رداً علي بعض الإهانات التي تلقيتها بخصوص كليتي ...





منــيش حلاق ولا فاشل



ورافع راسي واستاهل



وكل اللي فاكرني قليل



يشوف مع مين بيتعامل



دا انا حلمي معدي سحاب



وتاجي ف الدنيا دي الأصحاب



وعلمي أغلي من أصلك



وأصلنا كله يعني تراب



تشوف نفسك كدا ع الناس



بطبك يعني جبت الماس !!!



وعامل زي دخان



عالي وملوش أي أساس



تعالي اتباهي كدا عندي



علمك هنا قصاد علمي



والميه تكدب الغطاس



لا انا فاشل ولا حلاق



ولا للطب دا مشتاق



كفاية اني قصاد نفسي



عالي ودا اللي عندي خلاص



فرأيك عندي بالجزمة



ميعملش ف دنيتي أزمة



ووفر كل أقوالك



ونتكلم ف له لزمة



إيه رأيك في نصوص عربي ! ؟



أكيد كنت حافظها صم !



ولا علمي ولا أدبي



كله معندوش دم



ولا الدرس ف الأحياء !!!!!



يوم اتنين مقولكش ؟



بجد المادة دي كت هم



وجيولجية إيه ،، دي مادة ياراجل ؟؟



- دي أسهل مادة كت تتلم !



مش هقولك ساعة أو ساعتين



لا .. في الساعة بجيب اتنين



- وأكيد كله معاك فرق ؟



- 99 مش حاجة تتسرق !



- حقيقي يبقي ليك تمثال



- تمثال صحيح



- أيوه .. تمثال ورق



انا رافع راسي واستاهل



وشوف مع مين بتتعامل



ولو قاسوا ف الذكاء نسبة



هتطلع أغبي من جاهل



فخور بجهلي ف فشلك



ميلزمنيش أكون زيك



ولو ع الطب دا يادكتر ...



فواخد مقلب ف نفسك



فليه يتقالي (( دا آخرك ))



الطب مبيطلوش علمك ؟



ولو كان طاله كان ربك !!



جابهولك وباستحقاق



لربي ف كل شيء حكمة



وأكيد شايلني للأحسن



فرأيك عندي بالجزمة



وخليك ف اللي فيك أحسن

بصرف النظر عن الجانب الشخصى الذى دعاك للكتابة
ولكنها تجربة تستحق الإشادة
بس اكيد اللى جاب طب دا تعب جدا ويستحق الاحترام
تحياتى لك ودعواتى لك بالتوفيق

مخطئ من يستهين بغيره مهما كان في نظره قليلا فلعله عند الله أعظم وفي وطنه أجل وأكرم


لكن الحلاق مهنة شريفة ومش تافهة وكل ميسر لما خلق له



كل التحية لك

والتوفيق والسمو والعلو

روّق يا أبو الأنوار... ولا يهمك

والقصيدة روعة

تسلم إيديك

بصرف النظر عن الجانب الشخصى الذى دعاك للكتابة
ولكنها تجربة تستحق الإشادة
بس اكيد اللى جاب طب دا تعب جدا ويستحق الاحترام
تحياتى لك ودعواتى لك بالتوفيق

أستاذي أنا الحمد لله جبت طب أسنان . بس فيه صحاب ليا غشوا وجابوا بشري واتريقوا عليا وسخروا مني .. انا كل سنة كنت بجيب اعلي منهم بكتير بس السنة دي حصلت ظروف والحمد لله

انا كاتبها تجربة شخصية وانا رغم كليتي حاسس اني معملتش حاجة واني لما تعبت ,,, تبعبت ف حاجة ملهاش لزمة ومناهج وحشة واني بتعبي ف حفظ المواد مش مقياس ليا عشان أدخل أسنان

مخطئ من يستهين بغيره مهما كان في نظره قليلا فلعله عند الله أعظم وفي وطنه أجل وأكرم


لكن الحلاق مهنة شريفة ومش تافهة وكل ميسر لما خلق له



كل التحية لك

والتوفيق والسمو والعلو

انا لا أحقر من أحد .. الكل سواسية

بس كانت كلمة أحد الأقرباء ليا : "" انت آخرك ايه ف الكلية دي غير انك تفتح عيادة والحلاق يكسب أكتر منك ""

دا سبب استخدامي الكلمة دي

روّق يا أبو الأنوار... ولا يهمك

والقصيدة روعة

تسلم إيديك


أشكرك مستر حاتم

دايما كدا رافع معنوياتي :d