مشاهدة النسخة كاملة : رسالة هولاكو الى سيف الدين قطز رحمه الله
The_Relativistic200 08-08-2008, 12:28 AM سلام عليكم انا وانا بتطلع يعنى على حاجات كده طبعا ملكوش دخل بيها.... المهم:D لقيت رسالة هولاكو الى قطز رحمه الله وبصراحة الرسالة دى جذبتنى جدا.....واستغربت لها اوى... وحسيت فيها حاجات كتيرة اوى......اكتر من مجرد رسالة تهديد قولت ادينى بتسلى....اكتب اللى انا حاسه:) الرسالة كانت بتقول....ياريت تحسوها بجد:) وممكن تلاقولى تعليق بالازرق...طبعا لو حد قرا:)
=============
"من ملك الملوك شرقًا وغربًا القائد الأعظم: باسمك اللهم، باسط الأرض، ورافع السماء، ( ايه ده ....ده يعرف ربنا!!!!) يعلم الملك المظفر قطز الذي هو من جنس المماليك الذين هربوا من سيوفنا إلى هذا الإقليم، يتنعمون بأنعامه، ويقتلون من كان بسلطانه بعد ذلك، يعلم الملك المظفر قطز وسائر أمراء دولته وأهل مملكته بالديار المصرية وما حولها من الأعمال، إنا نحن جند الله في أرضه ، خلقنا من سخطه، وسلطنا على مَن حَلَّ به غضبه، فلكم بجميع البلاد معتبر، وعن عزمنا مزدجر، فاتعظوا بغيركم وأسلموا لنا أمركم. قبل أن ينكشف الغطاء، فتندموا ويعود عليكم الخطأ، فنحن ما نرحم من بكى، ولا نرقّ لمن اشتكى، وقد سمعتم أننا قد فتحنا البلاد، وطهرنا الأرض من الفساد، وقتلنا معظم العباد ، فعليكم بالهرب، وعلينا الطلب، فأي أرض تؤويكم، وأي طريق تنجيكم، وأي بلاد تحميكم؟! فما لكم من سيوفنا خلاص، ولا من مهابتنا مناص، فخيولنا سوابق، وسهامنا خوارق، وسيوفنا صواعق، وقلوبنا كالجبال، وعددنا كالرمال، فالحصون عندنا لا تمنع، والعساكر لقتالنا لا تنفع، ودعاؤكم علينا لا يُسمع، فإنكم أكلتم الحرام، ولا تعفُّون عند كلام، وخنتم العهود والأيمان، وفشا فيكم العقوق والعصيان، فأبشروا بالمذلة والهوان، فاليوم تجزون عذاب الهون بما كنتم تستكبرون في الأرض بغير الحق وبما كنتم تفسقون، وسيعلم الذين ظلموا أي منقلب ينقلبون، (بيستشهد بالقرأن كمان!!!)فمن طلب حربنا ندم، ومن قصد أماننا سلم، فإن أنتم لشرطنا وأمرنا أطعتم، فلكم ما لنا وعليكم ما علينا، وإن خالفتم هلكتم، فلا تهلكوا نفوسكم بأيديكم، فقد حذّر من أنذر. وقد ثبت عندكم أنا نحن الكفرة، وقد ثبت عندنا أنكم الفجرة، وقد سَلَّطَنا عليكم من له الأمور المقدّرة، والأحكام المدبرة، فكبيركم عندنا قليل، وعزيزكم عندنا ذليل، فلا تطيلوا الخطاب، وأسرعوا برد الجواب، قبل أن تضرم الحرب نارها، وترمي نحوكم شرارها، فلا تجدون منا جاهاً ولا عزًا، ولا كافيًا ولا حرزًا، وتدهون منا بأعظم داهية، وتصبح بلادكم منكم خالية، فقد أنصفناكم إذ راسلناكم، وأيقظناكم إذ حذرناكم، فما بقي لنا مقصد سواكم، والسلام علينا وعليكم، وعلى من أطاع الهدى، وخشي عواقب الردى، وأطاع الملك الأعلى".
ايه رأيكم فى الرسالة دى.... على فكرة انا انبهرت بالرسالة جدا ..... لانها بتكشف حاجات كتيرة اوى.... انا عاوز اقول حاجات منها....بس عاوز حد يشارك ....ويقرا عشان مش اقولها وخلاص.... ما علينا...لو ملاقيتش رد....هكتب اللى انا شايفه ... وخلاص:) كفاية الرسالة موضوع اصلا...... :rolleyes::rolleyes::rolleyes:
ahmed2845 08-08-2008, 12:44 AM شكرا على الموضوع
والله رسالة جميلة جداا
شكراااااااااااااااااعلى الموضوع فعلا هو كان عدو وكافر بس عارف القران
اما احنا دلوقتي عصر التكنولوجيا بس مفيش حد بيتجرا ويضطلع على دين غير دينه ومتهيالي انه المفروض ان ده يحصل
ربنا يهدينا جمييييييعا
في امان الله
يا راجل دى خوفتنى انا شخصيا
انا حاسس ان امريكا بتوجهلنا الرساله دى
شكرا ليك
lulu caty 08-08-2008, 02:30 AM رسالة حلوة الواحد مكانش عارف انهم متدينين كده ويعرفوا ربنا
lulu caty 08-08-2008, 02:31 AM بس موضوع حلو خالص
يسلمووووووووووو
The_Relativistic200 08-08-2008, 09:37 AM واضح ان فيه سوء تفاهم بسيط
ما علينا...
:d
منورين:)
واحـد من النــاس 08-08-2008, 09:59 AM الف شكر يا خالد
الرسالة دي انا فاكرها تقريبا خدناها في تانية ثانوي
لكن .. انا مش مصدقها لأن اللي اعرفه ان قطز قطع الرسالة من الغضب مين بأه اللي لحقها وحطها في متحف
ثانيا .. ( باسمك اللهم ) دي اول واحد قالها كان جاهلي مش عارف اسمه ايه اللي عرف هولاكو بيها
حاجة كمان انها مسجوعة يعني كأن هولاكو ده كان بيتكلم عربي كويس اوي
فانا اعتقد انها من السيناريو بتاع القصة .. لما واحد زي علي أحمد باكثير ييجي يألف قصة مش بيألفها بالنص لأ بيزود أحداث ومش بعيد يكتب الرسالة اللي بعتها هولاكو لقطز والرسالة اللي رد بيها قطز على هولاكو عشان في الآخر يقولنا ده كان بيهدد لكن على مين :d قطز الشجاع مش بيخاف وقتل الرسل وبعت الرد بتحدي
لكن حكاية انه بيستشهد بالقرآن و كده مش داخلة دماغي .. ده رأيي
وشكرا مرة تانية يا غالي
MohammeD el_SadaT 08-08-2008, 10:21 AM إنت متأكد إن الرساله دى
من
ملك التتار
إلى
الملك قطز
أنا حاسس إن ملك التتار فى الرساله بيتكلم على أساس إن هو مسلم موحد وإن هو يد الله فى الأرض لتنفيذ الحق
وإننا بنتعاقب على أفعالنا اللى فعلاً كانت إنتشرت فى هذا العصر من فتن وفجور وعصيان
عن جد أنا حتى الآن مش قادر أصدق إن ده نص الرساله الحقيقى
Rambo_Uranium 08-08-2008, 10:23 AM شكرا على الموضوع الجميل ده
السمراء 08-08-2008, 10:37 AM اولا شكرا على مجهودك.........لكن احساسى بيقول ان ده مش ممكن يكون نص الرسالة الحقيقى
Nada848 08-08-2008, 10:47 AM جزاك الله كل خير
وياريت يكون ده النص الحقيقى لانى كنت بدور عليه
!DreAmeR! 08-08-2008, 10:52 AM كرا يا باشا على لموضوع الجميل
عاشقـــ الانمى ـــة 08-08-2008, 10:57 AM الرسالة دى تقريبا اخدتها بس مش كلها
بسس انا افتكر جملة الاستاذ قالهالنا
مش كل حاجة بناخدها بتبقى صح
وبعدين ال انا نفسى افهمه
ازاى احنا اصلا هنعرف الرسالة لما قطز قطعها فى ساعتها
أنا اسمع عن هلاكو انوا انسان جبار
انا فى الرسالة شايفاه بيتكلم برقة اوى:D
ganash 08-08-2008, 11:07 AM لالالا طبعا مش دى الرساله الحقيقيه ليه يعنى ده كده احنا التتار ؟؟؟؟
The_Relativistic200 08-08-2008, 11:14 AM مش عارف ايه حكاية قطع الرسالة اللى لحست دماغكم دى
احمد مظهر والله هو اللى قطعها
الرسالة قراها رسول التتار
اجتماع قطز مع مستشاريه
قطعوا رؤوسهم وعلقوها على باب زويلة
هو ده اللى حصل
معرفش ايه اللى انتوا بتقولوا عليه ده
:)
انا جايبلكم رسالة حقيقية ...
عشان نتدارسها مع بعض
يقوم تقولولى انها غلط
ولا اشك انها صح.....
شغلوا دماغكم شوية:d
وعلى فكرة الرسالة دى مش موجودة لا فى تانية ثانوى و لافى غيره....
ركزوا فى الرسالة دى ولا غير الله يخليكم
ادينا بنتعلم سوا:)
واحـد من النــاس 08-08-2008, 11:25 AM على فكرة بأه انت اللي شكلك ذاكرتك ضعيفة
والله العظيم الرسالة دي انا قرأتها قبل كده وفي كتاب دراسي يعني مش ثقافة :d
_GUIDE_ 08-08-2008, 11:32 AM لو قولتلك شكرا على الرسالة
هتزعل منى :D
........................................
بص ياخالد اللى اعرفه ان هولاكوه كان مؤمن بالفكر البوذى
يعنى مؤمن ان فيه أله وانه هو خليفة الله
او يد الله فى الارض
وهو من وجهة نظر سلفية بحته بيطبق نفس اللى بيطبقوه السلفين حاليا
او بمعنى اخر بيطبق نفس اللى طبقه وحاول يطبقه هتلر واليهود بعده
شعب الله المختار او الجنس السامى وباقى الاجناس لا تصلح غير انها تكون عبيد
مش عارف انتوا ليه معترضيين على الرسالة
انتوا عايزين عقولكم فى الثانوى ولا الاعدادى تتخرب لما تقروا رسالة زى دى
وتعرفه ان هولاكو كان مومن بان فيه اله وانه مكنش بربرى للدرجة دى
ولا يقولكم ان الخليفة المعتصم فى بغداد كان فعلا ايامها يستحق السحل
فى الشوارع
ده كان احمد مظهر رفع على وزارة التربية والتعليم قضية
وبعدين صلاح ذو الفقار فى فيلم الناصر صلاح الدين
مهو قال (الدين لله والوطن للجميع ) بعديه سعد زغلول اخد الشعار منه
ومن بعده جمال عبد الناصر محدش اتكلم ليه :D
ولا علشان خالد طيب:D
شكرا يابشمهندس
مستر رمضان عيسى 08-08-2008, 11:44 AM جميل الموكضوع و المعالجة
مشكوووووووووووووووووووووووووووور
احمد رضا 08-08-2008, 11:53 AM خلينا نتغاضي عن الحشو اللي ملهوش لزمه والكلام الغير قيم .. المهم :d
نخلينا في الكلام اللي مفروض نبصله
--
بالرغم من الجَهل بالمصدر اللي انت جبت منه الرساله إلا ان معظم الرساله زي ما انا قريتها علي ويكبيديا من سنه ونص
:)
اولا الرساله مكتوبه بأسلوب لغوي متقن وده مش شئ صعب علي شوية مرتزقه من كل حته ومنهم الخونه الكتير من المستعربين والمستسلمين واللي هيكون منهم نُحاه ( حلوة نُحاه وشكلها غلط :d) ولغويين اقوياء فسهل انهم يقولوا اللي عايزينه باللي يفهمه شعب مصر ويستخدموا الكلمات البليغه اللي تهزر كيان المصريين
ثانيا اعتبر التتار انفسهم خلفاء الله في الارض علي حسب معرفتي بالرساله الاصليه اللي كان بيقول فيها
بسم إله السماء الواجب حقه، الذي ملكنا أرضه، وسلّطنا على خلقه
وبتدل كمان علي ذكاء التتار بالرغم من همجيتهم
إلا انهم بيستخدموا العناصر الذكيه اللي فيهم في كل حاجة
والبحث عن نقاط ضعف الشعوب
ثالثا : لما ارجع من الصلاه بقي .. عشان متأخرش
:d
واحـد من النــاس 08-08-2008, 12:02 PM مش نعرف مصدرك ايه الأول قبل ما نتدارس
ولا نسلم بيها ؟
:)
قولهم حاجة يا احمد :D
العمر 08-08-2008, 12:06 PM جميل جدا.......
Dr.diamond 08-08-2008, 12:17 PM فما لكم من سيوفنا خلاص، ولا من مهابتنا مناص، فخيولنا سوابق، وسهامنا خوارق، وسيوفنا صواعق، وقلوبنا كالجبال، وعددنا كالرمال، فالحصون عندنا لا تمنع، والعساكر لقتالنا لا تنفع، فمن طلب حربنا ندم، ومن قصد أماننا سلم، فقد حذّر من أنذر.
اهو الكلام ده بالذات انا فاكره انى شوفته قبل بس مش فاكره فين
ما علينا يعنى
هو عالعموم اسلوب الرساله اساسا رائع وغريب انه يطلع من واحد زى هولاكو وانه يتكلم بالطريقه دى
مش عارفه ليه حاسه ان قطز هو الى باعتها
_GUIDE_ 08-08-2008, 01:01 PM طيب انتوا معترضين على مصدر الرسالة
طيب حد شاف الرسالة الاصلية علشان يعترض على
الرسالة دى حاجة عجيبة
وحاجة كمان المغول او التتار كان عندهم حضارة
مش زى ما صورت لينا الافلام وكتب التاريخ اللى معظمها مفبركة لصالح العرب
وحاجة كمان
راجل زى هولاكو غزاء اسيا واحتالها
وقضى على الدولة الخورزمية ودى كانت دولة قوية جدا
والخلافة العباسية وممالك ودول
هيبئا صعب عليه يكتب او يخالى حد
يكتب رسالة زى دى
شكلنا لسه متقصرين بمسلسل الفرسان
او فيلم واسلاماه
احمد رضا 08-08-2008, 02:19 PM طيب انتوا معترضين على مصدر الرسالة
مش معترضين من اسلوب احترام عقليه القارئ انك تجبله مصدر الخبر او المضمون
غير كدا يبقي فيه قصور
ولا انت مش موجوده في موسوعتك المعلومه دي يا اسلام باشا
:)
زي مش اي حاجة نشوفها نسلم بيها حتي لو موجوده بين قوسين ومكتوب آيه كذا من سورة كذا ومكتوبه بالتشكيل كمان
لان معظمنا بقي عنده النوعيه من الغباء او الاستهتار الغير المقصود - علي فكره مش بعيب في حد - انا قولت معظمنا لان ساعات بقع في الاغلاط والاخطاء دي
:)
بهاء هاشم 08-08-2008, 02:22 PM السلام عليكم
ايا كان نص الرسالة يا جماعة المهم التتار فين دلوقت ؟ هزموا اشر وابشع هزيمة وده كان سببه الايمان القوى والتحدى من جانب المسلمين والقيادة الحكيمة الرشيدة اللى عارفة قيمة الاسلام وقيمة الارض وبعدين يا جماعة الحمد لله ان ربنا رزقنا فى الوقت ده بحاكم زى قطز لا خاف ولا سلم مع ان التتار فى ذلك الوقت كانوا ابشع واجرم خلق الله على الارض وده يخلينا نعرف حاجة ان الايمان والعمل على نصرة الدين اهم شئ وان الحكمة التى تحميها القوة اهم شئ لابد ان يتصف به القائد المسلم وانه لا يهاب التهديدات الخارجية لانه المسأله مش بالكلام وعلو الصوت
واتذكر ان امريكا كانت بتوزع منشورات على العراقيين ايام الحرب وده اصابهم بالخوف والفزع لقلة الايمان والضعف تمام زى ما بعت التتار وهدد قطز عموما شكرا جدا على الموضوع الجميل
احمد رضا 08-08-2008, 02:26 PM علي فكرة انا ولا سمعت الفرسان ولا وإسلاماه
للعلم فقط
:d
احمد رضا 08-08-2008, 02:36 PM ثالثا : يتضح التناقض اللا محدود في كلام التتار مما يبرز إما مدى تخلفهم إما تخلف جنودهم وده اللي اعتقده انا ان الملوك بيفكروا والقواد بيفكروا ويجي يسيبوا زمام الامور للجند
وإلا لو هما حلوين وشاطرين وفالحين بيستشهدوا بالقرآن يبقي حتما إيمانهم بالسنه ومؤمنين بما انزل في الإسلام
ازاي يرفعوا السيف في وجه مسلم
او ممكن نبصلها من منظور تاني
انهم واخدين القرآن كحكمه من حكم العرب وشبه الامثال كدا
رابعا : التتار من تقييمي تفوقهم في تخلفهم وعددهم واعتقد انهم مكانوش بيقعدوا كتير في اي بلد لان طموحاتهم كانت سريعه وده اللي عرفته من التاريخ المتخلف
:D
خامسا : سجلوا دخول واعملوا تذكرني هبقي احلي عشان بس نحس بوجودكم
:D
يالا ع البركه
وسواء كدا او كدا
لا يشغلني في شئ سوي اني اعرف المعلومه بس
لاني مبحبش التاريخ علي الإطلاق
وهحبه لما يخترعوا آله الزمن
:rolleyes:
_GUIDE_ 08-08-2008, 03:14 PM ثالثا : يتضح التناقض اللا محدود في كلام التتار مما يبرز إما مدى تخلفهم إما تخلف جنودهم وده اللي اعتقده انا ان الملوك بيفكروا والقواد بيفكروا ويجي يسيبوا زمام الامور للجند
وإلا لو هما حلوين وشاطرين وفالحين بيستشهدوا بالقرآن يبقي حتما إيمانهم بالسنه ومؤمنين بما انزل في الإسلام
ازاي يرفعوا السيف في وجه مسلم
او ممكن نبصلها من منظور تاني
انهم واخدين القرآن كحكمه من حكم العرب وشبه الامثال كدا
رابعا : التتار من تقييمي تفوقهم في تخلفهم وعددهم واعتقد انهم مكانوش بيقعدوا كتير في اي بلد لان طموحاتهم كانت سريعه وده اللي عرفته من التاريخ المتخلف
:D
خامسا : سجلوا دخول واعملوا تذكرني هبقي احلي عشان بس نحس بوجودكم
:D
يالا ع البركه
وسواء كدا او كدا
لا يشغلني في شئ سوي اني اعرف المعلومه بس
لاني مبحبش التاريخ علي الإطلاق
وهحبه لما يخترعوا آله الزمن
:rolleyes:
هو المعروف عن المغول او التتار كما اطلق عليهم العرب
انهم كانوا بيضعه روؤس المعز وده علشان يديهم منظر مخيف
ده بجانب ان كان عندهم ناس متخصصه فى نشر الخرفات عن ان التتار الراجل فيهم بحجم الفيل وليه اربع اذرع
وليه قرون وغيرها وغيرها من الخرفات اللى تخلى اعته الجيوش تخشى موجتهم
تفتكر ناس بالتفكير ده متخلفين
ahmed2845 08-08-2008, 04:51 PM يا جماعة الرسالة دى اكيد حقيقية لان رسائل قادة الجيوش زمان الى بعض كانت دايما مسجوعة
واكيد هولاكو استعان بحد يجيد العربية من بلده او من اى حته تانيه لان اللغة العربية كانت منتشرة فى ذلك الوقت ( زى الانجليزى دلوقتى )
ثانيا مفيش مشكله فى ان هولاكو كان عارف ربنا و مش مسلم طيب ما اليهود عارفين ربنا
وبعدين نص الرسالة حتى لو كان اتقطع على ايد قطز فاكيد حد من اللى كان موجودين جنب قطز استطاع ان يحفظ نصها فى عقله او يمكن حتى لمها من الارض بعد ما اتقطعتى مش قضية يعنى
وبعدين موضوع اصل الرسالة ده مش مهم اوى
الراجل صاحب الموضوع كان عايز يوريكم السجع اللى فيها و جمال الكلام و الحكم اللى بتتضمنها و اللى كتير منها بيطبق على واقعنا الان
انما اصل الرسالة مش هو الهدف الاساسى من الموضوع
ده اللى انا قدرت افهمه و هو مجرد راى لان بصراحة الرسالة عجبتنى جداااا
The_Relativistic200 08-08-2008, 06:05 PM قبا ما اعلق على شوية حاجات
حاسس فى فى سخونية عشان احمد يعرف انا جبت الرسالة دى منين
مش هقوللك انى عالم فى التاريخ مثلا...عشان اطلعهالك من كتاب فلان او علان...
انما عموما انا جايبها من موقع الشبكة الاسلامية...
فى مواقع تاريخية كتير بتذكر نفس النص...
بنفس الطريقة..وممكن فى زياده صغيرة او نقص
انما هى دى الرسالة اللى تواترت عندى فى معظم المواقع اللى اتطلعت عليها.
و اساتذة التاريخ اللى اعرفهم عن نفسى اكدوها لى
طبعا مش عشان احطها فى الموضوع لسعادتكم.:)
شئ غريب والله:):)
نرجع لموضوعنا بقى
ومش عارف ليه حاسس فى بعض الردود زى للى بيطعنوا فى السنة
الحديث قدامه وصحيح ( طبعا اللى معانا مش حديث)
وعشان مش فاهمه....يقوللك ده موضوع.....طب ما تحاول تفهم ..
سبحان الله العظيم....
على فكرة انا اتضايقت من حكاية كل واحد يقوللى الرسالة غلط.....
ما علينا...
نتكلم عن شوية ردود فى الموضوع بقى:)
Dr.diamond 08-08-2008, 06:27 PM هو المعروف عن المغول او التتار كما اطلق عليهم العرب
انهم كانوا بيضعه روؤس المعز وده علشان يديهم منظر مخيف
ده بجانب ان كان عندهم ناس متخصصه فى نشر الخرفات عن ان التتار الراجل فيهم بحجم الفيل وليه اربع اذرع
وليه قرون وغيرها وغيرها من الخرفات اللى تخلى اعته الجيوش تخشى موجتهم
تفتكر ناس بالتفكير ده متخلفين
يا سبحان الله
سجلت خروج ودخلت تانى
لقيت الى كانوا مشرفين ومبقوش مشرفين رجعوا تانى بقوا مشرفين
كل ده فى وقت قصير جدا
امال لو قفلت دلوقتى ورجعت بليل هلاقى ايه
اغرب منتدى شفته فى حياتى
(معلش خرجت بره الموضوع بس اصلها استفزتنى اوى الحكايه دى
ابقوا احذفوا المشاركه مش مشكه)
The_Relativistic200 08-08-2008, 06:54 PM :d:d:d
.........
bosy .. mostafa 08-08-2008, 07:09 PM رساله حلوه اوي
بس هو هولاكو كان يعرف القرآن ؟؟ و يعرف ربنا؟؟
ازاي و قطز دايماً كان بيقول عايز اطهر الأرض منهم .. دول خطر على الإسلام
بس هو مش مسلم اكيد يعني
يلا الحمد لله اننا خلصنا منهم
احمد رضا 08-08-2008, 10:10 PM قبا ما اعلق على شوية حاجات
حاسس فى فى سخونية عشان احمد يعرف انا جبت الرسالة دى منين
مش هقوللك انى عالم فى التاريخ مثلا...عشان اطلعهالك من كتاب فلان او علان...
انما عموما انا جايبها من موقع الشبكة الاسلامية...
فى مواقع تاريخية كتير بتذكر نفس النص...
بنفس الطريقة..وممكن فى زياده صغيرة او نقص
انما هى دى الرسالة اللى تواترت عندى فى معظم المواقع اللى اتطلعت عليها.
و اساتذة التاريخ اللى اعرفهم عن نفسى اكدوها لى
طبعا مش عشان احطها فى الموضوع لسعادتكم.
شئ غريب والله
اها بس ذكر المصدر اهم من الموضوع نفسه
واعتقد دي مُسلمه وبديهيه في البحوث سواء تاريخيه او دينيه او تعتمد علي القصصيه يعني بشكل عام
وبالذات في التاريخ المتخلف واللي هفضل اسميه متخلف طول عمري
ياخي ده انا عشان كنت ببحث من اربع ايام عن موضوع
قريت اكتر من سبع تمن آراء واحد يذم والتاني يمدح واحد يزم والتاني يمدح
وكل واحد ذاكر مصادر عربيه واجنبيه
تخلف علي حق ربنا يحفظنا
بحبك يا فلسفه ( بتفكرني بحابي )
:d
نرجع لموضوعنا بقى
ومش عارف ليه حاسس فى بعض الردود زى للى بيطعنوا فى السنة
الحديث قدامه وصحيح ( طبعا اللى معانا مش حديث)
وعشان مش فاهمه....يقوللك ده موضوع.....طب ما تحاول تفهم ..
سبحان الله العظيم....
على فكرة انا اتضايقت من حكاية كل واحد يقوللى الرسالة غلط.....
ما علينا...
نتكلم عن شوية ردود فى الموضوع بقى:)
ده طبعا تشبيه مرفوض لاني بقولك علي التاريخ ده متخلف كل واحد ماشي بدماغه فيه
هيريدوت جه هنا وظبط مصر في كتابه وصف مصر
جه بعديه معرفش مين وقال ان هيريدوت كذاب في كثير من الأمور
جه بعديه واحد تالت وقال الاتنين كذابين
:)
لكن السنه مصادرها معظمها معروفه ورواتها معظمهم موثوق فيهم
:)
وعلي فكره ياخالد مش شرط ان واحد مردش وشكرك يبقي هو مش فاهم
لاء هو بالنسباله مكانتش كافيه انها تثير نقده او المعلومات اللي عنده ( ده لو عنده اصلا )
واظن ان مفيش غيرنا اللي عدوا بيتناقش في صلب الرساله والباقي بيتناقش في السيف السفنج اللي كان شايله احمد مظهر
:d
نحب نشوف رأيك ومتزعلش من اللي بيشككوا في مصدر الرساله ( فين ده )
ده انت حتي مسجل من زمان وفاهم
:d
احمد رضا 08-08-2008, 10:19 PM هو المعروف عن المغول او التتار كما اطلق عليهم العرب
انهم كانوا بيضعه روؤس المعز وده علشان يديهم منظر مخيف
ده بجانب ان كان عندهم ناس متخصصه فى نشر الخرفات عن ان التتار الراجل فيهم بحجم الفيل وليه اربع اذرع
وليه قرون وغيرها وغيرها من الخرفات اللى تخلى اعته الجيوش تخشى موجتهم
تفتكر ناس بالتفكير ده متخلفين
ما انا قولتلك الجيش التتري تفكيره وهمجيته تختلف عن صُنّاع الحضاره فيه
وانا حسيت بالتشتيت علي اقصي درجاته ده انا قبل ما ادخل الموضوع كنت عارف حاجات كتير
جي اجدد معلوماتي من مصدري تاريخي عندى الاقي كلام تاني
واجي اتأكد من المصدر الاقي كلام تالت
بقولك ايه
ايكشي يولعوا التتار علي الصهاينه
:D
وانا هتعب دماغي ليه
عندكوا حديد ؟ انتوا ارخص ولا عز الدخيله
شكرا علي الموضوع ياخالد وخلاص
:D
علي فكرة اخر معلومه قرئتها انهم كان عندهم افخم حضاره وتقدم مزهل في كل العلوم
مش كما ذُكر في المثوليات العربيه المتخلفه
_GUIDE_ 08-08-2008, 11:01 PM طيب يا احمد بمثال بسيط
هضربلك مثال الكل بيتكلم بيه
الصهاينة اهو احنا بنقول اليهود زى الصهاينة
بيهلكوه الحرث والنسل
اليهود فى اقل من 70 سنة شوف بئا عندهم تفوق
فى مختلف العلوم
سبقوه العرب بتوع 7 الالف سنة وتفوقه عليهم
مش شرط البربرية تكون مرتبطة بالتخلف
الهمجية ساعات بتكون وسيلة عند بعد الجيوش للارهاب اعداهم
بس تعله اتكلم عن مدى التقدم اللى هما فيه هتلقى انهم متقدمين جدا فى مجالات مختلفه
ياريت تكون فاهم قصدى
احمد رضا 09-08-2008, 12:02 AM طيب يا احمد بمثال بسيط
هضربلك مثال الكل بيتكلم بيه
الصهاينة اهو احنا بنقول اليهود زى الصهاينة
بيهلكوه الحرث والنسل
اليهود فى اقل من 70 سنة شوف بئا عندهم تفوق
فى مختلف العلوم
سبقوه العرب بتوع 7 الالف سنة وتفوقه عليهم
مش شرط البربرية تكون مرتبطة بالتخلف
الهمجية ساعات بتكون وسيلة عند بعد الجيوش للارهاب اعداهم
بس تعله اتكلم عن مدى التقدم اللى هما فيه هتلقى انهم متقدمين جدا فى مجالات مختلفه
ياريت تكون فاهم قصدى
بغض النظر عن رعاه اليهود ورعاه صهيون
انا بتكلم عن عدم القدره علي التأكد من الكلام اللي بتقوله يا اسلام
اينعم انا قريت كلامك وقريت انهم كان عندهم حضاره متقدمه للغايه
وقريت بردو انهم قبائل بدويه حفاه وطبعا ده كلام العرب
بغض النظر عن كل ده
وسواء متقدمين او متخلفين
الرساله حلوة ومسجوعه ( حد يدفيها بقي :D )
شكرا ع المناقشه الجميله يا اسلام اللي مش متأكد منها خالص
:)
_GUIDE_ 09-08-2008, 12:08 AM طيب انا مش هرد تانى غير لما اجيب دليل دامغ
وبمصادر موثوق منها على ان الرسالة صحيحة
hazemselmy 09-08-2008, 12:55 AM ياجماعة التاريخ اللى بترسوة مجموعة مرتبة من الاكاذيب فزعمائنا على مر العصور عظماء ونبلاء ووووووووو ودة كلة كلام فى اغلبة مش حقيقى واذا قرأتم الققصة الحقيقية لجانكيزخان وحفيدة هولاكو تجدونهم اعظم واعدل منكثير من الحكام العرب السابقين واللاحقين ويكفى منذلك ان تدركو شجاعتهم عملهم لمصلحة شعوبهم وللعلم فهم من الخالدون ال 100على مر العصور واعلمو انه كلما زاد الفساد فانتظروا عقاب الله الله أعلم بيد من
احمد رضا 09-08-2008, 12:58 AM طيب انا مش هرد تانى غير لما اجيب دليل دامغ
وبمصادر موثوق منها على ان الرسالة صحيحة
وانت بقي يا اسلام أتأكدت وبعدين تدارست
ولا عشان تدارست عايز تأكدها
:)
Taleba Me7tasa 09-08-2008, 01:02 AM والله قريت العنوان دة ف البار اللي فوق كذا مرة وماكنتش هادخل
وياريتني ما دخلت :D
ما علينا
طبعا انا مش هابدي رايي ولا في الرسالة ولا في الردود
لاني بصراحة مابحبش اشغل دماغي بحاجة قديمة خلاص فاتت (التاريخ كله عامة)
ماهو انتصرنا عليهم ساعتها وناس كتير احتلتنا بعدها وانتصرنا انتصرنا
وهايحتلونا تاني (وشكلنا كدة مش هاننتصر المرة دي) عاتي يعني
يمكن عشان مابقاش باكذب
بافتكر كتير حضارتنا الاسلامية ف عصرها الذهبي
واننا سبقنا الاوروبيين بكام سنة علم وحضارة
وان مناهج ايه اللي بتتدرس في اوربا من اصل عربي
عشان اتحسر لا اكثر
طبعا مش عشان احطها فى الموضوع لسعادتكم.:)
شئ غريب والله:):)
خلود فينك يا راجل
جامد جدا اسلوب "اضرب ولاقي"
واضح منه انك فعلا عايز تقدم معلومة :) (نفس اسلوبك اهو;))
ياجماعة ياريت بجد نشغل بالنا بدلوقتي
التاريخ اللي بنتفاخر بيه دة مش هيفيدنا بحاجة
يامة ناس معندهاش تاريخ ولا بالحلو ولا بالوحش حتى وبتدينا بالجزم دلوقتي
وبترمي القمح ف المية عشان تذلنا بيه (ماهو معونة شحاتة يعني)
وغيرها بتسخر من رموزنا
بتورينا اد ايه هي قوية واد ايه احنا ضعفا وجبنا
خلى الواحد ساكت بقى
عامة اللي مش عاجبه رايي يعديه عادي
كانه هوا
عيلة وغلطت :D
احمد رضا 09-08-2008, 01:03 AM ياجماعة التاريخ اللى بترسوة مجموعة مرتبة من الاكاذيب فزعمائنا على مر العصور عظماء ونبلاء ووووووووو ودة كلة كلام فى اغلبة مش حقيقى واذا قرأتم الققصة الحقيقية لجانكيزخان وحفيدة هولاكو تجدونهم اعظم واعدل منكثير من الحكام العرب السابقين واللاحقين ويكفى منذلك ان تدركو شجاعتهم عملهم لمصلحة شعوبهم وللعلم فهم من الخالدون ال 100على مر العصور واعلمو انه كلما زاد الفساد فانتظروا عقاب الله الله أعلم بيد من
جزء من ردك صح
لكن علي اي اساس العدل وانه يبقي عظيم ويرفع سيف في وش اخوه المسلم والشيخ والمرأة والطفل والعاجز
وسيبك من المسلم دي خالص
اظن دي معلومات مأكده عن التتار
وحتي في التاريخ المقديشي واليغوزلافي وعلي مستوي العالم عتبه وعابدين كمان
:)
احمد رضا 09-08-2008, 01:08 AM والله قريت العنوان دة ف البار اللي فوق كذا مرة وماكنتش هادخل
وياريتني ما دخلت :D
ما علينا
طبعا انا مش هابدي رايي ولا في الرسالة ولا في الردود
لاني بصراحة مابحبش اشغل دماغي بحاجة قديمة خلاص فاتت (التاريخ كله عامة)
ماهو انتصرنا عليهم ساعتها وناس كتير احتلتنا بعدها وانتصرنا انتصرنا
وهايحتلونا تاني (وشكلنا كدة مش هاننتصر المرة دي) عاتي يعني
يمكن عشان مابقاش باكذب
بافتكر كتير حضارتنا الاسلامية ف عصرها الذهبي
واننا سبقنا الاوروبيين بكام سنة علم وحضارة
وان مناهج ايه اللي بتتدرس في اوربا من اصل عربي
عشان اتحسر لا اكثر
خلود فينك يا راجل
جامد جدا اسلوب "اضرب ولاقي"
واضح منه انك فعلا عايز تقدم معلومة :) (نفس اسلوبك اهو;))
ياجماعة ياريت بجد نشغل بالنا بدلوقتي
التاريخ اللي بنتفاخر بيه دة مش هيفيدنا بحاجة
يامة ناس معندهاش تاريخ ولا بالحلو ولا بالوحش حتى وبتدينا بالجزم دلوقتي
وبترمي القمح ف المية عشان تذلنا بيه (ماهو معونة شحاتة يعني)
وغيرها بتسخر من رموزنا
بتورينا اد ايه هي قوية واد ايه احنا ضعفا وجبنا
خلى الواحد ساكت بقى
عامة اللي مش عاجبه رايي يعديه عادي
كانه هوا
عيلة وغلطت :D
عمال اقولهم كدا من الصبح
مصممين ان احمس هو اللي طرد المصرين من مصر
:D
The_Relativistic200 09-08-2008, 09:54 AM يا ربى
المشكلة انى روحت نمت و رجعت ارد على اللى فات
لقيت الكاية اتلعبكت شوية
ما علينا..
انا عن نفسى هخش فى الموضوع علطول بقى
ومتشكر يا احمد على انك بتقوم بدورى فى الموضوع
اكلمكم بقى شوية عن الرسالة...يمكن حد يستفيد بعد ما رمى رد وجرى
ودى وجهة نظر...
ربنا يخليك ليا:)
عاوز اتلكم على حاجة يا احمد اهم من الموضوع
كلمة قولتها..(( التاريخ متخلف))
ببساطة اقدر اقوللك ان المتخلف هو التاريخ للى انت درسته ..(انا مش فاكر انت ادبى ولا لأ)
بس كده مده التاريخ الدراسى بتاعنا زفت....وعامة عرفت بعد كده انه مليان بالاغلاط والبلاوى المتلتلة..
مش التاريخ فى ذاته...لانه جميل اوى ....وانا عكسك تماما حبيته جدا!!
بلا هندسة بلا بتاع يا راجل..
حاسس ان كتير خرجوا عن الموضوع خالص لموضوعك انت يا رضا
هو صحة الرسالة من عدمها...وانا ذكرتلك المصدر....وانت حر بقى:):)
للاسف ليا تعليقات على شوية ردود.....هأجلها بقى عشان اعرف اكتب حاجة...:):)
اوعدك يا رضا لو لقيت الكتاب اللى هى فيه هحطهالك......
انما هى صحيحة...وانا قولتلك الموقع
The_Relativistic200 09-08-2008, 10:29 AM "من ملك الملوك شرقًا وغربًا القائد الأعظم: باسمك اللهم، باسط الأرض، ورافع السماء، ( ايه ده ....ده يعرف ربنا!!!!) يعلم الملك المظفر قطز الذي هو من جنس المماليك الذين هربوا من سيوفنا إلى هذا الإقليم، يتنعمون بأنعامه، ويقتلون من كان بسلطانه بعد ذلك، يعلم الملك المظفر قطز وسائر أمراء دولته وأهل مملكته بالديار المصرية وما حولها من الأعمال، إنا نحن جند الله في أرضه ، خلقنا من سخطه، وسلطنا على مَن حَلَّ به غضبه، فلكم بجميع البلاد معتبر، وعن عزمنا مزدجر، فاتعظوا بغيركم وأسلموا لنا أمركم. قبل أن ينكشف الغطاء، فتندموا ويعود عليكم الخطأ، فنحن ما نرحم من بكى، ولا نرقّ لمن اشتكى، وقد سمعتم أننا قد فتحنا البلاد، وطهرنا الأرض من الفساد، وقتلنا معظم العباد ، فعليكم بالهرب، وعلينا الطلب، فأي أرض تؤويكم، وأي طريق تنجيكم، وأي بلاد تحميكم؟! فما لكم من سيوفنا خلاص، ولا من مهابتنا مناص، فخيولنا سوابق، وسهامنا خوارق، وسيوفنا صواعق، وقلوبنا كالجبال، وعددنا كالرمال، فالحصون عندنا لا تمنع، والعساكر لقتالنا لا تنفع، ودعاؤكم علينا لا يُسمع، فإنكم أكلتم الحرام، ولا تعفُّون عند كلام، وخنتم العهود والأيمان، وفشا فيكم العقوق والعصيان، فأبشروا بالمذلة والهوان، فاليوم تجزون عذاب الهون بما كنتم تستكبرون في الأرض بغير الحق وبما كنتم تفسقون، وسيعلم الذين ظلموا أي منقلب ينقلبون، (بيستشهد بالقرأن كمان!!!)فمن طلب حربنا ندم، ومن قصد أماننا سلم، فإن أنتم لشرطنا وأمرنا أطعتم، فلكم ما لنا وعليكم ما علينا، وإن خالفتم هلكتم، فلا تهلكوا نفوسكم بأيديكم، فقد حذّر من أنذر. وقد ثبت عندكم أنا نحن الكفرة، وقد ثبت عندنا أنكم الفجرة، وقد سَلَّطَنا عليكم من له الأمور المقدّرة، والأحكام المدبرة، فكبيركم عندنا قليل، وعزيزكم عندنا ذليل، فلا تطيلوا الخطاب، وأسرعوا برد الجواب، قبل أن تضرم الحرب نارها، وترمي نحوكم شرارها، فلا تجدون منا جاهاً ولا عزًا، ولا كافيًا ولا حرزًا، وتدهون منا بأعظم داهية، وتصبح بلادكم منكم خالية، فقد أنصفناكم إذ راسلناكم، وأيقظناكم إذ حذرناكم، فما بقي لنا مقصد سواكم، والسلام علينا وعليكم، وعلى من أطاع الهدى، وخشي عواقب الردى، وأطاع الملك الأعلى".
اولا: احب اقول ان التتار لا كانوا مسلمين ولا موحدين ولا اى حاجة
لسبب بسيطة ان عقيدتهم اللى عملها جنكيز خان كانت زى ما بيقولوا كوكتيل من الاديان
حبة من الاسلام وحبة من المسيحية...وحبة من معرفش ايه...
وكمان عملهم كتاب على اساس زى القران كده ...
الا ان فى من التتار اسلموا بعد موقعة عين جالوت ومنهم احد المقربين لهولاكو....
قبل كده كانت الديانة المسيحية بتتغلغل فى المغول....بعد احتلالهم اوروبا.....انما برضو مش للدرجة .
يعنى من الاخر ماكانوش عارفين اى حاجة فى اى حاجة عن ربنا...
نرجع للرسالة...
واضح اوى انه مش هو اللى كاتبها....
واضح انه اديب خائن باع دينه لعرض من الدنيا.. من اللى اشتراه التتار بالمال
وده مش غريب خالص لو شوفتم بقيت رسائل التتار هتلاقوها نفس النمط
وهجيبلكم رسالته للناصر يوسف الايوبى ( الا هو مين الناصر يوسف ده كمان:))
فببساطة كان من هولاكو اللهجة...والوعيد والتهديد....ومن الاديب الصياغة دى...(طبعا مش كلها)
ومش غريب خالص انه يكون له اعوان خونة....دول كتييييييييير اوى..من غير عد كمان
اذا كان قبل سقوط بغداد رئيس الوزراء كان عميل للتتار....
كان اسمه مؤيد الدين بن العلقمى
وكان شيعى رافضى كمان!!!
(اتخيل كده احمد نظيف عميل للتتار.....ما اعتقدش تفرق كتير:))
فمش صعب عليه ابدا..انه يلاقى احد محترفى الادب يكتبله رسايله..
ثانيا:من نص الرسالة تقدر تفهم نفسية التتار...
الطبيعى ان الواحد بيجيله لحظة ضعف وتأنيب للضمير..عند القتل وقبله كمان
لكن لما نقرا..
"إنا نحن جند الله في أرضه ، خلقنا من سخطه، وسلطنا على مَن حَلَّ به غضبه،"
تقدر تلاقى انهم قتلوا الملايين بلا أى تأنيب للضمير ولا أى احساس
وافتكروا قتل مليون مسلم فى بغداد
وقد ثبت عندكم أنا نحن الكفرة، وقد ثبت عندنا أنكم الفجرةعنده خلفية من ديانته المشوهة اولا...
ومن المعاونين ثانيا...
ثالثا: تعرف ان التتار فكرهم عالى واعدادهم متقن .
على الرغم من تخلفهم الفكرى
...شوفت رد بيقول ان التتار كان عندهم اعظم حضارة...ولا ايه
واعتقد انهم رغم اى حاجة متخلفين...
مفيش مبرر او سبب مقنع يدل على فهم او عقل
انهم يدمروا مكتبة بغداد اعظم مكتبة فى تاريخ المسلمين..
طب ما يا أخى تاخد الكتب وتستفيد من العلوم الكتيرة اللى فيها.
انما هم كانوا زى الحيوانات بالظبط:)
رابعا: تعرف قد ايه ثبات السلطان سيف الدين قطز....وانه شخصية عظيمة جدا جدا
خاصة مش عشان رسالة وخلاص
عشان الرسالة ولهجة الرسالة وظرو ف الحرب
والصعوبة الشديدة فى تغير شعب بالكامل...شعب بيعتقد ان التتار دول جايين من المريخ بياكلوا الاخضر واليابس وبيحروا الارض بحوافرهم...
ازاى قدر يغير كل ده ويعد للحرب ويحارب وينتصر على قوة غيرت الارض كلها
...ومكملش سنة فى الحكم
فى ناس بتقعد فى الحكم 24 سنة و معملتش حاجة اصلا فى حياتها....
[/quote]يتبع,,,,:)
احمد رضا 09-08-2008, 12:39 PM مش ملاحظ يا خالد باشا اننا تلاقينا في حاجات كتير بخلاف المعلومات القيمه اللي انت حطيتها واللي انا معرفهاش ( الحمدلله اني معرفهاش ) :)
بالنسبه للتاريخ بصفه عامه فهو بردو كان معظمه وجهات نظر للمؤرخين وانا مبحبش بصراحه كل واحد بيصور الحاجة علي مزاجه ولو دفعولي مليون جنيه وقالولي ادخل ادرس تاريخ
اكيد هوافق عشان المليون جنيه يهون التاريخ :d
حلوة الملاحظه بتاعت تبريرهم للقتل دي بس اعتقد ان عدم تأنيب الضمير ناتجه عن تخلف وقسوة اكتر منها اعتقاد راسخ جواهم يعني
لان الإنسان بفطرته السليمه عارف الصح من الغلط جواه
والجزء بتاع ان الديانه كانت مزيج توكتيل اديان :d فدي بردو مكنتش اعرفها
بس تعرف مش انا كنت بقول علي التاريخ وحش
من كلامك
بجد بجد بجد
عادي لسه بقول وحش ههههههه
بهزر معاك
بس يعني زادت معلوماتي الي حد ما وبالرغم من جهلي كنت قايل ملحظات تعتبر كويسه شوية وجيت انت كملتها بملاحظات اجمل
شكرا ليك ياخالد
:)
The_Relativistic200 09-08-2008, 01:35 PM يا باشا انت تنور
التاريخ عامة مش القصد منه انك تزود معلوماتك...
لكن انك تستفيد منه عشان المستقبل...
مستحيل برضو نهمل خبرات قرون قبل كده..
حتى لو كانت وجهات نظر
فاحنا بناخد اللى يهمنا واللى متوافق مع واقعنا
وان شاء الله هنزل موضوعين صغيرين كده برضو
والمرة دى موثقين :)
و من كتاب معترف بيه عشان ما تزعلش:)
يمكن دى اول مرة احضر وانا بنزل موضوع فعشان كده مكنتش مستعد بالمواجع:d
نسيت
ياريت محدش ياخد على اسلوبى اوى عشان هو مش اسلوب معرفى قد ما هو اسلوب مصاطب
انا بس بحب اوصل الفكرة....عشان الملاحظات على اسلوبى كتير
ولما دخلت الكلية كانت التعليقات على اسلوبى كتير
وكانوا بيقولوهالى فى وشى...:)
ويمكن فاضللى تعليق صغير بس مش فاكره...هبقى احرر واحطه مع التعليق الاولانى
بشكر الناس اللى دخلت تستفيد..واللى دخلت تهرج ( شكلكم ما تعرفونيش فى التهريج بالذات:))
واللى دخلت وخرجت...
وربنا يكرمنا كلنا ان شاء الله ...فى اى حاجة صح
احمد رضا 09-08-2008, 01:40 PM هههههههههه متقلقش ياخالد باشا
لو لاحظت من بدايه الموضوع
لكل رد رد بنفس الاسلوب
بس يمكن كان احلاهم الاخير
:)
شكرا علي الإثراء والنقل الجيد ووجهه النظر الجميله
ومستني مواضيعك بقي
مش هدخلها خالص
يالا سلام
happiness_sadness7 09-08-2008, 01:51 PM سلام عليكم انا وانا بتطلع يعنى على حاجات كده طبعا ملكوش دخل بيها.... المهم:D لقيت رسالة هولاكو الى قطز رحمه الله وبصراحة الرسالة دى جذبتنى جدا.....واستغربت لها اوى... وحسيت فيها حاجات كتيرة اوى......اكتر من مجرد رسالة تهديد قولت ادينى بتسلى....اكتب اللى انا حاسه:) الرسالة كانت بتقول....ياريت تحسوها بجد:) وممكن تلاقولى تعليق بالازرق...طبعا لو حد قرا:)
=============
"من ملك الملوك شرقًا وغربًا القائد الأعظم: باسمك اللهم، باسط الأرض، ورافع السماء، ( ايه ده ....ده يعرف ربنا!!!!) يعلم الملك المظفر قطز الذي هو من جنس المماليك الذين هربوا من سيوفنا إلى هذا الإقليم، يتنعمون بأنعامه، ويقتلون من كان بسلطانه بعد ذلك، يعلم الملك المظفر قطز وسائر أمراء دولته وأهل مملكته بالديار المصرية وما حولها من الأعمال، إنا نحن جند الله في أرضه ، خلقنا من سخطه، وسلطنا على مَن حَلَّ به غضبه، فلكم بجميع البلاد معتبر، وعن عزمنا مزدجر، فاتعظوا بغيركم وأسلموا لنا أمركم. قبل أن ينكشف الغطاء، فتندموا ويعود عليكم الخطأ، فنحن ما نرحم من بكى، ولا نرقّ لمن اشتكى، وقد سمعتم أننا قد فتحنا البلاد، وطهرنا الأرض من الفساد، وقتلنا معظم العباد ، فعليكم بالهرب، وعلينا الطلب، فأي أرض تؤويكم، وأي طريق تنجيكم، وأي بلاد تحميكم؟! فما لكم من سيوفنا خلاص، ولا من مهابتنا مناص، فخيولنا سوابق، وسهامنا خوارق، وسيوفنا صواعق، وقلوبنا كالجبال، وعددنا كالرمال، فالحصون عندنا لا تمنع، والعساكر لقتالنا لا تنفع، ودعاؤكم علينا لا يُسمع، فإنكم أكلتم الحرام، ولا تعفُّون عند كلام، وخنتم العهود والأيمان، وفشا فيكم العقوق والعصيان، فأبشروا بالمذلة والهوان، فاليوم تجزون عذاب الهون بما كنتم تستكبرون في الأرض بغير الحق وبما كنتم تفسقون، وسيعلم الذين ظلموا أي منقلب ينقلبون، (بيستشهد بالقرأن كمان!!!)فمن طلب حربنا ندم، ومن قصد أماننا سلم، فإن أنتم لشرطنا وأمرنا أطعتم، فلكم ما لنا وعليكم ما علينا، وإن خالفتم هلكتم، فلا تهلكوا نفوسكم بأيديكم، فقد حذّر من أنذر. وقد ثبت عندكم أنا نحن الكفرة، وقد ثبت عندنا أنكم الفجرة، وقد سَلَّطَنا عليكم من له الأمور المقدّرة، والأحكام المدبرة، فكبيركم عندنا قليل، وعزيزكم عندنا ذليل، فلا تطيلوا الخطاب، وأسرعوا برد الجواب، قبل أن تضرم الحرب نارها، وترمي نحوكم شرارها، فلا تجدون منا جاهاً ولا عزًا، ولا كافيًا ولا حرزًا، وتدهون منا بأعظم داهية، وتصبح بلادكم منكم خالية، فقد أنصفناكم إذ راسلناكم، وأيقظناكم إذ حذرناكم، فما بقي لنا مقصد سواكم، والسلام علينا وعليكم، وعلى من أطاع الهدى، وخشي عواقب الردى، وأطاع الملك الأعلى".
ايه رأيكم فى الرسالة دى.... على فكرة انا انبهرت بالرسالة جدا ..... لانها بتكشف حاجات كتيرة اوى.... انا عاوز اقول حاجات منها....بس عاوز حد يشارك ....ويقرا عشان مش اقولها وخلاص.... ما علينا...لو ملاقيتش رد....هكتب اللى انا شايفه ... وخلاص:) كفاية الرسالة موضوع اصلا...... :rolleyes::rolleyes::rolleyes:
السلام عليكم ورحمة الله وبركاته
امااااااا بعد
احب الاول اشكر حبيبي المستر .... واحب اقوله بجد انا بتعجبني مواضيعك ومشاركاتك
ثانيا احب اقول اني اعتقد ان احنا لو رجعنا بالماضي الي ايام
الرسول والصحابة
ممكن بجد نعرف حاجة مهم اوي ان الرسول لما دعا الي الاسلام
كانت الناس متاكده ان اللي بيدعي ليه ده صحيح وليس لديهم ادني شك
لكن
ماحدش فيهم قدر يتبع هذه التعاليم التي تجعلهم بعد ان كانوا سادة القوم ولديهم العبيد والجواري ويفعلون مايشاءون
وعلشان كده حاولوا يكابروا ويحاربوا هذا الدين الذي يحرمهم من هذه المتعة
مع انهم علي يقين من هذا الدين ومتيقنين من وجود اله واحد لهذا الكون
واظن انه بالمقارنة يمكن الوصول الي ان هولاكو ايضا من نفس الطينة وده اللي حاول يعمله
علشان كده ممكن تجد هذا في رسالته ولكن باسلوب تهديدي مستفز ... < يعني انت يامعفن ياهولاكو عارف ان في اله واحد وبرضه بتكابر وبتحارب >
عالعموم ده رايي مش عارف اذا كان صحيح او لا ؟؟
عالعموم
وانا بابحث كده لقيت حاجة مهمة برضه مش عارف اذا كانت مفيدة في الموضوع والا لا
بس اكيد ليها علاقة طبعا وانا عن نفسي بنيت عليها الكلام اللي انا قلته (والعرق يمد لسابع جد زي مابيقولوا)
ومن أشهر النماذج التي أشهرت إسلامها في مشيخة الأزهر إحدى حفيدات هولاكو، القائد التتري الذي غزا بلاد الإسلام، قبل قرون، فقد جاءت إلى مصر بصحبة زوجها قادمة من منغوليا لتشهر إسلامها، وتطلق على نفسها اسم خديجة، تيمنا باسم زوجة الرسول محمد صلى الله عليه وسلم، بعد أن كان اسمها شاور.
وعن قصة اعتناقها الإسلام تقول إنها قرأت كثيرا عن الحضارة الإسلامية، خاصة بعدما أرادت أن تسجل تاريخ الحملات التتارية في كتاب أطلقت عليه اسم "لماذا لم يحكم التتار العالم؟". وفي دراستها توقفت عند الحروب الإسلامية، ودرست كثيرا عن القادة المسلمين، وفتنت بشخصية الرسول محمد صلى الله عليه وسلم، وهو ما غير وجهة نظرها، أثناء القراءة، فوجدت نفسها تقرأ في الإسلام كالظامئ، الذي يريد أن ينهل من هذا الدين الجديد، وأخيرا وجدت نفسها تنطق الشهادتين وتعتنق الإسلام، وجاءت لمصر بصحبة زوجها وأشهرا معا إسلامهما، على يد الشيخ فرحات المنجي، وعاشت في مصر قرابة العامين ثم عادت مرة أخرى إلى وطنها الأصلي، بعد أن مارست تعاليم الإسلام هي وزوجها، وتشبعت بها، وقررت أن تقود بنفسها حملة للتعريف بالإسلام.
والسلام عليكم ورحمة الله وبركاته وشكرا علي موضوعاتك يامستر
The_Relativistic200 09-08-2008, 02:13 PM على فكرة اضافة حلوة اوى ربنا يكرمك ويوفقك فى الظلام اللى انت داخل عليه:p
happiness_sadness7 09-08-2008, 02:28 PM على فكرة اضافة حلوة اوى ربنا يكرمك ويوفقك فى الظلام اللى انت داخل عليه:p
ماشي يامستر بس ياريت ترجعلنا تاني وتنورنا في الموضوع وانا قلتلك انه موضوعك تقوم سايبه؟؟
until death 10-08-2008, 09:00 PM على فكرة مكتبش الرسالة دى الا واحد مسلم
لانها مكتوبة بلغة عربية فصحى وطبعا الاستشهاد بالقرأن
وانتوا عارفين الخونة
وبعدين كمان هو قال ايها الملك المظفر قطز يعنى ايها الملك المنتصر
ههههههه
اكيد هلاكو ده عبيط اوى
على فكرة انا بخمن الكلام ده
dr.saeed 10-08-2008, 09:10 PM دة بيعرفنا حاجة
ان اعداء الاسلام حتى
بيهتموا بقرائننا
لانهم عارفين بلاغته
وعارفين اهميته
امتى بقى المسلمين يفوقوا!
جزاك الله خيرا على طرح الموضوع
فى امان الله
فنكوشه المنكوشه 11-08-2008, 06:29 PM ياه للدرجادي
انا دخلت الموضوع اول ما انكتب وقولت هينتقل للصفحه التانيه عالطول:d
بس كويس والله
ماعلينا
هو فيه كام حاجه بس هعلق عليها وخلاص وهومجرد رائي مش اكتر
يعني من الاخر ممكن تاتقراه وترميه من الشباك لو مش عاجبك يعني:d
اولا ببالنسبه للتاريخ فمشكلتنا فبلدنا وفي بلاد كتير لكن هنتكلم عننا مشكلتنا اننا مش عارفين نوفق بين المستقبل والماضي والحاضر ناس تقول ان المستقبل اهم وسيبك من الماضي واللي حصل حصل واحنا ولاد النهارده وناس عايشه في الماضي وبتقول ان مهما حصل هنفضب احنا الافضل لاننا كما الافضل في الماضي بالتالي مازلنا الافضل مع ان الرائيين غلط عشان تطور مستقبلك لازم تستفيد من الماضي وتقراء التاريخ كويس وعلي فكره سيره الرسول والغزوات والخلافه وكل دا تاريخ اذا اعتبرنا التاريخ مش مهم اذا برضه التاريخ الاسلامي مش مهم ..اللي يقراء التاريخ بحب يعني من الاخر واحد عاوز يفهم مش يحفظ هيحب التاريخ جدا مش بس كدا هيستفيد منه كمان وهيستفيد كتير كتير اوي اوي
دا بالنسبه للتاريخ:)
بالنسبه بئا لمصدر الرساله
متحطش في دماغك ان اي كم مقنع يبقي صح واي كلام مش مقنع يبقي غلط
يعني مش عشان الرساله غريبه تبقي مش صح او كذب ولو طلعنا رساله مقنعه تبقي صح
تعالو نتعامل علي ان الرساله صحيحه
مش معقول هولاكو هو اللي هيعد يكتب رساله زي دي مع نفسه كدا وهيطلع بالكلام دا (ملاكي ابو لهب:d)في كاتب كتب الرساله دي والكاتب دا كتبها نيابه عن هولاكوا او زي ما كان عاوز بالظبط
من الرساله هنطلع بفكرتين
1-اما ان هولاكو كان فعلا مؤمن مش شرط مسلم مؤمن بوجود الالهه ومقدر الدين ومحدش يقولي لو مؤمن مش هيرفع سيف علي مسلم لو بصيت في العراق هتلاقي المسلمين بيقتلوا في بعضهم عادي وهو شايف في نفسه انه الافضل وانه رسول او المخرج التنفيذي:dبس لو كدا فعلا يبقي هينفذ وبس يعني هيقتل وهيدمر من غير ما يستنفذ ثروات البلاد
والاهم انه لو فعلا مؤمن يبقي مؤمن باي ديانه كانت معني ذلك انه قراء وفكر وانه مش همجي بالدرجه اللي نعرفها ودا يتعارض مع حرقه للمكتبه
2-التاني بئا واللي انا بفكر فيه شخصيا رائي خالد ان الكاتب مستاجر خاين ومش شرط ممكن يكون تتاري عالم بامور الاسلام يعني مكلف بكدا بس هو مسلم خاين افضل لان هنرجع للرائئي اللي فوق لو فعلا فيه ناس بتقراء مش هيكونوا همج المفروض ان المسلم دا عارف نفسيه المسلمين وكتب الرساله بالتخويف والترهيب وعارف برضه النزعه الدينيه يعندهم يعني لما يتكلم ديني ممكن الناس تخضع لكن لما يقول نواياه صريحه مظنش ان الناس هتتجاوب حتي لو خايفه لكن رساله زي دي ممكن تقنع ولو ناس قليلين يعني يضحكوا علي نفسهم بسبب الخوف يعني زي ما امريكا دخلت العراق عشان فساد صدام حسين برضه الرساله بتعبر عن تطهير الفساد الموجود
سلاموا عليكوا من غير نفس:d
The_Relativistic200 12-08-2008, 10:55 AM ربنا يكرمك يا بجز على التحليل الدادمد ده:d
وزى ما قولتى فعلا....بس تعلمنا ان الحق احيانا ممكن يظهر على لسان اعدائنا
بس احنا بناخد بالنا وبنعمل عبط
مشكورة على مجهودك فى الرد الطويل ده:d
احمد رضا 14-08-2008, 03:18 AM السلام عليكم ورحمة الله وبركاته
بما إننا هنتكلم بالمنطق
فنكمل بالمنطق
ذكر كلمه " التاريخ " وذكر احداث تابعه من " هيردوت " - " مؤلفين " - " آراء "
ده يُعني استبعاد التاريخ الإسلامي من هذى الدائره ( التاريخ المتخلف )
خطأ إنك تشبهي التاريخ الإسلامي اللي كان كل حدث فيه بحكمه يعلمها الله عزوجل بشوية آراء لشوية مؤرخين مش زي الرسول او اي شئ مُتعلق بيه ( وما هو إلا وحي يوحى )
كونى اني اقول التاريخ مُتخلف لا يُعني إهمالي لأخطائي ولكن يُعني إهمالي لمعظم الأخطاء القائمه علي آراء شخصيه ( ممكن تكوني مُخطئه في رأي مؤرخ وممكن تكوني علي حق في رأي آخر إذن فمُعظم التاريخ وقائع غير قائمه علي الموضوعيه إلا بعض ما تجمع حوله الآراء .
* التاريخ لا أدني استفاده منه إلا اتخاذه كمُتعه عقليه يعني في نطاق حياة حضرتك الشخصية لا يُمكن الاستفاده بما فعله صلاح الدين الأيوبي في موقعه حطين - بشكل كامل - إنما الإستفاده الكُبري تكمن في المُتعه العقليه التي تُعد جانب من جوانب الترفيه الإيجابي . ( تنميه بشرية )
بالنسبه بئا لمصدر الرساله
متحطش في دماغك ان اي كم مقنع يبقي صح واي كلام مش مقنع يبقي غلط
يعني مش عشان الرساله غريبه تبقي مش صح او كذب ولو طلعنا رساله مقنعه تبقي صح
-------
احنا مش بنتكلم عن الكلام سواء مُقنع او مش مُقنع
من مظاهر احترام عقليه القارئ ذكر المصدر قبل المناقشه - عندما تكون حقائق ثابته -
يعني لو ذكرتي لشيخ حديث غريب - علي فرض - فهيقولك من رواه ومن صححه بالرغم من انه ممكن يكون عارف
ولكن من الواجب ذكر ده
والكلام ده من 1400 سنه
لكن الوطن العربي الأشبه بالمتخلف - إنما هو أدني - افتقد المظهر الحضاري اللي من 1400 سنه
-----
تعالو نتعامل علي ان الرساله صحيحه
مش معقول هولاكو هو اللي هيعد يكتب رساله زي دي مع نفسه كدا وهيطلع بالكلام دا (ملاكي ابو لهب:d)في كاتب كتب الرساله دي والكاتب دا كتبها نيابه عن هولاكوا او زي ما كان عاوز بالظبط
من الرساله هنطلع بفكرتين
1-اما ان هولاكو كان فعلا مؤمن مش شرط مسلم مؤمن بوجود الالهه ومقدر الدين ومحدش يقولي لو مؤمن مش هيرفع سيف علي مسلم لو بصيت في العراق هتلاقي المسلمين بيقتلوا في بعضهم عادي وهو شايف في نفسه انه الافضل وانه رسول او المخرج التنفيذي:dبس لو كدا فعلا يبقي هينفذ وبس يعني هيقتل وهيدمر من غير ما يستنفذ ثروات البلاد
والاهم انه لو فعلا مؤمن يبقي مؤمن باي ديانه كانت معني ذلك انه قراء وفكر وانه مش همجي بالدرجه اللي نعرفها ودا يتعارض مع حرقه للمكتبه
---
2-التاني بئا واللي انا بفكر فيه شخصيا رائي خالد ان الكاتب مستاجر خاين ومش شرط ممكن يكون تتاري عالم بامور الاسلام يعني مكلف بكدا بس هو مسلم خاين افضل لان هنرجع للرائئي اللي فوق لو فعلا فيه ناس بتقراء مش هيكونوا همج المفروض ان المسلم دا عارف نفسيه المسلمين وكتب الرساله بالتخويف والترهيب وعارف برضه النزعه الدينيه يعندهم يعني لما يتكلم ديني ممكن الناس تخضع لكن لما يقول نواياه صريحه مظنش ان الناس هتتجاوب حتي لو خايفه لكن رساله زي دي ممكن تقنع ولو ناس قليلين يعني يضحكوا علي نفسهم بسبب الخوف يعني زي ما امريكا دخلت العراق عشان فساد صدام حسين برضه الرساله بتعبر عن تطهير الفساد الموجود
سلاموا عليكوا من غير نفس:d
* عندك حق نيجي للتاني
هل نابليون بوبراهيم ( اقصد بونابارت ) لما جه وقال انا مُسلم واقدس القرآن الكريم واعبد الله وكل الكلام ده يدينا نتيجه منطقيه ان ابو ابراهيم مُسلم ؟
لاء طبعا إنما الأمر يستند علي سياسه معروفه وهي ( دراسه الضحيه واسلحتها ونقاط ضعفها قبل مهاجامتها ) - بوقي وجعني كل ده مد - :D
* حتي ذِكرك لجانب واحد من الموضوع بيؤيد فكرتي اشد التأييد
يعني اتعاملتي علي انها صح
ومذكرتيش التعامل مع الرساله انها غلط
ممكن يكون ليها كذا مدلول او مُستدَل ( جمع مدلول ايه - فاشل في العربي :D )
يعني اللي كاتب الرساله افتراضا ً انها خطأ ممكن يكون قصده ايه
بالرغم من المقصد الأول هيبقي
العبث في عقليه القارئ اللي هيصدق من اول وهله
لذلك انا اتأكدت من الرساله ولقيت حاجات بسيطه جدا ناقصه تكاد لا تُذكر وده اللي خلاني ابدأ في مناقشه الرساله مش مسكت الفاس ويلا بينا
:D
السلام عليكم ورحمة الله وبركاته بنفس
:)
كنت مره سألت زمان ابويا قولتله هو جمال عبد الناصر ده حلو ولا وحش
بقمه السطحيه عادي طفل
قالي حلو وعمل كذا وكذا وكذا
رحت قابلت واحد تاني صاحب ابويا قولتله هو جمال عبد الناصر حلو ولا وحش
قالي ابن ستين في سبعين
وعمل كذا وكذا وكذا
بقيت في حاله تشتيت
عملت رأي صغير وموضوعي بالرغم من صغر سني
قولت جمال عبد الناصر
حلو انه عمل كذا وكذا وكذا
ووحش انه عمل كذا وكذا وكذا
ياريت احنا كمان نصطنع حتي الموضوعيه بدل الانحياز اللي فشكل التاريخ كدا
:D
فنكوشه المنكوشه 14-08-2008, 03:22 AM بقولك ايه يا ابو حميد هرد عليك بكره الصبح عشانا انا داخله انام دلوقتي :d
احمد رضا 14-08-2008, 03:23 AM تصبحي علي كل الخير
:d
فنكوشه المنكوشه 14-08-2008, 01:24 PM السلام عليكم ورحمة الله وبركاته
بما إننا هنتكلم بالمنطق
فنكمل بالمنطق
ذكر كلمه " التاريخ " وذكر احداث تابعه من " هيردوت " - " مؤلفين " - " آراء "
ده يُعني استبعاد التاريخ الإسلامي من هذى الدائره ( التاريخ المتخلف )
خطأ إنك تشبهي التاريخ الإسلامي اللي كان كل حدث فيه بحكمه يعلمها الله عزوجل بشوية آراء لشوية مؤرخين مش زي الرسول او اي شئ مُتعلق بيه ( وما هو إلا وحي يوحى )
كونى اني اقول التاريخ مُتخلف لا يُعني إهمالي لأخطائي ولكن يُعني إهمالي لمعظم الأخطاء القائمه علي آراء شخصيه ( ممكن تكوني مُخطئه في رأي مؤرخ وممكن تكوني علي حق في رأي آخر إذن فمُعظم التاريخ وقائع غير قائمه علي الموضوعيه إلا بعض ما تجمع حوله الآراء .
* التاريخ لا أدني استفاده منه إلا اتخاذه كمُتعه عقليه يعني في نطاق حياة حضرتك الشخصية لا يُمكن الاستفاده بما فعله صلاح الدين الأيوبي في موقعه حطين - بشكل كامل - إنما الإستفاده الكُبري تكمن في المُتعه العقليه التي تُعد جانب من جوانب الترفيه الإيجابي . ( تنميه بشرية )
مع اننا خرجنا عن الموضوع الاساسي بس يلا كله بثوابه :Dبس واضح انك جايب مجموع زفت في التاريخ :Dمعلينا هقولك مثالين علي فايده التاريخ وبعدين اقولك رائيي في كلامك
1- ثوره 19 المفروض انها تعتبر اول ثوره للمصريين علي الاقل في العصر الحديث انا بصراحه معرفش ايام زمان يعني بس علي الاقل في العصر الحديث ومتقوليش فيه ثوره عرابي ويوليو لان الثورتين دول ثورات سياسيه يعني من الجيش انما ثوره 19 الشعب اللي قام بيها تخيل لو درسنا الثوره صح مش يمكن تساعدنا دلوقتي علي فهم طبيعه الشعب المصري سيبك من اسباب الثوره اللي في كتاب المدرسه لان فيه حاجات حصلت للمصرين اكبر بكتير ومع ذلك مقاموش بثوره تفتكر دي مش استفاده
2-تخيل لو احنا مسجلناش التاريخ او اراء المؤرخين زي ما انتا بتقول تفتكر دوله زي اسرائيل تطلع وتقول فلسطين يهوديه وتالف كلام عليها كتير وتقول انها من حق اليهود تفتكر كنت هتثبت ازاي انها عربيه اتحداك انك تثبت حاجه زي كدا الا بالتاريخ (طبعا هتكرله درس القدس مدينه عربيه:D)
فوائد التاريخ كتيره واوعي تقولي تاريخ الاسلام الحاجه والتاريخ العادي حاجه تانيه كله متصل ببعضه التاريخ مبيتجزاش والتاريخ مش مبني علي شويه اراء زي ماانتا بتقول دي احداث مؤكده من قبل ما انا وانتا واهلك واهلي يجوا االدنيا وتيجي تقولي التاريخ مجرد اراء :Dدا انتا عاوز علقه محترمه :Dوبعدين متعه ايه اللي هحققها في دراسه موقعه حطين والنبي الله يكرمك انا لو مامتك كنت دخلت اداب قسم تاريخ عشان اعذبك :Dوابسط حاجه روح افتح اي كتاب مدرسه من بتوع ابتدائي وطلع المقصود بالتاريخ :)
-------
احنا مش بنتكلم عن الكلام سواء مُقنع او مش مُقنع
من مظاهر احترام عقليه القارئ ذكر المصدر قبل المناقشه - عندما تكون حقائق ثابته -
يعني لو ذكرتي لشيخ حديث غريب - علي فرض - فهيقولك من رواه ومن صححه بالرغم من انه ممكن يكون عارف
ولكن من الواجب ذكر ده
والكلام ده من 1400 سنه
لكن الوطن العربي الأشبه بالمتخلف - إنما هو أدني - افتقد المظهر الحضاري اللي من 1400 سنه
انا متفقه معاك في الفقره دي :D
-----
---
* عندك حق نيجي للتاني
هل نابليون بوبراهيم ( اقصد بونابارت ) لما جه وقال انا مُسلم واقدس القرآن الكريم واعبد الله وكل الكلام ده يدينا نتيجه منطقيه ان ابو ابراهيم مُسلم ؟
لاء طبعا إنما الأمر يستند علي سياسه معروفه وهي ( دراسه الضحيه واسلحتها ونقاط ضعفها قبل مهاجامتها ) - بوقي وجعني كل ده مد - :D
هو مقالش انا مسلم هو قال انا احترم الديانات السماويه (مش بقولك فاشل تاريخ :p)وعلي فكره دا اللي انا قولته في ردي كلامك يعني بس باسلوب مختلف
* حتي ذِكرك لجانب واحد من الموضوع بيؤيد فكرتي اشد التأييد
يعني اتعاملتي علي انها صح
ومذكرتيش التعامل مع الرساله انها غلط
يسلالالالالالالالام بذمتك اتعامل مع الرساله ليه طالما هي غلط
وانا قولت هنفترض انها صح يعني مقولتش انها صح :D
ممكن يكون ليها كذا مدلول او مُستدَل ( جمع مدلول ايه - فاشل في العربي :D )
بيتهيالي جمعها ادله :D
يعني اللي كاتب الرساله افتراضا ً انها خطأ ممكن يكون قصده ايه
بالرغم من المقصد الأول هيبقي
العبث في عقليه القارئ اللي هيصدق من اول وهله
مش موضوعي هدف مؤلف الرساله كتبها غلط ليه :D
لذلك انا اتأكدت من الرساله ولقيت حاجات بسيطه جدا ناقصه تكاد لا تُذكر وده اللي خلاني ابدأ في مناقشه الرساله مش مسكت الفاس ويلا بينا
:D
حلوه مسكت الفاس دي ؟(هيلا هيلا يلا يا عفروتو :D)المهم زي ما قولتلك فوق انا ما قولتش ان الرساله صح ولا حتي قولت انها غلط كمان انا قولت هنتعامل معاها علي انها صحيحه مش اكتر :)
السلام عليكم ورحمة الله وبركاته بنفس
:)
كنت مره سألت زمان ابويا قولتله هو جمال عبد الناصر ده حلو ولا وحش
بقمه السطحيه عادي طفل
قالي حلو وعمل كذا وكذا وكذا
رحت قابلت واحد تاني صاحب ابويا قولتله هو جمال عبد الناصر حلو ولا وحش
قالي ابن ستين في سبعين
وعمل كذا وكذا وكذا
بقيت في حاله تشتيت
عملت رأي صغير وموضوعي بالرغم من صغر سني
قولت جمال عبد الناصر
حلو انه عمل كذا وكذا وكذا
ووحش انه عمل كذا وكذا وكذا
ياريت احنا كمان نصطنع حتي الموضوعيه بدل الانحياز اللي فشكل التاريخ كدا
:D
انا سالت بابا برضه نفس السؤال بس بصيغه تانيه قولتله يابابا هو السادات احسن ولا عبد الناصر احسن ردي عليا وقالي مفيش حد فيهم كان عدل :Dبالنسبه للانحيازيه اللي في التاريخ هو مفيهوش انحياز ولا حاجه هو مجرد سرد احداث بمختلف انوعها سواءاحداث حقبه احداث شخص الخ احنا اللي بننحاز مش التاريخ يا كابتن :D
بيتهيالي زمان صاحب الموضوع اتخنق مني ومنك :D
احمد رضا 14-08-2008, 02:05 PM مع اننا خرجنا عن الموضوع الاساسي بس يلا كله بثوابه :Dبس واضح انك جايب مجموع زفت في التاريخ :Dمعلينا هقولك مثالين علي فايده التاريخ وبعدين اقولك رائيي في كلامك
1- ثوره 19 المفروض انها تعتبر اول ثوره للمصريين علي الاقل في العصر الحديث انا بصراحه معرفش ايام زمان يعني بس علي الاقل في العصر الحديث ومتقوليش فيه ثوره عرابي ويوليو لان الثورتين دول ثورات سياسيه يعني من الجيش انما ثوره 19 الشعب اللي قام بيها تخيل لو درسنا الثوره صح مش يمكن تساعدنا دلوقتي علي فهم طبيعه الشعب المصري سيبك من اسباب الثوره اللي في كتاب المدرسه لان فيه حاجات حصلت للمصرين اكبر بكتير ومع ذلك مقاموش بثوره تفتكر دي مش استفاده
أولا مخرجناش عن الموضوع الأساسي واعتقد ان لو الكلام مش عاجب خالد هيدخل يقول وحقه اننا نوقف الكلام
بس انا متأكد انه ان شاء الله متابع
:)
دراسه التاريخ مُمكن تكسبك زي ما قولتلك خبرة من الحدث لكن التنفيذ اعتقد انه بعيد تمام البعد عن التاريخ
لان في الانثربولوجي ( بركيه :D ) التنفيذ خاص بعلم الاجتماع والعلوم الواقعيه
انما تيجي تشبهيلي حقبه زمنيه زي دي بحقبه زمنيه زي اللي احنا فيها دلوقتي
اعتقد تبقي حماقه لو حاولنا ننفذ بنفس الطريقه اكيد هنفشل جامد اوي - اكتر ما احنا -
لان المجتمعات بتتغير . كما ان مراكز القوة بتتغير .. زمان مكانش فيه متنفس ان الناس تعمل حاجة لما يفيض بيهم
دلوقتي لو الواحد اتخنق من شغل الكوسه والظلم والاستبداد والقمع
ينزل يتعامل ع القهوه
:D
ويسمع الطبعه الاولي
ويفضل يسب ويقول عندك حق
ده اخرنا دلوقتي
:D
إنما ثورة
صدقيني مش هتحصل
ربنا يدينا ويديكي طوله العمر
يعني عشان مبعدش كتير يديكي استفاده من الحدث ذات نفسه
ينمي عندك الروح النقديه والمُتعه العقليه زي ما قولتلك - اظاهر انك مفهمتيهاش :) -
لكن يفيدك في المستقبل ( تاريخ الأمم ) فلاء
ولو حضرتك شايفه ان التاريخ مُفيد اوي كدا
ليه معملناش ثورة من زمان
ولا من 1919 بنحاول نفهم صح ازاي نعمل ثورة ومش عارفين ؟!
:D
--
2-تخيل لو احنا مسجلناش التاريخ او اراء المؤرخين زي ما انتا بتقول تفتكر دوله زي اسرائيل تطلع وتقول فلسطين يهوديه وتالف كلام عليها كتير وتقول انها من حق اليهود تفتكر كنت هتثبت ازاي انها عربيه اتحداك انك تثبت حاجه زي كدا الا بالتاريخ (طبعا هتكرله درس القدس مدينه عربيه:D)
فوائد التاريخ كتيره واوعي تقولي تاريخ الاسلام الحاجه والتاريخ العادي حاجه تانيه كله متصل ببعضه التاريخ مبيتجزاش والتاريخ مش مبني علي شويه اراء زي ماانتا بتقول دي احداث مؤكده من قبل ما انا وانتا واهلك واهلي يجوا االدنيا وتيجي تقولي التاريخ مجرد اراء :Dدا انتا عاوز علقه محترمه :Dوبعدين متعه ايه اللي هحققها في دراسه موقعه حطين والنبي الله يكرمك انا لو مامتك كنت دخلت اداب قسم تاريخ عشان اعذبك :Dوابسط حاجه روح افتح اي كتاب مدرسه من بتوع ابتدائي وطلع المقصود بالتاريخ :)
التاريخ كما ينبغي ان يكون ( يحي الفخراني :D ) هو الوقائع الثابته مش الآراء اللي موجوده دلوقتي .. اتفضلي حضرتك ابحثي علي مواقع الإنترنت عن التتار وعن من هم التتار وابحثي في كذا مصدر
هتلاقي كل مصدر ذاكر شئ ومدعم بكتب عربيه واجنبيه
الحق لا يختلف عليه اثنان
ولو اختلف
يبقي مجرد آراء قابله للصحه او الخطأ
واي شئ قابل للصحه او الخطأ
من التخلف التسليم بيه إلا في حاله( الضرورة القصوى بتاع بريطانيا ) التأكد من المصدر اللي موجود في المصدر للوصول للدليل الدامغ
:)
الوقائع الثابته تُعد علي صوابع الايد الـ 19
:D اخطبوط
والتاريخ الإسلامي شئ منفصل عن التاريخ اللي معظمه قائم علي آراء
التاريخ الإسلامي قد يضم السنه والافعال والتقارير
اعتقد ان كل الدين الإسلامي ( القرآن بصفه عامه اللي بيحتوي علي تاريخ مثالي )
في لوح ٍ محفوظ
:)
لكن التاريخ اللي برا كدا بقي
يحتمل الصحه او الخطأ
أما بالنسبه لفتح كتاب الابتدائي
فاعتقد ان عقليتي الفارزه مش هتسمحلي احتفظ بشئ ملهوش فايده
:D
فافتحيهم انتي افضل
:rolleyes:
انا متفقه معاك في الفقره دي
انتي اتفقتي معايا .. مش مُتفقه
تفرق كتير
:)
--
سياسه دراسه الضحيه انتي مذكرتيهاش علي فكرة
:D
لا ظاهرا ً ولا مضمونا ً
:)
يسلالالالالالالالام بذمتك اتعامل مع الرساله ليه طالما هي غلط
وانا قولت هنفترض انها صح يعني مقولتش انها صح :D
العقليه الصالحه في معتقدي وفي تعريف معظم الفلاسفه - لو فهمتي فلسفه - هيا العقليه التي تفترض الصح والخطأ سواء في المعتقدات او الاتجاهات بالرغم من احتماليتها او يقينيتها
:)
يعني افترضي الصح .. يبقي تفترضي الخطأ بعديه
وبعد كدا تقولي بالنسبالك ايهما اقوي
:rolleyes:
بيتهيالي جمعها ادله :D
أدله جمع دليل
:)
مش موضوعي هدف مؤلف الرساله كتبها غلط ليه :D
اعتقد ان في بعض الاحيان دراسه هدف الكاتب اهم من المكتوب نفسه
يعني مثلا لما تلاقي وثيقه لهيرودت عن مصر فيه بعض الوثائق اللي نقلها عن مصر
كان بيهدف فيها لأهداف ونوايا خفيه ممكن وضعها في وسط جمع حقائق يجعلها حقيقه
:)
حلوه مسكت الفاس دي ؟(هيلا هيلا يلا يا عفروتو :D)المهم زي ما قولتلك فوق انا ما قولتش ان الرساله صح ولا حتي قولت انها غلط كمان انا قولت هنتعامل معاها علي انها صحيحه مش اكتر :)
والعقل السليم ( مش في الجسم السليم ) لاء العقل السليم والناقد
هو اللي يفترض صحه وخطأ الشئ اللي قدامه
مهما كان يقيني
ويتأكد .. مش يمكن كل المعلومات اللي في حياته تطلع وهم كبير
( فينك ياعلومجي بس )
:confused:
انا سالت بابا برضه نفس السؤال بس بصيغه تانيه قولتله يابابا هو السادات احسن ولا عبد الناصر احسن ردي عليا وقالي مفيش حد فيهم كان عدل :Dبالنسبه للانحيازيه اللي في التاريخ هو مفيهوش انحياز ولا حاجه هو مجرد سرد احداث بمختلف انوعها سواءاحداث حقبه احداث شخص الخ احنا اللي بننحاز مش التاريخ يا كابتن
وحضرتك لو رأي ثابت وواقائع ثابته هتنحازي ازاي اصلا ؟!
وانتي مش قدامك غير انك تقبليها ؟!
:D:D
- الانحياز -
في حاله وجود شيئين متناقضين او متباينين ( تفرق كتير )
:rolleyes:
سئل احد الفلاسفة عن معنى (الانحياز ) فقال : هو الظن المتهور واللاموضوعي لدى الاغلبية بأن النحاس في ايدي الاغنياء هو ذهب, وبأن الذهب في ايدي الفقراء هو نحاس !!
يالا ع البركه وبعتذر للباشمهندس خالد
ولكن مفروض نبقي اكثر موضوعيه
واكيد هو عارف كدا بردو
:)
السلام عليكم ورحمة الله وبركاته
واحـد من النــاس 14-08-2008, 03:13 PM بارك الله فيكم
:)
|