بسم الله الرحمن الرحيم
الاخوة الاعزاء ارجو التكرم بموافاتي باي معلومة او نشرة تحدد من المسئول عن شغل الاحصاء والمعلومات بالمدرسة حيث انني اسمع بوجود فاكس من الوزارة بتكليف مدرسي الحاسب الآلي بشغل الاحصاء والمعلومات وهل يوجدنشرات من مركز التطوير الكنولوجي بالوزارة تخلي مسئولية الاخصائي الغلبان من شغل الاحصاء والاعمال الكتابية في المدرسة لان الواحد خلاص طهق وزهق من الشغلانة دي
ياريت تفيدوني بسرعة ولكم وافر الاحترام والتقدير
أخوكم/ أيمن منسي
أخصائي اول تك

أنا معلم أول أ لغة عربية و مسند إلى الإحصاء
و ليس عملا شاقا ولا شىء

انت تعد فى البيت لان شغل الى زيك فى الوزارة حرام

وماله ياروح ماما اقعد في البيت واصرف انت على ولادي ما عنديش مانع

التوجيه حيفيدك اكتر
فى البحيرة توجيه التطوير يحظر تماما تكليف مسئول التطوير بأى عمل خلاف عمله الأساسى

مش عارف حضرتك محافظة إيه بالضبط
لكن روح للتوجيه و اطلب منهم ورقة تفيد بأنك لا تعمل إلا شغل التطوير و بس
فهمهم إن وقتك ميسمحش بالشغلتين مع بعض

لو التوجيه منصف مش حيتأخروا ثانية واحدة
لأن شغل التطوير لوحده مهلك

شكرا يا استاذ محمد هو رد الانسان المحترم مش شغل اللي زيك في الوزارة حرام

مع كامل إحترامى لك و للزميل
ربنا إسمه الحق

حضرتك بتاخد مرتبك على شغل التطوير و بس
لو تتكلف بعمل إضافى يبقى تاخد أجر إضافى

و القرار بتاع تشكيل وحدة الإحصاء بالمدرسة بيقول تشكيل وحدة جديدة من 5 أفراد
و ليس زيادة العبء على وحدة موجودة بالفعل

القرار هلامى جدا و مش محدد مين
علشان كده الأمور مش ماشية صح

المفروض لو انت كفء فى المجال يبقى تشتغلها بمقابل مادى و برضه برغبتك
فى جميع الحالات انت مش مجبر و توجه للتوجيه

اللي ورطنا في شغل الاحصاء مدير القسم السابق لما قالوا في فلوس ولنا جاءت الفلوس الحراميةالكبار في الادارة قسموها على بعض واحنا خدنا زومبة فعلشان كدة مديري المدارس مفكرين ان وظيفة الاخصائي هي الكتابة على الكمبيوتر بجانب شغل الاحصاء

إنت عايز الفايدة ؟؟؟ روح للمدير و قوله يعمل حسابك فى فلوس الخدمات الطلابية و فى كل كشوف البركة و إلا حتشيل نفسك من التشكيل و دى حقيقة لو منفذش طلبك تدخل النت و تشيل إسمك من التشكيل و تطبع الورقة بالتشكيل بدونك تخلى واحدة معاك وواحدة تعرضها عليه ظبط معاك يبقى أهلا و سهلا ترجع نفسك مظبطش يبقى ملزوم خلال 3 أيام يجيب واحد يستلم منك الباسوورد رسمى بس لابد يكون التوجيه ساندك علشان إنت عارف الشئون القانونية ساعات يكون فيها مجاملة

يعنى اللى بيعمل شغل الاحصاء بياخد مقابل مادى ولا ايه ياريت توضحولى النقطه دى ومن اى بند بينصرف هذا المقابل وفى منشور بكدا ولا لأ ياريت التوضيح ضرورى

يعنى اللى بيعمل شغل الاحصاء بياخد مقابل مادى ولا ايه ياريت توضحولى النقطه دى ومن اى بند بينصرف هذا المقابل وفى منشور بكدا ولا لأ ياريت التوضيح ضرورى
لا مش فيها فلوس و ليس لها بند
و لست ملزم بها من الأساس مهما كان عملك

الوكلاء يتهافتون عليها لأنها تعفيهم من مهام أخرى أصعب
أما مسئول التطوير هو من يقوم بالعمل الحقيقى
و أحيانا كثيرة بدون رغبته كما شاهدنا فى هذا الموضوع
و يتعرض للمسائلات القانونية الناتجة عن هذا النشاط مقابل لا شيئ
مع أن المتعارف عليه فى كل الأعراف أنك لابد أن تحصل على المال حتى تتحمل المخاطرة
و خصوصا أن مسئولية الحكومة الإلكترونية قانونا لا تلزم فئة أو فرد بعينه بالعمل بها
أحصل على حقك بطريقتك

إن شاء الله سارفع نشرة التطوير التكنولوجي بادارة غرب الزقازيق التعليمية للمناقشة والحوار وعلي الله تكون مفيدة

تشكيل وحدة الاحصاء والمعلومات من الوزارة

http://www.gulfup.com/?XIwqNl

طالما ما وقعتش على وحدة المعلومات يبقى من حقك ترفضها
ولكن هيقولوا مين اللى فاهم فى الكمبيوتر غيرك
يبقى التصح انها تتشكل رسمى
المدير فى المقدمه ثم حضرتك ثم الاداريين المسؤلين عن البيانات
ولكن رسميا هى مش فرض عليك

تشكيل وحدة الاحصاء والمعلومات من الوزارة

http://www.gulfup.com/?xiwqnl

شكرا جزيلا وجزاكم الله خيرا هو ده المطلوب

انا اخصائي علوم ومسكت شغل الحكومة الالكترونية من بداياتها 2002 وطلع عيني فيها حتى 18/10/2014 والاخر قالوا لي ما انت بتستفيدد من وراها وانت اللي سعيت ليها مع اني والله على ما اقول شهيد باصرف عليها نت وطباعة ووقت من بيتي ولا احصل الا على السهر والتوتر من اجل تسليم الشغل اللي مش بيخلص في موعده..عشان كده ما يستهلوش..وعملت معاهم مشكله وسيبت لهم المركب تغرق:friendsxs3:

اكيد انك مدرس بحصة او 2 في الاسبوع يا ريت تشتغل شغل الاحصاء ساعة واحدة بس وابقى قابلني لو استحملت

شغل الإحصاء سهل ممتنع
بمعنى أن الشخص القائم عليه لو متمكن
فلن يمثل له أدنى مشكلة

أما غير ذلك سيتعب جدا

انا عندي ماسكها مدرس الدراسات
لكن العام المقبل سيترك المدرسة
والله اعلم من سيقوم بها

يا جماعة لازم التطوير التكنولوجي بالوزارة يقف جنينا ويحدد اختصاصتنا بكل وضوح