بسم الله الرحمن الرحيم

السلام عليكم ورحمة الله وبركاته
قال الله تعالى وذكر فإن الذكرى تنفع المؤمنين

اخ فاضل نحسبه على خير قابلنى اثناء تقديمى لابنى بالمعهد الازهرى
وكان الاخ ده بيحاول يسحب ورق أحد أولاده من المعهد ويحوله للمدرسة
حاولت اتكلم معه تقبل كلامى قالى والله انا شايف الازهر احسن والولد حافظ القرءان والمناهج ما منهاش اى مشكلة ولكن بيقلد زملائه !!!
رديت عليه وانت دورك انك تفهمه
رد على قائلا هنعمل ايه بس "تفكير طفل صغير"
رجعت تانى قلت له ما عشان كدة دورك انك كنت تفهمه
رجع تانى يقول هنعمل ايه

سلمت عليه وانا خارج من المعهد وكان معهدنا بجواره مدرسة ملاصقة له
نادانى احد المدرسين من المدرسة وما كنتش اتوقع انى اسمع السؤال دة منه لانه مدرس بالمدرسة
فسألنى هل ما زال التقديم مفتوحا بالازهر قلت له ايوة لسة
بتسأل ليه
قال لانى عايز اسحب ورق احد اولادى قدمت له فى المدرسة ولكن راجعت نفسى ووعايز اقدم فى الازهر

هو معايا هنا بالمدرسة اللىلا شغال فيها ولكن عايز اسحب اوراقه واقدم له فى الازهر





ان شاء الله سيبقى الازهر مهما كان

فالله خير حافظا وهو أرحم الراحمين

ولكن دورنا نجتهد مع الناس ونفهمهم
اللى يزعل " السلبية"
وتلاقى موظفين كتير بالازهر لايكترثون ولا يحزنون ولا يحاولون ان ينصحوا
" وربك يخلق ما يشاء ويختار"
فى نفس اللحظة اللى طالب ازهرى بيحول من الازهر
طالب اخر مقبل على الازهر
ربنا اختار ده هنا واختار الاخر هناك

" مع احترامى طبعا لكافة الرغبات لكننى افضل الازهر يكفى ان فيه تحفيظ اجزاء من القرءان الكريم والمواد اللشرعية ومواد اللغة العربية بالتفصيل
"
وبيئته فى معاهده وجامعاته اقرب ما تكون من التدين والالتزام
نسأل الله ان يوفقنا دائما للخير

ابقى تعال وشوف الحفظه والملتزمين اخلاقيا مش هنقول دينينا فى معهدنا حسبى الله حتى لما نخرج مراقبه اقسم بالله المعاهد النموذجيه اسوء واضل سبيل مما نشتكى منهم فى المعاهد العاديه

الفكرة مش فى حفظ القران يا ريس ...انتو لسه مش فاهمين بردو ان ده مش هجوم على الازهر !!!ده هجوم على ادارة تعليمية متخلفة !!

يا سلام لما يكون حافظ القران ومتعلم اصول دينه وبيتكتبله القران على السبورة !!

يا سلام لما ميعرفش لغة اجنبية ولو عرفها بيبقى درجة تانية ويستنى يغش !!

الفكرة ان الازهر بيعلم القران اينعم ولكن ابعد حد ممكن يعمل بيه ... عيب عليك انت شغال فى الازهر وعارف انك مش بتخلص حاجة ليك انت من غير واسطة او غباء او تخلف ادارى

مش معنى ان فيه قصور او حتى اهمال من ادارة الازهر على حسب رأيكم
او انحراف سلوكيات بعض او حتى غالب الطلبة الان اننا نترك الازهر او نسعى لتهجير الناس منه؟
طيب لما الناس دى تكون كده
دورنا هيكون ايه؟
نصلح وننصح
ام نهاجر من الازهر احنا كمان؟
وبعدين حضراتكم
من اللى بيساعد الطلبة على الغش؟ ده فين بعض مدرسين لو ما غششى الطلبة ما يرتاحشى وممكن يعيا
دورنا هو الاصلاح وانكار المنكر ان "ثبت وجوده"
وليس اللوم واليأس
هل معنى ان تواجد اهمال او فساد فى مكان " ان الناس تترك المكان مستسلمين منهزمين؟
ام نسعى للتغيير
وبعدين القدوة هى اهم اسباب التغيير

جزاك اله خيراااااااا اخى الفاضل

جزاك اله خيراااااااا اخى الفاضل
شكرا لمرورك مشرفنا الحبيب

بالتوفيق باذن الله تعالى للازهر والقائمين عليه