عبرنا القناة ورفعنا العلم ـــ
بعد ما عشنا فــ حسرة وألم
بعد ما كنا خلاص بنموت ـــ
بعد ما كات بسمتنا سكوت
عايشين دنيتنا ومالناش صوت ـــ
واحنا اسيــــــــاد كل الامم
واحنا اسيــــــــاد كل الامم
رجعت لينا الفرحة وعادت ـــ
تانى البسمة بعد ما ماتت
كل آمـــالنــا
هنعمر تانى وهنعِيــــد ــــ
وهنفرح ونعيش بالعيد
كل ايـامنــــا
وهنفضل يا شهيد فاكرينك ـــــ
رمز العزة فـ سطور دينك
نحكيك ديما لعيالنا
انك مت شهيد علشانا ــــــ
انك حى اكيد فـ الجنه
حاسس بينا وباللى جرلنا
والخير من بعدك بيزيد
الف تحيـــــــــة ليك منّينا ـــــ
مـ اللحظه دي لحدين مينا
كل ما نرفع ليك الايد
نرجع تانى نعيد ونزيد
حب واخلاص ليك يا شهيد
حب واخلاص ليك يا شهيد.

رائع ما خط قلمك ودق نبضك وما فاض به شعرك ، فبوركت أناملك ولا أفرغ الله لك محبرة ولا قصف لك قلما

وتقبل الله منك صالح الأعمال

تحاياي

رائع أستاذ طه
سيمفونية إبداعية وطنية
فى انتظار نبض قلمك دائما

اشكر حضراتكم جميعا