دكتور إن شاء الله
31-07-2014, 02:45 PM
السلام عليكم و رحمة الله و بركاته
الحمد لله خلصت الثانوية على خير و طلع التنسيق و جالي طب بنها
كنت عايز أستفسر عن طب بنها و مستوى الدراسة فيه بالنسبة لكليات الطب على مستوى الجمهورية ... خاصة اني بسمع عنه كلام مش حلو و أن مستوى الدراسة فيه مش اد كده !!!!!!
أنا من قويسنا النوفية ... ينفع أحول طب شبين ( مع العلم أنه مجموعة {أ} هو و طب بنها )
و هل ينفع أحول بسهولة لكليات زي طب القاهرة أو عين شمس أو المنصورة أو إسكندرية و لا لازما شروط و تعقيدات ؟؟
بالله عليكم لا تبخلوا بالرد
هاوى إبداع
31-07-2014, 03:08 PM
السلام عليكم و رحمة الله و بركاته
الحمد لله خلصت الثانوية على خير و طلع التنسيق و جالي طب بنها
كنت عايز أستفسر عن طب بنها و مستوى الدراسة فيه بالنسبة لكليات الطب على مستوى الجمهورية ... خاصة اني بسمع عنه كلام مش حلو و أن مستوى الدراسة فيه مش اد كده !!!!!!
أنا من قويسنا النوفية ... ينفع أحول طب شبين ( مع العلم أنه مجموعة {أ} هو و طب بنها )
و هل ينفع أحول بسهولة لكليات زي طب القاهرة أو عين شمس أو المنصورة أو إسكندرية و لا لازما شروط و تعقيدات ؟؟
بالله عليكم لا تبخلوا بالرد
انا مش من طب بنها
بس انا حابب اقول حاجه ف الموضوع دا
بص مستقبل الشخص متوقف عليه هو
مش علي الكليه ولا ع اي حاجه تانيه
مفيش حاجه اسمها طب القاهره احسن من طب بنها والكلام دا
يعني مثلا حضرتك هتدخل اولي طب ان شاء الله هيحصل الاتي
هتشتري كتاب البايو بتاع سعيد عرابي زي اي طالب طب ف مصر بيجيبه وتسمع محاضرات رشيد وانت بتزاكر فيه
هتشتري كتاب احمد مصطفي كمال او كتاب سامح دوس في التشريح زي اي طالب طب في مصر هيعمل كدا وهتقعد تسمع اسطوانات احمد مصطفي كمال وتسمع عملي الفقي ف التشريح
هتسمع محاضرات الدكتور ناجي ف الفسيولوجي زي كله برضه
اما بالنسبه للهستولوجي ف دي ماده خفيفه يعني ونوعية الاسئله فيها بتختلف فعشان كدا ممكن تلتزم بالقسم
هو اللي يفرق صحيح "المستشفي" بعد اولي وتانيه وتالته
انت محتاج فعلا مستشفي كويسه وعايز اقولك ان موضوع المستشفي دا برضه مش هيفرق معاك قد كدا هو يفرق مع النواب في الاساس
العمليه كلها متوقفه ع حضرتك انت واجتهادك ومزاكرتك
انا حبيت اوضحلك النقطه دي من وجهة نظر واحد سأل كتير زيك قبل كدا :d
واتفضل دا موضوع ف القسم احتمال يفيدك ان شاء الله
كل ما تريد معرفته عن طب بنها.مرجع شامل للنظام الجديد
http://thanwya.com/vb/showthread.php?t=443007
في حمي الرحمن
دكتور إن شاء الله
31-07-2014, 09:59 PM
شكرا على نصيحتك و أنا قريت فعلا الموضوع اللي حضرتك أشرت إليه و ده قبل ما اكتب استفساري أصلا و بجد الموضوع ده زود شكوكي في طب بنها أكتر !!!!! و يا ريت لو حضرتك أو أي حد يقدر يجاوب على استفساري بخصوص مستوى الدراسة في بنها و بخصوص موضوع التحويل لكلية في مكان تاني يتفضل يرد بسرعة ........
دكتور إن شاء الله
02-08-2014, 11:04 AM
الحمد لله خلصت الثانوية على خير و طلع التنسيق و جالي طب بنها
كنت عايز أستفسر عن طب بنها و مستوى الدراسة فيه بالنسبة لكليات الطب على مستوى الجمهورية ... خاصة اني بسمع عنه كلام مش حلو و أن مستوى الدراسة فيه مش اد كده !!!!!!
أنا من قويسنا النوفية ... ينفع أحول طب شبين ( مع العلم أنه مجموعة {أ} هو و طب بنها )
و هل ينفع أحول بسهولة لكليات زي طب القاهرة أو عين شمس أو المنصورة أو إسكندرية و لا لازما شروط و تعقيدات مع العلم أن الكليات دي نطاق {ج} ؟؟
بالله عليكم حد يرد ضروري
دكتور إن شاء الله
04-08-2014, 05:05 PM
يا جماعة هو السؤال معقد للدرجة دي !!!!!!!!!!!!
Asmaa Soliman
04-08-2014, 05:25 PM
اجابة هاوى ابداع كافية علشان كده مش رديت يعنى :rolleyes:
بالنسبة للتحويل
ممكن تحول عادى بس لازم تجيب اقامة فى القاهرة
ومش هيكون ليك مدينة
ومش اعرف حاجة عن الدراسة فى بناه سوى انهم بيجيبوا تقديرات عالية :d