حمدى حسام
13-09-2014, 11:24 PM
«أقباط ضد الانقلاب»: قطر لم تطرد «الإخوان».. والجزيرة مستمرة في دعم الجماعة (http://www.almasryalyoum.com/news/details/522745#)
http://www.almasryalyoum.com/news/details/522745
منذ 19 دقيقة | كتب: سعيد علي (http://www.almasryalyoum.com/editor/details/48)
http://media.almasryalyoum.com/News/Large//2013/05/10/228/min_2012929204236.jpg تصوير : آخرون (http://www.almasryalyoum.com/Editor/Details/257)
قال رامي جان، مؤسس حركة أقباط ضد الانقلاب، والمتواجد في قطر، إن حكومة الدوحة لم تطرد قادة الجماعة، بينما هم من أرادوا رفع الحرج عنها، مشيرًا إلى أن قناة الجزيرة مستمرة في دعمها للإخوان ولن تتخلي عنها.
وقال «جان»، في تدوينة عبر موقع التواصل الإجتماعي «فيس بوك»، تحت عنوان «شهادتي للتاريخ وللدور القطري»: «لتوضيح الأمر لأن الكثير يتسائلون هل طردت قطر الإخوان؟ الإجابه لا فبعض من قيادات الإخوان، حتي لا يضعوا قطر في موقف حرج إقليميًا ودوليًا، طالبوا بالسفر لبعض الدول الأوروبية، وعددهم لا يتعدى العشرة أشخاص أو أقل».
وأضاف «جان»: «أما أن الجزيرة وقطر باعوا القضيه المصرية وطردوا الإخوان، هذا لم يحدث وليس صحيحًا»، مستطردًا: «أنتم لا تعلموا كيف يتعامل الأستاذ أيمن، مدير قناة الجزيرة معنا ومع القضية، هذا الرجل سيذكر التاريخ الدور التاريخي الذي قام به لمصر، فلولاه ولولا القياده القطرية لاختلف الأمر كثيرًا، فقطر والجزيرة عاملونا بكل احترام وتقدير، ومازال الوضع كما هو، ومازال الظهور الإعلامي كما هو».
حمدى حسام
13-09-2014, 11:35 PM
بماذا سيتهمونك يا رامى
اكيد هيقولو مغيب وقابض ومع داعش وعميل ومش فاهم وهم الا فاهمين
أ/رضا عطيه
14-09-2014, 02:10 AM
هههههههههههههههههه
دا راجل مرعوب ييجى عليه الدور هو كمان
لم تطردهم قطر لكن هما اللى طردوا أنفسهم
وماذا بعد الشكر والمدح فى الأستاذ أيمن بتاع الجزيرة
هيطلعك على الجزيرة تشتم فى بلدك ؟
وحين ينتهى من استخدامك سيطردك كغيرك
ربنا يهديكم
حمدى حسام
14-09-2014, 09:51 AM
طيب نعطى له فرصة يتكلم ويعبر عن قناعاته فى الاعلام المحلى الملاكى اعلام داعش وسوريا
mrmorsy
14-09-2014, 12:19 PM
هو مافيش يهود ضد الانقلاب
هو مافيش ماجوس ضد الانقلاب
هو مافيش سيخ ضد الانقلاب
هو مافيش مجانين ضد الانقلاب
هو مافيش بلطجية ضد الانقلاب
هو مافيش تجار دين ضد الانقلاب
شر البلية مايضحك
هههههههه
ما احلاه من انقلاب اعاد مصر للمصريين واعاد البسمة والفرحة للجميع
انتهى الدرس وعادت مصر للشرفاء فقط
بس خلااااص
هذا الرد سوف يتم حذفه لانه لن يكون على هوى الجماعة الارهابية
انا دائما اطلق عليها الجماعة الارهابية لانه صدر حكم محكمة بتسميتها كذلك وللحقيقية هذا الاسم لايق عليها
كولونيل 2
14-09-2014, 01:25 PM
انا دائما اطلق عليها الجماعة الارهابية لانه صدر حكم محكمة بتسميتها كذلك وللحقيقية هذا الاسم لايق عليها
==============================
كلامك أخي الفاضل قانوني 100% .. بحكم محكمه
العشرى1020
14-09-2014, 05:31 PM
كلام كله خداع ومكر لالالالالالالالا والف لالالالالالالالا قطر طردتهم
mrmorsy
14-09-2014, 09:52 PM
الله سبحانه وتعالى حامى هذا البلد
والدليل ان الله تعالى خلصنا من حكم الارهابية بعد عام من حكمهم الظلامى الارهابى
حمدى حسام
14-09-2014, 10:50 PM
اللهم احمى مصر من المغيبين وتجار الوطنية والدين
https://scontent-a-lhr.xx.fbcdn.net/hphotos-xpa1/v/t1.0-9/1925174_614174331989536_341639195_n.jpg?oh=f54404c 8d1ff49a7587937c2e755c650&oe=54972254
أ/رضا عطيه
15-09-2014, 01:14 AM
اللهم احمى مصر من المغيبين وتجار الوطنية والدين
https://scontent-a-lhr.xx.fbcdn.net/hphotos-xpa1/v/t1.0-9/1925174_614174331989536_341639195_n.jpg?oh=f54404c 8d1ff49a7587937c2e755c650&oe=54972254
خَلاص فِهمنَا مِن اللّي فَات
حَكمونا حبة أغوات
دَا بَعد مَا رَاح اللّي رَاح
خَلاص فِهمنَا مِن اللَي فَات
بَحر الدّقون اللّي غِرقنَا فِيه وخَان
وَمَا زَال يخُون
وَبَاعنَا م الأربَع جهَات
لحَيزَبُونَة وَحَيزَبُون
كَل الكُوع واللي بات
دلوقتي وبيملوا السّجون
يوم غيّبونا في الكلام
يُوم مَا اشتَرونَا فِي الحَرَام
بزجَاجَة الزّيت والسّخام
تاجروا في فقرنا الرّدِي
ولاد الرّدِي
مِش حِلو كُل مَن رضَى
ولا كُل ورقة تتمضَى
إمضَا خَدتنا للغَرَق
كَاس الهموم عبّى وفضَى
لازِم نفتّش فِي الوَرَق
مِش كُل وَرَقة تتمضَى
وقالولي فيه دُستُور جديد
سَرح دمَاغي فِي اللي فَات
سرح دماغي بعيد بعيد
فسألت عن عدة حاجات
وقلت يا صحَابي العزاز
هَيستر البنت اللي على بَاب الجواز؟
هَيعالج السّت اللي مرمية سنين مِن غِير علاج؟
عَايشة ولو إن الروح يا بوي
كَام مرّة هِربت من الجسَد
هَيجيب الوظيفة للولد؟
هيزوّد الكام لقمة لقمة؟
راح يحارب اللي فسد؟
ييجي ميت سؤال طوال كأنهم أبد
هيجيب لنا زعيم أسد
يرد حق الغلبانين
اللي ظَلَمهم الزمن؟
ويسد ريحة العفن..
اللي بقينا نشمها مدة ومدد؟
ويفك حبل الظلم
عن رقبة أبوكو "عبـ صمد"؟
ما بدناش من العاركة غير دستور كريم
شمس وهُدى
يعوض الزمن الأليم اللي ابتدا
من ميتة البطل العظيم
هييجي استجابة للندا
ويزيح كفوف المغسُولين
الفاسدين والكدّابين والظَّالمين والمفجُوعين
اللي كلوا لقمة عيالنا في جُمعتِين؟
واللي بيترَبّص بحِلم المَلايين
واللي فتح دكان يبيع فيها دين
ولحى تداري عيون مريبة لراسبويتن
دستور أمين
هيجبلنا حاكم كما شعبه يعيش؟
ساعات معاه وساعات مفيش
لو حتمت الأيام ينام على فرش خيش
ويبات مايملاش بطنه عيش
يحميها أرض وناس وجيش
يفهم كلام عم عليش
واللي ورا عيونه عين
يكره هتاف "يعيش يعيش"
ونيّته مش نيتين؟
يرِدنا تاني يصدق حلمنا
وقصاد أعادي الأمة نفتح صدرنا
ويحس بينا لما يزهق صبرنا؟
إن كان كدا هَحل بسنَاني الحِبَال
وَاخُد زبيدة والعيَال
ونفُك صُوتنا اللي اتكتَم
ونقول نَعم
لكن نعم غير النعم
نعم اللي طَالعة من هنا
من قلبنا
ضد الوُحُوش الرابطة في سِكَك الصباح
ضد الحروب بالأجرة ضد الشعب
ضد الشماتة في المماتة والجراح
وإزازة النار في إيد الكلب
ضد اللي بيبيع الوطن وهما فاكرينه كفاح
ضد اتفاق الأجنبي مع اللي خان
ضد اللي ماعرفوش مكانة المكان
ضد اللي مش منا ولا نعرف له أصل
ضد اللي بدلوا عصرنا بأغبى عصر
ضد الكارهين اسم مصر
ووش مصر وحس مصر
وفن مصر وعلم مصر
لمم فلولك واندفن تاني يا عم
يا اللي مليتها نار ودم
نعم نعم
بصوت أجدادنا صاعد م الثرى
ثورتنا متعرفش تتقهقر ورا
احنا صحيح بنحب لا
ياما علي صوّتنا بلا
ودفعنا حق الـ"لأ" سجون وقطع عيش
لكنما نعم النوبادي بألف لا
لِم اللي عاوزين يوصللها بالكتاف
واجمع بناتك اللطاف
عمى عيونكم الغرور
ُثُرنا وكان لازم نثور
معادش في قلوبنا العجاف حتى تخاف
هنقول نعم
تفكر الدنيا بلحظة العبور
نعم تخلي الدنيا نور وخير عميم
غير إنها هتجيب لنا رئيس عظيم
رئيس يفكرنا برئيس مصر القديم
نعم تزلزل البلد
نعمكوا انتو غير نعم عبد الصمد
prencess dream
15-09-2014, 05:27 AM
اشمعن الوقتي الاخوان بقو ارهابيين مطول عمرنا عندنا جران اخوان مفنهومش دبحونا يعني