اكد الدكتور محمود ابوالنصر وزير التربية والتعليم أنه تم اجراءبعض التعديلات علي قانون التعليم 139اتفق عليها عدد ائتلافات المعلمين خلال الفترة الماضية وسيتم عرضها علي البرلمان القادم

اضاف الوزير انه تم استحداث 13 مادة، منها التعليم المجتمعى والتربية الخاصة، والقرائية ورياض الأطفال، وبعض المواد الخاصة بالإداريين، والمواد الخاصة بالدروس الخصوصية، وتنص إلغاء الدروس داخل أو خارج المدرسة، بالإضافة إلى المجموعات الدراسية، بمقابل التشديد العقوبة على المعلم بالإحالة إلى المحكمة التأديبية، فى الوقت الذى كان القانون القديم لم ينص على وجود عقوبة، لافتا إلى أن من له حق إحالته هى الإدارة التعليمية والمديرية، والوزارة،

http://www.alsbbora.com/main_edu.asp?v_article_id=22812#.U9dtsuN_vx1

ياريت يتم التطبيق فيما اتفقوا عليه

بس الاول يصدر وزير الصحة قرار بغلق العيادات والله ما يقدروا

يجب تنفبذ جميع احكام القضاء وتعميمها دون رفع قضايا
مثل ضم المدة
وحافز الاثابة

حسبنا الله ونعم الوكيل في من يظلم الناس

مش تحسز و لكن لابد من اغلاق عيادات الاطباء اولا ثم منع اعطاء الدروس الخهصوصية........ اكيد ها تقول صعب .. طيب هما المعلمين اللى هفية

ماشي ألغي الدروس بس ادينا مرتب محترم نعيش بيه

هى دى دروس اللى احنا بنديها رحو القاهرة وشوفوا السنترز والحصة اللى بتوصل 100 جنية واحيانا اكثر

هو المدرس يقدر يعيش من غير دروس ولا مجموعة

طوروا التعليم والصحه وتكلموا علي الدروس يتكم خيبه حكومه

الله يخرب بيوتكم شوفوا المرتبات التعبانة الأول وبعدين اتكلموا على الدروس والمجموعات

حسبنا الله ونعم الوكيل

ياوزير ياعر* سيب المدرسين في حالهم ،بتحاربهم ليه مش كفاية المرتبات الزبالة اللي بتدوها للمدرسين في الغلاء اللي احنا فيه ده وبعدين الدرس ده أجر مقابل مجهود يبذله مش بيسرق الفلوس دي وماطلعليش الشعارات بتاعة المدرس ماينفعش يدي دروس طب ماتشوف الدكتور اللي بيفتح عيادة وده في ايده أرواح أخطر من المدرس والمهندس اللي بيفتح مكتب هندسي و.......و...........اشمعنا المدرس اللي باصين له ،لو كنا عايزين نعالج مشكلة في الدروس فهمي حاجتين الأولى هى الاستفحال فيها زي مدرسين القاهرة والمدن الكبرى واللي بياخدوا فيها أجر عالي من الطلبة والمشكلة التانية علاقة المعلم بطالب الفصل اللي بياخد عنده درس ...التركيز يكون في المشكلتين دول بالتحديد مش انك تلغي وتنفخ المدرس لمجرد انه عايز يحسن وضعه ....حسبنا الله ونعم الوكيل في كل متسلط

ما فيش مشكلة بس قبل اى قوانين عايزين حاجتين اولهما تطبيق القانون بحزافيره بمعنى ناخد 200 % حافز الاثابه + كادر المعلمين + علاوات الحد الادنى وتغور الدروس فى ستين داهيه ولكن واضح ان التهديد بموضوع الدروس الخصوصية حتى لا نطالب بحقوقنا وثانيا تغلق كل العيادات الخاصه بالاطباء وكله يلتزم بالمستشفيات وفقط اذا فعلوا ذلك سوف يلتزم الجميع واولهم المعلمين

طبق الكادر الاول صح بكل مافية وارفع مرتبات المعلمين واحنا معاك فى محاربة الدروس الخصوصية

اصبحنا فى زمن غريب يتحدث المسئولين عن تجريم الدروس الخصوصية والمعلم لا يستطيع ان يجارى الطالب فى ملابسه. فعندما توفروا للمدرس حياة كريمة يستطيع ان يشترى ملابس محترمة تجارى الطالب الذي من المفترض ان يتلقى العلم من استاذ له هيبتة وله هيئة محترمة ساعتها يمكن الحديث عت تجريم. واليكم مقارنة بسيطة بين رواتب المعلمين فى مختلف دول العالم تبين راتب المعلم الشهرى مع العلم انها منذ عام 2005 يعنى شوف الفرق الان ونحن فى عام 2014.
المقارنة فى المرفقات او فى هذا الرابط
http://translate.google.com.eg/translate?hl=ar&langpair=en|ar&u=http://www.worldsalaries.org/teacher.shtml

معقولة الكلام ده يتم موضوع الدروس ده ينتهى

الكلام بالعقل المنظومة من الاساس فاشلة .. قلى كده حد يقدر يستغنى عن الدروس لاولاده .بعد فقد الثقة بالمدرسة حيث الامتحانات فى وادى والكتاب المدرسى فى وادى يعنى المدرسة بالتطور الجديد اللى هرونا بيه المستشارين اللى قاعدين فى التكييف والسياسات المتخبطة سبب تاخر التعليم /بالعكس الدروس هى المعول الحقيقى الان لتقدم الاولاد دراسيا ... والكل دلوقتى بيشارك هنلاقى الاستاذ الجامعى والمستشارين الكبار بيدوا دروس سيبوا الغلابة بلاش تدييق عليهم اكنر من كده

موضوع الدروس الخصوصية ومحاربتها دايما لبانة في فم كل وزير تعليم بييجى يقعد شوية او شويتين على الكرسي وبعدين بيروح لحاله ( الموضوع والوزير ) خلوا صاحب الكرسي يقول زي ما هو عايز مصيره زي اللي قبله واللى قبل قبله
نفسي ييجى واحد محترم يقعد على الكرسي ويرفع من شأن المعلم أولا ويشوف بعينه عدد المدارس وكثافة الفصول والعجز فى المدرسين وكفاءة المعلم وبعدين الوزير ده انا عارفه كويس من اول يوم قعد على الكرسي بياع كلام. سيادة الوزير المحترم عندي سؤال واحد...... مرتبك كام وانا بجلالة قدري بعد 20 سنة خبرة في التربية والتعليم مرتبي كام؟ خليك واقعى وتعايش أحسن

هو ده الى قدرت عليه لاصلاح التعليم (التهديد) طب خدها منى حكمه تعالى قبلنى وهات معاك حاجه واسعه

متى نستغنى عن الدروس طالب ومعلم
1-عندما يكفى الطالب الكتاب المدرسى سيرد الكتاب على أعلى معايير الجودة وضعة أساتذة متخصصون نرد ونقول غير صحيح فوضع الكتاب بهذه الصورة متعمد لصالح الكتاب الخارجي والذى تقره الوزارة وتحصل عليه الضريبة مقصودة كده ولا لأ يامتعلمين
2- انظروا للامتحانات اتحدى في مادة مثل اللغة العربية ان يعتم الطالب على كتاب المدرسة وينجح فقط لا نقول يتفوق
3-توزيع المنهج على الشهور فاششششل بكل المقاييس اما طويل جدا واما قصيرجدا
4- الكتاب المدرسى عند تغيير المناهج نجد تعمد أن يتأخر كتاب المدرسة في الظهور لصالح الكتب الخارجية يعنى ايه
5- لما الازدواجية ان يسمح للطبيب بترخيص عيادةولا يسمح للمدرس والأمر سواء
6-الدولة تناقض نفسها ولن تتخلى عن الدروس لأنها تمثل دخل من ضريبتها ضحك على الدقون
أنتم ترفضون زيادة المعلم في حين يزيد دخل أغلب الفئات بحجة أننا وزارة خدمية وعالة على البلد أما الوزارات الأخرى منتجة كالبترول والكهرباء وغيرها على أساس انهم يصنعون المال مش من دمنا
7- هل كتب على المدرسين أن يتحملوا مجانية التعليم

في النهاية نحن نخدع انفسنا والحل بسيط جدا ارفع راتب المعلم وجرم الدروس
أخرج الكتاب المدرسى في صورة يستغنى بها عن الكتاب الخارجي والله كتب الوزارة لاتستخدم من قبل الطلاب فهو هدر لميزانية الدولة

أنا موافق بس بشرط مرتب المدرس يبقى مثل مرتبات عسكرى الجيش