السلام عليكم ,
انا كنت في سنة اول طب والمفروض رايحه 2
بس مارتحتش قوي في الكليه في سنه اولي وطول السنه فكره التحويل موجوده في دماغي بس راحت فتره قبل الامتحانات وقلت هاركز وكده ولو جبت درجات كويسه هاكمل ولو ماجبتش هحول,
دلوقتي انا جبت جيد و فكره التحويل رجعتلي تاني انا حاليا محتاره لو حولت اروح اسنان ولا صيدله انهي احسن وفرصها في الشغل بعد كده متوفره اكتر و لما احول اكون ضيعت سنه علي الفاضي ولا اكمل في الكليه ومابقاش ضيعت سنة ,, شكراا جزيلا

وعليكم السلام
اهلا بحضرتك
دلوقتي حضرتك ليه مرتحتيش ف الكليه ؟؟
وايه السبب ان فكرة التحويل تروح من دماغك ف الفتره اللي قبل الامتحانات دي ؟؟
ياريت تجاوبي عشان نعرف نساعدك

لو حضرتك معجبكيش طب عشان المواد او صعوبتها او طريقة التدريس يبقى اسنان نفس الكلام لأن المواد مقاربة لبعض حتى لو كانت اسنان اسهل ... الاختلاف فى ((صيدلة)) و برده ((علاج طبيعى بس فى تشابه كبير بين المواد برده)) .... لكن صيدلة هى الى موادها مختلفة بدرجة كبيرة ... بس انا بيتهيألى تكملى فى الكلية و ربنا يوفقك ... انا كان صاحبى برده بيفكر فى كدا بسبب صعوبة المواد و الكلية لكن بعد ما السنة خلصت الحمد لله صرف نظر عن التحويل لأن اكيد السنين الى جاية اسهل سنة أولى مكناش عارفين الدنيا ماشية ازاى و اللغة و حاجات كتير... و طبعا دى حاجة ترجعلك فى الاخر

فكره التحويل كانت بسبب صعوبه التأقلم علي الجو العام للكليه والجو الاجتماعي بردو مع صعوبه المواد
هي اسنان ولا صيدله فرصها احسن بعد كدة في الشغل

السبب اني شيلتها في فترة معينه عشان اركز في المذاكره الوقت اللي فاضل قبل الامتحانات

فرص صيدلة و اسنان مش احسن من بشرى فى الشغل ... انما الفكرة ان الصيدلة و الاسنان اريح ... انا كنت مدينة جامعية و منهج اسنان اصغر بفارق كويس عن بشرى ... بس الفكرة ان بشرى لازم ماجستير عشان التخصص و بيتعبوا فى المستشفيات انما اسنان شغلها اخف و مش لازم ماجستير ... الصيدلة كويسة بس اعدادهم كبيرة جدا جدا جدا جدا و الاسنان اعدادهم قليلة بس مشكلتها مفيش تعدد فى الاقسام زى بشرى فهيجى وقت و اعدادهم هتزيد زى صيدلة... و تقريبا الصيادلة معتش ليهم دور فى المستشفى الا مجرد صرف الدواء لأن الى بيشخص و يوصف الدواء دلوقت هما الاطباء البشرى ... و طبعا مرتبات بشرى اعلى من الكليتين و اعلى من علاج فى المستشفى ... بس برده صيدلة تعتبر اريح ... انما ((علاج طبيعى منهجها تقيل جدا جدا جدا لأن فيها 4 مواد بشرى مختصرين شوية فى بعض الحاجات و عليهم 9 مواد و كمان مشوارها طويل و ماجستير و كدا)) ... انا رأيى لو انت خارج النطاق الجغرافى حولى لاقرب مكان لبلدك و لو كدا كدا هتحولى يبقى ((اسنان مستقبلها افضل و فلوسها احسن دلوقت ... انا بحكم لأن اخويا صيدلى و انا علاج طبيعى و مرات اخويا بشرى))

فكره التحويل كانت بسبب صعوبه التأقلم علي الجو العام للكليه والجو الاجتماعي بردو مع صعوبه المواد
هي اسنان ولا صيدله فرصها احسن بعد كدة في الشغل

السبب اني شيلتها في فترة معينه عشان اركز في المذاكره الوقت اللي فاضل قبل الامتحانات

ع فكره اي بني ادم هنا ف البلد دي بيحس بنفس الحاجات اللي انت كتبتيها في اي كليه هنا ف البلد دي في سنه اولي :d
طبيعي جدا انك تحسي بصعوبه ف التأقلم مع جو زي جو الكليه ف اول سنه ليكي
بصراحه المراحله الجامعيه تختلف كل الاختلاف عن اي مرحله تانيه
دا شىء
الشء التاني الحل التقليدي والمعروف طبعا لعدم التأقلم هو الوقت والاستمرار
رأي ان حضرتك تستمري ومتروحيش اي حته تانيه عشان هتلاقي نفس المشكله دي تاني ف المكان الجديد اللي انت رايحاه بل وهتبدأي م الاول فيها
لكن انت دلوقتي تخطيتي جزء كبير منها وانا عندي احساس انك اول ماهتبدأي تانيه هتحسي بانك استريحت من الموضوع دا
ربنا يوفقك يا دكتوره