السلام على من اتبع الهدى ،

ف الاول معلش لانى هاطول اوى ف كلامى
ممكن اقول كلام كتير مالوش لازمة بس بجد حاسة انى مخنوقة اوى وعايزة اتكلم
تعبت اوى من انى اكلم نفسى
حتى اقرب صديقة ليا .. كل ماجى اكلمها احس ان لسانى وقف ودماغى مش قادرة تفكر

حاولت كتير اكتب الموضوع هنا
بس كل ماكتب ارجع امسح كل اللى كتبته
عشان خايفة من نظرتكم ليا

تخيلوا انى فكرت اكتب موضوع على شكل قصة
واطلب رأيكم فيها

فكرت اقول انها مشكلة لواحدة صاحبتى
بس مارضيتش اكدب

انا عمرى ما كنت كدة
طول عمرى باقول اهلى واصحابى ودراستى والباقى ( ف ستيين داهية )
انا حاسة ان كل الكلام اللى قولته ده مش ليه لازمة
بس انا باكتب الكلام اللى طالع منى بجد من غير ماغير ولا حرف
مش هامسح ولا كلمة

الموضوع ابتدا ببداية معرفتى بالنت
كنت ساعتها ف اعدادى يعنى لسة طفلة
بالمناسبة عمرى دلوقتى 15 سنة وشوية
المهم
اخدت ايميل صاحبتى ف المدرسة
اصلا احنا مش اصحاب اوى
يعنى مجرد زمالة
عرفتنى على منتدى
شاركت فيه

اتعرفت من هناك على ناس كتير
بنات وشباب
كنت شايفة الموضوع عادى
ومش فيها حاجة
حتى ماحاولتش اتكلم معاهم ف البيت على اللى باعمله
كنت باقول طالما مش باعمل حاجة غلط خلاص
وعدت سنين
لحد اولى ثانوى
وباعتبر نفسى ساعتها دماغى كبرت شوية

واحد من اللى اتعرفت عليهم دول
معرفتى بيه اتطورت شوية
بقينا نتكلم كتير
جه ف مرة قالى بحبك
بمنتهى السرعة قولتله لاء
قولتله ماينفعش
فهمته ان حياتى كلها اهلى واصحابى ودراستى
ماينفعش افكر ف الحب
وانا واثقة انى هافشل
هو انسحب بمنتهى الهدوء
وسابنى عمالة افكر وكنت هاموت نفسى من التفكير
لحد بعدها بشهور

ايام امتحاناتى السنة دى
ف لحظة من اللحظات الكتير اللى كنت باحس فيهم باليأس
وكنت باحس ان طريقى مسدود
كنت باحتاج اتكلم مع اصحابى
الناس اللى عارفة انهم هايقفوا جنبى ويحاولوا يهدونى شوية

اول ما فتحت الايميل
لقيته كلمنى
اتكلم عادى
زى ما كنا بنتكلم واحنا اصحاب
كنت مستغربة اوى وانا اصلا حالتى النفسية كانت زفت
بس فرحت اوى اوى اوى
والله العظيم فرحت من كل قلبى

شكرت ربنا انه نسى
ورجعنا تانى اصحاب واخوات
ماتكلمناش غير اليوم ده
وبعد كدة كنت بافتح لمجرد انى اسلم عليه وامشى
ماكنتش باخد اكتر من 3 دقايق

بعد الامتحانات بقى
بقينا نتكلم كتيير اوى
كلامنا بيبدأ الساعة 12 بعد نص الليل
وينتهى تانى يوم وقت الضهر كدة
يعنى تقريبا نص اليوم بنكلم بعض
والنص التانى بننام وناكل ونشرب

كلمنى تانى ف موضوع انى مش ف دماغى الحب
وف كلامى ليه لما قولتله انا لو حبيت حد هادفن الحب ده جوايا وهانسى
قالى حاولى تبقى انتى وماتفرضيش قيود على نفسك
حاول يقنعنى بس ماقدرش
او انا بينتله انه ماقدرش وغيرت الموضوع
بس جوايا بقيت اعيد التفكير

جه ف يوم كلمنى عن بنت كان بيحبها
وف اخر كلامه قالى بس ده مش حب
وقالى : انا حبيتك بجد
ساعتها حسيت باحساس غريب
حسيت ان فيه صوت جوايا خانقنى
بيقولى انتى ليه بتعملى كدة

حسيت ساعتها انى عايزة ارجع بالوقت
واغير الموضوع ده قبل ما يقولى الكلمة دى
قالى انتى رفضتينى وانا مش ممكن ارجع لحد رفضنى
مع انى ماقولتش حاجة
بس انا حسيت انه عايز يتكلم ف سيبته يتكلم

بعد ما خلص لقيت انى بادافع عن نفسى شكل غريب
قولتله انا مارفضتكش
انت عارف انه مكانش بايدى وعارف انا تفكيرى ازاى

ساعتها فضلنا نتكلم كدة كتير
وبنلف ف دايرة مقفولة
لحد ما قولتله هامشى
لان كان ورايا معاد مع صاحبتى

الموضوع اتفتح مرة تانية
وبرضو انا بنفس الطريقة بادافع عن نفسى
وهو بيحسنى انى اهنته
وانى جرحته
كلامه كان بيقتلنى
وخصوصا كلمته : انا مش هارجع لحد رفضنى

حبيته
بجد حبيته
كتبت الكلمة وقبل مابعتها لقيت انى كدة بانهى علاقتنا ببعض
واللى ممكن احاول ارجعها للاول
اتنين اخوات

ف مسحت الكلمة
وفعلا رجع الوضع طبيعى تانى
ورجعنا نتكلم تانى
وكل ده بيحصل بسرعة جداا

وف يوم تانى
ابتدت المشكلة
بعد ما كنا قاعدين نهرج ونضحك
قالى فجأة كلمة تعبتنى اوى
قالى تعرفى انى لسة بحبك
وجعتنى اوى الكلمة دى
حسيت انها بتقتلنى

مارديتش
قالى ما هو كان لازم اقول
ماكنتش قادرة ارد عليه
كنت مصدومة
كلامه بيدينى فرصة اطلع اللى جوايا
كلامه كان بيعذبنى بس ف نفس الوقت بيدينى طريق اخلى الحب اللى موتته جوايا يعيش تانى

سألنى
انتى بتحبينى
قولتله ايوة
قالى ماقولتيش ليه وانا حاسس بكدة

مش فاكرة قولتله ايه
بس طلعتكل اللى جوايا بجد
ماخبيتش عنه اى حاجة
قولتله على كل اللى انا حسيته وليه ماقولتش
وايه اللى كان مانعنى اتكلم

وف نفس الوقت
قالى لما اتخرج هاجى اخطبك
وكملنا كلامنا
كان بيحاول يوصلى قد ايه هو ارتاح لما قولتله الكلمة دى

كان خايف انى اكون كدبت وقولت ايوة
بس انا مش حاسة بكدة
لمجرد انى مازعلهوش
طمنته
قولتله انت اكتر حد عارف انى باحارب نفسى عشان مانطقش بالكلمة دى
ف طالما طلعت منى يبقى ده احساسى فعلا

اتكلمنا يومين بعد ما حصل ده
وتالت يوم
قولتله انا هاخرج عشان هاصحى بدرى
وفعلا كانت دى الحقيقة
بس ماقدرتش انام
فكرت كتير اوى ف كل حاجة
مش بس الموضوع ده
لكن حياتى كلها

انا حاسة انى بعدت اوى عن ربنا
حاسة ان مجموعى الزفت ده كان عقاب من ربنا ليا
فكرت ف كل حاجة من الاول
وكأنى باعيد فيلم قدام عينيا

قعدت يومين كاملين بافكر
كلمته دلوقتى
من شوية
قولتله كل حاجة
كل اللى فكرت فيه وحسيت بيه

قولتله انى طول عمرى باقول لنفسى
لما اخبى حاجة باعملها تبقى الحاجة دى غلط
قولتله ان ف البيت عندى مش عارفين انى باتكلم معاك او مع اى حد تانى
قولتله انى كذا مرة احاول ابعد عن النت وماقدرش
قولتله انى خايفة من ربنا وحاسة انى بعيدة اوى عنه
قولتله كل حاجة

قالى انه كان حاسس بكدة من الاول
قالى انه كان بيحاول يصارع نفسه
قالى انه غلط مرتين

قولتله انا لسة بحبك
قالى الانسان مش بيتعلم بالساهل لازم هايغلط

قولتله انت غلطت لما اخترت غلط وانا غلطت لما حاولت اقنع نفسى ان الموضوع مافيهوش حاجة
وكل حاجة هاتمشى تمام وان المهم انى ماعملش حاجة غلط
غلطت لما نسيت مبدأى
انى لما اخبى حاجة تبقى غلط

قولتله انه مش بايدى وانى مجبرة على ده
قالى انسى كل اللى فات
ولا كأن اى حاجة حصلت
قالى هاكلمك عادى واكتر من الاول
وهاخاف عليكى زى اختى مش اكتر

كلمة ( مش اكتر ) دى خنقتنى اوى
حسيت ان حبه ليا هايقل

طب ليه زعلت
مانا بكلامى طلبت منه ده
مش عارفة
انا تعبانة اوى

قالى ماتفتحيش الموضوع تانى
ولا من قريب ولا من بعيد
قالى انا ضحيت بكرامتى مرة ومش هاضحى تانى
الكلمة دى جرحتنى اوى

معقول انا عملت فيك كل ده
معقول الانسان الوحيد اللى احبه اعمل فيه كدة
معقول الوحيد اللى اتمنيت يكون ليا طول عمرى اعمل معاه كدة

حسسنى انى مش انسانة
وانى جرحته اوى

قالى انا عارف انه مضغوط عليكى
وانك مش راضية بالوضع ده
وده حقك
وانا من حقى انسى واشوف نقطة ضعفى واتغلب عليها

وبعدها غير الموضوع بسرعة جدا واتكلم ف حاجة تانية
اتكلمت معاه وباكلمه لحد دلوقتى
واحنا الاتنين بننسى او بنتناسى

انا باحبه اوى
عمرى ما حسيت الاحساس ده ناحية اى حد
والله العظيم باحبه ومش هانساه
بس هو عنده حق
من حقه ينسى
لكن انا مش هانسى

ربنا يوفقك يا حبيبى
يا اخويا
ياا رب تنسانى بسرعة
مع انى خايفة كلامنا يجرح فيك
ويعذبك زى ما بيعذبنى
انا ممكن اكون باكلمك عادى دلوقتى
بس والله تعبانة اوى

جوايا نااار
مش قادرة اعمل حاجة
ليه عملت كدة فيا
ليه خليتنى اعمل كدة فيك
ليه خليتنى اجرحك
انا عمرى ما هاغفر لنفسى اللى انا عملته

يا رب انت تسامحنى
الله اعلم اذا كان ممكن تشوف كلامى ده ولا لاء
ممكن تشوفه بالصدفة وهاتحس ان دى انا
بس انا مش عايزاك تشوفه عشان ماجرحكش اكتر من كدة

كتيير اوى باتمنى الموت
بس باخاف اكون كافرة
وباخاف من حساب ربنا ليا
انا بعيدة اوى عن ربنا

ادعولى يا جماعة

عايزة اعرف ردكم عليا
ممكن ماتلاقوش كلام تقولوه
بس عايزة اعرف ردكم بجد بمنتهى الصراحة
قولوا عنى اى حاجة
مش هايكون اكتر من اللى باعمله ف نفسى

شكرا يا نسمة انك اديتينى باس وورد العضوية
وانا اسفة انى عملت الموضوع هنا
بس فيه ناس معينة انا عايزة اشوف ردهم
وممكن مايردوش عليا هناك

لا حول ولا قوة الا بالله ......................لا تعليق


أختي في الله...املأى قلبك بحب الله ورسوله والصحابة والقران ...وغفرلكي الله ما سلف..وياريت توعديني متشيتيش أبدا أبدا في حياتك مع راجل غريب حتى لو خطيبك ...كي يسعد زوج المستقبل بزوجته الكريمة الجوهرة المكنونة المحفوظة ...وجهي اهتماتك للدراسة والعلم وكل هذه أوهام المراهقة ....حفظك الله ورعاك وحماك وهداكي
لكي مني كل الامنيات بالسعادة والهنا.......بانتظار وعدك

اختى فى الله صحيح ان انا داخل اولى ثانوى بس اسمحى لى ان انا اتكلم مع حضرتك

اى واحدة لما بتحس انها زعلت واحد بتزداد حبها ليه حتى لو فى الاول لم تكن تحبه اما بخصوص موضعك لسة حوالى شهر على الدراسة راجعى نفسك ورتبى كل اوراقك زى مانابعمل لانى فى 3اعدادى جيبت التترم الاول132 اطصدمت اوى بس راجعت منظومة عقلى كله ورتبته من جديد وابتدات اصلى زيادة ع الاول وكانت النتيجة مبهرة فى الترم الثانى136 والحمد لله ولو انتعلى اتصال بالشخص ده اساليه انت لسة متمسك بية ولا ان قال اه اتفقى معاه انكلم كل خميس او جمعة تتقابلوا فى نادى تحكو لبعض كل مشاكلكم الدراسية والعامة وهو يخفف عنك وانت تخففى عنه الى ان يتخرج ولو كان متمسك بك صحيح سياتى بعد تخرجه ويخطبك شوفت الحل سهل ازاى وانا الحمدلله كنت عايز اصاحب اى واحدة بس فىفصلى بيطلقوا على المؤدب لانى لا ابص حتى لبنت وتاكدى ان الحكاية دى لو حصلت لى كنت هاعمل نفس الحكاية انت اكيد شفت الحل قومى اغسلى وشك او خذى دش جامد وفوقى ورتبى اوراقك من جديد وان سمحت ياختى انك تكتبى لى انت عملت ايه مع الشخص او حتى الحل عجبك ولا اشوف حل تانى وكويس انى شوفت مشكلبتك عالاقل عشان اتعلم واشكرك واتمنى لك التوفيق

السلام عليكم

بصى ياستى اولا الى عملتيه دة عين الغلط
انك تحبى واحد من مجرد كلام مش ينفع خااااااااااالص
وانك تسيبى نفسك تتعلقى بيه برضه غلط
بس ماعلينا الى حصل حصل

المهم بقى دلوقتى
انتى لازم تشيلى الموضوع دة من دماغك نهائى
ومش تقولى مش قادرة لا هتقدرى الانسان العاقل
هو الى يحكم عقله على قلبه
مش يسيب قلبه يتحكم فيه

طلعى الموضوع دة من دماغك وادعى ربنا انك تنسىا لى حصل

ونصيحة منى ابعدى عن علاقات الحب الى عن طريق النت
كلها علاقات فاشلة
ولا حالة شوفتها لحد دلوقتى نجحت
كلهم فى الاخر بيتعذبوا

انتى الحل بايدك وباردتك انتى
ياتطلعى نفسك من المشكلة دية
بانك تجمدى قلبك وتتحكمى فيه

ياما تسيبى نفسك لقلبك يتحكم فيكى
وتستنى بقى النتيجة المرة

ربنا معاكى ياحببتى وانتى لازم تساعدى نفسك
ولازم تخرجى بجد مالموضوع دة باسرع مايمكن

لا حول ولا قوة الا بالله ......................لا تعليق


أختي في الله...املأى قلبك بحب الله ورسوله والصحابة والقران ...وغفرلكي الله ما سلف..وياريت توعديني متشيتيش أبدا أبدا في حياتك مع راجل غريب حتى لو خطيبك ...كي يسعد زوج المستقبل بزوجته الكريمة الجوهرة المكنونة المحفوظة ...وجهي اهتماتك للدراسة والعلم وكل هذه أوهام المراهقة ....حفظك الله ورعاك وحماك وهداكي
لكي مني كل الامنيات بالسعادة والهنا.......بانتظار وعدك
متشكرة اوى لرد حضرتك
ودعائك
ومش محتاجة اوعد حضرتك بانى مش هاكلم حد تانى
لانى فعلا قررت ده
ومش عشان زوج المستقبل ولا حاجة
بس عشان اللى كانت بتعمل ده مش انا
انا عمرى ما كنت ولا هاكون كدة !!
اختى فى الله صحيح ان انا داخل اولى ثانوى بس اسمحى لى ان انا اتكلم مع حضرتك

اى واحدة لما بتحس انها زعلت واحد بتزداد حبها ليه حتى لو فى الاول لم تكن تحبه اما بخصوص موضعك لسة حوالى شهر على الدراسة راجعى نفسك ورتبى كل اوراقك زى مانابعمل لانى فى 3اعدادى جيبت التترم الاول132 اطصدمت اوى بس راجعت منظومة عقلى كله ورتبته من جديد وابتدات اصلى زيادة ع الاول وكانت النتيجة مبهرة فى الترم الثانى136 والحمد لله ولو انتعلى اتصال بالشخص ده اساليه انت لسة متمسك بية ولا ان قال اه اتفقى معاه انكلم كل خميس او جمعة تتقابلوا فى نادى تحكو لبعض كل مشاكلكم الدراسية والعامة وهو يخفف عنك وانت تخففى عنه الى ان يتخرج ولو كان متمسك بك صحيح سياتى بعد تخرجه ويخطبك شوفت الحل سهل ازاى وانا الحمدلله كنت عايز اصاحب اى واحدة بس فىفصلى بيطلقوا على المؤدب لانى لا ابص حتى لبنت وتاكدى ان الحكاية دى لو حصلت لى كنت هاعمل نفس الحكاية انت اكيد شفت الحل قومى اغسلى وشك او خذى دش جامد وفوقى ورتبى اوراقك من جديد وان سمحت ياختى انك تكتبى لى انت عملت ايه مع الشخص او حتى الحل عجبك ولا اشوف حل تانى وكويس انى شوفت مشكلبتك عالاقل عشان اتعلم واشكرك واتمنى لك التوفيق
ممكن يكون معاك حق ف ان السبب احساسى بانى جرحته
ممكن ..
بس موضوع اننا نتقابل او نتكلم تانى ده ماينفعش
هابقى باعذبه وباعذب نفسى
السلام عليكم

بصى ياستى اولا الى عملتيه دة عين الغلط
انك تحبى واحد من مجرد كلام مش ينفع خااااااااااالص
وانك تسيبى نفسك تتعلقى بيه برضه غلط
بس ماعلينا الى حصل حصل
معاكى حق
وللاسف الحاجة اللى كنت باقول عليها غلط طول عمرى
وقعت نفسى ف الغلط ده
المهم بقى دلوقتى
انتى لازم تشيلى الموضوع دة من دماغك نهائى
ومش تقولى مش قادرة لا هتقدرى الانسان العاقل
هو الى يحكم عقله على قلبه
مش يسيب قلبه يتحكم فيه
ما هو لازم بس بجد مش قادرة
اول مرة احس انى ظلمت حد كدة
طلعى الموضوع دة من دماغك وادعى ربنا انك تنسىا لى حصل

ونصيحة منى ابعدى عن علاقات الحب الى عن طريق النت
كلها علاقات فاشلة
ولا حالة شوفتها لحد دلوقتى نجحت
كلهم فى الاخر بيتعذبوا
انا عايزة ابعد عن اى علاقة حب
وعن اى كلام على النت
الاتنين افشل من بعض
النهاردة بس اكتشفت انه ماينفعش صداقة بين ولد وبنت
وشكرت ربنا عشان ادانى اصحابى اللى دايما جنبى
ادعيلى يا نسمة
انتى الحل بايدك وباردتك انتى
ياتطلعى نفسك من المشكلة دية
بانك تجمدى قلبك وتتحكمى فيه

ياما تسيبى نفسك لقلبك يتحكم فيكى
وتستنى بقى النتيجة المرة

ربنا معاكى ياحببتى وانتى لازم تساعدى نفسك
ولازم تخرجى بجد مالموضوع دة باسرع مايمكن
الحمد لله انى نهيت الموضوع معاه
وانه تقبل ده وفهمنى
انا عارفة كويس ان الحل مش هاييجى غير منى
بس انا طلبت منك العضوية وكتبت الموضوع لانى كنت محتاجة اتكلم
ومحتاجة لحد يسمعنى
ومحتاجة اوى تدعولى

ويا ريت يا نسمة بجد
لو اتكونت عندك صورة كويسة عنى
بلاش تخليها تتهز بسبب الكلام ده
ممكن اكون طلعت اوى الجزء الضعيف منى
بس اللى شجعنى ان اصلا ماحدش هايعرف انا مين

اجمل لحظات الصدق التي يعيشها الانسان مع نفسه

عندما يفكر فيما فعله وارتكبه من اخطاء

وما اجمل العودة الي الله ان كنتي صادقة العهد والوعد مع الله

لكي كل االمنيات الطيبة

بسم الله الرحمن الرحيم
بصي يا قمر اولاً الموضوع ابتدا غلط
انك تكلمي شباب على النت غلط ..
عارفه انا كنت زيك بكلم شباب عالنت أكتر من البنات كمان ..
لحد ما في يوم زهقت و اتخنقت من كترهم و قلت ايه اللي انا بعمله ده ..
وحسيت بنفس اللي إنتِ حساه ده .. و زعلت من نفسي اوي اوي
و حتى اخويا الكبير اللي مش بخبي عليه حاجه .. خبيت عليه حكاية اني بكلم شباب عالنت دي
لحد ما في يوم كان فيه واحد لازقه بجد يعني .. جه و جالي بحبك .. من غير مقدمات
انا كنت برفضه زيك .. و بقوله مافيش حاجه اسمها حب من عالنت .. انت لا تعرفني ولا شوفتني و حاولت اقنعه بشتى الطرق .. إنه يقتنع .. أبداً
و بعدين كان بيطلب نمرة موبايلي باستمرار و انا بقوله لأ .. لإني مش بكلم شباب عالموبايل ولا حاجه ..
لحد ما قال لي كلمه جرحتني اوي اوي و هي اللي دفعتني لإني امسح كل الشباب اللي عالميل و اغير الميل كمان
قلت له عيب انك تطلب رقم موبايلي .. انا بكلم عالإيميل شباب عادي لإنك مش شايفني ولا سامع صوتي
قالي"لا مش عادي .. اللي تكلم عالإيميل .. تكلم عالموبايل"
اتضايقت منه اوي اوي .. و شتمته و عملت له بلوك ومش كلمته تاني
و رجعت لربنا .. و توبت اليه و استغفرت على كل ذنوبي و قعدت اعيط كتير ..
عارفه عشان انا سبتهم عشان ربنا .. ربنا عوضني بحاجات كتير
و كل يوم بحس ان ربنا بيعوضني بحاجات كتير الحمد لله
و احلى حاجه ربنا عوضني بيها .. الراحه النفسيه ..

المهم يا قمر
مش لازم تكلميه تاني .. و حاولي تغيري الإيميل .. انا عارفه و حسيت من كلامك انك حاسه انك ظلمتيه
بس مش ظلمتيه ولا حاجه .. ده إحساسك ناحيته ساعتها .. انتِ دلوقتي بتحبيه مش كده؟؟
و قادره تتغلبي عالحب ده ..
بس يا قمري اطلبي من ربنا انه يساعدك و يهديكي لقرار سليم
و ارجعي لربنا .. ربنا بيفرح بتوبة العبد ليه .. و رجوعه اليه ندمان منكسر على كل اللي عمله
بصي يا جميل .. الموضوع من أوله غلط .. و ابعدي من العلاقات اللي عالنت بين الولد و البنت
و مافيش حاجه في عصرنا ده اسمها صداقه بين ولد و بنت .. اصلاً الإسلام بيرفضها ..
حاولي تطلعي من اللي انتِ فيه
و انصحك انك تقربي من ربنا اكتر .. صلي صلاة قيام بالليل و الناس نايمه و ادعي ربنا و اشكي له همك
هتحسي براحه ما بعدها راحه
و بعد صلاة القيام صلي شفع و وتر و نامي .. هتصحي على صلاة الفجر فرحانه و مبسوطه و حاسه براحه غريبه مصدرها قربك من ربنا
ابعدي عن الأغاني في الحاله دي و دي فرصه كمان عشان تبعدي عن الأغاني لإنها حرام
و تستبدليها بالقرآن ..
عارفه يا قمر انا لما ببقى متضايقه اوي كده بعمل ايه
بصلي ركعتين و اقوم أقرأ سورة يوسف .. و اتمعن معانيها اوي .. و اشوف المحن اللي مر بيها سيدنا يوسف ... و ازاي بقى وزير في مصر و من ملوكها
فقومي صلي ركعتين و استعيذي بالله من الشيطان
و ربنا يريحك و يريح قلبك

اجمل لحظات الصدق التي يعيشها الانسان مع نفسه

عندما يفكر فيما فعله وارتكبه من اخطاء

وما اجمل العودة الي الله ان كنتي صادقة العهد والوعد مع الله

لكي كل االمنيات الطيبة
متشكرة جداا لرد حضرتك
بسم الله الرحمن الرحيم
بصي يا قمر اولاً الموضوع ابتدا غلط
انك تكلمي شباب على النت غلط ..
عارفه انا كنت زيك بكلم شباب عالنت أكتر من البنات كمان ..
لحد ما في يوم زهقت و اتخنقت من كترهم و قلت ايه اللي انا بعمله ده ..
وحسيت بنفس اللي إنتِ حساه ده .. و زعلت من نفسي اوي اوي
و حتى اخويا الكبير اللي مش بخبي عليه حاجه .. خبيت عليه حكاية اني بكلم شباب عالنت دي
لحد ما في يوم كان فيه واحد لازقه بجد يعني .. جه و جالي بحبك .. من غير مقدمات
انا كنت برفضه زيك .. و بقوله مافيش حاجه اسمها حب من عالنت .. انت لا تعرفني ولا شوفتني و حاولت اقنعه بشتى الطرق .. إنه يقتنع .. أبداً
و بعدين كان بيطلب نمرة موبايلي باستمرار و انا بقوله لأ .. لإني مش بكلم شباب عالموبايل ولا حاجه ..
لحد ما قال لي كلمه جرحتني اوي اوي و هي اللي دفعتني لإني امسح كل الشباب اللي عالميل و اغير الميل كمان
قلت له عيب انك تطلب رقم موبايلي .. انا بكلم عالإيميل شباب عادي لإنك مش شايفني ولا سامع صوتي
قالي"لا مش عادي .. اللي تكلم عالإيميل .. تكلم عالموبايل"
اتضايقت منه اوي اوي .. و شتمته و عملت له بلوك ومش كلمته تاني
و رجعت لربنا .. و توبت اليه و استغفرت على كل ذنوبي و قعدت اعيط كتير ..
عارفه عشان انا سبتهم عشان ربنا .. ربنا عوضني بحاجات كتير
و كل يوم بحس ان ربنا بيعوضني بحاجات كتير الحمد لله
و احلى حاجه ربنا عوضني بيها .. الراحه النفسيه ..

المهم يا قمر
مش لازم تكلميه تاني .. و حاولي تغيري الإيميل .. انا عارفه و حسيت من كلامك انك حاسه انك ظلمتيه
بس مش ظلمتيه ولا حاجه .. ده إحساسك ناحيته ساعتها .. انتِ دلوقتي بتحبيه مش كده؟؟
و قادره تتغلبي عالحب ده ..
بس يا قمري اطلبي من ربنا انه يساعدك و يهديكي لقرار سليم
و ارجعي لربنا .. ربنا بيفرح بتوبة العبد ليه .. و رجوعه اليه ندمان منكسر على كل اللي عمله
بصي يا جميل .. الموضوع من أوله غلط .. و ابعدي من العلاقات اللي عالنت بين الولد و البنت
و مافيش حاجه في عصرنا ده اسمها صداقه بين ولد و بنت .. اصلاً الإسلام بيرفضها ..
حاولي تطلعي من اللي انتِ فيه
و انصحك انك تقربي من ربنا اكتر .. صلي صلاة قيام بالليل و الناس نايمه و ادعي ربنا و اشكي له همك
هتحسي براحه ما بعدها راحه
و بعد صلاة القيام صلي شفع و وتر و نامي .. هتصحي على صلاة الفجر فرحانه و مبسوطه و حاسه براحه غريبه مصدرها قربك من ربنا
ابعدي عن الأغاني في الحاله دي و دي فرصه كمان عشان تبعدي عن الأغاني لإنها حرام
و تستبدليها بالقرآن ..
عارفه يا قمر انا لما ببقى متضايقه اوي كده بعمل ايه
بصلي ركعتين و اقوم أقرأ سورة يوسف .. و اتمعن معانيها اوي .. و اشوف المحن اللي مر بيها سيدنا يوسف ... و ازاي بقى وزير في مصر و من ملوكها
فقومي صلي ركعتين و استعيذي بالله من الشيطان
و ربنا يريحك و يريح قلبك


بجد يا بوسى كلامك ريحنى اوى
ممكن يكون ربنا عمل كدة عشان اعرف الصح من الغلط
والحق تانى ارجع وابقى انا
فعلا
الانسان مش بيتعلم بسهولة
ولازم اغلط عشان اتعلم من غلطاتى
الحمد لله
بجد انتى مش عارفة ريحتينى اد ايه
ربنا يخليكى ليا ياا رب

الحمد لله اللهم لك الحمد ولك الشكر كما ينبغي لجلال وجهك وعظيم سلطانك......بارك الله فيكي وانا متاكد انه مش عشان زوج المستقبل ولا شي......حقق لكى الله كل احلامك ....بجد بجد ...انتى فتاة رائعة .....جزاكي الله ألف خير ويا ريت لو تعرفي بنات يعني....تشديهم معاكي للطريق الصح....حفظك الله ورعاك وحماك وهداكي
لكي مني كل الامنيات بالسعادة والهنا.......

ازيك يا حبيبتي عامله ايه يارب تكوني دلوقتي بخير انا عرفت انك خلاص سيبتوا بعض وانا فرحت بس انا هرد زي كاني معرفتش انك سيبتيه عشان البنات اللي يدخلوا يعني يستفيدوا شويه بصي يا حبيبتي انا اكبر منك اه فعلا انا اكبر منك بحوالي سنتين بس اعرف كتير عنك انا عاوزاكي كده تسالي نفسك سؤال الراجل دا دخل حياتك انتي ازاي ؟ ودخل حياه بنات تانيه ازاي اسالي نفسك كده واعملي مقارنه هتلاقي حاجه سخيفه هي ان الطريقه هي هي صح الاول يقول للبنت انا مؤدب انا محترم انا وانا وانا وانا طبعا البنت تقول لأ دا مجرد اخ هو بعدها بفتره يقولها ايه انا بحبك حبك عفريت وخدك في حضنه البنت تفكر شويه ليه لأ دا كويس دا محترم دا دا دا دا تحبه بس موش بتحبه بجد ليه لانه اسمه حب مراهقه البنت الذكيه هي اللي تقدر في السن دا تحكم مشاعرها كويس كويس قوي معلش هكمل بكره عشان في حاجه حصلت

انا عايزة ابعد عن اى علاقة حب
وعن اى كلام على النت
الاتنين افشل من بعض
النهاردة بس اكتشفت انه ماينفعش صداقة بين ولد وبنت
وشكرت ربنا عشان ادانى اصحابى اللى دايما جنبى
ادعيلى يا نسمة

عرفتى ده متأخر !!
لكن الحمد لله انك عرفتيه
ربنا يحفظك وكل البنات
:)

ربنا يحفظك ويخليكى ويكرمك انتى وانا وبنات المسلمين ويحفظنا من النت ومصايبه بس الحمدلله الحمدلله ان انتى عرفتى الصح من الغلط والموقف ده هيقربك من ربنا اوى ويعلمك درس وهيكون عندك خبرة ف حياتك بعد كده وربنا يثبتك ويثبتنا كلنا ع الحق ويرد كل المسلمين لللحق