تحت امركم فى اى استشارة او مساعدة [الأرشيف] - بوابة الثانوية العامة المصرية

مشاهدة النسخة كاملة : تحت امركم فى اى استشارة او مساعدة

الساعى للنجاح

12-08-2014, 12:46 PM

بسم الله الرحمن الرحيم
انا اسمى مصطفى و الحمد لله جبت 98.78 و داخل اولى طب بنها
انا استفدت من البوابة كتير اووى بصراحة و انا بشكر كل اللى ساعدنى فى يوم من الايام
و انا دلوقتى مستعد اجاوب على اي استفسار من الناس اللى داخلين 3 ث بخصوص اي حاجة فى السنة دى
فارجو يا جماعة ان اللى عندو سؤال يسالو وميتكسفش
و انا هنا تحت امركو و هحاهول اجاوب فاسرع وقت;)

أمــلــي فــ ربنـــا كبيــــر

12-08-2014, 12:53 PM

مبروك النجاح يا دُك
ياريت لو تحكيلنا عن تنظيم اليوم وجدولك في المذاكرة

Nourhan_nono

12-08-2014, 01:13 PM

كانت بتستعمل كتب خارجية اية فى كل المواد ؟؟؟

هبــة أحمـد

12-08-2014, 04:01 PM

كنت بتنظم وقتك ازاى مع الدروس الكتيييييييييييييييرة دى والمواد دى وكنت بتاخد اكتر من درس ف مادة ولا ايه ؟

أمــلــي فــ ربنـــا كبيــــر

12-08-2014, 05:16 PM

وكنت بتذاكر جامد في اول السنه ولا علي خفيف بس ؟؟؟لاني خايفه اشد علي نفسي واتعب بعدين :unsure: :(

doc sasa

13-08-2014, 09:12 AM

بسم الله الرحمن الرحيم
انا اسف عالتاخير فالرد يا جماعة
الحقيقة بالنسبة للسؤال الاول
فدى كانت اكبر مشكلة عندى ان انا سبت الدروس هيه اللى تنظملى و قتى و بقيت بذاكر على حسب الدروس و اللى عندى بكرة و ده من اكبر الاخطاء اللى انا وقعت فيها و ارجووكو حاولو تظبطو مذاكرتكو و تمشو الدروس عليها مش العكس عشان تقدرو تذاكرو الدرس بعد ما ترجعو على طول عشان ده مهم جدا و هيخليكو مرتاحين نفسيا و حاسين انا ما وراكوش حاجات كتير وده برده مهم اوى

بالنسبة لموضوع جدول المذاكرة فانا الحقيقة عمرى ما مشيت على جدول لكن افضل اسلوب لقيته هو تحديد الحاجات اللى ورايا النهاردة مثلا و اكتبها فى ورقة و كل ما اخلص جاجة اشطبها وده بيرفع معنوياتنا و يساعدنا اننا نكمل و منزهقش بسرعة

بالنسبة للكتب الخارجية

العربى الاضواء (مذاكرة)+الوسام + الرسالة مراجعة نهائية او اى كتاب فيه اسئلة امتحانات قديمة متجاوبة

english توب و بست وسنيور و gem

الفرنساوى برافو شرح + مرسى مراجعة + مذكرة المسيو

الكيميا (لغات)المعاصر + مذكرة المستر شرح ومراجعة

الفيزيا (لغات)الوسام مسائل وشرح و سامى بوك امتحانات و مذكرة المستر

الاحياء لغات سامى بوك شرح و حل و مراجعة

الجيولوجى الامتحاان شرح (لازم تتذاكر من الامتحان بعد مراجهتها بكتاب الوزارة عشان فى حاجات بينسوها او من اى مذكرة مطابقة لكتاب الوزارة بس اوعوا المذكرات المختصرة بتودى فداهية )+ الامتحان مراجعة و كشكول الاول

حكاية تنظيم الوقت دى متركزيش فيها اوى عشان هتتعبى فحاولى تذاكرى على قد ما تقدرى و متضيعيش وقت كتير فالبيت عشان الدروس بتضيع وقت كتير اوى و متقلقيش من الوقت اللى الدروس بتضيعو لان كل الناس كده

و انا كنت باخد فى كل مادة درس واحد ما عدا الفيزيا روحت لواحد تانى شرح و سبتو فى المراجعة و العربى روحت لواحد تانى فى الاخر مراجعة و انا ما بنصحش بدرسين فى اى مادة الا لو فى مشكلة فالمادة دى

و بالنسبة لموضوع المذاكرة فاول السنة بلاش تموتى نفسك اوى زاكرى اللى بتاخديه و حلى عليه عالسريع و خدى كده اول شهر لحد ما توصلى لاحسن حاجة فبداية الشهر التانى و اهم حاجة المستوى الثااااااااااااابت طول السنة لأن ناس كانت بتموت نفسها اول السنة و فالاخر تزهق و تسيب الكتاب خالص و جابو مجاميع مش قد كده

و ربنا يوفقكو ان شاء الله سنة سهلة عليكو و خلى دايما احلامكو قدامكو و الله العظيم ما فيش تعب فى الدنيا تساوى فرحة اهلكو يوم النتيجة

و لو عايزين حاجة تانى انا موجود وهحاول ارد فاسرع وقت

أمــلــي فــ ربنـــا كبيــــر

13-08-2014, 09:21 AM

حاولو تظبطو مذاكرتكو و تمشو الدروس عليها
ازاي يا دُك؟؟

..Ginger..

13-08-2014, 11:39 AM

hazemon

13-08-2014, 01:29 PM

بقولك بالنسبة للعربي لما اجي اذاكر القراءة واحل عليه بحل معظم الاسئلة غلط ان لم يكن معظمها وبحس ان الاسئلة برة الدرس اعمل ايه فيها وكذالك الامر في باقي الفروع وشكرا

الساعى للنجاح

13-08-2014, 04:38 PM

ازاي يا دُك؟؟

انا قصدى متبقيش بتذاكرى اللى عليكى بكرة فى الدرووس

قصدى ترجعى من الدرس تذاكرييه مش تحلى واجبات بكرة عشان الحاجة لما بتتذاكر بعد الدرس على طول بتفرق كتير

الساعى للنجاح

13-08-2014, 04:43 PM

بجد شكرا جدا وبالذات لأنك قولت ان في كتب خارجية للفيزياء والكيمياء لغات .. طمنتني :d
بس هو الوسام ده كان لغات ولا عربي؟؟
وكتاب واحد كفاية عان الكيمياء والفيزياء ولا في رأيك ازود كتب تانية حتي لو عربي واحل منها؟؟

الوسام لغات كويس حاولى تخلصيه عشان لامم كل الافكار

و شوفى لو المستر بتاعك عامل مذكرة اهتمى بيها برده

و بعد كده عاوزة تبصى على حاجة بصى عليها (لو فضل عندك وقت )

بس منصحكيش بالوسام لغات كيميا خليكي فالمعاصر احسن

..Ginger..

14-08-2014, 07:41 PM

الوسام لغات كويس حاولى تخلصيه عشان لامم كل الافكار

و شوفى لو المستر بتاعك عامل مذكرة اهتمى بيها برده

و بعد كده عاوزة تبصى على حاجة بصى عليها (لو فضل عندك وقت )

بس منصحكيش بالوسام لغات كيميا خليكي فالمعاصر احسن

معلش بس هو الوسام لغات كيميا وحش ؟ ولو كده ممكن اعرف عيوبه؟

الساعى للنجاح

14-08-2014, 10:08 PM

الوسام لغاات بيجيب مسائل صعبة و افكار بعيدة شوية

براحتك اسالى مدرسك برده يمكن يكون له راى تانى

دى برولى

16-08-2014, 10:48 PM

الف مبروك يا عموونا
ان شاء الله التوفيق دايما
ليك ولكل زمايلنا :)

*Mohamed+Khaled*

20-08-2014, 05:36 AM