بسم الله الرحمن الرحيم


بصراحة مش عارف ابدأ منين :blush:
الانجليزي ملوش كبير للاسف
حتي المدرسين ممكن تلاقيهم مختلفين
بصوا بقي
من الاخر كده عشان نبقي تمام جدا في الانجليزي
مبدئيا كده :حاول تقرا كل كلمة في الكتابين بتوع المدرسة
وحل كل اسئلتهم (مهمين جدا وبيجي منهم جزء كبير من الامتحان )

نبدا بقي بالكلمات
بصوا ياجدعان
اللغة دي بحر
مهما حفظت من كلمات ممكن الامتحان يجيب حاجه انت مش حافظها
وده اللي بيبقي اللي بيحط الامتحان بيحاول يعمله :o
بيدور علي اللي هوا واثق ان انت مش عارفها او هاتلخبطك ويروح يحطها في الامتحان :angry2:
طب انت ليه تدوخ نفسك علي الكلمات وتدور علي كلمات اولي وتانية والكلام ده وتضيع وقت؟
ببساطة انت هاتعمل الاتي
هاتجيب كتاب خارجي (ذا بيست او سربرايز)
هاتفتح كل يونيت ([ماتنساش الريفيو طبع )
تشوف الكلمات بالانجليزي وتحاول تترجمها
اذا عرفت يبقي قشطة سيبك منها
لو ماعرفتش دي هات كشكول كده واكتب فيه الكلمة دي وقصادها معناها
وهكذا لحد نهاية اليونيت
هايتفضل معاك مجموعة كلمات من ضمن الكل
هاتوفر عليك وقت طويل جدا في المذاكرة في اي وقت
هاتعمل ايه بقي بالكلمات اللي كتبتها دي ؟
هاتقعد تحفظ فيهم هما بس
سيبك من الباقيين اسمع كلامي
حاول تشوف قطع paragraph كتير وقطع translation قديمة وتطلع منها الكلمات اللي انت ماعرفتهاش
هاتلاقيهم مش هيبقوا كتير معاك
ماتحاولش تحفظ الكلمات اللي في الاخر (بيبقوا حوالي الفين كلمة ) :o
طب ليه؟ عشان ماتضيعش وقت فيهم خالص غير لو حسيت انك عارف كل حاجه عندك في المنهج
وحالل كويس جدا ساعتها برضه ماتفتحهمش :p
كل ماهتفتح الانجليزي وتشوف قطع وترجمة كتير هاتلاقي الكلمات عندك بتكتر كل شوية
ومع الوقت هاتلاقيها بتتكرر
دول اهم من اي حاجه تانية ومن الكلمات اللي ورا اللي هاتضيع فيها عمرك ومش هاتخلصهم

اذا الخلاصة
احفظ الكلمات اللي انت لخصتها مش كل الكلمات اللي مكتوبة عشان ماتضيعش وقت
مع الوقت هاتلاقي نفسك حفظت بعضهم ونسيت بعضهم او ماحفظتش البعض الاخر اصلا
هاتروح معلم علامة (زي اللي ذكرتها ) بحيث تعلم علي اللي انت لسه ماحفظتهوش
عشان لما تيجي تذاكر تاني تحفظة هوا بس عشان مانضيعش وقت في الباقي

ملحوظة مهمة جدا جدا جدا : ماتقعدش تكتب كل كلمة عشر مرات عشان تحفظها
انت مش طفل في ابتدائي
هاتضيع وقت كبير جدا
حاول تحفظهم ببقك وعينك مع بعض ( لو شايف ان مافيش فايدة غير انك تكتبهم يبقي اتكل علي الله)
بس انا حذرتك

قشطة؟

طب والجرامر ؟
الجرامر مش عايز غير حل اختر وفايند ذا ميستيك (اكيد يعني امال ايه الجديد.؟)
الجديد انك ماتحاولش تحفظة عشان مش هايلزمك الحفظ
اه والله
لازم تبقي حاسس بالخطأ انت في الجملة
يعني لو حفظت القاعدة مستحيل تعرف تطبق عليها (زي ماتكون بتقرا كتاب عن كيفية تعليم السواقة
هل لو حفظته كله هاتعرف تسوق ؟ لا غير اما تجرب مليون مرة وبعدين هاتلاقيك تلقائيا بتعمل الصح)
نفس الفكرة هنا
حاول تحل من كتاب فيه اجابات عشان تتاكد
ماتسيبش سؤال الا وتحله (في اختر بالذات )
حاول تدور علي المدرس اللي بيقعد يحل علي القاعدة ويجيبلك الشواذ ( الحالات الشاذة يعني ) :d
عشان ده اللي هاينفعك
اوعي تفتكر ان المدرس اللي بيقعد يشرح الجرامر هايفيدك
حاول تحل وراه كده
هاتلاقيك حالل نصهم غلط
:o
يبقي اذا الخلاصة
الحل ثم الحل ثم الحل في الجرامر
طبعا لازم تراجع علي القاعدة عشان ممكن تبقي حاجه مستخبية كده والا كده كل فترة

ثالثا: القصة
القصة دي ممتعة وحلوة بس مش عايز الاحداث تنسيك بعضها
ركز كويس في مين قال ايه ولمين والموقف
اقرا القصة اكتر من مرة
فيه ملف مرفق فيه القصة كلها كاملة بالعربي قبل كل فصل اقراءه بالعربي الاول وبعدين بالانجليزي هاتلاقي الدنيا زي الحلاوة معاك
ماتقلقش من كلمات القصة اوي
حاول تلخص بنفسك بعض الشخصيات اللي ظهرت ظهور غير بارز (زي صحابه الاتنين اللي قابلهم في باريس وزي اللورد اللي كان هايشتغل عنده في السفارة )
واكتب هما عملوا ايه وفين والموقف كده في ملخص بسيط تبقي تراجع منه لانك هاتلاقيهم مذكورين في فصل او اتنين في سطر او اتنين ( هاتلاقيهم اول حاجه بيتنسوا عشان مهمشين )
اعملك صفحتين كده بكل ال six men بتوع max واكتب كل حاجه عن كل واحد شخصيته ووصفه ومات فين وازاي وقال ايه وامتي وفين
طبعا هاتاخد وقت شوية
بس عليها درجات كتير ومهمة
وهاتستريح بالتلخيص اللي انت عملته فيها لما تخلصها خالص ;)



ونصيحة وحشة وحلوة في نفس الوقت : حاول تشوف كام فيلم اجنبي كده محترم (انا قولت محترم علي فكرة ) :d
هايفيدوك عشان ساعات بيلخبطوك ويجيبولك كلام عامية اميريكي يشوف قدرتك علي الاستنتاج
(زي ما في سنة كده جاب كلمة fired)
معناها حرفيا وبريطانيا اطلق عليه النار
لكن معناها امريكيا وعاميا وفي صيغة الكلام (مطرود)
ممكن ماتاخدش بالنصيحة
وطبعا ماتتفرجش علي فيلم وتقول لامك وابوك انا بذاكر
عمو هوا اللي قالي كده :d

نصائح بقي عامة كده في المادة :
1: كل مرة روح للمدرس بكام قطعة براجراف وخليه يصححهم عشان ماتتسوحش وتلاقيك ناقص درجتين تلاتة في البراجراف لوحده :o
2: ماتحلش علي الsituation غير في المراجعات
3: ماتستهترش بالاسئلة اللي هيا بتكتب فيها المكان والاشخاص وال function ظ
4: ذاكر التعبيرات المشهورة بتبقي علي كل وحدة كويس جدا (مهمة في الترجمة والبراجراف)
5: (احفظ ال propositions كويس جدا جدا ) مش عارف ده اسمها والا ايه بس حاجه زي كده
اللي هوا كلمة work بيجي بعدها for مثلا وكلمة break بيجي معاها down
6: قطعة الفهم ساعات او غالبا بتبقي غلسة شوية
بص
ماتحاولش تعمل فيلسوف فيها وتختار حاجه مش موجودة في القطعة اصلا
يعني لو مثلا مكتوب عندك في القطعة بيتكلم عن الحب
وفي الاختيارات موجود كلمة حب وموجود كلمة زواج مثلا
ماتخترش دي عشان استنتاج حضرتك
عشان في الغالب غلط
واسئل المدرس فيها دي عشان مهمة
7: اللي بيحط الامتحان بيوقعك في غلطات انت هاتكتشف بعدين انها سهلة
اسمها السهل الممتنع ;)
8: ماتنساش قطع ال reading و ال listening اللي بتبقي في كل وحدة عشان بيجي منها نص الاختياري ونص الفياند ذا ميستيك (النص التاني كله جرامر )
بصراحة مش عارف اقول ايه تاني
هي مادة صغيرة بس مش تافهة
رخمة شوية بس لو نفذت اللي قولته هاتلاقي الدنيا حلوة
ربنا يوفقكوا

ملحوظة اخيرة : انا ماكنتش باخد درس انجليزي خالص لحد اخر شهرين
بس كان مدرس ممتاز خلصلنا كتاب ذا بيست وسربرايز مراجعة كلهم بكل اسئلتهم في الشهرين دول :av4056bb7jp3:

اي سؤال بأذن الله هجاوب عليه
واعذروني لو قصرت

جزاك الله خيرا حضرتك كنت جايب كام ف الانجليزي

بارك الله فيك ، ونفع بك

جزاك الله خيرا حضرتك كنت جايب كام ف الانجليزي

مش كتير
45 من 50 :(
بس جبت نموذج الاجابة ولقيتني ناقص درجة وربع بس
مش عارف الباقي في ايه
بس ماعمتلش تظلم عشان كنت عارف انه ملهوش لزمة وانا داخل كده كده هندسة عين شمس :cool:
ولكن دي خلاصة ازاي تجيب فيه درجة حلوة
لان الصعب بالنسبالي واللي ماعرفتش احله كان من كتاب المدرسة اللي مافتحتهوش :(

جزاك الله كل خير :)

جزاك الله كل خير :)

:blush:
زي ماطلبتي اهو انتي واللي كان فوقيكي :friendsxs3:

:blush:
زي ماطلبتي اهو انتي واللي كان فوقيكي :friendsxs3:

ايوه ايوه ميرسي ^_^
لو لقيت بقي حاجه عن تنظيم الوقت يبقي عملت لنا خدمه كبيرة
بس لو ملقتش عادي بردو انت كدا كتر خيرك اوي :)

شكرا على الشرح .. شرحك حلو ومنظم وطريقة مذاكرة زى ده حلوة وممتعة
وربنا يوفقك :)

ايوه ايوه ميرسي ^_^
لو لقيت بقي حاجه عن تنظيم الوقت يبقي عملت لنا خدمه كبيرة
بس لو ملقتش عادي بردو انت كدا كتر خيرك اوي :)
يااااااااااه
جيتي في ملعبي
:022yb4:
بأذن الله اول ماروق كده هاكتبه
شكرا على الشرح .. شرحك حلو ومنظم وطريقة مذاكرة زى ده حلوة وممتعة
وربنا يوفقك :)

الله يخليك واتمني اني اكون ساعدتكوا فعلا

يااااااااااه
جيتي في ملعبي
:022yb4:
بأذن الله اول ماروق كده هاكتبه


شكرا مقدما :) :)

جزاك الله خيرا

مشكووووور روعه بارك الله فيك

مش كتير
45 من 50 :(
بس جبت نموذج الاجابة ولقيتني ناقص درجة وربع بس
مش عارف الباقي في ايه
بس ماعمتلش تظلم عشان كنت عارف انه ملهوش لزمة وانا داخل كده كده هندسة عين شمس :cool:
ولكن دي خلاصة ازاي تجيب فيه درجة حلوة
لان الصعب بالنسبالي واللي ماعرفتش احله كان من كتاب المدرسة اللي مافتحتهوش :(عين شمس :(:(:blush:

موضوع قديم قولت افكركوا بيه يمكن يفيد حد تاني ^^