|
مشاهدة النسخة كاملة : دودو كتبت موضوع جديد الكل ييجى يشوفه دودو دلوعة اليكس 06-08-2008, 08:01 PM هاى يا بشر الموضوع بتاع النهاردة موجود فو وقتنا الحالى وهو موضوع الزواج المتأخر !!!!!! ليه يا جماعة البنات بيتزوجوا على سن التلاتين يا ترى عشان مفيش عرسان ولا يا ترى عشان البنات مش حلوين ولا يا ترى عشان الشباب كلهم مش معاهم فلوس هذة ظاهرة عصرية خطيرة ونرجو الرد Sharp Nails 06-08-2008, 08:21 PM ياحببتى دة رزق ملهاش دعوة بقى بالاسباب الى قولتيها والى مكتوب عالجبين لازم تشوفه العين فنش dr.saeed 06-08-2008, 08:22 PM اولا الموضوع الرد عليه يكون طويل شوية فى البداية شكرا لطرح الموضوع بس ياريت يكون العنوان يبين الموضوع او يلمحله او حتى يكون محور عن الموضوع بصى يا اختى اولا موضوع الزواج المتأخر قبله موضوع مهم جدا هو موضوع (العنوسةوالطلاق) بمعنى على اخر ما سمعته من احصائيات والله اعلم ايه اخرها لانى بردة سمعت انها زادت مرة واحدة ان العوانس فى مصر عددهم تقريبا اربعة مليون والمطلقات 5 مليون دة طبعا اسبابه لا تعد ولا تحصى منها امكانيات مصر المادية صعوبات الزواج الى الاهل بيفرضها ودة بردة من اسباب تأخير الزواج يعنى معظم الشباب عشان يكون نفسه ادامه ما شاء الله قرون هه بس تأخير الزواج بيرجع للولد والبنت مثلا ممكن انا اكون بفكر انى اتزوج متأخر على حدود 27 او 28 او حتى 30 لان فى نظرى عندى اولويات اهم بالرغم انى ممكن اتزوج قبل كدة بكتير اما موضوع البنات حلوين فمش كل الى بيتزوج بيبص اوى على الشكل مش لازم الى اختارها تكون ملكة جمال هاعمل ايه مثلا لو كانت جميلة جدا واخلاقها تعبانة؟ او دينها مش كويس؟ اما موضوع ان الشباب كلهم ما عندهمشى فلوس ولا يا ترى عشان الشباب كلهم مش معاهم فلوس اكيد بالطبع لا كل قاعدة وفيه الى بيخالفها فيه ادامى فى المنصورة شباب كتير حالتهم المادية ما شاء الله عليهم موضوع كويس بس العنوان مش تابعه صراحة ياحببتى دة رزق ملهاش دعوة بقى بالاسباب الى قولتيها والى مكتوب عالجبين لازم تشوفه العين فنش برده فعلا كل شىء قسمة ونصيب بس ربنا جعل لكل شىء سبب حتى خلق الكون ذات نفسه مطبق عليه نظرية الانفجار الكبير فى امان الله دودو دلوعة اليكس 06-08-2008, 08:28 PM ميرسى يا دكتور على مرورك بس انا عملت العنوان كدة عشان الكل يدخل لانه موضوع مهم وظاهرة العنوسة اصبحت منتشرة بطريقة فظيعة هو طبعا كل شئ قسمة ونصيب بس البنات اعدادهم بتتزايد جامد وميرسى تانى على رأيك الجميل _GUIDE_ 06-08-2008, 08:32 PM هاى يا بشر الموضوع بتاع النهاردة موجود فو وقتنا الحالى وهو موضوع الزواج المتأخر !!!!!! ليه يا جماعة البنات بيتزوجوا على سن التلاتين يا ترى عشان مفيش عرسان ولا يا ترى عشان البنات مش حلوين ولا يا ترى عشان الشباب كلهم مش معاهم فلوس هذة ظاهرة عصرية خطيرة ونرجو الرد والله زى ما الحاجة نسمة قالت ده قسمة ونصيب واحب اضيف ان الشباب مش لقى ياكل هيتجوز منين وطبعا مغالة اهل العروسة فى مطالبهم يقوله (احنا بنشترى راجل) لكن ساعة الجد هات وهات وهات :D عالم بتستعبط ده غير طبعا انخفاض دخل الفرد ارتفاع اسعار المواد الاساسية يعنى من الاخر طريقك مسدود ياوالدى بالمناسبة احب احيكى على اسم الموضوع دودو كتبت موضوع جديد الكل ييجى يشوفه ونصيحة اخوية انشفى شوية :D عندنا هنا شباب هتموت وتكلم البنات وبيتهيقلى بعد الاسم الجميل بتاعك اكيد جتلك 100 رسالة تعارف مش بقولك الشباب مش لقى يتجوز فبيقضيها شات :D dr.saeed 06-08-2008, 08:36 PM بس البنات اعدادهم بتتزايد جامد طبعا دى حاجة النبى صلى الله عليه وسلم اخبرنا عنها منذ 14 قرن وهى ان البنات فى زمن معين هاتكون النسبة بينهم وبين الاولاد كبيرة لدرجت ان يكون الولد وراه 40 بنت يختار منهم الى يتجوزها بسبب العدد النادر وطبعا زى ما قولت لكل شىء سبب والاسباب بتحصل اكيد بالتتابع مش هانصحى فى يوم واحد نلاقى دة بيحصل لازم بتيجى بالتدريج مثلا بعد حرب العراق قالوا على موضوع الحاكم يكون راجل ولا امراة وجدوا ان نسبة النساء ما شاء الله 60% طبعا نسبة كبيرة معنى كدة لو كل واحد اصلا اتجوز واحدة هايتبقى 10% من عدد السكان زطبعا نسبة كبيرة جدا بالنسبة لدولة زى العراق ميرسى يا دكتور على مرورك جزاكى الله خيرا بس انا عملت العنوان كدة عشان الكل يدخل لانه موضوع مهم وظاهرة العنوسة اصبحت منتشرة بطريقة فظيعة ما فيش مشاكل بس انتى بردة مع زيادة الكتابة فى المنتديات هاتبتدى تعرفى ازاى تكتبى عنوان يخص الموضوع ويشد الناس ليه عموما ما بسيبشى موضوع غير لما امر عليه هو طبعا كل شئ قسمة ونصيب بس البنات اعدادهم بتتزايد زى ما وضحت فى المشاركة دى وتعديل المشاركة الاولى ان لكل شىء سبب وميرسى تانى على رأيك الجميل جزاكى الله خيرا العملية بسيطة dr.saeed 06-08-2008, 08:39 PM يعنى من الاخر طريقك مسدود ياوالدى بالراحة علينا يا اسلام دة انا لسة فى طريقى للكلية مبشرنا انت دايما كدة :D مش بقولك الشباب مش لقى يتجوز فبيقضيها شات فكرة بردة! :D بس زى ما بنقول كل شىء قسمة ونصيب ولكل شىء سبب فى امان الله دودو دلوعة اليكس 06-08-2008, 08:43 PM ميرسى يا عم جايد ع النصيحة بس الحمد لله انا نشفة جدا ومليش فى موضوع التعارف دة عشان كدة صحابى بيقولوا عليا معقدة ...وبصراحة انا معاك فى موضوع ان الشباب مش لاقى ياكل بس برضه البنات ملهاش زنب وبعدين اسعى يا عبد وانا اسعى معاك يعنى حاول تدور على شغل بدل قعدتك ع النت والقهوة هههههههههه بس فعلا انا معاك فى موضوع الشغل وطلبات اهل العروسة وميرسى عللى رأيك الجميل dr.saeed 06-08-2008, 08:45 PM وبعدين اسعى يا عبد وانا اسعى معاك على فكرة فيه كلمات تانية قريبة من المعنى بس ربنا ماقالشى الكلمة فى كتاب سماوى اى على لسان رسول وطبعا الواحد لازم بالمعنى العامى يجيب اخره اما ذنب البنت هى ان اهلها يشدوا فى الطلبات الولد يعنى هايعمل ايه؟ يقتلهم وتجوزها؟ هههههه فى امان الله bnota 06-08-2008, 08:46 PM يا حبيبتي البنات دلوقتي مش بتوع جواز يعني كل بنت بتقول لنفسها لأ اناعايزة اعيش حياتي الاول ومتفتكرش الا بعدين بعد ما تضيع أحلى أيام عمرها اللي كان ممكن اوي تعيشها باستقرار في بيتها مع زوجها وتكون اجمل وارق ام في الدنيا ،، والشباب برضو مبقوش بيحبو تحمل المسؤولية وبيشوفو انهم مش قد مسؤولية البيت والشغل والعيال كمان مسؤولية كبيييرة.. وربنا يصلح الحال ،، تقبلي مروري ... bosy .. mostafa 06-08-2008, 08:52 PM هو البنات كتروا اوي بصراحه بس برضو ده رزق مهما كان Cray_Bird91 06-08-2008, 08:56 PM احييكى على الموضوع الجميل بالنسبة لسؤالك السن مبقاش فيه بركة يعنى تبصي للعمر تلاقيه بيجرى وانتى لسة معملتيش حاجة هى مسألة قسمة ونصيب وكل شىء مقدر بقدر الله بس اعتقد انه عقبال ما الانسان المحترم اللى ناوى يأسس نفسه يكون نفسه ويحاول يكون مستعديا للخطوة دى عقبال ما يوصل للخطوة دى تكون البنت اللى فى نفس عمره كبرت ومحدش جالها حاليا بشوف ان الواحد لما بيختار بيختار واحدة اصغر منه من خمس لعشر سنين يعنى مفيش توازن فى البلد وعموما دى بترجع للقدر وتربية البنت يعنى اكيد المحترمة واللى رسمة حياتها صح اكيد ربنا بيكرمها وبيعوضها الخير اعذرينى لو كلامى مش مرتب لى رد تانى بس مش دلوقتى جزاكى الله خيرا على الموضوع الجميل MohammeD el_SadaT 06-08-2008, 09:04 PM بصى أنا هرد عليكى رد مختصر جدااً لإن الموضوع ده هيحتاج كلام كتير وهيتشعب مننا ردى الحريه يادودى البنت أو الولد من دول بيقدر يعمل كل اللى هو وفى أى وقت :mad::mad::mad: بصراحه أنا مش عاوز أوضح أكتر من كده وآسف على صراحتى بس فى الآخر والأول هى مسأله نصيب ahmed2845 06-08-2008, 09:05 PM هاى يا بشر الموضوع بتاع النهاردة موجود فو وقتنا الحالى وهو موضوع الزواج المتأخر !!!!!! ليه يا جماعة البنات بيتزوجوا على سن التلاتين يا ترى عشان مفيش عرسان ولا يا ترى عشان البنات مش حلوين ولا يا ترى عشان الشباب كلهم مش معاهم فلوس هذة ظاهرة عصرية خطيرة ونرجو الرد موضوع الجواز المتاخر ده يا دودو رد فعل طبيعى للاحوال الاقتصادية السيئة التى بتمر بيها مصر و اكيد بردو هو نتيجة لكثرة عدد البنات وقلة امكانيات الشباب وقلة ايضا عدد الشباب القادر على تحمل مسؤلية تكوين اسرة جديدة ده غير ان المجتمع بتاعنا بيرفض فكرة تعدد الزوجات للرجل الواحد هو صحيح الشرع و القانون يمكن بيديله الحق ده لكن احنا فى المجتمع مش بنرحب بالفكره دى بس بردو يا دودو دى مش قاعدة عامة لان فى بنات كتير جدااا بيجوزوا صغيرين قبل ما يتموا ال 30 يعنى من الاخر الموضوع قسمة و نصيب زى ما قالولك الاعضاء اللى قبلى انما اللى قلته ده مجرد اسباب وشكراا على الموضوع _GUIDE_ 06-08-2008, 09:07 PM البنات كتير اكتر من الدبان على طبق مكشوف :D بس فين النفس اللى تتجوز dr.saeed 06-08-2008, 09:22 PM الحريه يادودى البنت أو الولد من دول بيقدر يعمل كل اللى هو وفى أى وقت بصراحه أنا مش عاوز أوضح أكتر من كده وآسف على صراحتى فاهمك يا محمد هانعمل ايه بقى مشكلة بجد البنات كتير اكتر من الدبان على طبق مكشوف بس فين النفس اللى تتجوز لو هما كدة يبقى نفس ايه بقى؟ هههههه دودو دلوعة اليكس 06-08-2008, 09:28 PM ميرسى يا كابتن جايد على رأيك وتشبيهك للبنات بالدبان كل واحد وذوقه وبعدين انت عايز تفهمنى ان انت عندك امكانيات بس ما عندكش نفس صح ..طب معلش يا كابتن جايد احنا عيزين نفرح بحضرتك قريب على دبانة حلوة معلش تعالى على نفسك شوية dr.saeed 06-08-2008, 09:34 PM ميرسى يا كابتن جايد على رأيك وتشبيهك للبنات بالدبان كل واحد وذوقه يا اختى هو مش قصده كدة هو شبه الكترة مش شبه البنات نفسهم صلى على النبى فى قلبك جايد اخ محترم كفاية اللف بتاع المشرف الادارى فى المنتدى ارجوا اننا نفهم الكلام كويس ونفهم برده الهزار JusT DreaM 06-08-2008, 09:46 PM السلام عليكم ورحمة الله وبركاته موضوعك جميل اوي وقضية منتشرة بصورة كبيرة جدا اليومين دولاهم مشكلة في موضوع العنوسة المجتمع المجتمع اللى هيقعد يسلخ ويجلد ويعاقب فيها على ذنب لم تقترفه وهو تركها للزواج أيا كانت الأسباب بمزاجها أو ملقتش طلبها أو محدش قالها عايز أتجوزك مش هقعد أتكلم عن معاملة الناس ليها مثلا صحابها هيخافوا من عينيها لتحسدهم على النعيم اللى متهنيين فيه مع أزواجهم أو على الرجالة اللى هيبصولها أنها سهلة ويا أما واقعة مش لاقيه اللى يعبرها يا أما صايعة وعايشة على كيفها هتكلم عن الستار الأجتماعى بمعنى أن المجتمع هيقعد يدورلها على عذر يعنى والله دى متجوزتش عشان بتربى أخواتها ولا دى متجوزتش عشان تخدم أمها والقصص المؤثرة دى أظن أنه من الغباء وقلة الايمان ان الواحد يشيل هم حاجة مكتوبة عند ربنا صح؟ يعنى مش هقعد أشغل بالى والله هتجوز امتى ولا هتجوز مين ده بتاع ربنا سؤال كمان ليه الراجل اللى مش متجوز بيقولوا عليه عازب وبيبقوا طايرين بيه؟ والبنت تبقى عانس؟ واصلا بيكون السبب في العنوسة هو ان الشباب مش معاهم فلوس يتجوزو بجد موضوع حلو اوي يادودو _GUIDE_ 06-08-2008, 09:53 PM ميرسى يا كابتن جايد على رأيك وتشبيهك للبنات بالدبان كل واحد وذوقه وبعدين انت عايز تفهمنى ان انت عندك امكانيات بس ما عندكش نفس صح ..طب معلش يا كابتن جايد احنا عيزين نفرح بحضرتك قريب على دبانة حلوة معلش تعالى على نفسك شوية اولا ده تشبيه بليغ صور الشاعر كثرة البنات حيث انه من الملعوم ان امام كل ولد يوجد ثلاث فتيات وهنا صور الشاعر كثرة الفتيات بكثرة الذباب والله بئا كل واحد حر فى رأيه واللى على رأسه بطحه اها نسيت اقولك انا مش كابتن :D دودو دلوعة اليكس 06-08-2008, 09:58 PM خلاص يا جايد ما تزعلش بس الدبان تشبيه وحش وع العموم ولا تزعل يا مان بلاش كابتن basmala 06-08-2008, 10:03 PM البنات كتير اكتر من الدبان على طبق مكشوف :D بس فين النفس اللى تتجوز ايه التعبيرات دى ....اتقى ربنا انتا معندكش اخوات بنات ايام وليالى 06-08-2008, 10:05 PM بصراحه الموضوع جميل اوى يا دودو تسلم ايديكى بس الى مش حلو موضوع الدبان ده يعنى مش لذيذ اولا البنت دى كائن رقيق كدا ومشاعرها دائما باينه عليها وبعدين الجواز ده حاجه بايد ربنا مفيش حد له دخل فيها اى حد سواء البنت او الولد كل واحدد يعمل الى عليه والباقى بتاع ربنا الولد يجتهد ويتخرج ويبنى مستقبله صح والباقى بايد ربنا وكذلك البنت بصوا انا مش عاوزه اتكلم كلام كبير عشان محدش يزها منى كل الى هقوله ان البنت مش دبانه ولا حاجه والا بقى كان الولد هيبقى حاجه تانيه اكيد الولاد عارفاها انا مش هقولها مرسىى يا دودو يا حبيبتى دودو دلوعة اليكس 06-08-2008, 10:09 PM ايام وليالى هو دة الكلام الله ينور واى خدعة اهم حاجة ان الموضوع عجبك وميرسى على ردك يا قمر دودو دلوعة اليكس 06-08-2008, 10:57 PM ايه يا جماعة الاراء خلصت خلاص ولا ايه dr.saeed 06-08-2008, 11:01 PM أظن أنه من الغباء وقلة الايمان ان الواحد يشيل هم حاجة مكتوبة عند ربنا صح؟ انا صراحة بستعجب لما بسمع الكلام دة mostafa kernawy 06-08-2008, 11:05 PM _(1)يمكن لاننا في عصر التحديات والبنت عايزة تعمل راسها براس الولدوعايزة تكون حياتها وتشكل مستقبلها قبل الاستقرار (2) لأن غالبا البنات بتحط في دماغها صورة لفتى احلام مش موجود على وش الارض (3)لأن البنات نسيواان الزواج هو مهنتهم الكبري واشتغلو في حاجات تانية (4) غياب الوعي الديني شكرررررررررررررررررررررررررررررررررررررررررررررررر رررررا على الموضوع الضوء الشارد 06-08-2008, 11:22 PM والله السبب فى موضوع العنوسة الأهل اللى بيغالوا فى المهور والبنت اللى عايز العريس يجبلها كل حاجة ومفكرة نفسها هتجوز مليونير رغم ان الرسول صلى الله عليه وسلم قا ل إذا أتاكم من ترضون دينه وخلقه فزوجوه دودو دلوعة اليكس 06-08-2008, 11:26 PM والله انا معاك يا الضوء الشارد المشكلة مش فى العروسة وطلباتها المشكلة فى اهل العروسة اللى مفكرين بنتهم بنت مبارك عشان كدة طلباتهم بتبقى جامدة ع العريس ...اينعم انا بنت بس شيفا ان اهل العروسة ما يحملوش العريس فوق طاقته لان البلد بيظا خلقه JusT DreaM 07-08-2008, 12:40 AM انا صراحة بستعجب لما بسمع الكلام دة ووتستعجب ليه يادكتور انا بصراحة مقتنعة بكلامي وعارفة انه صح ومش موجه لاي حد هنا فى المنتدى اعتقد ان الكلام موجه ليا المره دي اوركيديا 07-08-2008, 01:23 AM أظن أنه من الغباء وقلة الايمان ان الواحد يشيل هم حاجة مكتوبة عند ربنا صح؟ بصى يا اختى الحبيبه اللى حضرتك بتقوليه هنا بيتعارض مع اللى امرنا ربنا بيه من الاخذ بالاسباب احنا عايشين فى الدنيا دى عشان نعبد ربنا و نسعى فى الارض و عمارتها يعنى احنا لما بنشتغل بنكون عارفين ان الرزق فى ايد ربنا بس احنا بناخد فى الاسباب فمش من الغباء و لا حاجه ان الواحد يحاول انه يشتغل بس الغباء انه ميكنش واثق ان رزقه حيجيله فيسعى ليه بطرق غير شرعيه فهو ده الغباء و قله الايمان زى الواحد لما يعيا بيروح للدتور هو عارف ان الله هو الشافى بس هو بياخد باسباب الشفاء فالدكتور ما هو الا وسيله للشفاء اللى ربنا كاتبهولنا فهمتينى و انا ليا اعتراض على دكتور سعيد انه كان المفروض يرح منطق اعتراضه لمنع الرد و ليه و الكلام ده عشان ايه و ربنا يوفقنا الى ما يحبه و يرضاه فى رعايه الله happiness_sadness7 07-08-2008, 02:20 AM السلام عليكم .... دودو بصراحة موضوعك حلو .....لكن انا مش عارف بجد ارد اقول ايه ....... لكن كل اللي اقدر اقوله ........ حسبنا الله ونعم الوكيل ...... بس ده كل اللي نقدر نقوله الوقتي ......... وشكرا تاني علي موضوعك ونتمني لك موضوعات اكتر وافضل دايما الضوء الشارد 07-08-2008, 02:31 AM وللاسف البنت المتأخرة فى الجواز لو جالها عريس متجوز تقولك لا لا يمكن ابقى الزوجة التانية مع انه حلال وحل كويس لمشكلتها أحمد2025 07-08-2008, 02:36 AM مش عارف اقولك ايه انا بحس ان الشباب ملهاش نفس تتجوز معظم الشباب يقولك وأنا هجيب واحدة تنكد علية ليه الشباب عايز يعيش أيامه يعرف دى ويدوخ دى ويجنن دى مع انى انا نفسى اتجوز بس برضه فى مشكلة صعب قوى ان الشباب يلاقوا الزوجة اللى هتريحهم فى حياتهم بعد كده بس انا برمى اللوم الأكبر فى الموضوع ده على الجنس الناعم ولنا بقية كبيرة جدا biob 07-08-2008, 03:44 AM اولا يا دودو ايه العنوان التحفه ده انتى بتعزمينا على العشا ولا ايه وبعدين انتى بصه على البنات بس شوفى الشباب الغلبان اللى الواحد مينهم بيتخرج ويخلص جيش ويدور على شغل ويشتغل ويحوش وبعدين لما يفرجها ربنا يبقى يتجوز بيكون ساعتها شعره وقع وسنانه وقعت وحالته بقت بالبلا وبيبقى عنده حوالى 45 سنه يا عينى على فكره انا بتكلم عن الشباب المكافح مش اللى فى بؤه معلقه دهب JusT DreaM 07-08-2008, 05:58 AM بصى يا اختى الحبيبه اللى حضرتك بتقوليه هنا بيتعارض مع اللى امرنا ربنا بيه من الاخذ بالاسباب احنا عايشين فى الدنيا دى عشان نعبد ربنا و نسعى فى الارض و عمارتها يعنى احنا لما بنشتغل بنكون عارفين ان الرزق فى ايد ربنا بس احنا بناخد فى الاسباب فمش من الغباء و لا حاجه ان الواحد يحاول انه يشتغل بس الغباء انه ميكنش واثق ان رزقه حيجيله فيسعى ليه بطرق غير شرعيه فهو ده الغباء و قله الايمان زى الواحد لما يعيا بيروح للدتور هو عارف ان الله هو الشافى بس هو بياخد باسباب الشفاء فالدكتور ما هو الا وسيله للشفاء اللى ربنا كاتبهولنا فهمتينى انا فهمتك جدا ومتفقة معاكي والله بس اللي يطبق في الشغل والعيا مش بيطبق في الجواز يعني ايه الاسباب اللي تاخدها الواحدة غير الطرق الغير شرعية انها تتزين وتخرج من بيتها متبرجة لان مفيش واحدة هتروح لحد وتقله اتجوزني فبيكون في رد فعل من اتنين اما حاجة انها تعصي ربنا وتتبرج وفي ناس كتيرة جدا بتعمل كدة او انها تقعد في البيت وهي شايله هم الجواز وهتعنس ولا لأ والناس تقعد تلسن عليها وفي حل تاني انها تصبر وتبقى عارفة ومؤمنة ان ربنا شايلها الخير في تأخير الزواج ومالهاش دعوة بكلام الناس وهو ده اللي انا اقصده بس اعتقد ان التعبير خاني في كلمة غباء فانا اسفة بجد يادكاترة لاني مش اقصد غباء بمعنى الكلمة و ربنا يوفقنا الى ما يحبه و يرضاه فى رعايه الله امـــــــــين SmSm Basha 07-08-2008, 07:07 AM شكرا ليكي يا دودو على الموضوع دا .... هي فعلا ظاهرة خطيره ... و السبب واضح و هو الاعباء الثقيله و المتطلبات الغير منطقية التي يفرضها اهالي العروسين nader shetos 14-08-2008, 12:03 AM انا عريس كامل من مجاميعوا كل حاجة جاهزة عندى بس ناقص العروسة مواصفاتى: جايب 77% (طبعن مش هتلاقو عريس زى!!) Ra2oF 14-08-2008, 12:25 AM اكيد :: السبب هو كثرة البنات متطلبات كتيرة موت يعني لازم مش عارف شقة كام متر و مقدم كام و مؤخر و بهدلة ::: ملهاش لزمة:: ففي شباب بيفضل انه يعيش و يسرف علي نفسه و لا وجع دماغ يا يروح علي شرم او الغردقة و ممكن يتجوز واحدة اجنبية هي التصرف عليه :D :D :D هو السبب الرئيسي :: حال البلد الاقتصادي المنيل KHALOOOD 14-08-2008, 12:24 PM السلام عليكم بصى ياستى اولا الموضوع دا يتلخص فى كلمتين قالهم عضو فى رده بس كان نفسى يوضح اكتر من كدا قاللك الشاب دلوقتى بيعمل اللى هو عاوزه وفى اى وقت يعنى شوفى ايه اللى بيحصل لاى اتنين مخطوبين او متجوزين وهتلاقيه بيحصل دلوقتى وبدون زواج او خطوبه وانا ممكن اوضح اكتر لو مش فاهمين مع ان اعتقد ان الكلام واضح طبعا هيجى ناس تقول مش كلهم وفى ناس وناس ومش عارف ايه احنا لما نيجى نتكلم عن مشكله زى دى بنتكلم على الاغلبيه واغلبهم زى مانتوا عارفين كل شىء مباح قبل الخطوبه او الزواج نرجع بقى نحط العوامل التانيه مع العامل الاكبر اللى ذكرته دا وهى البطاله وقله الفلوس وقله الايمان والحاجات دى دلوقتى الشاب مبسوط ومش ناقصه اى حاجه من البنت ع الرغم انه مش متجوزها تقدرى تقوليلى هيتجوزها ليه ويصرف ويشغل باله والكلام دا كله ليه ؟ طبعا مش هنلاقى اجابه وعلى فكره متحطيش فى دماغك اى تعليقات سخيفه من اى حد وخدى النصيحه الكويسه واعملى بيها واللى مش عجبك فكك منه فيفا 14-08-2008, 12:40 PM الى جانب الاسباب اللى قالها خالد مفيش تحمل للمسؤليه |