بسم الله الرحمن الرحيم كل عام بتخلص الامتحانات والطلاب يخدوا نفسهم من الامتحانات يبداوا يفكروا ادخل هندسه القاهره ولا هندسه عين شمس مبدايا الاثنين كليات هندسه وكل واحد شايف كليته اصعب من غير تفكير كتير القاهره فيها طيران وطبيه وبترول دول اللي اعرفهم ومش موجودين في عين شمس فبكل بساطه عايز حاجه من دول ادخل القاهره اي كليه هتدخلها مش هتذاكر بجد مش هتنفع في الاخر وسمعه الكليه مش هتنفعك لو مذكرتيش ده اول قياس تقيس عليه تاني حاجه هندسه القاهره اعدادي في الشيخ زايد مستعد كل يوم تروح الشيخ الزايد اتفضل دي الاقسام اللي موجوده في القاهره نتكلم بقي عن عين شمس هندسه عين شمس معروفه زمان بقوتها وهي اقوي كليه هندسه في مصر والحمد لله احنا اخدنا الجوده السنه دي هتفدني بايه الجوده اقولك انت حابب تتخرج وتسافر اول لما بتسفر علشان تكمل دراسه بره بيعملولك في الاول حاجه زي مقصه يعني بتدرس لمده قبل ما تبدا في الماجيستير لاكن لو الكليه معتمده بتبدا علي طول في الماجستير وسمعه عين شمس في كندا زي الفل ثالثا واخيرا واحد من زمايلي شارحلكم المواد اللي عندنا في الكليه وفي صفحه ده اسمها للي عايز استفسارات Faculty Of Engineering ,Ain Shams University ,E3dady 2014-2015 وادي المواد اهي : عين شمس و ليس فى اى هندسة اخرى لانها بتختلف من كلية لاخرى عندك المواد الى هتدرسها مع نبذة بسيطة عنها و بعدين ابئا اقولك باستفاضة كل حاجة ...
اولا الرياضة مادة مهمة جدا جدا : عليها 300 درجة 150 ترم اول و 150 ترم تانى كل 150 متقسمة 40 اعمال سنة (ميدترم و حضور و غياب و كويز (امتحان مفاجئ)) و 110 على امتحان اخر السنة الترم الاول عندك فرعين تفاضل و التحليلية و الفراغية و الترم التانى فرعين غيرهم تكامل و جبر . المادة ظريفة يعنى لو زاكرتها هتجيب فيها تقدير... خليط انجليزى على عربى .
ثانيا الفيزياء : المادة دى صعبة جدا و مش هئولك اكتر من انك لو مكنتش بتزاكرها ع الاقل كل يومين انك هتشيلها اصعب فيزياء هندسية ف كل هندسات مصر ... و عليها 300 درجة و بتمتحنها ترم اول فرعين كهربية و خواص مادة و الترم التانى هتدرس مغناطيسية و حرارية توزيعة الدرجات الفاينال الاول 90 درجة و الفاينال التانى 90 بردو و 60 معمل و 60 اعمال سنة ... المادة بالانجليزى
ثالثا مادة تكنولوجيا الانتاج : و دى هتنزل فيها ورش زى وش النجارة و اللحام كده و هتعرف فيها حاجات كتيير اوى و هتعرفك معلومات هتكبرلك تفكيرك المادة من 175 منهم 35 على مادة سهلة كده اسمها تاريخ هندسة و الباقى ع الانتاج منهم بئا درجات ع الورش و كده و الانتاج دا بتمتحنه اخر السنة بس و بتاخده طول السنة و بردو اعتقد الكلية الوحيدة الى بتدرسة بالانجليزى .
رابعا مادة الرسم الهندسى و الوصفية : الرسم الهندسى مادة و الوصفية (او الاسقاط ) مادة تانية خالص و الاتنين رسم كلهم بس وحده هترسم على ورق عادى و التانية بتترسم على لوحة 100x80 و المادة عليها 250 درجة 150 رسم هندسى منهم 90 فاينال و 60 اعمال سنة
و ال 100 للوصفية منهم 60 فاينال و 40 اعمال سنة ...
خامسا حاسبات : عليها 75 درجة و بتدرس فيها لغات برمجة زى c++ و بتدرس OS (operating system) ..50 فاينال و 25 اعمال سنة المادة بتاخدها و تمتحنها الترم الاول .. المادة بالانجليزى ...
سادسا كيمياء هندسية : و دى تختلف عن الكيميا العادية شكلا و مضمونا وكلها مسائل و حسابات فيها حاجات بسيطة اوى من كيميا الثانوى و عليها 150 درجة 60 اعمال سنة (عملى -حضور و غياب ) و 90 فاينال ..المادة بتاخدها طووول السنة و تمتحنها اخر السنة ف شهر 6 .... المادة بالانجليزى بردوووو
سابعا ميكانيكا : الترم الاول هتدرس استاتيكا و الترم التانى هتدرس ديناميكا الاستاتيكا سهلة جدا و الديناميكا بردو شغااالة و عليها 200 درجة 100 استاتيكا 100 ديناميكا مقسمين (60 فاينال و 40 اعمال سنة ) المادة دى بالعربى ...
ثامنا لغة فنية انجليزية : مادة سهلة اعتقد عليها 50 درجة بتمتحنها الترم التانى تكفيها مزاكرة ليلة الامتحان و شكرا ...
تاسعا حقوق انسان : مش منضافة للمجموع تنجح بس فيها و هى تافهة و مزاكرة ليلة الامتحان بردو من 50 درجة و الترم التانى امتحانها بس ....
اعتقد منستش حاجة واللي عايز اي حاجه يسالني برضك هو بس بدل مافضل اكتب تاني