مشاهدة النسخة كاملة : قوانين المشرفين || يصنعها العضو مع المشرف
عبقرينومان 09-08-2008, 09:50 PM السلام عليكم
سيدي المشرف قبل أن تكون مشرف كنت عضو بالموقع وكنت تكره بعض المواقف يصنعها المشرفين وتكره أن يتسلط عليك المشرفين وتكره الكثير من أفعال المشرفين
والآن سيدي المشرف بعد أن أصبحت مشرف هل تحب أن تكون متسلط أم تفعل ما كنت تكره من المشرفين
ــــــــــــــــــــــــــــــــــ
فمن منطلق اجتماع الفيوم كان في مناقشات الاجتماع وضع قوانين للمشرفين جديدة تحكم العلاقة بين العضو والمشرف وتحكم العلاقة بين المشرف والإداري
فلهذا قمت اليوم بوضع وثيقة توضح العلاقة بين العضو والمشرف وبين المشرف والاداري بالموقع
البند الأول : أن نصالح جميعا مشرفين وأعضاء واداريين ومديرين انفسنا ونصالح بعضنا البعض لان هدفنا واحد وهو العمل من أجل الله وليس من أجل المال ومن أجل أن يتنفع الأخرون
البند الثاني : أن يقوم الآن الأعضاء الباقين على الموقع بطرح كل المشاكل التي تقابلهم من المشرف لكي يتجنبها المشرفين وستكون كل النقاط التي يراها الجميع مبدأ العلاقة بين العضو والمشرف بمعنى ان كنت سيدي العضو تكره ان يفعل مع المشرف كذا وكذا فقل ما تكره وقل ما تحب وتكلم بكل صراحة عن الاساليب التي لا تحب أنت تراها في أخيك المشرف لأن المشرف رجل يقوم بعمل لوجه الله من تنظيم المواضيع بالمنتدي لكي لا تبحث كثير وتتعب اخي العضو
البند الثالث : يقوم المشرف بوضع المشاكل الكثيرة التي يراها من الأعضاء لكي تضمن في قوانين المنتدى العامة
وبعد ذلك من طرح المشرف والعضو كل ما لديه من سلبيات وايجابيات سنقوم بوضع قوانين في ضوء ما طرح تلزم المشرف بها وتلزم العضو بها
فلنبدأ من الآن ومن القلب بطرح ما لدينا بكل حب
دودو دلوعة اليكس 09-08-2008, 09:55 PM الله ينور يا عبقرينو الموضوع دة تمام وياريت الكل يدخل يشوفه عشان نشارك فيه كلنا
Ringer 09-08-2008, 10:37 PM كان نفسي في الموضوع ده من زمااان بجد
يا ريت تعملوا قانون
ممنوع الانفعال
عشان لغاية دلوقتي
2 من الادارة شدوا معايا
و الاتنين سوء تفاهم
ده حتي لو كان العضو مخطئ أصلا
المفروض بدام من الادارة يبقي يطول باله عليه شوية و يكون له سعة صدر
أنا كنت في يوم من الايام مشرف عام علي منتدي كبير و كنت كل يوم بشوف حاجات تخنق من حد
و في ناس بتوصل أنهم يشتموا المنتدي
بس عمري ما اتنرفزت علي حد و كنت بحل الموضوع بهدوء
فياريت تتصرفوا في الموضوع ده
the black rose 09-08-2008, 10:59 PM فعلا موضوع جميل
و انا كنت مستنياه
و انا اعلن من كان له حق عندى فليقل
فانى ساتقبل اى شئ
ان مشرفة جديدة و معرضة للخطأ
و لكنى و الله اريد مصلحة الموقع
و اى حد ليه تعليق عليا يقوله عشان اصلحه
Sherif Elkhodary 09-08-2008, 11:10 PM موضوع رائع استاذ اشرف
و بالتوفيق دائما
و معا يدا بيد لرقي المنتدي
واكيد طبعا كلنا كنت مستنين ده
haderya 10-08-2008, 10:07 AM وعليكم السلام ورحمة الله وبركاته
موضوع جاء في وقته لأعبر عنه عن بعض ما بداخلي
فشكراً لك أستاذ عبقرينومان (أشرف السيد) وبارك الله فيكم
أولاً : أستاء كثيراً عندما أجد أحد المشرفين قد كتب في رد من ردوده
" هذا تحذير " "هذه آخر مرة" ...وما شابه ذلك
لماذا التحذير علناً للعضو المخالف
والأدهى والأمر إن لم يكن مخالفاً
الصلاحيات موجودة والنصح مطلوب والتحذير والتهديد لا يكون علناً أبداً
برجاء مراعاة مشاعر من يقرأ ... فهذا الأسلوب مستفز
ثانياً : التهكم والسخرية غير مطلوبة من الأعضاء
ولكنها أشد أثراً من المشرفين
فالابتعاد عن التهكم بحجة أنه ينتقد أمر ما في الموضوع شئ مهم جداً
ثالثاً : إذا استاء عضو من مشرف نجده يكتب شكوى بقسم حلول ومقترحات
فهو لا يجد مكاناً آخر
وأستاء إذا قرأت شكوى لمشرف من آخر علناً أمام الأعضاء مدعين ذلك أنه من الديمقراطية
شكوى المشرفين تكون بعيداً عنا في حجرة الناظر
وللموضوع بقية
والسلام عليكم ورحمة الله وبركاته
عبقرينومان 10-08-2008, 04:31 PM آراء كويسة وفي انتظار المزيد
_GUIDE_ 10-08-2008, 05:36 PM فمن منطلق اجتماع الفيوم كان في مناقشات الاجتماع وضع قوانين للمشرفين جديدة تحكم العلاقة بين العضو والمشرف وتحكم العلاقة بين المشرف والإداري
اتفاقنا على حاجات كتير اوى فى الفيوم
ياريت حضرتك تكون لسه متزكرها
Cray_Bird91 10-08-2008, 05:48 PM بجد موضوع جميل
كان فين من زماان
شكرا يا استاذ اشرف ويارب فعلا الكلام ده يتنفذ:rolleyes:
عبقرينومان 10-08-2008, 05:53 PM اتفاقنا على حاجات كتير اوى فى الفيوم
ياريت حضرتك تكون لسه متزكرها
كله مكتوب على الكمبيوتر وكله بوقته
KHALOOOD 10-08-2008, 06:09 PM السلام عليكم
فى ملاحيظ روفيعه احب اضيفها فى الموضوع دا
اولا الموضوع اللى يتقفل مش يتفتح تانى
يا القفل النهائى يا يفتح الله
ثانيا ودا الاهم بالنسبالى ولكتير من الاعضاء
ان اكيد من حق العضو يعرف موضوعه اتقفل او اتحذف ليه
ومحدش يقول دا اللى بيحصل
بدليل بليز دونت ريبلاى وبالانجليزى عشان انا عارف الثقافه واخده حقها اليومين دول
plz dont reply
اصلى بصراحه كدا اتعمل معايا موقف مش ناسيه يعنى
لانه اعتقد ان عدم تقدير
فى موضوع ليا اتحذف من استاذى واستاذ الجميع استاذ عصام
وبعتله اكتر من رساله ومش رد عليا
مش عارف ليه
ما علينا حاولت التمس العذر ان الرساله الاولى مش وصلت
بس اكيد التانيه والتالته وصلت
فبصراحه انا اعتبرت دا عدم تقدير ليا مع انى مش صغير
وكم من تلميذ غلب استاذه
محدش يفهم العباره دى غلط
عشان سوء الفهم والنيه بقى ماشى فى البلد اليومين دول
وبجد الموضوع جميل يا استاذ اشرف
وان شاء الله هيخلى حال المنتدى افضل ان شاء الله
اختم بسؤال لاسلام معلش
هو انت رجعت الاشرفا الادارى تانى ؟
مجرد سؤال يا مان
عبقرينومان 10-08-2008, 11:31 PM فين بقية الاعضاء
فين الردود والافعال
في انتظار المزيد لوضع القوانين
كركركوكو 10-08-2008, 11:48 PM السلام عليكم
عايزين نعرف علي اي اساس يتم ايقاف العضو
وحذف الاشراف عن المشرف
،،،،،،،،،،،،
قانون ان يتعمل موضوع بأسم العضو وبخطأه ويتم مناقشة خطأه وأعطائه الفرصه للدفاع عن نفسه بدلا من اللجوء لعمل عضوية اخري
وشكلها مش بيكون ظريف
ومش الاداره وحدها اللي تحدد بل الجميع فكلنا اداره
،،،،،،،،،،،،،،،،،،،،،
غلق المواضيع
الموضوع اللي يتم غلقه
بالله عليكم دمنا بيتحرق لما نلاقي سيادة مشرف اداري شرفنا برده في الموضوع وهو اللي اغلقه
ومشرف تاني رد وهكذا واحنا بنتفرج عليهم
ياريت قانون بأن الموضوع اللي يتغلق شكرا علي كده ممنوع الرد
ولو حد رد يبقي للكل وليس لفئة معينه
لان مفيش حد احسن من حد
مهما كانت صفتها حتي ولو ميدر المنتدي
،،،،،،،،،،،،،،،،،،،،،،،،،،،،،،،،،،،،،،،،،،،،،
قانون في الركن الرياضي
يمنع التعصب وعدم الاستهزاء بالانديه واللاعبين
وحصل مشاكل كتيره
وياريت اللي يعمل مشكلها من هذا النوع نشوف قرار بإقافه كما يتم تحديده
،،،،،،،،،،،،،،،،،،،،،،،،،،
قانون لجرس الفسحه
لك موضوع يومي
واربع مشاركات يوميه
وشكرا علي كده
______________________
قانون محاسبة السادة مديري الموقع
1- في حالة ان اي مدير من الساده المديرين الافاضل يتقدموا بوعد للاعضاء
ولا يتم التنفيذ
فيعاقب مثله مثل باقية الاعضاء
قولنا محدش احسن من حد
،،،،،،،،،،،،،،،،،،،،،
وموضوع محاسبة مدير الموقع انا عامله عشان مسابقة شهر رمضان الكريم
وياما بناخد وعود
ونأمل دائما في التنفيذ
وما زالت الافكار مستمره
جزاكم الله خيرا
Sharp Nails 10-08-2008, 11:58 PM هايل بجد كدة اغير فكرتى واقول هقعد
كدة ابتدينا نشتغل بجد
ربنا يوفقكوا يارب
المجاهد فى سبيل الله 11-08-2008, 12:10 PM السلام عليكم
صدقنى يا اشرف وانا اكتر واحد عرفك وعارف مواضيعك الى تشد والاخر تطلع فتشه
زى كل مره
والكلام ده يا جماعه من خبره فى المنتدى ده لان اشرف ولله وانا بحلف بالله واعتقد ان اكتركم عارف ان عمرى ما حلفت بالله فى شئ انا مش متاكد منه
ولله يا اشرف لو الكلام النته كاتبه ده بافلوس ولله مكنت انت كاتبه
يا اشرف انت خلاص كرهت فيك الناس كلها
وخلاص محدش بيثق فيك ولا فى كلامك
وانا اولهم بس انا مش مستغرب لانى فاقد الثقه فيك من زمان اوى
اتكلم اتكلم صدقنى محدش بيسمعك ولا انت حتسمع حد غير اشرف السيد الفيوم
dr.saeed 11-08-2008, 12:43 PM وخلاص محدش بيثق فيك ولا فى كلامك
وانا اولهم بس انا مش مستغرب لانى فاقد الثقه فيك من زمان اوى
عادى يا احمد
المواضيع دى مالية المنتدى
بشوفها انا والله بقالى 8 شهور
وعموما حتى بعد اجتماع الفيوم
شوف ايه الى حصل فى حجرة الناظر
وايه الاستقاللات الى حصلت
وكأن شيئا لم يكن
الكل مذبذب
بس عن نفسى خلاص عرفت سكتى
الى هيا مش مفروض تكون هنا خالص
فى امان الله
كركركوكو 11-08-2008, 08:26 PM فين بقية الاعضاء
فين الردود والافعال
في انتظار المزيد لوضع القوانين
في اربع اعضاء وضعوا مشاركات بعدما كتبت انت هذه المشاركه
اين المتابعه يا سيد عبقرينوا
مش شايف اهتمام بالموضوع يعني
the black rose 11-08-2008, 10:38 PM قانون لجرس الفسحه
لك موضوع يومي
واربع مشاركات يوميه
وشكرا علي كده
بالنسبة للموضوع اليومى انا معاك
بس المشاركات صعب اوى
مش همشى ورا كل واحد اشوفه كتب كام مشاركة
مش هينفع يعنى
عبقرينومان 11-08-2008, 10:52 PM يا ريت نخلينا في وضع قوانين للمشرفين فقط
وليس وضع قوانين تحكم كتابة المواضيع او نشاط الاقسام
لان بعد كدا هنعمل قوانين من خلال هذا المنطلق ومن هذا الموضوع علشان مفيش عضو هيزعل
Dr. akram 13-08-2008, 11:10 AM لو حذفت مشاركة غير لائقة او غير مناسبة للموضوع صاحبها يزعل منى
لو عدلت مشاركة فيها كلمة غلط او اى حاجة صاحبها يزعل منى
و كمــــــــــان اتهدد بانهم هيبلغوا الادارة
_GUIDE_ 13-08-2008, 12:13 PM لو حذفت مشاركة غير لائقة او غير مناسبة للموضوع صاحبها يزعل منى
لو عدلت مشاركة فيها كلمة غلط او اى حاجة صاحبها يزعل منى
و كمــــــــــان اتهدد بانهم هيبلغوا الادارة
ههههههههههه
مش هقولك اللى يزعل يزعل
بس عمتا مداتم انتا شغال صح
متخفش من حاجة
ومدام معاك حق اللى عايز يبلغ الادارة يتفضل
مدام انتا مش غلطان وبتصرف صح
اشتغل وسيب اللى يتكلم يتكلم
لان طبيعى انك لما هتحذف رد اكيد صاحب الرد مش هيعجبه
ان رده اتحذفه او موضوعه
Dr. akram 13-08-2008, 09:29 PM ههههههههههه
مش هقولك اللى يزعل يزعل
بس عمتا مداتم انتا شغال صح
متخفش من حاجة
ومدام معاك حق اللى عايز يبلغ الادارة يتفضل
مدام انتا مش غلطان وبتصرف صح
اشتغل وسيب اللى يتكلم يتكلم
لان طبيعى انك لما هتحذف رد اكيد صاحب الرد مش هيعجبه
ان رده اتحذفه او موضوعه
شكـــــــرا للرد يا استاذى و ربنا يكرمك طمنتنى لحسن انا كنت متضايق من كده
عبقرينومان 13-08-2008, 09:30 PM يا سادة يا أعضاء يوم 19 هنقفل الموضوع علشان مفيش عضو يبقي له حجة
علشان كدا الموضوع هيكون قعد 10 أيام كفاية قوي
MohammeD el_SadaT 14-08-2008, 01:03 AM ياترى يا أستاذ أشرف من حقنا نناقش المقترحات وكلام الأعضاء ولا لاء
KHALOOOD 14-08-2008, 02:36 AM ياترى يا أستاذ أشرف من حقنا نناقش المقترحات وكلام الأعضاء ولا لاء
انا دخلت اكتر من عشر مرات عشان الاقى تعليق على كلامى ولا حد عبرنى:)
Hatem.HSK 14-08-2008, 02:35 PM فعلا موضوع جميل
و انا كنت مستنياه
و انا اعلن من كان له حق عندى فليقل
فانى ساتقبل اى شئ
ان مشرفة جديدة و معرضة للخطأ
و لكنى و الله اريد مصلحة الموقع
و اى حد ليه تعليق عليا يقوله عشان اصلحه
بصي يا شيرين .. في حاجة بتضايقني قوي في اللي بتعمليه ..
بتيجي على آآآآآآآخر صفحة في جرس الفسحة و تقومي تردي على عشر مواضيع مرة واحدة و تقولي "ثااااااااااانكس" !!! طب انتي كدة بوظتي المواضيع الجديدة و خليتيها ورا في الصفحة التانية على الرغم انه ممكن يكون في مواضيع جديدة احلى من القديم وبتواكب الزمن دلوقتي ..
الخلاصة .. مش عشان تبقي نشيطة يا شرين تيجي مقلبة المواضيع كلها و تحطيها في الاول .. انا مقدر ان ده متعب اصلا بالنسبالك مش حاجة لذيذة يعني .. بس مش كل حاجة الواحد بيتعب فيها بتكون مفيدة اوي زي ماهو متخيل .. وكمان نقطة .. لما تحبي تقلبي مش لازم تجيبي المواضيع اللي ف آخر صفحة و بس .. انا بلاحظ ان كل المواضيع القديمة - اللي اول مابشوفها بقول اكيد شيرين هي اللي اكيد نشطتها - تاريخها لا يتعدى 2006 .. طب ليه 2006 بس ماعندك 2007 و 2008 مليانين .. قصدي انك ياريت تبصي عالمواضيع اللي ف صفحة 30 او 40 او 50 مش لازم 90 و بس .. شكلك بتستسهلي و بدوسي على "الصفحة الأخيرة" و بتريحي دماغك :D:D
مالآخر .. ياريت ماترديش على اكتر من موضوعين قدام في اليوم الواحد وتردي على المواضيع اللي في المنتصف .. يعني في صفحة 30 او40 او او او ...
طبعا من غير زعل .. وانت اللي قولتي " و انا اعلن من كان له حق عندى فليقل فانى ساتقبل اى شئ " .. زمانك بتقولي دلوقتي " انا اللي جبت ده كله لنفسي .. كان مالنا ومال وجع الدماغ ده " :p:p
تحياتي ..
والسلام عليكم ورحمة الله ...
HSK
the black rose 14-08-2008, 02:49 PM بصي يا شيرين .. في حاجة بتضايقني قوي في اللي بتعمليه ..
بتيجي على آآآآآآآخر صفحة في جرس الفسحة و تقومي تردي على عشر مواضيع مرة واحدة و تقولي "ثااااااااااانكس" !!! طب انتي كدة بوظتي المواضيع الجديدة و خليتيها ورا في الصفحة التانية على الرغم انه ممكن يكون في مواضيع جديدة احلى من القديم وبتواكب الزمن دلوقتي ..
الخلاصة .. مش عشان تبقي نشيطة يا شرين تيجي مقلبة المواضيع كلها و تحطيها في الاول .. انا مقدر ان ده متعب اصلا بالنسبالك مش حاجة لذيذة يعني .. بس مش كل حاجة الواحد بيتعب فيها بتكون مفيدة اوي زي ماهو متخيل .. وكمان نقطة .. لما تحبي تقلبي مش لازم تجيبي المواضيع اللي ف آخر صفحة و بس .. انا بلاحظ ان كل المواضيع القديمة - اللي اول مابشوفها بقول اكيد شيرين هي اللي اكيد نشطتها - تاريخها لا يتعدى 2006 .. طب ليه 2006 بس ماعندك 2007 و 2008 مليانين .. قصدي انك ياريت تبصي عالمواضيع اللي ف صفحة 30 او 40 او 50 مش لازم 90 و بس .. شكلك بتستسهلي و بدوسي على "الصفحة الأخيرة" و بتريحي دماغك :D:D
مالآخر .. ياريت ماترديش على اكتر من موضوعين قدام في اليوم الواحد وتردي على المواضيع اللي في المنتصف .. يعني في صفحة 30 او40 او او او ...
طبعا من غير زعل .. وانت اللي قولتي " و انا اعلن من كان له حق عندى فليقل فانى ساتقبل اى شئ " .. زمانك بتقولي دلوقتي " انا اللي جبت ده كله لنفسي .. كان مالنا ومال وجع الدماغ ده " :p:p
تحياتي ..
والسلام عليكم ورحمة الله ...
HSK
لا والله مش بقول انا اللى جبت ده كله لنفسى ولا حاجة
عاتى انا مش زعلانة انا فرحانة بصراحتك :D
عالعموم هشوف رايك
عشان انا لما بشوف المواضيع القديمة بكتشف ان فى مواضيع جديدة
متكررة و مكناش نعرف
فبنشط القديم و احذف المتكرر من الجديد
و ياريت كل اللى يدخل يقول رايه فى الموضوع ده
haderya 14-08-2008, 03:00 PM المواضيع المثبتة بالأقسام
والمواضيع التي تطلب التفاعل من الأعضاء
نرجو متابعتها
مثلا المواضيع
عاوز تغير معرف الدخول
عايز تغير اسم الدخول هنا بسرعة - موضوع مثبت
http://www.thanwya.com/vb/showthread.php?t=25762&page=35
أعضاء طلبوا التغيير من فترة ولكن لم يستجاب لطلبهم
أخبرنا عن مخالفة - مثبت
http://www.thanwya.com/vb/showthread.php?t=44034&page=71
هناك روابط مدرجة ولم يتم التجاوب معها
و اخيرا حانت ساعة الصفر .. -- Zero Hour -- مثبت
http://www.thanwya.com/vb/showthread.php?t=60575
ولا جديد بعد التسجيل فيه
الحاصلين على الرخصة الدولية
http://www.thanwya.com/vb/showthread.php?t=57571
الأعضاء الحاصلون عليها سجلوا أسمائهم وبعد تسجيلهم بدأوا يستفسرون عن المطلوب منهم
اقتراح ونداء للسادة المشرفين والادرايين
http://www.thanwya.com/vb/showthread.php?t=63700
ولم يمر على الموضوع إي مشرف أو إداري
وشكراً
عبقرينومان 16-08-2008, 11:16 PM طبعا هيكون في مناقشة بس نستفيد من آراء الآعضاء في الأول
haderya 18-08-2008, 04:37 PM نتمنى وضع أسباب لغلق مواضيع المنتدى
أسباب واضحة ومحددة - قابلة للتغيير والتعديل من الإدارة الكريمة
ولكنها واضحة للمشرف والعضو على حد السواء
وفقكم الله ... ،
haderya 18-08-2008, 05:11 PM طلب وليس قانون
أرجو أن ينتقي المشرف ألفاظه وأسلوبه في التحاور
لأنه واجهة المنتدى
فلا يمكن أن نرى كلمات تهكمية من مشرف إداري قال فيها بالنص
لو النظام ده ممكن يشتغل عندنا فى المنتدى
ويكون مضبوط على
(كوز المحبة اتخرم)
او
(الحب ولع فى الدرة )
انا موافق
انا عندى اقتراح يالا نطلع القمر
لا انا مش موافق
انا بئا موافق
طيب هنجيب اجرة الميكروباص منين
ياعم ده القمر مش الهرم مكروباص ايه بس
أرجو التحاور بأسلوب أفضل خصوصاً بالمواضيع الحوارية التي يطلب صاحبها التحاور والرأي الآخر.
Eng.AhmeDSheTos 19-08-2008, 06:05 AM يوجد دورة icdl يا شباب مفيدة جدا فى ماضيعى الاخيرة ينصح بالدخول للمراسلة للمراسلة mr_ahmedshetos@hotmail.com
FEARALLA 21-08-2008, 07:39 PM نا الاستاذ محمد ممكن اشترك معاكم واكون من مدرسين الموقع واضيف خبراتى لكم
FEARALLA 21-08-2008, 07:42 PM ارجوووووووووووووووووووو الرد من الاستاذ عبقرينومان
the black rose 25-08-2008, 03:57 PM حضرتك طبعا ممكن تشترك
بس الاول فين مواضيع حضرتك
حضرتك تميز فى مدتك و ده على اساسه هتكون مدرس بالموقع
عبقرينومان 26-08-2008, 09:35 PM السلام عليكم
تم اغلاق الموضوع لوضع القوانين التي ستحكم العلاقة بين المشرف والعضو بأذن الله
|