|
مشاهدة النسخة كاملة : لو سمحتوا ساعدوني انا كدا هضيع :( mohamedz66 16-09-2014, 03:19 PM دلوقتي انا لم كنت في اولي ثانوي كنت الماني ولم حولت لمدرسة تانيه حولوني فرنساوي من غير ماعرف ولم طلبت تحويل من فرنساوي لألماني قالولي الوقت أزح وماينفعش المهم انا ماخدتش في الفرنساوي دروس نهائي وكنت بنجح في الامتحانات بالبركه وفي تانيه نفس الموضوع المهم دلوقتي انا في تالته ثانوي علمي علوم ومش عارف كلمة في الفرنساوي انا حتي معرفش يعني ايه (1) بالفرنساوي ولا اي حاجه نهائي ولا اعرف يعني ايه (انا) بالفرنساوي ولا حاجه نهاااااااااائي تنصحوني بأييييييييييييييييييييييه ؟ aalaaabdelhamed 16-09-2014, 03:41 PM ممكن تاخد درس خصوصي فرنساوي ويكون مكثف وان شاء الله تلحق الفرنساوي سهل خاالص mohamedz66 16-09-2014, 03:45 PM طب هو منهج اولي وتانيه بيخلص في كام شهر ؟ ومنهج تالته كله بيخلص في اد ايه ؟ aalaaabdelhamed 16-09-2014, 03:48 PM لو سمحتم ممكن لينك تحميل ورد 2010 عشان معظم المذكرات علي المنتدي ورد ومش بعرف انزل حاجة yasmeenaaa 16-09-2014, 10:35 PM الفرنساوى مش صعب ممكن تلحق نفسك بس تكثف دروسه من اول السنة وتجتهد فيه شوية اما بالنسبة يخلص فى اد ايه فعلى حسب مقدرتك هو كجرامر مش صعب بس اهم حاجة حروف الجر والباقى حفظ الافعال والكلمات و بالتوفيق إن شاء الله Nourhan_nono 17-09-2014, 05:34 AM خد عند مدرس بيراجع كل اللى فات واحدة واحدة يا اما حاول تانى او خلى والدك يروح يكلمهم ماينفعشى كدة hazemon 17-09-2014, 10:45 AM يا بني الفرنساوي سهل انا هقلك علي حل هات مدرس فرنساوي خصوصي يراجعلك علي منهج اولي واحدة واحد يعني يبدا يقرالك الحوف بالفرنساوي والحاجات الاساسية دي وقوله متكروتش معايا تقريبا هتاخد شهرين طيب حضرتك خلاص عرفت الاساسيات هتلاقي تافه جداااااااا بس في الاول هتحس بصعوبة وهتلاقيك بتنسي بسرعة عادي جدااااا اهم حاجة تذاكر الشهرين دول الفرنساوي كويس وتحفظ الافعال كويس هتلاقي نفسك برنس برنس برنس وهتقفله بصباع رجلك الصغير يبني احمد ربك ان ده محصلش وكان نظام الامتحانات الفرنساوي القديم مطبقي زمان كان لازم يبقي حافظ صم عشان هوه اللي يكتب دلوقتي الامتحان معظمة اختيارات يعني متقلقش خااااااااااااااااااااااااااالص انا قلتلك اهوه هتحس الاول انه صعب بعد كده هتلاقيه افضل من الالمانس واسهل منه بس انا كان من رايي انك تكمل الماني لانه هينفعك مستقبلا وشكرا omarhassan2009 17-09-2014, 03:57 PM لو منفعش حل انك تجيب مدرس انصحك بانك تشوف حد يكون معاه كتاب ميرسى فى الفرنساوى قديم بتاع سنه تانيه ترم تانى ولو لقيت الترم الاول يبقى خير وبركه وتاخدو منو او تصورو وخلى لنفسك ورد يومى مثلا تحفظ 10 كلمات وتاخد جزء من قاعده وكدة وكل متلاقى الفرنسى سهل معاك شويه زود عدد الكلمات لحد ما تخلص مراجعه سنه تانيه لو ضغطت على نفسك تخلص القواعد ف اسبوعين بس تكون بتحفظ مع القواعد كلمات مش تمسك ف اسبوعين القواعد بس بعد ما تخلص القواعد كمل مع مدرس بيدى المنهج بتاع 3 وكمل ضغط على نفسك لحد متخلص الكلمات وحاول تخلصهم فى شهر ونص مش اكتر من كدة بعدين كمل مراجعه المنهج القديم .. لو لقيت الدنيا عايمه فى الاول متيأسش وكمل الفرنسى ابسط مادة بس انتا متيأسش mohamedz66 17-09-2014, 04:03 PM الفرنساوى مش صعب ممكن تلحق نفسك بس تكثف دروسه من اول السنة وتجتهد فيه شوية اما بالنسبة يخلص فى اد ايه فعلى حسب مقدرتك هو كجرامر مش صعب بس اهم حاجة حروف الجر والباقى حفظ الافعال والكلمات و بالتوفيق إن شاء الله خد عند مدرس بيراجع كل اللى فات واحدة واحدة يا اما حاول تانى او خلى والدك يروح يكلمهم ماينفعشى كدة يا بني الفرنساوي سهل انا هقلك علي حل هات مدرس فرنساوي خصوصي يراجعلك علي منهج اولي واحدة واحد يعني يبدا يقرالك الحوف بالفرنساوي والحاجات الاساسية دي وقوله متكروتش معايا تقريبا هتاخد شهرين طيب حضرتك خلاص عرفت الاساسيات هتلاقي تافه جداااااااا بس في الاول هتحس بصعوبة وهتلاقيك بتنسي بسرعة عادي جدااااا اهم حاجة تذاكر الشهرين دول الفرنساوي كويس وتحفظ الافعال كويس هتلاقي نفسك برنس برنس برنس وهتقفله بصباع رجلك الصغير يبني احمد ربك ان ده محصلش وكان نظام الامتحانات الفرنساوي القديم مطبقي زمان كان لازم يبقي حافظ صم عشان هوه اللي يكتب دلوقتي الامتحان معظمة اختيارات يعني متقلقش خااااااااااااااااااااااااااالص انا قلتلك اهوه هتحس الاول انه صعب بعد كده هتلاقيه افضل من الالمانس واسهل منه بس انا كان من رايي انك تكمل الماني لانه هينفعك مستقبلا وشكرا شكرا جدا ليكم :) وانا ان شاء الله هحاول اخد درس خصوصي ليه :) |