كل اللى دخل تجارة القاهرة.... يدخل هنا بسرعه [الأرشيف]

vampire1188

15-08-2008, 12:16 AM

ههههههههههههه .. محسساني اني شغال مرشد جامعي !!

لا عادي .. في الجامعة لو مش عارفه اي حاجة اسألي وماتتكسفيش ..

اما بالنسبة لأكيد هاتشوفيني دي .. فهوا فعلا بجد مش هزار .. 90% هاتشوفيني ان شاء الله

بس 100% مش هاتعرفيني !!

وكويس انك عارفه العيوطي برده .. انا واحد من الناس اول مادخلت الجامعة كنت بقول على العيوطي دا مركز مؤتمرات !!

وفي الاخر اكتشفت انه مدرج زيه زي الباقي ..

بس هوا فعلا العيوطي يعتبر احسن مدرج في الجامعة كلها .. لإنه كبير وواسع جدااااااا

وبيعملوا فيه ندوات اثناء الدراسة .. وسمعت كمان انه اكبر مدرج في الشرق الاوسط كله .. مش عارف بقي دا صح ولا غلط

وبعدين باين عليكي انتي بتخشي من بابا مترو عشان كدا بتعدي على اعلام وعلى العيوطي ..

بس ادعي وقولي يارب تبقي محاضراتك في العيوطي دا .. عشان المدرجات التانية ضيقة وخنقة ..

وانا هادعي معاكي.. عشان برده هابقي احضر معاكي في المحاسبة ..

nada1990

15-08-2008, 04:54 AM

ازاى يا فامباير انت ف مدرج (ز)

مع ان انتساب حرف الميم ده مدرج (و)

انت جبت منين مدرج ال (ز) ده

wanda

15-08-2008, 07:39 PM

هههههههههههههه
مش فارقه اى مدرج وخلاث
المهم فى الاواخر
واه انا بدخل من باب المترو طبعا لانى معرفش غيرة هو والباب الرئيسى وبس
ههههههههه
لاء هعرفك همسك وردة سودة :p

roka mazika

15-08-2008, 09:26 PM

إزيكم ياجماعة أنا بقى عضو جديد أداب إنجليزى عين شمس ممكن تعتبرونى صديقة أنا مش لقية حد فى أداب أسألوا عن مقابلة لقسم إنجليزى

mo7amedshiko

15-08-2008, 10:34 PM

ازيك يا wanda انا سعيد انك هتكونى معايا فى الكلية وشكرا ليكى على الكلام اللى انتى قولتية بس عاوز اعرف احنا هنروح الكلية اول يوم فى الدراسة عادى ولا بعد رمضان انا تجارة انتساب وعاوز اعرف يعنى اية مجموعه (ز)

wanda

15-08-2008, 10:36 PM

المجموعه الاخيرة فى الانتساب
والدراسه بعد العيد يعنى مقضينها اجازة فى البيت
والدراسه بعد العيد الفعليه قبل العيد تروح تعمل الكارنيه وتجيب الجدول وده بيتهيألى يعنى

vampire1188

16-08-2008, 12:47 PM

ازاى يا فامباير انت ف مدرج (ز)

مع ان انتساب حرف الميم ده مدرج (و)

انت جبت منين مدرج ال (ز) ده

سوري يا ندي ..

بس اظاهر انك مش متابعة التطورات اللي حصلت في تقسيم المجموعات الجديدة ي كلية التجارة في القاهرة

المجموعات القديمة كانت عبارة عن :

3 مجموعات لإنتظام اللي هيا .. (أ) و (ب) و (جـ) .. و 3 انتساب اللي هيا (د) و (هـ) و (و)

وكل مجموعة من دول بتضم تسلسل معين من الاسماء

اما التطورات الجديدة اللي حصلت السنه دي وهوا ان عميد الكلية العبقري دكتور عادل مبروك

قال اننا قسمنا تقسيم جديد للمجموعات .. وهوا :

انتظام .. (أ) و (ب) و (جـ) و (د)

اما انتساب فبقت .. (هـ) و (و) و (ز)

ومجموعة (ز) دي بقي بتضم من اول اسم محمد م .. لغاية حرف الياء

اما بالنسبة للمدرجات .. ففي تجارة ماشيين بنظام الحروف

يعني عندك مدرج (أ) و (ب) و(جـ) و(د) و(هـ) و (د) .. ومدرج العيوطي

مدرج (أ) و(ب) دول اضيق مدرجين في الكلية .. ومكانهم في المبني الرئيسي بتاع الكلية

بعديهم في الحجم مدرج (جـ) و (د) ... بعديهم مدرج (هـ) و (و)

اما اكبر مدرج فيهم .. فهوا مدرج العيوطي.. وهوا يعتبر اكبر مدرج في الشرق الاوسط كله !!

vampire1188

16-08-2008, 12:52 PM

هههههههههههههه
مش فارقه اى مدرج وخلاث
المهم فى الاواخر
واه انا بدخل من باب المترو طبعا لانى معرفش غيرة هو والباب الرئيسى وبس
ههههههههه
لاء هعرفك همسك وردة سودة :p

ههههههههههههههههههههههههههههه ..

بلاش الورد الاسود اصل مابحبوش !!

عايزك تمسكيلي ورده خضرا .. وتلبسي بنطلون جينز وتيشيرت اصفر .. واقفيلي قدام مدرج العيوطي !!

عشان ساعتها اصلا هاتتلاقي 5000 واحده لابسه تيشيرت اصفر وبنطلون جينز !!

ربنا معاكي يابنتي

بس على فكرة .. اول اسبوع دايما بيبقي اسبوع التعارف وتكوين الجروبات في الجامعة

يعني حاولي تنزلي عشان تعرفي تتعرفي على كام واحده كدا يفيدوكي في المحاضرات وكدا يعني

واعتبريها فسحة مش اكتر ! :) :D

wanda

16-08-2008, 01:36 PM

ههههههههههههه
انا مش بلبس بنطلون على بدى
لو لبس بنطلون جينز هيبقى عليه تونيك طويل
والجيبه واسعه عليه بدى
ومعنديش اصفر خالص
ههههههههههههه
لاء بس هتلاقينى القصيرة اللى فيهم يعنى
بعد ما كنت طويله فى ثانوى هههههههه

وان شاء الله هكون صداقات كتير بس المشكله انى خايفه ملقيش حد فيهم
يساعدنى هههههههه
خايفه ليكونوا مبيحضروش حاجة ولا بيكتبوا حاجة وربنا يستر :p

vampire1188

16-08-2008, 02:04 PM

لا مانتي خليكي ذكية ..

اما تتعرفي في الجامعة .. حاولي تنوعي من معارفك وكوني جروبات على قد ماتقدري

يعني اعرفي الدحيحة .. واعرفي الناس الكوول .. واعرفي اللي ضاربين طناش

عادي كلهم هاينفعوكي والله !!

اما بالنسبة للتعارف على الولاد .. حسك عينك تتعرفي عليهم لوجه الله ..

اعملي زي بقية البنات اللي هايبقوا معاكي .. استغليهم !!

محاضرات .. شرح .. ملازم .. تطبيقات .. وما يتصل بذلك من موضوعات واغراض ..

انتي اساسا كل دا هاتكتشفيه بنفسك .. وساعتها هاتقولي ربنا يرحمك يا فامبير !!

wanda

16-08-2008, 02:07 PM

ما ده اللى هيحصل استغلال وبس ههههه
ومين قال غير كده :p

vampire1188

16-08-2008, 02:11 PM

ماهو اصل بصي .. الجامعة دي ياما هاتلاقي فيها اشكال واصناف والوان

الجدع اللي يعرف يتعامل بقي !!

nada1990

16-08-2008, 03:44 PM

islambadie

16-08-2008, 09:49 PM

[انا تجارة القاهرة انتظام اول سنة ليه يا ريت لو حد يعرف انا هبقى مجموعة ايه يقولي انا اسمي اسلام اكرم و من يعرف معلومات عن كلية تجارة بجد يا ريت يقولي ]

wanda

17-08-2008, 12:05 AM

عدل مشاركتك واحذف الميل علشا ده مخالف
لان لو الادارة شافت ردك هتتعرض لوقف العضويه
واهلا بيك يا اسلام وانت غالبا مجموعه أ

u4me

17-08-2008, 06:52 AM

انت اكيد ان شاء الله يا اسلام مجموعه (أ)

vampire1188

17-08-2008, 01:39 PM

انا اول مرة اعرف انهم زودوا مدرج لانتظام

هو احنا زدنا اوى للدرجادى

وانت عمال تشرحلى المدرجات الضيقة والواسعه

انت ناسى انى ف 2 يعنى لفيت الجامعه وحفظاها

ما علينا ادينى طلعت بمعلومة انهم زودوا مدرج

وميرسى اوى ليك

بس انا عايزة اعرف هما زودوا مدرج (ز) ف سنة اولى بس

ولا كل السنين كمان

لأ الزيادة دي في كل السنين ..

وهيا اصلا معمولة عشان حكاية اللبس اللي بيحصل في سنة رابعة ..

عشان انتي عارفه .. ان رابعة بيبقي فيها تخصص وكدا .. فبتبقي صدمة انك تتنقلي ..

وعشان ماكدبش عليكي .. انا لغاية دلوقتي اصلا مش فاهم سر الهبل اللي عملوه دا ايه ؟!!

بس اللي اعرفه .. ان المجموعة الزيادة دي .. عشان الناس بتوع مجموعة (أ) انتظام ..

السنه اللي فاتت كانت مجموعة (أ) واخده من حرف أ لـ ط

السنه دي بقي .. غيروها .. بقت مجموعة (أ) واخده كل الناس اللي اسمهم بيبدأ بألف بس ..

ومجموعة (ب) بقت واخده الاسماء اللي بتبدأ من اول حرف الـ (ب) لغاية حرف الـ (ظ)

وهكذا .. دا كل اللي حصل ..

تقدري تقولي .. عبقرية العميد الجديد .. سطت فوق كل الحدود !!

الله يرحمك يا دكتور يا عادل زايد !!

:huh:

mo7amedshiko

18-08-2008, 03:20 AM

انا سمعت خبر ان انتساب ملهومش اعمال سنة الكلام دة صح ولا غلط ولا مفيش اصلا اعمال سنة

vampire1188

18-08-2008, 01:10 PM

انا سمعت خبر ان انتساب ملهومش اعمال سنة الكلام دة صح ولا غلط ولا مفيش اصلا اعمال سنة

اساسا انا اول مرة اسمع عن اعمال السنة دي !

سيادتك لا انتساب ولا انتظام ليهم اعمال سنة

يمكن الوحيد اللي ليهم .. بتوع تجارة انجليش .. وبيبقي تقريبا ليهم 15% من المجموع الكلي في الحضور ..

و 15% تاني في الميدتيرم .. والـ 70 % الباقيين بتوع الفاينال ..

اما باقي تجارة .. فمالهاش .. لا انتظام ولا انتساب

من الاخر .. بتوع انتساب .. يعتبر متظبطين !

wanda

18-08-2008, 09:13 PM

سمعت الاشاعه وقربت اصدقها كويس انه مفيش

mo7amedshiko

18-08-2008, 09:16 PM

شكرااااااااا بس بصراحه اللى قالى الخبر دة ناس اكبر منى ةبكتير مش اصدقاء

vampire1188

18-08-2008, 09:35 PM

لا طبعا .. خد الخبر من الناس اللي في الكلية ..

prince man

19-08-2008, 12:59 PM

ازيكو يا جماعه
انا مدحت معاكو فى اولى انتظام
و مش عارف اى حاجه فى اى حاجه
اصل دماغى فى اللذيذ
الثانويه العامه ربنا يحرقها بجاز خلتنى عامل زى الاموات و جالى فقدان ذاكرة
بالصلاه على النبى كده قولولى انا فى مجموعه ايه
عشان شكلى هبقى توهان فى اول يوم
و صباحكو عسل يا شباب

wanda

20-08-2008, 01:05 AM

مجموعه (د) يا مدحت
وبخصوص الكارنيه انت اول متدفع المصاريف بتاخد وصل بتروح لشؤون الطلبه
ومعاك صورتين والوصل تديهملوهم وتستلم الكارنيه بعد اسبوع او اسبوعين
كده على فكرة فية ميعاد للكارنيه على ما اعتقد والكليه سهله بس انت احضر محضراتك كلها
ومتفوتيش حاجة علشان تعرف ايه اللى ليك وايه اللى عليك علشان متحتسش اخر السنه
وربنا يوفقك اى سؤال احنا موجودين

prince man

20-08-2008, 02:10 AM

الف شكر يا عسل و الله معلومات جامده و ربنا معانا كلنا

vampire1188

20-08-2008, 03:13 PM

مش عارف ليه يا نور شاكك فيكي تكوني معايا في تانية وبتقولي انك في اولي !!

wanda

20-08-2008, 04:53 PM

لاء يا عسل انا لسه داخله اولى بس بحب لما
اكون داخله حاجة اعرف عنها كل كبيرة وصغيرة
علشان مبقاش تايهه :P

وبعدين انت ناسى الشرح الطويل بتاع المجموعات ولا ايه
حفظتها صم؟؟!!
طب يا ريت اكون فى تانيه ولا حتى فى تالته هو انا بس اطولهم وشوف انا هعمل ايه هههههه

vampire1188

20-08-2008, 05:58 PM

يا سلاااااااام .. يعجبني فيكي الامل ..

بالا نيلة ..

مانا اهو في تانية .. عملت ايه يعني ..هديت الكلية وبنيتها من اول وجديد ؟!

يابنتي اللي الناس مرت بيه قبل مني.. انا هامر بيه .. واللي انا مريت بيه .. انتي هاتمري بيه ..

هى منظومة متتاليه .. ومابتتغيرش .. الا اما ربك يريد بقي ..

اما بالنسبة بقي لحكاية انك عارفه ومش عارفه ماتخافيش .. مسيييرك هاتعرفي الكلية ونظامها

بصي انا هاقولك على اللي فيها وخلاص

اول يوم .. انتي هاتخشي مش عارفه اي حاجة في حاجة .. لا عارفه مدرج جـ من مدرج هـ

ولا عارفه مدرج العيوطي .. من مدرج مشرفة بتاع علوم !!

اول واحد هايقابلك هاتسأليه عن جدول مجموعتك .. هايقولك عند مدرج جـ .. هاتقوليله فين مدرج جـ

هايقولك امشي شمال في يمين في شمال في يمين طوالي .. هاتمشي زي ماهوا بيقولك هاتكتشفي انك راجعاله تاني !!

المهم بعد نجاح هاتوصلي للجدول .. ومن ثم هاتتلاقي جمهور كبير قدام الجدول وبالتلي هاتشوفي بالعافية

ومش بعيد تدبي خناقة معا اي حد وانتي واقفه .. عادي عادي !

بعد كدا هاتبصي للجدول والمواعيد وتكتشفي بقدرة قادر ان كان فيه محاضرة الساعة 8 الصبح وانتي هاتبقي ساعتها الساعة 10 .. وبالتالي فاتتك المحاضرة .. وتبقي ملخومة ومش عارفه تعملي ايه !

هاييجي اليوم اللي بعده تسألي على مدرج جـ هايقولولك .. هاتخشي هاتتلاقي المدرج كومبليت على اخره

وربنا يبقي كرمك لو لاقيتي مكان تقعدي فيه .. ولو لاقيتي مكان جنب اي ولد .. اقعدي ولا يهمك .. الوقفة وحشه صدقيني !! :D

هاتفضلي قاعدة طول المحاضرة ساعة كاملة .. دا في رمضان طبعا . اما غير رمضان فساعة ونص

هاتفضلي قاعدة تكتبي ورا الدكتور ولا انتي فاهمة اي حاجة في اي حاجة.. كل اللي انتي بتعمليه انك بتكتبي عشان شايفه الناس كلها بتكتب جنبيكي وهايبقي عيب عليكي ان هما يكتبوا وانتي لأ !!! :huh:

بعد المحاضرة ماتخلص .. هاتتلاقي شاب زي الورد جايلك وبيقولك لو سمحت انتي كتبتي اخر حاجة قالها الدكتور

هاتقوليله بسلامة نية اه .. ويقولك اصل انا مافهمتهاش اشرحيهالي .. وهاتك يا رغي .. لغية ماميعاد المحاضرة التانية ييجي ..

يخش الدكتور .. يرص الكلام زي اللي قبله ..وبعد مالمحاضرة تخلص تلاقي 500 واحد ناطط فوق راسه وماتعرفيش بيسألوه فيه ايه ؟!

المهم هاتخلص محاضراتك .. تطلعي من الباب دا ان عرفتي .. عشان بتبقي مطحنة طبعا لسببين

1- ان الناس كلها عايزه تخلص وتخرج
2- ان فيه فرقه تانية عايزة تخش مكانكوا عشان تلحق تحجز . وياسعدكوا يا هناكوا لو كانوا سنة اولي برده !!
مش هاتطلعي من المدرج في يومك دا !!

بعد نجاح عظيم .. وبعد الخروج من المدرج بحمدلله وتوفيقه .. مش هاتكوني لسه صاحبتي

هاتحسي بالكآبة .. فهاتنوي اليوم اللي بعده انك تتصاحبي عشان ماتحسيش بالخنقة

هابقي اكملك باقي القصة بس بعدين .. او بمعني اصح هاعمل زي الروائيين المشهورين

يتبع >>>> :D

vampire1188

20-08-2008, 05:59 PM

بالا نيلة ..

مانا اهو في تانية .. عملت ايه يعني ..هديت الكلية وبنيتها من اول وجديد ؟!

يابنتي اللي الناس مرت بيه قبل مني.. انا هامر بيه .. واللي انا مريت بيه .. انتي هاتمري بيه ..

هى منظومة متتاليه .. ومابتتغيرش .. الا اما ربك يريد بقي ..

اما بالنسبة بقي لحكاية انك عارفه ومش عارفه ماتخافيش .. مسيييرك هاتعرفي الكلية ونظامها

بصي انا هاقولك على اللي فيها وخلاص

اول يوم .. انتي هاتخشي مش عارفه اي حاجة في حاجة .. لا عارفه مدرج جـ من مدرج هـ

ولا عارفه مدرج العيوطي .. من مدرج مشرفة بتاع علوم !!

اول واحد هايقابلك هاتسأليه عن جدول مجموعتك .. هايقولك عند مدرج جـ .. هاتقوليله فين مدرج جـ

هايقولك امشي شمال في يمين في شمال في يمين طوالي .. هاتمشي زي ماهوا بيقولك هاتكتشفي انك راجعاله تاني !!

المهم بعد نجاح هاتوصلي للجدول .. ومن ثم هاتتلاقي جمهور كبير قدام الجدول وبالتلي هاتشوفي بالعافية

ومش بعيد تدبي خناقة معا اي حد وانتي واقفه .. عادي عادي !

بعد كدا هاتبصي للجدول والمواعيد وتكتشفي بقدرة قادر ان كان فيه محاضرة الساعة 8 الصبح وانتي هاتبقي ساعتها الساعة 10 .. وبالتالي فاتتك المحاضرة .. وتبقي ملخومة ومش عارفه تعملي ايه !

هاييجي اليوم اللي بعده تسألي على مدرج جـ هايقولولك .. هاتخشي هاتتلاقي المدرج كومبليت على اخره

وربنا يبقي كرمك لو لاقيتي مكان تقعدي فيه .. ولو لاقيتي مكان جنب اي ولد .. اقعدي ولا يهمك .. الوقفة وحشه صدقيني !! :D

هاتفضلي قاعدة طول المحاضرة ساعة كاملة .. دا في رمضان طبعا . اما غير رمضان فساعة ونص

هاتفضلي قاعدة تكتبي ورا الدكتور ولا انتي فاهمة اي حاجة في اي حاجة.. كل اللي انتي بتعمليه انك بتكتبي عشان شايفه الناس كلها بتكتب جنبيكي وهايبقي عيب عليكي ان هما يكتبوا وانتي لأ !!! :huh:

بعد المحاضرة ماتخلص .. هاتتلاقي شاب زي الورد جايلك وبيقولك لو سمحت انتي كتبتي اخر حاجة قالها الدكتور

هاتقوليله بسلامة نية اه .. ويقولك اصل انا مافهمتهاش اشرحيهالي .. وهاتك يا رغي .. لغية ماميعاد المحاضرة التانية ييجي ..

يخش الدكتور .. يرص الكلام زي اللي قبله ..وبعد مالمحاضرة تخلص تلاقي 500 واحد ناطط فوق راسه وماتعرفيش بيسألوه فيه ايه ؟!

المهم هاتخلص محاضراتك .. تطلعي من الباب دا ان عرفتي .. عشان بتبقي مطحنة طبعا لسببين

1- ان الناس كلها عايزه تخلص وتخرج
2- ان فيه فرقه تانية عايزة تخش مكانكوا عشان تلحق تحجز . وياسعدكوا يا هناكوا لو كانوا سنة اولي برده !!
مش هاتطلعي من المدرج في يومك دا !!

بعد نجاح عظيم .. وبعد الخروج من المدرج بحمدلله وتوفيقه .. مش هاتكوني لسه صاحبتي

هاتحسي بالكآبة .. فهاتنوي اليوم اللي بعده انك تتصاحبي عشان ماتحسيش بالخنقة

هابقي اكملك باقي القصة بس بعدين .. او بمعني اصح هاعمل زي الروائيين المشهورين

يتبع >>>> :D

wanda

20-08-2008, 06:48 PM

هههههههههههه دمك شربات بجد
بس ان شاء الله هنعدى المحنه ديه على خير
ولو لقيت مكان هقعد يعنى هيكلونى ما انا فى الميكروباصات بقعد جمب ولاد لو حكمت
ولو حد قالى نقلتى اخر حاجة صدقنى انا هتنح هههه انا مش سريعه اووى يعنى
ولو سرعت فى الكتابه مش هفهم انا كاتبه ايه وهحتاج لمترجم هههههههههه
يلا ربنا يستر انا مش بحب الاماكن الزحمة شكلى هموووت فيها اوووى
ومنتظرين بقيه القصه ...

u4me

21-08-2008, 01:12 AM

والله تجنن يا فامباير انا فعلا عملت كدا السنة اللى فاتت لما كنت ف اولى

وتهت على ما وصلت مدرج (ج،د)

وخسيت من كتر الزحمة اللى بتحصل وانا خارجه م المدرج

واموت واعرف العيال بيسألوا الدكتور على ايه بعد ما خلص

هو انت مجموعه ايه وعملت ايه السنة اللى فاتت

u4me

21-08-2008, 01:21 AM

vampire1188

21-08-2008, 02:03 AM

..................................

vampire1188

21-08-2008, 02:12 AM

مجموعة (ز) .. اللي هيا (و) سابقا ..

وماتسأليش عملت ايه السنة اللي فاتت عشان مش ناقصة نكد !!

نكمل بقي القصة ..

انتي بعد مامر اليوم الاول والتاني على خير والحمدلله

هاييبقي عندك غالبا اجازة .. وبعد كدا اليوم التالت يطل بشمسه المشرقه على قبة الجامعة عشان تنور مدرج العيوطي البهيج !!

وتدق ساعة الجامعة الساعة الثامنه صباحاً .. معلنة بداية يوم دراسي جديد حافل بالنشاط والحيوية .. ههههه قال يعني !!

هاتنزلي من بيتك معززة مكرمة . هاتحاولي تتزوقي عشان تبقي زي زميلاتك الحسناوات اللي في المدرج !

ومعاكي شنطتك وفيها قلمك وكشكولك والكام كتاب لزوم الدح بتاع اول السنة .. قال يعني انتي مهمته اوي ..

تركبي المترو وهوب تقومي نازلة محطة جامعة القاهرة اللي غالبا بتبقي مكتظة بالطلبة اللي جايين من شتى انحاء القاهرة

المهم هاتيجي تخشي من البوابة وانتي فرحانه انك عديتي من غير كارنيه ..

هاتخشي المدرج بتاع العيوطي .. وانتي في دماغك 3000 حاجة .. اولهم امتي ياربي هاييجي الدكتور ونخلص ؟!

هاتقعدي تلفي حواليكي وتبصي للناس والبشر وبتتأملي في جمال المدرج من جوا .. وعماله برده تسألي الدكتور ماجاش ليه ؟!

والمهم بعد عشر دقايق من التفكير تفاجأي بان شوية شباب كدا طلعوا على المدرج ويقعدوا يقروا في قران

دول ياستي بتوع الاخوان المسلمين .. ماعلينا سيبك منهم

المهم شوية وهاتتلاقي الدكتور داخل.. هاتحاولي تتأهبي للموقف وتطلعي الكشكول والكتاب والقلم والمسطرة !!

نوبروبليم .. شئ عادي .. بعد كدا مش هاتستعملي دا كله نهائي ..

هاتكتبي المحاضرة والمره دي هاتبدأي تفهمي عشان هاتكوني ربطتي كلام المحاضرة اللي فاتت معا المحاضرة الحالية

وساعتها هايبان الدكتور دا شرحه كويس ولا وحش ..

اثناء المحاضرة يبقي حظك وحش لو ربنا رزقك باتنين رغايين وراكي مش هاتعرفي تسمعي منهم حاجة

نصيحة .. حذريهم في الاول.. عندوا .. قومي بكل جرأة وقولي للدكتور .. ولا يهمك !

في البريك هاتبدأيي تتصاحبي على بنت .. والبنت هاتكون متصاحبة على بنت تانية .. وتبدائي تعملي لنفسك جروب

وتمر الايام والمحاضرات .. لغاااااااااااية مايجي ميعاد اخر محاضرة في الترم .. ودا بيبقي موال تاني

اقدر اقولك كفاية .. ويتبع >>>

u4me

21-08-2008, 02:24 AM

ما تقولى وخلاص ما انا دفعتك عايزة اعرف بس النتيجه عاملة ايه ف بقيه المدرجات

vampire1188

21-08-2008, 08:24 PM

صراحة انا اول مرة اعرف حكاية ان المجموعة بقت اسمها مدرج !!

بشوف ناس كتيرة بتقول كدا .. بس عادي نوبروبليم

لا ياستي .. جيبت جيد .. وعادي يعني .. دي مش ثانوية عامة عشان تعرفي النتيجة يعني !

بس اني واي .. انا ناوي السنة دي بعون الله اشد بقي جامد .. وبعون الله جيد جدا يعني جيد جدا

ولا سبيل الى جيد جدا الا الدح ..

الدح هوا السبيل الوحيد الاوحد الى النجاح ومن ثم التفوق ..

دحوا تصحوا !!

wanda

21-08-2008, 09:53 PM

اوك يا فامبير بس انا لو زعقت فى حد وعاند بقوم اضرب
نو بروبلم همسك نفسى واقوم واقول للدكتور
طيب انا مثلا مثلا يعنى لو عايزة اجيب تقدير اول سنه علشان اول انتظام
لازم ادح من اول السنه ولا افهم بس اللى عليا والملغى ايه واشد اخر شهرين ؟؟؟!!
متقوليش زى الثانويه العامة من اول السنه مش عايزة اسمع كده
وشكراا على الافادة

vampire1188

22-08-2008, 04:17 PM

لا طبعا .. انا قولتلك النظام العام قبل كدا

انتي بتمشي عادي جدا طول السنة ..

بس فيه بالنسبة للترم الاول .. فيه 3 مواد ذاكريهم اول بأول من اول السنة عشان ماتضيعيش في الاخر

المحاسبة المالية .. والرياضة البحتة .. والسلوك الانساني

وركزي شوية على السلوك الانساني عشان هى مادة طويلة شوية .. وبتوصل لييجي 18 شابتر

طبعا مش معقول انتي في اسبوعين هاتخلصي 18 شابتر بحالهم !!

اما المحاسبة المالية .. فاتفهميها يعني تفهيمها .. ولو مافهمتيهاش مش هاتفهمي اي محاسبة تانية

وعشان تبقي عارفه المحاسبة المالية دي انا اكتشفت انها هايفة .. وتعتبر الف باء محاسبة

وفي جامعات تانية بيسموها princeples of accounting ..

واعملي حسابك انك هاتاخديها في الترم التاني بس بالانجليش ..

اما الرياضة البحتة .. فهى كلها حل مسائل .. شدي في المسائل وحلي كتير

وركزي على التطبيقات اللي الدكتور هايقول عليها .. وربنا يبقي كرمك لو دكتور مصطفى الفقي هوا اللي ادالك

مصطفي الفقي دا هوا يعتبر وكيل مركز البحوث التجارية .. اللي هوا في ضهر مدرج العيوطي دا

اما باقي المواد .. ادارة ، موارد اقتصادية .. فدي بالبلدي كدا انجز في الوينجز !

وبرده يبقي ربنا كرمك لو دكتور عادل زايد هوا اللي اداكي الادارة دي .. تقريبا ممكن يلغي نص الكتاب !!

بس .. في اخر الترم .. واظبي شوية على الحضور .. واعرفي ايه اللي ليكي واللي عليكي

شوفي الملغي ايه بالظبط .. وركزي في الاسئلة اللي الدكاترة بيقولوا عليها في الاخر

ونصيحة .. اذا مثلا .. مثلا يعني .. الدكتور جيه اتنرفز عليكوا في مرة وقالكوا باقي المحاضرة مشروحة

احتمال 80 % ان اللي ماشرحوش دا ييجي في الامتحان .. وهوا كل الامتحان اساسا من 20

من 10 لـ 12 مقبول .. من 13 لـ 15 جيد .. من 16 لـ 17 جيد جدا .. من 18 لـ 20 امتياز .. ربنا يوعدنا ويوعدك بيه قادر يا كريم !

من الاخر بقي .. فيه نصيحة كدا كان اخويا قالهالي قبل ماخش الجامعة وماعرفتش انها صح الا بعد مالسنة خلصت ..

لو ذاكرت عشان تنجح .. هاتسقط .. ولو ذاكرت عشان تجيب تقدير .. ربنا هايكرمك وتجيبه ..

النظرية دي مستخدمة في كليتين .. اداب وتجارة

mo7amedshiko

22-08-2008, 08:29 PM

شكرا يافامبير على الكلام الكبير دة بس انا محروج من نفسى اول يوم فى الجامعه مش عارف هبقى عامل ازاى وخايف اوووى من اليوم دة

vampire1188

23-08-2008, 12:19 AM

عادي والله .. زيك زي غيرك ..

كله بيبقي داخل مش عارف اي حاجة في اي حاجة

بس بيبدأ ياخد على الوضع واحده واحده ..

wanda

23-08-2008, 12:55 AM

شكلى كده والله اعلم مش هروح الجامعه
اصلى مش بحب اكون تايهه وده اللى هيحصل
بس شكراا على المعلومات
بس ليا سؤال الواحد لما يذاكر من كتاب الدكتور ولا من الملخصات والملازم بتاعت المكتبات
اللى برررة ؟؟!!!

vampire1188

23-08-2008, 01:35 AM

من كله ..

الكتاب هوا المرجع الاساسي في بعض المواد زي الادارة والرياضة البحتة

اما فيه مواد بيبقي الملازم سند ليها

بس عشان تبقي عارفه المكتبات اللي بره نصابين .. وحرامية

انتي اعملي حركة حلوة وظريفة اوي .. شوفي اي حد من صحابك لو جاب الملزمة الفلانية

شوفيها قبل ماتجيبيها .. عجبتك ؟ وشوفتي انك هاتستفيدي منها .. روحي اشتريها

مالقتيش حد من صحابك جابها .. روحي المكتبة .. اقفي عادي وبصنعة لطافة كدا قوليله هوا الملزمة بتاعة كذا نزلت ؟

طب بليز ممكن اشوفها .. وشوفيها عجبتك هاتيها ماعجبتكيش.. اعملي نفسك مزنوقة في الفلوس ونفضي

وغالبا .. في المحاسبة .. ركزي على ورق الدرس والكتاب والمحاضرة باعتبارها اهم مادة يعني

في الرياضة .. هاتي برده ورق الدرس

في باقي المواد .. هاتتلاقيهم بينزلوا حاجة اسمها س و ج .. ابقي هاتيها حلوة برده

وعموما انتي في مجموعة (ز) .. احتمال كبير تبقي المكتبة اللي هاتنزلكوا المحاضرات هيا مكتبة بينجو

ودي مشهورة انها اكبر مكتبة حرامية بتبيع ملازم .. بس هاتعملي ايه قدرك ونصيبك بقي !!

wanda

23-08-2008, 02:06 AM

ربنا يستر بقى شكرا يا فامبير

vampire1188

23-08-2008, 02:51 AM

العفو .. بس ماتنسيش الوردة الخضرا بقي !!

wanda

24-08-2008, 06:26 PM

ال ورده خضرا ال اجيبها منين ديه
اعملها بالفوتو شوب :P

CoMMaNdo

24-08-2008, 06:45 PM

الودا فامبير دا الى يشوفه يقول بقاله عشر سنين فى الجامعه
عارف حاجات كتير عنها
يلا ربنا يسهل ونقابلك فى الجامعه يا برو

wanda

24-08-2008, 07:42 PM

من كتر حبه فى الجامعه عارف عنها حاجات
كتير ولا ايه هو انت فى تجارة القاهرة معانا ياMCoMMaNdo (http://www.thanwya.com/vb/member.php?u=64927)

ماهينور 2

24-08-2008, 07:48 PM

باركولي ياجماعه خلاص انا الحمد لله حولت تجاره القاهره بقيت معاكم

vampire1188

24-08-2008, 09:03 PM

من كتر حبي ؟!!

ههههههههههههههههههههه وربنا ضحكتوني

احلي نكتة سمعتها ان احب كليتي دي !!

قصدك من كتر ماطلع عيني فيها .. ولفيت وشوفت وعرفت .. اكتسبت خبرة

بس مش خبرة اوي يعني .. على الاقل عرفت ازاي الواحد يتعامل معاها

\وانتا صحيح يا MCoMMaNdo معا ان اسم معقد .. بس ماعلينا !! .. انتا في تجارة القاهرة ولا ايه

لو كدا هاتتلاقيني ناططلك اينما كنت .. قولي بس وانا اجيلك ..

اما بالنسبالك يا نور .. فتعملي بقي الوردة بالفوتوشوب ولا ستوديو ماكس ولا ان شا الله حتى بمايا

المهم تبقي خضرا وبس !! .. ايوا نحن نختلف عن الاخرون ..

ومبروك يا rinad وصراحة انا شوفت اسمك كتير في جرس الفسحة .. بس مش فاكر بقي كان ولد ولا بنت

لو ولد او بنت .. ابقي قولي اسمك .. وات ايفر كنت ايه يعني .. عشان ابقي اقولك على مجموعتك لو ماكنتش عارفها يعني

ومرحبا بيكم يا جماعة في شلة عفاريت تجارة !!

CoMMaNdo

24-08-2008, 09:07 PM

انا معاكو فى جامعة القاهره بس مش تجارة
انا فى كلية الحقوق
بس كل يوم هاجيلكم ارخم عليكو عشان اخويا هناك رابعه تجارة

vampire1188

24-08-2008, 09:18 PM

ااااااااه .. افتكرتك ..

ايوا ايوا .. انتا عامل موضوع في حقوق .. ومافيش حد معبركوا هناك !!

هههههههههههههه .. ماعلينا

يعني خانقينا في الجامعة .. وجايين في المنتدي كمان تزنقوا علينا !

حرام عليكوا يا بتوع حقوق .. اهدوا بقي شوية .. مش كدا يعني

بس عشانك تنور يا مان .. في الجامعة وفي المنتدي كمان

ورخم براحتك ولا يهمك ..

CoMMaNdo

24-08-2008, 09:23 PM

محدش معبرنا ايه يا جدع
خمسه حقوق ردوا معانا :D
ولسه البقيه بلاش حقد بس
ههههههههههه
تجارة ايه يبنى دى:D
هتعملوا بيها ايه :P:D
نصيحه حول حقوق:D
هههههههههه
بهزر يا برو واتشرفت بمعرفتك

wanda

24-08-2008, 11:27 PM

راندا قوليلى يا بنتى اسمك ويا ريت تكونى
فى مجموعتى يا رب القى بنت معايا

بصى على العموم اما(ز) علشان حرف النون

لو انتى م لحد ى
ممكن تكونى معايا قولى يا رب ولو مش معايا بردك نكون اصحاب واكى ولا ايه
ومبرروك انضمامك لينا يا قمر هتنورينا

ماهينور 2

25-08-2008, 04:42 PM

اه طبعا خلاص احنا بقينا اصحاب ياواندا
بس اسمي ريناد مش راندا وانا بنت والله العظيم مش ولد
طيب حرف (ض) يبقي مجموعه كام مستنيه ردكم

ومعلش اتاخرت عليكم في الرد عشان لسه فاتحه

ماهينور 2

25-08-2008, 04:53 PM

ويارب اكون في مجموعتك ياواندا

vampire1188

25-08-2008, 05:00 PM

واله انا لغاية دلوقتي مش عارف انتي انتظام ولا انتساب

عموما لو انتي انتظام .. هاتبقي مجموعة (ب) .. ولو انتساب هاتبقي مجموعة (هـ)

اما حرف الضاد .. دا برده على حسب وا انتظام ولا انتساب ..

انتظام هايبقي مجموعة .. (ب) .. انتساب هايبقي مجموعة (و)

بس برده بيتهيألي على حسب الاسم .. عشان بتفرق في الحرف اللي بعد (ض) دا

يستحسن تقولي الاسم كامل وخلاص

واهلا بيكي معانا في كلية تجارة الهوائية !!

wanda

25-08-2008, 05:03 PM

يا ريت تكونى معايا يا ريت ولو مش معايا نو بروبلم اهوه نبقى
فى مركب واحدة تايهين هههههههههههه
هو انتى انتظام ولا انتساب ؟؟

ماهينور 2

25-08-2008, 05:03 PM

هههههههههه
ده اسم جديد ولا ايه عموما انا انتساب لاني محوله والاسم اللي انا عاوزاه (ضحي) ده اسم صاحبتي وهي برضك انتساب

ومشكور علي الاهتمام يافامبير

ماهينور 2

25-08-2008, 05:05 PM

تايهين ههههههههه ليه بس كده عموما انا انتساب هو انتي انتساب ولا انتظام

wanda

25-08-2008, 05:08 PM

انا برضك انتساب ضحى مجموعه (و)
ولو انتى اسمك الحقيقى ريناد يبقى مجموعه (هـ)

ماهينور 2

25-08-2008, 05:11 PM

طيب انا اسمي الحقيقي ريناد بس سمعت اني مجموعه (د) عشان مجموعه (د) بتاخد من (ا) لحد (ر)

صح ولا انا غلطانه

wanda

25-08-2008, 05:11 PM

طب ابقى ابعتيلى ميلك علشان نعرف هنشوف بعض ازاى فى الجامعه :d

ماهينور 2

25-08-2008, 05:13 PM

خلاص اوك هابعاتهولك علي الخاص اوك

vampire1188

25-08-2008, 05:14 PM

لا مجموعة (د) بقت انتظام .. السنة اللي فاتت كانت اه انتساب .. لكن السنه دي بقت انتظام

اسم ضحى دا هايبقي في مجموعة (ب) لو انتظام .. ومجموعة (و) لو انتساب

That's all focus ...

wanda

25-08-2008, 05:16 PM

لا غلط انتى ريناد
بصى مينفعش علشان انتى ر وبعدين يــ
يبقى فى بدايه الهـ
انا اسمى الحقيقى اوله منــ
وفى بدايه المجموعه (ز)

wanda

25-08-2008, 05:17 PM

اوك هسجلك دلوقتى اوك

ماهينور 2

25-08-2008, 05:18 PM

اووووووووووه ياسلام خلاص انتم ادري وصلتك الرساله

ماهينور 2

25-08-2008, 05:20 PM

اوك ياواندا
وشكرا ليك يافامبير علي اهتمامك بس اصل انا مش عندي خبره في الحاجات ديه انتوا اللي ادري
وميرسي ليك تاني

vampire1188

25-08-2008, 05:26 PM

لاعفو ..

بس خدي الكلام مني وسيبك من اي حد تاني ..

اي حد تاني هايقعد يألف ويقولك مجموعة كذا ومجموعة كذا .. لكن هوا زي ماقولتلك كدا وخلاص

wanda

25-08-2008, 05:39 PM

خليكى تكونى عارفه قبل ماتدخلى علشان متهويش كده هتتخدلى على طول على المجموعه
بتاعتك علشان الكارينه بردك وكده اسهل

CoMMaNdo

25-08-2008, 05:44 PM

يلهوى على الحظ كل يوم يجيلكم واحد جديد :P
اومال عندنا فى الحقوق محدش ناوى يجى ولا ايه
يبختك يا فايبر انت وواندا D:D :P

vampire1188

25-08-2008, 05:57 PM

ياعم يابختي ايه بس ..

سيبك سيبك .. كلها مشاريع فاشلة !!

انا اساسا اتخنقت من ام الكلية دي وربنا .. عايز اولع فيها ..

ماهينور 2

25-08-2008, 06:03 PM

تولع ليه يافامبير في الكليه بس عارف لو ولعت في الكليه دي بالذات تبقي ولعت في الشعب المصري كله فكر قبل متولع

وبعدين مين هايديني نصائح

وبعدين يا مكوماندا متقرش علينا

vampire1188

25-08-2008, 06:10 PM

والله العظيم مش مصدقاني ؟!

كلية تخنق وربنا .. ليكي انك تتخيلي ان تجارة كلها .. حوالي 7 مجموعات .. 4 انتظام و 3 انتساب

كل مجموعة من دول .. فيها لن يقل عن 2500 واحد .. يعني 2500 × 7 .. بـ 17500 بني ادم

17500 بني ادم في الفرقة الواحده .. اضربيهم في اربعة ..

يعني تجارة كلللللللها .. حوالي 70.000 راس !!

والنبي مش حرام ..ولا مش حرام ؟!!

دا غير انك بتشوفي مشاهد في المدرجات تخلي الكلب يسيب عضمته !!

اطلعي على ممر العيوطي ولا روحى دقه ولا Love Street زي مابيقولوا عليه

واتفرجي على اللي بيحصل هناك .. ومش عايزاني اولع فيها ..

يمكن عشان انتي لسه مادخلتيهاش فاماتعرفيش

مسيرك هاتعرفي وتلفي وتشوفي .. وساعاتها هاتحكمي عليها انها تولع

زيها زي مجلس الشورى كدا !

ماهينور 2

25-08-2008, 06:12 PM

يااااااااااه طيب انا كمان هاجيب جردلين جاز واولع معاك

ده انا اتخنقت منها قبل ما ادخلها

وربنا يستر علينا

vampire1188

25-08-2008, 06:15 PM

هههههههههههههههههه

مسيرك هاتتخنقي منها زي ما اللي قبلك اتخنق منها !!

انا مش بكرهك فيها والله .. بس احلى حاجة في الكلية دي عشان تعرفي تتعاملي وتجيبي تقدير

خليكي في حالك .. وبس

ماهينور 2

25-08-2008, 08:48 PM

مهو انا ان شاء الله مش هصاحب حد خالص هابقي في حالي ومليش دعوه بغيري (الانانيه مبدا الانسان في الحياه )

وباذن الله هتسمع عني اخبار كويسه ومش بعيد الاولي علي الدفعه

vampire1188

25-08-2008, 10:39 PM

ههههههههههههههه

صعبة شويتين الحكاية دي !!

ماوعدكيش .. الكلام بتاع الاول على الدفعة دا مش بيتعمد على مذاكرتك انتي بس

لا بيعتمد كمان على الدكاترة اللي بيدوكي .. على حسب بقي كان دكتور كويس ولا وحش

انتي ورزقك ..

ماهينور 2

25-08-2008, 10:58 PM

ياااااااااااااه ده انت محبط اوي بس ولايهمك مليش دعوه بغيري وبعدين مش تتريق عليه كده

بكره تشوف واسمعك اني باذن الله بقيت الاوله علي الدفعه

ده مش غرور ده ثقه وقبل الثقه ايمان بالله سبحانه وتعالي

vampire1188

25-08-2008, 11:47 PM

ههههههههههههههههههه

اما نشوف ياستي ..

املك في ربنا كبير انتي !!

medo_007

26-08-2008, 05:07 AM

يا جماعه انا كمان حولت تجاره قاهره الحمد لله
مع ان الفرق كان كبير اوى
بس الحمد لله على كل حاجه
عايزين بقى نتعرف على ناس قبل ما ندخل
وانا من امبابه

u4me

26-08-2008, 05:16 AM

طب انت انتظام ولا انتساب يا ميدو؟؟؟؟؟؟؟؟

وهتلاقى ناس كتير اوى من هنا معاك ف الكليه

انا حاسة ان المنتدى كله تجارة القاهرة

ماهينور 2

26-08-2008, 01:47 PM

لا انتي مش تحسي انتي اتاكدي انه كل اللي في المنتدي تجاره بجد والله العظيم انا اكتر من تلاته ارباع المدرسه بتاعتي ياعلا دخلت تجاره القاهره بالذات

CoMMaNdo

26-08-2008, 01:55 PM

بقولكو ايه هيا التحويلات لسه شغاله ولا ايه
هههههههههههه

bondok fady

26-08-2008, 02:55 PM

هااااى
انا اسمى بندق من المرج وليه ان انا ادخل جامعة القاهرة او عين شمس
بس الدنيا حظوظ
انا مش كنت اتوقع ان يجيلى تجارة بنها
مع انى كنت عندى امال كتيرة او بمعنى اصح كان نفسى ادخل تجارة خارجية او على الاقل تجارة انجلش
بس الدنيا حظوظ اعمل ايه
على العموم انا ليه اخويه معاكم فى القاهرة طالع تالتة
انا هضى سنه فى بنها واحول السنه اللى جاية القاهرة
ممكن نكون اصحاب لحد منا اجى

wanda

26-08-2008, 04:14 PM

وانا كمان تقريبا مدرستنا اتنقلت كلها لتجارة اكتسحوا المدرجات
انتظام وانتساب ومش رحمين ههههه
والتحويلات انا معرفش كونت عايزة اسئل

u4me

26-08-2008, 05:24 PM

انت طبعا اخونا يا بندق

بس مشوار جامد عليك اوى

ده انا ساكنه ف عين شمس بس ف جامعه القاهرة والمشوار بيهدنى

vampire1188

26-08-2008, 05:29 PM

لا بيهد ولا حاجة

من محطة الدمرداش لجامعة القاهرة

مافيش بس غير انك تغيري في محطة السادات مش اكتر

هوا يمكن عشان زحمة المترو بس ..

تيك ايت ايزي ..

wanda

26-08-2008, 08:11 PM

المترو مسهل كل حاجة انا كنت هروح عين شمس
بس النصيب بقى وبابا موافقش علشان زحمة المترو
يلا اكيد هيبقلى خير فى تجارة القاهرة حلوة
المهم اثبت نفسى فيها

ahmed610

26-08-2008, 10:21 PM

يا جماعة متعقدونيش صحيح تجارة هى كلية الشعب وناس كتير من مدرستى دخلوها لكن ليها فرص عمل واللى عايز يتأكد ممكن يفتح موقع الوسيط هيلاقى مطلوب محاسيبن كتير صحيح هما بيتشرطو فى الطلبات لكن اهى فرص وخلاص على فكر انا معاكم فى تجارة القاهرة

u4me

27-08-2008, 04:38 AM

ايه يا فامباير انت مش متابع ولا ايه

انا ساكنه ف عين شمس

يعنى محطة عين شمس من اول الخط

الدمرداش دى ف العباسيه وبعيدة عن عين شمس

يعنى نص ساعه مترو

انا مشوارى ساعه من عين شمس للجامعه

bondok fady

27-08-2008, 10:51 AM

شكرا 3ola على الاخوة الجميلة اللى انتى عملها
وعموما انا هسكن فى الشرقيه على كده يعنى مش هتبقى متعبة اوى انشاء الله اعمل ايه قضاء ربنا
عموما شكرا على موافقتك على ان انا اكون عضو فى المنتدى الجميل ده
ويريت بقيه الاعضاء ممكن تقول رايها فى الانضمام

wanda

27-08-2008, 11:55 AM

منور طبعا طالما دخلت هنا يبقى انت عضو معانا
لا وكمان اخ لينا

واهلا بيك يا احمد معانا فى تجارة هو انت انتظام ولا انتساب؟؟

vampire1188

27-08-2008, 01:14 PM

ايه يا فامباير انت مش متابع ولا ايه

انا ساكنه ف عين شمس

يعنى محطة عين شمس من اول الخط

الدمرداش دى ف العباسيه وبعيدة عن عين شمس

يعنى نص ساعه مترو

انا مشوارى ساعه من عين شمس للجامعه

ساعة ؟ .. مايبي ..

بس انا اعرف ناس بقي من المعادي ساكنه هناك .. بياخدوا مشوارهم في ساعتين..

احمدي ربنا ..

u4me

27-08-2008, 01:36 PM

ليه يعنى ده المعادى قريبة م الجامعه بالمترو

بس يمكن الناس دول بعيد عن محطة المترو

وبياخدوها مواصلات والزحمة بقى انت عارف

يلا الحمد لله ان مشوارى ساعه وبس

vampire1188

27-08-2008, 01:56 PM

والله ماعرف ..

وبعدين حد قالكوا تعالوا القاهرة ؟ .. زحمة هيا وخلاص ؟!

وبعدين تيجوا تشتكوا !!

مافيش احسن من الناس اللي زيي .. نص ساعة وابقي هناك في الجامعة ..

لا تقوليلي مترو ولا يحزنون ..

u4me

27-08-2008, 04:46 PM

ما بلاش الكلام اللى م النوع ده

هدعى عليك ما تلاقيش مواصلات

وتعد ساعتين تلاته على ما توصل

وبعدين لو مكنتش رحت جامعه القاهرة

كان مين هيرخم عليك

انت ناسى اننا دفعه وحدة

مع انى انتظام بس هنطلك ف مجموعتك وارخم عليك

ومش هتخلص منى

vampire1188

27-08-2008, 06:34 PM

هههههههههههههه ..

نطي يا علا ووريني نفسك ..

على الاقل مجموعة (ز) معروفة في الكلية انها اروش مجموعة في تجارة كلها

اهو تيجي تتسلي شوية عندنا

وبلاش الادعية والنبي عشان انا الادعية بتتقبل عليا

مش عارف ليه ؟!! ..

بس الحمدلله ماتخافيش مش هاتأثر عشان انا اساسا ساكن في الهرم

يعني يعتبر الجامعة جنبيا .. يدوبك مواصلتين بالظبط وببقي في الجامعة

اتغاظي بقي .. مش بقعد ساعة زيك !!

wanda

27-08-2008, 06:55 PM

وانا معاك يا فامبير (ز)بس انا مجنونه اووى هههههه
بس طبعا هخف شويه مينفعش ده فى الجامعه
انا بقى مشوارى ربع ساعه لو فى مواصلات بالمترو
لو مفيش يبقى ساعه ماشي ولونى مبفضلش كده :D

vampire1188

27-08-2008, 08:05 PM

ربع ساعة ؟!!

شوفتي يا علا .. اهي ربع ساعة اهي ..

شمتي فينا الناس

مش بعيد يطلعلنا واحد تاني ويقولنا انا ساكن في اوضة العميد !!

طب اقولك .. انا اتجمع انا وانتي يا wanda ونهجم عليها في مجموعة (ب)

عموما كدا كدا الجدول احتمال كبير ينزل بعد اسبوع

اول ماينزل هابقي انزلهولكوا هنا .. ونبقي نتفق انا وانتي نهجم عليها فين ...

u4me

28-08-2008, 05:27 AM

اخس عليك يا فامباير

تهجموا عليا ده انا بقولك دفعه وحدة

وعلى فكرة انا هبقى (د) ان شاء الله

انا مش اسمى علا

انا بحرف النون

وحكاية المشوار الساعه ده

ساعات بيريحنى

اصل انا من هواه اللى بيعدوا ع الارض

يعنى تدخل المترو تلاقينى فارشة ف الارض

وحلو ف الامتحانات اعد اراجع براحتى

وانا ع الارض بتبقى اعده مريحه والله

ده غير ان فى ميزة تانية

بقعد اتصاحب ع الناس ف المترو

اهو الواحد بيتسلى ويتعرف على ناس تانية

vampire1188

29-08-2008, 01:46 AM

هههههههههه .. ضحكتيني والله يا علا ياللي ماسمكيش علا !!

بسايه تفرشي على الارض دي .. بقي عايزة تقنعيني انك انتي بتقعدي على الارض في المترو ؟!

دا ايه دا يعني .. والله انا عمري ماعملها لو بموت حتى ..

اما عن انك تراجعي في المترو فدي عندك حق فيها .. فيه ناس كتيره والله قالتلي احنا ماكناش بنراجع الا في المترو

ناس فاضية بصحيح !!

خليكي انتي بس كدا اقعدي اتصاحبي وخلاص .. مش قولتلك ناس فاضية ؟!

اما بالنسبة لإني اهجم .. فانسي .. اي نعم اه انتي دفعتي بس انا مجموعة وانتي مجموعة .. والمجموعات لا تتناسق معا بعضها البعض يا ماي فير ليدزي على رأي محمد سعد !!

وبعدين انا و wanda مجموعة واحده .. ائا ائا ! :p .. يالا يا بتاعة مجموعة (د) .. وعلى فكرة

انا ليا صحاب فيها .. وبيقولولي انها مجموعة خنيقة .. وبيحسدوا بتوع مجموعة (ز) كمان !!

اتغاظي اتغاظي .. :p

طمطومة

29-08-2008, 02:11 AM

السلام عليكم ورحمة الله وبركاته
انا ياجماعة سنة تانية انتظام
بس كنت فى اولى انتساب والله كنت كارهة نفسى كنت حاسة انى هاكمل انتساب وباقول مع نفسى يعنى كلية تجارة وكمان انتساب
بس فجاة لاقيت ان معظم صحابى اللى فى كليات تانية عازين يجوا تجارة فصراحة ارتحت شوية
بس هى مش وحشة بس برضه عايزة شوية مذاكرة
وانا ماعرفش كل حاجة عن الكلية لانى يعتبر ماصاحبتش حد كل واحدة تيجى تقعد جنبى ازيك واسمك وساكنة فين والموضوع بينتهى بانتهاء اليوم ولو شوفتها بعد كدة والله باكون ناسية اسمها
بس نفسى السنة ادى اتعرف على بنوتات قمرات كدة يسلونى ويسلوا وحدتى خصوصا ان نظام المجموعات فرقنى عن صاحبتى ربنا يسامحهم
واسفة على الرغى

u4me

29-08-2008, 03:21 AM

يا عم اجرى بقى

والله العظيم بقعد ع الارض ف المترو

ومستغربش انى بعد على طول ع الارصفه ف الجامعه

ده انا مشهورة بالحكاية دى اوى

و ف المترو مش انا لوحدى اللى بقعد ع الارض

فى ناس كتير بيلاقونى قاعدة بيعدوا جنبى

ونضرب صحوبيه بتبقى مريحه والله

وساعات بلاقى ناس معايا ف تجارة كمان

عادى يعنى

بس حصلى موقف رخم مش قادره انساه

انا مرة كنت مروحه المغرب كدا وقاعدة ف الارض

عربيه السيدات وناسية ان هى هتقلب رجاله بعد شوية

قلت اغمض عنيا شويه عشان كنت على اخرى وتعبانة

وعلى ما وصلت عين شمس انت عارف بقى

17 محطة بعيد عنك

قمت من ع الارض لقيت كل العربيه مليانه رجاله

كان حته موقف

بس عادى اهو عدى وخلاص

وحكايه ان انت و واندا (ز)

انا (د) يعنى احسن ناس مش دفعه خنيقة زى ما بتقول

وكنت (ج) سابقا

ده انت لو جربت تحضر عندنا محاضرة

هتشوف اللى عمرك ما شفته

ومين صحابك دول اللى معايا

قول اساميهم كدا يمكن اكون عارفاهم

vampire1188

29-08-2008, 03:56 AM

فيه ياستي اعرف ناس من عندكوا

هالة .. و نورهان .. وهدي .. ونجوى .. و3 محمدات .. و2 وليد ..

وناس تانية كدا مش فاكر اساميهم ..

لا متخافيش .. احنا ناس لينا علاقات جامدة داخل وخارج الجامعة .. ماتستقليش بينا يعني

واهو جالك واحده اهو شكلها كدا معانا في تجارة القاهرة .. بس الله اعلم هيا في مجموعة ايه بقي

ماعلينا .. خليكي انتي في مغامراتك بتاعة المترو الفاشلة دي ..

وبرده هاتفضل مجموعة خنيقة .. ومافيش احسن من مجموعة (ز) ..

ولغاية دلوقتي ماعرفش فين wanda بقيلها فترة مابشوفهاش يعني

كانت تيجي تساندني ضدك .. بس يالا .. قدري ومكتوبي اني اقعد اناقر في الناس

بعدين كفاية ان دكاتركوا السنة اللي فاتت خنقه .. انا شوفت كتاب القانون بتاعكوا كان خنيق كدا

وبعدين بذمتك فيه حد ينزل تطبيقات للقانون ؟!! .. دا ايه هوا دا ؟!

مجموعة غريبة بصحيح ..

u4me

29-08-2008, 04:43 AM

ايه رأيك بقى ان انا مشترتش ولا كتاب لأى مادة

ولا حتى تطبيقات

وانا اعرف محمدات كتير على فكرة

واعرف ناس بالاسامى اللى انت قلتها

ما عدا نجوى ووليد

يعنى ممكن يطلعوا صحابك

يلا مش بعيد اكون عرفاك انت كمان

وخليك كدا لوحدك ولا مش هتعرف تتكلم من غير ما حد يساعدك

يا بتاع (ز) حتى الحرف ده رخم اوى

ايه ده ياى

حد يدخل مجموعه اسمها (ز) الايام دى؟؟!!!!!

mo7amedshiko

29-08-2008, 05:27 AM

على فكرة انا معرفش حد خالص وانا مرعووووووووووووب
مفيش حد اعرفة دخل معايا
ابداااااااااااا

wanda

29-08-2008, 06:14 PM

اغص عليكى يا علا كده مجموعة ز خنيقه واسمها وحش
ههههههه احسن ما اكون واو متعرفيش مدى كرهى للمجموعه دى
يلا وانا فامبير مجموعه ز ئائا وحلوة حكايه الرصيف ديه وانا كمان بقعد على الرصيف
بس اعتقد الجامعه مبقاش فيه رصيف فيه حتة كده مش عارفه انتوا بتسموها ايه
خويا قالى ديه بتاعت حبييبيه الجامعه متجيش هنا قولتله طيب
بس غير كده مقعدتش على رصيف خالص جوة الجامعه ولما كونت فى ثانوى فى المدرسه وبس
احلى مغامرات على السلم يا كانت ايام حلوة...
وانا وفامبير مجموعة (ز) ئائا هههههههههه هى فعلا المجموعه روشه يا فامبير
انا كنت غايبه علشان حاجة كده مش لازم تتعرف يعنى وادينى رجعت

ahmed610

29-08-2008, 06:34 PM

حمد اللة على السلامة يل wanda بقالى كتير مبشوفش ردودك

vampire1188

29-08-2008, 07:13 PM

كويس انك رجعتي .. حمدلله ع السلامة ..

اولا كل سنة وانتي طيبة :)

ثانيا .. مناطق الحبيبة كتير في الجامعة .. عندك المدخل الرئاسي بتاع القبة .. عندك ممر العيوطي .. عندك ممر حورس عند حقوق .. عندك دقة في علوم .. عندك Love Street الموازي لدقة عند علوم برده .. عندك ناحية مباني الامتحانات من ورا .. عندك السلم بتاع معهد الليزر .. عندك قدام اثار .. عندك مجمع الذنوب العالمي (ملحق اداب) .. ويسألونك عن اداب فقل انها مقر الفسق !!

تقريبا .. الجامعة كلها منيلة وربنا .. بس اللي الواحد يرتكب فيه ذنوب صح فعلا .. الشبابيك اللي قدام مدرج العيوطي .. لإنك بتلقطي اللي رايح واللي جاي في الجامعة كلها ..

يالا عشان ماتقوليش فامبير حارمك من حاجة .. معرفك كل حاجة عن الجامعة اهو .. بحلوها وبمرها .. وبالحاجات الكويسة اوي اللي فيها ;) !!

wanda

29-08-2008, 08:57 PM

ميرسى يا فامبير بس ايهه كل دده انا بقول فى تجار وبس ههههههههه
وايه اللى ييودينى اداب انا اساسا كلهم بيقولولى اداب احسن من تجارة
وانا اثول تجارة احسن وداخلها بمزاجى يعنى تيك ات ايزى
وهشوف الحلو والوحش هههههههه وربنا يستر بقى

وكل سنه وانتم جميعا طيبين رمضان كريم

General

29-08-2008, 09:08 PM

مش عاوز حد يغمى عليه ولا حاجه

طبعاً واحد خفيف هيقول ليه

اقوله عشان انا معاكم فى تجارة

شوفتوا اهوه واحد مات اهوه :d

wanda

29-08-2008, 09:20 PM

تجارة القاهرة يا جينرال؟؟؟

General

29-08-2008, 09:23 PM

تجارة القاهرة يا جينرال؟؟؟

أيوه بس اوعى يحصلك حاجه انتى كمان كفاية الى مات :d

General

29-08-2008, 09:25 PM

ممكن تعرفونى على نفسكم عشان بصراحة مكسل أقرأ الموضوع من الأول
:d

حد يلخصلى الموضوع من الأخر ههههه :d

wanda

29-08-2008, 09:39 PM

طبعا مينفعش اقول اسمى الحقيقى ده اكيد بس قولى نور مجموعه(ز)

فامبير وعلا فى تانيه علا انتظام وفامبير انتساب

ريناد فى اولى انتساب مجموعه (هـ)

رويال مش معانا فى القاهرة

احمد معرفش ظروفه

جينرال معرفش عنه حاجة غير انه معانا عرفنا بنفسك

معرفش حد تانى

General

29-08-2008, 09:45 PM

wanda

29-08-2008, 09:51 PM

ازاى يعنى دول اللى فى الموضوع وشويه فى اولى وشويه فى تانيه
ز - و- ه - ......... الخ

دول مجموعات التجارة

ام هند

فهمت حاجة

General

29-08-2008, 10:17 PM

ازاى يعنى دول اللى فى الموضوع وشويه فى اولى وشويه فى تانيه
ز - و- ه - ......... الخ

دول مجموعات التجارة

ام هند

فهمت حاجة

يعنى شوية :d
بس سؤال مين ام هند ؟؟؟؟؟؟؟؟

vampire1188

29-08-2008, 10:42 PM

مين ام هند دي صحيح ؟!!

wanda

29-08-2008, 10:46 PM

بقولها لما بكون عايزة اخلص الكلام اللى بتكلم فيه

وادخل فى حاجة تانى

ام هند فهمة يا فامبير ايه النظام اعطيله نبذة

General

29-08-2008, 11:00 PM

كلية التجارة جامعة القاهرة ™ © Faculty Of Commerce Cairo University © ™ (http://www.thanwya.com/vb/group.php?groupid=12)

حاجة كده عشان الحبايب :d

wanda

29-08-2008, 11:08 PM

ايه اللى انت كاتبه ده
فامبير بكرة يفهمك

سلام بقى

vampire1188

29-08-2008, 11:08 PM

وربنا مانا فاهم منك حاجة !!

ماعلينا

بص ياعم الحاج من الاخر كدا ..

فيه واحد ماعرفوش كان قاعد فاضي قام قالك اعمل موضوع زي دا

وراح وماعرفناش راح فين .. المهم بدأنا كلنا نتلم فيه واحده واحده لغاية ماكونا مجموعة

كل اللي في المجموعة دول شوية ناس كدا معدودين على الصوابع وبيزيدوا واحده واحده

انا vampire1188 تانية انتساب مجموعة (ز)

3ola تانية انتظام مجموعة (د)

Wanda اولي انتساب مجموعة (ز)

Rinad اولي انتساب مجموعة (هـ)

وكان فيه ايام زمان nada تانية انتساب مجموعة (ز) بس مش عارف راحت فين ..

دي ياسيدي المجموعة اللي هنا .. كل يوم بيزيدوا واحد واحد .. ابقي تابع بقي عشان تعرف

طبعا انتا مش عارف اي حاجة في اي حاجة في تجارة

بالمختصر المفيد .. النظام في تجارة كالاتي ..

الكلية كبيرة .. فطبعا مش هايحطوا الناس كلها معا بعض .. والا هاتبقي زيطة ..

عشان كدا متقسمة مجموعات ..

فيه تقسيم قديم وتقسيم جديد لسه هايطبق السنه دي

سيبك من القديم وخليك في الجديد ..

النظام الجديد يتلخص في ان انتظام ليها 4 مجموعات .. وانتساب ليها 3 مجموعات

انتظام تضم >>>

مجموعة (أ) .. تضم جميع البشر اللي اساميهم بتبدأ بحرف الالف
مجموعة (ب) .. تضم جميع البني ادمين اللي حروفهم الاولي مابين حرف الباء لغاية حرف الظاء
مجموعة (جـ) .. من حرف ع الى محمد محمد
مجموعة (د) .. من محمود الى ى

اما انتساب بقي بتضم >>>

مجموعة (هـ) .. من أ الى ر
مجموعة (و) .. من ز الى محمد ل
مجموعة (ز) .. من محمد م الى ى

دا الملخص العام .. يارب تكون فهمت ..

وياريت ماتكسلش واقرا الموضوع من الاول .. هاتسفيد برده ..

General

30-08-2008, 02:29 PM

nada1990

30-08-2008, 03:26 PM

انا موجودة يا فامباير

بس تقدر تقول ان انا وعلا واحد

احنا انتيم اصلا وكل شويه بخش واقرا

وساعات برد بدل علا عادى يعنى

وانت مش بتاخد بالك

wanda

30-08-2008, 06:17 PM

ههههههههههههه

محدش واخد باله اصلا وحمد الله على سلامتك

ام هند :p
كويس انك فهمت يا جينرال

vampire1188

30-08-2008, 06:36 PM

ايه دا ؟!!

خدعة ؟ .. احنا بنتخدع يا بشر !!

على كدا بقي الواحد مايأمنلوكوش .. لانتي ولا علا اللي هيا طلع ماسمهاش علا اصلا !

ومش بعيد تكوني يا wanda تبعهم .. واكيد طبعا معاكي ريناد ..

خونة .. كلكم خوووووووووونة .. :mad: :mad:

كلكوا مظبطين معا بعض وسايبني وحيد ..

وااااااااااااااااااء :( ..

ومعا ذلك .. انا برده هافضل زي مانا ..

هه بس .. :rolleyes:

وبيني وبينكوا التقديرات بقي !!

واما نشوف .. ;)

nada1990

30-08-2008, 06:39 PM

الله يسلمك يا قمر

بس انا متابعه مع علا

مش مختفيه ولا حاجة

ع العموم ميرسى ليكى يا قمر

وبالنسبة ليك يا فامباير

يا عم ده البنات دى ملاك مش بيعرفوا يخونوا

واطمن احنا مش مع واندا

ومش عاملين حزب عليك اطمن يعنى

وانا اسمى ندى بجد والله

بس علا عندها سبب معين مينفعش تقول اسمها

ف المنتدى ده بالذات

والله انا شاكة فيك انك جايب جيد اصلا

مش باين عليك

vampire1188

30-08-2008, 07:09 PM

ملايكة ؟!!

انتي هاتقوليلي ؟ .. دانتوا مظبطين الجامعة ومروقينها ..

دانتوا من كتر مانتوا ملايكة .. ناقصين تطيروا !!

وبعدين شاكه اني جايب جيد ليه ؟ .. فيه دبوس ولا حاجة ؟!

عادي نصيبي اني اجيب جيد .. اعمل ايه بقي ؟؟؟

مسيري ان شاء الله وبعون الله ويأذنه .. هاتتلاقيني جايب جيد جدا السنة الجايه

وهاتتلاقوني ناططلكوا في مجموعتكوا الخنيقة دي .. دا لإني هاحول طبعا

ومش بعيد اخش مجموعة المتفوقين .. واسيبكوا كدا معذبين في الارض !!

معلش بقي سامحيني .. اصلي مغلول ومعلول وعلى اخري

فامش لاقي حد اطلع فيه غلي غيركوا !

استحملوني بقي .. وبعدين داحنا ولاد دفعة واحده .. على رأي انتيختك !!

ولا مش بعيد تكوني انتي اللي قولتيها .. مانا مابقتش عارف رجلي من قفايا ..

وزي ما المثل بيقول .. رجلين النملة مش قد بعضهم ..

ولا ايه ؟!!!!!

wanda

30-08-2008, 07:42 PM

لاء انا وريناد اتعرفنا على بعض هنا وخلاص بقينا اصحاب
وظبتنا مع بعضينا ومش خونه زى مانت فاكر ولا حاجة
وبعدين دا انا فى مجموعتك اقف ضدك يعنى
ده ينفع فهمت بقى
خلاويص :p

ماهينور 2

30-08-2008, 08:01 PM

لا يااستاذ فامبير انا وواندا اتصاحبنا من المنتدي هنا وبقينا خلاص اصحاب
وياعيني انت اللي وحيد نعملك ايه بقي
وبعدين انا معرفش علا وندي كلهم هنا في المنتدي اخواتي وبس
لاكن اللي انا اتعرفت عليها هنا من المنتدي هي واندا وبس

wanda

30-08-2008, 08:04 PM

ههههههههههههه قوليلوة والنبى يبطل حقد
وبيقول اننا عملين عصابه عليه هههههههه
يا عينى عليك وحيد بس عندك ناس كتير انت بس
اللى اكبر منهم نعمل ايه :d

vampire1188

30-08-2008, 08:09 PM

غيطوا فيا غيظوا ..

على فكرة .. انا اعرف ناس كتيره اوي في الجامعة .. سيبيكوا من شغل المنتديات دا !!

احنا ناس جامدة ولينا صيت في كل حتة برده ..

ومش هاتيجي عليكوا يعني ..

wanda

30-08-2008, 08:15 PM

مسيرنا نبقى كده
ماانت كونت تايهه اول سنه زيينا
تنكر ههههههههههه
انا تقريبا نص تجارة اعرفها بس ولا واحدة منهم معايا فى مجموعتى للاسف
بس اكيد يعنى ههنعمل جروبات بس مش من اولها ما انت عارف النظام
ومجرب السنه اللى فاتت
ههههههههه
هنغيظ فيك ازاى بس
لاء هنغيظ بردك ههههههههههههه
خلاويص :p

vampire1188

30-08-2008, 08:46 PM

لا لسه ..

روحي انتي بس كدا اداري على جنب

انا اي نعم اه كنت تايه .. بس المصاحبة بتنفع وبتفيد

سواء بنات او ولاد .. اهو كله شغال

على الاقل بتعمليلك رباطية كدا ..

احلي حاجة في الكلية دي .. اجتماعية ناسها ..

u4me

30-08-2008, 11:54 PM

خلاص يا عم فامباير مبروك عليك الجيد

وعقبال الجيد جدا ان شاء الله

يلا هعمل باصلى وادعيلك دفعه وحدة بقى

هعمل ايه

ويا ريت تقولى موقف واحد يدل على ان البنات دول مش ملايكة

اكيد مش هتلاقى

LA STELLA

31-08-2008, 12:06 AM

الله الله
ندى وعلا بيدخلوا بعضويات بعض
طب انا عندى استفسار بقى
مين بقى العين شمساوية فيكم ؟
nada1990
ولا
3ola
???
عشان ندى هى اللى كانت كاتبة بعضوية علا انها بتركب من مترو عين شمس
:D:D:D

انا مش اسمى علا

انا بحرف النون
دلوقتى فهمت :d
نون >> ندى
-------
وبطلوا دلع بقى
اومال لو مكنتوش انتم الدفعة اللى سابقانا
يعنى القدوة
مشوارك ساعة بس!!!!!!!!
احمدى ربنا اووووووووووى
انا اقل مشوار من مشاويرى بياخد ساعة ونص
:D:D
ويقولوا علينا بنتدلع
دا انا طلعت بقاتل مش بكافح

-----
بسم الله ما شاء الله كليتكم عددها كبير
ربنا يوعدنا
،،

u4me

31-08-2008, 02:48 AM

wanda

31-08-2008, 04:36 PM

هههههههه ليه كده انا اه دخله انتساب
وبفكر احول لانتظام فى تانيه فهبقى فى مجموعتك
وحاليا فى مجموعة فامبير
هههههههه هقوله يبطل حقد علينا احنا الاتنين:d
خلاويص :p

LA STELLA

31-08-2008, 05:07 PM

لأ انا مش ندى يا ناصح

مش شرط النون يعنى ندى

انا مشتركه باسم علا

لأنهم بيندهولى بعلا دايما

انا قربت انسى اسمى اصلا

وعلى فكرة احنا ال 2 ف ع شمس

احنا انتيم بقالنا 7 سنين الحمد لله

واكتر م الاخوات و ف نفس الشارع

يعنى تقدر تقول توأم بس من اب وام مختلفين

لا بصى اصل المشاركة اللى كانت كاتبة بعضويتك انها بتفرش ع الارض فى المترو كانت ندى :d
فانا كنت عاوزة اعرف مين بقى اللى غاوية تتصاحب فى المترو وتراجع ع الارض
يااااااااه ع المترو دا
الله يرحم دى ايام
ده احنا هنعمل عليكوا رباطية لو مبطلتوش حقد علينا
حقد مين بس
صباح الفل :d
كمان 4 سنين ان شاء الله واقل انتم اللى هتحقدوا علينا :p
احنا كليتنا بحالها فى كام جامعة ع بعضهم عددهم منجيش بدفعة من عندكم
عشان كدة احنا مافيش حد متخرج من عندنا الا وشغال الحمدلله
-----------
وكمان بلاش دلع فى حكاية المشوار دا :d

دا احنا الجيل الصاعد
مش عارفة هنلاقى قدوة فين بقى !!

الله يرحم ايام القطر :cool:

nada1990

31-08-2008, 05:56 PM

على فكرة احنا ال 2 بنعد ع الارض

يعنى مقضينها متروهات وارصفه وكله

مش بقول احنا يعتبر واحد مش اتنين

ahmed610

31-08-2008, 06:13 PM

انت كلية اية يا hkk-happy

wanda

31-08-2008, 06:29 PM

هبة تقريبا تجارة معانا بس فين الله اعلم
انا كنت غاوية قعد على سلم المدير
فى الفسحة ايام المدرسة:p

،،

كنت غاويه انرفز فيها وهية خارجة وتلاقينى قعدة على السلم اللى قدام قوضتها
بحب اشوفها وهي متنرفزة غلاسه بقى:d

wanda

31-08-2008, 06:32 PM

اقولك على فزورة يا فامبير لو عرفت تحلها

هسيبك فى حالك معرفتش تبطل حقد علينا :p

ميت ومكفنينوة واتنين ماسكين فيه
و3 بيتفرجوا عليه؟:d

ايه الشئ ده :LOL:

vampire1188

31-08-2008, 06:41 PM

لا hkk-happy مش تجارة خاااااااااالص

وهيا اساسا لو تجارة .. ماكونتوش شوفتوا وشها !!

انا مش هاقول .. هيا تبقي تخش وتقول بقي براحتها عشان ممكن تكون هيا مش عايزة تقول ..

بس عموما هيا في عين شمس .. قصدي معتقل عين شمس كما يطلق عليه البعض !!

خليكوا انتوا عايشين في دور مغامرات السلالم والارصفه !

تصدقوا بالله .. انا ماشوفتش في حياتي احسن من رصيفين ..

رصيف مبني الـ Laibrary في الايه يو سي

ورصيف مبني الليزر اللي قدام مدرج العيوطي في جامعة القاهرة

بس صدر علميا .. ان القعدة على السلالم وحشه .. اصلها بتجيب رطوبة !!

vampire1188

31-08-2008, 06:47 PM

ههههههههههههههه .. قديمة

الاجابة هيا السيجارة يااااااااااا wanda هانم !!

وبعدين تعالي هنا .. احقد علي مين .. انتي ناسية انك اولي وانا تانية ؟!

يعني انتي اللي تحقدي عليا .. مش انا ..

وان كان على الصحاب عندي ماشاء الله .. الجامعة تشهد باسمي !!

يعني هيا مش تشهد اوي يعني ! ..

مممممم سيبك من موضوع اسمي خالص .. !!

وانتي عاملة ايه دلوقتي .. ؟؟!

LA STELLA

31-08-2008, 06:49 PM

لا hkk-happy مش تجارة خاااااااااالص

وهيا اساسا لو تجارة .. ماكونتوش شوفتوا وشها !!

انا مش هاقول .. هيا تبقي تخش وتقول بقي براحتها عشان ممكن تكون هيا مش عايزة تقول ..

بس عموما هيا في عين شمس .. قصدي معتقل عين شمس كما يطلق عليه البعض !!

صح كدة :d
وتجارة كمان مش فى الحرم الجامعى اللى انا فيه نهائى :d

على فكرة احنا ال 2 بنعد ع الارض

يعنى مقضينها متروهات وارصفه وكله

مش بقول احنا يعتبر واحد مش اتنين

اه وبتدخلوا بعضويات بعض وتردوا نيابة عن بعض :d
الواحد يخاف يصاحبكم ع فكرة
،.،.،.،.،

wanda

31-08-2008, 09:33 PM

شكلك بتدخن يا فامبير !! :d
لا انا مش بعقد غير على سلم المديرة بتاعتنا علشان بغلس عليها
وانا الجامعه هتحلف باسمى بس لما ادخلها
انا اساسا مدرستنا ال3 الف بنت داخلين منهم 1.5 الف هنا
شوف دول كام بقى من تجارة كلها وانا اعرفهم كلهم
و ان شاء الله هنجيب تقديرات احنا دفعه جامدة مش نوسه ولا زغلول :p
اكيد اسمك بالميم او النون او...... الخ

وانا بخمن يبقى اسمك ياسر او يوسف او نبيل او نصر او... الخ :d
بلاش ام هند علشان بتزعلكوا

ام حسن

هتقولى اسمك مش فى دول هقولك كنت حاسه بردك
وانت عامل ايه دلوقتى :p

vampire1188

01-09-2008, 12:45 AM

ههههههههههههههههههههههههههههه

تصدقي اول مرة اكتشف انك ظريفة !!

لا ييجي منك ..

وعلى العموم زي ماتوقعتي .. انا ماسميش اي اسم من دول نهائي

بس لو عايزة .. هاقولك على سر وماتقولويهوش لحد ..

خلي اسم فامبير دا ثيم مابيني ومابينك .. ها ؟ .. اوعي حد يسمع ..

وانتي ايه اخبار المطبخ معاكي ؟!

u4me

01-09-2008, 02:38 AM

مش عارفة ليه يا فامباير

حاسه انك محمد

vampire1188

01-09-2008, 02:51 AM

محمد ؟!

لا خاااااااااااااالص ..

عندك 3 اختيارات .. فامبير .. فاميبر .. فامبير

شوفي اللي يعجبك فيهم !!

طمطومة

01-09-2008, 02:59 AM

السلام عليكم ورحمة الله وبركاته
انتوا محسسنى انى مش فى الكلية والله انا ماعرفش حاجة غير شكل المدرجات وماكنتش اعرف العيوطى غير لما الترم التانى اخدت فيه محاضرات وكمان ماكنتش باروحها
واصلا ماتعرفتش على حد كنت فى مجموعة غريبة كدة بس الحمدلله حولت ودلوقتى انا فى مجموعة ج
مش لاقيه حد بيتكلم فى مجموعة ج ليه

vampire1188

01-09-2008, 03:03 AM

مجموعة جـ ؟ ..

دا باعتبار انك كنتي مجموعة هـ السنة اللي فاتت ؟!

اعتقد وسامحيني في القول يعني ..

مجموعة هـ السنة اللي فاتت كانت خنيقة اوىىىىىىىى ..

وانا حضرت معاكوا كام محاضرة كدا السنة اللي فاتت .. وكانت من اشلل مايمكن

خاصة في محاضرات الجزيري .. والعطار !!

على العموم .. مجموعة جـ انتظام الله اعلم فيها ايه بقي .. لإني ماعرفش فيها ناس

وانتي شكلك اساسا ماكنتيش اجتماعية معا الناس ..

ودا ماينفعش في كليتنا العزيزة دي .. خاصة انك في جامعة القاهرة ..

طمطومة

01-09-2008, 03:05 AM

السلام عليكم ورحمة الله وبركاته
ايه الرد السريع ده
على فكرة انا كنت باحب احضر محاضرات خيرى الجزيرى جدا والتانى لاتعليق
بس فعلا المجموعة مملة موت وانا ماحاولتش اتعرف على حد بس ادعى يكون المجموعة السنة ادى فيها ناس اقدر اتعرف عليهم وكمان اللى كنت اعرفهم راحوا مجم عات تانية ولما خلاص هاشد فى شعرى

vampire1188

01-09-2008, 03:15 AM

ما كله من عم عادل مبروك .. صاحب الاختراعات المبهجة في تطوير الكلية

هوا اساسا لسه واخد العمادة ماكملوش 3 شهور .. يدوبك استلمها من دكتور عادل زايد

وهوب .. اول ماحب يعمل تغيير .. قالك نعك شوية في المجموعات ..

واهو نبقي غيرنا شوية .. وعملنا تجديد ..

هوا زي ما سعد زغلول قالها قبل كدا .. مافيش فايدة !!

طمطومة

01-09-2008, 03:17 AM

السلام عليكم ورحمة الله وبركاته
طبعا ماينفعش تغيير المجموعات
يعنى مخنوقا مخنوقا ياولدى
يلا مش مهم بقى احاول اتعرف على ناس جديدة مع انى ماتعرفتش على قديم اصلا ههههههههه باوهم نفسى
اللى فيه الخير يقدمه ربنا بقى

vampire1188

01-09-2008, 03:23 AM

ماهو اساسا كدا كدا انتي كل سنة بتتعرفي على ناس جديدة ..

ويعني انا مثلا اهو .. مانا في نفس المجموعة .. السنة اللي فاتت والسنة دي

و الي حد ما هانفض للناس القديمة .. وهاعرف ناس جديدة

عادي يابنتي.. الكلية دي اهم حاجة فيها .. انك تهتمي بنفسك اولا .. بعد كدا غيرك

واظن انتي عارفه .. مش انا اللي هاعرفك يعني ..

طمطومة

01-09-2008, 03:30 AM

السلام عليكم ورحمة الله وبركاته
باقولك اصلا ماتعرفتش بس ماكنتش مشكلة يعنى عادى
ليا اصحابى فى كليات تانية وانا اصلا الترم التانى كنت منفضة جامد كنت قاعدة فى بيتنا ممكن انزل مرة فى الاسبوع يعنى مذاكرة بيتية
ولو لاقيت الحال كدا السنة ادى هاتبع نفس الاسلوب بس مش عارفة بقى نظام السكاشن

bondok fady

01-09-2008, 07:27 AM

ايه انتو مش وراكوا الا شغل المترو والمجموعات انتوا مش بتناقشوا فى مواضيع احسن من كده ليه علشان الواحد يقدر يشارك فيها معاكم فيها

bondok fady

01-09-2008, 07:32 AM

ايه انتو مش وراكوا الا شغل المترو والمجموعات انتوا مش بتناقشوا فى مواضيع احسن من كده ليه علشان الواحد يقدر يشارك فيها معاكم فيه
وبعدين سيبوا الباشا فامباير فى حاله علشان هو الوحده يعنى
بس هو رجال والرجال قليلون وانا معاك يا فامباير

vampire1188

01-09-2008, 10:36 PM

ربنا يخليك يا بندق ..

دا بس من زوقك ..

واخيرااااااا .. بقي ليا ضهر وناس في المنتدي !!

احمدك يارب ..

u4me

02-09-2008, 02:01 AM

يا عم اجرى بقى

يعنى انت يوم ما تلاقى واحد يطلع مش ف تجارة كمان

ده بنات المنتدى كلهم نجارة القاهرة

وبرده انت لوحدك

وايه كلمة الرجال قليلون

هو فى رجاله اصلا

LA STELLA

02-09-2008, 02:45 AM

عندى كام تحفظ واعتراض بعد اذنك يا علا ع ردك

ده بنات المنتدى كلهم نجارة القاهرة
لا مش كلهم ولا حاجة ،، وانا اهو :rolleyes:
فيه نقطة ناقصة ، انتى كدة شقلبتى الوظيفة خالص ، خليتيها من محاسبة وادارة اعمال لخشب
" عادى خطأ كتابى " - بهزر ع فكرة

هو فى رجاله اصلا
التحفظ عندى ع الكلمة دى
مافيش رجالة ، يبقى كمان مافيش بنات لا رقيقة ولا ملايكة
:)
غير يعنى انا ضد اى هجوم ضد البنات او الصبيان
ضد الحروب اللى من النوع دى ولو ع سبيل الهزار
لان انا اهو بنت مثلا
لو هنتقد الرجالة وههاجمهم هبقى بهاجم والدى واخويا وعمى وخالى كدة يعنى
وكذلك العكس بالنسبة للولاد اللى هيهاجموا البنات
يبقى هاجم مامته و اخته وخالته وعمته
غير ان الكلمة بتعبر عن استهزاء او سخرية واحنا فى شهر مفترج :)

يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "
-----
احنا اى نعم بنهزر وكل حاجة بس مننساش حدود الهزار لان ممكن الهزار غصب عننا وعن دون قصد يقلب بزعل

حبيت انبهكم للنقطة دى بس ،، لان الهزار زاد شويتين فى الموضوع :d

ياريت ترجعوا تانى تتكلموا عن تجارة القاهرة نفسها ، ككلية وكجامعة وكأسلوب دراسة و,و,و ،، عشان الطلبة الجدد ........ :)

بالتوفيق للجميع ان شاء الله

=======
تقبلوا مرورى وفائق احترامى

u4me

02-09-2008, 05:18 PM

معلش اصلى بكتب والنور مطفى

ومش ببص ع الكيبورد اصلا

وعلى فكر ة انا بهزر عادى يعنى

وخلينا ف موضوعنا

انتى ف سنة كام ومجموعه ايه؟؟؟؟؟؟؟

wanda

02-09-2008, 08:27 PM

هههههههههههههه

مبروك انضمام بندق لحزب المعارضه
والاحباط يا ترى بردك يا بندق
بتحب الكليه دية اد ما فامبير بيحبها
ولا عكسه .....
وتوقعك ان حد من المنتدى ده يجيب تقدير
كام فى الميه:d
ولا كلهم هيجيبوا مقبول:p

فى انتظار اجابه حزب المعارضه :d

LA STELLA

02-09-2008, 08:32 PM

وعلى فكر ة انا بهزر عادى يعنى
اوك ، نهزر اوكى
بس لكل شىء حدود ، مش بردو بيتقال ان لما الشىء بيزيد عن حده بيتقلب لضده ؟ :)
ممكن بردو واحنا بنهزر غصب عننا نضايق حد بكلامنا فلازم ناخد بالنا من النقطة دى
;)

انتى ف سنة كام ومجموعه ايه؟؟؟؟؟؟؟ اولا : انا مش فى تجارة اصلا :D
ثانيا : انا مش جامعة القاهرة كمان :D
انا وبكل الفخر ،، معتقل عين شمس كما يقول البعض
اصعب طبعا :lol: بس احسن فى الاقسام والعملى وحاجات كتير عن القاهرة :P - بتكلم بالنسبة لكليتى :)
هو مش باين عليا ولا ايه ؟ :D
،،،،،

mo7amedshiko

03-09-2008, 10:31 AM

احنا هننزل الجامعه اول يوم يوم 20/9 يعنى ولا اية وعاوزين نتفق ونتقابل اول يوم

vampire1188

03-09-2008, 10:49 PM

ربنا يخليك لتاني مرة يا بندق بجد .. وميرسي اوي على زوقك الجامد دا ..

اما بالنسبة لكلام علا انا مش هاتطرقله لإنه hkk-happy .. ردت ..

وسواء كدا او كدا .. هيا بتهزر .. وسواء كدا او كدا برده .. hkk-happy ردت ..

حبيت بس اعدي واسلم عشان بقيلي يومين مابطلش على الموضوع ..

وبالنسبة لليوم الاول في الدراسة .. ان شاء الله هاتتلاقونوا لجألكوا عند العيوطي من الساعة 9 الصبح ..

اللي عايزني هايلاقيني هناك .. مجرد بس تدي ضهرك للعيوطي وتبص على الشبابيك ..

هاتتلاقي شوية ناس كدا قاعدة .. ميه في الميه هاتتلاقيني ضمنهم .. عشان دا يعتبر المقر الرسمي بتاعي !!

see you there

wanda

04-09-2008, 12:08 AM

ههههههههههههههه

ملقتيش غير العيوطى

انا هتلاقونى لجأة فى الكافتيرا اللى قدامة

وكمان عند العمدة

وشويه عند مدرج (ز) :p

vampire1188

04-09-2008, 12:21 AM

كافيتيريا ايه ؟ ..

هوا مافيش غير العمدة بس اللي هناك ..

وبعدين مدرج (ز) ايه اللي هاتلجأيله دا .. انا اول مرة اسمع عنه اصلا !!

هيا الجامعة اتقلبت ولا ايه ؟!!

وبعدين ماله العيوطي .. مدرج جامد اوي ..

هههههههههه بتفكريني بموقف حصل قبل كدا في محاضرة من المحاضرات ..

كنا في مدرج جـ .. فواحده بتقول دكتور انا بحب العيوطي اوي وعايشة في الدور وهيا بتقولها

قالها وانا كمااااااااان !!

wanda

04-09-2008, 12:36 AM

ههههههههههههههه

انا قصدى المدرج اللى هكون فيه

وهروح عند العمدة

وبعدين انا ديما بشرب من عندها شويبس
قدام على طول الباب بتاع المدرج :d

بزود كلام بقى

vampire1188

04-09-2008, 01:00 AM

ههههههههههههههههههه

لا على فكرة انا كنت بحب شرب البيبسي اللي في كوبايات دا ..

وياسلام على ساندوتش الفرينش فرايز .. اللي هوا عامة الجامعة بتقول عليه بطاطس فرانساوي !!

هوا الساندوتش دا ب 2.25 معا كوباية الكوكاكولا الوسط ب 2.25 برده .. وتبقي احلي عيشه ..

ساندوتش الشاورما الوسط كان ب 3.75 بس كان بيبقي مليان ماشاء الله ..

والتشيز برجر زبالة اوي عندهم ..

من الاخر .. العمدة بتاع الناس اللي حالهم على قدهم .. اما الجلاب بتاع الناس اللي هما متروشين ..

يعني الكاشات عندهم ساييبه !! ..

فيه عندك مطعم صبري قدام باب تجارة .. هاتعدي عليه كتييييييير وانتي رايحة المكتبة

ابقي كلي منه .. اوفر من العمدة شوية ..

لو تحبي اجيبلك المنيو بتاعتهم اجيبهالك !!

u4me

04-09-2008, 01:17 AM

على فكرة يا فامباير

انا على طول بقعد ع الشبابيك اللى هناك دى

بتبقى مريحه اوى بس عاليه

بتشلنى على ما بطلعلها

vampire1188

04-09-2008, 01:23 AM

اهلااااااااااااااا !!

يبقي اكيد شوفتك وشوفتيني قبل كدا ميه في الميه ..

لإن انا ساكن هناك ..

u4me

04-09-2008, 01:32 AM

مش قلتلك تلاقينى هطلع ف الاخر عرفاك انت وصحابك

بس الاكيد انى عارفة شكلكوا

vampire1188

04-09-2008, 01:45 AM

هههههههههههههههههههههههه

انا بدأت اشك فيكي يا علا وربنا !!

قلبي كدا مش مطمني .. حاسس اني اعرفك ..

او على الاقل شوفتك ..

u4me

04-09-2008, 02:41 AM

ما انا عارفه انك هتقول كدا

يا ابنى انا منتشرة ف كل شباك شوية

وساعات بكون اعدة ف شباك

والاقى ناس قاعده ف الشباك الى جنبى مثلا

واستنى انهم يقوموا يعملوا اى حاجة

واقوم قاعده مكانهم وابقى عارفه انهم هيرجعوا تانى

واخليهم يتشلوا منى

انا وصحابى

مش عارفه ليه عندى مزاج انى اشل الى اشوفه قدامى حتى لو معرفهوش

وفى ناس تحب تردهالى

اول ما يشوفونى قمت اعمل اى حاجة

او اسلم على حد مثلا يجوا يعدوا مكانى

شكلك كدا م الناس دي

vampire1188

04-09-2008, 03:26 AM

انا ؟ .. يعني نوعا ما ..

انا كنت اما احب اشل ناس معينة او ناس ماعندهاش دم ..

استني اول مايقوموا على طول .. واقوم ناطط مكانهم ..

والجدع بقي يبقي يقومني !!

وبيني وبينك .. احلي قعدة قعدة الشبابيك دي ..

تلقطي اللي رايح واللي جاي وميه ميه يعني

انتي بتقعدي عند انهي شباك صحيح ؟ ..

انا عن نفسي بقعد عند اللي قدام التليفزيون .. اصل بحب اتثقف !!

u4me

04-09-2008, 03:33 AM

وانا والله ساعات بقعد عنده

واد يا فامباير

هو انت ساعات بتتنح مع اللى بيعدوا مكانك ولا بتعدى

اصلك لو بتتنح معاهم

يبقى كلمتنى قبل كدا

ومش بعد عند شباك معين

يعنى ساعات اللى قدام التليفزيون

وساعات ف الشبابيك اللى ف الاخر دى

وتلاقينى عايشه الدور اوى

وماسكة الملازم

وبشرح لواحد جنبى

ويعد يبوس ايدى انى ارحمه واسيبه

وانا ابدا لازم افهمه

vampire1188

04-09-2008, 03:43 AM

هههههههههههههه .. مش عارف .. ممكن اكون شوفتك وممكن لأ

بس انا ساعات بشوف ناس وتحديدا بنات .. بيبقوا ماسكين ملازم فعلا ومقضينها شرح

بس مش فاكر اشكالهم اوي ..

عن نفسي لأ .. انا مابتنحش خالص معا اللي بيقعد مكاني ..

لإن ابسط كلمة هايقولها .. الشباك دا انتا مش اشتريته ..

دا غير انه اساسا ممنوع نقعد عند الشبابيك دي ..

مش عارف ليه ..

ههههههه مرة واحد اعرفه في حقوق .. مسك الراجل اللي بيقوم دا ولبسه تهمة وهوا واقف !!

قال ايه .. عشان بيقومنا !! ههههههههههههه

بس ايام حلوة والله ..

صحيح هوا الجدول هاينزل امتي ؟ .. تقريبا بعد اسبوع ..

نبقي نشوف كدا ..

u4me

04-09-2008, 03:54 AM

السنة اللى فاتت نزل ف اول يوم دراسه يعنى مش دلوقتى خالص

وعلى فكرة انا مرة تنحت مع اللى بيقومنى ده

بس هو مكانش قصده يقومنى

مش فاكرة انا تقريبا

كنت فاتحه الشباك وببص اشوف فى ايه جوا

وسبته مفتوح

ولقيت واحد بيخبطلى ع الشباك من جوا

ويقولى اقفليه

وممنوع القعاد هنا اصلا

رحت متنحه معاه وقلتله انت مين يعنى عشان تقولى ممنوع ولا لأ

وعادى فيها ايه يعنى لو فتحته هو حرام افتحه

ولا كان فى حد ساكن هنا يعنى وببص عليه

وقعد يزعقله شويتين

رحت اتخنقت منه وسبتله المكان كله وقمت اعدت على شباك تانى

راح بصلى حته بصه

بس نرفزته ساعتها

vampire1188

04-09-2008, 04:03 AM

هههههههههههههههه .. انتي بتفكريني بقصة الشباك دي !!

دانا كان حصلي حتة دين موقف قبل كدا

كنت في مرة المفروض فيه محاضرة .. اتخنقت منها .. خدت واحد صاحبي ونزلت ..

المهم روحنا قعدنا عند الشبابيك ..

قعدنا نتكلم .. ومش عارف ايه اللي جاب سيرة حسنى مبارك ..

المهم جيت بتكلم عنه .. قام صاحبي دا قالي اسكت ؟..

احسن تتلاقي واحد طالعلنا من ورا الشباك يمسكك يعلقك !!

وربنا المعبود .. ماكملش الكلمة .. واتلاقيت الشباك دا بيتهز ..

قومت انا وهوا ناطين من على الشباك نطة .. يا نهار ابيضضضض !!

بس كان موقف جامد جداااااااا .. وقعدنا نضحك بعديها ضحك لغاية ماعنينا دمعت ..

u4me

04-09-2008, 04:13 AM

هههههههههههههههههههههه

كانت ايام والله

تصدق وتآمن بااله

مش هتصدقنى لو قلتلك

انى انا شيلت نفسى مادة عند مع اهلى

عشان كانوا عايزين يحولونى ع شمس

وانا مصممه ع القاهرة

عشان جامدة يعنى

واحسن مليون مرة من ع شمس

المهم قالولى انهم هينقلونى ومفيش مفر يعنى

قلتلهم طيب

وهما مجاش ف دماغهم خالص

انى ممكن اجيب مقبول او حتى اشيل مادة

رحت شيلت نفسى ماده عشان افضل ف الجامعه دى

ويا ريت متتريقش عليا

عشان صحابى قايمين بالواجب اوى معايا يعنى

المهم ان اهلى متوقعين انى اجيب جيد

بس يوم النتيجه

تنحوا

ومردتش اقولهم الا بعد ما فات اسبوع عليها

عشان اعرف اقولهالهم ازاى

ومش انا كمان اللى قلتهالهم

انا قلت لأختى احتمال النتيجه تطلع بكرة

مع انها طلعت من اسبوع

ودخلت نمت

تانى يوم

لقيتها بتصحينى

وبتقولى النتيجه ظهرت

وانا عرفاها وبستهبل

قلتلها نجحت؟؟؟؟؟؟؟

قالتلى لأ

انا قلت انا جبتها لنفسى غلط

عشان اللى فهمته ان هى قصدها انى سقطت

وقمت مفزوعه م النوم

واقولها يغرب بيتك

افتكرت انى سقطت

بس الحمد لله مش انا اللى وصلت لأهلى الخبر

انى شايله مادة

vampire1188

04-09-2008, 04:17 AM

ههههههههههههههههه ..

عادي عادي في كليتنا العزيزة دي .. شيل المواد امر سهل ..

انتي ممكن تكوني مذاكرة كويس جداااا

وربنا يرزقك بدكتور ابن ستين في سبعين .. يقوم مشيلهالك ..

عادي يعني .. شئ مش جديد على تجارة ..

وبمناسبة الجدول ..

الجدول السنة اللي فاتت كان نازل قبلها باسبوعين تقريبا ..

واول ماينزل ان شاء الله هابقي اجيبهولكوا هنا ..

خدمة مني ياستي !!

u4me

04-09-2008, 04:19 AM

اوك يا باشا ربنا يكتر من خدماتك

يا فامباير يللى شكلنا هنطلع صحاب ف الاخر

vampire1188

04-09-2008, 04:24 AM

اه والله عندك حق .. قلبي بيقولي اني شوفتك ..

ومش مرة واحده .. دا كذا مرة كمان ..

على العموم الايام جايه كتييييييييير ..

انتي بس اقفي كدا قدام التليفزيون .. واندهي بعلو صوتك ..

يا جماعة اللي اسمه فامبير هنا يرد !!

ههههههههه اعملي زي احمد حلمي في ظرف طارق ..

يا جماعة اللي عامله موبايلها سايلنت لو ممكن تفتحه !!

u4me

04-09-2008, 04:30 AM

لا انا هعمل حاجة تانية خالص

انا هقولك هلبس كذا وانت تقولى هلبس كذا

وانا البس حاجة تانية غير اللى قلتلك عليها

عشان لو عرفاك انت متعرفش انى انا اللى بكلمك ع النت

ولو مش عرفاك

عادى

فى طرق كتيرة اكلمك بيها او انت تكلمنى بيها

وانت مش عارف انى انا اصلا اللى بكلمك ع النت

u4me

04-09-2008, 04:32 AM

ولا اقولك انت ممكن تعمل حاجة تانية

يا جماعه اللى اسمها علا

بس ده مش اسمها الحقيقى يا ريت ترد عليا وتورينى نفسها

عشان اشوفها واعرف اذا كنت عارفها ولا لأ

vampire1188

04-09-2008, 04:35 AM

هههههههههههههههههه .. مجرب انا الحركات دي

وغالبا بتدوا مواعيد وبتطلع سكة !!

عادي عادي ..

سيبيها للصدف .. مسيرنا هانتقابل ..

وعارفه بسبب كلامنا دا دلوقتي .. اكاد اجزملك .. انك بعد كدا اما تيجي تقعد عند الشبابيك ..

هاتييجي تدققي في كل واحد يقعد عند كل شباك .. وتقولي ياتري دا فامبير ولا دا ولا دا ولا دا !!

هوا زي ماقولتلك .. غالبا انا بحب اقعد عند التليفزيون .. سواء اللي قدامه او الشباكين اللي جنبيه ..

بحس بحاجة كدا بتشدني ليهم .. بعد مابخرج من المحاضرة ..

بسمع هاتف كدا في وداني يقولي .. الشباك يناديك .. اكرر الشباك يناديك ! ..

وعلى طول بلبي النداء وبروح انط فيه .. بس طبعا فيه ايام مابلاقيش خرم ابره اقعد فيها

فبضطر اروح اقعد في دقة .. مقر السي اتش الرسمي ..

u4me

04-09-2008, 04:41 AM

هههههههههههههههه

مش سكة ولا حاجة

عشان تبقى فاهم

لو مدى ميعاد لبنت مثلا

وتقولها هلبس كذا

وهى تشوفك

ومتعجبهاش

تعمل نفسها مراحتش اصلا

منعا للاحراج يعنى

مش اكتر

وفعلا انا هعمل كدا

يا ترى فامباير

لألألأ مش هو

ولا ممكن يكون هو

مش بعيد

ايه ده بس احتمال انه يكون هو

واروح اقولك لو سمحت انت تجارة

سورى اصل المحاضرة فاتتنى

ممكن انقلها منك

حتى لو انت مكتبتهاش هتقولى

ممكن اشرحهالك لو عايزة

وانا اقولك مفيش مشكلة لو مش هيضايقك

وافتح اى حاجة بتاعتك

يمكن الاقى خيط يوصلنى ليك ولا حاجة

vampire1188

04-09-2008, 04:44 AM

ههههههههههههههههههههههههههههههههههههه

ضحكتيني وربنا !!

بس هل انتي عندك الشجاعة انك تعملي كدا ؟! .. انا اشك

انا لو عن نفسي .. انا اتكسف اعمل كدا اصلا !!

دانا استحالة اصلا اعملها ...

u4me

04-09-2008, 04:48 AM

يا ابنى انا بتريق

انا الحمد لله موصلتش للدرجة انى اعمل كدا

بس والله لو عايزة اعرفك هعرفك

انا دماغى الحمد لله نضيفه اوى

ومفيش حاجة تقف قدامى ولو حطيت حاجة ف دماغى هعملها

ان شالله حتى موركش وشى تانى

بس انا مش ناوية اعمل كدا اطمن

vampire1188

04-09-2008, 04:52 AM

تحدي يعني ؟!

عايزة تتحديني يعني في انك هاتعرفيني ولا لأ ..

طب انا قدامك اهو .. بيني وبينك المنتدي دا

ووريني بقي هاتعرفيني ازاي !!

u4me

04-09-2008, 04:59 AM

لو عايزنى اعرفك من ع المنتدى عادى خالص

هقولك يا سيدى

انت رجل والرجال قليلون

انت ف كليه تجارة

جامعه القاهرة

اجدع ناس طبعا

واسمك يبتدى بحرف م الحروف الاخرانية

وبتعد ع النت لحد الفجر وبعديه كمان

وبتعد ع الشبابيك

هاتلى واحد بالمواصفات دى ع المنتدى غيرك

vampire1188

04-09-2008, 05:09 AM

ههههههههههههههه ..

ظريفة والله .. مانا لو عايز اعرفك بنفس طريقة معرفتك بيا .. برده هاعرفك !!

واحده بتقعد للفجر .. اشك انها اتسحرت اصلا ..

مكسله تقوم تصلي الفجر ..

عدد مشاركاتها 130 مشاركة ..

ومديه الباسوورد بتاعتها لصاحبتها ندي ..

اللي هيا احتمال تكون هيا اللي بتكلمني دلوقتي .. الله اعلم !!

هاتيلي بقي واحده في المنتدي كله بالمواصفات دي غيرك ..

بس بالمناسبة اسمي بيبدأ بحرف الميم والحروف الاخرانية معلومة خاطئة ..

يجوز لها التصحيح بلا تصريح !!

u4me

04-09-2008, 05:17 AM

على فكرة انا مش بتسحر بس صليت الفجر والله

ومش عارفه ليه عندى يقين تام انك محمد

واطمن انا حاليا علا مش ندى

ندى مش بتعد كتير اصلا

لو تلاحظ ان هى بقالها مدة مفتحتش

عندها ظروف بقى

بس مسيرى هعرفك ف الحقيقة يا فامباير

vampire1188

04-09-2008, 05:26 AM

لا ياستي مش محمد

وربنا ما محمد !! ..

ومش هاقولك برده انا مين .. اتغاظي بقي ..

u4me

04-09-2008, 05:38 AM

يا عم يعنى انا اللى هموت واعرف اسمك ايه

يا عم اجرى بقى

خلاص يا سيدى مش هقولك يا محمد تانى

خلينا ف فامباير

ع الاقل فى محمدات كتير

لكن هو فامباير واحد

عشان لما انده عليك الاقيك بسرعه

vampire1188

04-09-2008, 05:49 AM

ههههههههههههه ..

وكويس برده انك اسمك علا ..

عشان انا عارف ان اسمك فيه منه كتير ..

فا اما انده عليكي ماتعبش !!

u4me

04-09-2008, 05:56 AM

انا اسمى مش منتشر اوى

هو ف اللجنه كانوا بظبط صفين

وانت عارف ان الصفين ف اللجنه دول حاجة بسيطة طبعا

يعنى لما تنده مش هتتعب

LA STELLA

04-09-2008, 06:19 AM

،،
صباح الخير يا جماعة
انا لقيتكم بتدردشوا شوية واخر روقان
قلت اما ادخل اصبح واسلم
واقول لكم ان الموضوع بيفكر يعزل قريب
:rolleyes:
بالتوفيق ان شاء الله
،،

u4me

04-09-2008, 06:27 AM

ايه ده هيعزل على فين بس

ما احنا كويسين

وانتى لسه فاكرة تدخلى دلوقتى يا بنتى

ده احنا هنام دلوقتى

LA STELLA

04-09-2008, 07:28 AM

ايه ده هيعزل على فين بس

يغير جو :rolleyes:

ما احنا كويسين

حد قال غير كدة !

وانتى لسه فاكرة تدخلى دلوقتى يا بنتى

هو انا داخلة كونفرنس ياهوو ؟ :d:lol:
،،
لا انا متابعة معاكم من بدرى :)

ده احنا هنام دلوقتى

تصبحوا على خير ان شاء الله

،،،،،

هو بس الموضوع وصل ل 9 صفحات :rolleyes: بس كم الافادة منه موصلش لل9 صفحات كاملين تماما
فالموضوع بيفكر كدة يعزل ، دا حتى الصيف قرب يخلص

========
دمتم فى خير

bondok fady

04-09-2008, 11:18 AM

ليه بس هتلغى الموضوع دا انا بستفيد منه كتير اوى اول حاجة هى رد فامباير على البنات وتهيسهم على المنتدى دى

وبعدين انا عرفت المدرجات وحكاية الشبابيك دى من فامباير وحاجات كتير ليه هتلغيهبقى وعلى فكره فى ناس كتير بتخش على الموضوع وبتقرا بس لانى كلامهم كله على حاجات هما لسة مش شفوها وانا اول واحد ...............

صباح الفل ياعم فامباير.............

وانتى كمان ياعلالالالالالا...........

bondok fady

04-09-2008, 11:20 AM

وسلالالالالالالالالام خاص الىhkk-happy

ahmedovich

04-09-2008, 12:53 PM

انا احمد

انتساب قاهره

عايز اعرف مواعيد المحاضرات بتبتدى الساعه كام وبتنتهى الساعه كام بالنسبه لانتساب

wanda

04-09-2008, 03:14 PM

ليه يا هبة كده
خليكى حلوة هيتلغى ليه يعنى
ما احنا بنستفيد وندردش ونسمع حكاوى قديمة
يعنى هتفيدنا احنا بتوع سنه اولى

وبخصوص المواعيد لسه الجدول منزلش اول مينزل هجيبوه هنا

يلا سلام

bondok fady

04-09-2008, 05:15 PM

اسمعى كلام wanda ياهبة وخليكى جدعة ومتلغيش الموضوع اهو بنحكى والسلام وعلشان كده المنتدى جميل واحنا حبناه اووووووووووى

vampire1188

05-09-2008, 12:05 AM

الله جري ايه يا جماعة .. ماتسيبوا المشرفة تشوف دورها ..

احم احم .. يعني مش تشوفه اوي ..

بس في نفس الوقت .. اهو بنغير جو بدل ماحنا مخنوقين كدا ..

وبعدين دا رمضان كريم يعني ..

ولتالت مرة .. بتحرجني يا بندق بكلامك دا والله ..

قايم معايا انتا بالواجب اوي !! .. يا مظبطني !

اما بالنسبالك يا wanda .. ماحدش هايجيب الجداول هنا غيري ..

واول ماهاتنزل بعون الله هاتتلاقوها عندكوا .. هيا غالبا بتبقي تنزل قبل الدراسة باسبوعين

يعني ممكن بالكتير .. على اخر الاسبوع الجاي .. تكون نازلة ..

انتظروا التطورات بقي >>>

wanda

05-09-2008, 03:22 AM

طب انتظروها منى بكرة
:p

وده اكيد
:D
هظبتها بالفوتوشوب الاول

vampire1188

05-09-2008, 04:12 AM

ولا فوتو شوب ولا بتاع ..

احنا بتوع السبق ..

الجداول اهي يا جماعة ..

جدول الفرقة الاولي ..

مجموعة (ز) اللي هيا مجموعتي يعني

السبت .. 3.30 : 5.00 ادارة د/هشام البحيري مدرج د
السبت .. 5.00 : 6.30 سلوكية د/ هشام سيد مدرج د
السبت 6.30 : 8.00 موارد د/ اشرف عبده مدرج د

الأحد .. 12.30 : 2.00 رياضة د/ناشد عبد السلام مدرج د
الأحد .. 2.00 : 3.30 موارد د/ اشرف عبده مدرج د

الاثنين والثلاثاء .. اجازة .. ابسطوا يالا !!

الاربعاء .. 8.00: 9.30 محاسبة .. د/ صبري العطار .. مدرج د
الاربعاء .. 9.30 :11.00 ادارة .. د/ هشام البحيري .. مدرج د
الاربعاء .. 11.00 : 12.30 .. سلوكية .. د/هشام سيد ..مدرج د

الخميس .. 11.00 : 12.30 .. رياضة .. د/ ناشد عبد السلام .. مدرج د
الخميس 12.30 : 2.00 محاسبة .. د/ صبري العطار .. مدرج د

مجموعة (و)

السبت .. 12.30 : 2.00 .. محاسبة .. د/ البشبيشي .. مدرج د
السبت 2.00: 3.30 .. موارد .. د/محمد محسوب .. مدرج د

الاحد .. 8.00 : 9.30 .. رياضة .. د/ على الديب .. مدرج د
الاحد .. 9.30 : 11.00 .. سلوكية .. د/محمد المحمدي .. مدرج د
الاحد .. 11.00 : 12.30 .. موارد .. د/عبد الغنى عبد العزيز .. مدرج د

الاثنين .. اجازة ..

الثلاثاء .. 8.00 : 9.30 .. سلوكية .. د/محمد المحمدي .. مدرج د
الثلاثاء .. 9.30 : 11.00 .. إدارة .. د/ محمد عنتر .. مدرج د

الخميس .. 3.30 : 5.00 .. إدارة .. د/محمد عنتر .. مدرج العيوطي
الخميس .. 5.00 : 6.30 .. محاسبة .. د/البشبيشي .. مدرج العيوطي
الخميس .. 6.30 : 8.00 .. رياضة .. د/ على الديب .. مدرج العيوطي

انا قولت احط الجدولين دول كعرض اولي .. للناس اللي هيا موجودة فعليا في الموضوع ..

هابقي انزلكوا باقي الجداول لو تحبوا ..

وهابقي اديكوا تعليقات ان شاء الله على الدكاترة اللي هايدوكوا دول واحد واحد ..

بس لاحقا ان شاء الله ..

u4me

05-09-2008, 05:17 AM

ايه ده يا فامباير هو ده الجدول بجد

ولا محرفه من عندك

ولو الجدول نزل

يا ريت تحط 2 (د)

LA STELLA

05-09-2008, 05:46 AM

طب ما انا عندى اقتراح احسن يا جماعة

ليه متعملوش موضوع جديد عشان الجدول دا ؟
هيكون احسن ومنظم
ومُفيد اكتر
وكمان عشان محدش يتوه

-------
استفسار بسيط بقى بالمرة:huh:
هو انتم بتجيبوا الجداول دى منين ؟؟؟؟:mellow:

wanda

05-09-2008, 05:05 PM

انا نزلتهم فى موضوع كامل :p

ومنظمين كمان

لو عايز تنزل ابقى نزل الباقى هناك

علشان انا نزلت اللى عندى :p

ahmedovich

05-09-2008, 08:35 PM