بصوا يا جماعة انا الانجليزي ضايع جدااااااااا فيه وتقريبا طالب ابتدائي يمكن حافظ كلمات اكتر مني قلولي اعمل ايه فيه عشان مش عاوز انقص فيه زيادة عن درجتين او اقفله طبعا مش مستحيل بس عاوز نصايح منكم
ثانيا هوه لازم اذاكر الفيزياء والكيمياء وكل المواد يوميا يعني مينفعش يوم ويوم وشكرا
ويا ريت تقلولي علي حل في الانجليزي والكلمات عشان انا ضايع وشكرا:022yb4::022yb4:

لو علي الكلمات ف بسيطه انت ممكن تجيب كتب اخواتك لو عندك حد اصغر منك وتحفظ كل الكلمات اللي فيهم او تركز اوي في ملخص وتحاول تفهم كل الامثله و التدريبات والكلمات المتداوله في اللغه وتحفظهم بس بردو لازم تهتم في كلمات التراجم والبراجرافات وتحفظ كل يوم
ومتنساش القواعد اكيد مهمه جدا خلي مدرس خصوصي يتابع معاك اول ب اول
انت هتتعب في الموضوع شويتين....بس اللي عايز حاجه لازم يسعي ليها
ربنا يوفقك

بسيطة جدا جدا......انا كنت اضيع منك فيه وعدى الموضوع الحمد لله


انت تذاكر الوحدات عادى ومع كل وحدة تحفظ حوالى 20 كلمة خارجية من ملزمة ترجمة او من الكلمات اللى بتكون من ورا فى سيربرايز او اى كتاب وبعدين لما تخلص المنهج وتبدأ فى المراجعة بتاعت الوحدات برضه اعمل نفس الحكاية واحفظ 20 كلمة مع كل وحدة فى المراجعة...مش هتحس بيهم لأن 20 قليلين ولكن مع اخر السنة هتلاقى نفسك جمعت كلمات لاحصر لها ومتخافش من موضوع النسيان ده شئ عادى

بص انا عندي ليك طريقة انا عن نفسي طبقتها وعجبتني جدا وبتسهل عليك حفظ الكلمات
انت اول حاجة تقرا الكلمات بالنطق الصحيح وبعد كده تسجلهم علي الموبايل بتاعك بصوتك وكل ماتخلص مذاكرة في مادة شغلهم واسمعهم مرتين تلاتة انت ورايح الدرس يكونوا معاك في ورقة وتقراهم في الطريق وبعدين قبل ماتنام هات المذكرة وابدا بحفظهم ** هتلاقي نفسك اساسا حفظتهم من التكرار ** وعلي فكرة الطريقة دي مش هتضيع بيها اي وقت في حفظ الكلمات

مخنووووووق من ام الكتاب مش عارف ليه

مخنووووووق من ام الكتاب مش عارف ليه

كلنا بنتخنق من الكتاب ولو من اول السنة

بس لما تفكر فى الايجابيات هتذاكر بكل رضا وحماسية ...فكر انت لو ذاكرت هتحقق حلمك انك تطلع مهندس او مدس او دكتور .الخ

فكر بفرحة اهل بيتك بيك بعد ظهور النتيجة.......كل ماتحس بالملل افتكر ده كله وافتكر ان الملل بيحارب كل زمايلك مش انت بس .....هتنجز بطريقة انت نفسك مش هتصدقها

حاول كل unit تحفظ كلماته أول بأول
وانجليزى تالته تقريبا مفيهوش جديد كتير يعنى كان المنهج من اولى ابتدائى بيتشرحلك جديد فانت حاول بقى تستفيد من النقطه دى
لما تروح الدرس اوعى تاجل المذاكرة تراجع بعد الدرس على طول وصدقنى هتفرق معاك جامد
وبالتوفيق

ابانوب انت موجود ولو موجود رد

يا جدعان اقصي عدد مواد في اليوم كم واذاكر العربي من اى كتاب عشان انا محتار اوي لان االعربي اكتر مادة خنقاني جداااا

مادتين فى اليوم يا باشا و اكتر من كده استهبال
و الماده الفهم طبعا هيا اللى تبدأ بيها بعدين تاخد فاصل راحه قصيرة بعدين تبدأ فى الحفظ
اما العربى فحالى حالك

ابانوب انت موجود ولو موجود رد

ارد على ايه؟

لو قصدك على عدد المواد فى اليوم الواحد فدى حاجة بترجع ليك انت


ممكن تذاكر مادتين او 3 فى اليوم عادى


انا احيانا كنت اذاكر مادة واحدة بس فى اليوم..........اهم حاجة مش عدد المواد...المهم انت انجزت فى المادة ولا لأ......سيبك من الشكليات بتاعت لازم اذاكر 4 او 5 مواد فى اليوم ....كده ممكن تكروت فى المذاكرة ومش هتستفيد.......وزى ماقولتلك ......زاكر على قد ماتستوعب ومش مهم الكم المهم الكيف


بالنسبة للعربى لو ورق المستر بتاعك حلو ممكن تذاكر منه ...ولو الورق مش حلو عليك وعلى كتاب الاضواء وده رائع بالذات فى النصوص .....بس الادب لازم بعد ماتحفظة س و ج عدى عليه قراية من كتاب المدرسة ربما تلاقى حاجة جديدة ولاكده ...لأن الادب بياجى من كتاب المدرسة

اما بالنسبة لموضوع الانجلش انا مجاوب فى كومنت قبل كده

ربنا يوفقك :)