بس الحاجات دى كلها ممكن تعملها فى الاسبوع او الاسبوعين اللى قبل الدراسة

لكن دلوقتى بقى HAVE FUN

انتوا خارجين من ثانوية عامة فالعبوا بقى شوية :028ja7: