اولا السلام عليكم ثانيا انا طالبة فى تالتة ثانوى علمى علوم المشكلة اللى معايا فى العربى والانجليزى حاسة انى ضايعة فيهم جدا مش عارفة ليه مع انى فى الترم التانى من تانية منقصتش غير درجة واحدة فى الورقة بتاعت الانجليزى والباقى كان تقريبا درجتين اعمال سنة وكل ما اقول لحد من صحابى على موضوع الانجليزى ده يقولى عشان انتى بتاخدى مع مدرس مش بيشد وبيضرب عشان هما بياخدوا عند مدرسين مشهورين بالتهزيق والضرب بس انا مبحبش كده ثم انى المدرس اللى انا معاه حاليا كان بيدى اختى وهى السنه دى اتخرجت من طب ولوقولت لاهلى اسيبه هيقولولى لان انتى شخصيه مبتجيش غير بالبضرب وهو الشهاده لله بيشرح وبيدى تمارين كتير وبيسمع كل حصة الكلمات وبيدى واجب عشان كده بقول لنفسى خوفى من الترجمة بالذات ده احساس طبيعى اما العربى انا خايفة من النحو وانى دايما بحس انى مش هقدر اخلصه فياريت حد يطمنى لان العيله كلها حاطه امل انى احقق حلم بابا الله يرحمه وادخل صيدلة

حاولي تحلي جمل ترجمة ونحو كتير واللي يقف قدامك اديه للمدرس

اولا السلام عليكم ثانيا انا طالبة فى تالتة ثانوى علمى علوم المشكلة اللى معايا فى العربى والانجليزى حاسة انى ضايعة فيهم جدا مش عارفة ليه مع انى فى الترم التانى من تانية منقصتش غير درجة واحدة فى الورقة بتاعت الانجليزى والباقى كان تقريبا درجتين اعمال سنة وكل ما اقول لحد من صحابى على موضوع الانجليزى ده يقولى عشان انتى بتاخدى مع مدرس مش بيشد وبيضرب عشان هما بياخدوا عند مدرسين مشهورين بالتهزيق والضرب بس انا مبحبش كده ثم انى المدرس اللى انا معاه حاليا كان بيدى اختى وهى السنه دى اتخرجت من طب ولوقولت لاهلى اسيبه هيقولولى لان انتى شخصيه مبتجيش غير بالبضرب وهو الشهاده لله بيشرح وبيدى تمارين كتير وبيسمع كل حصة الكلمات وبيدى واجب عشان كده بقول لنفسى خوفى من الترجمة بالذات ده احساس طبيعى اما العربى انا خايفة من النحو وانى دايما بحس انى مش هقدر اخلصه فياريت حد يطمنى لان العيله كلها حاطه امل انى احقق حلم بابا الله يرحمه وادخل صيدلة

أولا : أنا نور الدين ان شاء الله داخل أولي جامعة طب أسنان .

بخصوص مشكلة حضرتك مع الانجليزي : الانجليزي ما هو إلا كلمات وقواعد وحل

بخصوص الكلمات : حضرتك نخصصي وقت من اليوم 50 كلمة يوم ويوم

تبدأي تحفظيهم من ملخصات خارجة (( القاموس اللي ف الآخر دا )) ومعظم الكلمات هتتكرر معاك والموضوع مش صعب خالص ع فكرة و ف الشهر هتكوني حفظتي 750 كلمة ، إن شاء الله لما حضرتك تسمري ع الموضوع دا هتكوني خلصتي ف ال 4 الشهور الأولي قبل ما المنهج يتقل عليك 3000 كلمة (( دا غير الكلمات طبعا اللي المستر بتاعك )) بيديهالك ... طبعاً يبقي فيه مراجعة دورية ع الكلمات .. والموضوع بجد أتفه من تافه ، والكلمات اللي تحت الترجمة في الملخصات دي مهمة جدا وبتتكرر كتير أوي ..

بخصوص القواعد : دي مدرس ، حضرتك تخليكي ورا المدرس لحد ما تفهميها وبرده اقرأيها من ملخص .. وضروووووووووووووري ضروري تحلي كل القواعد اللي ف الملخص واحدة واحدة حسب شرح المدرس وتمشي فيها مع الدرس عادي .. بس محتاجة حل كتير عشان تبقي متمكنة بجد من الانجليزي .

بخصوص النحو ف العربي ..

الدرس اللي المدرس يشرحه لحضرتك ف الدرس تسمعيه من ع اليوتيوب ع الرابط دا أو تنزليها ع الجهاز

http://www.youtube.com/playlist?list=PLFX0XAqOotV5eItBXn0p36HomTTByIt2r

أو لو تحبي تحضري الدروس قبل ما تخديها م الدرس وبجد الراجل دا والله مفيد جدااا وحتي اللي مش متأسس ف النحو هيبقي Perfect فيه مع الوقت ..+ الحل الكتير


أول 4 شهور م السنة اهتمي فعلا بنقاط ضعفك : الانجليزي والنحو .. والموضوع بجد مش متعب خالص .. ومحتاج تنظيم وقت

بجد شكرا جدا على النصايح دى انا كنت محاجتة حد يقولى اعمل ايه وشكرا ليك جدا يادكتور نور وان شاء الله اعمل كل اللى قولتلى عليه

انا دخلت على الرابط اللى حضرتك مديهونى حضرتك تقصد انهى مدرس فيهم بالظبط

بجد شكرا جدا على النصايح دى انا كنت محاجتة حد يقولى اعمل ايه وشكرا ليك جدا يادكتور نور وان شاء الله اعمل كل اللى قولتلى عليه

الشكر لله ..
ربنا يوفق حضرتك ف الدراسة وتبقي فخر لأهلك ..

انا دخلت على الرابط اللى حضرتك مديهونى حضرتك تقصد انهى مدرس فيهم بالظبط
دا نحو 3 ثانوي كامل ..
شرح الأستاذ أحمد منصور ف قناة الرحمة دا جميل جداا أنا استفدت منه كتير .

لو درس فاتك ف المدرسة أو مع االمدرس اسمعيه ع اليوتيوب هيفيدك كتير

شكرا جدا لاهتمامك يادكتور نور وان شاء الله تبقى اشهر دكتور اسنان فى مصر

شكرا جدا لاهتمامك يادكتور نور وان شاء الله تبقى اشهر دكتور اسنان فى مصر
:o

ربنا يخليك

شكرا وان شاء الله ربنا يكرمك وتحققي كل اللي نفسك فيه

بصى الترجمة فى الانجليزى دى مهارة بتكتسبيها بحفظ كلمات وانك تحلى عليها كتير وتبداى من اول السنة تركزى عليها واحفظى كل يوم كلمات وحلى ولو جملة ترجمة ووريها للمستر بتاعك وشوفى اخطائك واتعلمى منها اما بقى اذا كان المدرس مش بيشد ومش بيضرب فده احسن لانك بتذاكرى عشان رغبتك مش عشان الضرب لكن لو كان بيضرب وقعد فترة مبيضربش هتلاقى كله اهمل ومبقاش يذاكر

اما النحو فحاولى تحلى عليها كتير وطبعا فى قواعد ليها احفظيها وطبقى عليها بأمثله وفى برده ثوابت اعرابيه وطبعا ركزى على النحو من اول حاجة خالص من اولى اعدادى لانه تراكمى فلازم تراجعى اللى فات و بالتوفيق إن شاء الله و يا رب تحققى اللى نفسك فيه :)

على فكره كله ده احساس طبيعى ولايدعو للقلق

كلنا كنا خايفين من النحو ومن الترجمة فى الانجليش

مع الحل الكتير هتلاقى الامور اتظبطت معاكى وخليكى من المدرس بتاع الانجلش وسيبك من كلام الناس

وربنا معاكى

بجد شكرا ليكم جدا على اهتمامكم وربنا يطمنكم عشان انا كنت قلقانة جدا