زهرة 1996
06-08-2014, 08:15 PM
السلام عليكم . ازيكم يااحلى طلاب .يارب السنادى تكون سنة سعيدة علينا كلنا ويارب كلنا نجيب المجموع اللى بنحلم بيه فى الثانوية العامة.ممكن كل واحد يدخل يقول بيذاكر ازاى ويتكلم على كل مادة بيذاكرها ازاى؟؟؟؟ .الموضوع ده هدفة ان كلنا نستفيد من بعض عشان فيه ناس كتير اوى نفسها تجيب مجاميع عاليه بس مبيعرفوش يذاكروا صح .فاحنا هنا انشاء الله نفيد بعضنا فياريت كل واحد يدخل يقولنا على طريقة مذاكرته..هبدأ بنفسى ....هتكلم اول حاجة على الانجليزى...بفهم الجرامر كويس جدا وبعدين احل عليه ولو فيه حاجات وقفت معايا بكتبها فى ورقة واديها للمستر بتاعى .وكلمات الوحدة بحفظها كويس جدا وبسمعها مرة بالعربى ومرة بالانجليزى عشان تثبت اكتر ...انا مخصصة كل يوم نصف ساعة بحفظ فيهم كلمات من برة المنهج وبحفظهم بنفس الطريقة اللى كتبتها فوق..وقبل ما انام براجع مراجعة سريعة على الكلمات الجديدة اللى حفظتها بس المراجعة لازم كل يوم على الكلمات الجديدة عشان متتناساش..وكل اسبوع باكتب براجراف وبدرب نفسى على الترجمة.. ولازم المستر يعلم البراجراف عشان لو فيه اى اخطاء.. ...ثانيا:العربى.............انا بذاكر الادب من كتاب الاضواء عشان اسلوبه زى كتاب المدرسة بالظبط بس مرتب الافكار.والنصوص لو حفظ بحفظها بالورقة والقلم وبحفظ المعانى وبسمعها لنفسى بالورقة والقلم وبحفظ النص كلة بالتعليق من كتاب الاضواء .القراءة بلخصها لنفسى من الكتاب بمساعدة الملزمة بتاعة المستر يعنى با خد السؤال واحفظ الاجابة بتاعتة بطريقة كتاب المدرسة.والقصة بذاكرها زى القراءة.. النحو والبلاغة بفهمهم وبذاكرهم كويس جدا وبعدين احل عليهم تمارين. .......................ثالثا\الفرنساوى........... ..... بحفظ الكلمات زى ما بحفظ كلمات الانجليزى بالظبط .والقاعدة بذاكرها واحل عليها تمارين.وبحفظ المواضيع وبس كدة .............................رابعا\الكيمياء....... ............ اللى باخده فى الدرس بروح بسرعة اذاكرة على طول واحل عليه تمارين ولو فيه حاجة وقفت معايا لازم اديها للمستر يفهمهالى والحاجات اللى بتقف معايا كلها بجمعها فى كراسة عشان ارجعلها تانى واثبتها اكتر فى دماغى بحيث ان مفيش حاجة تقف معايا تانى... .......................خامسا\الفيزياء............. .. الفيزياء بقسمها على جزأين .نظرى ومسائل .بذاكرها من كتاب الامتحان حلو جدا نفس اسلوب كتاب المدرسة مع ترتيب الافكار ولازم اذاكرها اول باول عشان مطيرش من دماغى و بحل مسائل كتيييييير جدا و الحاجات اللى بتقف معايا او الحاجات اللى غلط فيها بكتبهم فى كراسة عشان الكراسة ديه بتنفعنى اخر السنة فى المراجعة ليلة الامتحان...................سادسا\الاحياء.......... ......... ...... الاحياء يستحيل احفظها قبل م افهمها لازم افهم وبعدين احفظ وبذاكرها من كتاب الامتحان ولازم طبعا احل تمارين على اللى انا ذاكرتة عشان يثبت اكتر...........انا كدة خلصت يا علماء المستقبل .... لو فيه اى حاجة غلط فى طريقتى ياريت تقولوا عشان استفاد منكم وكل واحد ياريت يقول على الطريقة اللى بيذاكر بيها