السلام عليكم
انا اول مره اكتب موضوع واعذروني لو طولت عليكم لان ماعنديش غيركم يفيدني وبصراحه ماعرفش ده القسم المناسب ولا لا
الحكايهه باختصار من 8 سنين جيبت 96.3 في الثانويه الازهريه
وكان حلمي صيدله لكن للاسف اخدت بواحد في الميه اعلي
رحت علوم لا بقيت فرحانه ولا زعلانه لكن للاسف حصل اكتر من حاجه كلهم ادوا في النهايه اني لازم احول من علوم وبصراحه هو كان قرار خطا لكن ماكانش في حل غيره
المهم علشان ماطولش دخلت دراسات اسلاميه 3سنين وانا كارهاها مادخلتش الكليه الا ايام الامتحانات فقط
واتخرجت من 4 سنين وانا رافضه اشتغل بيها
للان لسه حلم صيدله بيراودني رحت حاولت ارجع علوم مانفعش لاني اصبحت خريجه
فاروس راسلتهم لما عرفت انهم بياخدوا الشهادات لفايه 10 سنين وصرفت نظر لان المصروفات غاليه جداااااااااااا
مشيت في الثانويه السودانيه جوزي رفض بسبب الاضطرابات الامنيه والازهر مارضيش يديني بيانات النجاح اصلا
راح سالي في الاداره التعليميه قالوله ممكنن اخد ثانوي منازل
المشكله بقي اني لسه قدامي 3 سنين بحالهم والموضوع ده تاعبني جدا
وبعدين مفيش حد بيديني اجابه قاطعه هل لو جبت مجموع في الثانويه وانا سني كبير ليا كليه عملي ولا تعب 3 سنين يروح عالارض
هل في وسيله تانيه تختصر السنين دي ولا لا
التقديم في شهر 10 وانا الي الان محتاره وماحدش بيدي اجابه شافيه اصلا

11 مشاهده وولا رد واحد
هو السؤال صعب للدرجه دي :(

في بيتهيألي الجامعه المفتوحه او الجامعه العماليه ؟؟

وفي برضه انتساب

في بيتهيألي الجامعه المفتوحه او الجامعه العماليه ؟؟

وفي برضه انتساب
يا فندم مافيش صيدله انتساب ول في جامعه مفتوحه ولا عماليه فيها صيدله اصلا

طب مجموعك مش يقدم خااص ولا الخاص مش بياخد الازهريين

طب مجموعك مش يقدم خااص ولا الخاص مش بياخد الازهريين
مانا قلت في الموضوع اني راسلت فاروس لانها الوحيده اللي تاخد قديم المصاريف عاليه جداااااااااااااااا توصل ل50000 في السنه

مش عارف الصراحه فعلآ موضوع محير جدا جدا ! :(

بس 50 الف علي فكره مش كتير جامعات السنادي زي mti و miu وهيليوبلس وبدر واخدين 44 الف جنيه في السنه غير فلوس

تأمين المعامل و الباصات وعلي فكره كل الجامعات الخاصه غاليه بالشكل دا فصعب انك تلاقي جامعه خاصه

رخيصه والجامعه الرخيصه مش بتعرف تشتغل بيها فلو انت غاااوي اوي كدا ونفسك في الصيدله بالشكل دا

ممكن تتوكل علي الله وتقدم في الخاصه

بس 50 الف علي فكره مش كتير جامعات السنادي زي mti و miu وهيليوبلس وبدر واخدين 44 الف جنيه في السنه غير فلوس

تأمين المعامل و الباصات وعلي فكره كل الجامعات الخاصه غاليه بالشكل دا فصعب انك تلاقي جامعه خاصه

رخيصه والجامعه الرخيصه مش بتعرف تشتغل بيها فلو انت غاااوي اوي كدا ونفسك في الصيدله بالشكل دا

ممكن تتوكل علي الله وتقدم في الخاصه
انا عارفه الاسعار عليت فعلا لسنه دي
بالنسبه للفلوس المتوفر ممكن مايغطيش بقيه سنين الدراسه
وبصراحه ماعرفش مشروع ولا شغل يدخل 50 الف في السنه

بسم الله الرحمن الرحيم
الأول الست مهمتها في الحياة بيتها دي أهم حاجة
حضرتك عاوزه تدرسي مجال ( طب... او صيدلة او علوم ) و دا مجال بيعتمد علي الفهم وحفظ و مذاكرة بجد
ااقصدمش زي تجارة أو حقوق _ للناس اللي خلصت كلية تاني _ ( شهادة و خلاص ) الهدف منهم شهادة تخلي صاحبها يترقى في شغله و بس
رأيي بلاش فكرة ثانوي منازل لو عايزة مجال العلوم او الصيدلة
أنما لو عايزة تجارة أو حقوق أدخلي ثانوي منازل و 3 سنيت مش هيضيعوا هدر أن شاء الله

يعني قدامك 3 اختيارت
1- تبحثي عن كلية تقبلك علي كدا و تتخليها
2- تغيري نظامك بدل ما تدرسي مجال الصيدلة او العلوم .... خليها هواية و اطلاع شخصي ( زي العقاد كدا علمي نفسك بنفسك )
3- انسي انك تدرسي مجال الصيدلة او العلوم .... و خليك في اسرتك و ريحي نفسك من وجع الدماغ

و رأيي خليهم بالترتيب 1 بعدين 2 لو منفعوش يبقي نصيبك كدا (3)

عادي جدا انتى ممكن تعيدي و تخشى الكلية ئلى انتى عايزاها انا اعرف بنت خلصت حقوق و بتعيد الثانويه و فى سنه تالته دلوقتى علمى علوم و نفسها تخش طب .