مشاهدة النسخة كاملة : الحب .. و الفراغ العاطفي
bosy .. mostafa 08-08-2008, 08:22 PM بسم الله الرحمن الرحيم
السلام عليكم ورحمة الله وبركاته
انا النهارده عايزه اتكلم معاكم
و انا هتكلم ان شاء الله عن موضوع مهم اوي , و اعذروني لإني هطوّل عليكم شويه
انا النهارده هتكلم عن الحب ..
ممكن نكون اتكلمنا عنه قبل كده بس انا هتكلم عنه بشكل تاني
مــا هو الحب ؟؟
الحب ده كلمه صغيره بحروفها كتيره بمعانيها و هو عباره عن احساس بيتولد تجاه شخص معين متعرفش ليه و امتى و ازاي حصل كل ده لكن بتحس انك نفسك تعمل اي حاجه عشات تسعد الشخص ده , و بتحس انك تفضل معاه على طول و مش بتشبع منه و بتكون زعلان جداً جداً لما تسيبه او تبعد عنه و انت عارف انك هتشوفه تاني .
الحب احساس جميل اوي اوي .. فيه كتير مننا اوي بيدور على الحب و فيه اللي نفسه يحب وده لإن الحب بيعتبر أساسي في حياتنا مين فينا يقدر يعيش من غير حب
مش شرط حب الحبيب لحبيبته .. فيه عندك حبك لربنا .. لأهلك .. لوطنك .. لجيرانك .. لأصحابك
مين فينا يقدر يعيش من غير حب كل دول؟؟
أكيد صعب الواحد يعيش من غير حب
يمكن و احنا صغيرين بيكون حب الأهل مهم اوي بالنسبه لنا و هو الأساسي في حياتنا لكن لما بنكبر ومشاعرنا بتكبر معانا بيكون فيه حب تاني اهم
و هو .. حب الحبيب
تبقي واقف كده في حالك و في امان الله و واحده معينه تلاقيك بتنجذب ليها مره واحده و بتفكر فيها على طول تعرف انك وقعت في الحب .. و ترتبط و تعيش احلى ايامك
و تبقى نفسك تعيش مع حبيبك طول العمر .. و يحصل اللي انت ماكنتش عامل حسابه
و لظروف معينه تفترقوا .. و تعيش حزين
و يحدث ما يعرف بالفراغ العاطفي
بتبقى حاسس بفراغ عاطفي
تعالوا نتكلم في النقطه دي
والفراغ العاطفي انه فيه ناس بتعيش على الحب ده و مايقدروش يعيشوا من غير ما يحبوا لازم يبقى فيه حب في حياتهم و دي مشكله و عايزين نعرف حلها ..
ليه يعني بيكون الحب ده مهم لناس كده و بيمثل لهم كل حاجه و هو مش بيمثل اي شيء لناس تانيه ؟؟
و فيه ناس لو قعدت فتره بدون حب تلاقيها هتجنن و تحب و تحس بفراغ عاطفي و بيسبب اوهام و مشاكل كتيره
هل الحب اتحول لمرض نفسي؟
في بعض الأحيان الحب ده بيتحول لمرض نفسي , لإن الإنسان اللي بيحب ده ممكن تيجي له حالة اكتئاب او قلة نوم او قلق او هواجيس و تخاريف مالهاش معنى , و تزيد عصبيته و ممكن ده يخلي الإنسان يفقد صوابه فبدل مايكون الحب احساس جميل بيسعد صاحبه , لأ ده بيتحول لغيره عمياء تحوّل حياة صاحبها إلى جحيم .. اللي بتخلي صاحبها اكثر عرضه للمرض النفسي ..
لإن زي ماكلنا عارفين ان الحب عاطفه بتتعلق بالنفس البشريه و عندنا امثله كتيره اوي بتبين ان الحب بيكون في بعض الأحيان مرض نفسي ..
و اي حد بيسمعني بقول الكلام ده اكيد هيقولي يعني انتوا عايزين تعملوا الناس اللي عايزه تحب مجانين ولا ايه النظام يعني ؟؟لا لانه كتير من الشباب بيحس بيه و بيبقى نفسه يحب و بالاخص بقى اما يجي يوم الفلانتين كده و الدنيا تزهز و تبقى احمر في احمر و محلات الورد يبقى جوها ربيعي مع انه بيكون في عز الشتا على الاخر و الهدايه رايحه جايه و انت شايف الكل في حاله جميله و انت اللي مش قادر تعيشها ... اكيد بتتأثر نفسيا و تحس انك مكتئب حبه ....
و لا فيلم اجنبي رومانسي او حتى عربي و البطل و البطله عايشين احلى قصه حب و ياه على احلى كلام و اجمل مواقف و ارق احساس و تقول لنفسك ....
نفسي بقى احب ... هحب امتى بقى؟؟؟
و اللي حب و انفصل تبقى حالته اوحش
عارفين ليه ؟؟ ... اصله عاش كل الحاجات الجميله دي و مره واحده اتحرم منها ...
و تعدي عليه الايام دي ايام الذكريات في شريط
مره اما يجي الفلانتين و يفتكر اما قابلها و مره اما يقعد في مكان كانو فيه و مره اما تعب و اتصلت بيه و مره اما اتأخر و قلقت عليه
احاسيس كلها جميله اوي.. بس للاسف كله راح ...
و يااااااااااااااااااااه انا نفسي اوي احب و متحتاج الحب جداً
و هي دي المشكله ... محتاج الحب ... الفراغ العاطفي ... الذكريات الرقيقه ... و الاحساس الصادق اللي نفسي اعيشه ... و الشعور اللي عمري ما حسيته غير اما حبيت حبيبي ...
عارفين ليه احنا قلنا ان الحب ممكن يتحول لمرض نفسى
انا هقولكم .....
سبب ان الحب يتحول لمرض نفسي لإننا بنسمع عن الحب كلام غلط .. و بنسمع عن بلاوي كتيره اوي سمعناها و كلها بيرموها على شماعة الحب .
فيه مفهوم صحيح للحب و مفهوم خاطيء
نبدأ بالمفهوم الخاطيء: و هو الإنجذاب لشخص من اول نظره (و ده بنسميه الإنجذاب السطحي)
اي يعتمد على الشكل و المظهر الخارجي و مادام الشخص ده بقى مظهره حلو تبقى كل صفاته تمام و فل و قشطه بقى .. لكن مع التعامل و بعد الإرتباط تظهر الحقيقه و تبدأ المشاكل و يضيع الحب .. (عشان كده بعض الزيجات بتفشل لإنها بتاخد المفهوم الخاطيء للحب)
تعالى معايا بقى كده للمفهوم الصحيح:الحب هو عباره عن قرار فالمشاعر هي الخطوه الأولى اللي بتبدأ بيها المشوار ولازم تكمل عشان الطريق يكمل
1.العقل و الإقناع:لازم يكون العقل مقتنع بإن الإحساس ده سليم و في محله ومش شوية خوزعبلات
لازم الإتنين يقعدوا مع بعض و يتكلم عشان كل واحد فيهم يفهم التاني فبالتالي الحب هيعيش اطول فتره ممكنه او بمعنى اصح يعيش للأبدو اقرب مثال علي كده
انا ذكرته قبل كده و هو ان الزيجات بتفشل لإنها اتبنت على المفهوم الخاطيء بتاع الإنجذاب السحطي و الإنجذاب ده لا يسانده لا العقل ولا الإقناع
كل واحد مش شايف عيوب التاني و لما يظهر كل واحد على حقيقته مش بيقدروا يكلموا مع بعض فالحب بيضيع و بيفشلوا
2.تاني حاجه و هي مهمه اوي و هي الإحترام لازم يسود الطرفين الإحترام عشان الحب يستمر
3.تالت حاجه و هي مهمه برضو و هي الثقه و المسئوليه كل واحد لازم يثق في التاني و مش معنى انه بيغير عليه يبقى مش واثق فيه ابداً على العكس الغيره دليل على الحب بس لو زادت عن حدها ماتبقاش في محلها و كل واحد برضو لازم يحس بالمسئوليه اتجاه التاني فيراعيه و يراعي مشاعره
4.فيه عنصر مهم هو كمان و هو (الإهتمام) معناه ان كل واحد لازم يسمع احتياجات و مشاكل الطرف الاخر من مشاكل ماديه و نفسيه و كل اللي بيدور في دماغه حتى لو ملاقيتش حل للمشاكل دي بس الاحساس ان فيه شخص مهتم بمشاكل التاني و بيسمع له بيسعد الشخص اللى قدامك و بالذات الحته دي عند الست اكتر من الراجل ... الست لو حست ان الانسان اللي بتحبه مهتم بيها و انه معاها بتركيزه كله مش بربعه بس او نصه ده بيسعدها و بيحسسها باهتمامه بيها و ده بقي بعكس الراجل اللي بيحب لما يكون عنده مشكله يفكر فيها بعمق لوحده
بس ده كله عشان يتعمل لازم تعرف انت عايش انهي نوع من الحب
ياترى انت عايش حب حقيقي : و هو اللي قايم على المفهوم الصحيح؟؟
ولا عايش حب وهمي و هو نتيجة فراغك العاطفي واحتياجك للحب؟؟
انه للاسف الفراغ العاطفي بقى هو مشكلة شباب كتير اوي و يمكن بيكون هو من اهم الاسباب اللي بتأدي للحب الوهمي ده ...
زي ما يكون يوم ما يحب كل شيءهيتحل و الدنيا هتتظبط
و عارفه الرد ... الحب بيخلي الانسان انسان تاني و بيغيره و بيخليه يتغلب على المشكلات و بيساعده ..
هو فعلا كل مشاكلك حلها الحب ... طب انت متأكد انك اما تحب تقدر تعمل حاجه ...
اكيــــــــــــــــــــــد انتي ببتكلمي في ايه ... اكيد هعمل عشان اللي بحبها
طب و الوقت اليى مش بتحب فيه ... هتقف فيه و مش هتعمل حاجه ؟؟؟
طب انت تعرف انك مفروض تعمل عشان تقدر تحب ...
هتقولو بقى البت خرفت ... عايزه ايه انتي دلوقتي
عايزه اقول ان الحب ليه وقت مناسب
و فيه مليون حاجه ممكن تعملها لو مش بتحب ....
عرفينا يا ست الفيلسوفه ... ينوبك فينا ثواب
اذا كنت انت فاقد الحب الرومانسي او حب الحبيب ... فانت لسه عندك اصحابك و اهلك ... غيرك معندوش لا اهل و لا اصحاب و لا حبيب
ده بقى يعيش ازاي ؟؟؟ ... اذا كنت انت عندك اكتر منه و مش عارف تعيش عشان فاقد حاجه واحده ... هو بقى ينتحر!!! ... ده يعتبر فاقد كله
مش الحب هو اللي بيخلي البني ادم يتقدم ... لكن الاراده
لو عندك اراده و امل و ثقه فى الله ... و استنيت الوقت المناسب
هتقدر تحب صح
اللهم اني اسألك حبك و حب من احبك و حب كل عمل يقربني الى حبك .
اللهم ما رزقتني مما احب فأجعله قوه لي فيما تحب انت ... اللهم ما زويت عنى مما احب فأجعله فراغ لي فيما تحب انت .
شايفين الدعاء ده ... واخدين بالكم من الحته دي
... اللهم ما زويت عني مما احب فأجعله فراغ لي فيما تحب انت .
كتير من الشباب عايش فراغ عاطفي ... دماغه كلها انه نفسه يحب
طب ما تيجو نحول الفراغ العاطفي ده .. لحاجه نستفيد بيها
فراغ فى حاجه ربنا بيحبها ...
عارفين المثل اللى بيقول وقوع البلا ولا انتظاره
كتير من الناس تقعد تدور على الحب لدرجه انهم يقعو غلط
لمجرد الاحتياج ... و يوهم نفسه انه بيحب ... و يجى بقى بعد كده
يحب فعلا ... و يضطر يسيب الشخص اللى معاه ... و ده لانه اصلا محبوش ...
ده بس كان محتاج يسمع كلام زي اللي بيسمعه منه
محتاج يحس فى صوته و كلامه و نظرته الاحساس الحلو ده
محتاج يلاقي الاهتمام ده و محتاج الحب ده مش اكتر
فبيوهم نفسه انه بيحب الشخص ده و هو في الحقيقه مش بيحبه
هنا يا جماعه عايزه اقولكم ليه نشغل دماغنا بالموضوع ده
فيه حاجات كتير محتاجين نتأكد منها الاول عشان الحب يبقى صح
و عشان نقدر نعيشه فعلا
اولا نتخلص من الاحساس ده و هنلاقي مليون حاجه نفكر فيها غيره
حاول انك تعمل حاجه ترضي بيها ربنا
تشارك فى دار ايتام ... مشروع خيري ...تتعلم حاجه و تنمي نفسك فى الشغل ... هتقولو و كل ده بردوه ميمنعش اني نفسى احب
اه مش هيمنع ... بس هيكون عندك حاجات كتير تفكر فيها
غير انك تفكر في ان نفسك تحب ...
متديش لنفسك الفرصه انها تفكر في الموضوع ... فكر فى مستقبلك ... فكر في اخلاقك ... فكر في نفسك
انا محتاج ايه عشان اقدر احب؟؟؟
و اسعى انك تعدل من نفسك و تكون شخص كويس دينا و خلقيا
تكون في شغلك كويس اوي تقدر تعيش و تفتح بيت
ساعتها ابقى ادي لنفسك فرصه انك تحب ... لانك وقتها هتبقى وصلت للوقت المناسب
لكن طول ما انت بتفكر في انك عايز تحب و انت معندكش القدره انك تعيش الحب بشكله الصح ادام الناس و ادام العالم و تنمه و تكمله ببداية الصح و هي الجواز ...
هتفضل عايش في احتياج للحب و مش قادر توصل ...
اتعودنا من صغرنا ناخد السلم خطوه خطوه
يبقى ليه نفضل نبص للسلمه الاول و نقول نفسنا نوصل ليها
عارفه انه كتير هيقول بنعمل و بنحاول ... الوقت اللي بتفضل فيه تبص للسلمه دي و تحس انك نفسك فيها و مش قادر توصل ليها استغله في المحاولات اكتر
ربنا بيقول ... اللي بيسيب الدنيا بتجيله لحد عنده .. لكن اللي بيفضل يفكر فيها و يجرى وراها بتسيبه
يبقى انت لو سبت الحب دلوقتي واستغلت الطاقه والاحساس بالاحتياج ده في انك تسعى لانك تكون احسن ...
مش اكيد هتتجازي من ربنا بجزاء كويس ؟؟؟؟ زوجه صالحه فعلا تحبك و تستحقك
عايزه اقولكم يا جماعه ان احساس الاحتياج هو اكتر احساس ممكن يضر بالبني ادم ... لان اللى بيحتاج ممكن يسرق عشان يكفي احتياجه
بس ممكن واحد تاني يحتاج و ميوصلش فيستغنى و يقول هبقى اجيب اللي انا محتاج له اما ابقى اقدر عليه و على اني اوصل ليه
و عشان كده يا جماعه انا بقول ليكم الفراغ العاطفي ده نوع من الاحتياج ...
ممكن فيكم اللي يقدر يرضى احتياجه يعنى جاهز بس مش لاقى واحده يحبها ... يبقى خلاص استنى و متروحش لاى واحده عشان متظلمهاش
و يمكن فيه اللي محتاج الاحساس ده و هو غير قادر على انه يرضي الاحتياج ده ... يبقى خلاص استغنى لحد ما تقدر ... عشان متقعش غلط
عشان محدش يتوهم انه بيحب حد لمجرد انه محتاج للاحساس لكن مش لانه فعلا بيحبها ... لمجرد انه نفسه يسمع الكلام الحلو ده و يحس الاحساس الجميل ده ... بس ده كله هيبقى هو بيخدع بيه نفسه
رأيى انا اننا نملا الفراغ ده بأي شيءو نحاول نستغنى ... عشان منغلطش و منظلمش نفسنا و نظلم معانا حد تاني لا يستحق الظلم ده
حاول انك تشغل وقتك و تفكيرك و دماغك و نفسك بحاجه تانيه عشان متفضلش طول الوقت حاسس انك محتاج حاجه صعب توصل ليها و تفضل اسير الاحساس ده و يوقعك في الغلط لمجرد انك محتاج ...
التوبيك معظمه منقول مع شوية تعديلات
اتمنى انه يعجبكم
dr.saeed 08-08-2008, 08:29 PM تاني اهم
اهم!!!!!!!!
بجد؟
هابقى ارجع وافتح شوية فى الكلام
اصله طويل اوى
مع انى مش متفق معاه من اوله
لان مش اى واحدة بنجذبلها ابقى بحبها
ومش اى واحدة اعجب بيها برده ابقى بحبها
غير ان الحب هايفرق عن العشق
وعن الهيام
موضوع طويل كدة
هارجع تانى ان شاء الله
فى امان الله
Arstorm 08-08-2008, 08:37 PM اولا يا حبيبتى تسلم ايدك ياااااااااااااااااااااارب
بجد موضوع هااايل
انا بس عايزة اقولك حاجة
كلامك كله صح بجددد و فعلا مفروض نختار الوقت المناسب بمعنى ان الواحد مثلا فى مرحلة الدراسة يركز فى المذاكرة و بس لانه اصلا لو نجح يعمل فى حسابه ان ده هيبسط كل اللى حواليه
و مثلا افترضى معايا
لو واحد كان بيحبك وانت ى فى ثانوية و اتشغلتى معاه و بعدين جبتى مجموع وحش بسبب التقصير عمره ما هيحترمك تانى اساسا و كذلك البنت بتحب الولد الناجح فى مستقبله وده اهم شرط
اللى بيحب حد لازم يخاف على مصلحته
بمعنى اخر لو مثلا ولد بيحب بنت و هو عارف انه بيحبها بجد خلاص يستنى لغاية ما تخلص على الاقل الثانوية و بعدين يشوف لكن لازم يقف جنبها مش يخليها تضيع وقتها فى التفكير و فى الاخر تفشل و اول ما تضيع عمره ما هيبصلها تانى
الحب اللى بجد انك تدى اللى قدامك
وفعلا المفروض الأول نحب بعضينا فى المجتمع احنا يا حبيبتى فى مجتمع غرييييب اووى كل الأفلام عن الحب و للأسف المصريين بياكلوا فى بعض و الأخ بيقتل اخوه علشان 5 جنيه
لازم الأول نحب ربنا و ديننا مهما اختلف الدين و نحب الناس و عيلتنا بعدين نشوف اى حاجة تانيه و اللى بيعانى من فراغ كفاية حب ربنا بجد ده هينسيك كل حاجة
و فعلا اللى مع ربنا اكيد ربنا كاتبله الخير يكن موضوع انه ينلا الفراغ و خلاص غلللللللللط كبييييييييير اووووووووووووى
شكرا ليكى يا قممممممممررررررررررى
تسلم ايدك
تقبلى مرورى
اختك
الأستاذه 08-08-2008, 08:38 PM [QUOTE=bo$y;653408][CENTER][B][FONT="Comic Sans MS"][SIZE="5"][COLOR="DarkOrchid"]بسم الله الرحمن الرحيم
السلام عليكم ورحمة الله وبركاته
انا النهارده عايزه اتكلم معاكم
و انا هتكلم ان شاء الله عن موضوع مهم اوي , و اعذروني لإني هطوّل عليكم شويه
انا النهارده هتكلم عن الحب ..
ممكن نكون اتكلمنا عنه قبل كده بس انا هتكلم عنه بشكل تاني
مــا هو الحب ؟؟
الحب ده كلمه صغيره بحروفها كتيره بمعانيها و هو عباره عن احساس بيتولد تجاه شخص معين متعرفش ليه و امتى و ازاي حصل كل ده
انا مختلفه معاكي في حكاية متعرفش ليه؟؟؟؟؟؟؟؟؟؟
انت بتحبي اي حد عشان أسباب لاحظي حتي ربنا سبحانه وتعالي بتحبيه عشان أسباب
كل ما بتشوفي ربنا بيعمل معاه ايه بيحبه أكتر
ده بينطبق علي أي حد في الدنيا
فكري هتلاقي ان في أسباب للحب
بالله عليكى يا بوسى ما تطولى اكتر من كده بعدكده
ايه انتى جايباه من جرنال؟
بس الموضوع لذيذ بصراحه
انا بقى عندى فراغ عاطفى زى ما قلتى
وبصراحه مش منتظر واحده تحبنى
انا عارف انى هتجوز من غير حب وقابل ده وعارف ان ان شاء الله الحب هيجى بعد الجواز
وهو فى نظرى اكتر حب بيدوم
انا مشحمل بهدله بصراحه وخناقات ومصالحات وكلام ليل مع نهار على التليفون وواحد يعاكس وانا اطق
وده طبعا غير الامص والسهوكه والحركات اللى مالهاش لازمه
على ايه خلينى فى حالى احسن
انما ربنا يكون فى عون اللى بيحب والتانى مش حاسس بيه
ده اللى بيصعب عليا فعلا
خصوصا اللى فى دماغى
شكرا ليكى يا بوسى على الموضوع
bosy .. mostafa 08-08-2008, 10:21 PM بسم الله الرحمن الرحيم
دكتور سعيد ..
انا مستنيه رد حضرتك و انا عارفه انك هتنتقد الموضوع
فمستنيه اشوف ردك ..
==
Arstorm
شكراً ليكي انتِ يا سكره لمرورك و انا انبسطت اوي لما الموضوع عجبك
و الكلام اللي انتِ قولتيه صح ..و مرورك اسعدني كتير اوي يا قمر
و احلى حب طبعاً هو الحب في الله .. لإن اللي بيحبوا بعض في الله ربنا بيظلهم بظله يوم القيامه
عشان كده انا بحبك في الله :)
==
الأستاذه
على فكره مش دايماً بيبقى فيه سبب .. يعني انتِ بتسمعي عن الحب من اول نظره
انا عارفه ان الحب ده مش بيدوم لإنه مبني على أساس مش سليم ..
عموماً اشكرك على المرور
==
مصطفى
بجد فرحت بمرورك كتير , بس انا مش جايبه الموضوع من الجرنال
انا كنت قريته في منتدى تاني فحبيت انقله و اضفت له شوية اضافات و عدلت عليه شويه برضو
عارف فيه ناس كتير كانوا بيقولوا زيك انا مش راح احب إلا بعد الجواز .. ومنهم اخويا الكبير
و هو في عز انشغاله في شغله حب مندوبة الأدويه اللي بتيجي له و اللي بقت مراته و ام بنته دلوقتي
و مش دايماً الحب بييجي بعد الجواز ... امال فترة الخطوبه دي لازمتها ايه ..
الطرفين بيتعرفوا على بعض و لو اتوافقوا مع بعض يبقى ربنا يتمم بخير لو مش اتوافقوا خلاص بقى كل واحد و نصيبه
و بعدين على فكره مش شرط تحب واحده و تكلمها .. و انا في نظري ان الحب اللي بيبقى بيتقابلوا عند كشك عم عبده الساعه 2 ده مش حلو .. مش بيدوم
انا عن نفسي بحب واحد و مش عايزه اكلمه لإن حرااام .. بكتفي اني بكلم اخته و خلاص .. هو اي نعم مش حاسس بيا بس مسيرها تتعدل ان شاء الله طالما انا مش اغضبت ربنا في حاجه
شكراً لمرورك يا مصطفى و جزام الله خيراً
أحمد2025 08-08-2008, 11:44 PM عارفة يابوسى
الواحد بيحب علشان محتاج حد يسمع ليه
الحب مش اتنينن بيحبوا بعض
الحب حياة كاملة
بس عارفة أنا بيتهيألى اسوأ حاجة ان الواحد يبحب واحد فى سنة
موضوع الحب ده كبير قوى يابوسى
بس الإنسان بيكون فى كل الأحوال محتاج انه يحب واحدة
ويجرب الحب
الحب عذاب يابوسى
عارفة فى اتنين ممكن يحبوا فى بعض بتاع 5 سنين
وفى الأخر فركش ده طبعا ميبقاش حب
والحب جراح
وأسوأ حاجة الفراق فى الحب
الموضوع كبير وعايز كلام كتير قوى
ولنا بقية
dr.saeed 08-08-2008, 11:57 PM دكتور سعيد ..
انا مستنيه رد حضرتك و انا عارفه انك هتنتقد الموضوع
فمستنيه اشوف ردك ..
الانتقاد
هايكون بأذن الله على كل حاجة موجودة فى الموضوع بالايجاب او بالسلب
بس للاسف بجد عينة واجعانى
بس كلمة
مش لازم لو الواحد حب بجد والبنت ماعديتشى دراستها كويس يغير فكرته
معلشى بجد يا بوسى ردى هايكون بكرة
فى امان الله
bosy .. mostafa 09-08-2008, 12:00 AM بسم الله الرحمن الرحيم
دكتور سعيد
ماشي انا مستنيه رد حضرتك بكره ..
و ربنا يستر .. :)
==
احمد 2025
الحب الحقيقي هو اللي بينتهي بالزواج ..
بس حالياً الزواج بقى صعب لإنه بيتكلف كتير ..
هو الإنسان فعلاً دايماً بيبقى عنده احتياج للحب ..
و دي فطره و الواحد مش يقدر يقاومها
شكراً لمرورك
welcomeeee 09-08-2008, 12:11 AM شوفى يا بوسى انا بحس ان الحب معظمه خداع
خصوصا الحب اللى فى سن المراهقة لانه بصراحه مينفعش يتسمى حب ده اسمه لعب عيال
بصى انا كان ليا واحده صاحبتى كانت جايبه فى تانيه ثانوى 93 %
وبعد كده حبت واحد فى سنه تالته وبجد هو ده السبب فى ضياع مستقبلها
بعد ما كان املها تكون مهندشه جابت فى تالته 71 %
وطبعا هو مهموش حاجه لأنه بيتسلى وخلاص
وكل ده طبعا بسبب الخروج و مكالمات طول الليل والسرحان و ......
وانا زعلانه عليها جدا عشان هى اللى خلت نفسها كده
وبعدين فى ولاد بعد ما يفركشوا الحب يعملوا سمعه وحشة للبنت اللى كانوا بيكلموها
وبعدين فى ولاد بتقول طالما البنت دى كلمتنى يبقى كلمت غيرى يبقى هى بنت مش كويسه
أنا رأيى ان الحب ده المفروض يكون فى فتره الخطوبة ولو ربنا كرم وكان فى نصيب هيستمر الحب بعد كده
انا عمرى ما حبيت ومبفكرش فى الموضوع ده دلوقتى خالص
انا ان شاء الله هركز فى مذاكرتى عشان انا دخلت كليه صعبة ومحتاجة مذاكره
انما بقى اللى انا نفسى فيه انى الاقى صديقه كويسه
لانى لحد دلوقتى عمرى ما اتصاحبت على حد وطلعت كويسه
ممكن العيب يكون فيا بس لن شاء الله ربنا هيسهل فى الكليه وهلاقى بنات كويسه
موضوع رائع يا بوسى
تسلم ايدك
وان شاء الله متابعة الموضوع
bosy .. mostafa 09-08-2008, 12:14 AM شوفى يا بوسى انا بحس ان الحب معظمه خداع
خصوصا الحب اللى فى سن المراهقة لانه بصراحه مينفعش يتسمى حب ده اسمه لعب عيال
بصى انا كان ليا واحده صاحبتى كانت جايبه فى تانيه ثانوى 93 %
وبعد كده حبت واحد فى سنه تالته وبجد هو ده السبب فى ضياع مستقبلها
بعد ما كان املها تكون مهندشه جابت فى تالته 71 %
وطبعا هو مهموش حاجه لأنه بيتسلى وخلاص
وكل ده طبعا بسبب الخروج و مكالمات طول الليل والسرحان و ......
وانا زعلانه عليها جدا عشان هى اللى خلت نفسها كده
وبعدين فى ولاد بعد ما يفركشوا الحب يعملوا سمعه وحشة للبنت اللى كانوا بيكلموها
وبعدين فى ولاد بتقول طالما البنت دى كلمتنى يبقى كلمت غيرى يبقى هى بنت مش كويسه
أنا رأيى ان الحب ده المفروض يكون فى فتره الخطوبة ولو ربنا كرم وكان فى نصيب هيستمر الحب بعد كده
انا عمرى ما حبيت ومبفكرش فى الموضوع ده دلوقتى خالص
انا ان شاء الله هركز فى مذاكرتى عشان انا دخلت كليه صعبة ومحتاجة مذاكره
انما بقى اللى انا نفسى فيه انى الاقى صديقه كويسه
لانى لحد دلوقتى عمرى ما اتصاحبت على حد وطلعت كويسه
ممكن العيب يكون فيا بس لن شاء الله ربنا هيسهل فى الكليه وهلاقى بنات كويسه
موضوع رائع يا بوسى
تسلم ايدك
وان شاء الله متابعة الموضوع
كلامك صحيح 100% :)
و انا بوافقك عليه
وربنا يوفقك يا جميل
أحمد2025 09-08-2008, 12:18 AM بسم الله الرحمن الرحيم
احمد 2025
الحب الحقيقي هو اللي بينتهي بالزواج ..
بس حالياً الزواج بقى صعب لإنه بيتكلف كتير ..
هو الإنسان فعلاً دايماً بيبقى عنده احتياج للحب ..
و دي فطره و الواحد مش يقدر يقاومها
شكراً لمرورك
الزواج ممكن يبقى سهل
لو قرايب العروسة والعريس اتفهموا
فى جوازات كتير بتدمر بسبب القرايب
وفعلا
الإحتياج للحب فطرة
والواحد مش يقدر يقامومها بس بنحاول
أحمد2025 09-08-2008, 12:23 AM وبعدين فى ولاد بعد ما يفركشوا الحب يعملوا سمعه وحشة للبنت اللى كانوا بيكلموها
وبعدين فى ولاد بتقول طالما البنت دى كلمتنى يبقى كلمت غيرى يبقى هى بنت مش كويسه
بصى يامريم بالنسبة للأولاد اللى يعملوا سمعة للبنت
ده اصلا بيكون بالنسبة ليهم مش حب
وبالنسبة لإن البنت طالما كلمت ولد تبقى مش كويسة
ده مش شرط
بس هى بتكلم شباب كتير بس ممكن تبقى كويسة ازاى متعرفيش؟؟
بس هى تعرف شباب
واللى تقول لواحد انت اول واخر واحد فى حياتى
ممكن تبقى اول واحد
بس لو قالت اخر واحد
والله العظيم تبقى كدابة
bosy .. mostafa 09-08-2008, 12:26 AM بسم الله الرحمن الرحيم
احمد 2025
بقى قليل لما تلاقي اهل العروسه متساهلين
عارف .. دلوقتي معظم الأهالي ماشيين بمبدأ عجيب اوي و هو
"لما العريس يتعب و يطلع عينه في الجوازه .. هيصون البنت و يشيلها في عينه"
مش عارفه المبدأ ده صح ولا ايه
بس اصلاً بيرجع لشخصية العريس
welcomeeee 09-08-2008, 12:29 AM الزواج ممكن يبقى سهل
لو قرايب العروسة والعريس اتفهموا
فى جوازات كتير بتدمر بسبب القرايب
وفعلا
الإحتياج للحب فطرة
والواحد مش يقدر يقامومها بس بنحاول[/CENTER]
بص يا احمد انا رأيى ان القرايب لازم يتفاهموا مع بعض
الجواز يا احمد مش ارتباط بين اتنين وخلاص
لأ ده لازم ان يبقى فى تفاهم بين العيلتين عشان الجواز يستمر
لأن لو مامه العريس مثلا مش بتحب البنت يبقى الجوازه دى هتبقى سوده على البنت حتى لو هى كانت بتحب عريسها جدا
انا رأيى ان الجواز ده مش حب وبس
وبعدين البنات اللى بتحب ايه اللى ضمنهم ان اهاليهم هتوافق على الجواز؟؟؟؟؟؟؟
welcomeeee 09-08-2008, 12:37 AM بصى يامريم بالنسبة للأولاد اللى يعملوا سمعة للبنت
ده اصلا بيكون بالنسبة ليهم مش حب
وبالنسبة لإن البنت طالما كلمت ولد تبقى مش كويسة
ده مش شرط
بس هى بتكلم شباب كتير بس ممكن تبقى كويسة ازاى متعرفيش؟؟
بس هى تعرف شباب
واللى تقول لواحد انت اول واخر واحد فى حياتى
ممكن تبقى اول واحد
بس لو قالت اخر واحد
والله العظيم تبقى كدابة
بص يا احمد انا بحس ان البنت بتتظلم اوى فى موضوع الحب
هى اول ما بتحب مبتبقاش عارفة اللى بتحبه ده هيطلع عليها سمعه ولا لأ
ومبتبقاش عارفة هو بيشتغلها ولا لأ
والله فى بنات كتير طيبين لدرجه انهم مش بيفهما ده حب ولا لأ
أنا رأيى ان الحب يبقى فى فتره الخطوبه
ويبقى واضح قدام الناس عشان محدش يفتح بقه بكلمه كده ولا كده
ولو الخطوبه اتفركشت هيبقى مفيش مشكله وكل شئ قسمه ونصيب
انما انى اكلم حد من ورا أهلى وبعدين الموضوع يتفركش ده اللى استحاله هيحصل فى يوم من الايام ان شاء الله
الصراحه يا احمد انا شايفه ان فى ناس كتير اتجوزت جواز تقليدى ونجحت اوى فى حياتها
أحمد2025 09-08-2008, 12:39 AM بسم الله الرحمن الرحيم
احمد 2025
بقى قليل لما تلاقي اهل العروسه متساهلين
عارف .. دلوقتي معظم الأهالي ماشيين بمبدأ عجيب اوي و هو
"لما العريس يتعب و يطلع عينه في الجوازه .. هيصون البنت و يشيلها في عينه"
مش عارفه المبدأ ده صح ولا ايه
بس اصلاً بيرجع لشخصية العريس
بص يا احمد انا رأيى ان القرايب لازم يتفاهموا مع بعض
الجواز يا احمد مش ارتباط بين اتنين وخلاص
لأ ده لازم ان يبقى فى تفاهم بين العيلتين عشان الجواز يستمر
لأن لو مامه العريس مثلا مش بتحب البنت يبقى الجوازه دى هتبقى سوده على البنت حتى لو هى كانت بتحب عريسها جدا
انا رأيى ان الجواز ده مش حب وبس
وبعدين البنات اللى بتحب ايه اللى ضمنهم ان اهاليهم هتوافق على الجواز؟؟؟؟؟؟؟
طيب ما انا ياجماعة بقول لازم يكون فى تفاهم بين العائلات
هو انا قولت حاجة غير كده
ولما تيجوا تبصوا للتفاهم ده من ناحية تانية
تلاقى ام العروسة عايزة شبكة ب40 ألف جنية وشقة 5 اود وصالة ومش عارف ايه وايه وبلاوى منيلة
يعنى ياجماعة لازم العائلات يضحوا لبعضيهم شوية
Hamset_Etab 09-08-2008, 12:42 AM بصى يا بوسى انتى متعرفيش انا وانا بقرا الموضوع عمله ازاى كل مقرا كلمه ابكى اكتر
المشكله اننا كلنا عارفين ان الحب فى السن ده وهك كلنا عوزين نحب وخلاص ومفيش منه الا الالم لكن رغم كل ده بنقع فيه مش عارفه ليه انا بقا ربنا واعدنى بانسان بيحب بجد بس انا خايفه لاكون انا مش الى بحب بجد ويكون حبى ده سحابه صيف
انا عوزه اسلك سوال بعد اذنك طبعا
لو كنتى مكانى وفى شخص بيحبك اوى من تقريبا 4سنين وعرض عليكى الارتباط تقبلى ولا هتقولى ده حب مراهقه
أحمد2025 09-08-2008, 12:44 AM بص يا احمد انا بحس ان البنت بتتظلم اوى فى موضوع الحب
هى اول ما بتحب مبتبقاش عارفة اللى بتحبه ده هيطلع عليها سمعه ولا لأ
ومبتبقاش عارفة هو بيشتغلها ولا لأ
والله فى بنات كتير طيبين لدرجه انهم مش بيفهما ده حب ولا لأ
أنا رأيى ان الحب يبقى فى فتره الخطوبه
ويبقى واضح قدام الناس عشان محدش يفتح بقه بكلمه كده ولا كده
ولو الخطوبه اتفركشت هيبقى مفيش مشكله وكل شئ قسمه ونصيب
انما انى اكلم حد من ورا أهلى وبعدين الموضوع يتفركش ده اللى استحاله هيحصل فى يوم من الايام ان شاء الله
الصراحه يا احمد انا شايفه ان فى ناس كتير اتجوزت جواز تقليدى ونجحت اوى فى حياتها
بصى هو غالبا البنت بتكون مظلومة
بس برضه احيانا بتكون عقربة
ولدغتها بتكون قاتلة للإنسان اللى مش بيقدر يقاوم
وتقريبا احسن حب اللى بيكون فى فترة الخطوبة
علشان الإتنين هيحبوا بعض بجد
يعنى دى هتبقى مراته وده هيبقى جوزها
welcomeeee 09-08-2008, 12:48 AM طيب ما انا ياجماعة بقول لازم يكون فى تفاهم بين العائلات
هو انا قولت حاجة غير كده
ولما تيجوا تبصوا للتفاهم ده من ناحية تانية
تلاقى ام العروسة عايزة شبكة ب40 ألف جنية وشقة 5 اود وصالة ومش عارف ايه وايه وبلاوى منيلة
يعنى ياجماعة لازم العائلات يضحوا لبعضيهم شوية[/CENTER]
طيب يا سيدى انا مقولتلكش انى مع ام العروسة اللى عاوزه كده
وبعدين لو ام العروسة طلبت كده ولقت ان الجوازه هتتفركش بسببها المفروض ترجع فى كلامها
وبعدين ام العروسة لو مصره على كده محدش هيتجوز بنتها اساسا
واعتقد يا احمد ان حكايه 40 الف و5 اود دى استحاله ان حد يطلبها
دلوقتى فى بنات كتير اوى مبتتجوزش بسبب ان الولاد مش معاهم فلوس كفايه
اعتقد ان لو ام العروسه عندها دم مش هتضيع مستقبل بنتها بايدها
bosy .. mostafa 09-08-2008, 12:50 AM بصى يا بوسى انتى متعرفيش انا وانا بقرا الموضوع عمله ازاى كل مقرا كلمه ابكى اكتر
المشكله اننا كلنا عارفين ان الحب فى السن ده وهك كلنا عوزين نحب وخلاص ومفيش منه الا الالم لكن رغم كل ده بنقع فيه مش عارفه ليه انا بقا ربنا واعدنى بانسان بيحب بجد بس انا خايفه لاكون انا مش الى بحب بجد ويكون حبى ده سحابه صيف
انا عوزه اسلك سوال بعد اذنك طبعا
لو كنتى مكانى وفى شخص بيحبك اوى من تقريبا 4سنين وعرض عليكى الارتباط تقبلى ولا هتقولى ده حب مراهقه
شكراً يا حبيبة قلبي لمرورك
و بالنسبه بقى لسؤالك
افكر بعقلي شويه .. و احاول اخد قرار
لإن القرار ده هيترتب عليه مستقبل و بيت و عيال و كده
و افكر 100 مره قبل ما اوافق ولا لأ
و اشوف هل الشخص ده هيسعدني .. و هل هو اد المسئوليه ..
و في الأول و الآخر اصلي استخاره
و لو خير ربنا هيسهل الموضوع ..
لو مش خير .. الموضوع هيتقفل
و بعدين انتِ نسيتي تقولي لي
هو بيدرس ولا بيشتغل .. و فرق السن اللي بينكم اد ايه؟
welcomeeee 09-08-2008, 12:51 AM بصى هو غالبا البنت بتكون مظلومة
بس برضه احيانا بتكون عقربة
ولدغتها بتكون قاتلة للإنسان اللى مش بيقدر يقاوم
وتقريبا احسن حب اللى بيكون فى فترة الخطوبة
علشان الإتنين هيحبوا بعض بجد
يعنى دى هتبقى مراته وده هيبقى جوزها
ردك ده بيقول ان شكلك كده اتلدغت من عقربه
فعلا الحب فى فتره الخطوبه هو احسن حاجه
Hamset_Etab 09-08-2008, 12:58 AM شكراً يا حبيبة قلبي لمرورك
و بالنسبه بقى لسؤالك
افكر بعقلي شويه .. و احاول اخد قرار
لإن القرار ده هيترتب عليه مستقبل و بيت و عيال و كده
و افكر 100 مره قبل ما اوافق ولا لأ
و اشوف هل الشخص ده هيسعدني .. و هل هو اد المسئوليه ..
و في الأول و الآخر اصلي استخاره
و لو خير ربنا هيسهل الموضوع ..
لو مش خير .. الموضوع هيتقفل
و بعدين انتِ نسيتي تقولي لي
هو بيدرس ولا بيشتغل .. و فرق السن اللي بينكم اد ايه؟
شكرا على ردك يا بوسى
بصى هوا داخل تالته كليه وبجد انسان متدين جدا وجارى
يعنى فرق السن 3 سنين
بس فى مشكله هتجننى انا جبت فى 2 ثانوى 93.75% علمى وحولت ادبى عشان ادخل السن او اعلام ودول طبعا فى القاهره واكيد اكيد هوا مش هيوافق على ان تكون كليتى بعيد:(
اضحى انا بمين بالكليه ولا بالانسان الى بحبه
كلام جميل
بجد مش عندى اى اضافة
:)
بس لازم اشكرك على الموضوع
اللى بيوضح حاجات كتير
لانه كتير من الشباب بيحس بيه و بيبقى نفسه يحب و بالاخص بقى اما يجي يوم الفلانتين كده و الدنيا تزهز و تبقى احمر في احمر و محلات الورد يبقى جوها ربيعي مع انه بيكون في عز الشتا على الاخر و الهدايه رايحه جايه و انت شايف الكل في حاله جميله و انت اللي مش قادر تعيشها ... اكيد بتتأثر نفسيا و تحس انك مكتئب حبه ....
مين ده اللى بيتأثر نفسيا !!
يوم الفالانتاين ده اكتر يوم كوميدى بيعدى عليا طول السنة
:p
واكيد فاهمة ليه
:D
عارفة يابوسى
الواحد بيحب علشان محتاج حد يسمع ليه
مش لازم ان اللى يسمع للانسان يكون حبيبته او حبيبه
اكيد كل واحد فينا عنده صديق على طول جنبه
وعلى طول سامعه
الحب عذاب يابوسى
عارفة فى اتنين ممكن يحبوا فى بعض بتاع 5 سنين
وفى الأخر فركش ده طبعا ميبقاش حب
والحب جراح
معاك حق
الحب عذاب
!!
---
الحمد لله على الراحة النفسية اللى انا فيها
:rolleyes:
الحب الحقيقي هو اللي بينتهي بالزواج ..
بس حالياً الزواج بقى صعب لإنه بيتكلف كتير ..
واحد لسة متخرج
هايجيب منين شقة ف منطقة كويسة
ويجهزها
فلنفرض ان باباه هايساعده
هايلاقى فين الشغل
ولا هاياخد مصروفه من بابا برضو !!
هو الإنسان فعلاً دايماً بيبقى عنده احتياج للحب ..
و دي فطره و الواحد مش يقدر يقاومها
الحمد لله .. الى حد ما بيقدر
:)
bosy .. mostafa 09-08-2008, 01:08 AM شكرا على ردك يا بوسى
بصى هوا داخل تالته كليه وبجد انسان متدين جدا وجارى
يعنى فرق السن 3 سنين
بس فى مشكله هتجننى انا جبت فى 2 ثانوى 93.75% علمى وحولت ادبى عشان ادخل السن او اعلام ودول طبعا فى القاهره واكيد اكيد هوا مش هيوافق على ان تكون كليتى بعيد:(
اضحى انا بمين بالكليه ولا بالانسان الى بحبه
طيب يا حبيبتي مافيش مشاكل
بس لازم تتواصلوا مع بعض بطريقه كويسه و كده
لحد ما ربنا يسهلها و يبقى اد المسئوليه ..
بس برضو فكري بعقلك و ان شاء الله هتوصلي لحل
بالنسبه للكليه بقى
انتِ خلاص هتروحي سنه تالته لسه صح؟
لو لسه هتدخلي سنه تالته فممكن تحولي رياضه و تلحقي هندسه و اهي تبقى في المحافظه بتاعتك
او لو لسه مصره على ادبي ممكن تدخلي فنون جميله و تبقي مهندسة ديكور ..
و بصراحه يا جميل .. الكليه أولى و هو المفروض يستحمل لإن ده مستقبلك و ده سلاحك هي شهادتك ..
يارب اكون قدرت افيدك
==
حبيبة قلبي Who cares ..
and there's no body cares
بجد فرحت بردك اوي اوي
و انا اكيد فاهمه انتِ ليه مش بتتأثري
و ياريتني زيك كده قلبي جامد :D
بحبك في الله
وشكراً لمرور
الحمد لله على الراحة النفسية اللى انا فيها
ماشي ماشي .. بتغيظيني .. :(
بس انا ولا يهمني الحمد لله عالعذاب اللي انا فيه
كل واحد يرضى بقدره بقى :D
سنوايت 09-08-2008, 01:18 AM ازيكو اولا انا لسه مشتركه جديده ياريت تقبلوني صديقه ليكو ثانيا انا عجبني كلامك كتير يا بوسي بجد موضوع هايل والردود كمان عجبنتني اوي بس انا لي راي اسمحولي اقوله مش شرط ا البنت تكون مش محترمه عشان كلمت ولد ممكن تكون بتحبه ونفسها تخليه علي الصوره اللي ممكن تعجب اهلها خصوصا لو كانو رفضوه قبل كده عشان اسلوب حياته بس صدقوني والله مش كل بنت تكلم ولد تبقي مش محترمه اكيد في مبررات قويه دفعتها لحاجه زي كده بس ده ميمنعش انه لو مفيش سبب قوي وصادق انها المفروض متعرضش نفسها لحاجه زي كده ويمكن الولاد ميقدروش الكلام ده عموما بردو موضوعك جميل جدا يا قمر
أحمد2025 09-08-2008, 01:19 AM طيب يا سيدى انا مقولتلكش انى مع ام العروسة اللى عاوزه كده
وبعدين لو ام العروسة طلبت كده ولقت ان الجوازه هتتفركش بسببها المفروض ترجع فى كلامها
وبعدين ام العروسة لو مصره على كده محدش هيتجوز بنتها اساسا
واعتقد يا احمد ان حكايه 40 الف و5 اود دى استحاله ان حد يطلبها
دلوقتى فى بنات كتير اوى مبتتجوزش بسبب ان الولاد مش معاهم فلوس كفايه
اعتقد ان لو ام العروسه عندها دم مش هتضيع مستقبل بنتها بايدها
مش عارف بقى
بس انا احيانا بشوف ناس بتعمل كده فى القرى والأرياف بجد
واحيانا البنات نفسها اللى بتكون عايزة كده
ردك ده بيقول ان شكلك كده اتلدغت من عقربه
فعلا الحب فى فتره الخطوبه هو احسن حاجه
مش انا اللى اتلدغ يامريم
انا بلدغ بص
هى لغاية دلوقتى بتحاول تلدغنى
بس اللدغة فى الطريق ليها
انا عمرى ما فكرت انى اعمل كده
بس مينفعش بجد اخسر كرامتى
ومينفعش اخسر ابن عمتو
lulu caty 09-08-2008, 01:21 AM هاااااااااى بوسى انا اسفة مقدرتش اقرأ الموضوع كله بس كلامك صح<<يعنى الجواب بيتقرى من عنوانه
انا معاكى وشايفة ان الحب يكون لله قبل كل حاجة يعنى كل حب بيزول الا حب الله فهو دايم مش بيزول
مفيش اى ولد بيحب بجد كلله للتسلية هو لو بيحبك بجد مش هيوافق انك تمشى معه او تكلميه هيجي ويخطبك من الباب اوعلى االاقل يقرا فاتحه ده رأيي
واااناا اسسسسسفة لانى مرديتش كويس لانى مستعجلة بس ده رايي عن الحب
[CENTER]
مش عارف بقى
بس انا احيانا بشوف ناس بتعمل كده فى القرى والأرياف بجد
واحيانا البنات نفسها اللى بتكون عايزة كده
يبقى العريس مش عاجبها وبتطفشه بالذوق
او بقلة الذوق
:D
bosy .. mostafa 09-08-2008, 01:28 AM ثانكس للمرور
و هاجي بكره ارد على واحد واحد فيكم لإني هقوم عشان اصلي قيام و انام
سلام
أحمد2025 09-08-2008, 01:28 AM شكرا على ردك يا بوسى
بصى هوا داخل تالته كليه وبجد انسان متدين جدا وجارى
يعنى فرق السن 3 سنين
بس فى مشكله هتجننى انا جبت فى 2 ثانوى 93.75% علمى وحولت ادبى عشان ادخل السن او اعلام ودول طبعا فى القاهره واكيد اكيد هوا مش هيوافق على ان تكون كليتى بعيد:(
اضحى انا بمين بالكليه ولا بالانسان الى بحبه
ممكن اقول رأئيى بعد اذنك
بصى انت تحاولى تحلى معاه المشكلة دى
وتقنعية انك تدخلى السن او اعلام
بس نصيحة منى
متتنزليش عن موضوع الكلية ده
متتنزليش عن موضوع الكلية ده
متتنزليش عن موضوع الكلية ده
متتنزلييش عن موضوع الكلية ده
وربنا يوفقكم يارب
وانا اسف على التطفل
أحمد2025 09-08-2008, 01:29 AM ثانكس للمرور
و هاجي بكره ارد على واحد واحد فيكم لإني هقوم عشان اصلي قيام و انام
سلام
صح كده
قشطة عليكى
bosy .. mostafa 09-08-2008, 01:30 AM ممكن اقول رأئيى بعد اذنك
بصى انت تحاولى تحلى معاه المشكلة دى
وتقنعية انك تدخلى السن او اعلام
بس نصيحة منى
متتنزليش عن موضوع الكلية ده
متتنزليش عن موضوع الكلية ده
متتنزليش عن موضوع الكلية ده
متتنزلييش عن موضوع الكلية ده
وربنا يوفقكم يارب
وانا اسف على التطفل
I Agree with u :)
I Agree with u :)
Me too
وخليكى واثقة انه من حقك تحققى حلمك
:)
بندق__2007 09-08-2008, 01:44 AM موضوع الفراغ العاطفى ده مهم جدا
و التنسيق بتاعك و تسلسل الافكار بجد هايل
أما الفكرة فإن كنت ملاحظ ان لفظ " حب تانى اهم " سقطة منك
فده ميمنعش انى متفق مع فكرة الفراغ العاطفى
و مينفعش نبطل حب و محدش قال نبطل حب لا نحب
بس المهم لما نحب نحب صح و بجد
وبس
bosy .. mostafa 09-08-2008, 03:28 PM بسم الله الرحمن الرحيم
ازيكو اولا انا لسه مشتركه جديده ياريت تقبلوني صديقه ليكو ثانيا انا عجبني كلامك كتير يا بوسي بجد موضوع هايل والردود كمان عجبنتني اوي بس انا لي راي اسمحولي اقوله مش شرط ا البنت تكون مش محترمه عشان كلمت ولد ممكن تكون بتحبه ونفسها تخليه علي الصوره اللي ممكن تعجب اهلها خصوصا لو كانو رفضوه قبل كده عشان اسلوب حياته بس صدقوني والله مش كل بنت تكلم ولد تبقي مش محترمه اكيد في مبررات قويه دفعتها لحاجه زي كده بس ده ميمنعش انه لو مفيش سبب قوي وصادق انها المفروض متعرضش نفسها لحاجه زي كده ويمكن الولاد ميقدروش الكلام ده عموما بردو موضوعك جميل جدا يا قمر
اهلاً بيكِ يا سنوايت .. اكيد نقبلك صديقه و اخت كمان .. و من غير ما تقولي انتِ اختنا اصلاً :)
هو ايوا مش كل بنت تكلم ولد تبقى مش محترمه بس ده بيكون غياب من الأهل و الدين صح ولا ايه؟ .. و ده بيتوقف على طريقة الكلام
يعني انا اعرف واحد بتكلم ولاد مش ولد واحد .. و انا متأكده مليار في الميه انها مش محترمه
عارفه ليه؟ .. لإنها بتكلمهم في حاجات مش يصح اي حد يتكلم فيها .. وبتكلمهم بطريقه مش كويسه خالص بتدلع اوي اوي اوي و الكلام ده كان ادامي فمش كان مني غير اني قطعت علاقتي بيها لإنها ببساطه شبهه عليا
بس فيه بنات بتكلم ولاد و مش بالدلع ده يعني .. ولا بالمواضيع الوحشه دي برضو ..
بس برضو اسمها في مجتمعتنا بتكلم ولد .. صح ولا ايه؟
و انتِ عارفه احنا مجتمع اسلامي .. و الإسلام بيرفض اي علاقه بين الولد و البنت في خارج اطار الزواج ..
و شكراً لمرورك يا جميل
==
هاااااااااى بوسى انا اسفة مقدرتش اقرأ الموضوع كله بس كلامك صح<<يعنى الجواب بيتقرى من عنوانه
انا معاكى وشايفة ان الحب يكون لله قبل كل حاجة يعنى كل حب بيزول الا حب الله فهو دايم مش بيزول
مفيش اى ولد بيحب بجد كلله للتسلية هو لو بيحبك بجد مش هيوافق انك تمشى معه او تكلميه هيجي ويخطبك من الباب اوعلى االاقل يقرا فاتحه ده رأيي
واااناا اسسسسسفة لانى مرديتش كويس لانى مستعجلة بس ده رايي عن الحب
شكراً يا حبيبتي السائله لمرورك و تعقيبك
وانا بتفق معاكي ان اي حد بيزل إلا حب الله و رسوله ..
و فعلاً لو الولد بيحب البنت بجد هيخاف على سمعتها و عليها و مش راح يمشي معاها و يكلمها الساعه 2 بالليل و يقابلها عند كشك الحاج ابراهيم .. صح ولا ايه؟
و هيروح لها من الباب مش من الشباك ..
شكراً لمرورك يا قمر :)
==
موضوع الفراغ العاطفى ده مهم جدا
و التنسيق بتاعك و تسلسل الافكار بجد هايل
أما الفكرة فإن كنت ملاحظ ان لفظ " حب تانى اهم " سقطة منك
فده ميمنعش انى متفق مع فكرة الفراغ العاطفى
و مينفعش نبطل حب و محدش قال نبطل حب لا نحب
بس المهم لما نحب نحب صح و بجد
وبس
هي دي الكلمه اللي مضايقاك انت و دكتور سعيد
خلاص لو اقدر احرر المشاركه هخليها "حب تاني جديد" ايه رأيك؟
من نوع جديد يعني و انا مش قصدت اهم بمعنى انه مهم اوي اوي اوي انا اقصد انه جديد و مش طرأ على الإنسان قبل كده ..
شكراً لمرورك يا بندق
==
بص يا احمد انا بحس ان البنت بتتظلم اوى فى موضوع الحب
هى اول ما بتحب مبتبقاش عارفة اللى بتحبه ده هيطلع عليها سمعه ولا لأ
ومبتبقاش عارفة هو بيشتغلها ولا لأ
والله فى بنات كتير طيبين لدرجه انهم مش بيفهما ده حب ولا لأ
أنا رأيى ان الحب يبقى فى فتره الخطوبه
ويبقى واضح قدام الناس عشان محدش يفتح بقه بكلمه كده ولا كده
ولو الخطوبه اتفركشت هيبقى مفيش مشكله وكل شئ قسمه ونصيب
انما انى اكلم حد من ورا أهلى وبعدين الموضوع يتفركش ده اللى استحاله هيحصل فى يوم من الايام ان شاء الله
الصراحه يا احمد انا شايفه ان فى ناس كتير اتجوزت جواز تقليدى ونجحت اوى فى حياتها
والله يا ويلكم معاكِ حق .. و الغلط دايماً بيقع مع البنت و يقولوا رخصت نفسها و كلام كده
و فعلاً هي بتبقى رخصت نفسها ... انها تخون ثقة اهلها بيها و تكلمه بدون اي رابط شرعي .. ده حرام ..
و هو طبعاً ماشي زي كل الشباب بمبدأ "طالما مشيت معايا .. يبقى هتمشي مع غيري"
و لازم كل البنات تفكر في المبدأ ده كويس .. يعني واحد بيمشي معاكِ و بيقولك كلام حلو .. هيتجوزك؟؟ لا عمره ما هيفكر ..
عارفه ليه ؟ لإنه أخد كل حاجه خلاص .. بعتي له نفسك و كرامتك .. و ساعات فيه بنات بتبيع شرفها و العياذ بالله تحت مسمى الحب .. و الحب بريء من الناس دي كلها .. اخد كل حاجه .. خلاص مل منك .. فبيروح يدور على غيرك بقى
و الشاب اللي من النوع ده بقى .. عمر ما ربنا بيهنيه في جوازه ولا في حياته .. لإنه لما هيتجوز حاجه من الإتنين
يا اما اللي هيتجوزها دي هتبقى مشيت مع غيره قبل كده و تخونه و ينتهي زواجهم بالفشل ..
يا اما هيقعد يفكر في نزواته ايام الشباب زمان و هيخون مراته كده .. و مش هيعيش مرتاح ..
انا آسفه للإطاله
وشكراً ليكي :)
happiness_sadness7 09-08-2008, 04:37 PM بسم الله الرحمن الرحيم
السلام عليكم ورحمة الله وبركاته
انا النهارده عايزه اتكلم معاكم
و انا هتكلم ان شاء الله عن موضوع مهم اوي , و اعذروني لإني هطوّل عليكم شويه
انا النهارده هتكلم عن الحب ..
ممكن نكون اتكلمنا عنه قبل كده بس انا هتكلم عنه بشكل تاني
مــا هو الحب ؟؟
الحب ده كلمه صغيره بحروفها كتيره بمعانيها و هو عباره عن احساس بيتولد تجاه شخص معين متعرفش ليه و امتى و ازاي حصل كل ده لكن بتحس انك نفسك تعمل اي حاجه عشات تسعد الشخص ده , و بتحس انك تفضل معاه على طول و مش بتشبع منه و بتكون زعلان جداً جداً لما تسيبه او تبعد عنه و انت عارف انك هتشوفه تاني .
الحب احساس جميل اوي اوي .. فيه كتير مننا اوي بيدور على الحب و فيه اللي نفسه يحب وده لإن الحب بيعتبر أساسي في حياتنا مين فينا يقدر يعيش من غير حب
مش شرط حب الحبيب لحبيبته .. فيه عندك حبك لربنا .. لأهلك .. لوطنك .. لجيرانك .. لأصحابك
مين فينا يقدر يعيش من غير حب كل دول؟؟
أكيد صعب الواحد يعيش من غير حب
يمكن و احنا صغيرين بيكون حب الأهل مهم اوي بالنسبه لنا و هو الأساسي في حياتنا لكن لما بنكبر ومشاعرنا بتكبر معانا بيكون فيه حب تاني اهم
و هو .. حب الحبيب
تبقي واقف كده في حالك و في امان الله و واحده معينه تلاقيك بتنجذب ليها مره واحده و بتفكر فيها على طول تعرف انك وقعت في الحب .. و ترتبط و تعيش احلى ايامك
و تبقى نفسك تعيش مع حبيبك طول العمر .. و يحصل اللي انت ماكنتش عامل حسابه
و لظروف معينه تفترقوا .. و تعيش حزين
و يحدث ما يعرف بالفراغ العاطفي
بتبقى حاسس بفراغ عاطفي
تعالوا نتكلم في النقطه دي
والفراغ العاطفي انه فيه ناس بتعيش على الحب ده و مايقدروش يعيشوا من غير ما يحبوا لازم يبقى فيه حب في حياتهم و دي مشكله و عايزين نعرف حلها ..
ليه يعني بيكون الحب ده مهم لناس كده و بيمثل لهم كل حاجه و هو مش بيمثل اي شيء لناس تانيه ؟؟
و فيه ناس لو قعدت فتره بدون حب تلاقيها هتجنن و تحب و تحس بفراغ عاطفي و بيسبب اوهام و مشاكل كتيره
هل الحب اتحول لمرض نفسي؟
في بعض الأحيان الحب ده بيتحول لمرض نفسي , لإن الإنسان اللي بيحب ده ممكن تيجي له حالة اكتئاب او قلة نوم او قلق او هواجيس و تخاريف مالهاش معنى , و تزيد عصبيته و ممكن ده يخلي الإنسان يفقد صوابه فبدل مايكون الحب احساس جميل بيسعد صاحبه , لأ ده بيتحول لغيره عمياء تحوّل حياة صاحبها إلى جحيم .. اللي بتخلي صاحبها اكثر عرضه للمرض النفسي ..
لإن زي ماكلنا عارفين ان الحب عاطفه بتتعلق بالنفس البشريه و عندنا امثله كتيره اوي بتبين ان الحب بيكون في بعض الأحيان مرض نفسي ..
و اي حد بيسمعني بقول الكلام ده اكيد هيقولي يعني انتوا عايزين تعملوا الناس اللي عايزه تحب مجانين ولا ايه النظام يعني ؟؟لا لانه كتير من الشباب بيحس بيه و بيبقى نفسه يحب و بالاخص بقى اما يجي يوم الفلانتين كده و الدنيا تزهز و تبقى احمر في احمر و محلات الورد يبقى جوها ربيعي مع انه بيكون في عز الشتا على الاخر و الهدايه رايحه جايه و انت شايف الكل في حاله جميله و انت اللي مش قادر تعيشها ... اكيد بتتأثر نفسيا و تحس انك مكتئب حبه ....
و لا فيلم اجنبي رومانسي او حتى عربي و البطل و البطله عايشين احلى قصه حب و ياه على احلى كلام و اجمل مواقف و ارق احساس و تقول لنفسك ....
نفسي بقى احب ... هحب امتى بقى؟؟؟
و اللي حب و انفصل تبقى حالته اوحش
عارفين ليه ؟؟ ... اصله عاش كل الحاجات الجميله دي و مره واحده اتحرم منها ...
و تعدي عليه الايام دي ايام الذكريات في شريط
مره اما يجي الفلانتين و يفتكر اما قابلها و مره اما يقعد في مكان كانو فيه و مره اما تعب و اتصلت بيه و مره اما اتأخر و قلقت عليه
احاسيس كلها جميله اوي.. بس للاسف كله راح ...
و يااااااااااااااااااااه انا نفسي اوي احب و متحتاج الحب جداً
و هي دي المشكله ... محتاج الحب ... الفراغ العاطفي ... الذكريات الرقيقه ... و الاحساس الصادق اللي نفسي اعيشه ... و الشعور اللي عمري ما حسيته غير اما حبيت حبيبي ...
عارفين ليه احنا قلنا ان الحب ممكن يتحول لمرض نفسى
انا هقولكم .....
سبب ان الحب يتحول لمرض نفسي لإننا بنسمع عن الحب كلام غلط .. و بنسمع عن بلاوي كتيره اوي سمعناها و كلها بيرموها على شماعة الحب .
فيه مفهوم صحيح للحب و مفهوم خاطيء
نبدأ بالمفهوم الخاطيء: و هو الإنجذاب لشخص من اول نظره (و ده بنسميه الإنجذاب السطحي)
اي يعتمد على الشكل و المظهر الخارجي و مادام الشخص ده بقى مظهره حلو تبقى كل صفاته تمام و فل و قشطه بقى .. لكن مع التعامل و بعد الإرتباط تظهر الحقيقه و تبدأ المشاكل و يضيع الحب .. (عشان كده بعض الزيجات بتفشل لإنها بتاخد المفهوم الخاطيء للحب)
تعالى معايا بقى كده للمفهوم الصحيح:الحب هو عباره عن قرار فالمشاعر هي الخطوه الأولى اللي بتبدأ بيها المشوار ولازم تكمل عشان الطريق يكمل
1.العقل و الإقناع:لازم يكون العقل مقتنع بإن الإحساس ده سليم و في محله ومش شوية خوزعبلات
لازم الإتنين يقعدوا مع بعض و يتكلم عشان كل واحد فيهم يفهم التاني فبالتالي الحب هيعيش اطول فتره ممكنه او بمعنى اصح يعيش للأبدو اقرب مثال علي كده
انا ذكرته قبل كده و هو ان الزيجات بتفشل لإنها اتبنت على المفهوم الخاطيء بتاع الإنجذاب السحطي و الإنجذاب ده لا يسانده لا العقل ولا الإقناع
كل واحد مش شايف عيوب التاني و لما يظهر كل واحد على حقيقته مش بيقدروا يكلموا مع بعض فالحب بيضيع و بيفشلوا
2.تاني حاجه و هي مهمه اوي و هي الإحترام لازم يسود الطرفين الإحترام عشان الحب يستمر
3.تالت حاجه و هي مهمه برضو و هي الثقه و المسئوليه كل واحد لازم يثق في التاني و مش معنى انه بيغير عليه يبقى مش واثق فيه ابداً على العكس الغيره دليل على الحب بس لو زادت عن حدها ماتبقاش في محلها و كل واحد برضو لازم يحس بالمسئوليه اتجاه التاني فيراعيه و يراعي مشاعره
4.فيه عنصر مهم هو كمان و هو (الإهتمام) معناه ان كل واحد لازم يسمع احتياجات و مشاكل الطرف الاخر من مشاكل ماديه و نفسيه و كل اللي بيدور في دماغه حتى لو ملاقيتش حل للمشاكل دي بس الاحساس ان فيه شخص مهتم بمشاكل التاني و بيسمع له بيسعد الشخص اللى قدامك و بالذات الحته دي عند الست اكتر من الراجل ... الست لو حست ان الانسان اللي بتحبه مهتم بيها و انه معاها بتركيزه كله مش بربعه بس او نصه ده بيسعدها و بيحسسها باهتمامه بيها و ده بقي بعكس الراجل اللي بيحب لما يكون عنده مشكله يفكر فيها بعمق لوحده
بس ده كله عشان يتعمل لازم تعرف انت عايش انهي نوع من الحب
ياترى انت عايش حب حقيقي : و هو اللي قايم على المفهوم الصحيح؟؟
ولا عايش حب وهمي و هو نتيجة فراغك العاطفي واحتياجك للحب؟؟
انه للاسف الفراغ العاطفي بقى هو مشكلة شباب كتير اوي و يمكن بيكون هو من اهم الاسباب اللي بتأدي للحب الوهمي ده ...
زي ما يكون يوم ما يحب كل شيءهيتحل و الدنيا هتتظبط
و عارفه الرد ... الحب بيخلي الانسان انسان تاني و بيغيره و بيخليه يتغلب على المشكلات و بيساعده ..
هو فعلا كل مشاكلك حلها الحب ... طب انت متأكد انك اما تحب تقدر تعمل حاجه ...
اكيــــــــــــــــــــــد انتي ببتكلمي في ايه ... اكيد هعمل عشان اللي بحبها
طب و الوقت اليى مش بتحب فيه ... هتقف فيه و مش هتعمل حاجه ؟؟؟
طب انت تعرف انك مفروض تعمل عشان تقدر تحب ...
هتقولو بقى البت خرفت ... عايزه ايه انتي دلوقتي
عايزه اقول ان الحب ليه وقت مناسب
و فيه مليون حاجه ممكن تعملها لو مش بتحب ....
عرفينا يا ست الفيلسوفه ... ينوبك فينا ثواب
اذا كنت انت فاقد الحب الرومانسي او حب الحبيب ... فانت لسه عندك اصحابك و اهلك ... غيرك معندوش لا اهل و لا اصحاب و لا حبيب
ده بقى يعيش ازاي ؟؟؟ ... اذا كنت انت عندك اكتر منه و مش عارف تعيش عشان فاقد حاجه واحده ... هو بقى ينتحر!!! ... ده يعتبر فاقد كله
مش الحب هو اللي بيخلي البني ادم يتقدم ... لكن الاراده
لو عندك اراده و امل و ثقه فى الله ... و استنيت الوقت المناسب
هتقدر تحب صح
اللهم اني اسألك حبك و حب من احبك و حب كل عمل يقربني الى حبك .
اللهم ما رزقتني مما احب فأجعله قوه لي فيما تحب انت ... اللهم ما زويت عنى مما احب فأجعله فراغ لي فيما تحب انت .
شايفين الدعاء ده ... واخدين بالكم من الحته دي
... اللهم ما زويت عني مما احب فأجعله فراغ لي فيما تحب انت .
كتير من الشباب عايش فراغ عاطفي ... دماغه كلها انه نفسه يحب
طب ما تيجو نحول الفراغ العاطفي ده .. لحاجه نستفيد بيها
فراغ فى حاجه ربنا بيحبها ...
عارفين المثل اللى بيقول وقوع البلا ولا انتظاره
كتير من الناس تقعد تدور على الحب لدرجه انهم يقعو غلط
لمجرد الاحتياج ... و يوهم نفسه انه بيحب ... و يجى بقى بعد كده
يحب فعلا ... و يضطر يسيب الشخص اللى معاه ... و ده لانه اصلا محبوش ...
ده بس كان محتاج يسمع كلام زي اللي بيسمعه منه
محتاج يحس فى صوته و كلامه و نظرته الاحساس الحلو ده
محتاج يلاقي الاهتمام ده و محتاج الحب ده مش اكتر
فبيوهم نفسه انه بيحب الشخص ده و هو في الحقيقه مش بيحبه
هنا يا جماعه عايزه اقولكم ليه نشغل دماغنا بالموضوع ده
فيه حاجات كتير محتاجين نتأكد منها الاول عشان الحب يبقى صح
و عشان نقدر نعيشه فعلا
اولا نتخلص من الاحساس ده و هنلاقي مليون حاجه نفكر فيها غيره
حاول انك تعمل حاجه ترضي بيها ربنا
تشارك فى دار ايتام ... مشروع خيري ...تتعلم حاجه و تنمي نفسك فى الشغل ... هتقولو و كل ده بردوه ميمنعش اني نفسى احب
اه مش هيمنع ... بس هيكون عندك حاجات كتير تفكر فيها
غير انك تفكر في ان نفسك تحب ...
متديش لنفسك الفرصه انها تفكر في الموضوع ... فكر فى مستقبلك ... فكر في اخلاقك ... فكر في نفسك
انا محتاج ايه عشان اقدر احب؟؟؟
و اسعى انك تعدل من نفسك و تكون شخص كويس دينا و خلقيا
تكون في شغلك كويس اوي تقدر تعيش و تفتح بيت
ساعتها ابقى ادي لنفسك فرصه انك تحب ... لانك وقتها هتبقى وصلت للوقت المناسب
لكن طول ما انت بتفكر في انك عايز تحب و انت معندكش القدره انك تعيش الحب بشكله الصح ادام الناس و ادام العالم و تنمه و تكمله ببداية الصح و هي الجواز ...
هتفضل عايش في احتياج للحب و مش قادر توصل ...
اتعودنا من صغرنا ناخد السلم خطوه خطوه
يبقى ليه نفضل نبص للسلمه الاول و نقول نفسنا نوصل ليها
عارفه انه كتير هيقول بنعمل و بنحاول ... الوقت اللي بتفضل فيه تبص للسلمه دي و تحس انك نفسك فيها و مش قادر توصل ليها استغله في المحاولات اكتر
ربنا بيقول ... اللي بيسيب الدنيا بتجيله لحد عنده .. لكن اللي بيفضل يفكر فيها و يجرى وراها بتسيبه
يبقى انت لو سبت الحب دلوقتي واستغلت الطاقه والاحساس بالاحتياج ده في انك تسعى لانك تكون احسن ...
مش اكيد هتتجازي من ربنا بجزاء كويس ؟؟؟؟ زوجه صالحه فعلا تحبك و تستحقك
عايزه اقولكم يا جماعه ان احساس الاحتياج هو اكتر احساس ممكن يضر بالبني ادم ... لان اللى بيحتاج ممكن يسرق عشان يكفي احتياجه
بس ممكن واحد تاني يحتاج و ميوصلش فيستغنى و يقول هبقى اجيب اللي انا محتاج له اما ابقى اقدر عليه و على اني اوصل ليه
و عشان كده يا جماعه انا بقول ليكم الفراغ العاطفي ده نوع من الاحتياج ...
ممكن فيكم اللي يقدر يرضى احتياجه يعنى جاهز بس مش لاقى واحده يحبها ... يبقى خلاص استنى و متروحش لاى واحده عشان متظلمهاش
و يمكن فيه اللي محتاج الاحساس ده و هو غير قادر على انه يرضي الاحتياج ده ... يبقى خلاص استغنى لحد ما تقدر ... عشان متقعش غلط
عشان محدش يتوهم انه بيحب حد لمجرد انه محتاج للاحساس لكن مش لانه فعلا بيحبها ... لمجرد انه نفسه يسمع الكلام الحلو ده و يحس الاحساس الجميل ده ... بس ده كله هيبقى هو بيخدع بيه نفسه
رأيى انا اننا نملا الفراغ ده بأي شيءو نحاول نستغنى ... عشان منغلطش و منظلمش نفسنا و نظلم معانا حد تاني لا يستحق الظلم ده
حاول انك تشغل وقتك و تفكيرك و دماغك و نفسك بحاجه تانيه عشان متفضلش طول الوقت حاسس انك محتاج حاجه صعب توصل ليها و تفضل اسير الاحساس ده و يوقعك في الغلط لمجرد انك محتاج ...
التوبيك معظمه منقول مع شوية تعديلات
اتمنى انه يعجبكم
يعجب مين يابنتي ؟؟ هو حد يقدر يقول يعجب بس والله يابوسي الموضوع ده اجمد من اي موضوع اتحط في المنتدي عن الحب ..
والله اللي بيعجبني في موضوعاتك ده
اني باحس انك ضايفة عليه احاسيسك
وكان لوحة المفاتيح والحروف بتستمد قوتها وطاقتها من احساسك ومشاعرك
علشان تاخد طريقها لقلب اللي بيقراها وده كله علشان انتي بتحبي بجد
زي اخوكي احمد...
وكمان حاجة كمان ؟؟ ان الاستايل بتاعك رقيق جدا بيضيف لمسات جميلة اوي بجد
طـفـلـة الامـس 09-08-2008, 04:48 PM انتى عارفة يابوسى هو صح الحب موجود
بس مش المفروض ان كل حد نقابله نحبه ونتعلق به
لان بصراحة فى نظرى الحب الحقيقى يستحقه شخص واحد وبس وفى الوقت المناسب
اما نخلص ونفوق ويتقدم الشخص المناسب الحب بييجى مع الوقت
وعن نفسى الحب ده المفروض يختزن للشخص ده بس مش لاى حد
ده رايى بصراحة
bosy .. mostafa 09-08-2008, 04:49 PM بسم الله الرحمن الرحيم
يعجب مين يابنتي ؟؟ هو حد يقدر يقول يعجب بس والله يابوسي الموضوع ده اجمد من اي موضوع اتحط في المنتدي عن الحب ..
والله اللي بيعجبني في موضوعاتك ده
اني باحس انك ضايفة عليه احاسيسك
وكان لوحة المفاتيح والحروف بتستمد قوتها وطاقتها من احساسك ومشاعرك
علشان تاخد طريقها لقلب اللي بيقراها وده كله علشان انتي بتحبي بجد
زي اخوكي احمد...
وكمان حاجة كمان ؟؟ ان الاستايل بتاعك رقيق جدا بيضيف لمسات جميلة اوي بجد
بجد شكراً اوي يا أحمد لكلامك الرقيق ده :)
و انا مبسوطه اوي ان الموضوع عجبكم :)
و شكراً لمرورك كتير و جزاك الله خيراً
bosy .. mostafa 09-08-2008, 04:51 PM بسم الله الرحمن الرحيم
انتى عارفة يابوسى هو صح الحب موجود
بس مش المفروض ان كل حد نقابله نحبه ونتعلق به
لان بصراحة فى نظرى الحب الحقيقى يستحقه شخص واحد وبس وفى الوقت المناسب
اما نخلص ونفوق ويتقدم الشخص المناسب الحب بييجى مع الوقت
وعن نفسى الحب ده المفروض يختزن للشخص ده بس مش لاى حد
ده رايى بصراحة
شكراً يا ساره لمرورك و تعقيبك :)
و شكراً لتعبيرك عن وجهة نظرك
بس مش الناس بتعرف تخزن مشاعرها .. دي حاجه فيه ناس محترفاها و ناس ولا تعرف تعملها اصلاً
Dr.mayson 10-08-2008, 12:26 AM كلامك صح ميه فى الميه
bosy .. mostafa 10-08-2008, 12:28 AM بسم الله الرحمن الرحيم
كلامك صح ميه فى الميه
شكراً للمرور يا دكتوره :)
Hamset_Etab 10-08-2008, 01:10 AM ممكن اقول رأئيى بعد اذنك
بصى انت تحاولى تحلى معاه المشكلة دى
وتقنعية انك تدخلى السن او اعلام
بس نصيحة منى
متتنزليش عن موضوع الكلية ده
متتنزليش عن موضوع الكلية ده
متتنزليش عن موضوع الكلية ده
متتنزلييش عن موضوع الكلية ده
وربنا يوفقكم يارب
وانا اسف على التطفل
انتا يا احمد تقول رايك براحتك دانتا اخويا بجد والله
انا معاك كلامك منطقى جدا
بص انا تعبت من التفكير وقولتله ان ياجل الخطوبه لحد اما اخلص السنادى:cool:
ربنا يسترها بقا
يخربيت الحب وسنينه:(
Me too
وخليكى واثقة انه من حقك تحققى حلمك
:)
فعلا عندك حق انا على فكره مقتنه بالكلام ده جدا المشكله انى لما بشوفه بتلخبط خالص وبيبقا ليا راى تانى
متاسفه يا بوسى خرجت عن الموضوع
bosy .. mostafa 10-08-2008, 01:15 AM انتا يا احمد تقول رايك براحتك دانتا اخويا بجد والله
انا معاك كلامك منطقى جدا
بص انا تعبت من التفكير وقولتله ان ياجل الخطوبه لحد اما اخلص السنادى:cool:
ربنا يسترها بقا
يخربيت الحب وسنينه:(
فعلا عندك حق انا على فكره مقتنه بالكلام ده جدا المشكله انى لما بشوفه بتلخبط خالص وبيبقا ليا راى تانى
متاسفه يا بوسى خرجت عن الموضوع
يا حبيبة قلبي انا يشرفني مرورك في الموضوع هنا
و مش تتأسفي على حاجه و انتِ اختي ولازم اساعدك
و مبروك مقدماً
و برضو هرجع اقولك
اوعي تتنازلي عن الكليه يا قمر :)
بحبك في الله
kaloon 10-08-2008, 03:01 AM بالله عليكى يا بوسى ما تطولى اكتر من كده بعدكده
ايه انتى جايباه من جرنال؟
بس الموضوع لذيذ بصراحه
انا بقى عندى فراغ عاطفى زى ما قلتى
وبصراحه مش منتظر واحده تحبنى
انا عارف انى هتجوز من غير حب وقابل ده وعارف ان ان شاء الله الحب هيجى بعد الجواز
وهو فى نظرى اكتر حب بيدوم
انا مشحمل بهدله بصراحه وخناقات ومصالحات وكلام ليل مع نهار على التليفون وواحد يعاكس وانا اطق
وده طبعا غير الامص والسهوكه والحركات اللى مالهاش لازمه
على ايه خلينى فى حالى احسن
انما ربنا يكون فى عون اللى بيحب والتانى مش حاسس بيه
ده اللى بيصعب عليا فعلا
خصوصا اللى فى دماغى
شكرا ليكى يا بوسى على الموضوع
اولا موضعك جميل جدااغ العاطفى بشكل جميل جدا بس طبعا انا قريت الموضوع بتاعك على مراحل لانى يمكن برده مواضيعى من النوع الطويل بس اهم حاجه ان موضوعك شيق
وطبعا حبيبى بيوب بسلم عليه وعارف مين هو اللى فى دماغك يا بيوب بس احب اقولك انه عايش كويس وراضى بالحال ده ومش مهم اللى بيحبها تعرف دلوقتى لانه بيعتبرها هدف قدامه لازم ينجح فى حياته علشان يقدر يوصلها لانه مدام بيحبها بجد يبقى هو عاوز يتجوزها مش عاوز يصاحبها يومين ويسبها بعد كده
وسانكس يا بوسى على موضوعك الجميل ده
Shams AlhaQ 10-08-2008, 03:52 AM بجد موضوع تحفه وانا هحاول اقرا كل الردود
Last Fantasy 10-08-2008, 04:07 AM أنا علي فكرة قريت الموضوع لحد موصلتي حب الحبيب محبتش أكمل علي فكرة أنا مش مقتنع غير بكلام الشرع والدين اللي بيقول إن العلافات بين الشباب محرمة وأنا أرفض أي علاقة بين شاب وفتاة لكن مرفضش الإعجاب يعني كلمة حب تبقي حرام لكن إعجاب دا أكيد غصب عني يبقي موجود لكن الحب بيجي بعد الزواج يبقي إستني حبك اللي مكتوبلك
kaloon 10-08-2008, 04:44 AM ردى اللى فات اتحذف ومش عارف ليه
على العموم موضوعك جميل وبتتناولى مشكله مهمه لان معظم الشباب دلوقتى عندهم فراغ عاطفى وسانكس مره تانيه على موضوعك الجميل ده
dr.saeed 10-08-2008, 06:25 AM فيه حب تاني اهم
و هو .. حب الحبيب
دى اول غلطة فى الموضوع يا اختى
لان الحب دة ليس اهم مما سبق ذكره اعلاه
تبقي واقف كده في حالك و في امان الله و واحده معينه تلاقيك بتنجذب ليها مره واحده و بتفكر فيها على طول تعرف انك وقعت في الحب .. و ترتبط و تعيش احلى ايامك
للاسف ساعات الواحد مش بيكون بيحب
وبيفتكر وبيخدع نفسه انه بيحب
زى ما الواحد مثلا دايما بيسعى للكمال
بمعنى
مثلا واحدة كويسة وهادية ومحترمة
بس دينها مش كويس شوية
فلما تشوف واحد متدين
نفسها بتتأقلم معاه وتحس انها بتحبه
ودة الى بيخلى احيانا رغم شعور المرأ بالحب قبل الزواج
شعوره بتحويله بعد الزواج
اكيد بتتأثر نفسيا و تحس انك مكتئب حبه ....
دة بيعتمد يا اختى على (تنظيم اهداف الفرد)
بمعنى ان الواحد يكون منظم مع نفسه وعارف هو بيعمل ايه وايه الخطوات الى جايه وايه الخطوات الى هاتيجى لسة
انما الى بيشعر بكدة فعلا الفرد الى بيكون ماشى زى ما تيجى
بيبتدى يشعر (بنقص) عن الى حوليه
مثلا اصحابى واقربهم ليا عايشين جدا فى حب بجد
بس انا عارف اهدافى وعارف طموحاتى وعارف ان لكل شىء وقته
فببقى عارف ان الموضوع عادى مافيش مشاكل انى لسة ما بقتش زيه
اتحرم منها ...
و تعدي عليه الايام دي ايام الذكريات في شريط
مره اما يجي الفلانتين و يفتكر اما قابلها و مره اما يقعد في مكان كانو فيه و مره اما تعب و اتصلت بيه و مره اما اتأخر و قلقت عليه
احاسيس كلها جميله اوي.. بس للاسف كله راح ...
دة للاسف مش حب
دة عصيان لله ورسوله
والاستاذ احمد رضا وانا وضحنا كدة فى مناقشتنا مع الاستاذ قبانى فى موضوعى بتاع الحب ثم الحب ثم الحب
يعنى الحب دة هدف سامى
والاسلام دائما بيدعو للسمو
والحب مذكور فى السنة
وفى معاملة النبى لازواجه
بس لم يكن فيه
(أثم)
و استنيت الوقت المناسب
هتقدر تحب صح
كويسة الجملة دى
ربنا بيقول ... اللي بيسيب الدنيا بتجيله لحد عنده .. لكن اللي بيفضل يفكر فيها و يجرى وراها بتسيبه
مش فاهم؟
الاية لا تنقل بالمعنى ولكن تنقل حرفيا
اما الحديث من الممكن ان ينقل معنى لانه اقرب للفهم
بس ياريت توضحى عن كدة
اما عن الموضوع كلية
الموضوع رائع جدا بجد يا اختى
بيعالج حاجات مهمة وكتير جدا
وياريت تشوفى الصفحة التالتة والرابعة من موضوعى الحب الى انتى كنتى دخلتى فيه قبل كدة
شكرا جزلا على الموضوع
جزاكى الله خيرا
مش فاهم؟
الاية لا تنقل بالمعنى ولكن تنقل حرفيا
اما الحديث من الممكن ان ينقل معنى لانه اقرب للفهم
بس ياريت توضحى عن كدة
مش آية يا دوكتور
بوسى تقصد حديث طلب الدنيا
قال رسول الله صلي الله عليه وسلم ((من كانت نيته طلب الاخره جعل الله غناه في قلبه ,وجمع
له شمله واتته الدنيا وهي راغمه , ومن كانت نيته طلب الدنيا جعل الله الفقر بين عينيه وشتت عليه أمره ,ولا يأتيه منها ألا ما كتب له )). صدق رسول الله صلي الله عليه وسلم .
واكيد قصدها اننا نطبق ده على كل حاجة
dr.saeed 11-08-2008, 03:25 AM واكيد قصدها اننا نطبق ده على كل حاجة
على فكرة دة اقرب حاجة جات لمخى
بس هى قالت اية فمش هاعرف اعدل على كلامها
مستنى الاول ردها
فى امان الله
محمد.فوكس 11-08-2008, 06:54 AM السلام عليكم..
الموضوع جميل لكن اعتقد ان في نوع تاني من الفراغ العاطفي .. للانسان اللي محبش قبل كده و عايز يحب..و خطر الحكاية دي في انه ممكن يفتكر اي حاجة انها حب..
شكرا..
سلام عليكم..
Arstorm 11-08-2008, 06:59 AM بسم الله الرحمن الرحيم
دكتور سعيد ..
انا مستنيه رد حضرتك و انا عارفه انك هتنتقد الموضوع
فمستنيه اشوف ردك ..
==
Arstorm
شكراً ليكي انتِ يا سكره لمرورك و انا انبسطت اوي لما الموضوع عجبك
و الكلام اللي انتِ قولتيه صح ..و مرورك اسعدني كتير اوي يا قمر
و احلى حب طبعاً هو الحب في الله .. لإن اللي بيحبوا بعض في الله ربنا بيظلهم بظله يوم القيامه
عشان كده انا بحبك في الله :)
ربنا يخليكى ليا ياقمر
وانا بجد بحبك اوى
bosy .. mostafa 11-08-2008, 06:39 PM بسم الله الرحمن الرحيم
السلام عليكم و رحمة الله و بركاته
قبل ما ادخل في اي تفاصيل أو أرد على أي حد أحب بس أعرفكم ان دي مشاركتي الأخيره في منتداكم و أشكركم لإنكم استضفتوني في المنتدى ده الفتره اللي قعدتها معاكم (3 سنين من تاريخ الإنتاج :D)
بالنسبه للدكتور سعيد انا مش راح اطول في ردي معاك .. لإني بصراحه و بدون زعل زهقت و مش تسألني من ايه
دى اول غلطة فى الموضوع يا اختى
لان الحب دة ليس اهم مما سبق ذكره اعلاه
أظن انا رديت على بندق في النقطه دي و مش هكرر ردي تاني
للاسف ساعات الواحد مش بيكون بيحب
وبيفتكر وبيخدع نفسه انه بيحب
زى ما الواحد مثلا دايما بيسعى للكمال
بمعنى
مثلا واحدة كويسة وهادية ومحترمة
بس دينها مش كويس شوية
فلما تشوف واحد متدين
نفسها بتتأقلم معاه وتحس انها بتحبه
ودة الى بيخلى احيانا رغم شعور المرأ بالحب قبل الزواج
شعوره بتحويله بعد الزواج
بص ياريت تلاحظ رد حضرتك .. سعادتك بتقول "ساعات" يعني مش في كل الأحوال
و انا كنت بتكلم بوجه عام و مش اتكلمت عن بعض الأحوال اللي حضرتك بتتكلم فيها دي
و ده مش يمنع انه فعلاً فيه حالات كده زي مابتقول
دة بيعتمد يا اختى على (تنظيم اهداف الفرد)
بمعنى ان الواحد يكون منظم مع نفسه وعارف هو بيعمل ايه وايه الخطوات الى جايه وايه الخطوات الى هاتيجى لسة
انما الى بيشعر بكدة فعلا الفرد الى بيكون ماشى زى ما تيجى
بيبتدى يشعر (بنقص) عن الى حوليه
مثلا اصحابى واقربهم ليا عايشين جدا فى حب بجد
بس انا عارف اهدافى وعارف طموحاتى وعارف ان لكل شىء وقته
فببقى عارف ان الموضوع عادى مافيش مشاكل انى لسة ما بقتش زيه
فيه ناس عارفه الوقت المناسب للحب و عارفه انه بعد ما تحقق اهدافها و طموحاتها
و فيه ناس بتحب بجد و الحب ده بيدفعهم للشغل و المذاكره و انا اعرف ناس كده
دة للاسف مش حب
دة عصيان لله ورسوله
والاستاذ احمد رضا وانا وضحنا كدة فى مناقشتنا مع الاستاذ قبانى فى موضوعى بتاع الحب ثم الحب ثم الحب
يعنى الحب دة هدف سامى
والاسلام دائما بيدعو للسمو
والحب مذكور فى السنة
وفى معاملة النبى لازواجه
بس لم يكن فيه
(أثم)
لا تعليق
مش فاهم؟
الاية لا تنقل بالمعنى ولكن تنقل حرفيا
اما الحديث من الممكن ان ينقل معنى لانه اقرب للفهم
بس ياريت توضحى عن كدة
اعتقد الأخت Who cares ردت عني و قالت اللي كنت عايزه اقوله
و شكراً لمرورك و لمرور كل الأعضاء
dr.saeed 11-08-2008, 08:47 PM بسم الله الرحمن الرحيم
السلام عليكم و رحمة الله و بركاته
قبل ما ادخل في اي تفاصيل أو أرد على أي حد أحب بس أعرفكم ان دي مشاركتي الأخيره في منتداكم و أشكركم لإنكم استضفتوني في المنتدى ده الفتره اللي قعدتها معاكم (3 سنين من تاريخ الإنتاج :D)
بالنسبه للدكتور سعيد انا مش راح اطول في ردي معاك .. لإني بصراحه و بدون زعل زهقت و مش تسألني من ايه
أظن انا رديت على بندق في النقطه دي و مش هكرر ردي تاني
بص ياريت تلاحظ رد حضرتك .. سعادتك بتقول "ساعات" يعني مش في كل الأحوال
و انا كنت بتكلم بوجه عام و مش اتكلمت عن بعض الأحوال اللي حضرتك بتتكلم فيها دي
و ده مش يمنع انه فعلاً فيه حالات كده زي مابتقول
فيه ناس عارفه الوقت المناسب للحب و عارفه انه بعد ما تحقق اهدافها و طموحاتها
و فيه ناس بتحب بجد و الحب ده بيدفعهم للشغل و المذاكره و انا اعرف ناس كده
لا تعليق
اعتقد الأخت Who cares ردت عني و قالت اللي كنت عايزه اقوله
و شكراً لمرورك و لمرور كل الأعضاء
مش هاقولك حاجة غير جزاكى الله خيرا
وانى اصلا مقرر اسيب المنتدى يعنى خلاص ماعتيش هاتشوفى ردود منى تانى يبقى بلاش ياريت تسيبى المنتدى
فى امان الله
bosy .. mostafa 11-08-2008, 10:46 PM مش هاقولك حاجة غير جزاكى الله خيرا
وانى اصلا مقرر اسيب المنتدى يعنى خلاص ماعتيش هاتشوفى ردود منى تانى يبقى بلاش ياريت تسيبى المنتدى
فى امان الله
لا مش انت اللي تسيب المنتدى
حضرتك عضو محبوب و فيه ناس كتير عايزينك
انا هسيب المنتدى
و مش تخاف مش بسببك خالص
انا هسيبه لأسباب شخصيه
و اشكرك و ياريت مش تتضايق من ردي لإنه كان حاد حبتين
dr.saeed 11-08-2008, 11:25 PM لا مش انت اللي تسيب المنتدى
حضرتك عضو محبوب و فيه ناس كتير عايزينك
انا هسيب المنتدى
و مش تخاف مش بسببك خالص
انا هسيبه لأسباب شخصيه
و اشكرك و ياريت مش تتضايق من ردي لإنه كان حاد حبتين
يا بوسى عادى
الرد دة ما يجيش دلوقتى حاجة خالص بالنسبة للى بشوفه
مش هاتفرق عليه
فى امان الله
|