علم الامراض الكيميائيه او الكمياء الطبيه (الكمياالحيويه الاكلينكيه ) ده تخصص داخل تخصص الكيمياء الحيويه وبيهتم بدراسه علاقه الكيمياء بالامراض المختلفه يعنى مثلا لو الماده الكميائيه دى زادات او قلت في الدم معناها يدلل علي مرض ايه فبتدرس كيمياء القلب زى المركبات الكيميائيه الاتيه التروبانيين والسي كى ام بي والمايلوجلوبيين واالاكتيز ديهيدروجينيز وتدرسي علاقتهم بامراض القلب وللي عن طريق زيادتهم بتعرفي امراض القلب وانواعها وتدرس كيميا الكبد زى المركبات الكميائيه الاتيه الالبوميين والجى بي تى والجى او تى والجى جى تى و البليروبيين والالكالاين فوسفاتيز و تدرسي علاقتها بامراض الكبد وتقدر منها تعمل تشخيص معملي يعنى تعرف عن طريق زيادتهم او قلتهم نسبه المركبات دى في مرض في الكبد ولا لا ولو فيه ايه هو وفي انهى جزء من الكبد وده اسمه التشخيص المعملي وبتدرس كميا الكلي زى مركبات الكرياتينيين واليوريا وعلاقتها بامراض الكلي وتدرسي الكوليسترول والدهون وعلاقتها بامراض تصلب الشرايين و تدرسي الجلكوز وعلاقته بمرض السكر وتدرسي اليورك اسيد وعلاقته بمرض النقرص وتدرسي كميا المخ والاعصاب زى الدوباميين والميثيل فينيل امين والسترونيين الخ ومنها تعرفي الحاله العصبيه والامراض العصبيه للشخص ده وتدرس كيمياء الاورام او ما يسمى بدلالات الاورام وهى عباره عن مركبات كميائيه تفرزها خلايا السرطان وعن طريق زياده مركب كميائي معيين تعرف الورم في اي عضو في الجسم بالظبط زى مثلا مركب الالفا فيتو بروتيين لما يعلي في الدم تعرف ان فيه سرطان في الكبد دى كلها اسمها الكميا الحيويه الطبيه ( الكمياء الحيويه الاكلينكيه ) ودى بعد ماتخلص بكالوريوس علوم كمياحيوى او كميا مزدوج مع بيولوجى تقدر تعمل فيها دبلومه او ماجستير او دكتوراه و بتبقي اخصائي كيمياء طبيه (اخصائي تحاليل طبيه كيميائيه) وتقدر عن طريق الدبلومه او الماجستير او الدكتوراه في التخصص ده تفتح معمل تحاليل مختص بالكيمياء الطبيه