|
مشاهدة النسخة كاملة : كل اللى فى طب المنصورة .............ممكن؟ كتكوتة بطوطة 27-08-2014, 03:13 PM السلام عليكم ورحمة الله وبركاته ازيكو يا دكاترة ؟ عاملين ايه ؟ الحمد لله ربنا ماضيعشى تعبنا فى الثانوية ممكن اللى فى طب المنصورة يكلمنا اكتر عن نظام الجامعة وازاى ننظم وقتنا وايه الصعوبات اللى ممكن نواجهها ؟ لكم منى جزيل الشكر المؤمن الصغير 30-08-2014, 02:34 AM أولاً: ألف مبروك لحضرتك تفوقك الكبير والتحاقك بطب المنصورة وإن شاء الله من تفوق إلى تفوق. ثانياً: طبعاً معروف لحضرتك إن في سنة أولى عندكم 4 مواد: 1- فيسيولوجي: 250 درجة. 2- أناتومي:250 درجة. 3- بيوكيمستري:150 درجة. 4- هستولوجي:150 درجة. طبعاً واضح من توزيع الدرجات تقسيم عدد ساعات المذاكرة على كل مادة. ثالثاً: لا شك أن حضور المحاضرات والسكاشن شيء مهم وأساسي، وفيه نسبة كتير من اللي بيرتبوا بيكتفوا بالمحاضرات ولا يلجؤوا للكورسات. رابعاً: المتابعة اليومية والمذاكرة أولاً بأول هي طريقك إلى الإمتياز بإذن الله. يعني المحاضرة اللي ناخدها لازم تتذاكر في نفس اليوم والمذاكرة هنا تعني أن القراءة فقط كافية حتى يسهل عليك المراجعة قبل الامتحان. ده اللي أقدر أقوله الوقت، أي حاجة تانية أنا في الخدمة. كتكوتة بطوطة 31-08-2014, 10:31 PM شكرا لحضرتك ع الرد والاهتمام وكلمة شكر مش كفاية بس ممكن اسال حضرتك سؤال ازاى نقدر نستغل الاجازة دى علما انى مش بقدر اذاكر فترة طويلة ف الدراسة وخايفة م النقطة دى وانا معايا كل كتب ومذكرات اولى بس مش اعرف ابدا اذاكر ازاى المؤمن الصغير 31-08-2014, 11:56 PM لا شكر على واجب يا دكتورة. بالنسبة لموضوع الدراسة في الأجازة فأنا شايف إن ده مش مستحب أوي. (حضرتك ممكن تعتبري الإجازة استراحة محارب). لإن ببساطة وقت الدراسة هيكون كافي جداً بإذن الله. وكمان لازم حضرتك تشيلي فكرة إنك مبتعرفيش تذاكري كتير، ده مينفعش في كليتنا خالص. يعني إن شاء الله لازم تحاولي تتدرجي في عدد ساعات المذاكرة (مستحضرة النية الخالصة وطلب العون من الله) مش المفروض تشدي على نفسك من الأول حتى تصلي بإذن الله إلى الامتياز بسهولة. بالنسبة للمذكرات اللي مع حضرتك هل هي جديدة؟ وهل هي بتاعة دكاترة من عندنا؟ كتكوتة بطوطة 01-09-2014, 10:14 AM اه المذكرات اللى معايا بتاع السنة اللى فاتت وهى بتاع دكاترة المنصورة شكرا للافادة ممكن اعرف لو فى المنتدى هنا محاضرات سنة اولى ولا لا؟ المؤمن الصغير 01-09-2014, 01:09 PM طيب كويس. الفيسيولوجي والأناتومي يفضل يتذاكروا من المذكرات. طبعاً الفيسيولوجي للدكتور لاشين، والأناتومي فيه كتير منهم د الشافعي ود محمود الهنداوي ود حسن رضا. أما الهستولوجي والبيوكيميستري فلا يوجد أفضل من كتاب الكلية. بالنسبة لتسجيل المحاضرات فمعتقدش إن فيه هنا غير تسجيلات د ناجي (بطب قصر العيني)http://www.thanwya.com/vb/showthread.php?t=468848، بس لو حضرتك عايزة الباقي ممكن أنزلها في أي وقت. كتكوتة بطوطة 01-09-2014, 02:29 PM لك جزيل الشكر على هذا المجهود الرائع جعله الله فى ميزان حسناتك المؤمن الصغير 01-09-2014, 06:28 PM لا شكر على واجب. نسأل الله لنا ولكم دوام التوفيق والنجاح،،، برينسس لى لى 29-03-2018, 02:32 PM الله يوفقك كما يمكنكم معرفة تفاصيل اكثر حول جراحات السمنة المفرطة فى مصر (http://drahmedelsobky.net/%D8%AC%D8%B1%D8%A7%D8%AD%D8%A7%D8%AA-%D8%A7%D9%84%D8%B3%D9%85%D9%86%D8%A9-%D8%A7%D9%84%D9%85%D9%81%D8%B1%D8%B7%D8%A9-%D9%81%D9%89-%D9%85%D8%B5%D8%B1/) والتى يوضحها لنا الدكتور احمد السبكى لعلاج السمنة والسكر من خلال الرابط الضغط على الرابط التالى : https://www.youtube.com/watch?v=LCIw8F_1vGg (https://www.youtube.com/watch?v=LCIw8F_1vGg) m elatwy 05-12-2020, 11:07 PM https://www.saudiupload.com/img/1595076537.jpg (https://www.saudiupload.com/1595076537.html) |