الموضوع انا جبت في 3ث 98.9والحمد لله وقدمت طب وقبلت بس خايفة اوي مش عشان الكلية طويلة وصعبة بس لكن خايفة اني ملاقيش نفسي في الكلية وكمان خايفة اكون اخترت الكلية عشان مستخسرة المجموع وكمان عشان اهلي وخصوصا والدي كان نفسه حد من اخواتي يدخل طب وانا كنت املهم وماخيبتش الامل والحمد لله بس المشكلة اني مش حاسة اني مبسوطة اوي عادي يعني طول عمري كنت بزاكر مش عشان ادخل كلية طب بس طول عمري بحب ازاكر عشان ابقى متفوقة واحس اني شاطرة والكل يقول عليا كده عمري ماحلمت اني ادخل كلية معينة عموما اني بحب الحفظ والكل بيقول عليا حفيظة بس برضو بفهم كويس بس مش اوي علما باني جبت في الفيزيا45.5وفي الاحصاء49.5بس بجد محتارة وخايفة اني اظلم نفسي في كليه ماحبهاش ارجوكم محتاجة حد يقولي رايه وخبرته لو مر بنفس الموقف

طالما انتى مكنتيش عايزه كليه معينه خلاص حبى الكليه دى وانتى كده مش حفيظه ولا حاجه مفيش حد يعدى فى فزياء وكمياء واحياء ومشاء الله بدرجات كويسه ويبقى مش بيفهم ولو حطتى فى دماغك ان انتى بتحبيها هتتفوقى فيها انشاء الله وربنا معاكى انشاء الله

انتى خايفه من ايه يا غاده
طالما انتى قدرتى بمجهودك تدخلى كليه طب
يبقى اكيد انتى ذكيه بالدرجه الكافيه انك تقدرى تطلعى دكتوره
توكلى على الله ومالكيش دعوه

شكرا ياجماعة عالرد وان شاء الله احب الكلية

طول عمري بحب ازاكر عشان ابقى متفوقة واحس اني شاطرة والكل يقول عليا كده

يعني مش بتذاكري علشان تدخلي الكلية اللي عاوزاها

بتذاكر علشان الناس تقول عليكي شاطرة و لا ايه

ممكن توضحي

اولا اهلا وسهلا

ثانيا كلية الطب ما هى الا كليه للحفظ وليس للفهم فحضرتك لازم تزيدى كم المزاكره

لأن الكليه بصراحه هتكبتك اكتر من الثنويه

وربنا يوفقك


سلام

انا كنت بزاكر عشان ادخل كلية كويسة بس مكنش في بالي كليه معينة بس انت عارف في مصر هنا كله بيحب يدخل كليات قمة يعني طب او صيدلة او هندسة مش مهم ده بيتفق مع ميولهم ولا لا وكمان المشكلة ان المواد اللي في الثانوية مابتحددش الطالب بيحب ايه او شاطر في ايه اتمنى تكون فهمتني اكتر

يا حبيبتي اوعي تخافي من طب
انا اخويا الكبير دخل طب و اتخرج و آهو ان شاء الله راح يتخصص جهاز هضمي
هو آه كانت الإمتحانات كتيره و كان بيقعد يذاكر طول السنه و كانت اصعب فتره بالنسبه له وقت البكالريوس و الإمتياز و التكليف
لازم تتفوقي في دراستك عشان التكليف يبقى في محافظتك انا لما هو قعد ينجح التكليف جاله في القاهره
بس خدي بالك دي لازم تذاكري فيها مش لعب .. ثانويه عامه تانيه يعني
انا معاصره اخويا اهو .. و الحمد لله هو اتجوز مش تخافي يعني مش بتأخر الجواز
اي نعم هو لسه بيذاكر عشان تخصصه مع الجواز .. بس ماشي في الجواز اهو

ميرسي ليكي يابوسي طمنتيني بس انتي ادعيلي وان شاء الله ابقى شاطرة كده زي اخوكي

طب كويسه انت بسم الله ما شاء شكلك هتمشى فيها كلية ملهاش دعوة خالص بالثانوية خالص توكلى ع الله

ميرسي ليكي uouaوان شاء الله ربنا يسهل