يا طالب الطب ... ما هو هدفك ونيتك .؟!! [الأرشيف] - بوابة الثانوية العامة المصرية

DR.Neuro

09-08-2008, 07:00 AM

(بسم الله الرحمن الرحيم)
والصلاة والسلام على رسول الله صلى الله عليه وسلم

قال رسول الله http://forum.shamsawy.net/style_emoticons/default/rasolna.gif ((( انما الاعمال بالنيات وانما لكل امرأ ما نوى فمن كانت هجرته الى الله ورسوله فهجرته الى الله و رسوله ومن كانت هجرته الى دنيا يصيبها او امرأة ينكحها فهجرته الى ما هاجر اليه) ))))
هذا هو خلاصة الموضوع
وبما ان طلب الطب يندرج تحت كلمة الأعمال لذا فان هذا الحديث مرتبط بنا اشد الارتباط لذا يجب أخذه في الاعتبار.

فلابد أن نحدد نيتنا أولا ..ثم نحدد أهدافنا ...

فيأتي السؤال الأول ....

إنت داخل الكلية دى ليه .. ؟!!!!

يلا مستنى إجابة كل واحد عشان نبتدى فى السؤال الثانى ...

المحب لرسول الله

09-08-2008, 10:11 AM

DR.Neuro

09-08-2008, 11:29 AM

السلام عليكم ورحمة الله وبركاته

بسم الله والصلاة والسلام على رسول الله وبعد

فباذن الله عز وجل

انا نويت الالتحاق بكلية الطب لعدة اسباب
اولا : وهو اسمى سبب لاحاول جاهدا ان اخدم بها الاسلام والمسلمين
في زمن تكالبت فيه شراذم الارض للقضاء على الاسلام والمسلمين

والله اسأل ان يوفقني ويثبتني على هذه النيه

ثانيا : مقولة الامام الشافعي
خير علوم الدين الفقه وخير علوم الدنيا الطب

وسبب اخير حتى يكون لي مصدر لرزق الله وحتى لا انهمك في هذا العراك الطاحن على اقتناص الوظائف
ولتكون وظيفة لي على اساس ان اتفرغ معها لعلم الدين

وددت ان لو اكون داعية اسلامي

سلااااااااااااااااااااااااااااااااااااااااام

ما شاء الله نموذج جيد جدا .... :)

يا ريت نشوف نماذج تانية عشان نخش فى المرحلة التانية من الموضوع ...

-----------------------------

طيب يا محمد انتا عارف ان خريج الطب بياخد حوالى 250 جنيه ...

عارف كدة كويس قبل ما تخش الكلية ...

طيب مش داخل مثلا عشان يتقالك يا دكتور أو كدة ....

أتمنى نوسع النقاش شوية لأن النية هى المحرك يا سادة ...

هى التى تجعلك مستعدا للبذل والعطاء ..

جُزيتَ خيرا ... :) منتظر باقى أطباء المستقبل

عمر علي أبوشادي

09-08-2008, 12:09 PM

Dr.mayson

09-08-2008, 07:34 PM

يا دكاترة احب اطمنكم ان ال250 جنيه اللى كانوا بيتاخدوا طاروا خلاص لان اخر دفعة هتاخد تكليف هى دفعة اولى طب السنة اللى فاتت اما احنا فاعتقد ان مش هيكون لينا شغل الحمد لله وكل واحد وشطارتوا بقى
اما بخصوص الهدف فانا كان نفسى ابقى حاجة كبيرة افيد دينى وامجتمعى واسرتى ونفسى اكيد وكان دايما مستر الفيزيا يقولنا اننا محتاجين نستخدم كل امكانياتنا البشرية علشان نقدر نقاوم تطورات العصر الحديث واسرائيل والعولمة والكلام ده وكنا كل ما نزهق من المذاكرة يقولنا تخيلوا ان فى واحد يهودية وبتدرس الكلام ده وهى دلوقتى بتذاكر وانتو لا يرضيكوا كده (محدش يضحك اوك انا بتكلم جد )

DR.Neuro

09-08-2008, 11:34 PM

أولا السلام عليكم يا أطباء المستقبل
الموضوع ده مهم جدا
أنا داخلت كلية الطب وليا هدف واحد بركز عليه وهو إني اعمل أبحاث علشان أنفع الإسلام وأثبت إن المسلمين أفضل الامم
وده طبعا بالإضافة إلي الحاجات الأساسية وهي أن تكون الوظيفة ....إلخ
وشكرا جدا علي الموضوع
وأنا متابع

جميل جدا ...

وكويس إنك قولت على الابحاث ;)

يا دكاترة احب اطمنكم ان ال250 جنيه اللى كانوا بيتاخدوا طاروا خلاص لان اخر دفعة هتاخد تكليف هى دفعة اولى طب السنة اللى فاتت اما احنا فاعتقد ان مش هيكون لينا شغل الحمد لله وكل واحد وشطارتوا بقى
اما بخصوص الهدف فانا كان نفسى ابقى حاجة كبيرة افيد دينى وامجتمعى واسرتى ونفسى اكيد وكان دايما مستر الفيزيا يقولنا اننا محتاجين نستخدم كل امكانياتنا البشرية علشان نقدر نقاوم تطورات العصر الحديث واسرائيل والعولمة والكلام ده وكنا كل ما نزهق من المذاكرة يقولنا تخيلوا ان فى واحد يهودية وبتدرس الكلام ده وهى دلوقتى بتذاكر وانتو لا يرضيكوا كده (محدش يضحك اوك انا بتكلم جد )

ربنا يكرم حضرتك ... كلام جميل أوى يا فندم ..

بس بجد كويس إن حد عارف إنه هيضحى التضحيات دى .. فى سبيل حاجة غالية بجد ...

رائع ..

منتظر المزيد يا سادة حتى نتحدث فى الموضوع الاهم

Dr.taz l0gic

09-08-2008, 11:40 PM

أولا وظيفة محترمة
وثاني أحسن العلوم
ثانية لمساعدة الفقراء الغير قادرين

DR.Neuro

10-08-2008, 01:22 AM

أولا وظيفة محترمة
وثاني أحسن العلوم
ثانية لمساعدة الفقراء الغير قادرين
متفق معاك إنها وظيفة محترمة جدا

بس فيه وظائف محترمة كتير ... زى الصيدلة الهندسة ...:)مليون وظيفة

بس كويس إنك نبهتنا "لمساعدة الفقراء"

جزاكم الله خيرا

---------------------------

ملحوظة ملهاش دعوة بحاجة : كلمة غير لا تقبل الألف واللام :D

Dr.Nobel

10-08-2008, 01:34 AM

ههههههههههههههههههههههههههههه
قلدونا بقي احنا عملنا الموضوع قبلك ياعم نيور بلازم

بس ابقي قول ياعم الحج انت دخلت الكلية ليه مش تسال الناس وانت متقولش

DR.Neuro

10-08-2008, 01:52 AM

أولا : .. الموضوع بتاع صيدلة معمول الساعة 09-08-2008, 12:01 Pm

موضوعى معمول 09-08-2008, 08:00 Am

وأنا مش بقلد حد ...

وطبعا لازم أدلو بدلوى فى الموضوع بس أسمع الناس عشان يبقى ختامها مسك :D

د/ ماجدولين

10-08-2008, 09:05 AM

DR.Neuro

10-08-2008, 09:38 AM

السلام عليكم

معلش ع التأخير
أنا دخلت الطب
عشان أنا مسلمة وبما أنى مسلمة فأنا لازم أكون متميزة
ف المجال اللى هدخلة عشان أكون صورة مشرفة لدينى
وعشان أبقى متميزة ف مجال ما
لازم أحب المجال دة............وهكذا كان الطب مصيرى:)

طيب يعنى عن إقتناع الحمد لله

دة غير كمان
أنى حاسة أن الطب بقى منظرة وحش قدام الناس
يعنى الطبيب بقى أنسان استغلالى
مش بيهمة غير جمع الفلوس
ولو ع حساب الناس الغلابة
حاسة أن ف بلدنا الغنى يتعالج والفقير يموت من غير ما حد يحس بية ولا يعبرة
أنا عاوزة صورة ملاك الرحمة ترجع تانى;)............وربنا يقدرنا
وان شاء الله ناوية بعد أما أتخرج وأخد خبرة ف المجال
أسافر فلسطين
وأساعد هناك ف انى ادوايهم
دة غير كمان أن الطب مهنة مناسبة للبنت بطبيعتة

فى رعاية الله

جميل جدا ...

بس برضك أحب أنبه حضرتك إن مش متفق مع حضرتك فى النقطة دى ..

الطب مهنة مناسبة للبنت بطبيعتة

الطب بطبيعته مرهق جدا جدا للبنت
..

لأنه بيتملك حياتها الخاصة وبيعمل مشاكل كتير جدا ..

بس دمان حضرتك دخلاه هن إقتناع يبقى إن شاء الله خير ..

وفعلا حتة أسافر فلسطين

فيها لافتة جميلة جدا .. قد ايه شعور حلو إنك تنقذ مريض ..

تخيل إنك بتنقذ مريض واحد من الموت كأنك أحيت 6 مليار ونص بنى آدم

مش مصدقنى .. طب صدق كلام ربنا ..
{وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً }المائدة32

شكرا على الاضافة .. منتظر الباقى ..

د/ ماجدولين

10-08-2008, 10:46 AM

بس برضك أحب أنبه حضرتك إن مش متفق مع حضرتك فى النقطة دى ..

الطب مهنة مناسبة للبنت بطبيعتة

الطب بطبيعته مرهق جدا جدا للبنت
..
الطب مرهق مش هقدر أنكر كدة:(
بس أحنا أساسا مش مخلوقين ف الدنيا عشان نرتاح
........تنعب ف الدنيا والراحة تكون ف الآخرة بأذن الله:)
قال تعالى(ولقد خلقنا الأنسان فى كبد)
بس ع قد ما هو مهنة مرهقة
ع قد ما هو مهنة ممتعة ولذيذة:D
لأنى بعتبر الطب دة أسمى رسالة ف الحياة;)
وكمان السيدة عائشة كانت من أعلم أهل زمانها ف الدين والطب والشعر أيضا:)
ما شاء الله عليها:rolleyes:
وأنا لما قولت انة مهنة مناسبة للبنت
كان قصدى أنة أفضل من مهن تانية لا تناسب طبيعة البنت:(
بحيث ان ظروف العمل تفرض عليها قيود قد تؤدى الى خسارة الدين لاقدر الله:confused:
أنما الطب مهنة ولا أروع وأفضل
وأنا كل البنات اللى حواليا بحاول أقنعهم بكدة
أهلى نفسهم مش اقتنعوا غير بطلوع الروح:(
بس أقول لحضرتك ع حاجة ونرفع حاجز الصمت عشان كل البنات اللى هيجوا بعدين
الطب بيأخر البنت ف الجواز..........والجواز قسمة و نصيب;)
الطب بيشغل البنت عن ولادها.............والولاد بردوا قسمة ونصيب;)
الصيدلة أفضل للبنت من حيث المستقبل العملى..............والشغل بردوا قسمة ونصيب;)
وطلام الحكاية قسمة ونصيب ف قسمة ونصيب
يبقى البنت تختار اللى بتحبة :)
وتسيب الباقى ع ربنا;)
لأنه بيتملك حياتها الخاصة وبيعمل مشاكل كتير جدا ..
طالما النية كويسة
يبقى بأذن الله ربنا هيسترها ومش هيسيبنا
وبعدين كل واحدة لازم هتستخدم عقلها ف انها توفق بين المسؤليات اللى عليها:D
بس دمان حضرتك دخلاه هن إقتناع يبقى إن شاء الله خير ..
بأذن الله
وآسفة ع الأطالة والمقاطعة:(
أنا بس حبيت أوضح الجزئية دى:)

DR.Neuro

10-08-2008, 11:29 AM

ما شاء الله

حضرتك تملكين عقلية متفتحة جدا .. نموذج فريد ينبغى أن نحتذى به ..

وهى فعلا إطالة تستحق الإطراء .....

حسنا أما من ملبٍ آخر ؟!!!

Dr.taz l0gic

10-08-2008, 02:59 PM

---------------------------

ملحوظة ملهاش دعوة بحاجة : كلمة غير لا تقبل الألف واللام :D

هي قالت لك يا انوس :p

Dr.taz l0gic

10-08-2008, 03:02 PM

ملحوووظة ملهاش دعوة بحاجة
-------------------------------------
أحييت دبل ياء مش ياء واحدة :d

Dr.taz l0gic

10-08-2008, 03:05 PM

طيب يا محمد انتا عارف ان خريج الطب بياخد حوالى 250 جنيه ...

ملحووووظة 2 ملهاش دعوة بحاجة هي كمان :
--------------------------------------------------
كلمة أنتَ لا يوجد بآخرها ألف مد :p

Dr.ahmed91

10-08-2008, 03:09 PM

وان شاء الله ناوية بعد أما أتخرج وأخد خبرة ف المجال
أسافر فلسطين
وأساعد هناك ف انى ادوايهم

تصفيق حاد

على فكرة ممنوع

بس ممكن اسرائيل

DR.Neuro

11-08-2008, 06:06 AM

ها يا أهل الطب ... نخش على الهدف اللى بعده ..!!!

DR.Neuro

11-08-2008, 06:09 AM

ملحووووظة 2 ملهاش دعوة بحاجة هي كمان :
--------------------------------------------------
كلمة أنتَ لا يوجد بآخرها ألف مد :p
يا دكتورنا أنا هنا أتكلم عن خطأ لغوى ... لا عن خطأ فى الكتابة من السرعة

جُزيتَ خيرا :)

JusT DreaM

11-08-2008, 10:20 AM

موضوع جميل جدا ويخلينا كلنا نستفيد من بعض
وبجد حضرتك ليك نشاط واضح في المجموعة الطبية جزاك الله عنه كل خير
انا هدفي الاكبر ان البنات المسلمات اللي مش بتحب تروح عند دكاترة رجاله تلاقي دكاترة نساء
لاني في بنات كتير مش بترضى تروح عند اي دكاتره لو ملقتش دكتورة ليها
وان شاء الله نفسي اجيب تقديرات كويسة واكون دكتورة في الكليه ان شاء الله
وعاوزة اشكر حضرتك على الموضوع الجميل ده
وعاوزة اشكر الدكتورة ماجدولين على كلامها الجمييييييل في موضوع الطب للبنات

DR.Neuro

11-08-2008, 10:47 AM

JusT DreaM

11-08-2008, 11:14 AM

freespirit

11-08-2008, 11:21 AM

جزاك الله كل خير دكتور على الموضوع وجزاكي الله كل خير دكتورة ماجدولين على ردك الجميل
اما بالنسبة لهدفي ونيتي في دخول الطب فالحمد لله انا باتمنى من زمان اكون دكتورة واعمل حاجة في مجال الطب تخدم الاسلام
كانت نيتي دايما مش اني ادخل الكلية دي علشان حد يقولي يا دكتورة ولا كانت نيتي اني ابقى طالبة عادية اجيب تقدير واتعين وخلاص
لا انا حسيت ان الاسلام عطاني كتير وانا ما رديتش اي حاجة ولقيت معظم العلماء دلوقتي للاسف مش مسلمين
اختارت الطب علشان اخدم الاسلام واثبت للعالم كله ان المسلمين فيهم ناس كتير كويسين وكان نفسي كلنا نبقى نيتنا كدة
لما الدنمارك سبت الرسول صلى الله عليه وسلم وحبينا نقاطعهم منعت تصدير الانسولين لينا تخيلوا الدنمارك بتصدر تلت الانسولين في العالم ساعتها اتمنيت ابقى طبيبة واعمل حاجات كتير تخلينا ما نحتاجش لاعداء الاسلام
لكن تمنيت ايضا اني اشتغل في دار ايتام واعالج الاطفال هناك

اما بالنسبة ان المهنة متعبة وبتخلي البنت تضحي كتير فأعتقد ان كل بنت مسلمة مستعدة تضحي باي حاجة في سبيل رفعة شأن الاسلام

اسفة على الاطالة وجزاكم الله خيرا على الموضوع

DR.Neuro

11-08-2008, 11:23 AM

لا انا بتكلم عن الطب بصفة عامة لان في مجالات كتير غير النسا والتوليد بتحتاج دكاترة نساء زي العظام والامراض الباطنة ودكاترة الاشعة كمان وكل المجالات تقريبا
يعني ان واحدة من البنات مش بحب اروح حتى عند دكتور اسنان
لكن بالنسبة لموضوع النسا والتوليد ده اخر مجال انا افكر اتحصص فيه لان معظم الدكاترة في المجال ده بنات
بس انا عاوزة اعرف الموضوع ليه خطير:d
اه نقطة حلو فعلا ... أحيي حضرتك على ذكرها فى ميزان حضرتك يا فندم إن شاء الله :)

بالنسبة لموضوع تخصص النسا والتوليد .. فالموضوع خطير نسبيا ..

من الملحوظ إن كثير من بنات الكلية لما بيدخلوها بيكون عندهم حلم كبير أوي يمكن بيكون هو الدافع في دخولهم الكلية من الأساس

طب النساء و التوليد

و طبعا ينتشر الكلام في الملتزمات بالذات اللي بيبقى حلمهم إنهم يستروا بنات المسلمين و يمنعوهم من التكشف أمام الرجال

طب النساء من أصعب و أقسى التخصصات في الطب كله

لماذا ؟؟؟

لعدة أسباب

التخصص لا يتوقف في الولادات أو متابعة الكل أو في الإفرازات الغريبة

الأمر أكبر من ذلك بكثير

عملياته كثيرة جدا

العمليات الكبيرة كثيرة أيضا و دقيقة

قسم النساء من أكثر التخصصات التي بها طوارئ بعد الجراحة

و تكاد طوارئ النساء و التوليد أكثر من بعض التخصصات مثل طوارئ العظام مثلا

ماذا يعني هذا الكلام بالنسبة للتخصص ؟؟؟

كلما زاد ارتباط التخصص بالطوارئ كلما زاد الضغط العصبي الواقع على الطبيب

و ذلك للأسف ينعكس سلبيا على أخلاقيات العاملين بالمجال فنجد أن هناك منافسة معروفة في سوء الخلق بين أطباء الجراحة و أطباء النساء و التوليد

لازم تكون قضية ستر نساء الأمة متملكاك بجد ( مش كلام و خلاص )

لابد أن تكون أعصابك حديدية ( بجد و الله علشان تستحملي الضغط النفسي )

لابد أن تتناسي أحلامك الأنثوية إلى بعد ثلاث سنوات من النيابة

( سنتين على الأقل و ممكن بعد كده تفكري تتجوزي )

و لازم جوز حضرتك يبقى متفهم حلمك و مقتنع بيه أكثر منك

...............

هو ممكن ماتعمليش الحاجات دي و تبقى دكتورة نساء و توليد برضه

و لكن للأسف مش هتكوني طبيبة شاطرة

والكلام دة مش كلامى والله دة كلام دكتور فى الامتياز ..

يعنى بيشوف بنفسه كل حاجة وعارف ...

جزاكم الله خيرا

DR.Neuro

11-08-2008, 11:30 AM

freespirit

11-08-2008, 12:39 PM

ان شاء الله هيتحول لافعال باذن الله وربنا يوفقنا جميعا لما يحب ويرضى
واكيد الولاد كلهم عندهم نفس النوايا باذن الله لكن النية في القلب

hoky70

11-08-2008, 12:43 PM

بالتوفيق لكم جميعا

DR.Neuro

11-08-2008, 04:15 PM

ان شاء الله هيتحول لافعال باذن الله وربنا يوفقنا جميعا لما يحب ويرضى
واكيد الولاد كلهم عندهم نفس النوايا باذن الله لكن النية في القلب
ما أنا مش شايفهم فى الموضوع خالص :D :mad::mad:

DR.Neuro

12-08-2008, 11:57 AM

لقد منَّ الله علينا بمهنة من أشرف المهن فى الوجود ...

طريق طويل وشائك ... قد تفتر النفس فيه , وتوجل منه ..

لكن إن شاء الله عِندى عزيمة قوية ..وروح وثابة .. ستغلبى _إن شاء الله _ على همومى

هدفى أن أكون طبيبا مسلما ... يعمل لدينه ..

وأنا على ثغر من ثغور الاسلام ..

ما أجمل أن تسمع المريض يدعو لك ... دعوة صالحة ..

سيتملكك شعور رائع .. وستزداد حبورا ..

دعك من الماديات السخيفة ... أنا ها هنا أتكلم عن جانب الروحانيات ..

فقد قال سبحانه وتعالى "ومن أحياها فكأنما أحيا الناس جميعا"

أتخيل عندما أنقذ مريضا .. كأنى أحييت ستة مليارات من البشر ...

أسأل الله العظيم أن يعيننى على آداء تلك الرسالة ... حتى تنقلب دراستى وعملى .. طاعة لله

وأختم قولى بقول الإمام الشافعى :

" لولا اشتغالي بالفقه وحاجة الناس لي فيه ، لاشتغلت بالطب "
-----------------------------------------------------

أنا هنا أكتب كلاماً من مطلق عواهنه ... أهداف رئيسية وخطوط عريضة فقط ..

نريد أن نعرف _بعد أن حددتم نيتكم_ هدفكم.. داخل الكلية وبعدها ..

مين نفسه يعمل معادلة مثلا ويسافر يشتغل فى ألمانيا .. مين عاوز بحث عن مرض السرطان أو الكبد ويكتشفلوا علاج..

ياريت أسمع منكم

وجزاكم الله خيرا

freespirit

12-08-2008, 01:46 PM

لقد منَّ الله علينا بمهنة من أشرف المهن فى الوجود ...

طريق طويل وشائك ... قد تفتر النفس فيه , وتوجل منه ..

لكن إن شاء الله عِندى عزيمة قوية ..وروح وثابة .. ستغلبى _إن شاء الله _ على همومى

هدفى أن أكون طبيبا مسلما ... يعمل لدينه ..

وأنا على ثغر من ثغور الاسلام ..

ما أجمل أن تسمع المريض يدعو لك ... دعوة صالحة ..

سيتملكك شعور رائع .. وستزداد حبورا ..

دعك من الماديات السخيفة ... أنا ها هنا أتكلم عن جانب الروحانيات ..

فقد قال سبحانه وتعالى "ومن أحياها فكأنما أحيا الناس جميعا"

أتخيل عندما أنقذ مريضا .. كأنى أحييت ستة مليارات من البشر ...

أسأل الله العظيم أن يعيننى على آداء تلك الرسالة ... حتى تنقلب دراستى وعملى .. طاعة لله

وأختم قولى بقول الإمام الشافعى :

" لولا اشتغالي بالفقه وحاجة الناس لي فيه ، لاشتغلت بالطب "
-----------------------------------------------------

ما شاء الله كلام رائع اعانك الله على تحقيقه ووفقك الله لما يحب ويرضى
وجزاك الله عليه كل خير وربنا يجعل نيتنا جميعا خالصة له سبحانه

أنا هنا أكتب كلاماً من مطلق عواهنه ... أهداف رئيسية وخطوط عريضة فقط ..

نريد أن نعرف _بعد أن حددتم نيتكم_ هدفكم.. داخل الكلية وبعدها ..

مين نفسه يعمل معادلة مثلا ويسافر يشتغل فى ألمانيا .. مين عاوز بحث عن مرض السرطان أو الكبد ويكتشفلوا علاج..

ياريت أسمع منكم

وجزاكم الله خيرا

اذا اراد الله ووفقني فنفسي اكتشف علاج للسرطان لكن موضوع الشهادة المعادلة دي او العمل في بلد اجنبية دي مش في تفكيري حاليا لكن ربما تسفر الايام عن شئ جديد

وجزانا الله واياكم خير الجزاء

DR.Neuro

12-08-2008, 03:00 PM

جزاكم الله خيرا على الاضافة ..

طب والنظام فى الكلية نفسها .!!!!

Dr. akram

12-08-2008, 03:22 PM

ههههههههههههههههههههههههههههه
قلدونا بقي احنا عملنا الموضوع قبلك ياعم نيور بلازم

بس ابقي قول ياعم الحج انت دخلت الكلية ليه مش تسال الناس وانت متقولش

أولا : .. الموضوع بتاع صيدلة معمول الساعة 09-08-2008, 12:01 Pm

موضوعى معمول 09-08-2008, 08:00 Am

وأنا مش بقلد حد ...

وطبعا لازم أدلو بدلوى فى الموضوع بس أسمع الناس عشان يبقى ختامها مسك :D

التقليد للافادة ليس فيه اى عيب ما دام ليس فيه ضرر لاحد بل فيه نفع و فتح ساحة الحوار للادلاء و الكشف عن نية كل واحد قبل دخوله الكليه..

Dr. akram

12-08-2008, 03:25 PM

أولا وظيفة محترمة
وثاني أحسن العلوم
ثانية لمساعدة الفقراء الغير قادرين

جميعالعلوم التى فيها خدمة للبشرية و لا تغضب الله تعالى تعتبر من احسن العلوم اذا شخصت للمريض و عرفت مرضه و حددت علاجه و ليس هناك صيدلى يبيع له الدواء او خريج علوم يصنع له الدواء لم يفيد تشخيصك فى شئ..

أرجو ان تنتقى الردود حتى لا تغضب احدا منك..

DR.Neuro

12-08-2008, 03:34 PM

ممكن يا دكتور أكرم منغيرش مسار الموضوع أرجوك :)

لو عاوز تعمل ردود جانبية يا ريت تبقى فى رسايل خاصة .. وشكرا

Dr.ahmed91

12-08-2008, 03:53 PM

ممكن يا دكتور أكرم منغيرش مسار الموضوع أرجوك :)

لو عاوز تعمل ردود جانبية يا ريت تبقى فى رسايل خاصة .. وشكرا

لأ يغير زي ماهو عااااااايز

احنا متعودين في الموقع ان المشرف يعمل اللي هو عايزه لغاية مايمشي او يمشوه

ايهما اقرب

:D:D:D:D

د/ ماجدولين

12-08-2008, 07:16 PM

لقد منَّ الله علينا بمهنة من أشرف المهن فى الوجود ...
والله حضرتك عندك كل الحق:)
فعلا الطب من أسمى وأشرف المهن:rolleyes:
وربنا أختارنا دونا عن غيرنا لنحمل هذة الرسالة والمسؤلية;)
ياريت كلنا نستشعر المعنى دة.......بارك الله فيك
مين نفسه يعمل معادلة مثلا ويسافر يشتغل فى ألمانيا .. مين عاوز بحث عن مرض السرطان أو الكبد ويكتشفلوا علاج..
أنا بأذن الله بعد التخرج ربنا يكرمنى وأعمل معادلة وأعمل دراساتى العليا ف أمريكا لأن ليا قرايبى هناك فهما هيساعدونى
أما ألمانيا فالموضوع تقريبا مستحيل لأنى هكون لوحدى:(:confused:
ولما أوصل لحد معين من الخبرة
هرجع هنا تانى وأكمل مشوارى هنا عشان نرقى بمستوى الطب;)
أما بالنسبة لموضوع الأبحاث
مش أعتقد أنى ممكن أعمل كدة
وأنا الصراحة عمرى ما فكرت فية:(
كل تفكيرى أنى أخفف آلام المرضى وبس
فى رعاية الله

DR.Neuro

12-08-2008, 10:23 PM

أنا فعلا نفسى أما أخلص أسافر ألمانيا ...

لوحدى مش لوحدى مش هتفرق :D

المهم إنى أتعلم أكتر.. وخبرتى فى الطب تزداد أكتر وأكتر ... (دة كان إعلان ايه دة)

ونفسى أتخصص حاجة زى جراحة القلب .. وأبقى زى الدكتور مجدى يعقوب مثلا ..ليه لأ ..

هو أحسن منى فى إيه .. ؟!!! :cool:

-----------------------
وبارك الله فيك أخيتى على ردودك الرائعة التى أتمنى أن يرد بمشابها هؤلاء الاوغاد ..أقصد الاولاد :D

.. فينكوا يا رجالتنا ؟؟!!!!!

Dr.ahmed91

01-10-2008, 02:51 PM

لازم كلنا فعلا نحدد نيتنا

وهي خدمة الاسلام وشأنه

والعمل على راحة المرضى وشفائهم

mogym

02-10-2008, 03:10 AM

جزاك الله خير على هذا السؤال
على العموم انا تقريبا عندى نفس النوايا
اعمل حاجة لديني ولبلدى ولناسى
اساعد طبعا المحتاجين
يعنى نفسى اشتغل فى حاجة خيرية
صراحة نفسىفى حاجات كتير
المهم
بالنسبة للسفر
ممكن لو جاتلى فرصة
على فكرة انا نفسى فى جراجة او اورام
ربنا يوفقنا جميعا
سؤال للدكاترة الرجالة
تقبلوا تتجوزوا دكتورة عندها طموح وتشتغل وتسافر والنظام ده
ولا تفضلوا انها متشتغلش