لماذا تحارب الوزاة الدروس ؟؟؟؟؟؟
ليه مش سايبين المدرس في حاله ياوزير سيب المدرسين في حالهم ،بتحاربهم ليه مش كفاية المرتبات الزبالة اللي بتدوها للمدرسين في الغلاء اللي احنا فيه ده وبعدين الدرس ده أجر مقابل مجهود يبذله مع الطالب من صحته ووقته مش بيسرق الفلوس دي وماطلعليش الشعارات بتاعة المدرس ماينفعش يدي دروس طب ماتشوف الدكتور اللي بيفتح عيادة وده في ايده أرواح أخطر من المدرس والمهندس اللي بيفتح مكتب هندسي و.......و...........اشمعنا المدرس اللي باصين له ،لو كنا عايزين نعالج مشكلة في الدروس فهي حاجتين الأولى هى الاستفحال فيها زي مدرسين القاهرة والمدن الكبرى واللي بياخدوا فيها أجر عالي من الطلبة والمشكلة التانية علاقة المعلم بطالب الفصل اللي بياخد عنده درس ...التركيز يكون في المشكلتين دول بالتحديد مش انك تلغي وتنفخ المدرس لمجرد انه عايز يحسن وضعه ....حسبنا الله ونعم الوكيل في كل متسلط
ده رأيي في موضوع الدروس والله المستعان

:friendsxs3::friendsxs3:اللهم أنت ربي لا إله إلا أنت خَلَقتني وأنا عَبْدُك وأنا على عهدك ووعدك ما استطعت أعوذ بك من شر ما صنعت أبوء لك بنعمتك على وأبوء بذنبي فاغفر لي فإنه لا يغفر الذنوب إلا أنت.:friendsxs3::friendsxs3:

عيادة الطبيب هى ايضا دروس خصوصية
اليس للطبيب مستشفى يعالج فيها المرضى كما للمعلم مدرسة يدرس فيها؟
لما العنصرية ضد المدرس؟
انا لست مع الدروس الخصوصية و لكن ضد التغاضى عما يفعله الاطباء من اهمال فى المسشفيات و مع ذلك تقنن لهم الحكومة عيادات خاصة و تجرمها على المعلم

الدروس الخصوصية خراااااب بيوت
المفروض اجر المدرس يترفع والدروس تتمنع
الاهالي تعبوا والله حرام

معك كل الحق

احنا مستنين رأى النقابة فى القرارت الغير مدروسة ده
هل المرتبات هتزيد والكادر منه لله هيتلغى

اللهم أنت ربي لا إله إلا أنت خَلَقتني وأنا عَبْدُك وأنا على عهدك ووعدك ما استطعت أعوذ بك من شر ما صنعت أبوء لك بنعمتك على وأبوء بذنبي فاغفر لي فإنه لا يغفر الذنوب إلا أنت.

الدروس حراااااااااااااااااااااااااااااااااااااااام
حرااااااام

ومتى رأيت مستشفى خاوية على عروشها كما ترى المدارس الثانوية

اتقوا ربنا فى الناس وأولاد الناس

انتم بتضحكوا على نفسكم ولا على ربنا

فيه بطالة لاتجد قوت يومها ومطالبة بدفع الدروس

وفيه موظفين باليومية زهرات ومطالبين بتعليم أولادهم

وتتقاسمون المرتبات مع كل موظفين الدولة

سترى استخفاف من البعض يقول واحنا مالنا

المريض يذهب للطبيب كل حين

لكن أولاد المريض يذهبون إليكم كل يوم

إذا بوليتم فاستتروا

فربما الحياء يخفف عنكم حساب الله

وهذا الكلام ليس للتعميم

فلازال فى قلوب البعض رحمة وتقوى ولكن صوت المتاجر بالفقراء والمساكين المعدمين أعلى

وا أسفاه

فى ديوان الوزارة ومديرياتها وإداراتها

لما انت مش لاقى تاكل متديش لاولادك درس حد بيغصب عليك ولو لقيت مدرس المدرسه مقصر اشتكيه
وبعدين فكرة الدروس ان المدرس القوى مش هو اللى بيدى لابنك فى المدرسه عشان كده انت اللى بدور عليه خلاص ادفع واسكت

لما أنت بتشحت وتقسم المرتب مع غيرك والأم مريضة والأخ عنده شلل الأطفال وكل الأفلام الهندي دي يبقى الدراسة والمدارس والدروس مش ليكم

نحن مشفقون على كل اب وام لديهم ابناء فى مراحل التعليم المختلفة .........
الدروس نتيجة تراكمات خاطئة ,الحل موجود والتنفيذ صعب على دولة ضعيفة....
غير قادرة على السيطرة على مؤسساتها المختلفة......
وشعب منقسم ومختلف على نفسة .......
اللهم احفظ مصر وأهلها............

لما أنت بتشحت وتقسم المرتب مع غيرك والأم مريضة والأخ عنده شلل الأطفال وكل الأفلام الهندي دي يبقى الدراسة والمدارس والدروس مش ليكم


لما انت مش لاقى تاكل متديش لاولادك درس حد بيغصب عليك ولو لقيت مدرس المدرسه مقصر اشتكيه
وبعدين فكرة الدروس ان المدرس القوى مش هو اللى بيدى لابنك فى المدرسه عشان كده انت اللى بدور عليه خلاص ادفع واسكت



هههههههههههههههههههههههههه

بتدافعوا عن الحيتان وعاملين انكم منهم

واللى يدور عليكم يلاقيكم شغالين زى الألاف من المدرسين بملاليم على ماتفرج

الشحات اللى بتسخروا منه وكمان مش عايزينه يعلم أولاده إلا لما تتقاسموا معاهم فى قوتهم

المفروض فعلا يبطلوا يبعتوا ولادهم المدارس ويسيبوهم مشردين فى الشوارع

وابقى ساعتها ورينا هتحافظ على اللى جمعته من الدروس إزاى من دمهم

هو احنا مابنتعظشى م اللى بيجرى حوالينا

أصحاب المليارات مين اللى رحمهم من غضبةالمظلومين وقت الطوفان

التكافل من الدين والرحمة من الدين والكلمة الطيبة من الدين ولا هنا بس هتعملوا مش سامعين

ياريت كمان يبقى فيه اسلوب أفضل عند الحديث عن ناس لهم نفس حقوقنا



فبلاش نتعالى على الناس ونلتمس لهم العذر

شكرا لكم

ياساده موضوع الدروس ده موضوع شائك جدا طيب انا اقسم بالله انى لم اقل لتلميذ على درس خصوصى واقوم بالشرح داخل الفصل مثل السنتر بالضبط واعطى التلاميذ جوائز و اكتر نسبة حضور فى المرحله الثانويه فى حصتى ور غم ذلك لا استطيع قبول كل الدروس التى تاتى لى من مدرستى والمدارس المجاوره و رجاء اولياء الامور وعشم الزملاء لدرجة انى ايام كثيره لا استطيع روءية ابنائى مع العلم انى اعطى الشهادات فقط لعدم الشبه مطلوب منى ارفض الدروس ولا اعمل ايه واعتقد هيه بقت ثقافة مجتمع ونوع من انواع التباهى دانا بدى لابنى الحصه بكذا

إذا كنتم تريدون الغاء الدروس الخصوصية - وأنا مع ذلك - فلابد من اصلاح المنظومة من الأساس بمعني البحث عن سب لجوء الناس للدروس وتعالجونه مثل المناهج والمعلم الغير معد والعجز في المدرسين والغاء دبلوم المعلمين دون توفير بديل كفء له وتكدس الفصول ونظام التقويم و............. إذا أصلحنا كل ذلك سوف تختفي الدروس الخصوصية ولكن الغاء الدروس الخصوصية بقرار وقانون هذا لا يصلح وإنما هو تحيز واضح للغني الذي يستطيع إرسال ابنه للمدارس الخاصة ذات الكثافة المنخفضة

الدروس الطالب هو البيسعلها وبعض المدرسين ضوعاف فى المهنة والنظرة بين المدرسين فى المدرسة للبيدى ولا مابيديش المواضيع اختلفت لان الطالب مشغول معندوش وقت يتعلم النت والموبيل والفسح والمعاكسات واللعب كلة واخد وقتة مش لاقى وقت يذاكر فية او حتى الاب والام ينصحوة ويجلسوا بيه للمذكرة مشاكل وتراكمات هائلة فى المجتمع كيف ان الوزير هيحل كل دة وبعدين ماهو المدرسين جزء من المجتمع وفيهم اولادهم بيخدو دروس هيكفيهم منين يعنى انا باخد من ده وودى لده وبعدين بنشاهد مرتبات الاعلامين ولا الممثلين مهولة وبيدلعوا فى الدولة على الاخر احنا هنروح فين يعنى منهم هل سمعت ان مدرس مرتبة فى الشهر 100 الف
او 300 الف
او مليون مشممكن طبعا
اخر مدرس مشهور او عملاق دروس على حد معلوماتى 30 او 40 الف فى الشهر من الدروس فى المحافظات الكبرى والصغرى 10 او 8 الف
فى الشهر ومعدودين مش كل المدرسين فى كل المجلات لمل تسمع مرتبات الاعامين ابقوا انظروا للمدرسين و بعدين كام مدرس بيجلس مع اولاده وبيذكرلهم
مليان مشاكل من المدير والموجهين والنظار والوكلة والزوار والتحضير والشرح والطلبات الكثيرة منه فى المدرسة فى وقت خمس ست ساعات وفية بعضهم له نفوز والاخر ملوش وتركيب النفس على النفس والمتحابين للادارة والباخد حق زميلة ولالا بيطلع على اخطاء زميلة والكل بيتربص للكل مواويل لازم نحكم فيها بالحق الشديد حتى لانظلم واذا ظلمت فان المشكله دائما قائمة

الدروس الخصوصية خراااااب بيوت
المفروض اجر المدرس يترفع والدروس تتمنع
الاهالي تعبوا والله حرام
معك الحق كله

يوم أن فرض التنسيق فرضت الدروس

فالطالب فى الثانوية يكون حريصا على كل ربع درجة

حتى يصل لمبتغاه ---- وهذا لانلومه على أى مكان يلجأ إليه

فدرجة واحدة قد تبعده عن حلمه وحلم أهله

لكن العجب أن الموضوع استشرى حتى وصل أطفال الحضانة

يشتكون من ضعف نتاج التعليم المصرى

وتجد الوزير يستغرب جدا حين يسأله أحد

كيف يتخرج طالب جامعى لايستطيع الكتابة وان كتب فنصف كتابته أخطاء إملائية ؟

كلنا ندرك قدر الإحباط الذى يصيب طالب الثانوية عندما يبعده التنسيق عن حلمه

فيجد نفسه مضطرا لدراسة بكلية لم تأتى يوما على باله

%90من خريجى الجامعات أجبروا على قبول دراسة مالا يحبون ---

فماذا تنتظر من الناتج

ألاف المستشارين فى التعليم ينتشرون فى كل موقع بمكافأت مرعبة حتى صرنا نصدرهم للخارج

وحالنا كما نراه لاجديد ولاتجديد

فهل التنسيق فرض أم ننتظر ابداع من لايتجرأوا على أى تغيير ؟!

أكيد فيه حلول وصلت إليها دول أقل منا سياسيا واقتصاديا وعلميا ولكنهم يملكون الإرادة وتناسوا العشم والمحسوبية والخواطر فى اختيار القيادات المبتكرة والمجددة

الكارثة تكمن فى تحجر فكر من وكلناهم ليفكروا لنا ولمستقبل أولادنا وبلادنا

حسبنا الله ونعم الوكيل

جزاكم الله خيرا

صلو على النبى ياجماعة الموضوع سهل لو الحكومة قامت بواجبهاالكل هيقوم بواجباتة على اكمل وجه مين مننا نحن المدرسيين او اى موظف بالدولة عايز بعد الشغل يشتغل تانى بدل ما يقعد بين اولادة وبيتة ويرتاح ولكن هى صعوبة العيشة بمرتبات الحكومة يدور المعلم على الدروس او اى مهنة اخرى يزودبها دخلة زى اى مواطن دخلة ضعيف ولكن اذا قامت الحكومة بالنظر للمعلم وعلى مهنتة الصعبة فليس من السهل ان يعلم المعلم ويوصل المعلومة بطريقة جيدة وهو فى راسة الف مشكلة مثل الايجار والمأكل واللبس والكهرباء والماء والغاز فهو بشر ومهنتة مختلفة عن باقى المهن مثل اى موظف جالس على مكتبة فالمعلم مطلوب ان يظهر بمظهر لائق امام تلاميدة ويكون على دراية كاملة بالمنهج والتغيرات التى تطرء علية ويواكب التطور التكنولوجى والعلمى ازاى بهذ المرتب المخزى؟التلاميذ اصبحت تستهذء بالمعلموبملابسة وعدم ادراكة ببعض الاجهزة الجديدة مثل الموبايل والكمبيوتروكيفية استخدامها بسرعة ويسر لكم الله يامعلمى مصر

هل تعلم؟؟؟؟
هل تعلم ان اكثر الناس فسادا فى مصر المدرسون
هل تعلم ان اكثر الناس افسادا لاخلاق الطلاب هم المدرسون
هل تعلم ان اكثر الموظفين هروبا من عملهم هم المدرسون
هل تعلم ان اكثر الناس صرعا على المال هم المدرسون
هل تعلم ان اكثر الناس تهربا من الضرائب هم المدرسون
هل تعلم ان اكثر الناس تشجيعا للطلاب على الهروب من المدارس هم المدرسون
هل تعلم ان اكثر الناس تنازلا عن كرامتهم للطلاب هم المدرسون
هل تعلم ان اكثر الناس كرها لبعضهم البعض هم المدرسون وخاصة مدرسى المادة الواحدة
هؤلاء هم اصحاب الدروس الخصوصية