بسم الله الرحمن الرحيم
انا عندى مشكله كبيرة اوى
انا داخل ان شاء ثانوية عامة بس مش عارف ادخل علمى علوم ولا علمى رياضة
وانا الصراحة مليش ميول
انا كل اللى عندى انى نفس اوى اكون دكتور واساعد الناس بس خايف مجيبش حتى مجموع صيدله وانا كده هضيع وفى نفس الوقت انا بكره الرياضة وخايف منها اوى
ومش عارف اعمل ايه
ارجوكم ساعدونى

ايه ده انتى محدتيش لغايه دلوقتى؟؟؟؟
بصى طالما انتى بتكرهى الرياضة يبقى تخشى علوم على طول عشان رياضة سنة تالته عايزة شغل
و حكاية انك تطلعى دكتورة و تساعدى الناس تبقى تراجعى فيها نفسك بعدين بس المهم انتى ادخلى علوم عشان تلحقى تبدأى فى المنهج

انتى حلمك تكونى دكتورة يبقى ادخلى علوم و حققى حلمك و مش تقولى انا خايفة
توكلى على ربنا و حققي حلمك و متخليش اى حاجة توقفك
وانتى بتكرهى الرياضة يبقى ازاى هتتخصصي فيها
توكلى علي الله و صلى صلاة استخارة

بصي ي بنتي قدرك مكتوب عند ربنا ف متخفيش م النتيجة اهم حاجة تاخدي بالاسباب صلي استخارة واتكلي على ربنا ومتخفيش واعرفي ان كل اللي قبلك كنا خايفين وبنفكر نفس التفكير بس الحمد لله ربك بيسترها

صلي استخارة و خشي علوم , عشان لو واجهتك مسألة صعبة و لا حاجة خلال السنة ما تندميش , خشي علوم و اتكلي على الله و " إن الله لا يضيع اجر من أحسن عملاً "

هو الخوووف ده طبيعى اساسا يعنى لازم تخااافى بس بالصلاه والدعاااء كتير وكمان المذاكره اساساى الخووووف ده بيروح وبيبقى عندك ثقه فى نفسك يعنى انا مثلا كنت رياضه وطبعا مكنتش هكووون واثق من نفسى ابدااا الا بعد ما حليت كم كبير جدااا فى الرياضه حوالى 5 الاف مسأله رياضه :d ف الواحد مش بيوصل للثقه فى نفسه الا ما يذاااكر :d وسيبيها على ربنا
على المرء أن يسعى وليس عليه ادراااك النجااح :)

بالتوووووفيق " اللى بتحبيه ادخليه " :d

ثقى فى نفسك
وان شاء الله اللى عاوزاه هتحققيه
انتى مش بتحبى الرياضه
ازاى هتتخصصى فيها؟
توكلى على الله
وادخلى علوم
وربنا يوفقك :d

طالما عاوزة تطلعى دكتورة خشى علوم

أزاي ملكيش ميول وانتِ عاوزة طب خشي الكلية اللي تحققلك هدفك بس لو انتِ شايفه انك مش هتلحقي فممكن في الرياضه متلحقيش بردو