•·.·´¯`·.·•سلام يا بلد الكلام•·.·´¯`·.·• كفايه تفكر ومش لازم ترد [الأرشيف]

SENDRILLA

07-08-2008, 10:42 PM

البدايه من سواق ميكروباص
متستغربش
ايوه سواق ميكروباص
الراجل حس باللي احنا عايشينه وكتب الجمله دي علي الميكروباص
المهم من ساعة ما شفت الجمله دي وانا دماغي مشغوله
مين بيقول سلام؟
وفين بلد الكلام؟
واللي ماشي ده رايح فين ؟

اقوللكو انا شويه من اللي شايفاه في بلدنا واللي كتمته في قلبي كتير

1- عمو حسني يقوللك احنا اهم حاجه عندنا مصلحة محدودي الدخل
وفي الوقت ذات نفسه بيموت واحد من معدومي قصدي محدودي الدخل من الجوع
2- انكل نظيف يقوللك احنا بنسعي لمصلحة البلد وليس لمصلحتنا الشخصيه
وهو بيقبص بالدولارات وغيره بيقبض بالملاليم
3-يرد عمو حسني علي انكل نظيف ويقولله احنا هنزود المرتبات عشان نعين محدودي الدخل ع المعيشه
سبحان الله تلاقي صدف غريبه المرتبات تزيد وكل حاجه تغلي 3 اضعاف او يمكن اكتر
4- يرجع انكل نظيف يقوللك احنا بنخاف علي مصلحه الشعب
وهو لو طال يولع في البلد باللي فيها مش هيتاخر فيمتو ثانيه بس ناولوه الولاعه
5- ماما سوزي بقي مهتمه بالقراءه للجميع شفت اكيد يفت متعلقه مكتوب عليها الكلمه دي
مع اني مش عارفه مين اللي بيروح يقرا لما طلبة ابتدائي مبيعرفوش يفكو الخط سبحان الله
وغيرهم كتير بس الوقت مش هيسعني
متفرحش اوي كده
مين قال ان دول بس اللي بيتكلموا
طيب مانت بتتكلم وانا بتكلم وانتو عارفين انا قصدي ايه بالكلام
استني بس رايح فين
طيب هسالك سؤال؟
كام مره في حياتك قلت انا نفسي اعمل حاجه لبلدي بس مش في ايدي حاجه؟
مش عايزه اجابه بس خليها في سرك هنحتاجها بعدين
تقدر تقوللي بقي انت حاولت تعمل ايه عشان تقول ان مش في ايدك حاجه
طب اقل حاجه يا مسلم بطلت تشرب كولا عشان تددمر اللي هانوا رسولنا الكريم
بطلت تصرف فلوس من غير فايده وتتبرع بيها لبناء مسجد لرفعة دينك؟
وفرت مشوار من مشاويرك مع اصحابك ورحت زرت طفل يتيم محتاجلك ومحتاج لحنيتك وايدك تطبطب عليه؟
فكرت في مره تروح تبوس ايد والدتك اللي تعبت معاك وسهرت؟
مش بوجهلك انت وهي الكلام وناسيه نفسي
لا والله
الكلام ده قلته لنفسي قبل ما اقوله ليكو
طب ليه احنا كده؟
ليه مبنحاولش وبنكتفي بس بكلمة مش في ايدي حاجه اعملها
ليييييييييه؟
مش لاقيه اجابه
طيب سؤال
كام شاب في عيلتك او في جيرانك ضاق بحالة البلد وسافر يشتغل بره؟
كتير
طب كام واحد في عيلتك وفي جيرانك بعد ما اتخرج رفض يشتغل بره عشان يرد الجميل للبلد اللي خدمته ومهما عملت فيه؟
اظن دول قله قليله
سامحوني
يمكن قسيت علي نفسي شويه في الكلام وقسيت عليكو
بس بجد ان كانت بلدنا حالتها اتجهورت فده بايدي وبايدك
ولو بلدنا ممكن ترجع زي زمان هيبقي برده بايدي وبايدك
متستغربش ان الكلام ده طلع مني انا
بجد الواحد حاسس انه كان في كابوس وصحي
انا بايدي اقدر اعمل حاجه لبلدي وقاعده بدخل نت بالساعات وبكلم اصحابي وبتفرج ع افلام ومسلسلات
انا بايدي ارفع من شان بلدي ومش بعمل حاجه
ارجوكو فكروا في كلامي زي مانا فكرت فيه قبل ما اكتبه ليكو
بس بجد لازم نحس شويه
لازم نكون احسن
لازم نكون اقوي
لازم نكون اعلي
فكر ومش هتندم
مش مستنيه ردك بس كفايه احس اني قدرت اغير شعره في شخص واحد فيكو
دي عليا كفايه
وسلام يابلد الكلام

..حدوتة..

07-08-2008, 10:55 PM

اولا الموضوع جامد جدا
ثانيا انا سعيدة لان انا اول واحدة برد علية
ثالثا انا بحييكى جدا على قوة ملاحظتك وانك بتفكرى فى كل حاجة بتشوفيها
رابعا بخصوص العائلة الكريمة طنط وعمو يعنى دول ناس عندهم حق فى كل حاجة
ومنقدرش نقول غير كده
بصى ياستى طول ما الشعب جعان عمره ماهيفكر فى سياسة ولا غيره
خديها كلمة من ابلة
انا كمان بتكلم
يعنى انا مليش نفس
وسلام يا بلد الكلام
فى رعاية الله

Dr.diamond

07-08-2008, 11:07 PM

احنا اكتر حاجه بنعملها فى حياتنا اننا بنتكلم
ونقول واحنا مش لازم نسكت واحنا لازم نعمل
بس للاسف كله بيسكت وكله مش بيعمل
سواء برضاه او غصب عنه
بيسكت.....
الناس من همها مش عايزه غير انها تلاقى اكل لعيالها
من كتر الغلب ماشيين جوه الحيط
كله يقول وانا مالى
انا خلينى فى حالى
همومهم دى الى نظيف واعوانه بيبذلوا كل جهدهم عشان يشيلوهالهم
عشان يشغلوهم عن ملياراتهم
والناس بتدور على ملاليمها المسروقه
مش عارفه اذا كان هيجى اليوم الى الناس الغلابه فيه تتكلم
مش بس تتكلم تصرخ وتطالب بحقوقها
ولا هنفضل كده تقول عمرنا نعيش ونموت واحنا بنتكلم

biob

08-08-2008, 02:32 AM

Sharp Nails

08-08-2008, 03:07 AM

يووووووووووووووة يازوزو الكلام كبر اووووووووووووووى
والله يابنتى البلد دية جميلة وفيها خير كتيييييييييييييييييييييير
يكفى ويفيض كمان
بس نقول اية بقى .....................
بس بجد مصر حظها وحش اوى فى حكمها
ربنا يخرجنا منها بالسلامة

Dr.mayson

08-08-2008, 05:13 AM

الموضوع اكثر من رائع وعندك حق فى كل اللى قولتيه

* dr.sara*

08-08-2008, 09:34 AM

موضوع رائع بجد فعلا هى دى مصر هنعمل نصيبنا

MohammeD el_SadaT

08-08-2008, 10:42 AM

الموضوع جميل
والكلام كتير سهل وفعلاً عنوان الموضوع معبر عن اللى جواه

•·.·´¯`·.·•سلام يا بلد الكلام•·.·´¯`·.·• كفايه تفكر ومش لازم ترد (http://www.thanwya.com/vb/showthread.php?t=61699)

بدايه الموضوع فكرتنى بالنكته بتاعه الرئيس وهو بيسأل رئيس الوزراء بتوعه أخبار الشعب إيه قاله بياكل زفت يافندم قاله خلاص غلو الزفت

إحنا فعلاً شعب عظيم فى موضوع كلام الليل مدهون بزبده يطلع عليه النهار يسيح
إنتى كاتبه الموضوع ده تقريباً إمبارح

ياترى لسه عندك نفس حماس وقت كتابه الموضوع بعد ما نزلتى الشارع وإتفرجتى على حالنا
بيتهيألى لاء

عارفه يا سندرلا
الواحد بقى بيخاف يحلم

kaloon

08-08-2008, 02:23 PM

SENDRILLA

08-08-2008, 04:17 PM

SENDRILLA

08-08-2008, 04:19 PM

عاشقـــ الانمى ـــة

08-08-2008, 04:30 PM

اديكى قولتيها بلد الكلام
انا لو تسمحلى الفرصة ربنا يرزقنى بوحد يعيشنى بره البلد الخربانة دى:D

_GUIDE_

08-08-2008, 04:32 PM

موضوع جميل
بس هرجع واقول تانى
العيب مش فى الريس ولا الحكومة
العيب فى الشعب انا كنت هكتب كلمة بهايم ما علينا
هو اللى ساكت وفضل ساكت وهيفضل ساكت
وعمره ما هياخد خطوة
حتى لو اتسحل فى الشوارع
شعب غبى
قال تعالى
وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا
صدق الله العظيم
ولا يغير الله ما بقوم حتى يغيره ما بأنفسهم
يعنى عمر الكلام ده ما هيجيب نتيجة
لزم الفعل وبما ان احنا فى حالة بيات شتوى من سنين طويلة
يبئا انتظرى معجزة من ربنا
شكرا على الموضوع

Cray_Bird91

08-08-2008, 05:39 PM

موضوع جميل جدا

بس انا حقول حاجة

صح العيب مش الحكومة بس برضه العيب مش فى الشعب

عارفين العيب فين
مننا احنا
الجيل اللى طالع اللى فى الكليات
اللى دخل الكليات ومش همه غير انتيمه وصداقات وحبايب وتلفزيون وبعد ما يتخرج يشوف شغلانة برة ويكون قرش عشان نفسه وعياله بعد كدة
وبكدة يبقى هو عمل اللى عليه وهكذا..ويقولك انا مالى ومالحكومة والبلد
المهم عندى بيتى وعيالى
يبقى ايه اللى ناقص
ادى الثانوية العامة اللى الحكومة خلت كل واحد فى البلد والبيت اللى فيه ثانوية عامة يجيله رعب مع العلم انها فى الاخر مش تستاهل كل ده
بصى انا حقولك حاجة
لو كل واحد عنده ضمير ويفكر فى غيره قبل مايفكر فى نفسه البلد حتقوم تانى

SENDRILLA

08-08-2008, 08:42 PM

موضوعك جميل يا سندريلا واسلوبك كويس
بس للاسف انا مش هموت قوى على البلد
انا اللى لسه محببنى فى مصر
شيرين
ابو تريكه
رأفت الهجان
ونا بعلنها من هنا من الكرسى بتاعى
انا مش هقعد فى البلد دى
سموها بقى سلبى سموها جبن وانسحاب
البلد دى ليها ناسها وانا مش منهم
الحاجه الوحيده اللى اتعلمتها هنا
هى انى اتكلم عربى
وشكرا
طب في يوم سالت نفسك ليه
مش هسميه خوف مش هسميه انسحاب
هسميك ضحيه للي بيحصل
طيب ليه مفكرتش تصلح من حواليك
بس عن جد حاسه انك وصلت لمرحله صعب فيها الوصول لحل
بس لازم تبدا بنفسك
صدقني مش هتندم
شكرا لمرورك نورت الموضوع

SENDRILLA

08-08-2008, 08:48 PM

SENDRILLA

08-08-2008, 08:52 PM

الموضوع اكثر من رائع وعندك حق فى كل اللى قولتيه
ربنا يخليكي شكرا يا قمر لمرورك
موضوع رائع بجد فعلا هى دى مصر هنعمل نصيبنا

شكرا يا ساره لمرورك

biob

08-08-2008, 08:55 PM

طب في يوم سالت نفسك ليه
مش هسميه خوف مش هسميه انسحاب
هسميك ضحيه للي بيحصل
طيب ليه مفكرتش تصلح من حواليك
بس عن جد حاسه انك وصلت لمرحله صعب فيها الوصول لحل
بس لازم تبدا بنفسك
صدقني مش هتندم
شكرا لمرورك نورت الموضوع

ههه
طيب بلاشنبدأ بيا
نبدا باننا نصلح الحراميه اللى فى البلد
وبعدينابقى اصلح نفسى
طبعا انتى عارفه انى ما اقصدش النشالين
انا لو واحدجه نشلنى هطلع الفلوس منجيبى واديهاله واطبطب على ضهره(كنايه)
انتى عارفه انا اقصد اى حراميه طبعا
الموضوع منور باصحابه

SENDRILLA

08-08-2008, 08:57 PM

SENDRILLA

08-08-2008, 09:01 PM

موضوعك جميل جدا ورائع وعلى فكره مش عيب او غلط اننا نتكلم عن سلبيات هنا فى بلدنا لان دا هيبين على الاقل اننا عارفين سلبياتنا لكن لو سكتنا عليها وكل ما حد يتكلم نقول كله تمام هو دا الغلط وبكده عمرنا ما هنتقدم خطوه لقدام... سانكس على الموضوع
شكرا لمرورك كالون
محدش قال انه عيب ان احنا نتكلم عن سلبيات بلدنا
بس في حاله انك ناوي تصلح
مش ناوي تتكلم ع الفاضي
نورت الموضوع

SENDRILLA

08-08-2008, 09:04 PM

اديكى قولتيها بلد الكلام
انا لو تسمحلى الفرصة ربنا يرزقنى بوحد يعيشنى بره البلد الخربانة دى:D

طول عمري بقول عليكي زباله:D
يابنتي مفيش مانع نسيب البلد بس وهي في حال احسن من حالها ده
عشان هنتحاسب عليها يوم القيامه صدقيني
لو في ايدك حاجه تقدري تعمليها وعملتيهاش
صدقيني يوم القيامه هتتمني ترجعي الدنيا وتعمليها:)

CoMMaNdo

08-08-2008, 09:05 PM

عجبتنى الجمله دى اوى

تقدر تقوللي بقي انت حاولت تعمل ايه عشان تقول ان مش في ايدك حاجه

فعلا
كل الناس بتقول وانا منهم بصراحه ان البلد دى زفت وعايزه تتغير وعايزه وعايزه
طب هل احنا غيرنا من نفسينا الاول ؟
مهو لازم الواحد يغير من نفسه وبعد كدا يحاول يغير الى حواليه ..

والله بجد موضوعك جميل جدا ومهم اوى
وشكرا جدا لانك فتحتى الموضوع دا

SENDRILLA

08-08-2008, 09:10 PM

SENDRILLA

08-08-2008, 09:19 PM

SENDRILLA

08-08-2008, 09:22 PM

عجبتنى الجمله دى اوى

فعلا
كل الناس بتقول وانا منهم بصراحه ان البلد دى زفت وعايزه تتغير وعايزه وعايزه
طب هل احنا غيرنا من نفسينا الاول ؟
مهو لازم الواحد يغير من نفسه وبعد كدا يحاول يغير الى حواليه ..

والله بجد موضوعك جميل جدا ومهم اوى
وشكرا جدا لانك فتحتى الموضوع دا
والله ده اللي خلاني اكتب اللموضوع اصلا
مش في ايدي حاجه مش في ايدي حاجه
وانا اصلا مش حاولت اعمل حاجه
شكرا لمرورك يا محمد

محمد ابولبن

08-08-2008, 09:32 PM

د/ ماجدولين

08-08-2008, 09:40 PM

الله الله الله
راااااااااااااااااااااااائع يا سندريللا:)
بصى يا عسل
الشعب المصرى شعب كلمنجى;)
مفيش حاجة عندة أسهل من الكلام
هقولك أنا مثلا
كنت قاعدة انا وصحابى انهاردة
نتفرج ع حفل أفتتاح الأولمبياد
وطبعا الحفل كان تحفة ومدهش
تكونولجيا عالية ورائعة
وتناغم بين أروع بين المشاركين فى الحفل
المهم
لاقيت حد من زمايلاتى بتقول
شايفين الصين بلد المليار ونص
عاملة أزاى..........شايفين التقدم
مش أحنا ال80 مليون بس
وكل شوية يطلع الريس حسنى
يقولنا الزيادة السكانية
الزيادة السكانية بتتلتهم النمو الأقتصادى
لحد اما فلقنا
وفى واحد صاحبتى انفعلت قامت قالت أية بقى
تركت البلد للحرامية ياريس.........وأنت رئيسهم:D
طبعا هى حاجة مش ليها لازمة:rolleyes:
بس حبيت أقولها تاكيدا لكلامك
عارفة يا سندريللا
والله أنا ساعات
بيصعب عليا الريس
أقول هو هيعمل أية ولا أية
هيروح للموظف يبوس أيدة عشان يتقن عملة
ولا هيروح للطالب عشان يجتهد ف مذاكرتة
ولا هيروح للناس ويتراجاهم أنة يبقى عندهم ضمير
أسهل حاجة الكلام.......بس ساعة التنفيذ
نقول وأنا مالى
هو أنا يعنى اللى هصلح الكون:(
وأذا كان حسنى مبارك مش عاجبناة:mad:
أسأل سؤال
الراجل بسم الله ما شاء الله
بقالوا معانا أكتر من 25 سنة
يعنى تأبيدة:D
طيب لما هو مش عاجبنا
أية اللى خلانا سبناة حاكمنا المدة دى كلها؟؟؟؟؟؟؟؟
لية مش غيرناة:mad:
بصى يا قمر انا ليا رد تانى ف الموضوع
عشان مش أطول أكتر من كدة:D
بقولك
بعد كدة أبقى كبرى الخط شوية
أنا كنت هتعمى:(:confused:

SENDRILLA

08-08-2008, 10:10 PM

اولا الحكومة عايزة الناس متلاقيش تاكل عشان مفيش واحد يفكر يكون ريس كل واحد يفكر ازاى يجيب الاكل لعياله لكن لو كل مصرى لقى اكله وشربه هيفكر فى حاجة تانية مش عاجبه الحكومة هيمشى فى مظاهرات لكن دلوقتى اسالى حد ممكن تمشى فى مظاهرة شوفى هيقالك ايه
عندك حق
ماهو لازم برده نتشغل بحاجه
ندور علي اكل علي فلوس علي ميه نضيفه
وبكده مفيش مجال للكلام والمطالبه بالحقوق
شكرا لمرورك
بس بعد اذن حضرتك رجاء يعني
تغير الصوره الرمزيه
ياريت معلش :)

SENDRILLA

08-08-2008, 10:12 PM

د/ ماجدولين

10-08-2008, 09:55 AM

وهستني اضافتك ان شاء الله
أوكى يا قلبى
اتقضلى
******************
بصى يا سندريللا
أنا شايفة أن الشعب المصرى عندة مشكلتين
المشكلة الأولى
أنة بيستسهل..........أيوة بيستسهل
بيستسهل أنة يتكلم بدل مايتحرك(ودة أنتى وضحية ف التوبيك)
وبيستسهل كمان انة بدل ما يقعد فى بلدة ويغيرها للأحسن
يروح ع بلد تانية متصلحة جاهزة:(
فين الأنتمااااااااااء ........الله يرحمة:confused:
المشكلة التانية
أنة بيخاف
بيخاف يعمل حاجة لحسن يقضى بقية حياتة فى المعتقل
أو يتاخد امن دولة
ودة شئ طبيعى.........بس فين التضحية:)
وما نيل المطالب بالتمنى.................ولكن تؤخذ الدنيا غلابا;)
والنجاح دايما لية اعداء
وفى ناس عاوزانا نفضل كدة
بس أحنا لازم نضحى
نضحى بمالنا.......وبأولادنا.............وبحياتنا أذا لزم الأمر
دى مصر........بلدنا..............أجمل بلاد الدنيا:D:rolleyes:
وبعدين كل حاجة عظيمة محتاجة تضحية
الثورة الفرنسية مثلا اللى غيرت فرنسا ووصلتها للى هى فية دلوقتى
مات فيها كثيييييييييييييييييييييييير من الثوار الفرنسين
بالمقصلة الفرنسية الشهيرة:eek:
كانوا بيقبضوا ع الواحد وبيبقى عارف أنة بكرة عندة معاد مع الست المقصلة:D
وبيبقى عادى مش هامة حاجة
لأنة هيموت ف سبيل وطنة و ولادة من بعدة هيعيشوا ف رخاء;)
الفرنسين ضحوا عشان كدة ولادهم وصلوا للى هما فية دلوقتى
وأحنا كمان لازم نضى عشان الأجيال اللى بعدنا تعيش ف ظروف أفضل من كدة:)
لكن أحنا عندنا ف مصر
أتفرجى ع السلبية اللى تنقط و تشل:(
كل واحد تقريبا مبدأة ف الحياة
(أنا وولادى ومن بعدى الطوفان)
طب يا حاج ما الطوفان لما يجى
هيغرقك أنت وولادك كمان:(
بس نقول أية بقى....منتهى السلبية
لما حد يشوف حاجة غلط
وأنا مالى,,,,,,خلينى ف حالى أحسن.......هو أنا اللى هغير الكون:(
كل واحد قاعد ف بيتة عمال بشتم ويتذمر
من غير ما يفكرأنة يغير من نفسة للأحسن
أو يربى ولادة بطريقة مختلفة تخليهم يحسوا قد أية مصر دى عظيمة ومحتجانا:)
لأ كل واحد مستنى أما الكون يتصلح
وبعدين الناس تيجى تخبط على بابة
"لو سمحت أحنا أتغيرنا للأفضل ممكن تتغير أنت كمان لو سمحت"
أنا يمكن طولت بس ياريت يكون قصدى وصل
(أن تشعل شمعة خير من أن تلعن الظلام)
*************************
معلش بقى حاجة أخيرة يازوزو
الجوع مش مبرر للسلبية بتاعتنا:(:(
احنا اللى جوعنا نفسنا وسكتنا ع الجوع دة بأدينا:confused:
وبعدين زى ما قولت مفيش نصر بدون تضحيات:)
قال تعالى(ولقد خلقتا الأنسان فى كبد)
ومعلش بقى مثل واقعى:D
اليابان بعد اما ضربتها القنبلة النووية
مش حد يجى يقولى دول مش كانوا جعانين
لآ دول كانوا بيموتوا من الجوع ومن الذل والهزيمة والعار
بس كان عندهم أرادة وتصميم وصبر
كان عندهم حب وانتماء لبلدهم
وأدى النتيجة
العالم كلة الآن يرفع القبعة للجودة اليابانية
عقبالنا يااااااااااااااااااااااااارب

SENDRILLA

10-08-2008, 06:25 PM

أوكى يا قلبى
اتقضلى
******************
بصى يا سندريللا
أنا شايفة أن الشعب المصرى عندة مشكلتين
المشكلة الأولى
أنة بيستسهل..........أيوة بيستسهل
بيستسهل أنة يتكلم بدل مايتحرك(ودة أنتى وضحية ف التوبيك)
وبيستسهل كمان انة بدل ما يقعد فى بلدة ويغيرها للأحسن
يروح ع بلد تانية متصلحة جاهزة:(
فين الأنتمااااااااااء ........الله يرحمة:confused:
المشكلة التانية
أنة بيخاف
بيخاف يعمل حاجة لحسن يقضى بقية حياتة فى المعتقل
أو يتاخد امن دولة
ودة شئ طبيعى.........بس فين التضحية:)
وما نيل المطالب بالتمنى.................ولكن تؤخذ الدنيا غلابا;)
والنجاح دايما لية اعداء
وفى ناس عاوزانا نفضل كدة
بس أحنا لازم نضحى
نضحى بمالنا.......وبأولادنا.............وبحياتنا أذا لزم الأمر
دى مصر........بلدنا..............أجمل بلاد الدنيا:D:rolleyes:
وبعدين كل حاجة عظيمة محتاجة تضحية
الثورة الفرنسية مثلا اللى غيرت فرنسا ووصلتها للى هى فية دلوقتى
مات فيها كثيييييييييييييييييييييييير من الثوار الفرنسين
بالمقصلة الفرنسية الشهيرة:eek:
كانوا بيقبضوا ع الواحد وبيبقى عارف أنة بكرة عندة معاد مع الست المقصلة:D
وبيبقى عادى مش هامة حاجة
لأنة هيموت ف سبيل وطنة و ولادة من بعدة هيعيشوا ف رخاء;)
الفرنسين ضحوا عشان كدة ولادهم وصلوا للى هما فية دلوقتى
وأحنا كمان لازم نضى عشان الأجيال اللى بعدنا تعيش ف ظروف أفضل من كدة:)
لكن أحنا عندنا ف مصر
أتفرجى ع السلبية اللى تنقط و تشل:(
كل واحد تقريبا مبدأة ف الحياة
(أنا وولادى ومن بعدى الطوفان)
طب يا حاج ما الطوفان لما يجى
هيغرقك أنت وولادك كمان:(
بس نقول أية بقى....منتهى السلبية
لما حد يشوف حاجة غلط
وأنا مالى,,,,,,خلينى ف حالى أحسن.......هو أنا اللى هغير الكون:(
كل واحد قاعد ف بيتة عمال بشتم ويتذمر
من غير ما يفكرأنة يغير من نفسة للأحسن
أو يربى ولادة بطريقة مختلفة تخليهم يحسوا قد أية مصر دى عظيمة ومحتجانا:)
لأ كل واحد مستنى أما الكون يتصلح
وبعدين الناس تيجى تخبط على بابة
"لو سمحت أحنا أتغيرنا للأفضل ممكن تتغير أنت كمان لو سمحت"
أنا يمكن طولت بس ياريت يكون قصدى وصل
(أن تشعل شمعة خير من أن تلعن الظلام)
*************************
معلش بقى حاجة أخيرة يازوزو
الجوع مش مبرر للسلبية بتاعتنا:(:(
احنا اللى جوعنا نفسنا وسكتنا ع الجوع دة بأدينا:confused:
وبعدين زى ما قولت مفيش نصر بدون تضحيات:)
قال تعالى(ولقد خلقتا الأنسان فى كبد)
ومعلش بقى مثل واقعى:D
اليابان بعد اما ضربتها القنبلة النووية
مش حد يجى يقولى دول مش كانوا جعانين
لآ دول كانوا بيموتوا من الجوع ومن الذل والهزيمة والعار
بس كان عندهم أرادة وتصميم وصبر
كان عندهم حب وانتماء لبلدهم
وأدى النتيجة
العالم كلة الآن يرفع القبعة للجودة اليابانية
عقبالنا يااااااااااااااااااااااااارب
مش هتصدقيني لو قلتلك ان اضافتك دي احسن من الموضوع اصلا:)
بجد اضافه رائعه
بس في حاجه عايزه اوضحهالك
ما البشر نوعين
نوع بياخد من ازمته اراده وتصميم ع النجاخ
ونوع بياخد من ازمته فرصه للتكاسل والتقاعد
وطبعا الشعب المصري بلا فخر من النوع التاني
لكن لو الحكومه عارفه ان لما الشعب يجوع هيزيد تصميم واصرار كانو شبعونا من زمان عشان يسدونا :D
بس صدقيني لو انا غيرت من نفسي وانتي غيرتي من نفسك وغيرك غير من نفسه يبقي الشعب كله هيتغير
مرسي حبيبتي لاضافتك الرائعه

dr.saeed

10-08-2008, 06:32 PM

طب كام واحد في عيلتك وفي جيرانك بعد ما اتخرج رفض يشتغل بره عشان يرد الجميل للبلد اللي خدمته ومهما عملت فيه؟
طب ياريت تقوليلى ازاى بردة يمكن صراحة احنا مش عارفين
انزل اكنسها يعنى يا سندريلا؟
مانا اخويا لف لف وفى الاخر مرتب ما يكفيهوش حتى يشرب مايه
يعيش بقى يقول مصر ويسيب حياته!!
طيب هسالك سؤال؟
كام مره في حياتك قلت انا نفسي اعمل حاجه لبلدي بس مش في ايدي حاجه؟
مش عايزه اجابه بس خليها في سرك هنحتاجها بعدين
تقدر تقوللي بقي انت حاولت تعمل ايه عشان تقول ان مش في ايدك حاجه
طب اقل حاجه يا مسلم بطلت تشرب كولا عشان تددمر اللي هانوا رسولنا الكريم
بطلت تصرف فلوس من غير فايده وتتبرع بيها لبناء مسجد لرفعة دينك؟
وفرت مشوار من مشاويرك مع اصحابك ورحت زرت طفل يتيم محتاجلك ومحتاج لحنيتك وايدك تطبطب عليه؟
فكرت في مره تروح تبوس ايد والدتك اللي تعبت معاك وسهرت؟
مش بوجهلك انت وهي الكلام وناسيه نفسي
لا والله
الكلام ده قلته لنفسي قبل ما اقوله ليكو
طب ليه احنا كده؟

انا اتعلمت من حياتى
ان يكون علمى لله بس
ولا لبلد ولا غيره
لما اعمل لبلد
بعملها عشان ربنا يرضى عنها
لانها ذكرت فى القران 5 مرات بأسمها
مصر
عموما اكيد فيه انتماء
بس بحس ان دلوقتى مصر محتلة
بس احتلال داخلى
- عمو حسني يقوللك احنا اهم حاجه عندنا مصلحة محدودي الدخل
وفي الوقت ذات نفسه بيموت واحد من معدومي قصدي محدودي الدخل من الجوع
2- انكل نظيف يقوللك احنا بنسعي لمصلحة البلد وليس لمصلحتنا الشخصيه
وهو بيقبص بالدولارات وغيره بيقبض بالملاليم
3-يرد عمو حسني علي انكل نظيف ويقولله احنا هنزود المرتبات عشان نعين محدودي الدخل ع المعيشه
سبحان الله تلاقي صدف غريبه المرتبات تزيد وكل حاجه تغلي 3 اضعاف او يمكن اكتر
4- يرجع انكل نظيف يقوللك احنا بنخاف علي مصلحه الشعب
وهو لو طال يولع في البلد باللي فيها مش هيتاخر فيمتو ثانيه بس ناولوه الولاعه
5- ماما سوزي بقي مهتمه بالقراءه للجميع شفت اكيد يفت متعلقه مكتوب عليها الكلمه دي
مع اني مش عارفه مين اللي بيروح يقرا لما طلبة ابتدائي مبيعرفوش يفكو الخط سبحان الله
وغيرهم كتير بس الوقت مش هيسعني
امن دولة ان شاء الله
ههههههههههههههه
شكرا يا اختى على الموضوع
والى فكرنى للاسف بذكريات حزينة جدا
ربنا ييسر النهاردة

فى امان الله

SENDRILLA

10-08-2008, 06:40 PM

طب ياريت تقوليلى ازاى بردة يمكن صراحة احنا مش عارفين
انزل اكنسها يعنى يا سندريلا؟
مانا اخويا لف لف وفى الاخر مرتب ما يكفيهوش حتى يشرب مايه
يعيش بقى يقول مصر ويسيب حياته!!
ولو اني مش بحب الاسلوب ده
بس هرد
ماهو طول مانا بقول كده وانت بتقول كده وغيري وغيري يبقي بلدنا مش هتتقدم
لما انا اتخرج واجر ياشتغل بره صدقيني مش هنتقدم
فين الدكاتره اللي هيعالجو المرضي المصريين
وفين المهندسين اللي هيبنوا البيوت للمصريين
وفين وفين وفين
مش بقول تضيع مستقبلك
بس ع الاقل ترد لبلدك ولو جزء بسيط من الي عملته عشانك
انا اتعلمت من حياتى
ان يكون علمى لله بس
ولا لبلد ولا غيره
لما اعمل لبلد
بعملها عشان ربنا يرضى عنها
لانها ذكرت فى القران 5 مرات بأسمها
مصر
عموما اكيد فيه انتماء
بس بحس ان دلوقتى مصر محتلة
بس احتلال داخلى
انا مقلتش حاجه
اكيد طبعا هدفي لما افيد بلدي اني ارضي ربنا
بس برده افيد بلدي

امن دولة ان شاء الله
ههههههههههههههه
شكرا يا اختى على الموضوع
والى فكرنى للاسف بذكريات حزينة جدا
ربنا ييسر النهاردة

فى امان الله
طمنتني الله يطمنك:D
صدقيني مش فارقه
ماحنا بره محتلين وجوه محتلين
عادي جدا
متنسونيش بس

dr.saeed

10-08-2008, 06:45 PM

ولو اني مش بحب الاسلوب ده
بس هرد
وفين المهندسين اللي هيبنوا البيوت للمصريين
طالما بقى احنا بنتكلم
نقول
انا اخويا مهندس
يعمل ايه يعنى ؟
يروح يبنى بيوت لواحده ولا ايه يا سندريلا؟
اقولك حاجة بصراحة
لما سيدنا محمد طلع من مكة كان ططالع كدة عادى؟
هو كان بيحاول بس يعمل ايه
كان لازم فى وقتها الهجرة
انا صراحة مش هاموت نفسى
يعنى ما شاء الله
فساد
وكمان شغل ولا ايه؟
بمعنى
انا مثلا مفروض الواحد يتزوج على الاقل بعد الكلية على طول
بس فى ظروف بلدنا صعب جدا ما شاء الله
طب لو حصلى حاجة بقى فى دينى
هاتبقى تفيدنى فى ايه البلد دى؟
ياريت يبقى الكلام واقعى
انا بقولك اهو السؤال
اخويا مهندس اتصالات
ومعاه دورة سيسكو
قوليلى بقى يفيد مصر دى فين؟
وشركات السودان خلاص بتعدينا
صلى على النبى فى قلبك يا سندريلا

فى امان الله

Sherif Elkhodary

10-08-2008, 08:11 PM

معاكي حق يا سندريلا و الله في كل كلمة

مشكور علي الموضوع

SENDRILLA

10-08-2008, 08:12 PM

طالما بقى احنا بنتكلم
نقول
انا اخويا مهندس
يعمل ايه يعنى ؟
يروح يبنى بيوت لواحده ولا ايه يا سندريلا؟
اقولك حاجة بصراحة
لما سيدنا محمد طلع من مكة كان ططالع كدة عادى؟
هو كان بيحاول بس يعمل ايه
كان لازم فى وقتها الهجرة
انا صراحة مش هاموت نفسى
يعنى ما شاء الله
فساد
وكمان شغل ولا ايه؟
بمعنى
انا مثلا مفروض الواحد يتزوج على الاقل بعد الكلية على طول
بس فى ظروف بلدنا صعب جدا ما شاء الله
طب لو حصلى حاجة بقى فى دينى
هاتبقى تفيدنى فى ايه البلد دى؟
ياريت يبقى الكلام واقعى
انا بقولك اهو السؤال
اخويا مهندس اتصالات
ومعاه دورة سيسكو
قوليلى بقى يفيد مصر دى فين؟
وشركات السودان خلاص بتعدينا
صلى على النبى فى قلبك يا سندريلا

فى امان الله
اللهم صلي وسلم وبارك علي سيدنا محمد صلي الله عليه وسلم
بص يا دكتور انا بجد مش بحب الجدال
بس انا هديك مثال بسيط واسيبك تحكم
عمي خريج هندسه مدني من 4 سنين تقريبا
اول ما اتخرج مش عايزه اقوللك بعدها بيومين جاله عقد في قطر بمرتب مهول صعب خريج جديد يرفضه
بس عشان مابقاش بخدعك هو كان جاي عن طريق واحد جارنا بس اللي شجعه ان عمي كان جايب تقدير وكده
المهم اتفاجئنا انه رفض العرض
وقال انه يرد ولو جزء بسيط لبلده اللي خدمته وبعدين يبقي يسافر
بعدها ع طول اشتغل في شركة كبيره
ومرتبه كان كويس
بعد شغل سنتين تقريبا اشتري شقه
وبعدها سافر السعوديه
قعد هناك سنتين فرش شقته وهيجيب عربيه قريب اوكي
واهوه رجع دلوقتي واستقر في مصر
انا شايفه ان ده مثال لشاب مصري عنده ولاء لبلده
ومتقولش مصر ادتني ايه
قول انت اديت لمصر ايه
ومش عايزه اقوللك قمه في الاخلاق والقيم والتدين ويشبهك لحد كبير ع فكره
تقدر تقوللي ليه هو معملش زي ما اي شاب مصري بيعمل وقبل العرض القطري
مع انه كان هيتجوز اسرع وهيبقي اريحله
ومرتبه في قطر 5 اضعاف مرتبه في مصر
فكر شويه يا دكتور
وشجع اخوك يشتغل في مصر ولو لفتره يحس فيها انه قدر يعمل حاجه
يعني اخوك ميقدرش يعمل ابحاث مثلا في مجاله
او يشتغل في شركه ودي متهيالي متوفره مش بعيده علي مهندس اتصالات ماشاء الله
بس ده اللي كنت عايزه اقوله
مش هكدب عليك واقولك ان اكيد نظرتي غير الولاد
لان انا اشتغلت او ماشتغلتش دي حاجه مش هتزود ولا هتقدم ولا هتاخر
ان كنت بدور علي شهاده فعشان يبقي معايا مؤهل عالي ولو اتيح ليا اشتغل هشتغل
يمكن الولد غير لان عليه ضغوط وكده
بس عمي برده ماهو شاب زيك وزي اخوك وربنا كرمه الحمد لله
اتمني نفكر في كلامي يا دكتور
في رعاية الله:)

SENDRILLA

10-08-2008, 08:13 PM

معاكي حق يا سندريلا و الله في كل كلمة

مشكور علي الموضوع
شكرا لمرورك يا شريف
نورت الموضوع

dr.saeed

10-08-2008, 08:26 PM

ويشبهك لحد كبير ع فكره
؟؟؟؟؟؟؟؟؟؟؟؟؟؟؟؟؟؟؟
المثال يا سندريلا الى انتى اتكلمتى عنه
الحمد لله الظروف تيسرت ليه فى مصر
انما مثلا اخويا والحمد لله
دخل جيش تلات سنين
وهو مثلا دفعة 2004
يطلع من الجيش سنة 2007
بيكون جدا صعب الشغل فى شركة
لان شركة
يا تكون لسة جديد
يا تكون عندك خبرة كبيرة
حتى اخويا قالى
الدكتور الى بيقعد سبع سنين فى الكلية
لو دخل ظابطو احتياط
بيحس انه مش كره مصر بس دة كره الدنيا كلها
سا سندريلا انا مش بقول مش نحاول ندى لمصر
هو ذا نفسه زعلان على سفره
وانا حزين جدا والله
بس صراحة انا شفت ادامى الى هو علمه
وشفت ادامى انه حتى فضل يذاكر بعد الكلية عشان يشتغل هنا شغلانة كويسة
يعنى هو عمل الى عليه
ودر
وبيشتغل دلوقتى رغم صعوبة المكان ورغم ان المرتب حتى مش بيكفيه سكن
بس هو بيقولى انى بردة بشتغل مش عاطل
بس هو لو فضل كدة
مش هايبنى نفسه غير بعد عشرين سنة ولا حاجة

وربنا يوفق الجميع

فى امان الله

محمد ابولبن

10-08-2008, 11:23 PM

عندك حق
ماهو لازم برده نتشغل بحاجه
ندور علي اكل علي فلوس علي ميه نضيفه
وبكده مفيش مجال للكلام والمطالبه بالحقوق
شكرا لمرورك
بس بعد اذن حضرتك رجاء يعني
تغير الصوره الرمزيه
ياريت معلش :)

اوك يا سندريلا انا مش هسال ليه بس هغيرها

dr.saeed

11-08-2008, 02:19 AM

بص يا دكتور انا بجد مش بحب الجدال
احنا بتنتناقش
مش بنتجادل
فى امان الله

happiness_sadness7

11-08-2008, 02:58 AM

بورسعيدى

11-08-2008, 03:51 AM

عاشقـــ الانمى ـــة

11-08-2008, 10:00 AM

طول عمري بقول عليكي زباله:D
يابنتي مفيش مانع نسيب البلد بس وهي في حال احسن من حالها ده
عشان هنتحاسب عليها يوم القيامه صدقيني
لو في ايدك حاجه تقدري تعمليها وعملتيهاش
صدقيني يوم القيامه هتتمني ترجعي الدنيا وتعمليها:)
طب انا عارفة انى زبالة
بس مش قدام الناس كده:D
ايه الفضايح دى يا بت:mad::mad::mad:

SENDRILLA

11-08-2008, 10:46 AM

؟؟؟؟؟؟؟؟؟؟؟؟؟؟؟؟؟؟؟
المثال يا سندريلا الى انتى اتكلمتى عنه
الحمد لله الظروف تيسرت ليه فى مصر
انما مثلا اخويا والحمد لله
دخل جيش تلات سنين
وهو مثلا دفعة 2004
يطلع من الجيش سنة 2007
بيكون جدا صعب الشغل فى شركة
لان شركة
يا تكون لسة جديد
يا تكون عندك خبرة كبيرة
حتى اخويا قالى
الدكتور الى بيقعد سبع سنين فى الكلية
لو دخل ظابطو احتياط
بيحس انه مش كره مصر بس دة كره الدنيا كلها
سا سندريلا انا مش بقول مش نحاول ندى لمصر
هو ذا نفسه زعلان على سفره
وانا حزين جدا والله
بس صراحة انا شفت ادامى الى هو علمه
وشفت ادامى انه حتى فضل يذاكر بعد الكلية عشان يشتغل هنا شغلانة كويسة
يعنى هو عمل الى عليه
ودر
وبيشتغل دلوقتى رغم صعوبة المكان ورغم ان المرتب حتى مش بيكفيه سكن
بس هو بيقولى انى بردة بشتغل مش عاطل
بس هو لو فضل كدة
مش هايبنى نفسه غير بعد عشرين سنة ولا حاجة

وربنا يوفق الجميع

فى امان الله
بجد انا هنا مش هقدر اتكلم تاني
لاني بجد مكنتش واخده بالي من موضوع الجيش
هو يمكن ربنا يسرله وخد تأجيل 3 سنين غيره مخدش تاجيل
خلاص يادكتور بجد مادام حاول ومقدرش يبقي غصب عنه
لكن لو مكانش حاول وقتها كان الكلام هيتغير
شكرا لمرورك يا دكتور
ونورت الموضوع بنقاشك( مش بجدالك) :)

SENDRILLA

11-08-2008, 10:48 AM

اوك يا سندريلا انا مش هسال ليه بس هغيرها

شكرا لذوق حضرتك
بس فعلا الصوره مخالفه لقوانين المنتدي:)

SENDRILLA

11-08-2008, 10:51 AM

اولا احب اشكرك عالموضوع .... ثانيا انا عارف انك مش محتاجة شكر

وثالثا بقي وهو ده الاهم ... كل واحد فينا بيرمي الحمل عالتاني ...
انما لو كل فينا مسك الجزء الخاص بيه ويحطه بجد في مسئوليته
ويعرف ان ربنا خلقه في الحياة ده ..
علشان حاجة محددة ليه هو مختلفة عن باقي البشر
يبقي هيعمل بجد

انا عن نفسي حاطط في دماغي هدف وعاوز اوصله علشان احقق للبلد ده حاجة

لكن بجد مش هاقول عالهدف الا لما اوصل له بس ياتري هنتقابل تاني والا السنين هتبعدنا عن بعض ؟؟

وشكرا تاني بجد ليكي عالموضوع واحييتي فيا الامل واني احاول اني اعمل كل حاجة علشان اوصل للهدف ده ؟؟؟
مش عايزه اقوللك ردك هو اللي اسعدني بجد
لازم كل الشباب ( البنات ) يعملوا كده
صدقني لو كل واحد بقي زيك مصر هتتقدم كتير
شكرا لمرورك اللي اسعدني ورد فيا الامل
وبدعيلك من قلبي تحقق هدفك
سوري انا مش قادره احدد من الاسم اذا كنت بنت ولا ولد
بس في كل الحالات شكرا لمرورك:)

SENDRILLA

11-08-2008, 10:54 AM

موضوع ممتاز

وفيه صراحه كبيره ومواجهه بين الانسان وبين نفسة

صحيح كلنا سلبيين

ودائما نختار اقصر الحلول واسهلها

وكلنا بنقول ... وانا فى ايدى ايه اعمله

واحنا ممكن نعمل كتير بس لو كل واحد بدأ بنفسة ولم ينتظر الباقى

ابدأ بنفسك .... وانا بسبب قرائتى لموضوع الجيد سأبدا بنفسى من الان

ولن انتظر الحكومة والا عمو والا انكل ولا طنط

شكرا لك

على فكرة انا كبرت خطك شوية فى الموضوع لانه كان عبارة عن ( اختبار نظر )
والله حضرتك وقعت قلبي
انا قلت استاذ مجدي شال ايه من الموضوع وانا قلت ايه غلط
بس فهمت مؤخرا:D
بس والله تقريبا الخط ده مشكله عندي
لاني بعمل الفونت 3 او 4 يعني المفروض يكون كبير بس تقريبا بيبقي الاعضاء شايفينه صغير
ياريت حد يشوفلي حل في الموضوع ده
وشكرا لكلام حضرتك
بجد لما بشوف رد حضرتك ببقي سعيده اوي يا استاذ مجدي
نورت الموضوع براي حضرتك:)