السلام عليكم
انا بحب الجروب ده اوووي وانا ف تانية ثانوي السنة دي وكنت عايزة استعد لتالتة ثانوي واظبط طريقة مذاكرتي ودروسي بس في مشاكل كتير قابلتني منها اخواتي في البيت بيعملوا دوشة ومش بعرف اركز منهم وعندي مشكلة في الانجليزي مش بعرف احل اسئلة المهارات زي الترجمة والبرجراف والستويشن والاسبيكريز وعايزة طريقة سهلة لرسومات الاحياء عشان مش بحب الرسم خاالص وخايفة من التعبير والبلاغة ومش عارفة احس باهمية الثانوية وانها اللي هيترتب عليها مستقبلي وكل صوحابي كل ما يشوفوني يقولولي احنا مش بنذاكر ويفضلوا يكلموني ف الدروس
ياريت تساعدوني وجزاكم الله خيرا

بسم الله الرحمن الرحيم

الثانوية دى سنة بسيطة جداً والله متقلقيش ,, فيه بس حاجتين لازم نظبطهم

أولاً: الصلاة إن شاء الله تبقى رقم 1 قبل كل حاجة ,, وخاصة قيام الليل ولو بركة واحدة لأن فضلها عظيم جداً وبتلاقى يومك كله مظبوط وفيه بركة فـ كل حاجة وعن تجربة والله

ثانياً: بعد الفجر هناخد نص ساعة بس ,, هنقرأ الأذكار والجزء بتاعنا من القرآن ,, وننطلق فـ المذاكرة :)
-------------------------------------------
نيجى فـ الحياة العملية بقى :d

موضوع إخواتك ده بسيط إن شاء الله لأن ممكن تذاكرى فـ غرفة لواحدك أو هما يوطوا صوتهم شوية
-------------------------------------------
مادة الإنجليزى كلها بتتلخص فـ (حفظ كلمات+فهم قواعد) وركزى على القواعد فـ تانية لإن أغلبها فـ تالتة ,, دروس الريدنج تتقرأ مرة و2 ,, حلى كتير من كتابين 3 وخلى المدرس يصححلك عشان لو فى أخطاء تتعرفى عليها ,, إحفظى كلمات فـ كل المجالات (رياضة , إقتصاد, إعلام , سياسة ,,, ) عشان هتساعدك فـ الترجمة والبرجراف ,, والبرجراف دا سهل جداً والله (تحصيل كلمات وراوبط الجمل )
-------------------------------------------

رسومات الأحياء سهلة وحلوة جداً (خاصة بتاعت تالتة) ودى بتعتمد على المدرس وطريقة شرحه وتبسيطه للرسمة
-------------------------------------------
العربى بقى
أمره سهل والله ,, عندك التعبير دا فى ملحق بيجى مع كتاب الأضواء فيه مواضيع كتير وحلوة ,, يكفيكى قرائتها

البلاغة سهلة جداً جداً جداً مفيش فيها جديد ,, كلمتين وبيتحفظو

النحو: افهمى القاعدة كويس وطبقى عليها كتييييير ومن كتب كتيير وركزى على الثوابت (يعنى زى :الجمل بعد النكرات صفات وبعد المعارف أحوال ,, الإسم الواقع بعد إسم الإشارة لو نكرة يبقى خبر ولو معرف بـ أل يبقى بدل ) الحاجات دى
-------------------------------------------
الصُحاب

هتقابلى أشكال وألوان:
اللى تلاقيه ماشى يقول انا حليت 500 كتاب فيزياء ,, واللى يقول انا حليت مليون امتحان ثانوية والكلام دا كله ,, انا مذاكرتش انا مش فاهم انا مش عارف وتلاقيه طالع الأول عـ الجمهورية :d

ربنا يوفق الجميع ,, بس كبرى دماغك ومتسمعيش لحد حتى لو صاحبى وحبيبى ,, ربنا يباركلنا جميعاً ,, انا مع نفسى بس ومذاكرتى لنفسى ,, استعينوا على قضاء حوائجكم بالكتمان
-------------------------------------------

هى سنة مصيرية ومحتاجة جهد بس سهلة جداً إن شاء الله

ربنا ييسرلك الخير وبالتوفيق إن شاء الله

جزاك الله خيرا وربنا يكرمك حضرتك افدتني كتير بس انا بنام ساعات بدري وبيروح عليا نومة ومش بصحي بدري فكنت عايزة اعرف بعد اذنك اسهر لحد الساعة كام ومققلش عنه

السهر بيختلف من شخص للتانى ,, انا بفضل السهر لغاية 11 أو 11 ونص كده ,, إلا لو فى حاجة اضطرتك للسهر لبعد كده ,, والصُحيان من الفجر ,, يعنى بتاع 6 ساعات نوم ,, حلوين أوى ,, وطول اليوم بقى مفيش نوم :d

جزاك الله خيرا يا دكتور وربنا يكرمك

ممكن حضرتك تقولي ع افضل الكتب الخارجية اللي اشتغل منها

مادة زى العربى ممكن تذاكريها من كتاب الأضواء ,, والقصة بردو من الجزء بتاع الأضواء لأن فيها معانى كتير ,, بس الأدب يتحفظ كده من كتاب الوزارة

الفيزياء والكيمياء والأحياء من كتاب الإمتحان والحل عليهم بردو من كتاب الإمتحان بجانب دليل التقويم فـ التلاتة (لو عاوزة من كتب إضافية فـ الفيزياء كتاب الماسى والأحياء كتاب النفيس)

والجيولوجيا كتاب الإمتحان مذاكرة وحل والدليل بردو

وقبل كل دا كتاب الوزارة (تتحل تدريباته كلها واللى يقف عليكى وديه للمدرس ويُستحسن تحليهم فـ كشكول ويفضل عندك عشان وقت الإمتحانات وكده تقدرى ترجعى لإجابتهم)

معلش اتأخرت فـ الرد :)

جزاك الله كل خير كنت عايزة اعرف كام عدد المواد اللي ممكن اذاكرها ف اليوم ؟

بردو دى بتختلف يـ آلاء ,, يعنى على حسب عدد الدروس يومياً

نفترض ان عندك بمعدل درسين كل يوم ,,

لما أخلصهم وارجع البيت ,, لازم أشيك عليهم قبل مـ أبدأ أذاكر للدروس اللى عليا تانى يوم وهكذا

جزاك الله كل خير يا دكتور حضرتك ساعدتني كتير ميرسي بجد
بالنسبة لسنة تانية ثانوي اتعامل معاها ازاي اهتم بيها ولا اخليها تعدي وخلاص

حاولى تطلعى منها بتنظيم الوقت و تقديم الأولويات ,, وتتعودى ع المذاكرة والقُعاد عـ المكتب بـ الساعات :d

اووك ميرسي كتير يا دكتور

رغبة-بحث-تنظيم=تحسن المستوى
انا اتذكر فى الاعدادى كنت لا افقه شىء فى اى شىء والاخص النحو والانجليزى لاكن بعد عناء ومطالعة الكتب المختلفة لتلك الفروع تحسن مستواىواستطعت ان احصل الدرجات النهائية بل واصبحكل شىء سهل هذا من قبيل النصيحة

اعمل ايه في السرحان اثناء المذاكرة

انا بقعد كتير ع بوابة الثانوية وساعات بضيع وقت كتير ايه الحد المعقول اللي مزودش عنه

لئلا يشرد ذهنك اثناء المذاكرة عليك بالتخلص من كل ما يشغلك عنها داخل غرفتك و يتمثل ذلك فى الهاتف المحمول و الكمبيوتر و التلفاز و اى شئ لا يتعلق بالمواد التى تدرسها و يجب ان تنبهي على من فى البيت ان يحاولوا قدر الامكان منع وصول اصواتهم الى اذنيك حتى لا تنشغلي فى التفكير بخطوب المنزل و ما يدور فيه عن مذاكرتك كما كان يحدث معى و حاول ايضا ان تجعل ما ستذاكرين فيه فقط امامك على المكتب او الطاولة حتى لا تشاهدي كتب مادة اخرى قد قصرتي فيها بعض الشئ فتتفرغين للتفكير فيها و تنسين ما بين يديك فتقصر فى المادتين معا و حاولي ان تجعلي الباب مغلقا لكن لا تجعليه مغلقا بحيث لا يستطيع ان يفتحه احد حتى لا تتركين الفرصة للشيطان ليدعوكي للكسل و الخمول بحجة الراحة قليلا و انه لا رقيب عليك حينها بل اجعلي الباب قابل للفتح و مغلق فقط لصد الاصوات عن غرفتك و شباك الغرفة يجب ان لا يكون مفتوحا دائما بل حين الحاجة فقط و يجب ان تتهيأي نفسيا للتركيز و الوقود الذي سينبه مخك لما امامك هو التحفيز فالعقل يعطي التركيز فقط للاشياء التى يعتبرها مهمة فايمانك بقضية مستقبلك يجعل من اليسير التركيز عليه و اياك التركيز فى الحوارات الجانبية التى دارت بين المدرس و الطلبة على سبيل المزاح و الاستغراق فى التفكير فيها و كلما شردتي ازجري نفسك عن ذلك كأنك تحدثين شخصيا اخر و تنهينه عن فعل معين و استعيذي بالله من الشيطان الرجيم كلما بدا لك ذلك و اتفلي عن يسارك ثلاثا و عليكي بالصلاة اولا و اخيرا لانها تهيأ العقل لباقي امور الحياة لما فيها هدوء النفس و ابعاد كل الشواغل و الامور التافهة عنها كما ان الصلاة تبعد عن الشيطان و تمكنك من امساك زمام نفسك و التحكم بها و توجيهها لما فيه الخير لك كما احبذ فنجانا من القهوة فى اوقات الشرود التام مع عدم الاكثار منها لانك ستلجأين لها حتما فى الثانوية العامة

و بالنسبة للساعات التى يجب ان تقضيها على الانترنت و خصوصا هذا الصرح الشامخ , اكتبي كل ما تحتاجينه فى ورقة و حددي وقت الراحة بين فترات مذاكرتك و ادخلى على الانترنت و نفذيها واحدة تلو الاخرى لان تحديد الهدف يجعل من اليسير السيطرة على الوقت و تنظيمه

دمتي بعون الله اختى ووفقك الله لما فيه الصلاح لنفسك و امتنا الاسلامية و الاسلام

كتب لك اخاك فى الله : اسلام احمد ربيع من كلية طب عين شمس الفرقة الاولى

لئلا يشرد ذهنك اثناء المذاكرة عليك بالتخلص من كل ما يشغلك عنها داخل غرفتك و يتمثل ذلك فى الهاتف المحمول و الكمبيوتر و التلفاز و اى شئ لا يتعلق بالمواد التى تدرسها و يجب ان تنبهي على من فى البيت ان يحاولوا قدر الامكان منع وصول اصواتهم الى اذنيك حتى لا تنشغلي فى التفكير بخطوب المنزل و ما يدور فيه عن مذاكرتك كما كان يحدث معى و حاول ايضا ان تجعل ما ستذاكرين فيه فقط امامك على المكتب او الطاولة حتى لا تشاهدي كتب مادة اخرى قد قصرتي فيها بعض الشئ فتتفرغين للتفكير فيها و تنسين ما بين يديك فتقصر فى المادتين معا و حاولي ان تجعلي الباب مغلقا لكن لا تجعليه مغلقا بحيث لا يستطيع ان يفتحه احد حتى لا تتركين الفرصة للشيطان ليدعوكي للكسل و الخمول بحجة الراحة قليلا و انه لا رقيب عليك حينها بل اجعلي الباب قابل للفتح و مغلق فقط لصد الاصوات عن غرفتك و شباك الغرفة يجب ان لا يكون مفتوحا دائما بل حين الحاجة فقط و يجب ان تتهيأي نفسيا للتركيز و الوقود الذي سينبه مخك لما امامك هو التحفيز فالعقل يعطي التركيز فقط للاشياء التى يعتبرها مهمة فايمانك بقضية مستقبلك يجعل من اليسير التركيز عليه و اياك التركيز فى الحوارات الجانبية التى دارت بين المدرس و الطلبة على سبيل المزاح و الاستغراق فى التفكير فيها و كلما شردتي ازجري نفسك عن ذلك كأنك تحدثين شخصيا اخر و تنهينه عن فعل معين و استعيذي بالله من الشيطان الرجيم كلما بدا لك ذلك و اتفلي عن يسارك ثلاثا و عليكي بالصلاة اولا و اخيرا لانها تهيأ العقل لباقي امور الحياة لما فيها هدوء النفس و ابعاد كل الشواغل و الامور التافهة عنها كما ان الصلاة تبعد عن الشيطان و تمكنك من امساك زمام نفسك و التحكم بها و توجيهها لما فيه الخير لك كما احبذ فنجانا من القهوة فى اوقات الشرود التام مع عدم الاكثار منها لانك ستلجأين لها حتما فى الثانوية العامة

و بالنسبة للساعات التى يجب ان تقضيها على الانترنت و خصوصا هذا الصرح الشامخ , اكتبي كل ما تحتاجينه فى ورقة و حددي وقت الراحة بين فترات مذاكرتك و ادخلى على الانترنت و نفذيها واحدة تلو الاخرى لان تحديد الهدف يجعل من اليسير السيطرة على الوقت و تنظيمه

دمتي بعون الله اختى ووفقك الله لما فيه الصلاح لنفسك و امتنا الاسلامية و الاسلام

كتب لك اخاك فى الله : اسلام احمد ربيع من كلية طب عين شمس الفرقة الاولى

جزاك الله كل خير وجعله في ميزان حسانتك