الانجليزى .. عقدتى الازليه .. ( إلحقونا ) [الأرشيف] - بوابة الثانوية العامة المصرية

مشاهدة النسخة كاملة : الانجليزى .. عقدتى الازليه .. ( إلحقونا )

omarhassan2009

03-08-2014, 03:44 AM

بسم الله الرحمن الرحيم ,,
عمر حسن , طالب 3 ثانوى , علمى رياضه .
عقدتى مع الانجلش ازليه لانها ماده مهما زاكرت فيها برضو درجتى فيها بتبقى مش كويسه ودلوقتى انا ثانويه عامه .. وخايف يحصل زى كل سنه واتسوح فى الماده دى .. وكنت عاوز اسألكم كام سؤال كدة ويا ريت تجاوبونى ..
.
* ايه افضل الطرق لمذاكره الانجليزى ؟
* افضل الكتب الخارجيه فى الماده ؟
*بالنسبه لتعدد الكتب الخارجيه فى الماده دى ؟
:
ويا ريت لو حد برضو عندو نصيحه بره الأسئله او حتى ملهاش علاقه بالانجلش يقول .. :)

omarhassan2009

03-08-2014, 07:30 AM

كنت عاوز اسأل سؤال تانى .. دلوقتى قدامى فرصه انى اخد درسين فى الانجليزى .. فمتردد اعمل كدة ولا لا ؟

chalijaly

03-08-2014, 08:41 AM

اولا كفاية لعب لغاية دلوقتى والمفروض تكون استغليت الوقت اللى فات فى حفظ كلمات انجليزى.
احنا ولاد النهاردة.تبدا تحفظ كلمات انجليزى بخلاق كلمات المنهج اللى عندك يعنى تجيب مذكرة كلمات ولا تصور كلمات كتاب سيربريز الللى بتكون فى اخر الكتاب دى وتبدأ تحفظ على قد ما تقدر بس تحفظ كويس.طبعا لازم تطبق ع الحفظ بأنك تقرا براجرافات كتير وتراجم محلولة كتير.مش هقولك حلها انت لانك من كلامك شكلك مش قوى فى اللغه فحاليا انت تقرا حاجات محلولة وتحفظ كلماتها الجديدة ومرة على مرة هتلاقى نفسك بقيت 10\10 فى الكلمات...يعنى تلخيص..حفظ كلمات+قراية براجرافات وتراجم محلولة بتركيز بحيث تحفظ الكلمات اللى فيهم مش تحفظ النص بتاعهم.
فى اخر شهر اللى هو 5 خلاص المفروض انك تكون خلصت كلمات وبرجرافات وكده وتبدأ تحل مع نفسك بقى كتييييييييير اوى.متسبش ترجمه ولا براجراف غير لما تحلهم.

افضل الكتب.
الكتب كتييييير وكلها زى بعض.
عندك senior -surprise -gem-top student-the best
قسمهم 2 هات نصهم فى المذاكرة ونصهم فى المراجعه.مش لازم تحلهم كلهم طبعا خصوصا top student ذاكر منه ومتحلوش
انا بحب senior -the best
لو جبتهم شرح بلاش مراجعه والعكس صحيح.
طبعا الموضوع سهل يعنى متجبش الكتب كلها دفعه واحده انا بقولك على الكتب وانت اختار منها اللى يريحك.
بص ادخل على قسم المراجعه 3 ث ونزل كل مذكرات المراجعه اللى عبارة عن اسئلة wb +sb+g واحفظهم حلو اووووووووى. هتلاقيهم محلولين مهمين جدااااا.واحده منهم للاستاذ محمد ديوشى عطا.حلوة خالص وواحده للاستاذ ابراهيم ..
بص تعدد الكتب سلاح ذو حدين بيتوقف عليك انت.
فيه ناس بتجيب 10 كتب وتحلهم ومتجبش مجموع وناس بتجيب كتابين وتقفل.
انت هات كتابين بس اللى هما Senior+the best شرح وشوف مين اللى عاجبك فى الشرح وذاكر منه والتانى هيكون للقراءة فقط.تقراه كده فى ربع ساعه بالكتير تشوف كلمتين+ ملاحظتين كده مش موجوده فى التانى وتكتبهم فى الكتاب اللى بتذاكر منه.
الاتنين اسئلتهم حلوة ومهمه حل اسئلة الكتابين بس Senior اهم فى الاسئلة.
بس انت مينفعش تجيب كتب كتيرة لان اللى بيجيب كتب كتيرة بيكون متعود ع الحل السريع فبيعرف يخلصهم بسرعه.وعادى كتابين كافيين جداااااااااا.
اى اسئلة انا فى الخدمة

omarhassan2009

03-08-2014, 09:10 AM

اولا شكرا جدا ليك لانك رديت :) .. .. بس بالنسبه لكتاب gem انا جبتو وكان شغال معايا كويس .. بس فيه ناس بيقلولى على سونيور دة والاسم اتكرر ف اكتر من موضوع على المنتدى ... بس مردتش عليا ف حكايه تعدد المدرسين دى ؟

Yasmeena.R

04-08-2014, 01:44 AM

هيا كانت عقدتى فى تالتة

بس اهم حاجة تذاكر وتفهم القواعد كويس

واستاذ Chalijaly قال نصايح كويسة جدااا بس امشى حضرتك عليها

اهم حاجة رضا الله والوالدين والمذاكرة الكويسة

بعدها حضرتك متخفش ربنا هيديك فوق تعبك

رزقك مكتوبلك كل اللى عليك تاخد بالاسباب

ربنا يكرم حضرتك ويوفقك

إليزابيث

04-08-2014, 02:23 AM

omarhassan2009

04-08-2014, 05:05 AM

هيا كانت عقدتى فى تالتة

بس اهم حاجة تذاكر وتفهم القواعد كويس

واستاذ chalijaly قال نصايح كويسة جدااا بس امشى حضرتك عليها

اهم حاجة رضا الله والوالدين والمذاكرة الكويسة

بعدها حضرتك متخفش ربنا هيديك فوق تعبك

رزقك مكتوبلك كل اللى عليك تاخد بالاسباب

ربنا يكرم حضرتك ويوفقك

شكرا لحضرتك ..وبإذن الله ربنا يوفقنا جميعا :)

omarhassan2009

04-08-2014, 05:13 AM

والله انا كان عندي تقريبا كل الملخصات ف الانجلش زائد مذكرات الاستاذين اللي كنت باخد عندهم كنت بذاكر من توب ستيودنت واحل ف كل الملخصات و تقريبا كنت ماشية بالنصايح اللي فوق دي يعني بذاكر من كتاب واحد والباقيين مراجع والمعلومات اللي الاقيها ف واحد زيادة ع اتوب كنت بكتبها فيه ‏
حكاية تعدد المدرسين دي حاجة خنيقة وبتاخد الوقت وتخليك حاسس انك على طول مخنوق ومتدايق وبتذاكر على طول ووقتك ضايع ومفيش وقت راحة ف اذا مكنش ليها داعي وانت هتاخد درسين بس عشان زي صحابك واستاذ واهد هيكفي ف بلاش احسن انما اذا كنت محتاج والمستر بتاعك فيه عيب ف ناحية معينة ف خد درسين اهم حاجة يكونو بيكملو بعض ولو هتاخد درسين يبأى الكلام ده اول السنة بس انما ف المراجعه درس واحد بس لان الوقت فيها مهم
اهم حاجة تتكل على ربنا و يكون عندك هدوء اعصاب جبار وطوووووول باااال اوي و مذاكرة كتير ولا مانع من الراحة المفيدة الهدافة ‏

انا بقيت متشتت اكتر دلوقتى ف حكايه الملخصات .. انا كنت بشتغل على gem والمدرسين بيقولو سونيور وانا راحت امبارح جبت سربرايز وحضرتك وناس تانيه قبلك قالو المذاكره بتبقى ف توب ستيودنت ... :blush::blush:
.
بالنسبه لحكايه تعدد المدرسين ف لو حصل هيبقى ف الانجلش بس .. عملت استخاره ومايل لواحد من الاتنين (المدرسين)اكتر .. المشكله انى مدى كلمه لاصحابى انى اروح معاهم عند المدرس الاول .. بس ربنا هدينى على المدرس التانى .. فعلشان كدة بسألكم عن اضرار حكايه تعدد المدرسين دى .. ف يا ريت توضحولى اكتر اضرارها لانى لقيت ناس بتحزر منها جامد بس مش قايلين اسباب .

إليزابيث

04-08-2014, 03:24 PM

انا بقيت متشتت اكتر دلوقتى ف حكايه الملخصات .. انا كنت بشتغل على gem والمدرسين بيقولو سونيور وانا راحت امبارح جبت سربرايز وحضرتك وناس تانيه قبلك قالو المذاكره بتبقى ف توب ستيودنت ... :blush::blush:
.
بالنسبه لحكايه تعدد المدرسين ف لو حصل هيبقى ف الانجلش بس .. عملت استخاره ومايل لواحد من الاتنين (المدرسين)اكتر .. المشكله انى مدى كلمه لاصحابى انى اروح معاهم عند المدرس الاول .. بس ربنا هدينى على المدرس التانى .. فعلشان كدة بسألكم عن اضرار حكايه تعدد المدرسين دى .. ف يا ريت توضحولى اكتر اضرارها لانى لقيت ناس بتحزر منها جامد بس مش قايلين اسباب .

وتبأى مشتت ليه يعني بص بأى انت لما بتطلب نصيحتنا بتفهم مش تحفظ وتقتبس يعني لازم تحط التاتش بتاعتك كل شيخ وليه طريقة وانت طالب متفوق حتى وان كنت بتقول انك ضايع ف الانجلش اعتقد ان ده نابع من احساس التوتر والخوف بس لامانع من جيم اهم حاجة تحل كتير
وعشان اقطع عليك حيرتك انت دلوءت ذاكر من كل الملخصات اللي هتستريحلو كمل فيه احنا لسة ف اول السنة يعني مفهاش حاجة دلوءت لو كترت كتب عشان تختار اللي هتكمل معاه ولو مش عندك استعداد لده ف أنا اقترح (ومش بنصح لان النصيحة دي كلمة كبيرة) انك تذاكر م سنيور و تكمل بتوب ستيودنت يعني تدح سنيور وتبص على توب ستيودنت ليه بأى لان توب هو فعلا توب يعني شرح مختصر جدا بس بيلسع وبعدها تحل ف كل الملخصات
انا كانت طريقتي ف مذاكرة الانجلش بحفظ الكلمات م الملخص وبعدها بقرى الليسننج تلات مرات المرة الاولى عشان افهمو والتانية عشان اعرف كل كلمة م الكلمات اللي حفظتها ف سياقها والتالتة عشان اطلع التعبيرات وحروف الجر وبعدين بقرى موضوع الوحدة بنفس الطريقة وبعدين ببتدي احل ف كل الملخصات لو ملحقتش اخلص كل الملخصات بس حسيت انا كده فل كنت بسيب كام ملخص من غير حل عشان احلهم ف المذاكرة الجاية اما القاعدة بأى كنت بقراها وبحل عليها بردو
اوعى تنسى الريفيو بعد كل تلات وحدات عشان مهم
بالنسبة لتعدد الدروس انا كنت باخد درسين انجلش وف مرة اخدت تلاتة لغاية م استقريت ف الاخر على اتنين و درسين فيزيا وبردو ف مرة تلاتة ودرسين عربي بس الكلام ده كله ف اول السنة انما ف شهور المراجعة استقريت على مدرس واحد بس
حكاية تعدد المدرسين دي عيبها الوحيد ف ضياع الوقت انما اذا كانت لابد ف عادي وبما انك صليت استخارة اتكل على الله
اها كمان اوعى تجامل حد على حساب مستقبلك يعني ماشي اديت لصحابك كلمة عادي ارجع فيها اهم حاجة مصلحتك ورحتك
الانجلش مادة سهلة اوعى تعمل منها بعبع والله لو عملتها بعبع فهي بعبع انما لو اخدتها انها مادة عادية هتقهرها وخليك هادي اوعى تضيع نفسك بتوترك اهم حاجة هدوء الاعصاب وطول البال انا بصراحة السنة دي اكتر حاجة نفعتني هدوء الاعصااااااااااب كإني اخدت حبوب منع توتر لدرجة اني ف الامتحان وانا بحل كنت باكل بسكويت ولبان ولو خلصت بسكوتة بفتح التانية وانا الحمد لله جبت 99.4 ف الاخر بسبب الهدوووووووووووووووووء اكتر منها مذاكرة بس متبآش اووفر ف الهدوء لدرجة البرود ومتذكرش

omarhassan2009

04-08-2014, 04:22 PM

مريم السباعى.

05-08-2014, 09:02 AM

حضرتك دة موضوع بيكلم عن المذكرة فى الثنوية بشكل عام وكل ماده بتفصيل اتمنى يفيدك

http://www.thanwya.com/vb/showthread.php?p=4966616#post4966616
ودة موضوع تانى كان فى اكثر من ماده ياريت تستفاد بالافكار الى فى عن ماده الانجليزى يعنى انا الافكار دى انجزت معايا جدا وجبت درجه متخيلهاش برغم انى متعقده منه من صغرى بس ربنا ستر وافكار انجزت معايا جدا ومكنش فاضل غير شهر يباللك بقا لو اتبعت الاسلوب دة وبرحتك هتحل اد ايه وتحفظ اد ايه ان شاء الله
http://www.thanwya.com/vb/showthread.php?p=5208747#post5208747

إليزابيث

05-08-2014, 10:36 AM

تقريبا انتى قلتى كل الى انا محتاجه ومش عاوز اسأل اسأله تانى ودة لانك وفيتى ^_^ .. واحسن حاجة ف الى قلتيه كلو حكايه البسكوت ف اللجنه لانى صراحه بجوع من التفكير ^_^ .. شكرا لحضرتك وإن شاء الله اعرف اوصل لمجموعك .

طب الحمد لله :d يلا ربنا معاك وتجيب مجموع اعلى من ده كمان واي حاجة تحتاجها انا ف الخدمة ;) وحكاية بجوع م التفكير دي انساها لان امتحانتكو ف رمضان :d
ربنا يوفقك

Jena Jane

06-08-2014, 12:00 AM

على فكرة الحكاية مش ملخصات كتير
الحكاية انك تكون مركز وفاهم وحافظ كلمات ده ببساطه الانجليزي
انا الحمد لله محلتش طول السنة الا Top Student بس فى الشرح والمراجعه فقط
بس انا اصلا بحب الانجليزي فيمكن يبقى رأيي فيه غير غيري

انا والله دخلت الامتحان وانا ما أنا حافظة ولا برجراف !!!
الا عشان اكون صادقة حفظت مقدمة للبرجرافات قبل ما أروح الامتحان الصبح وكمان الحمد لله مكتبتهاش :D

فنصيحتى ليك <<<< هههههههه متخدش بنصيحة حد شوف اللى يناسبك ايه لان كل واحد ليه " التاتش " بتاعته

الانجليزي يتخلص فيه

حفظ كلمات المنهج
قراءة وفهم وحفظ القصة << الاحداث المهمة
القواعد لازم تفهما وتحل عليها
الـ Reading تقرأه وتفهمه << بيحيب معلومات حلوة وكمان عشان حروف الجر والتعبيرات

لما تخلص ده ممكن بقى تشوف برجرافات تقرأها وكلمات عامة بس متهتمش أوى
لان لو شفت ترجمة السنين اللى فاتت والبرجرافات مش هتلاقى أسهل منها <<< ده بيبقى فى المراجعة

وقبل ده كل رضا ربنا ورضا والديك عليك لان والله دى اهم حاجه ودعواتهم ليك
وربنا يكرمك ويوفقك وخد الامور ببساطه خااااااااااااااااااااااااااالص سنة زى أى سنة

واوعى اوعى اوعى تبص لغيرك ولطريقة غيرك ف المذاكرة وتقول دول بيزاكرو كتير وانا مستهلش ... الخ

كل واحد ليه طريقته
ووفقنا الله وإياكم

PS : أنا كنت رياضة برده

omarhassan2009

06-08-2014, 11:16 AM

حضرتك دة موضوع بيكلم عن المذكرة فى الثنوية بشكل عام وكل ماده بتفصيل اتمنى يفيدك

ودة موضوع تانى كان فى اكثر من ماده ياريت تستفاد بالافكار الى فى عن ماده الانجليزى يعنى انا الافكار دى انجزت معايا جدا وجبت درجه متخيلهاش برغم انى متعقده منه من صغرى بس ربنا ستر وافكار انجزت معايا جدا ومكنش فاضل غير شهر يباللك بقا لو اتبعت الاسلوب دة وبرحتك هتحل اد ايه وتحفظ اد ايه ان شاء الله

فعلا موضوع جميل جدا .. ان شاء الله هقراه كلو .. وربنا يوفقنا جميعا :)

طب الحمد لله :d يلا ربنا معاك وتجيب مجموع اعلى من ده كمان واي حاجة تحتاجها انا ف الخدمة ;) وحكاية بجوع م التفكير دي انساها لان امتحانتكو ف رمضان :d
ربنا يوفقك

لا ما انا باذن الله .. هدر نفسى انى احل امتحنات وانا صايم علشان اتأقلم على جو رمضان ^_^ بس كان عندى سؤال دلوقتى انا جبت سربرايز , وباذن الله هجيب توب ستيودنت اكيد .. بس كنت عاوز اعرف اجيب معاهم gem اشتغل عليه تمارين ولا اجيب سونيور افضل لان سونيور دة انا معنديش عنو اى فكره

على فكرة الحكاية مش ملخصات كتير
الحكاية انك تكون مركز وفاهم وحافظ كلمات ده ببساطه الانجليزي
انا الحمد لله محلتش طول السنة الا Top Student بس فى الشرح والمراجعه فقط
بس انا اصلا بحب الانجليزي فيمكن يبقى رأيي فيه غير غيري

انا والله دخلت الامتحان وانا ما أنا حافظة ولا برجراف !!!
الا عشان اكون صادقة حفظت مقدمة للبرجرافات قبل ما أروح الامتحان الصبح وكمان الحمد لله مكتبتهاش :D

فنصيحتى ليك <<<< هههههههه متخدش بنصيحة حد شوف اللى يناسبك ايه لان كل واحد ليه " التاتش " بتاعته

الانجليزي يتخلص فيه

حفظ كلمات المنهج
قراءة وفهم وحفظ القصة << الاحداث المهمة
القواعد لازم تفهما وتحل عليها
الـ Reading تقرأه وتفهمه << بيحيب معلومات حلوة وكمان عشان حروف الجر والتعبيرات

لما تخلص ده ممكن بقى تشوف برجرافات تقرأها وكلمات عامة بس متهتمش أوى
لان لو شفت ترجمة السنين اللى فاتت والبرجرافات مش هتلاقى أسهل منها <<< ده بيبقى فى المراجعة

وقبل ده كل رضا ربنا ورضا والديك عليك لان والله دى اهم حاجه ودعواتهم ليك
وربنا يكرمك ويوفقك وخد الامور ببساطه خااااااااااااااااااااااااااالص سنة زى أى سنة

واوعى اوعى اوعى تبص لغيرك ولطريقة غيرك ف المذاكرة وتقول دول بيزاكرو كتير وانا مستهلش ... الخ

كل واحد ليه طريقته
ووفقنا الله وإياكم

PS : أنا كنت رياضة برده

كلام خضرتك كويس طبعا .. بس احنا بنحاول ناخد بالاسباب برضو والبقى اكيد على ربنا .. وان شاء الله اكيد التاتش بتاعى هتتحط ^_^ بس بحاول الم اكبر قدر من خبرات الناس الى سبقونى كلهم حتى لو كان كلامهم متناقض بعيد ييجى دور التاتش .

Mhd.A.sadek

06-08-2014, 11:47 AM

مش هزيد حاجة على اراء المحترمين اللي فوق
بس اسمع فيديوهات شرح مواد تانية بالأنجلش
يعني لو انت علوم
ممكن تدور على شرح المكنزم بتاع حركة العضلة بالأنجلش و كدا
هتقوي نفسك

إليزابيث

06-08-2014, 03:58 PM

مش هزيد حاجة على اراء المحترمين اللي فوق
بس اسمع فيديوهات شرح مواد تانية بالأنجلش
يعني لو انت علوم
ممكن تدور على شرح المكنزم بتاع حركة العضلة بالأنجلش و كدا
هتقوي نفسك

والله رأي حضرتك كويس جدا
بس اعتقد ان الكلام ده لو هو عايز الانجلش كلغة مش كمادة للورقة الامتحانية وبعدين خلاص الوقت بالنسباله يعني يدوبه يحصل سنة تالتة الكلام ده لو حد م الاعدادي او اولى ثانوي او حتى تانية
دي وجهة نظري :)

omarhassan2009

06-08-2014, 05:52 PM

استاذن " إليزابيت " مردتيش على سؤالى الى حطتهولك فى الاقتباس ...لو كنتى مشفتهوش .

ابانوب ايليا

06-08-2014, 06:00 PM

على فكرة انا كنت فى الانجليزى اضعف منك بس الحل المذاكرة والحل نفعونى رغم انى مكنتش بحفظ ترجمة كتير يدوب حفظت كلمات قليلة + انى كنت بحل تراجم قليلة برضه وفى الاخر ربنا سترها معايا ولقيت الترجمة اللى كنت خايف منها سهلة جدا وحليتها

Pythagoras

06-08-2014, 10:44 PM

حفظ كلمات وحل كوركت وتشوز كتييييير والتمرين على البراغرافات

زهرة 1996

07-08-2014, 03:00 PM

الانجليزى عبارة عن حفظ كلمات .. عليك بحفظ كلمات كتيييييييييييييييييييييييير

إليزابيث

07-08-2014, 03:30 PM

استاذن " إليزابيت " مردتيش على سؤالى الى حطتهولك فى الاقتباس ...لو كنتى مشفتهوش .

انا اسفة والله ع التأخير .. انا شفته بس النت فصل وانا بكتب ارد

إليزابيث

07-08-2014, 03:43 PM

بالنسبة لسؤالك

بص أنا حليت وذاكرت سربرايز و ذابيست و سنيور وتوب ستيودنت و مذكرتين الاستاذ بس كنت مركزة اكتر على سنيور وتوب ستيودنت
اللي انا لاحظته من كل الملخصات دي و حتى المذكرات ان كلها شبه بعض وبتبأى تقريبا كوبي وبيست ماعدا توب طبعا
سنيور فوق الممتاز شرحه خطير ولو جبته متكتفيش حل بس منه لأ ذاكر فيه كمان اللي مكن تخليه حل هو سربرايز اما جيم ف ده كويس بس الكويس العادي
انا جبت جيم على فكرة بس عشان فيه بعد كل وحدة امتحان متفوقين كان جامد كنت بحله اما باقي الملخص كان ابيض زي ما هو ...
طالما انت جبت اربع ملخصات او تلاتة منهم توب بغض النظر عن اسماء الملخصات التانية يبأى انت كده كويس ذاكر منهم بس ركز اكتر عى ملخص او اتنين عشان ميبآش فيه تشتت
خلاصة الكلام اي نعم كل الملخصات زي بعض وانت المفروض تحل كتير ان شاء الله تجيب جمل من تحت الارض .. بس انا شايفة (ومش بنصح) انك تجيب توب وسنيور اهم ملخصين يتذاكرو للآخر ويتحلو للآخر بقية الملخصات انا كنت بسيب فيها وحدات كاملة من غير حل
اهم حاجة تحكم ضميرك ف حكاية المذاكرة ولازم طبعا التاتش بتاعتك بس فيما يرضي ضميرك و ضميرك يمشي بما يرضي الله يعني ممتقصرش جامد ف مذكرتك وتقول التاتش بتاعتي ... لا ي عم عند هنا وستوب متحطش تاتش ولا بتاع ذاكر وخلاص
انا مش عارفة مش عجباكو ليه كلمة "تاتش" مع انها حلوة والله :p
ربنا يوفقك ويقطع عليك حيرتك ويحلها من عنده :d

omarhassan2009

07-08-2014, 04:26 PM

omarhassan2009

07-08-2014, 04:46 PM

تستطيع إستخدام الرسائل الخاصة عندما تكون لديك أكثر من 100 مشاركة

!! Dark Man !!

11-08-2014, 04:24 AM

الحمد لله انا قفلت الانجليزي .. الحل الوحيد للتغلب علي عقدة الانجليزي
الحل الكتيير .. شخصيا انا كنت بحل من 7 كتب .. وخلصت 5 منهم حل الحمد لله ^_^
منهم surprise w the best w top student في الشرح
و surprise w the best w senior w top student في المراجعة النهائية
بس بلاش توب استدبينت عشان ممل وهتحتاج وقت ياما في الحل
واهم حاجة انك تتمرن علي كتاب الورك بوك ومتسبش ولا كلمة من غير ما تحلها

omarhassan2009

11-08-2014, 10:14 AM

إليزابيث

13-08-2014, 12:09 AM

7 كتب .. ليه يا مؤمن :d كنت واخد للانجليزى اجازه

اعتقد ان السبع كتب دول ده شرح و مراجعة
يعني انا لوحسبت كتبي بردو هتطلع ف حدود 10 بس شرح ومراجعة
و ده اللي المفروض انت كمان تمشي عليه اهم حاجة تحل كتير