ما رأيكم في فكرة عمل ماراثون جري في كل منطقة تحت شعار في حب الأزهر
الماراثون شئ جميل موجود في كل الدول المتقدمة

مع خالص تقديرى واحترامى لك اخى الفاضل

احنا عايزين حقنا فى العلاوات المجرده والترقيات والماليات
واحنا نعمل كل اسبوع مارثون

وهل نحن دولة متقدمة؟

فكرة جميلة

وممكن تعرضها على وكيل الوزارة فى المنطقة ولو محتاج اى مساعدة انا معاك

ياريت نعمل مارثون جرى من الازهر

بالامانه فكرة جميله لكنها صعبه التنفيذ

فكرة متحضرة وراقية جداً بس للأسف هتواجه صعوبات سواء انتقاد ونكت عليها أو اعتراض من المسئولين
أحييك على الفكرة

يا جماعة الفكرة رائعة خاصة انها ستجد صدى واسع داخل الصحافة والميديا المحلية والعالمية

ولعلها تجد صدى عند اصحاب القرار

مارثون فى حب الازهر ما شاء الله انا من كتر حبى للازهر عاوز احول تربيه وتعليم انا عاوزكم تسيبكم شويه من المثاليه زياده عن اللزوم والله الازهر اوشك على الانقراض هى فين الطلبه كل معهد فيه كام طالب ولما يفتح التحويل مش هتلاقى حد

واحنا المعلمين المثبتين حديثا اللى مشغلين كل المعاهد الان واحنا افضل عناصر فى الازهر الان اين حقوقنا اين العلاوات التى تم تجريدها اين الترقيات

ارحمونا بقى والله انا معى ناس خريجه تربيه وتعليم شغاله مسخره على الازهر ليل نهار ولا يعترفوا بالازهر وخريج الازهر وطالب الازهر خصوصا فى المواد الثقافيه ويبقى شوفو نسب النجاح وقارنوها بالتربيه والتعليم رغم الغش الموجود كتير فى الازهر والله عندنا نتيجه الشهاده الاعداديه فى المحافظة 27 % فضيحه والثانويه 32 % اما التربيه والتعليم الاعداديه حاجه وثمانون فى الميه

يا إخواني والله أغلب المعاهد لا تجد طلابا انتظروا مفاجآت قريبا سيكون هناك إغلاق لبعض المعاهد لعدم وجود كثافة كافية
نحن نريد مارثون في إنقاذ الأزهر

والمشايخ هتجري ازاي؟ انا متخيل رئيس المنطقة لو طلبت منه نجري هيقولي ما تجري الشوارع قدامك او ممكن يقولي استنى استطلع راي فضيلة وكيل الازهر عشان يعلن ان الماراثون سيتم تحت رعاية فخامته وبرعاية مباشرة منه .. دا اذا لم يطردني اصلا من مكتبه ويحولني للتحقيق مع جزا محترم من ابو 3 ايام .. موضوعك للاسف عامل زي واحد عايز يجمل ويزين بيته من بره وهو من جوه على الطوب الاحمر مع احترامي لحضرتك وللفكرة طبعا

انا موافق ياجماعه نعمل كل شهر هذا الموضوع بس لوكلاء الوزارة

مشكلة الازهر انه عامل معاهد علمى فى القرى بدون فائده وتجى الطلبه تغش اخر العام وخلاص بقا دكتور الولد .لكن مفيش مدرسين ولا العيال بتحضر اصلا ,احد المعاهد يوجد بها فصل علمى مدر س بيدرسهم كيمياء فيزياء احياء جملة واحده كده و يقلك اصلا العيال مخلصه المواد بالصيف وجدول عادى بس لسد العجز بالذمه دن نظام ولا تعليم وعاوزين نعمل مارثون احنا نعمل مارثون لانقاذ الازهر وتصفية كل القيادات اللى مش عارفه تاخد قرار فيه المصلحه . لابد من غلق العلمى بجميع القرى وتوزيع جداول المعلمين وغلق المعاهد التى لا توجد بها كثافة لحين اشعار اخر بكده هنوفر المدرسين ولا يوجد عجز ونخلق بيئة تعليميه صالحه وشكرا .....!!!!!!

فكرة جميله لكنها صعبه التنفيذ

ياعم اجرى انت بعيد

احنا بندور على حقوقنا الضايعة وناس بتدور على الجرى والكلام الفاضى ............................ يا اخى اجرى ورا حقك المسروق منك وبعد كدة العب براحتك ......................

خلوا بالكم فيه ناس عايزينكم تناموا عن حقوقكم وتلهيكم باى شئ اخر يا ريت تنتبهوا

طب وانت بتجرى والنبى ابقى شوفلنا الفلوس اللى أكلوها علينا

أولا شكرا لجميع الأعضاء الكرام على الردود الجميلة
ثانيا احنا فعلا لنا حقوق ضائعة
وعشان نجيب حقنا لازم نبتكر أفكار جديدة
يبقى نعمل ماراثون مطالبة بحقوقنا
وزي ما قال الأستاذ احمد راشد الموضوع دا هيلفت نظر الصحافة والاعلام لينا ولمطالبنا

المدرس الازهرى بيجرى طول عمرة من ساعة م اشتغل بالازهر .........يعنى بصراحة مش عايز جرى ....نفسة اتقطع !!!!!!!!

وبالمرة نركب عجل علشان مصر

والله موضوع يستحق الضحك والسخرية ، ليس من صاحب الفكرة ولكن من الفكرة نفسها
وشكرا للعضو صاحب التعليق التالى :
( والمشايخ هتجري ازاي؟ انا متخيل رئيس المنطقة لو طلبت منه نجري هيقولي ما تجري الشوارع قدامك او ممكن يقولي استنى استطلع راي فضيلة وكيل الازهر عشان يعلن ان الماراثون سيتم تحت رعاية فخامته وبرعاية مباشرة منه .. دا اذا لم يطردني اصلا من مكتبه ويحولني للتحقيق مع جزا محترم من ابو 3 ايام .. موضوعك للاسف عامل زي واحد عايز يجمل ويزين بيته من بره وهو من جوه على الطوب الاحمر مع احترامي لحضرتك وللفكرة طبعا )
أضحكتنى كثيرا ً
********************

المدرس الازهرى بيجرى طول عمرة من ساعة م اشتغل بالازهر .........يعنى بصراحة مش عايز جرى ....نفسه اتقطع !!!!!!!!



كلام مظبوط :078111rg3:



وبالمرة نركب عجل علشان مصر



حلوة دي :d:d

يا جماااااااااعة الخير والله إحنا ممكن نحول الفكرة لصالحنا بما أننا أصحاب حقوق ضآئعة وليس هناك من يقف بجانبنا ممكن نستغل هذه الفكرة وبدل ما يكون المارثون تحت شعار حب الأزهر يكون تحت شعار المطالبة بالحق الضائع وصدقونى الصحافة ووسآئل الإعلام هتلفت الإنظار إليكم وهتنقل صوتنا للمسؤلين وهيسمعوا صوتنا بعد الفضايح إيلى هينقلها الإعلام للناس كلها وممكن نجد تعاطف من الشارع المصرى للمعلم الأزهرى وأخيراً لكـ الله يا معلم الأزهر

المارثون هعمله يوم ما امشي من الازهر مع خالص تحياتي

الله عليك هو ده الشغل فعلا احنا مالناش حقوق من اصله الازهر قضي علينا وجمد تفكيرنا

مستعدين لذلك لكن عندما يطبق العدل والمساواة في كل منطقة في كل شيء

بعد الســــــــــــــــــــــــــــــــــــــــــــلام عليكم ورحمة الله وبركاته الاخ العضو المحترم هو السادة المدرسين فايقين من الانتدابات الااذا كانت فكرةسعادتك خاصة بالسادة اصحاب الفضيلة المعمميين اقصد رؤساء المناطق والوكلاء واصحاب اللجنة الاداريةوكفاية كدة كويس عشان ما نرتكبش سيئات وشكراااااااااااااااااااااااااااا

بالامانه فكرة جميله لكنها صعبه التنفيذمن حلف بالامانه فليس منا صدق رسول الله