السلام عليكم
انا بحب الجروب ده اوووي وانا ف تانية ثانوي السنة دي وكنت عايزة استعد لتالتة ثانوي واظبط طريقة مذاكرتي ودروسي بس في مشاكل كتير قابلتني منها اخواتي في البيت بيعملوا دوشة ومش بعرف اركز منهم وعندي مشكلة في الانجليزي مش بعرف احل اسئلة المهارات زي الترجمة والبرجراف والستويشن والاسبيكريز وعايزة طريقة سهلة لرسومات الاحياء عشان مش بحب الرسم خاالص وخايفة من التعبير والبلاغة ومش عارفة احس باهمية الثانوية وانها اللي هيترتب عليها مستقبلي وكل صوحابي كل ما يشوفوني يقولولي احنا مش بنذاكر ويفضلوا يكلموني ف الدروس
ياريت تساعدوني وجزاكم الله خيرا

السلام عليكم
و عليكم السلام
انا بحب الجروب ده اوووي وانا ف تانية ثانوي السنة دي وكنت عايزة استعد لتالتة ثانوي واظبط طريقة مذاكرتي ودروسي بس في مشاكل كتير قابلتني منها اخواتي في البيت بيعملوا دوشة ومش بعرف اركز منهم
شوف اخواتك بيناموا امتى و يكون دة ميعاد صحيانك او لو ينفع لازم يكون عندك قوضة خاصة بيك تقفل على نفسك و تذاكر
وعندي مشكلة في الانجليزي مش بعرف احل اسئلة المهارات زي الترجمة والبرجراف والستويشن والاسبيكريز
اولا كدة الترجمة و البرجراف محتاجين منك حصيلة كلمات قوية بمعنى انى لازم يكون معاك كلمات من بره المنهج تحفظها غالبا سيربريز بيكون عامل قاموس من وراه فيه كلمات
اهم حاجة انك تتدرب على الاسئلة دى كثيييييير و ممكن تلقى فى كلمات و حاجات بتتكرر
ثانيا الستويشن و الاسبكريز دول اسهل سؤالين يا جدع
دول بيبقوا اسطنبه محفوظة و اسئلتها بتتكرر كثيييييييير
المواقف فيها اسأليب بتحفظها اللى هو مثلا اسلوب النصيحة you should ...... ,و تكمل الجملة
و الاعتزار iam sorry
الحاجات دى بتكون بعد كل درس و بتتحفظ
و الاسبيكرز انت حل عليه كثير دة سؤال سهل جدا
و اسئلته بتبقى معروفة و بتتكرر
وعايزة طريقة سهلة لرسومات الاحياء عشان مش بحب الرسم خاالص
انا كمان مش بحب الرسم بس احنا مش دخلين فنون جميلة :) اهم حاجة ترسم شكلى توضيحى فقط اهم حاجة انك تكتب البيانات صح
انت الاول امسك الرسمه و شيفها بعد كدة ارسمها لوحدها من غير ما تشفها بس تبقى باصص على الرسمه الاصليه
بعد كدة ترسمها و على الغايب لوحدك و تكون حافظ البيانات
وخايفة من التعبير والبلاغة
اعتقد فى كل كتاب خارجى عربى بيكون كاتب نصائح عن التعبير دى مفيدة جدا ابقى اقراها
و البلاغة برضه بتكون فى حاجات محفوظة بس البلاغة محتاجة تطبيق كثيييير حل عليها كثير
ومش عارفة احس باهمية الثانوية وانها اللي هيترتب عليها مستقبلي وكل صوحابي كل ما يشوفوني يقولولي احنا مش بنذاكر ويفضلوا يكلموني ف الدروس
ملكش دعوة بصحابك و ماتسمحشى حد يكلمك طول ما انتى فى درس او فى شرح للاستاذ
لانى كدة الاستاذ هياخد عنك فكرة مش كويسة وانك مش ملتزم بالشرح
لو تعرف تقعد فى مكان غير جانبهم يبقى كويس

ياريت تساعدوني وجزاكم الله خيرا

نصيحة ذاكر اه بس بلاش تاخد السنة على اعصابك
لانها سنة سهلة و كله بينجح
و المدرسين كلهم الا من رحم ربى ييكبره النقل
و كل اهتماماتهم و مجهودهم بتكون لبتوع 3
مش معنى كدة انك ماتزكرشى لالالالالالا
افتكر دايما انى خير الامور الوسط
اهتم بالبلاغة و النحو و الفرنساوى و الانجليزى ( احفظ كلمات كثييييير فى الانجليزى )

جزاكي الله خيرا وربنا يوفقك وان شاء الله انفذ كل الكلام اللي قولتي عليه