ياريت كل اللى يشوف الموضوع يشارك برأيه انا جبت فى تانية 84% وكنت عاوز اكمل علمى رياضة واخش هندسة بس خايف من المجموع السنة اللى جاية خايف انزل وماجبش موضوع الهندسة وخايف من منهج الرياضة اللى ممكن اقل فيها فهل اكمل رياضة ولا احول علمى علوم واخد احياء ولو جبت فيها مجموع حلو هيبقى اخرى 93% واللى بيجيبو فى علمى علوم من 92% الى 96% مابيلحقوش يدخلوا طب او صيدلة وهيخشوا كلية علوم لكن فى الرياضة لو جبت 93% ممكن اخش هندسة ياريت تساعدونى وياريت المدرسين يقولولى اعمل ايه فى الرياضة وكنت جايب فىتانية 43.5


وارجو المشاركة

لا احسن تحول ادبي الثانويه العامه مش مضمونه يعني انا ناقصه في تانيه 5درجات جيت في تالته وان علمي رياضه نقصت 28 درجه بس دخلت هندسه شد حيلك وربنا يديك علي قد شغللك

[
واله يا اخى انا حاسة بمعاناتك
عايز رأيى ما تكملش علمى اساسا
لو دخلت رياضة وده بجد هيبقى صهعب عليك لانك جايب فى رياضة تانيه اللى تعتبر تافهة درجة مش كويسة اوى و انت فاهم كده اكتر منى كمان رياضة اتنين مش سهلة علشان تعلى من 84 حتى 93 يعنى بجد صعبة اوووى
لو عايز تكمل علوم قدامك علشان كليه كويسة زى صيدلة او اسنان برده المجموع صعب يعلى للدرجة دى

انا هقولك حاجة اخيرة
لو انت متأكد انك هتذاكر كويس وووووووووووووووووووووووووووووووووووووووووووووى بس المهم انك ما تكونش مكسور من جوه يعنى اكيد لازم تكون مضايق بس تحط فى دماغك ان الزعل ده من الشيطان اللى مشس عايزك تنجح
و صدنى لو لا قدر الله ما جبتش حتى مجموع فى علمى لازم يا اخى تتأكد ان ربنا عمره ما هيضيع تعبك لكن لعب السنة دى لا و الف لا
انا رايى حول ادبى ده الأسلم و ممكن تدخل كلية كويسة



او انا برده عندى فكرة كويسة
كمل علمى زى ما انت عايز ادخل زراعة فيها اقسام حلوة اوووووووووووى زى زراعة قسم رواثة بجد صدقنى قسم رااااااااااااااائع و اكثر من رووووووووعة و محتاج مبدعين لو انت ناوى تذاكر بجد ان شاء الله تحط فى دماغك انك دتدخل زراعة و تذاكر كويس و باذن الله ربنا يوفقك و تبقى معيد و ساعتها هتبقى احسن من الدكتور البشرى والله
اهو حاجة اوعى تتكسر من جواك

ربنا يجد معااااااااااااااااااااااك و يارب اسمع عنك كل خير

انا شايفة انك تكمل ادبى انا ليا وحدة صحبتى كانت جايبة 85% ولكن للاسف بقت 73% وبقت ندمانة انها كملت علمى رياضة
على العكس من صاحبتها كانت جايبة 85% وحولت ادبى بس زاكرت كويس جدا وجابت فى تالتة بس 99.5%وبقى مجمعها 92.25
% ودخلت تربية نوعية

ادبي طبعا انا قلت زيك كده وكنت جايب ف تانيه 92 %و نزلت ل 80 % في تالته وندمت اني محولتش ادبي كان زماني برنس !

اتوكل على الله وحول ادبى ده الحل الوحيد

بص سيبك من اللى يقولك حول ادبى(مع احترامى لهم)
بس الىى انت بتحبة ادخلة انا زيك تمام بس جايب 86.8
وباذن الله هكمل علمى رياضة
ربنا معاك لازم تشد حيلك

انا الحمد لله جيبت في رياضة( 1 ) 43.5 بردة (25 جبر /18.5 تفاضل و مسلخات) بس جيبت الحمد لله مجموع 91.2 و انشاء الله مكمل رياضة و كنت في الأول خايف زيك بس هقولك علي حاجة انت حتي لو مقدرتش تجيب هندسة ده لو حصل لقدر الله حتلحق علوم رياضة و من وجهة نظري دي احسن من الاداب و التجارة حتي لو اختها بعيدة لقدر الله و علي العموم رياضة 1 غير رياضة 2 نهائيا و رياضة 1 مش مقياس رياضة 2 بل سنة تانية مش مقياس تالتة اصلا في ناس زادت في تالتة و في ناس قلت خد اللي قلبك مستريحله و لو انت بتحب الاحياء كمل كلية التمريض بتاخد من 93/89 ودي كلية من القطاع الطبي و الحلو فيها انها مطلوبة في الخارج بمرتبات جامدة وكلو حسب راحة قلبك و مع الاعتذار للي قال ان 43.5 في رياضة 1 درجة وحشة ايه اللي وحشها التفاضل بتاعنا مكنش صعب اوي لكن كان امتحان غير تقليدي و شكرا....................

بص انا من وجهة نظري حول ادبي علشان تلحق كلية كويسة

و ده بارده يرجعلك يعني لو بتحب الرياضة و عاوز تكمل

متقتنعشي بكلام حد و كمل

و لو عاوز احياء براحتك

تبع ميولك