- يا خبر ألوان!
جبتي منين الكلام ده يا حجة؟

** من البرامج اللي بشوفها في التليفزيون.. أصلي لازم أسمع الشبهات دي عشان أفهم!

** من أصحابي.. أصل عندهم شبهات وأنا بحاول أرد عليها.

** أصلي يا بنتي بقيت بدخل منتديات وجروبات الفيس عشان أناظر الملحدين والنصارى - وكدة يعني عشان أنصر الإسلام وكدهون بقة أنتِ عارفة.
يا حجة..

- ينفع واحد عنده أنيميا يتبرع بالدم؟

- لا.

- ينفع واحد مش بيعرف يعوم ينط في النيل عشان ينقذ صاحبه وبعدين يصرخ وميلاقيش حد ينقذه لا هو ولا صاحبه ويموتوا سوا؟

- لا.

- برضه مينفعش حد يتصدّر للمناظرة ولا يعرّض نفسه للشبهات إلا لمّا يكون عنده علم!

والعلم يا حجة بيتاخد بالتدريج، عشان ميجلجيش زغطة تخلص عليكِ وتجيب أجلكِ.

محدش مسؤول وقتها عن ضلالكِ يا حجة... أنتِ اللي مسؤولة.


سارة بنت محمد حسن (http://ar.islamway.net/scholar/2391/%D8%B3%D8%A7%D8%B1%D8%A9-%D8%A8%D9%86%D8%AA-%D9%85%D8%AD%D9%85%D8%AF-%D8%AD%D8%B3%D9%86)

- اسسسكتي يا بنتي.
- خييييييييير يا حجة؟!
- مش طلع الحجاب (http://ar.islamway.net/search?domain=default&query=%22%D8%A7%D9%84%D8%AD%D8%AC%D8%A7%D8%A8%22) مش فرض...!
- لا والله...!
- آه.. أصلنا لازم نراجع الموروث ونعيد تقييمه مش كل حاجة أهالينا علموهالنا تبقى صح!
- شوفي يا حجة أنتِ بقة..

بقالنا 1400 سنة اللي تمشي بحجاب تبقى مسلمة، اللي من غير حجاب ممكن تبقى "مسلمة عاصية" وممكن تبقى تبع أي ملة تانية! الغرب كله عارف أن المسلمات بيلبسوت حجاب، ده مش مجرد فرض يا حجة.. ده شعيرة من شعائر الإسلام... اللي بتعمله بيتعرف أنها مسلمة.. زي ما الراهبة بلبسها وصليبها بتتعرف أنها مسيحية مش بوذية ولا مسلمة!
بالعربي:
الحجاب معلوم من الدين بالضرورة...!
نظام جبت الديب من ديله وطلعت بافتكاسة جديدة لا علماء المسلمين ولا عوام المسلمين على مدار 14 قرن عرفوها معناه حاجة واحدة:

إنهم يتبعون دينًا جديدًا... بس ده مش دين محمد صلى الله عليه وسلم.

- طلع الانتحار كبيرة مش كفر يا بنتي... يعني عااااادي معصية من اللي بنعملها كل يوم دي...!
- لا يا حاجة بجد صحيح...!
على كدة أنتِ متعودة بقة يا حاجة على الكبائر وكدة يعني كل يوم سرقة وزنا وكدة يعني؟ ومؤخرًا يعني متعودة كل يوم تنتحري وكدة يعني؟
- لا يا بتي مش القصد..
- وأما هو مش القصد أيه اللي يخليكِ تكتبي كلام يتفهم كدة؟!

قال النبي (http://ar.islamway.net/search?domain=default&query=%22%D8%A7%D9%84%D9%86%D8%A8%D9%8A%22) صلى الله عليه وسلم: «وإنَّ العبدَ ليتكلَّمُ بالكلمةِ من سخطِ اللهِ، لا يُلقي لها بالًا، يهوي بها في جهنَّمَ» (صحيح البخاري (http://ar.islamway.net/search?domain=default&query=%22%D8%A7%D9%84%D8%A8%D8%AE%D8%A7%D8%B1%D9%8 A%22)).

فتاوى (http://ar.islamway.net/search?domain=default&query=%22%D9%81%D8%AA%D8%A7%D9%88%D9%89%22) وخبط في الكلام وتهوين من الكبائر وعلى الصعيد الثاني شهادات بتتوزّع بالجنة والنار...!

قال النبي صلى الله عليه وسلم: «وهل يُكب الناس في النار (http://ar.islamway.net/search?domain=default&query=%22%D8%A7%D9%84%D9%86%D8%A7%D8%B1%22) على وجوههم -أو على مناخرهم- إلا حصائد ألسنتهم» (صحيح الترمذي).

* حكم الانتحار: أنه من أكبر الكبائر وليس فقط كبيرة؛ بل هو من السبع الموبقات - كما في حديث البخاري ذكر من الموبقات: «..*** النفس (http://ar.islamway.net/search?domain=default&query=%22%D8%A7%D9%84%D9%86%D9%81%D8%B3%22) التي حرّم الله».
أما الكلام على المعينين فله وضعٌ آخر، ومن مات مسلمًا أمسك لسانك عنه إلا بدعوةٍ صالحة.

- شفتي يا بنتي أل أيه.. بيحتفلوا بالهالويين!
- طب مانتِ بتحتفلي بعيد الميلاد يا حاجة!
- ..................!!!!!

استخرجي 3 فروق بين استنكاركِ للهالوين وبين عدم استنكارك لعيد الميلاد؟

مش هتلاقي فروق فقهية صحيحة.

هي بس الصدمة الأولى من الوافد الجديد على معرفتكِ بأحاديث التشبه، وأنه لسه مفيش فتاوى (http://ar.islamway.net/search?domain=default&query=%22%D9%81%D8%AA%D8%A7%D9%88%D9%89%22) خزعبلية تُقِرّ الكلام الفارغ ده.

كل ده رشق في قلبٍ فيه من الإيمان (http://ar.islamway.net/search?domain=default&query=%22%D8%A7%D9%84%D8%A5%D9%8A%D9%85%D8%A7%D9%8 6%22) ما يدفع هذا الوافد فرفضه.

أما عيد الميلاد.. فطال علينا الأمد فقست قلوبنا وضعفت وخارت قِوانا عن استنكاره بنفس الأدلة اللي بنستنكر بيها الهالويين...!
فأُشرِبت حُبه! خصوصًا مع المجتمع وكدة.. وأن فيه فتاوى.. والناس.. والعيال.. ونفرح.. وحركات!

الحمد لله بعض الضرر والمرارة يستفيق بها صاحبها من سُمٍ يجري في عروقه مجرى الدم..

أفيقوا يرحمكم الله!

كل الشبه بتاعت الاحتفال بالعيد ميلاد -براس السنة-... إلخ.

أحب أقول للأخوات:
كل ردودكم على موضوع الهالويين هو نفس الردود على موضوع العيد ميلاد وراس السنة وخلافه، لا عيد ميلاد ولا هالويين ولا عيد حب ولا غيره..

رددي دومًا: مُعتزَّةٌ بهويتي وإسلامي.

- شفتي يا بنتي البتاع اللي أنا لابساه ده؟
- أيه يا حجة؟!
- ده سوار بقة.. الطاقة بيظبط المزاج وكدة.
- يعني أيه يا حجة دي حاجة علمية يعني؟
- بيقولوا..
- بيقولوا أيه؟!
- بيقولوا بيخرج الطاقة السلبية من الجسم فبيبقى صحي وكدة..
- آه.. يعني مين اخترعه؟ عالِم فيزياء؟ عليه تجارب علمية؟!
- لا مش كدة بالظبط يعني..
- والطاقة السلبية دي بتتقاس؟ لها تجارب علمية؟!
- لا مش بالظبط يعني برضه..
- شوفي يا حجة:
اتخاذ سبب غير حسي (يعني مش علمي ولا تجريبي) ولا شرعي - فهو شرك أو ذريعة للشرك.

يا حجة مفيش فرق بين السوار ده وبين التمائم والمعلّقات، قال النبي (http://ar.islamway.net/search?domain=default&query=%22%D8%A7%D9%84%D9%86%D8%A8%D9%8A%22) صلى الله عليه وسلم: «من تعلّق شيئًا وُكِّل إليه» (رواه الترمذي).
وقال: «من علّق تميمة فقد أشرك» (رواه أحمد، وصحّحه الألباني (http://ar.islamway.net/search?domain=default&query=%22%D8%A7%D9%84%D8%A3%D9%84%D8%A8%D8%A7%D9%8 6%D9%8A%22) في السلسلة الصحيحة).
وقال: «إن الرُقى والتمائم والتولة شرك» (رواه أحمد، وأبو داود، من حديث ابن مسعود رضي الله عنه).

اللي عاوزة تفهم ليه الطاقة الكونية دي مش عِلم تجريبي ولا شيء مشروع - تقرأ المقالة دي: (حقيقة علم الطاقة الباطني (http://ar.islamway.net/article/22555/%D8%AD%D9%82%D9%8A%D9%82%D8%A9-%D8%B9%D9%84%D9%85-%D8%A7%D9%84%D8%B7%D8%A7%D9%82%D8%A9-%D8%A7%D9%84%D8%A8%D8%A7%D8%B7%D9%86%D9%8A)؛ لـ د. فوز الكردي).

- يااااه يا بنتي أنا عرفت ناس كثير بس...

أنتِ أحلى منتقبة شفتها مش زي الأخوات الغلاظ الوحشيين اللي بيزعقوا فيا.
أنتِ أحسن معلمة قرآن.. أصلكِ صابرة عليا مش زي المعلمات إياه اللي كرهوني في القرآن.
أنتِ داعية تحفة أسلوبكِ جميل مش زي المنفرين اللي بيقولوا الكلام دَب.
أنتِ متواضعة أوي مش زي الأخوات المتكبرين.

يا حجة: لا تمدحي أختكِ بذم الآخرين!

فهذا يُفسِدها ويُفسِد قلبها، ويغري بينها وبين أخواتها المسلمات جميعًا العدواة والبغضاء!

اللي أسلوبه حلو مش دايمًا حلو على طول، واللي أسلوبه وحش مش دايمًا وحش على طول.

وأي حد عنده خطأ.. سواءً منتقبة أو بخمارٍ أو بحجاب - كلنا كمسلمين مطالبين بإعانته على الخير، وعدم عون الشيطان (http://ar.islamway.net/search?domain=default&query=%22%D8%A7%D9%84%D8%B4%D9%8A%D8%B7%D8%A7%D9%8 6%22) عليه. مش مطالبين ب***ه وجلده وطرده من رحمة ربنا!

- ياااااه يا بنتي.. الحدود دي وحشية حاجة صعبة أوي...! يقطعوا إيد واحد عشان سرق؟ ليييييييييه يعني؟!
- حجة؟ يا حجة...!
- نعم يا بنتي؟
- لما تكونــ(ـي) طفحانــ(ـة) الدم طول الشهر وراجعــ(ـة) وأنت لسة قابضــ(ـة) المُرتّب، وعيالك وراهم طلبات أد كدة وأنتِ في أمسّ الحاجة لكل قرش مش جنية، وبعدين ينشل فلوسكِ واحد حرامي.. بالله عليكِ لو مسكتيه هتعملي أيه؟!
- هقطع رقبته ورقبة أبوه وأمه واللي يدافع عنه.
- ربنا رحيم.. أمر بقطع يده فقط.. عشان ميعملهاش تاني وعشان غيره يرتدع.
قال بعض الأدباء: "هؤلاء الفلاسفة الذين يتكلّمون عن أن العالم وهمٌ وأن الألم وهمٌ سيكفُّون عن تَفلسُفِهم عند أول لسعةٍ من طرف سيجار مُشتعِل بين أصابعهم "اهـ (بتصرّفٍ يسير).
** التنظير والفلسفة حلوة مفيش كلام.. بس لما متوصلش لينا..
الحدود رحمة..
هل تعلم أن الحدود مُكفِّرة لذنب الفاعل؟
لِمَا ثبت في الصحيحين عن عبادة بن الصامت رضي الله عنه قال: "كُنَّا مع رسول الله صلى الله عليه وسلم في مجلسٍ، فقال: «تبايعوني على أن لا تُشرِكوا بالله شيئًا، ولا تزنوا، ولا تسرِقوا، ولا ت***وا النفس (http://ar.islamway.net/search?domain=default&query=%22%D8%A7%D9%84%D9%86%D9%81%D8%B3%22) التي حرّم الله إلا بالحق، فمن وفّى منكم فأجره على الله، ومن أصاب شيئًا من ذلك فعوقب به، فهو كفّارةٌ له، ومن أصاب شيئًا من ذلك فستره الله، فأمره إلى الله إن شاء عفا عنه، وإن شاء عذبه» (مُتفقٌ عليه).
هل تعلم أن الحد رادع للمجتمع عن فعل الفواحش؟
والحدود على خلاف الفكر الهلامي عند أكثرنا هي على بعض الأفعال التي تضر بالمجتمع ضررًا بالِغًا؛ بحيث يدرك العاقل أن الحدود تمنع شرٌ ومفاسد أكبر بكثيرٍ من إقامة الحدود.
هل تعلم أن الحدود لها شروط في تطبيقها وليست سبهللًا.. وأنها تقام في إطارٍ من الرحمة؟!
ففي حديث رجم الغامدية أَمَرَ بِهَا نبي الله صلى الله عليه وسلم فَشُكَّتْ عَلَيْهَا ثِيَابُهَا، ثُمَّ أَمَرَ بِهَا فَرُجِمَتْ ثُمَّ صَلَّى عَلَيْهَا فَقَالَ لَهُ: عُمَرُ تُصَلِّى عَلَيْهَا يَا نبي اللَّهِ وَقَدْ زَنَتْ؟! فَقَالَ: «لَقَدْ تَابَتْ تَوْبَةً لَوْ قُسِمَتْ بَيْنَ سَبْعِينَ مِنْ أَهْلِ الْمَدِينَةِ لَوَسِعَتْهُمْ، وَهَلْ وَجَدْتَ تَوْبَةً أَفْضَلَ مِنْ أَنْ جَادَتْ بِنَفْسِهَا لِلهِ تَعَالَى» (رواه مسلم).

كثير من الستات تقولكِ بلسان الحال أو المقال مثل هذه الأقوال وأكثر!

- يا بنتي معنديش مشكلة أن زوجي يمشي مع ستات بس ميتزوجش عليَّا!

- يا بنتي معنديش مشكلة أن زوجي يكون مش بيصلِّي طالما بيقولي كلام حُب وبيجيبلي اللي أنا عاوزاه!

- يا بنتي خلعت الحجاب (http://ar.islamway.net/search?domain=default&query=%22%D8%A7%D9%84%D8%AD%D8%AC%D8%A7%D8%A8%22) عشان أرضيه.. بس برضه بيبص برّه!

- يا بنتي النمص أنا فِضلت أدوّر لحد ما جبت فتوى بأنه حلال! عشان أرضي زوجي بس برضه مش بعجبه وطول النهار بيقول عليَّا وحشة!

- يا بنتي مقدرش مقعدش مع أصحابه أما يزرونا بيزعل مني مقدرش أقوله لا هيبقى نكد!

- ياااه.. نفسي يقولي كلمة حلوة، نفسي يحبني بجد! ده طول النهار بيشتكي وبيعترض وبيهزاني وبيذلني وبيقولي فاشلة!

يا حجة: مرة من نفسكِ كوني مع الله بصدقٍ في ترك المعصية وعمل الطاعة، ولو غضب زوجكِ اصمدي وقولي قولًا حسنًا... وقلبه بيد الرحمن.
مرة من نفسكِ استعيني بالله على قلب زوجكِ وعقله ولسانه في ركعتين.. بدل الغيبة (http://ar.islamway.net/search?domain=default&query=%22%D8%A7%D9%84%D8%BA%D9%8A%D8%A8%D8%A9%22) والنميمة والشكوى منه ليل نهار وقعدات الحريم وتخبيب الستات على أزواجهم والتّ والعجن اللي لا بيودي ولا بيجيب..!
مرة من نفسكِ استعيني بالله على مشقة البيت والأولاد والزوج بدل الندب واللطم.
أصلِح ما بينك وبين الله يُصلِح ما بينك وبين الناس.
حتى لو لم يُصلِح ما بينكما ابتلاءً هل تشكري أو ...؟
أجركِ محفوظ... بلاش تضيعي دنيا وآخرة.

- أنتِ مزهقتيش يا بنتي من كل شوية تقولي لا أُضيف الرجال.. وبرضه يضيفوكِ؟!
- زهقت يا حجة!
- وهتعملي أيه يا بنتي؟
- مش هقول تاني لا أُضيف الرجال يا حجة ولا هكتب بوست عن الموضوع تاني يا حجة... وهحذفهم من سكات وأعمل نفسي مش مستغربة ولا شيء.
اللي نتعلِّمه من الحوار ده أيه؟
اعمل في صمت، وبطّل كثر كلام الدغ، ومتقولش أنك تعبان.. ابتسم ببراءة واعمل اللي أنت عاوزه.
بس هو يعني.. أنا لما كنت بكتب بوستات مش بضيف الرجال كان عشان تتحمسوا متضيفوش الرجال.

موحشتكوش؟!
- يا بنتي الراجل غاندي ده كان راجل قوي وزي الفل "الله يرحمه"...!
يا حجة قوليلي..
- نعم يا بنتي.
- تعرفي أبا ثعلبة الخشني؟!
- لا.
هو أنتِ يا حجة كدة مش عارفة غير غاندي؟! ومش فخورة غير بغاندي... إنما حتى اسم الصحابي مش عارفاه؟!
أعمل فيكِ أيه يا حجة؟!
طبعًا ده غير أنه مينفعش تقول عليه الله يرحمه...!

- هو يا بنتي البخاري (http://ar.islamway.net/search?domain=default&query=%22%D8%A7%D9%84%D8%A8%D8%AE%D8%A7%D8%B1%D9%8 A%22) ده أنتو لسة بتستشهدوا بيه؟ مش طلع عنده أحاديث ضعيفة؟!
- أنتِ تعرفي اسم البخاري يا حجة؟!
- لا... باين اسمه محمد؟
- تعرفي اسم صحيح البخاري (http://ar.islamway.net/search?domain=default&query=%22%D8%B5%D8%AD%D9%8A%D8%AD%20%D8%A7%D9%84%D 8%A8%D8%AE%D8%A7%D8%B1%D9%8A%22) يا حجة؟!
- لا يا بنتي اسمه صحيح البخاري باين.
- تعرفي ليه سمُّوه أمير المؤمنين في الحديث يا حجة؟!
- لا يا بنتي... هو كان خليفة ولا أيه؟!
- طب شوفي مكان طرواة كدة تقعدي فيه يا حجة الله يكرمكِ ومتتكلميش تاني عن البخاري!

مما قد لا يعرفه البعض عن البخاري وصحيحه:
صحيح البخاري اللي هو كل اللي فيه أحاديث صحيحة مش هو الكتاب الوحيد اللي ألَّفه البخاري؛ لا فيه كمان الأدب المفرد، خلق أفعال العباد... وغير ذلك.
بس اللي اشترط فيه البخاري أنه يكون كله صحيح: (الجامع الصحيح المُسند المختصر من حديث رسول الله صلى الله عليه وسلم وسننه وأيامه) وهو الشهير بـ (صحيح البخاري).
(وكونه مختصر يعني معنى كدة فيه أحاديث صحيحة مش في الكتاب ده.. ليه؟ لأنه مختصر).
شغّل مخك:
فيه كتاب صحيح كل اللي فيه صحيح تلقته الأمة كلها بالقبول، وفيه كتب للبخاري نفسه لا هو قال أن كل اللي فيها صحيح، ولا حد قال أن كل اللي فيها صحيح.
اشمعنى ده كله اللي قال عليه كله صحيح؟ والعلماء اقرّوا له بالفضل والسبق والمزية؟
أكيد اتعمل فيه شغل معين..

ده غير أن شراح الكتاب ده أصلًا تعبوا جدًا عشان يفهموا ويشرحوا عناوين الأبواب بس. وطريقة اختيار البخاري للأسانيد لدرجة أن ابن حجر -شارح الصحيح- اللي هو المفروض مختصر في مجلداااااااات.

يبقى أما يجي حد يطعن لك في صحيح البخاري أو في حديث منه؛ إعرف أنه مش فاهم حاجة أصلًا...!
وغالِبًا ميعرفش أن البخاري له كتب تانية مش مُشترِط فيها الصحة، وأنها بتحتاج تحقيق وأنه هو نفسه ممكن يحكم على حديث فيها أنه ضعيف.
فالموضوع مش خيار وفقوس وشغل عيال...! ده عِلم وشروط ومنهج يُعتبَر فخر الأمة الإسلامية اسمها علوم الأسانيد واصطلاحات المُحدِّثين.
وكل كتاب اتعمل من العلماء (http://ar.islamway.net/search?domain=default&query=%22%D8%A7%D9%84%D8%B9%D9%84%D9%85%D8%A7%D8%A 1%22) المُحدِّثين القدامى حتى لو فيه نقد على صحيح البخاري كان بيوصل لنفس النتيجة: أن كل ما فيه صحيح!
مش هتلاقي حد يطعن في البخاري غير الشيعة (http://ar.islamway.net/search?domain=default&query=%22%D8%A7%D9%84%D8%B4%D9%8A%D8%B9%D8%A9%22) وبعض طوائف الصوفية (http://ar.islamway.net/search?domain=default&query=%22%D8%A7%D9%84%D8%B5%D9%88%D9%81%D9%8A%D8%A 9%22) وأمثالهم من أهل البدع (http://ar.islamway.net/search?domain=default&query=%22%D8%A7%D9%84%D8%A8%D8%AF%D8%B9%22) والمستشرقين طبعًا وحاليًا العلمانيين منضمين لحزب الحرب على صحيح البخاري.
ولكن حَفِظ الله السنة بالبخاري وأمثاله لأن في حِفظها حِفظٌ للقرآن.

البخاري لقبه أمير المؤمنين في الحديث شَهِد له العلماء بالسبق والتفرُّد، وقال الإمام مسلم عنه: "دعني أُقبِّل قدميك يا أستاذ الأساتيذ وطبيب الحديث في عِلله".
فالرجل كان درة من درر الدهر في عِلم الحديث، لمّا نلاقي أنه بدأ يطلب عِلم الحديث وهو ابن 11 سنة.. وبعد قليل بعد ما بدأ يطلب الحديث إلا وبدأ هو يعدل على أساتذته ويردهم بذاكرته وكان لا يكتب الحديث ويحفظ المجلس بغير كتابة.
اللي زي ده لمّا نقرأ أو نسمع عن مستواه نعرف أنه هو أهل أنه يراجع ورا الناس ولا يراجع الناس خلفه، ولمّا نسمع بقة كيف صنَّف كتابه مش ممكن نسأل هل صحيح البخاري صحيح؟ ومع ذلك زي ما قلت لكِ يا حاجة الأمة عنايتها بالصحيح فوق الوصف.

11 سنة دي اللي الواد بيلعب فيها في زماننا في الشارع وميعرفش مين هو البخاري! ويكبر يبقى عنده 30 سنة وميعرفش مين البخاري! ويقعد يحط رجل على رجل في أي تليفزيون ساقط يتكلِّم فيه بكلام أي كلام عن البخاري!

من هو الإمام البخاري؟!
1- البخاري اسمه: محمد بن إسماعيل بن إبراهيم بن المغيرة بن بردزبة البخاري (اختصارًا يمكن أن يقال هو: محمد بن إسماعيل البخاري).
كنيته: أبو عبد الله.

2- اسم كتابه الصحيح: (الجامع الصحيح المُسند المختصر من حديث رسول الله صلى الله عليه وسلم وسننه وأيامه).

3- لماذا سُمِّي بأمير المؤمنين في الحديث؟ لأن هذا الرجل كان نابغة فذ لم يرَ أحد مثله في الحفظ والاتقان.
ومن أشهر الحوادث المعروفة عنه:

قصة الإمام البخاري مع مُحدِّثي بغداد مشهورة، ومذكورة في الكتب التي تُرجِمَت له، وخلاصتها:
لمّا قَدِم البخاري بغداد أراد علماء الحديث فيها أن يمتحنوا حفظه، فأخذوا مئة حديث فقلبوا متونها وأسانيدها، جعلوا هذا المتن لذلك السند، وذلك السند لهذا المتن، وأعطوها لعشرة أشخاص، لكل شخص عشرة أحاديث.
وفي موعد الاجتماع قام رجل فأخذ يسأله عن حديث تلو الآخر من الأحاديث المقلوبة، والبخاري يقول: لا أعرفه، لا أعرفه، وهكذا حتى انتهى العشرة. فلما عَلِمَ أنهم قد فرغوا التفت إلى الأول فقال: أما حديثك الأول فقلت كذا وصوابه كذا، وحديثك الثاني قلت: كذا وصوابه كذا، وكذا فعل بالأحاديث المئة على الترتيب، يذكر الحديث المقلوب كما سأل عنه صاحبه ثم يقول الصواب! فأقرَّ الناس له بالحفظ وأذعنوا له بالفضل.
قال الحافظ ابن حجر: "ليس العجب من ردّه الخطأ إلى الصواب؛ فإنه كان حافظًا، بل العجب من حفظه للخطأ على ترتيب ما ألقوه عليه من مرةٍ واحدة!".
ده كدة كلام مجمل.. وعشان تفهم تفاصيل محتاج تاخد شوية مصطلح حديث.
فمفيش داع تتكلِّم على حاجة مدرستش منها شيء!