GENDE
18-09-2014, 03:23 AM
بسم الله الرحمن الرحيم
بعد اذن حضراتكم
انا طالب 3 ثانوي كنت محتاج من حد مكم يعملى جدول انظم بيه وقتى
ودى مواعيد الدروس بتاعتى
سبت 9-11 احياء
حد واربع 8-9 كيمياء ومن 9-10 فيزياء
اثنين وخميس من 9-10 عربى ومن 10-11 ومن 12-1 انجليزى
يعنى عندى جمعة وتلات فاضى
بالله عليكم ساعدونى:(
eman_m
18-09-2014, 04:12 PM
اهم حاجة ان اللى تاخده فى اى درس روح ذاكره علطول علشان كده تبقى خلصت اللى عليك وانا مش اوؤمن بحكاية الجدول دى نهائى لانها موضوع فاشل اهم حاجة انك قبل ماتنام تحدد هتعمل ايه بكرة تماااااااااااام وتحل على اى حاجة تاخدها علشان تثبت وانت عندك حاجة حلوة فى دروسك ومواعيدك انك عندك الجمعة فاضى يعنى تحاول اى حاجة فاتت مش ركزت عليها اوووى تذاكرها تانى الجمعة وتراجع على الحاجات اللى خدتها وبكده يبقى تمام ان شاء الله واى حاجة اتفضل اسال وان شاء الله نجاوبك
yasmeenaaa
23-09-2014, 09:25 PM
مفيش حد يقدر يعملك جدول غير نفسك لان انت اللى عارف قدرة استيعابك لكل ماده وتاخد وقت اد ايه على متذاكرها لكن اهم حاجه متراكمش دروس عليك وحاول يوم الجمعه تراجع مثلا على اللى ذاكرته طول الاسبوع وتشوف ايه اللى مقصر فيه وتذاكره تانى كويس وحدد لنفسك كل يوم هتعمل ايه واكتبه فى ورقة واللى تذاكره اشطب عليه عشان لو حاجه ملحقتش تذاكرها تبقى عارف و بالتوفيق إن شاء الله
Omar Amam
24-09-2014, 12:16 AM
بص انا تانية ثانوى بس انصحك انك متعملش جدول على الورق
بل خلى الجدول زهنى لكل اسبوع شوف انت عليك ايه و اخدت ايه و ذاكره مع التنسيق مع وقت الدروس ووقت النوم
اما عن نفسى فا انا مستحيل التزم بجدول غير الى بيجى على مزاجى
ابانوب ايليا
26-09-2014, 07:50 PM
سيبك من موضوع الجداول ده
انت اللى تاخده تروح تذاكره على طول
theprincemoh
28-09-2014, 03:20 AM
ريح مخك واعمل انت جدول فيه المواد كلها وايه اللي ناقصك فيها وايه اللي محتاجه
ووزعه علي الايام دي بالاهمية
يعني مثلا وراك عربي كتير اوي وانجليزي قليل اوي
يبقي يوم التلات او اي يوم فاضي خالص خليه عربي معظمه والباقي انجليزي
وهكذا
طبعا ماتنساش بقية المواد في وسط الجدول واليوم
اليوم فيه اقصي شيء 3 مواد
دي حبة نصايح عامة عشان تعملك جدول بنفسك