يا جماعة مش هينفع كده أحنا اقل مشاركة عموما يا ريت نتكلم مع بعض و انا عندى تفاصيل كتير عن طب الاسنان و اى حد عنده سؤال هجاوب عليه ان شاء الله و عندى حاجات مهمة اكيد متعرفوهاش عن طب الاسنان بس لما يبقى عددنا كتير هنتكلم عن كل حاجة بالتفصيل:022yb4:

هل الغاء سنة اﻻعدادي فى القاهرة تقليص لعدد سنوات الدراسة ام تغيير للمناهج فقط

تقليص لعدد سنوات الدراسة هى نفس المناهج و لكن تم توزيعها على خمس سنوات

يعني افهم من كدا ان طب الاسنان فى القاهرة 4 سنين + سنة امتياز = 5 سنوات ؟

و هل لو هو كدا اقدر احول للقاهرة من الاسماعيلية و انا مجموعي جايبها و بطاقتي الفيوم ؟

لا طب القاهرة 5 سنوات + سنة امتياز و لكن انت بتتخرج بعد 5 سنوات يعنى سنة الامتياز دى شغل فقط
ان شاء الله اكتبها فى رغبتك فى تقليل الاغتراب و ان شاء الله يتقبل و على فكرة حتى لو متقبلش انا اعرف ان الاسماعيلية كويسة جدا

طيب على كدا هي زي باقي الكليات لان اسماعيلية بسنة الامتياز 6 بردو و انا مقتنع بيها الا ان مسألة اللائحة الجديدة قلقتني شوية

و انا متشكر جدا جدا على الافادة بس كنت عايز استفسر بردو عما اذا كانت القضية ممكن تجيبلي اى درجات حتى ولو نص درجة لان الطب البشري راح مني عشان نص درجة

لا متقلقش كل الكليات تقريبا اتطبق عليها اللائحة دى فمش هتفرق
شكرا على ايه بس احنا اخوات , بص انا كمان زيك الطب راح منى على نص درجة للأسف بردو و عاملة تظلم و ربنا يسهل بس موضوع القضية ده بيطول أوى فيارب تجيلك من غير قضية و لو مجتش اعرف ان ده الخير ليك صدقنى و ربنا معاك

الحمد لله على كل حال ، و ربنا يكتبلك التوفيق و التفوق دايما ^_^

هو ليه القسم هنا مش نشيط ؟؟
وايه المناهج اللى هندرسها ؟؟؟

الحمد لله على كل حال ، و ربنا يكتبلك التوفيق و التفوق دايما ^_^

يا رب لينا كلنا

يا جماعة ؟
حد يعرف ايه هى مميزات الكلية دى و عيوبها ؟؟

هو ليه القسم هنا مش نشيط ؟؟
وايه المناهج اللى هندرسها ؟؟؟

والله مش عارفة بس يمكن علشان الاعداد قليلة مقارنة بطب و صيدلة
هندرس فى أولى 4 مواد من بشرى و مادة لغة فسيولوجى و هستولوجى و اناتومى و كيمياء حيوية و الترمنولوجى و لو عاوزين اوضحلكوا كل مادة معنديش مانع

يا جماعة ؟
حد يعرف ايه هى مميزات الكلية دى و عيوبها ؟؟


أقولك مميزاتها وعيوبها

مميزاتها انها 5 سنين بس بالاضافة لسنة امتياز
ثانياً اسمك دكتور وبريستيج وحركات

ثالثاً الحمد لله شغلك مضمون سواء تتعين في الكلية لو أوائل أو تبدأ في مستوصف صغير لحد ما ربنا يكرمك وتفتح عيادة
رابعاً المناهج سهلة -نسبياً- بالنسبة لبشري وصيدلة


انا بقول نسبياً ... عشان المناهج برضه رخمة في أسنان بس مش زي بشري
يعني مثلاً احنا عندنا مواد من طب بشري بندرسها في اسنان
بس بندرس بطريقة مختصرة جدا ، بندرس اللي يفيدنا في حياتنا وفي تخصصنا ده



العيوب بقى
1- أسنان بصفة عامة مكلفة جداً جداً جداً فوق ما تتخيل خصوصاً آخر سنتين
يعني ممكن تدفعلك في السنة آلافات عشان الأدوات
2- فيه ناس شايفة ان 5 سنين دراسة وسنة امتياز كتير بالنسبة لصيدلة
3- أسنان القصر العيني بقى بصفة خاصة عيبها إنها حكومية ومش كل حاجة الجامعة بتوفرهالك وكراسي الدكاترة بتاعة الشغل قديمة ومتهالكة (بس اليومين دول بدأوا يجددوا العيادات)
لو انت استقريت في الآخر على طب أسنان .. يا ريت تبقى القصر العيني .. لأنك مش هتلاقي دكاترة بالكفاءة دي في أي حتة ... بالإضافة إن عدد المرضي اللي بيييجوا عندنا كل يوم عدد مهوووول الجامعات التانية كلها بتحسدنا عليه وهتشوف كل الحالات المختلفة وتقدر تتعلم صح بإذن الله
آخر حاجة هقولهالك .... صلي صلاة استخارة كذا مرة واستخير ربنا وبعد كده قرر ... وأول ما نتقابل إن شاء الله في مصر أو في فاقوس هشرحلك نظام الدراسة في أسنان بالكامل وكل التفاصيل اللي انت عايز تعرفها
ربنا يهديك للي فيه الخبر إن شاء الله
.
دى منقولة من احدى الصفحات

والله مش عارفة بس يمكن علشان الاعداد قليلة مقارنة بطب و صيدلة
هندرس فى أولى 4 مواد من بشرى و مادة لغة فسيولوجى و هستولوجى و اناتومى و كيمياء حيوية و الترمنولوجى و لو عاوزين اوضحلكوا كل مادة معنديش مانع

يا ريت توضحى ليا من البداية و حتة حتة
براحة عليا
اختك مش تعرف اى حاجة خالص

أقولك مميزاتها وعيوبها

مميزاتها انها 5 سنين بس بالاضافة لسنة امتياز
ثانياً اسمك دكتور وبريستيج وحركات

ثالثاً الحمد لله شغلك مضمون سواء تتعين في الكلية لو أوائل أو تبدأ في مستوصف صغير لحد ما ربنا يكرمك وتفتح عيادة
رابعاً المناهج سهلة -نسبياً- بالنسبة لبشري وصيدلة


انا بقول نسبياً ... عشان المناهج برضه رخمة في أسنان بس مش زي بشري
يعني مثلاً احنا عندنا مواد من طب بشري بندرسها في اسنان
بس بندرس بطريقة مختصرة جدا ، بندرس اللي يفيدنا في حياتنا وفي تخصصنا ده



العيوب بقى
1- أسنان بصفة عامة مكلفة جداً جداً جداً فوق ما تتخيل خصوصاً آخر سنتين
يعني ممكن تدفعلك في السنة آلافات عشان الأدوات
2- فيه ناس شايفة ان 5 سنين دراسة وسنة امتياز كتير بالنسبة لصيدلة
3- أسنان القصر العيني بقى بصفة خاصة عيبها إنها حكومية ومش كل حاجة الجامعة بتوفرهالك وكراسي الدكاترة بتاعة الشغل قديمة ومتهالكة (بس اليومين دول بدأوا يجددوا العيادات)
لو انت استقريت في الآخر على طب أسنان .. يا ريت تبقى القصر العيني .. لأنك مش هتلاقي دكاترة بالكفاءة دي في أي حتة ... بالإضافة إن عدد المرضي اللي بيييجوا عندنا كل يوم عدد مهوووول الجامعات التانية كلها بتحسدنا عليه وهتشوف كل الحالات المختلفة وتقدر تتعلم صح بإذن الله
آخر حاجة هقولهالك .... صلي صلاة استخارة كذا مرة واستخير ربنا وبعد كده قرر ... وأول ما نتقابل إن شاء الله في مصر أو في فاقوس هشرحلك نظام الدراسة في أسنان بالكامل وكل التفاصيل اللي انت عايز تعرفها
ربنا يهديك للي فيه الخبر إن شاء الله
.
دى منقولة من احدى الصفحات

اممم
شكرا جزيلا ليكى
انا اسنان المنيا و ان شاء الله هحول طنطا
ممكن تشرحى ازاى هى مكلفة دى ؟؟!!

يا ريت توضحى ليا من البداية و حتة حتة
براحة عليا
اختك مش تعرف اى حاجة خالص

بجد أنا اسفة على التأخير بس مكنتش بفتح ده توضيح لكل حاجة بس ده بخصوص اسنان عين شمس بس المواد مش هتختلف ان شاء الله


Histology(علم الانسجة)
هي مادة يتكلم عن كل جهاز في جسمنا زي الجهاز الهضمي و التنفسي و هكذا عن شكله تحت الميكروسكوب و وظيفته و الامراض اللي ممكن تاثر على وظيقة الاعضاء او الخلايا . هي المادة سهلة اوي في الفهم بس هي مشكلتها انها محتاجة تتاكر اول باول عشان نكون في الاخر مجمعين كل حاجة
المحاضرة: بتبقى حوالي ساعة او ساعة و نص اما الدكاترة فهما كويسين اوي بس مش يبحبوا حد يتاخر عن معاد المحاضرة . دكاترة السنة اللي فاتت
الدكاترة:(مش بيكونوا ثابتين كل سنة )
دكتورة امل : و دي دكتورة لذيذة اوي و بتفهم حلو و بتدي اسئلة قبل امتحان نص السنة و امتحان الفينل
دكتور منال : هي دكتورة كويسة بس عصبية شوية
دكتورة نيفين : هي دكتورة شاطرة اوي وبتفهم حلوي اوي و دايما بتسال بعض ما بتخلص المحاضرة
دكتورة عزة : هي شاطرة و بتفهم اوي بس عصبية

المنهج :
The cell
Epithelial tissue
Connective tissue
Cartilage
Bone
Muscular tissue
Nervous tissue
Blood
Vascular system
Lymphatic tissue and immune system
The integumentary system
The respiratory system
The gastrointestinal system
Liver and pancrease
The endocrine system
The urinary system
العملي :
في معمل الهستولوجي في كلية طب
العملي فهو اسهل مما يمكن بيكون مرة كل اسبوع لمدة ساعتين و غالبا بنخلص بدري بيكون عن اللي خدناه في المحاضرة بنشوفه تحت الميكروسكوب و الدكاترة اللي بيكونوا في المعمل بيكونوا متعاونين اوي لو في اي مشكلة
الامتحان :
امتحان نص السنة : MCQ (10 درجات )
امتحان اخر السنة : MCQ – written – oral - practical (90 درجة )
الماده كلها عليها 100 درجة



Anatomy
المنهج :
المادة دي بتتكون من 3 كتب
كتاب (general ) وده بيتكلم عن جسم الانسان كله قريب من الاحياء في ثانوية عامة يعني بيتكلم عن
skin (الجلد)
Digestive system (الجهاز الهضمي )
Respiratory sytem (الجهاز التنفسي )
Circulatory system (القلب و الاوعية الدمويه ) و هكذا
الكتاب دا سهل و مش هتلاقوا في مشكلة ان شاء الله
اما الكتابين التانيين (head and neck part 1 and part 2 )
ودول صعبين شوية و محتاجين مذاكرة اول باول دول بيتكلموا عن
الجمجة و اسماء العظم اللي بيكونوها
الراس بكل ما فيها من عضلات و اوعية دموية
الرقبة بكل ما فيها من عضلات واوعية دموية

المحاضرة : حوالي ساعتين
الدكاترة:
كلهم شاطرين د. شهيرة يوسف و د.شهيرة سمير و د.سهير

العملي :
دا بيكون في المشرحة في كلية طب
الاول بيكون في Prelab عبارة عن عرض شرائح ملخص للي خدناه في المحاضرة و اللي حنشوفوا في المشرحة بعض لما نخلص Prelab
الامتحان :
امتحان نص السنة : 10 درجات (MCQ )
امتحان اخر السنة : MCQ – written – oral - practical (90 درجة )
المادة كلها عليها 100 درجة







Physiology
هي مادة بتتكلم عن وظائف اعضاء الجسم هي مادة سهلة و معتمدة على الفهم اكتر من الحفظ لكن مادة طويلة عشان كدا محتاجة مذاكرة اول باول

المحاضرة :
المحاضرة بتكون حوالي ساعتين واحيانا بيضيفوا كمان محاضرة ساعة

الدكاترة :

1- دكتور محمد حسن :هو دكتور بيشرح حلو بس مش بيحب حد يتاخر عن المحاضرة ولا يتكلم في المحاضرة
2- دكتور نهى : هى دكتورة طيبة وممكن تعتبروها اختكم الكبيرة و شرحها حلو
3- دكتورة نسمة : يتشرح و بتفهم حلو اوي احيانا بتقول حاجات زيادة عن اللي في الكتاب للفهم اكتر
4- دكتورة نرمين: شرحها كويس جدا وطيبة

المنهج :
introduction
autonomic nervous system
nerve and muscle
blood
cardiovascular system
respiratory
physiology of the nervous system,
renal system
endocrine system
digestive

العملي :
العملي بيكون سهل اوي بتعملوا تجارب بتفسكوا و في امتحان اخر السنة بتعملوا واحدة منهم و الدكاترة بيسالوا اسئلة حولين التجربة
الامتحان :
امتحان نص السنة : 10 درجات ( MCQ )
امتحان اخر السنة : 90 درجة (written: 60 – Oral :10 – Practical : 20 )




biochemistry

هي مادة بتتكلم عن التركيب الكيميائي عن حاجات موجودة في الجسم ووجودها مهم جدا زي الانزيمات و غيرها من العناصر الموجودة في الاكل مئل النشويات والبروتينات و الفيتامينات . المادة سهلة بس بردوا لازم تتذاكر اول باول


الدكاترة :
الدكاترة كويسين و بيحبو الالتزام
دكتورة عزة : حتشرح الشبتر الاول و هي دكترورة كويسة وبتشرح ببطء و هي مش بتحب حد يتاخر عن المحاضرة
2- دكتور وليد : وهو افضل دكتور حيخليكوا تحبوا المادة اوي هيشرح شبتر الانزيم وكمان فى الشبترالدهون و اعتبروه اخوكم الكبير هزار وشرح جامد ونادرا لما يتعصب
3- دكتور ايمن : هيشرح شبتر الكربوهيدرات والبروتين وهو دكتور شرحوا حلو اوى بس بيطول اوى وبيشرح ببطء ودة هيساعدكم تلموا المادة

المحاضرة :
المحاضرة بتكون حوالى ساعتين بس دكتور ايمن مبيعديش الساعة ونص
العملي :
في معمل البيو في كلية طب و هو بيكون سهل اوي
المنهج :
Amino acid
Enzymes
Carbohydrates
Lipids
Proteins

امتحان :
امتحان نص السنة : 10 درجات ( MCQ )
امتحان اخر السنة : 90 درجة (written: 60 – Oral :10 – Practical : 20 )





English and terminology
English :
المادة قريبة من الانجليزي بتاع ثانوية عامة و هي مادة سهلة
Terminology :
هي دي المادة الوحيدة اللي بتتكلم عن اسنان يعني معلومات بسيطة عن ادوات اسنان و الادوات اللي بيحتجها دكتور الاسنان في العيادة و في شوية مصطلحات طبيبة . هي مادة سهلة و مفيش عاملي ولا شفوي
ملحوظة : اهم حاجة في المادتين دول انكوا تحترموا الدكاترة عشان يجي الامتحان سهل ان شاء الله و ربنا معاكوا
Good Luck
TTS Team

اممم
شكرا جزيلا ليكى
انا اسنان المنيا و ان شاء الله هحول طنطا
ممكن تشرحى ازاى هى مكلفة دى ؟؟!!

هى مكلفة كمواد و ادوات هتشتريها فى الجامعة ده غير انك فى سنة رابعة بتصرفى على المريض من جيبك فالموضوع بيبقى مكلف شوية بس

امممم
شكرا جزيلا

اولا الف الف مبروووووووووك ليكم وربنا يكرمكم ويوفقكم دايما
ثانية الف مبرووووووووووووك ليكى يا حورية الجنه 1 انا كنت متبعاكى ع اجتماعيات طالب من السنة اللى فاتت وفرحتلك برغم ان معرفش حضرتك
ثالثا ايه نصايحكم وتجاربكم وافضل طرق المذاكرة والكتب والجدول لينا
والف مبرووووووووووووووووووووووووووووووووووووووووووووووو ووك

السلام عليكم انا ابني السنه دي 5 اسنان miu ,والمفروض انه ياخد المتياز 3 شهور في الكليه دا اجباري بعد كده المفروض يعمل ايه وايه افضل مستشفى يكمل فيها امتيازه ولا انا سمعت انه ممكن ياخد كل 3 شهور في مستشفى غير حسب التخصص المميزفيها ممكن تفيدوني في سنة الامتياز دي واكون شاكره جدا لكم

في حد ياجماعة ممكن يرد عليا بتعملو ايه في الامتياز بتاع اسنان