smsmzeros
19-07-2014, 04:00 PM
دى نصيحه من اخ لكم وبعد تفكير ودراسه وصل لها هى ممكن متنفعش لبعص الناس او البنات بس عالاقل هوا قالها :)
...: نصيحة لكل طالب لسه مخلص ثانوية عامة ، بلاش تضيع مستقبلك هنا ! كل دقيقة بتقضيها في البلد دي ملهاش أي معنى وقبل ما تتورط في دخول كلية معينة وتضيع سنين عمرك فيها وتكتشف متأخر إن ملهاش قيمة أنا بنصحك من دلوقتي ،
لإن أنا كنت أتمنى إن في حد يوصلي الصورة كاملة وينصحني وأنا في سنك ووقتك ده ، سافر إدرس بره .. طبعاً الموضوع مش سهل كده ولا بسيط بس لو إنت عايز فعلاً هتقدر ، دور وابحث على منحعلى قد ما تقدر ، وأنا هقولك حاجات مهمة هتساعدك في موضوع الدراسة بره ، مبدئياً توفيراً لوقتك ومجهودك الأفضل إنك تحط تركيزك على دولة لغتها إنجليزية عشان تقدر بسهولة تتقبل فيها عكس لو دولة لغتها ألمانية مثلاً هيتطلب إنك تدرس الأول مدة معينة فى معهد "جوته" عشان يأهلوك للدراسة في ألمانيا أو النمسا أو أي دولة تانية لغتها ألمانية وده هيبقى صعب نسبياً بالنسبة ليك وهياخد وقت ومجهود أكتر ، كذلك الحال في دول زي اليابان أو تركيا أو غيرها لإن كل الدول دي غالباً هتتطلب تعليم لغتهم من الصفر وده زي ما قلت شئ صعب !آه أنا عارف إنك غالباً مش محترف في الإنجليزي ولكن على الأقل خالص عندك 40% منه ! يعني بشوية وقت ومجهود هتقدر تحصلحوالي 70% ودي نسبة مقبولة وكويسة عشان يقبلوك ، عكس أي لغة تانية هتبتدي من الصفر فيها !حاول تركز على الدول الأوروبية الصغيرة ، الدول دي كنز كبير جدا ًمخفي محدش واخد باله منه وخصوصاً الدول اللي لغتها إنجليزية على سبيل المثال أيرلندا ونيوزلندا ، الدولتين دول صغيرين جداً سواء سكان أو مساحة أيرلندا مثلاً فيها 36 جامعة وعدد السكان فيها 4 ملايين ! يعني دولة كاملة فيها سكان قد اللي موجودين في إسكندرية بس ! وفي نفس الوقت متوفرالهم مش جامعة واحدة.. 36 جامعة ! طبعاً شئ مُذهل ، أيرلندا من الدول اللي شهادتها بنفس كفاءة الدول الكبيرة زي بريطانيا وأمريكا ومع ذلك تكلفة الدراسة هناك أقل بنسبة أكتر من 30% وكمان القبول في جامعاتهم وتأشيرة السفر أسهل وأبسط بكتير من الدول التانية المذكورة وده زي ما قلت لإن الإقبال قليل جداً وعدد السكان بسيط والجامعات كتير عكس الدول المعروفة زي بريطانيا وأمريكا الإقبال بيبقى ضخم جداً ده غير ان عدد السكان مش قليل فالموضوع بيبقى معقد أكتر في كل شئ ، القبول في أي جامعة باللغة الإنجليزية زي جامعات أيرلندا سواء كان بمنحة أو حُر بيتطلب منك شئ أساسي وهو إنك يكون معاك شهادة تدل إنك عندك لغة والشهادات دي توفيل أو إيلتس ، حاول تتعلم إنجليزي كويس وده بسيط وسهل هو محتاج شوية مجهود بس ! لكن مش عائق يعني وبعدين تقدم في الإمتحان وتاخد الشهادة دي وتقدم للجامعة أونلاين وتشوف التفاصيل وبعد ما يتم قبولك مبدئياً عن طريق الإنترنت هتروح لسفارة أيرلندا في الزمالك وتقدم كل الوثائق المطلوبة ، طبعاً لو قدرت تقدم في أي منحة وقبلت فيها يبقى خير كبير ، لو محصلش نصيب في المنح فتكلفة الدراسة هناك بظبط زي أي جامعة خاصة هنا ! يعني لو ناوي تدخل جامعة خاصة وتدفع مبلغ وقدره كل سنة فالمبلغ ده كافي جداً إنك تدرس بيه هناك وتاخد بكالوريوس بيه ، وكمان البكالوريوس هناك 3 سنين بس وأحياناً أقل كمان حسب التخصص ! بالنسبة لمصاريف الإقامة نفسها والعيشة هناك فـ هتقدر تحصلها بسهولة من خلال جهات مختصة بتوفر فرص عمل مناسبة للطلبة المغتربين كـ دعم ومساعدة ، متوسط ساعة العمل هناك في أيرلندا بـ 15 يورو ، يعني 150 جنيه في الساعة فـ لو إشتغلت في اليوم لمدة 6 ساعات دخلك في اليوم هيكون 900 جنيه .. في اليوم !! لكن عموماً الجهات دي بتحددلك 20 ساعة عمل في الإسبوع كحد أقصى عشان دراستك متتأثرش .. 20 ساعة في الأسبوع يعني دخلك إسبوعياً 300 يورو يعني شهرياً 1200 يورو وده هيكون كافي جداً إنك تصرف على نفسك من خلاله .متضيعش وقت وإبتدي من دلوقتي إنزل إعمل باسبورك وإتمكن في الإنجليزي وقدم على إمتحان التوفيل أو إيلتس ، دور كل يوم وكل ساعة على المنح دي وقدم فيها وإتمسك بالحلم والفرصة ، إعرف معلومات أكتر عن الجامعات والدول ، إشتغل وإسعى وحاول تنفد بجلدك قبل ما تندم طول عمرك .. الموضوع صعب لكنه مش مستحيل ! المستحيل فعلاً إنك تقعد في مكان بيمص دمك وبيسرق عمرك وبيدمرك كإنسان نفسه بس يعيش .. !
أنا وصلت رسالتي ليك اللي كان نفسي حد يقولهالي ويوصلهالي في وقتك ده ووضحتلك الصورة كاملة ، وإنت أكيد عارف وفاهم .
...
منقوله :)
...: نصيحة لكل طالب لسه مخلص ثانوية عامة ، بلاش تضيع مستقبلك هنا ! كل دقيقة بتقضيها في البلد دي ملهاش أي معنى وقبل ما تتورط في دخول كلية معينة وتضيع سنين عمرك فيها وتكتشف متأخر إن ملهاش قيمة أنا بنصحك من دلوقتي ،
لإن أنا كنت أتمنى إن في حد يوصلي الصورة كاملة وينصحني وأنا في سنك ووقتك ده ، سافر إدرس بره .. طبعاً الموضوع مش سهل كده ولا بسيط بس لو إنت عايز فعلاً هتقدر ، دور وابحث على منحعلى قد ما تقدر ، وأنا هقولك حاجات مهمة هتساعدك في موضوع الدراسة بره ، مبدئياً توفيراً لوقتك ومجهودك الأفضل إنك تحط تركيزك على دولة لغتها إنجليزية عشان تقدر بسهولة تتقبل فيها عكس لو دولة لغتها ألمانية مثلاً هيتطلب إنك تدرس الأول مدة معينة فى معهد "جوته" عشان يأهلوك للدراسة في ألمانيا أو النمسا أو أي دولة تانية لغتها ألمانية وده هيبقى صعب نسبياً بالنسبة ليك وهياخد وقت ومجهود أكتر ، كذلك الحال في دول زي اليابان أو تركيا أو غيرها لإن كل الدول دي غالباً هتتطلب تعليم لغتهم من الصفر وده زي ما قلت شئ صعب !آه أنا عارف إنك غالباً مش محترف في الإنجليزي ولكن على الأقل خالص عندك 40% منه ! يعني بشوية وقت ومجهود هتقدر تحصلحوالي 70% ودي نسبة مقبولة وكويسة عشان يقبلوك ، عكس أي لغة تانية هتبتدي من الصفر فيها !حاول تركز على الدول الأوروبية الصغيرة ، الدول دي كنز كبير جدا ًمخفي محدش واخد باله منه وخصوصاً الدول اللي لغتها إنجليزية على سبيل المثال أيرلندا ونيوزلندا ، الدولتين دول صغيرين جداً سواء سكان أو مساحة أيرلندا مثلاً فيها 36 جامعة وعدد السكان فيها 4 ملايين ! يعني دولة كاملة فيها سكان قد اللي موجودين في إسكندرية بس ! وفي نفس الوقت متوفرالهم مش جامعة واحدة.. 36 جامعة ! طبعاً شئ مُذهل ، أيرلندا من الدول اللي شهادتها بنفس كفاءة الدول الكبيرة زي بريطانيا وأمريكا ومع ذلك تكلفة الدراسة هناك أقل بنسبة أكتر من 30% وكمان القبول في جامعاتهم وتأشيرة السفر أسهل وأبسط بكتير من الدول التانية المذكورة وده زي ما قلت لإن الإقبال قليل جداً وعدد السكان بسيط والجامعات كتير عكس الدول المعروفة زي بريطانيا وأمريكا الإقبال بيبقى ضخم جداً ده غير ان عدد السكان مش قليل فالموضوع بيبقى معقد أكتر في كل شئ ، القبول في أي جامعة باللغة الإنجليزية زي جامعات أيرلندا سواء كان بمنحة أو حُر بيتطلب منك شئ أساسي وهو إنك يكون معاك شهادة تدل إنك عندك لغة والشهادات دي توفيل أو إيلتس ، حاول تتعلم إنجليزي كويس وده بسيط وسهل هو محتاج شوية مجهود بس ! لكن مش عائق يعني وبعدين تقدم في الإمتحان وتاخد الشهادة دي وتقدم للجامعة أونلاين وتشوف التفاصيل وبعد ما يتم قبولك مبدئياً عن طريق الإنترنت هتروح لسفارة أيرلندا في الزمالك وتقدم كل الوثائق المطلوبة ، طبعاً لو قدرت تقدم في أي منحة وقبلت فيها يبقى خير كبير ، لو محصلش نصيب في المنح فتكلفة الدراسة هناك بظبط زي أي جامعة خاصة هنا ! يعني لو ناوي تدخل جامعة خاصة وتدفع مبلغ وقدره كل سنة فالمبلغ ده كافي جداً إنك تدرس بيه هناك وتاخد بكالوريوس بيه ، وكمان البكالوريوس هناك 3 سنين بس وأحياناً أقل كمان حسب التخصص ! بالنسبة لمصاريف الإقامة نفسها والعيشة هناك فـ هتقدر تحصلها بسهولة من خلال جهات مختصة بتوفر فرص عمل مناسبة للطلبة المغتربين كـ دعم ومساعدة ، متوسط ساعة العمل هناك في أيرلندا بـ 15 يورو ، يعني 150 جنيه في الساعة فـ لو إشتغلت في اليوم لمدة 6 ساعات دخلك في اليوم هيكون 900 جنيه .. في اليوم !! لكن عموماً الجهات دي بتحددلك 20 ساعة عمل في الإسبوع كحد أقصى عشان دراستك متتأثرش .. 20 ساعة في الأسبوع يعني دخلك إسبوعياً 300 يورو يعني شهرياً 1200 يورو وده هيكون كافي جداً إنك تصرف على نفسك من خلاله .متضيعش وقت وإبتدي من دلوقتي إنزل إعمل باسبورك وإتمكن في الإنجليزي وقدم على إمتحان التوفيل أو إيلتس ، دور كل يوم وكل ساعة على المنح دي وقدم فيها وإتمسك بالحلم والفرصة ، إعرف معلومات أكتر عن الجامعات والدول ، إشتغل وإسعى وحاول تنفد بجلدك قبل ما تندم طول عمرك .. الموضوع صعب لكنه مش مستحيل ! المستحيل فعلاً إنك تقعد في مكان بيمص دمك وبيسرق عمرك وبيدمرك كإنسان نفسه بس يعيش .. !
أنا وصلت رسالتي ليك اللي كان نفسي حد يقولهالي ويوصلهالي في وقتك ده ووضحتلك الصورة كاملة ، وإنت أكيد عارف وفاهم .
...
منقوله :)