:022yb4:

يا جماعة انا ثالثة ثانوي علمي رياضة والصراحة نااس تقولي رياضة صعبة والامتحانات نفخ
فانا عاوز اشوف حد لو جايب مجموع كبير في الرياضة او ناقص درجة ونص او جايب الدرجة النهائية يقولي كان بيحل من كتب ايه وهل الامتحانات الرياضة بتعتمد علي الحل كتير ولا ايه واحل كتب ايه رياضة 2 عشان اقفلها او عشان منقص كتير ويا ريت نصايح من دفعة 2014 رياضة عشان امتحاناتهم كانت نفخ يا ريت حد ينصحني عشان الصراحة انا خايف فحد لو جاب مجموع يقولي الامتحانات ايه نظامها بتعتمد علي ايه بيجيبوا افكار جديدة في الامتحانات ولا هيه هي بس الارقام بس بتتغير وايه احسن كتب احل فيها عشان اضمن اني اقفل او انقص درجة او اتنين بالكتير بس محدش يدخل ويقولي كل الكتب اللي في السوق انا عاوز الكتب اللي حلتوها وقفلتوا امتحان الرياضة بفضلها وهل رياضة بتعتمد علي حل كتيرر

وانا بدات رياضة وجيت احل من لامي لقيت مسائل كتير بتقف قدامي فبضطر ابص للاجابات او اخلي المدرس يحللني وبعدين افهمها واحل هل ده عادي مش هياثر عليا ولا ايه عاوز من الاخر في الرياضة عشان اقفلها او انقص درجة او درجتين بالكتيررر اوي وتقولولي الكتب اللي حليتوا منها وفيها كل افكار امتحانات الثانوي او افكار رياضة2 اللي مبيخرج منها الامتحان وهل امتحانات ثانوي بتيجي من برة كتاب المدرسة او افكار جديدة وشكرا واسف لو كنت اصل انا متوتر وشكرا

محدش رد يعني

شوف أنا كنت ف تالتة وعايد السنة-لظروف خاصة كدا- والإمتحانات مكانتش نفخ ولا حاجة بالعكس كانت كويسة خالص ولو عاوز تنجح ف الثانوي وتحقق هدفك متسمعش لكلام الناس ولا اللي يقولك المادة دي صعبة والمادة دي معرفش إيه كل دا كلام فاضي مواد الثانوية سهلة ومفيهاش تعقيد .. بالنسبة للملخصات هتحل ١٠٠% ثم المعاصر ثم لامي ودا تخليه آخر حاجة ومينفعش تبدأ بيه .. وأفضل ملخص تبدأ بيه هو ١٠٠% جميل وفيه تدرج في المسائل وجايب أسئلة دليل التقويم والإمتحانات بعد كل درس .. بالنسبة لموضوع انك تقفل ف المادة دا مش معتمد علي عدد الملخصات بالعكس دا معتمد علي فهمك للدرس وقدرة استيعابك للأفكار .. حاجة أخيرة متحاولش تزحم نفسك بالملخصات لإنك هتلاقي أغلب الأفكار مكررة عن تجربة .. وبالتوفيق

نصيحه بس مش اكتر
..
سيبك من كلام الناس كله حلو او وحش
أبنى رأيك بنفسك وعن تجربتك الشخصيه فقط لا غير

...
وبالنسبه إنك عاوز نصايح من حد وعاوز تمشى على كلام احد المتفوقين دا غلط
.لانه زى ما بيقول ( السير على خطى الاخرين لن يوصلنا لابعد مما وصلو إيه .. وإنما علينا ان ناخذ منهم الافاده ونسلك طريقنا الخاص )
...
نوع الكتب والجدول وطرق المذاكره بتختلف من شخص للاخر لان كل واحد وليه ظروفه وليه طريقة تفكيره واسلوبه فالمذاكره وكل واحد دماغه واستيعابه .. الخ
..
وبالنسبه إن مسائل بتقف معاك .. إنتا لسه فالبدايه والسنه طويله معاك فمتيأسش راجع مع نفسك وعلم عاللى تقف معاك لحد ما تعرف تحلها ومتفقدش الامل
الرياضه مش عائق ولا حاجه
هما الناس بس اللى خلوها بعبع لطلبة الثانويه
هى بس بتحتاج تركيز ودماغ قابله للتشغيل ^_^
..
وبالنهايه اتمنالك التوفيق والنجاح

شكرا مش قصدي كترة المخلصات انا عاوز ملخصات اقدر الم منها كل افكار الرياضة واضمن ان اقفلها وكلنا فينا عقول وتفكير طبعا وشكرا
ثانيا انا بجمع خبرت من ناس مجربة مش اكتر وشكرا

شكرا علي الرد مفيش

lh hp] v] ما احد رد

انا لسه مخلص 3 ثانوى وكنت علمى رياضة والحمد لله جايب 97.8 وناقص فى الرياضة كلها درجة ونص .

اولا اهم حاجه انت لازم تبقى حاطط الهدف اللى عايز توصله وكل ما تبقى فيه لحظة احباط افتكر هدفك هتلاقيك بتشد وبتركز علشان توصله

ثانيا : بالنسبة للكتب والمراجعات انا كنت شغال من لامى وهو ممتاز جدا وبيلم معظم الافكار فممكن اسئلة تقف قدامك عادى مفيش مشكلة شوف حلها بس المهم تفهم الحل لو مفهمتش تسأل المدرس بتاعك يشرحلك المسألة ديه وتبقى تحلها لوحدك بعد كده وفى الاخر لازم طبعا تخلص الكتاب وتبدأ من كتاب الامتحانات وتحل هتلاقى الافكار بتتكرر وهتلاقى افكار جديدة هتعرفها

ثالثا : كتاب المدرسة ودليل التقويم وخصوصا فى الميكانيكا وتبدأ فيهم فى الآخر يعنى فى شهر 4 كده

رابعا : بالنسبة للامتحانات مش بتبقى خارقة يعنى ولا من بره المنهج انما بيبقى فى سؤال فى كل امتحان لازم تبقى مركز ومنتبه بس والباقى توفيق من عند ربنا

هذا من واقع تجربتى والله اعلم وربنا معاك

حليت لامي بس ولا كنت بتجيب مسائل من كتب تاني

كنت بتحل من لامي فقط ولا ايه بالظبط طبعا غير كتاب المدرسة والدليل قصدي كتب تانية خارجية ولا ايه النظام

حليت لامي بس ولا كنت بتجيب مسائل من كتب تاني

بص انا مجبتش غير لامى ولو شوفت مسألة من واحد صاحبى مثلا بيسألنى غير كده لا

واستاذى كان بيجيب فى الامتحانات مسائل من كتب تانيه او من الدليل او كتاب المدرسة

العملية مش صعبة المهم تركز فى اللى انت بتعمله

طيب العربي كنت بتعمل ايه فيه عشان انا لما باجي احل اسئلة القراء بحس ان ملهاش علاقة بالدرس فاعمل ايه فيها وده عادي اني مش عارف اجاوب علي الاسئلة او معظمها صح ودايما اجابتي غلط او ناقصة وكنت بتعمل ايه في نصوص وقصة ونحو عشان احاول اضمن دراجتهم وبردو الانجليزي اعمل ايه فيه عشان اقفله والفيزياء والكيمياء عشان اقفلهم احل واذاكر ازاي وايه احسن الكتب في كل المواد دي وشكرااا حزيلا

وبالنسبة لامتحان الرياضيات كان جايب افكار جديدة برة لامي ولا ايه

هو العربى ثقيل ومحتاج مراجعة كثير

فانت حاول تكون مع مدرس بينجز ويديك حقك فى المراجعة وهو كان اكبر مشكلة بالنسبة لى لكن فى الآخر اتلم وجبت فيه 79 وعرفت معظم اشكال وصيغ الاسئلة من الحل مع الاستاذ لاسئلة ثانوية عامة ومعرفتى الاجابة النموذجية بس لازم تذاكره اول باول متخليش حاجه تتراكم عليك وبالنسبة للكتاب انا كنت شغال من كتاب تبع استاذى كان مدخل كام كتاب فى بعض

وبالنسبة لامتحانات الرياضة هو مكنش فيه غير سؤال واحد فى التفاضل معتمد على معلومة هندسية من اعدادى والحمد لله الواحد حله بسنة تركيز وتوفيق من عند ربنا انما كلها فى الغالب بتبقى افكار متكرره وموجدة فى لامى وكتاب المدرسة والدليل

انا فاهم من كلامك ان اهم حاجة في العربي انك تحل امتحانات عربي وثانوية عامة وواضح بردو من كلامك انك تذاكر عادي خلاص وتحل عادي وتعقدش نفسي لان معظم الاسئلة بتيجي من امتحانات ثانوي صح كلامي ولو في غلط ممكن تصححلي

ثانيا بالنسبة للمسالة بتاعت التفاضل هيه دي اللي اتلغت واهم حاجة اني احل كتير وكويس صح وشكرا جزيلا ليك

ولو عندك فيس ممكن تحطه في الموضوع او تبعتهولي رسالة وشكرا ليك

هل كنت بتحل رياضة كل يوم ولا ايه ولما كنت بتيجي تحل كنت بتحل علي الدرس كله(كانت بتاخد وقت منك كتير ولا ايه) وكنت بتذاكر فرع واحد بس ولا اكتر من فرع وكنت بتذاكر كم مادة في اليوم يعني قولي التقسيمة بتاعتك وكم ساعة كنت بتذاكر وكنت بتقسم موادك ازاي ووكنت بتقسم موادك ازاي وكم مادة بتذاكرها في اليوم والعربي كان بيذاكر كل يوم او الادب وكذالك الامر الفيزياء والكيمياء كنت بتنظم ازاي
ارجو ان تجاوب علي الاسئلة وشكرا

محدش رد يلا يا جماعة هوه لازم اجابتي تبقي زي كتاب المدرسة عشان اضمن ان اقفل عشان لا مؤاخذة بيجيبوا ناس مش مدرسين بيعلموا هوه مستقبل الطلبة لعبة في ايديم الله يخربيتوهم

محدش رد يلا يا جماعة هوه لازم اجابتي تبقي زي كتاب المدرسة عشان اضمن ان اقفل عشان لا مؤاخذة بيجيبوا ناس مش مدرسين بيعلموا هوه مستقبل الطلبة لعبة في ايديم الله يخربيتوهم