JusT DreaM
06-08-2008, 01:47 PM
السلام عليكم ورحمة الله وبركاته
ازاي نخلي منتدانا من احسن المنتديات ؟؟
طبعا انا عارفة ان منتدانا احسن منتدى انا اشتركت فيه بجد وكل الناس عقولهم سابقة سنهم بكتييير
احنا هنا في بوابة الثانوية كلنا عمرنا متقارب (المرحلة الثانوية والجامعة وفي مننا اعدادي) يعني اكتر عمر فينا مايتعداش22 سنه بااستثتاء الادارة طبعا والمدرسين الافاضل
لكن ماشاء الله مش بنتكلم في موضوعات تافهه اللي معظم الشباب الايام دي بيتكلمو فيها احنا بتدور بينا مناقاشات جميلة وحوارات بناءة في كل الموضوعات..
وطبعا اللي مساعدنا في كدة ان الادارة بتاعتنا جميلة و_والله ده كلام جد مش مجاملة_ والميزة اللي في الادارة عندنا انها داخلة وسطينا تتناقش معانا وتاخد وتدي معانا في الكلام لدرجة ان ساعات كتيرة بيوصل النقاش بينا وبين الادارة لمرحلة الجدال وده من الديموقراطية الموجودة في المنتدى واقرب مثال لما الاستاذ اشرف وقف المجاهد في سبيل الله ولما لقنا معترضين رجعه تاني
كل اللي انا قولته ده ده يؤكد ان منتدانا جميل جدا ويدخل في قائمة احسن المنتديات بس في بعض الحاجات لو عملناها نبقى على رأس هذه القائمة
اولا: اننا نشجع الاعضاء الجدد اللي بيدخلو المنتدى انهم يكملو فيه بحيث ان كل واحد فينا يحصص عشر دقايق من الوقت اللي بيقعدو في المنتدى لقسم الترحيب اي عضو يعمل موضوع للترحيب لازم كلنا نرحب بيه عشان هو لما يدخل ويلاقي 20 او30 ترحيب ده يشجعه انه يكمل معانا ويحس بالتواصل
ثانيا:اننا منخليش اهتمامنا على قسم واحد او اتنين في المنتدي .. لا .. لازم نشارك في كل الاقسام عشان نتغلب على مشكلة ان كل عضو بيعمل موضوع وعارف مكانه الصح فين ويحطة في العام عشان عارف ان معظم الاعضاء مش بيدخلو غير العام
يعني مثلا حد عنده مشكله ومحتاج مساعدة ضروري جدا يدخل يحط موضوعه في العام وده مش غلط عليه عشان هو محتاج الحل ضروري يجي المشرف ينقله الموضوع في اجتماعيات طالب ويقعد هناك بالايام محدش يرد عليه اكيد ده ينفره من المنتدى
ثالثا:قسم جرس الفسحة وده انا مش هتكلم عليه انا هكتفي بروابط الموضوعات اللي اتعملت عشان نصلحه
ظاهرة غير صحيه اتمنى زوالها فى القريب العاجل
(http://www.thanwya.com/vb/showthread.php?t=56981)
ايه رايك فى العاب جرس الفسحه ..لذيذه (http://www.thanwya.com/vb/showthread.php?t=60015)
ارجو عدم الحذف والافاده (http://www.thanwya.com/vb/showthread.php?t=57378)
غير موضوعات كتيير جدا اتحطت في الاقتراحات وبرده ماتوصلناش لحل
رابعا: اننا نحترم المشرفين وقرارتهم اكتر من كدة لان كل عضو هنا يتحذفله اي موضوع او يتنقل يزعل
بس لازم نفكر اكيد المشرف مش بيعمل كدة بمزاجة ولا هو عايز يعند فيا اكيد هو شايف حاجة صح احنا الموضوع مثلا مكرر او مش مكانه
خامسا:ودي مهمة جدا اننا نخلي معظم كتابتنا في المنتدى مشاركات اكتر مما هي مواضيع بمعني
اننا نرد على المواضيع الموجودة ونتناقش فيها احسن من اننا نحط موضوعات جديدة وكله يغطي على بعضة
****وياريت لما نيجي نحط موضوعات مش نحطها كلها في قسم واحد لازم ننوع بحيت اننا منحطش اكتر من موضوع واحد في القسم الواحد في اليوم عشان ياجد فرصته في الرد لان في اعضاء هنا في المنتدى تدخل تحط 4-5 مواضيع مرة واحدة في القسم وتمشي ده كدة هيغطي على موضوعاتها نفسها اللي حطتها مش هيترد عليها كتير وهيغطي برده على موضوعات باقى الاعضاء في القسم ده
سادسا:اننا نخفف من المشاكل شويه في المنتدى ومش كل عضو ياخد كل كلمة بحساسية ونحاول نعدي لبعض وكل واحد يخليه هو الكبير:D
وندي بعضينا فرصة للكلام وتوضيح وجهة النظر مش من اول كلمة زعل وخناق ممكن يكون واحد قصده كويس وخانه التعبير مش نعلقله حبل المشنقة نحاول نفهم منه وبعدين نتخانق براحتنا وخصوصا ان دي كتابة مش كلام مباشر
بس كده انا خلصت بس الصراحة مش عارفة اذا كان من حقي اقول الكلام ده ولا لأ
ولا الموضوع ده مكانه صح ولا المفرض يتنقل
واذا كان في موضوعات زيه ولا لأ
بس هما كانو كلمتين في قلبي وطلعتهم خلاص الحمد لله:)
انا عارفة ان الموضوع ده اتعمل زيه كتير بس دي كانت في ظروف معينه عشان تحل مشكلة بس في الموضوع ده مفيش اي مشاكل الحمد لله ده موضوع عاااام:):)
ازاي نخلي منتدانا من احسن المنتديات ؟؟
طبعا انا عارفة ان منتدانا احسن منتدى انا اشتركت فيه بجد وكل الناس عقولهم سابقة سنهم بكتييير
احنا هنا في بوابة الثانوية كلنا عمرنا متقارب (المرحلة الثانوية والجامعة وفي مننا اعدادي) يعني اكتر عمر فينا مايتعداش22 سنه بااستثتاء الادارة طبعا والمدرسين الافاضل
لكن ماشاء الله مش بنتكلم في موضوعات تافهه اللي معظم الشباب الايام دي بيتكلمو فيها احنا بتدور بينا مناقاشات جميلة وحوارات بناءة في كل الموضوعات..
وطبعا اللي مساعدنا في كدة ان الادارة بتاعتنا جميلة و_والله ده كلام جد مش مجاملة_ والميزة اللي في الادارة عندنا انها داخلة وسطينا تتناقش معانا وتاخد وتدي معانا في الكلام لدرجة ان ساعات كتيرة بيوصل النقاش بينا وبين الادارة لمرحلة الجدال وده من الديموقراطية الموجودة في المنتدى واقرب مثال لما الاستاذ اشرف وقف المجاهد في سبيل الله ولما لقنا معترضين رجعه تاني
كل اللي انا قولته ده ده يؤكد ان منتدانا جميل جدا ويدخل في قائمة احسن المنتديات بس في بعض الحاجات لو عملناها نبقى على رأس هذه القائمة
اولا: اننا نشجع الاعضاء الجدد اللي بيدخلو المنتدى انهم يكملو فيه بحيث ان كل واحد فينا يحصص عشر دقايق من الوقت اللي بيقعدو في المنتدى لقسم الترحيب اي عضو يعمل موضوع للترحيب لازم كلنا نرحب بيه عشان هو لما يدخل ويلاقي 20 او30 ترحيب ده يشجعه انه يكمل معانا ويحس بالتواصل
ثانيا:اننا منخليش اهتمامنا على قسم واحد او اتنين في المنتدي .. لا .. لازم نشارك في كل الاقسام عشان نتغلب على مشكلة ان كل عضو بيعمل موضوع وعارف مكانه الصح فين ويحطة في العام عشان عارف ان معظم الاعضاء مش بيدخلو غير العام
يعني مثلا حد عنده مشكله ومحتاج مساعدة ضروري جدا يدخل يحط موضوعه في العام وده مش غلط عليه عشان هو محتاج الحل ضروري يجي المشرف ينقله الموضوع في اجتماعيات طالب ويقعد هناك بالايام محدش يرد عليه اكيد ده ينفره من المنتدى
ثالثا:قسم جرس الفسحة وده انا مش هتكلم عليه انا هكتفي بروابط الموضوعات اللي اتعملت عشان نصلحه
ظاهرة غير صحيه اتمنى زوالها فى القريب العاجل
(http://www.thanwya.com/vb/showthread.php?t=56981)
ايه رايك فى العاب جرس الفسحه ..لذيذه (http://www.thanwya.com/vb/showthread.php?t=60015)
ارجو عدم الحذف والافاده (http://www.thanwya.com/vb/showthread.php?t=57378)
غير موضوعات كتيير جدا اتحطت في الاقتراحات وبرده ماتوصلناش لحل
رابعا: اننا نحترم المشرفين وقرارتهم اكتر من كدة لان كل عضو هنا يتحذفله اي موضوع او يتنقل يزعل
بس لازم نفكر اكيد المشرف مش بيعمل كدة بمزاجة ولا هو عايز يعند فيا اكيد هو شايف حاجة صح احنا الموضوع مثلا مكرر او مش مكانه
خامسا:ودي مهمة جدا اننا نخلي معظم كتابتنا في المنتدى مشاركات اكتر مما هي مواضيع بمعني
اننا نرد على المواضيع الموجودة ونتناقش فيها احسن من اننا نحط موضوعات جديدة وكله يغطي على بعضة
****وياريت لما نيجي نحط موضوعات مش نحطها كلها في قسم واحد لازم ننوع بحيت اننا منحطش اكتر من موضوع واحد في القسم الواحد في اليوم عشان ياجد فرصته في الرد لان في اعضاء هنا في المنتدى تدخل تحط 4-5 مواضيع مرة واحدة في القسم وتمشي ده كدة هيغطي على موضوعاتها نفسها اللي حطتها مش هيترد عليها كتير وهيغطي برده على موضوعات باقى الاعضاء في القسم ده
سادسا:اننا نخفف من المشاكل شويه في المنتدى ومش كل عضو ياخد كل كلمة بحساسية ونحاول نعدي لبعض وكل واحد يخليه هو الكبير:D
وندي بعضينا فرصة للكلام وتوضيح وجهة النظر مش من اول كلمة زعل وخناق ممكن يكون واحد قصده كويس وخانه التعبير مش نعلقله حبل المشنقة نحاول نفهم منه وبعدين نتخانق براحتنا وخصوصا ان دي كتابة مش كلام مباشر
بس كده انا خلصت بس الصراحة مش عارفة اذا كان من حقي اقول الكلام ده ولا لأ
ولا الموضوع ده مكانه صح ولا المفرض يتنقل
واذا كان في موضوعات زيه ولا لأ
بس هما كانو كلمتين في قلبي وطلعتهم خلاص الحمد لله:)
انا عارفة ان الموضوع ده اتعمل زيه كتير بس دي كانت في ظروف معينه عشان تحل مشكلة بس في الموضوع ده مفيش اي مشاكل الحمد لله ده موضوع عاااام:):)